သံအမတ်တစ်ယောက်ရဲ့ဘဝခရီး (၂၀၂၅)

IMDb - 7.5/10
Genre - Thriller, Drama

မျိုးဆက်ပေါင်းများစွာ အာဃာတတွေထားပြီး အမြဲအင်အားချင်းပြိုင်နေတဲ့ နိုင်ငံနှစ်နိုင်ငံကြားက သံအမတ်တစ်ယောက်ရဲ့ဘဝကို ပုံဖော်ထားတာဖြစ်ပြီး ပါကစ္စတန် ကို ဖျားယောင်းခေါ်ဆောင်သွားခံရတဲ့ အိန္ဒိယ နိုင်ငံသူလေးကို အိန္ဒိယ ကို ပြန်ခေါ်ဆောင်ဖို့ ကြိုးပမ်းခဲ့တဲ့ အိန္ဒိယ သံအမတ်ရဲ့ ဖြစ်ရပ်မှန် ဇာတ်လမ်းလေးကို အခြေခံထားတာဖြစ်ပါတယ်။ အိန္ဒိယ နဲ့ ပါကစ္စတန် လို့ ပြောလိုက်ရင် နိုင်ငံချင်းကပ်ရပ်ဖြစ်နေပေမဲ့ ၃ နဲ့ ၄ လိုမျက်နှာချင်းမဆိုင်ကြတာ အားလုံးအသိပါပဲ။ ဒီတော့ ပါကစ္စတန် နိုင်ငံထဲက အိန္ဒိယ သံရုံးက သံအမတ်တစ်ယောက်အတွက်တော့ အရာရာဟာ ကြိုးတန်းပေါ်လမ်းလျှောက်နေရတဲ့ဘဝပါ။ ဒီလိုနဲ့ တစ်နေ့ သံရုံးထဲကို အုဇ်မာ ဆိုတဲ့အမျိုးသမီးတစ်ယောက် ရုတ်တရက် ပြေးဝင်လာပြီး ကူညီဖို့ ငိုယိုအကူအညီ တောင်းခံပါတော့တယ်။ ပါကစ္စတန် မှာ ဒါမျိုးတွေ ကြုံနေကြအပြင် စာရွက်စာတမ်းနဲ့တူတာ အိန္ဒိယ ပတ်စပို့ပဲ ရှိနေပါသတဲ့။ ဖြစ်နိုင်ခြေနည်းတဲ့ သူ့ရဲ့ ထွက်ဆိုချက်တွေကြောင့် သူ့ကို ဘယ်သူမှ မယုံကြပေမဲ့ စစ်ဆေးကြည့်တဲ့အခါ ဖျားယောင်းခံရ၊ လိမ်ညာလက်ထပ်ခံရ၊ လိင်အကြမ်းဖက်ခံရတဲ့ သနားစရာ မိန်းကလေးမှန်း သိသွားတဲ့နောက် သံအမတ်ကြီး ဂျေပီဆင်းဂ် က သူ့ကိုကူညီဖို့ ဆုံးဖြတ်လိုက်ချိန်မှာတော့။ နိုင်ငံနှစ်နိုင်ငံကြား သံတမန်ရေးရာကိစ္စတွေ၊ ပဋိပက္ခတွေနဲ့ သူ့ရဲ့ ကိုယ်ရေးကိုယ်တာဘဝ၊ မိသားစုရေးရာတွေကြား အုဇ်မာ ကို သူဘယ်လိုကယ်ထုတ်မလဲ။

t.me/indiamovies02/8

ခေတ်သစ်ဆီသို့ (၂၀၂၀)

IMDb - 5.7/10
Genre - Action

“ဧကရာဇ်အသစ်” လို့ အဓိပ္ပာယ်ရတဲ့ ထူးခြားတဲ့နာမည်တစ်ခုကို ပိုင်ဆိုင်ထားတဲ့ ရှင်းဟွမ်ဂျယ် ဟာ အထက်တန်းကျောင်းကတန်းက တစ်ချက်ထိုးလိုက်ရုံနဲ့ တစ်ဖက်က လဲသွားလောက်တဲ့ထိ တိုက်ရည်ခိုက်ရည်ကောင်းလွန်းပါတယ်။ ဘွဲ့ရပြီးတဲ့နောက်မှာတော့ ဘာအလုပ်မှ ရေရေရာရာမရှိဘဲ လေလွင့်နေတဲ့ ဟွမ်ဂျယ်ကို သူ့ရဲ့ သူငယ်ချင်းဟောင်းဖြစ်တဲ့ ထယ်ဟွာက အလုပ်တစ်ခုနဲ့ မိတ်ဆက်ပေးပါတယ်။ သူငယ်ချင်း မိတ်ဆက်ပေးတဲ့အလုပ်ကြောင့် ဟွမ်ဂျယ်တစ်ယောက် အမှောင်လောကထဲကို စတင် ဝင်ရောက်သွားပြီးတဲ့နောက်မှာ သူ့ရဲ့ သူဌေး မျက်စိကျနေတဲ့ မီရန် ဆိုတဲ့ ကောင်မလေးနဲ့ ချစ်မိသွားခဲ့ကြပြီး ရှင်းဟွမ်ဂျယ်တစ်ယောက် ဘယ်လိုအခက်အခဲတွေကို ကြုံတွေ့သွားရမလဲ။ သူချစ်ရတဲ့သူကိုရော အဆုံးထိ ကာကွယ်သွားနိုင်ပါ့မလားဆိုတာကို။ ကြမ်းတမ်းတဲ့လူတွေကြားထဲက နူးညံ့တဲ့အချစ်တစ်ခု ခက်ခဲစွာ ပေါက်ဖွားလာပုံကို ရင်ခုန်စိတ်လှုပ်ရှားဖွယ် ကြည့်ရှုရမဲ့ အက်ရှင်ကားကောင်းဖြစ်တာကြောင့် ကြည့်ရှုကြည့်ကြပါဦးနော်။

t.me/gwmmupl/4523

မင်းနဲ့အတူရှိပါရစေ (၂၀၂၅)

IMDb - 6.5/10
Genre - Drama

လူစီယာ ဟာ ကုသလို့မရနိုင်တဲ့ရောဂါတစ်မျိုးကိုခံစားနေရသူဖြစ်ပြီး ပစ္စည်းခိုးမှုကြောင့် မက္ကစီကိုကို ပြန်လွှတ်ခံရပြီး ဖုန်းဖြေကြားရေးမှာ အလုပ်ဝင်လုပ်ရတဲ့ကောင်လေး ဘရူနို နဲ့ ဖုန်းပြောမိကြပြီး ရင်းနီးခဲ့ကြပါတယ်။ နေစရာမရှိ ပတ်ဝတ်ဝန်းကျင်အသစ်မှာ လမ်းပျောက်နေခဲ့တဲ့ ဘရူနို ကို လူစီယာ က မျှော်လင့်ချက်ပေးသလိုမျိုး လူ့ဘဝကို အရှုံးပေးချင်နေတဲ့ လူစီယာ ကိုလည်း ဘရူနို က အားပေးနိုင်ခဲ့ပါတယ်။ ပေါ့ပေါ့ပါးပါးနဲ့ မက္ကစီကိုရဲ့ မြို့ပြပုံရိပ်တွေနဲ့တူ လူငယ်လေးနှစ်ယောက်အကြောင်းကို စိတ်ဝင်တစား ကြည့်ရှုရမယ့် ဇာတ်လမ်းကောင်းလေးတစ်ခုပါပဲ။

t.me/dramaworld001/5888

မိုးသောက်ယံ စစ်သူရဲကောင်းများ (၂၀၁၇)

IMDb - 6.4/10
Genre - Action, War

ဂျပန်တွေရဲ့ကျူးကျော်မှုကို ကြုံလာရတဲ့အခါ ဂျိုဆွန်းပြည်ရဲ့မင်းကြီးဟာ ပြည်သူတွေကိုမကာကွယ်ဘဲ တရုတ်ပြည်ကို ထွက်ပြေးတိမ်းရှောင်သွားပါတယ်။ အဲဒီမှာ ဂွမ်ဟယ် ဆိုတဲ့ အသက် ၁၈ နှစ်ပဲရှိသေးတဲ့ အိမ်ရှေ့စံမင်းသားက အကုနတာဝန်ယူဖို့ဖြစ်လာပါတော့တယ်။ ဒါပေမဲ့ စစ်တပ်အင်အားနဲ့ လက်နက်တွေက မလုံလောက်တဲ့အခြေအနေမှာရှိနေတာကြောင့် အခက်အခဲတွေကြုံလာတဲ့အချိန်မှာ သူ့ဘက်က ကူညီပေးဖို့ ထိုအူဆိုတဲ့အစားထိုးတပ်သားခေါင်းဆောင်ကို အကူအညီတောင်းခဲ့ပါတယ်။ အစားထိုးတပ်သားဆိုတာ တပ်သားအစစ်မဟုတ်ဘဲ တပ်သားမလုံလောက်တဲ့အချိန်မှာစစ်အင်အားဖြည့်ဖို့ အသုံးပြုခံရတာပါ။ အိမ်ရှေ့စံမင်းသား ဂွမ်ဟယ် က ထိုအူနဲ့ သူ့လူတွေရဲ့အကူအညီကိုယူပြီး ဂျပန်တွေရဲ့ရန်ကိုရှောင်ရှားနိုင်ပါ့မလား။

t.me/msubmovie0/2889

နယူးယောက်မှ လွတ်မြောက်ခြင်း (၁၉၈၁)

IMDb - 7.1/10
Genre - Action, Thriller

နယူးယောက် မြို့ကြီးဟာ အမေရိကန်တစ်နိုင်ငံလုံးရဲ့အကျဉ်းထောင်အဖြစ်သတ်မှတ်ခံလိုက်ရပြီး မန်ဟက်တန် ကျွန်းကြီးပတ်ချာလည် တံတိုင်းတွေခတ်လိုက်ပါတယ်။ အထဲမှာလည်း ရာဇဝတ်သားတွေအပြည့်နဲ့ ရဲတွေကတော့တံတိုင်းအပြင်ကသာစောင့်ကြပါတယ်။ ထိန်းမယ့်သူမရှိတော့အထဲမှာက ရာဇဝတ်သားတွေဟာ သူတလူငါတမင်းအုပ်ချုပ်နေကြပြီး ရမ်းကားလို့ကောင်းပြီးရင်းကောင်းနေတာပါ။ ဖြစ်ချင်တော့တစ်နေ့မှာ သမ္မတကြီးလေယာဉ်ဟာ မျိုးချစ်ဝါဒီအစွန်းရောက်တွေရဲ့ ပြန်ပေးဆွဲခြင်းခံရပြီး နယူးယောက် မြို့ထဲကိုပျက်ကျစေခဲ့ကာ သမ္မတကြီးကိုထောင်ထဲရောက်စေခဲ့ပါတယ်။သမ္မတကြီးကိုကယ်ဆယ်ဖို့ကလည်း လူအင်အားသုံးလို့မရတာကြောင့်အကျဉ်းကျဖို့ရောက်လာတဲ့ စနိတ် ကိုပဲအပေးယူသဘောနဲ့ခိုင်းစေရပါတော့တယ်။ စနိတ် ထွက်ပြေးမှာကိုသိနေလို့ လည်ပင်းထဲမှာပါ မိုင်းအသေးစားလေးလိုတပ်ဆင်ပေးထားလိုက်ပြီး 24 နာရီအတွင်းပြန်မရောက်ပါက သေမှာဖြစ်ပါတယ်။ ဆိုတော့ စနိတ် တစ်ယောက်သမ္မတကြီးကိုဘယ်လိုကယ်မလဲ။ သူရောအသက်ရှင်လျက်ပြန်ထွက်လာနိုင်မလားဆိုတာကတော့ ဇာတ်ကားလေးကိုကြည့်ရှု့ဖို့တိုက်တွန်းချင်ပါတယ်။

t.me/msubmovie0/2891

အန္တရာယ်အောက်က စမ်းသပ်မှု (၂၀၂၄)

IMDb - 5.9/10
Genre - Action, Drama

ပရိသတ်ကြီးအတွက် ဂျပန်သဘာဝလွန် ဇာတ်ကားသစ်လေး တင်ဆက်ပေးလိုက်ပါတယ်။ ဒီကားလေးထဲမှာဆိုရင် ဂျပန်နိုင်ငံတစ်ဝှမ်းလုံး အမည်မသိ ထူးဆန်းတဲ့ သတ္တဝါကြီးတွေရဲ့ တိုက်ခိုက်မှုကို ခံနေရတဲ့ အခြေအနေကို နောက်ခံထားရိုက်ကူးထားတာပဲ ဖြစ်ပါတယ်။ သတ္တဝါကြီးတွေရန်က ကာကွယ်ဖို့အတွက် လူတွေဟာအိမ်ထဲမှာပဲ ပုန်းနေကြရတယ်။ အဲဒီလိုပုန်းနေကြတဲ့အချိန် ဟိုတယ်တစ်ခုတည်းမှာ တည်းခိုနေကြတဲ့ အသက်ရှင်ကျန်ရစ်သူ ၁၂ ယောက်ဟာလည်း အပြင်ကိုထွက်လို့မရတော့ဘဲ ပိတ်မိနေကြရပါတယ်။ ဆေးစွဲနေတဲ့ သက်လတ်ပိုင်းရုပ်ရှင်မင်းသမီးတစ်ဦး၊ စာရေးဆရာတစ်ဦး၊ ဟိုတယ်မန်နေဂျာ၊ အောက်ပိုင်းသေနေတဲ့ ဟိုတယ်ပိုင်ရှင်၊ အမျိုးသမီးအဝတ်အစားတွေကို ဝတ်ရတာသဘောကျတဲ့ အမျိုးသားတစ်ဦး၊ အဲဒီဟိုတယ်မှာပဲ ကိုယ့်ကိုယ်ကိုယ် သတ်သေဖို့ စီစဉ်ထားခဲ့ကြတဲ့ အဖွဲ့တစ်ဖွဲ့ အပါအဝင် လူအမျိုးမျိုးပါပဲ။ ဒီလိုနဲ့ အတူတူနေကြရင်းဟိုတယ်ပိုင်ရှင် ဟိရာယာမာ ရုတ်တရက် သေဆုံးသွားတဲ့အခါ အချင်းချင်းသံသယဖြစ်မှုတွေ ရှိလာကြပါတယ်။ နောက်ဆုံးမှာ ပိတ်လှောင်ခံထားရတာကြောင့် တချို့က စိတ်ထွက်ပေါက်ရှာကြတယ်။ ဟိုတယ်ထဲကို စိမ့်ဝင်လာတဲ့လေထုကြောင့် တချို့လူတွေကလည်း မဟုတ်မမှန်တာတွေကို မြင်လာကြရတယ်။ တစ်ချိန်တည်းမှာပဲ ဟိရာယာမာ ရဲ့ သေဆုံးခြင်းနောက်ကွယ်က အမှန်တရားကို ရှာတွေ့တဲ့အခါမှာ စာရေးဆရာ မာကိ အပါအဝင် တစ်ဦးချင်းစီရဲ့ အတိတ်တွေနဲ့ လျှို့ဝှက်ချက်တွေဟာ တစ်စတစ်စ ထွက်ပေါ်လာပါတော့တယ်။ကယ်ဆယ်ရေးတပ်ဖွဲ့ကို စောင့်နေကြတဲ့ သူတို့ဟာ ကယ်ဆယ်ရေး တကယ်ရောက်လာတဲ့အချိန်ထိ ခံနိုင်ရည်ရှိကြမလား။ ကြားထဲမှာရော ဘယ်လိုတွေ ဖြစ်ကြမလဲ။ တစ်ဦးချင်းစီရဲ့ လျှို့ဝှက်ချက်တွေက ဘာတွေဖြစ်မလဲ။ ဟိုတယ်ပိုင်ရှင် ဟိရာယာမာ ဘာကြောင့် သေဆုံးသွားခဲ့ရတာလဲ

t.me/gwmmupl/4548

စိတ်ကူးထဲကဟိုတယ် (၂၀၂၄)

IMDb - 6.8/10
Genre - Comedy, Drama

နာခါဂျီမာ ဆိုတဲ့ စာရေးဆရာမ ပေါက်စလေး ဟာ ပူအာရုကုမ္ပဏီကနေစာရေးဆရာလူသစ်ဆုကို ရရှိခဲ့ပါတယ်။ သို့ပေမယ့်လည်း နာမည်ကြီး စာရေးဆရာကြီး ဟီဂါရှီဂျူဂျို ရေးလိုက်တဲ့ “ဒီဇာတ်လမ်းကို ဘာလို့ ဆုပေးတာလဲ တွေးလို့မရဘူး” ဆိုတဲ့ မှတ်ချက်တစ်ခုနဲ့တင် အနာဂတ်ပျောက်ဆုံးခဲ့ရပါတယ်။ ဒီလိုနဲ့ ၂ နှစ်သာ အချိန်ကုန်သွားတယ်။ နာခါဂျီမာ တစ်ယောက် စာအုပ်မထုတ်ဝေနိုင်ခဲ့သေးဘဲ ဘဝမှာ လမ်းတွေပျောက်ဆုံးခဲ့ရပါတယ်။ စာပေနယ်ပယ်ဘက်မှာစာရေးဆရာတွေ အရမ်းကို သဘောကျတဲ့ ဟိုတယ်တစ်ခုလည်းရှိနေပြန်ပါတယ်။ ဒီဟိုတယ်ကတော့ တောင်ကုန်းထိပ်ပိုင်းမှာရှိနေတာဖြစ်ပြီး စာရေးဆရာတွေအတွက်အတွေးသစ် အမြင်သစ်ရစေနိုင်တာကြောင့် ဒီဟိုတယ်ကို စာရေးဆရာတော်တော်များများ သဘောကျကြပါတယ်။ ဒီဟိုတယ်မှာပဲ နာခါဂျီမာ တစ်ယောက် ဟီဂါရှီဂျူဂျို နဲ့ ပြန်လည်တွေ့ဆုံခဲ့ပြီး နာခါဂျီမာ တစ်ယောက် သူ့အိပ်မက်ပန်းတိုင်ဖြစ်တဲ့ စာအုပ်ထုတ်ဝေနိုင်ဖို့ ဘယ်လိုပုံစံတွေ သုံးပြီး ကြိုးစားသွားမလဲဆိုတာကို ကြည့်ရှုရမဲ့ ဇာတ်ကားကောင်းလေးဖြစ်ပါတယ်။

t.me/gwmmupl/4550

အန္တရာယ်မြေပြင် (၂၀၂၄)

IMDb - 6.1/10
Genre - Action, Thriller

ဒီကားလေးကတော့ စစ်အက်ရှင်က ကြမ်းကြမ်းကို သဘောကျသူများအကြိုက်တွေ့မယ့်ကားလေးပါ။ စီအိုင်အေအေးဂျင့် တစ်ယောက် ပြန်ပေးဆွဲခံရတာကို ကယ်ဆယ်ဖို့ လေတပ် က အထူးတပ်သားတစ်စုနဲ့အတူ အတွေ့အကြုံနုသေးတဲ့ တပ်သားသစ်လေး ကန်နီ ပါ ပူးတွဲပါဝင်ခဲ့ပါတယ်။ ကန်နီ တို့အဖွဲ့ဟာ အထက်က ဝေဟင်မြင်ကွင်းနဲ့ အော်ပရေးရှင်းကို ထိန်းချုပ်နေတဲ့ ရီပါ-၁ ရဲ့ အထောက်အကူနဲ့ ဖိလစ်ပိုင် နိုင်ငံရဲ့ နယ်မြေထဲ ဆင်းသက်ခဲ့ကြတဲ့အချိန်၊ အော်ပရေးရှင်းတန်းလန်းမှာတင် စစ်စနစ်ချို့ယွင်းမှုကြောင့် ခဏတာ အဆက်အသွယ်ပြတ်ချိန်မြေပြင်က သူတို့လူတသိုက်နဲ့ နယ်ခံလူဆိုးတစ်အုပ်ကြား သူတို့ဘယ်လိုဆက်ပြီး ရုန်းကန်တိုက်ကြမယ်ဆိုတာ။ ဒီကားဟာ စိတ်စင်စားစရာ ခပ်ကြမ်းကြမ်း တရစပ်ရိုက်ချက်တွေ၊ ဝေဟင်မြင်ကွင်းတွေ၊ လက်ရုံးချင်းယှဉ်တိုက်ရမယ့် တိုက်ကွက်တွေ၊ ဖောက်ခွဲရေးအထူးပြုလုပ်ချက်တွေအစုံအလင်နဲ့ မရိုးနိုင်အောင် ရှုစားရမယ့် စစ်အက်ရှင်ကားလေးပါ။

t.me/msubmovie0/2895

အတိတ်ပုံပြင် (၂၀၂၅)

IMDb - 8.4/10
Genre - Romance

လက်ရှိမှာ အောင်မြင်တဲ့ စွန့်ဦးတီထွင်လုပ်ငန်းရှင်တစ်ယောက်ဖြစ်နေပေမဲ့ ရင်ဘက်ထဲမှာ ဗလာကြီးဖြစ်နေတဲ့ ဖာနီ တယောက် အတိတ်မှာဆုံးရှုံးခဲ့ရတဲ့ ဘင်ဒူ ဆိုတဲ့ အချစ်ဦးကောင်မလေးအကြောင်းကို ဖြည်းဖြည်းချင်း ပြန်ပြောပြရင်း ပရိသတ်တွေကို အဖြူအစိမ်းဘဝတွေဆီ ပြန်ဆွဲခေါ်သွားမှာဖြစ်ပါတယ်။ ဘင်ဒူ ဟာ ဖာနီ ရဲ့ဘဝထဲက ဘယ်လိုထွက်သွားခဲ့တာလဲ၊ သူတို့ပြန်တွေ့ကြမှာလား၊ ဘာတွေဆက်ဖြစ်မှာလဲဆိုတာကို ဒီရုပ်ရှင်လေးထဲမှာ လွမ်းစရာကောင်းအောင် မြင်တွေ့ခံစားကြရမှာပါ။

t.me/indiamovies02/10

မီကီချာနက်ခ် (၂၀၂၅)

IMDb - 7.1/10
Genre - Action, Thriller

ဒီရုပ်ရှင်ကအပြင်မှာတကယ်ရှိခဲ့တဲ့ မာဖီးယားဂိုဏ်းခေါင်းဆောင် မီကီချာနက်ခ် ရဲ့အကြောင်းကို ပြန်လည်ရိုက်ကူးထားတဲ့ဖြစ်ရပ်မှန်ဇာတ်ကားဖြစ်ပါတယ်။ ချာနက်ခ် က မာဖီးယားဂိုဏ်းခေါင်းဆောင်ဖြစ်ပြီးတော့ သူရဲ့အိမ်မက်က ဆလိုဗက်ကီးယားတစ်နိုင်ငံလုံးရဲ့ ဂိုဏ်းခေါင်းဆောင်တွေရဲ့ခေါင်းဆောင်ဖြစ်ချင်တာ။ အဲလိုဖြစ်အောင်တကယ်လည်းကြိုးစားခဲ့တယ်။ အာဏာရှိလာအောင်ပြိုင်ဖက်ဂိုဏ်းခေါင်းဆောင်တွေကိုရှင်းပစ်တာတွေ၊သစ္စာဖောက်တွေကိုနှိမ်နှင်းတာတွေစတာတွေလုပ်ပြီးနယ်မြေချဲ့တယ်။ကိုယ်ကိုယ်ကိုကာကွယ်ဖို့ရော အာဏာကြီးထွားလာဖို့အတွက်ရောအာဏာပိုင်တွေလာဘ်ထိုးပြီးပူးပေါင်းခဲ့တယ်။ အာဏာအပြိုင်လုတာကြောင့် ဂိုဏ်းအချင်းချင်းနေ့ခင်ကြောင်တောင်ကြီးသေနတ်နဲ့ပစ်တာတွေ ခေါင်းဖြတ်သတ်တာတွေ ဗုံးခွဲတိုက်ခိုက်တာတွေ စတဲ့ထင်တိုင်းကြဲလုပ်ရပ်တွေကြောင့်ပြည်သူတွေဘဝကလည်း သိပ်မလုံခြုံတော့ဘူး။ ဒါအပြင် တကယ်ထိတ်ထတ်ကြဲ ထိပ်ပိုင်းအရာရှိတွေအထိပေါင်းထားတော့တော်ရုံဖမ်းလို့မရဘူး။ ဒီလိုရာဇဝတ်သားကြီးကို၁၉၉၈ ရွေးကောက်ပွဲအပြီးမှာတက်လာတဲ့အစိုးရသစ်လက်ထက်မှာ ချာနက်ခ် နဲ့သူအပေါင်းအပါအကုန်လုံးကိုဖမ်းပြီးတော့ပြစ်ဒဏ်စီရင်ခဲ့တယ်။

t.me/cartoonbynikko/646

မက်ဒေါနား (၂၀၁၅)

IMDb - 6.1/10
Genre - Drama, Mystery

ဟယ်ရင်း ဟာ ဆေးရုံတစ်ခုရဲ့ တကယ့်ချမ်းသားကြွယ်ဝသူများအတွက် စီစဥ်ထားတဲ့ ဗွီအိုင်ပီ လူနာဆောင်မှာတာဝန်ထမ်းဆောင်နေတဲ့ သူနာပြုတစ်ဦးဖြစ်ပါတယ်။ အဲဒီအထဲကမှ နှလုံးအစားထိုးကုသထားတဲ့ဖခင်ဖြစ်သူကို ဆယ်နှစ်လုံး ဆေးရုံမှာ ပြုစုစောင့်ရှောက်နေတဲ့ သူဌေးတစ်ယောက်ရှိပါတယ်။ တစ်နေ့မှာတော့ သူဌေးကြီးရဲ့ ဖခင်ဟာ ကျန်းမာရေး ဆိုးရွားလာပြီး နှလုံးထပ်မံအစားထိုးဖို့မဖြစ်မနေ လိုအပ်လာတဲ့အခါမှာတော့ မတော်တဆမှုတစ်ခုကြောင့် ဆေးရုံကိုရောက်လာတဲ့မီနာဆိုသူ မိန်းကလေးရဲ့ နှလုံးကို အသုံးပြုဖို့ ဖြစ်လာပါတယ်။ နှလုံးအစားထိုးကုသမှုဖြစ်မြောက်နိုင်ဖို့အတွက် မီနာရဲ့အုပ်ထိန်းသူကို ရှာဖွေရင်း ဟယ်ရင်းတစ်ယောက် မီနာတစ်ဖြစ်လဲမာဒိုနာလို့သိကြတဲ့ မိန်းကလေးရဲ့ သနားစရာကောင်းလွန်းတဲ့ ဘဝဇာတ်လမ်းကို သိလာရတဲ့အခါ သူဌေးကြီးရဲ့ ဖခင်ကို ကယ်ဖို့လုပ်တဲ့ရည်ရွယ်ချက်က ရိုးသားမှုနဲ့မဟုတ်ဘဲ တစ်စုံတစ်ရာရည်ရွယ်ချက်ရှိတယ်ဆိုတာ သိလာရတဲ့အခါဘယ်လိုဆက်ဖြစ်ကြမလဲ။

t.me/gwmmupl/4555

ကိုယ့်လက်ကိုသာ တွဲထားပါ (၂၀၂၄)

IMDb - 6.3/10
Genre - Romance, Drama

အလုပ်အကိုင်အရရော ၊ ငွေကြေးပိုင်းမှာရော အောင်မြင်မှုထိပ်ဆုံးကို ရောက်နေတဲ့ လော်ရာ ဆိုတဲ့ ကလေးသုံးယောက်အမေ အိမ်ထောင်သည်အမျိုးသမီးတစ်ယောက်ဟာ သူမမှာ MS ရောဂါ ရှိနေတာကို သိလိုက်ရတဲ့နောက် အလုပ်ထွက်လိုက်ရပါတယ်။ တစ်ဆက်တည်းမှာပဲ သူ့ယောက်ျားကပါ ရုတ်တရက် အက်ဆီးဒင့်ဖြစ်ပြီး သေဆုံးသွားတဲ့အခါ သူမရဲ့ မိဘတွေရှိတဲ့ မွေးရပ်မြေ ဩစတြေးလျကိုသားသုံးယောက်နဲ့အတူ ပြောင်းရွေ့လာခဲ့ရပါတော့တယ်။ လော်ရာ တစ်ယောက် ဩစတြေးလျမှာ သူမရဲ့ အထက်တန်းကျောင်းတုန်းက အချစ်ဦးနဲ့ အမှတ်မထင် ပြန်လည်တွေ့ဆုံခဲ့ပြီး ချစ်ခြင်းမေတ္တာမှာ မျှော်လင့်ချက်အသစ်တွေ ရရှိလာရင်း MS ရောဂါကို ရင်ဆိုင်ခဲ့ပုံကို ရိုက်ကူးပြထားပါတယ်။

t.me/dramaworld001/5892

ကြိုးဝိုင်းဘုရင်မ (၂၀၂၄)

IMDB - 6.6/10
Genre - Sport, Drama

ဒါကတော့ အမေရိကန်ရဲ့ နာမည်ကျော် WWE နပမ်းလောကမှ လေဒီနပမ်းသမားနယ်ပယ်ကို ဦးဆောင်လမ်းဖောက်ပေးခဲ့တဲ့ မစ်ရက်ဘာ့ခ် ရဲ့ အကြောင်းကိုပြန်လည်ရိုက်ကူးထားတဲ့ သမိုင်းရုပ်ရှင်တစ်ခုပါ။ ၉၀ ခေတ်က အမျိုးသားတွေပဲ ကြီးစိုးခဲ့တဲ့ WWE လောကထဲကို ဝင်ချင်ခဲ့တဲ့ မစ်ရက် ရဲ့ ကြိုးစားမှုတွေကြောင့် ပွဲတော်တွေမှာ ယောက်ျားတွေနဲ့ ကြေးစားအဖြစ် နပမ်းသတ်ပြရင်း နာမည်ရလာပါတယ်။ အဲ့ဘက်ခေတ်ကလည်း အမျိုးသမီး ၂ ယောက် ကွင်းထဲမှာ နပမ်းသတ်တဲ့ ကိစ္စက ပြည်နယ်အချို့မှာ တရားမဝင် သတ်မှတ်ထားပါတယ်။ WWE နပမ်းသမားတွေက အတုအယောင် တကယ် ထိုးတာမဟုတ်ဘူးလို့ ထင်နေရင်တော့ မှားသွားပါလိမ့်မယ်။ လူတွေစိတ်ဝင်စားလာအောင် ဇာတ်လမ်းတွေဆင်ပြီး လူဆိုး လူကောင်းခွဲပြီး ခါးပတ်လုကြတဲ့ ပွဲမှာ ဖိုက်တာ သွေးပါလာတဲ့ မစ်ရက်ဘာ့ခ် ရဲ့ ဝိတ်တာဘဝကနေ အမျိုးသမီးဟဲဗီးဝိတ်ချန်ပီယံဖြစ်လာတဲ့ သမိုင်းဇာတ်လမ်းတစ်ပုဒ်ကို ကြည့်ရှုရာမှာဖြစ်ပါတယ်။

t.me/gwmmupl/4563