အစစ်အမှန် နတ်မိမယ် (၂၀၂၅)

IMDb - 6.9/10
Genre - Comedy

“တောင်တစ်တောင်မှာ ကျားနှစ်ကောင် မအောင်းနိုင်သလို စင်မြင့်တစ်ခုတည်းမှာလည်း နတ်မိမယ်တွေ အပြိုင်ကြဲလို့ မရဘူး။ အသစ်ထွက်လာတဲ့ အူတက်အောင် ရယ်ရမယ့် Thai Comedy ကားကောင်းလေး ရောက်လာပါပြီဗျာ။ ဇာတ်လမ်းကတော့ ချစ်လှပါချည်ရဲ့ဆိုတဲ့ ရည်းစားဆီကနေ အလိမ်ခံလိုက်ရလို့ ဘဝအောက်ဆုံးထိုးကျသွားတဲ့ တစ်ချိန်က နာမည်ကြီး ဒီဗာအဆိုတော်ကြီး ပလိုင်ဖန် တစ်ယောက် ၇ နှစ်အကြာမှာ သူ့ရဲ့ “နတ်မိမယ်” နေရာကို ပြန်ယူဖို့ ကြိုးစားရာကနေ စထားပါတယ်။ ဒါပေမဲ့ သူ့ရဲ့ Comeback ပွဲမှာ ခေတ်သစ် Gen-Z အိုင်ဒေါတွေ၊ ပြိုင်ဘက်တွေနဲ့ စင်မြင့်တစ်ခုတည်း အတူတူလုရတဲ့အခါ မာနခဲမမတွေကြား ဘယ်လိုတွေ ဗရုတ်သုတ်ခ ငြင်းခုံပြီး ဘယ်သူက “အစစ်အမှန် နတ်မိမယ်” ဖြစ်သွားမလဲဆိုတာ ခွီရမှာပါ။

t.me/hanamoviesforyou/2901

ငယ်ချစ်ဦး (၂၀၁၀)

IMDB - 7.7/10
Genre - Comedy, Romance

ငယ်ဘဝ ငယ်ချစ်ဦးကို ပြန်လွမ်းဆွတ်တမ်းတပြီးအလွမ်းပြေစရာတစ်ခုခုဖန်တီးသွားလောက်မည့်ကားလေး။၂တန်းကလေးအရွယ် ဘရိုက်စ် ဆိုတဲ့ ကောင်လေးတို့မိသားစုက ဂျူလီ ဆိုတဲ့ကောင်မလေးရှိတဲ့ အိမ်နားကို ပြောင်းလာတယ်။ ကောင်မလေးကတော့ ပထမဆုံးတွေ့တွေ့ချင်း ကောင်လေးရဲ့ တောက်ပတဲ့မျက်လုံးတွေနဲ့ အကြည့်ချင်းဆုံမိပြီး သဘောကျသွားတယ်။ ဖြစ်ချင်တော့ ကောင်လေးက သူ့ကို တစ်စက်ကလေးမှ သဘောမကျ၊ စိတ်ပျက်စရာကောင်မလေး အမြင်ကပ်စရာလေးလို့ပဲ မြင်နေတယ်။ ဒီကားက ကောင်မလေးရဲ့ အမြင်ရယ် ကောင်လေးရဲ့ အမြင်ရယ်ကို အချိုးကျ ပြသသွားတယ်။ ဆယ်ကျော်သက်ရွယ် ကောင်လေးတစ်ယောက်နဲ့ ကောင်မလေးတစ်ယောက်ရဲ့ အချစ်နဲ့ ပတ်သက်ပြီး တွေ့ကြုံခံစားသိမြင်ပုံလေးတွေကို လှလှပပလေး ရိုက်ပြသထားပြီး တစ်ချို့သောသူတွေအတွက် ပျော်ရွှင်ဖွယ်ရာ စိတ်ကူးယဉ်ကမ္ဘာထဲကို ရောက်နေသလို ခံစားရနိုင်တယ်။ ဥပမာ ငယ်ငယ်က ချစ်ဖူးခဲ့တဲ့သူအတွက် ရည်စူးရေးစပ်ထားဖူးတဲ့ ကဗျာစာအုပ်အဟောင်းလေးတွေကိုတောင် ပြန်ဖတ်သွားတာမျိုးပေါ့။ ဆယ်ကျော်သက် လူငယ်တွေအတွက်တော့ ဆင်ခြင်စရာလေးတွေ၊ အတုယူစရာလေးတွေ ရသွားမှာပါ။

t.me/dramamv/3371

ဆိုးရွားတဲ့ တစ်နေ့တာ (၂၀၁၆)

IMDb - 6.4/10
Genre - Romance, Drama

ဒီဇာတ်လမ်းက နာမည်ကို ကြည့်ရင် မင်းသမီးကို ပွေရှုပ်တဲ့ ဇာတ်ကောင်လို့ ထင်ကောင်းထင်နိုင်ပေမဲ့တကယ်တော့ ယွန်ဟီး ဆိုတဲ့ ကောင်မလေးရဲ့ ဆိုးရွားတဲ့ တစ်နေ့တာကို ပုံဖော်ပြထားတဲ့ ဇာတ်လမ်းလေးပါ။ သရုပ်ဆောင်ဖြစ်ဖို့ လေ့ကျင့်နေတဲ့ ယွန်ဟီး တစ်ယောက် ချစ်သူကောင်လေးနဲ့ တွေ့ဖို့ သွားတဲ့လမ်းမှာ ယောက်ျားလေး နှစ်ယောက်နဲ့ ဆုံခဲ့ရပါတယ်။ တစ်ရက်တည်းမှာတင် ယောက်ျားလေး သုံးယောက်နဲ့ တွေ့ဆုံခဲ့ပြီး တစ်ယောက်ချင်းစီ အလိုက် သူ့ရဲ့ ပုံစံက ပြောင်းလဲနေခဲ့တာပါ။ နွေးထွေးပြီး နူးနူးညံ့ညံ့နေတတ်တဲ့ မိန်းကလေးလည်း ဖြစ်သွားတတ်သလို တည်ငြိမ်ရင့်ကျက်တဲ့ မိန်းကလေးအဖြစ်လည်း ပြောင်းလဲသွားတတ်တဲ့အပြင် ယောက်ျားဆန်ပြီး စိတ်မရှည်တတ်တဲ့ ပုံစံလည်း ရှိနေပါသေးတယ်။ ယွန်ဟီး ကြုံတွေ့ရသမျှကဟန်ဆောင်မျက်နှာဖုံးတွေနဲ့ သရုပ်ဆောင်နေခဲ့ရတဲ့ နေ့တစ်နေ့ပါပဲ။ အဲဒီထဲမှာမှသူတွေ့ခဲ့ရတဲ့ ဂျပန်စာရေးဆရာ ရိုဟေး ကလည်း ယွန်ဟီး နဲ့ မခြားမနားပါပဲ။ သူ့ရဲ့ တစ်နေ့တာကလည်း ပရမ်းပတာတွေနဲ့ ဆိုးရွားနေခဲ့တာပါ။ တစ်နေ့တာရဲ့အဆုံးသတ်မှာ မျိုးစုံကြုံတွေ့ခဲ့ရပြီးမှ သိလာရတဲ့ ရိုဟေး ရဲ့ စိတ်ကူးထဲက ဇာတ်သိမ်းက ဒီဇာတ်လမ်းရဲ့ အဆုံးသတ်ဆိုတာပါပဲ။ ဒီကားက ကြည့်နေရင်း ကိုယ်ပုံဖော်ချင်တဲ့ ဇာတ်သွားအတိုင်း တွေးကြည့်ရမဲ့ ကားဆိုတော့ ဘာမက်ဆေ့ချ်ကို ပေးချင်လဲဆိုတာ ကိုယ်တိုင်ပဲ ကြည့်ရှုခံစားရင်း အဖြေရှာကြည့်ဖို့ အကြံပြုပေးချင်ပါတယ်။

t.me/cartoonbynikko/1442

အချစ်ရဲ့ အဓိပ္ပာယ် (၂၀၂၄)

IMDb - 6/10
Genre - Comedy, Drama

လူအီ ဟာ ဆေးရုံမှာရေရှည်နေထိုင်နေရင်း တာဝန်ဝတ္တရားတွေ၊ စိတ်ဖိစီးမှုတွေက ကင်းလွတ်နေတဲ့ ဘဝကို အေးဆေးစွာ နှစ်ခြိုက်နေတဲ့သူပါ။ ဒီကာလရှည် ဆေးရုံနေထိုင်မှုဟာ သူ့အတွက် လွတ်လပ်မှုတစ်မျိုးဖြစ်ပြီး ဆေးရုံရဲ့ ပုံသေပုံစံဘဝကို သူလက်ခံထားတယ်။ ဒါပေမဲ့ တရက်မှာ စိတ်မထိန်းနိုင်တဲ့ လူနာအသစ်တစ်ဦး ရောက်ရှိလာတဲ့အခါ သူ့ရဲ့ အေးချမ်းတဲ့ဘဝဟာ ပြောင်းလဲသွားပါတယ်။ ဒီလူနာအသစ်ဟာဆေးရုံရဲ့ စည်းမျဉ်းတွေ၊ ဓလေ့တွေကို ဆန့်ကျင်တဲ့ ဒေါသအိုးတယောက်ဖြစ်နေသလို ဘဝကို အန္တရာယ်တွေနဲ့အတူ လွတ်လွတ်လပ်လပ်နေထိုင်လိုသူဖြစ်‌ေနတယ်။ ဒီနှစ်ယောက်ရဲ့ ဆန့်ကျင်ဘက်သဘောထားတွေဟာ သူတို့ကို ဘဝ၊သေဆုံးမှု၊ နဲ့ အချစ်ရဲ့ အဓိပ္ပာယ်ကို ပြန်လည်ဆန်းစစ်စေဖို့ ကံကြမ္မာက သူတို့နှစ်ယောက်ကို ထိပ်တိုက်တွေ့ပေးလိုက်တဲ့အခါမှာတော့။

t.me/cartoonbynikko/1440

သရဲယောက္ခမကြီး (၂၀၂၀)

IMDb - 7.3/10
Genre - Comedy, Horror

ကွတ်အီဂန်ဆိုတဲ့ အီဆန်ဒေသက အေးချမ်းသာယာပြီး ရှိတာလေးနဲ့ ရောင့်ရဲပျော်ပျော်နေတတ်တဲ့ လူမျိုးတွေရှိတဲ့ရွာတစ်ရွာပါ ။ အဲ့ဒီရွာက ရိုးသားကြိုးစားဖိုးသခွားလေး ဖွန် ဟာ တစ်ရွာတည်းသူလေး မမ် ကို ငယ်စဥ်ကတည်းက မေတ္တာသက်ဝင်ခဲ့ပြီး မမ် ဘက်ကလည်း ပြန်လည်မေတ္တာတုံ့ပြန်မယ့် အရိပ်အယောင်တွေရှိနေပေမယ့် မမ် ရဲ့ အဖေ ဂျွန်နီ ကတော့ "မင်းလိုဆင်းရဲသားငမွဲကောင်နဲ့ ငါ့သမီးနဲ့ တူသလား တန်သလား" ဆိုပြီး ဖွန် ကို ခါးခါးသီးသီးပါပဲ ။ ဒါနဲ့ ဖွန် တစ်ယောက် မမ် ကို တင်တောင်းမယ့် ရည်ရွယ်ချက်နဲ့ ဘန်ကောက်မြို့ကြီးကို တက်ပြီး အလုပ်လုပ်ပါတော့တယ်။ အချိန်တစ်ခုကြာလို့ ကွတ်အီဂန်ရွာလေးကို ပြန်ရောက်လာတဲ့အခါ ချစ်ရသူရဲ့ မင်္ဂလာပွဲနဲ့ တန်းတန်းမတ်မတ်ကြီး တိုးပါတော့တယ် ။ ဖွန် တစ်ယောက် မမ် ကို ပြန်ရနိုင်ပါ့မလား။ ယောက္ခမလောင်းကြီး ဂျွန်နီ ဘဝကူးပြီး သရဲဘဝရောက်သွားတဲ့အခါ ဖွန် ကို ဘယ်လိုခြောက်လှန့်မလဲ ။ ဖွန် ရယ် ချစ်သူ မမ် ရယ် သရဲယောက္ခမကြီး ရယ်နဲ့ ရွာသားတွေရဲ့ ဂယက်တစ်သိန်းကို ပေါ့ပေါ့ပါးပါး ကြည့်ရှုလိုက်ကြပါဦး

t.me/cartoonbynikko/3267

စက်ဘီးသူခိုးများ (၁၉၄၈)

IMDb - 8.3/10
Genre - Thriller, Drama

အခြေခံလူတန်းစားတွေရဲ့ ဘဝပုံစံကို သေချာရိုက်ပြထားတယ်။ အန်တိုနီယိုရစ်ချီ ဆိုတာ အခြေခံလူတန်းစားဘဝနဲ့ တစ်နေ့တစ်နေ့ ထမင်းတစ်နပ်စားရဖို့ ကိုယ့်မှာရှိတာတွေ တစ်စတစ်စပေါင်ပြီး ဘဝရပ်တည်နေရတဲ့ လူပါ။ အလုပ်မရှိ၊ အကိုင်မရှိနဲ့ ဒီလိုပဲ ဖြစ်နေတော့ မိန်းမကလည်း တဖြည်းဖြည်းမကြည်လာတော့ဘဲ သားဖြစ်သူ ဘရူနို ကပါ ငယ်ငယ်လေးနဲ့ အပြင်မှာ အလုပ်ထွက်လုပ်နေရတယ်။ ဒီလိုနဲ့ တစ်နေ့ကျတော့ အန်တိုနီယို တစ်ယောက် ပိုစတာလိုက်ကပ်တဲ့ အလုပ်ကို ရလိုက်ပါတယ်။ ဒီကြားထဲ အဲဒီအလုပ်ကို လုပ်မယ်ဆို စက်ဘီးရှိမှ ရမယ်ဆိုလို့ အပေါင်ထားထားတဲ့ စက်ဘီးလေးကို လင်မယားနှစ်‌ယောက် အိပ်ယာခင်းတွေ သွားပေါင်ပြီး ရွေးရပြန်တယ်။ မဟုတ်ရင် အလုပ်ကရှိပေမဲ့ လုပ်မရဖြစ်နေမှာလေ။ အစပိုင်း တစ်ရက်နှစ်ရက်မှာတော့ အလုပ်က အားလုံးအိုကေ၊ မှာစိုပြေပါပဲ။ ဒါပေမယ့် တစ်ရက်ကျ မြို့ထဲမှာ ပိုစတာကပ်နေရင်း သူ့စက်ဘီးစုတ်လေးကို စက်ဘီးသူခိုးက မသွားရော။ ဇာတ်လမ်းက ဒီမှာမှ စတာပါ။ အလုပ်ရှိပေမဲ့ အလုပ်လုပ်မရတဲ့ သားအဖနှစ်ယောက်ရဲ့ စက်ဘီးပျောက်ရှာပုံတော်အကြောင်းပေါ့။

t.me/cartoonbynikko/3269

ကရာတေး ကလေးငယ် (၁၉၈၄)

IMDb - 7.3/10
Genre - Family, Action

” တပည့်ဆိုးဆိုတာ မရှိဘူး၊ ဆရာဆိုးပဲ ရှိတယ်”

” တိုက်ခိုက်တာကိုဘာလို့လေ့ကျင့်ရတာလဲ၊ တိုက်ခိုက်ဖို့မလိုအောင်ပေါ့”

ဂျက်ကီချန်းရဲ့ ကရာတေးကလေး ကိုတော့ အားလုံးရင်းနှီးပြီးသားဖြစ်မှာပါ။ အဲဒီရုပ်ရှင်ရဲ့ မူရင်းဗားရှင်း ဂန္ဓဝင်ရုပ်ရှင်ကားကြီးကို ပြန်ခံစားနိုင်ဖို့ တင်ဆက်ပေးလိုက်ပါတယ်။ ဒီရုပ်ရှင်မှာ ကရာတေးဆရာကြီး မီယာဂီအဖြစ် သရုပ်ဆောင်ခဲ့တဲ့ မင်းသားကြီး ပတ်မော်ရီတ ဟာအကောင်းဆုံးဇာတ်ပို့ဆု အော်စကာဆန်ခါတင်ဝင်ခဲ့ပါတယ်။ ဒီရုပ်ရှင်ထဲမှာ တိုက်ခိုက်ခန်း တွေထက် မှတ်သားစရာ စကားတွေသင်ခန်းစာယူစရာ အကြောင်းအရာတွေက ပိုပြီး စိတ်ဝင်စားဖို့တောင်ကောင်းပါသေးတယ်။ Action,Drama,Family ရုပ်ရှင်တွေထဲမှာတော့ ကြည့်ကိုကြည့်သင့်တဲ့ ကားပါပဲ။

t.me/cartoonbynikko/3271

ကြိုးဝိုင်း (၂၀၂၁)

IMDb - 6/10
Genre - Family, Comedy

နပန်းသတ် စူပါစတားချန်ပီယံတစ်ယောက်ဖြစ်တဲ့ တန်တက်ကူလာက ပိုပြီး ထင်ပေါ်ကျော်ကြားချင်တဲ့အတွက် သူ့ရဲ့ မွေးရပ်မြေကို စွန့်ပစ်ခဲ့ပါတယ်။ မြို့ရဲ့ ကြယ်ပွင့်မရှိဘဲ ပရိသတ်ကို ဆွဲဆောင်ဖို့ မဖြစ်နိုင်တာကြောင့် မြို့တော်ဝန်က ယခင်က ကျော်ကြားခဲ့တဲ့ နပန်းနည်းပြတစ်ယောက် နာမည်ပေးထားတဲ့ မြို့အားကစားရုံကို ဖျက်ပစ်ဖို့ ကြေညာခဲ့ပါတယ်။ အဲဒီအချိန်မှာ ယခင်နည်းပြဟောင်းရဲ့ သမီးဖြစ်သူ ဝင်နီ က အားကစားရုံ၊ သူတို့ရဲ့ မြို့တော်နဲ့ အားကစားရုံမှာရှိနေတဲ့ သူမအဖေရဲ့ အမွေအနှစ်တွေကို ကယ်တင်ဖို့ စတီဗင် ဆိုတဲ့ အကကို ကြိုက်နှစ်သက်တဲ့ မွန်းစတားတစ်ကောင်ရဲ့ အကူအညီကို ရယူခဲ့ပါတယ်။ ဘယ်လိုကကွက်ဆန်းတွေ သုံးပြီး နပန်းသတ်ခိုင်းမလဲ၊ ဒီအားကစားရုံကို မြို့တော်ဝန်လက်ထဲက ပြန်ရနိုင်မလား၊ အကနဲ့ နပန်းသတ်ချင်တဲ့ စတီဗင် တစ်ကောင်ရော ဘယ်လိုအခက်အခဲတွေနဲ့ ရင်ဆိုင်သွားရမလဲဆိုတာကို စိတ်ဝင်တစား ကြည့်ရှုရမှာပဲ ဖြစ်ပါတယ်။

t.me/cartoonbynikko/3274

၁၈ နှစ်အရွယ် (၂၀၂၆)

ဒီတစ်ခေါက်မှာတော့ ဆယ်ကျော်သက်အရွယ်မှာ တွေ့ကြုံခံစားရတတ်တဲ့ စိုးရိမ်ပူပန်မှုတွေ၊ နာကျင်မှုတွေကို အဓိက ပုံဖော်ရိုက်ကူးထားတဲ့ ရုံတင်ကားသစ်လေးကို တင်ဆက်ပေးလိုက်ပါတယ်။ အိမ်ရော ကျောင်းကိုပါ မကျေနပ်မှုတွေ များနေတဲ့ ၁၈ နှစ်အရွယ် အထက်တန်းကျောင်းသူလေး အီဆွန်းဂျောင်း ဟာ ကျောင်းပြီးတာနဲ့ အာဖရိကကို ထွက်ပြေးဖို့ စိတ်ကူးထားသူပါ။ တစ်နေ့မှာ ဆွန်းဂျောင်း တို့အတန်းကို အတန်းပိုင်ဆရာမ ဂျောင်ဟီးဂျူ လို့ ခေါ်တဲ့ ဆရာမအသစ် ရောက်လာပါတယ်။ စာသင်ချိန်မှာ ဖုန်းမသိမ်းတာ၊ အတန်းခေါင်းဆောင်နေရာကို တစ်ပတ်စီ အလှည့်ကျ တာဝန်ယူခိုင်းတာ စတဲ့ ထူးထူးခြားခြား စည်းကမ်းချက်တွေကြောင့် ဆရာမလေးက ကျောင်းသူတွေရဲ့ ထောက်ခံမှုကို ချက်ချင်း ရရှိသွားပေမယ့် ပုန်ကန်လိုစိတ်အပြည့်ဖြစ်နေတဲ့ ဆွန်းဂျောင်း အတွက်တော့ စိတ်ရှုပ်စရာသက်သက်သာ ဖြစ်နေပါတယ်။ ဒါပေမယ့် ဆရာမ ဂျောင်ဟီးဂျူ ရဲ့ ထူးဆန်းတဲ့ သွန်သင်ဆုံးမပုံလေးတွေကြောင့် ဆွန်းဂျောင်း နဲ့ တခြားကျောင်းသူလေးတွေဟာ ဘယ်လိုပြောင်းလဲသွားကြမလဲ၊ မုန်တိုင်းထန်တဲ့ ၁၈ နှစ်အရွယ်ကို ဘယ်လိုကျော်ဖြတ်သွားမလဲဆိုတာကို စိတ်ဝင်စားဖွယ် ကြည့်ရှုရမယ့် ဇာတ်လမ်းကောင်းလေးပဲ ဖြစ်ပါတယ်။

t.me/cartoonbynikko/3286

ဉာဏ်စမ်းပဟေဠိ (၂၀၂၅)

IMDb - 7.2/10
Genre - Crime, Mystery

အရက်မူးပြီး ခိုက်ရန်ဖြစ်ပွားခဲ့တဲ့အတွက် ရဲစခန်းကို ဖမ်းဆီးခေါ်ဆောင်ခံရတဲ့ အမျိုးသားတစ်ယောက်။ သူရဲ့ သရုပ်မှန်ကို စစ်ဆေးမေးမြန်းချိန်မှာ ဆူဇူကီး တာဂိုဆာကု ဆိုတဲ့ နာမည်တစ်လုံးကလွဲလို့ ကျန်တာ ဘာမှမသိကြောင်း မမှတ်မိကြောင်း “ဘူးခံငြင်းနေသူ” ဖြစ်နေပါတယ်။ စစ်ဆေးမေးမြန်းနေစဉ်မှာ သူ့မှာ ဆဌမအာရုံရှိကြောင်းနဲ့ တစ်ခုခုဖြစ်မှာကို ကြိုတင်သိနိုင်စွမ်းရှိကြောင်း၊ မကြာခင် အာခီဟာဘာရာမှာ ဗုံးပေါက်ကွဲတော့မယ့်အကြောင်းတွေ ပြောကြားလာခဲ့ပါတယ်။ တကယ်လည်း ဗုံးတွေ ပေါက်ကွဲလာတဲ့အခါမှာတော့ အကြမ်းဖက်နှိမ်နင်းရေးအဖွဲ့ပါ ရောက်လာပြီး သူ့ကို အထူးဂရုစိုက်ပြီး စုံစမ်းစစ်ဆေးရပါတော့တယ်။ ဒါပေမဲ့ ဆူဇူကီး တာဂိုဆာကု ဟာ စုံထောက်တွေကို ဉာဏ်စမ်းပဟေဠိ တွေနဲ့ သဲလွန်စအရိပ်အမြွက်တွေသာ ပေးနေခဲ့ပါတယ်။ ဗုံးတွေ ပေါက်ကွဲမှာကို တားဆီးနိုင်ဖို့အတွက် ရဲဌာနဝန်ထမ်းတွေဟာ ပဟေဠိတွေကို အချိန်လုကာ အပြင်းအထန် ကြိုးစားအဖြေထုတ်နေကြရပါတယ်။ တိုကျိုမြို့အနှံ့ ဗုံးခွဲမယ့် အရက်သမား ဆူဇူကီး တာဂိုဆာကု ရဲ့ ဉာဏ်စမ်းဂိမ်းနဲ့ အကြမ်းဖက်တဲ့လုပ်ရပ်ရဲ့ အကြောင်းရင်းခံကို ရဲတွေ အချိန်မီ ဖော်ထုတ်နိုင်ပြီး ဗုံးတွေကို တားဆီးနိုင်သွားမလားဆိုတာကိုတော့ စိတ်လှုပ်ရှားဖွယ် ကြည့်ရှုရမယ့် ဇာတ်လမ်းကောင်းတစ်ပုဒ်ပဲ ဖြစ်ပါတယ်။

t.me/cartoonbynikko/3288

မျက်လုံးတစ်လုံးအတွက် မျက်လုံးတစ်လုံး (၂၀၀၈)

IMDb - 6/10
Genre - Crime, Action

ခေါင်းဆောင် ဘဲ့ဆွန်းချန်း ဟာ ရဲဝန်ထမ်းအဖြစ်မှ အနားယူပြီး ကိုယ်ပိုင်စီးပွားရေးလုပ်ငန်း စတင်ဖို့ နုတ်ထွက်စာတင်တဲ့နေ့မှာတင် သူ့နာမည်ကိုသုံးပြီး လှည့်စားသွားတဲ့ အဖွဲ့တစ်ဖွဲ့နဲ့ ကြုံလိုက်ရပါတယ်။ ပိုက်ဆံခိုးမှု၊ ရွှေခိုးမှုစတဲ့ အမှုတွေ နောက်ကိုလိုက်ရင်း နောက်ကွယ်မှာရှိနေတဲ့ အန်ဟျွန်းမင်း ကို ခြေရာခံမိသွားပြီး အန်ဟျွန်းမင်း ရဲ့ ရည်ရွယ်ချက်တွေ ပေါ်လာခဲ့ပါတော့တယ်။ အန်ဟျွန်းမင်း ရဲ့ ပညာသားပါတဲ့ လှည့်ကွက်တွေနဲ့အတူ ဘဲ့ဆွန်းချန်း တစ်ယောက် အမှုကို အဖြေရှာဖို့ ကြိုးစားပုံတွေကို ဇာတ်လမ်း ဇာတ်အိမ်မိုက်မိုက်နဲ့ ကြည့်ရှုရမှာ ဖြစ်သလို လျှို့ဝှက်ချက်တွေနဲ့ အက်ရှင်ကားကောင်းတွေကို သဘောကျသူတွေအတွက် အချိန်ပေးပြီး ကြည့်ရကျိုးနပ်စေမယ့် ဇာတ်ကားကောင်းတစ်ကား ဖြစ်ပါတယ်။

t.me/cartoonbynikko/3290