ရင်ခုန်သံအနီးဆုံး (၂၀၂၄)

IMDb - 7.3/10
Genre - Romance, Drama

ဂျပန်နိုင်ငံ ကာရတ်ဆုမြို့ကို အခြေခံရိုက်ကူးတင်ဆက်ပြထားတဲ့ ဖိလစ်ပိုင်ဇာတ်ကားကောင်းလေးကို တင်ဆက်ပေးလိုက်ရပါတယ်။ ဝူဒီ ဆိုတဲ့ လူငယ်လေးက ကမ္ဘာပတ်ပြီး ခရီးတွေ ထွက်နေခဲ့တာ ၇ နှစ်ကြာပြီးတဲ့နောက် ဂျပန်နိုင်ငံ ကာရတ်ဆုမြို့ကို ရောက်ရှိလို့လာခဲ့ပါတယ်။ အဲဒီမြို့မှာမှ လင်းလင်း ဆိုတဲ့ ပြည်ကြီးငါးရောင်းတဲ့ ကောင်မလေးနဲ့ တွေ့ဆုံခဲ့ရပါတယ်။ လင်းလင်း နဲ့အတူ မောင်နှစ်ယောက်ဖြစ်တဲ့ ဘွတ်ဘွတ် နဲ့ တန်တန် ဟာလည်း လင်းလင်း နဲ့အတူ ပြည်ကြီးငါးရောင်းရင်း လုပ်ကိုင်စားသောက်နေကြပါတယ်။ လင်းလင်း တို့ ၃ ယောက်ရော ဝူဒီ ရောက ဖိလစ်ပိုင်လူမျိုးတွေ ဖြစ်ကြတော့ သူများနိုင်ငံမှာ ကိုယ့်နိုင်ငံလူမျိုးအချင်းချင်းတွေ့ကြရတဲ့အတွက် ပိုပြီးရိုင်းပင်းကူညီပေးကြတာပေါ့။ လင်းလင်း ဆိုတဲ့ ကောင်မလေးမှာ ထူးခြားတဲ့ စွမ်းရည်တစ်ခုရှိနေပါတယ်။ အဲဒါကတော့ သူဟာ လူတစ်ယောက်ကို ထိလိုက်တာနဲ့ အဲဒီလူက ကိုယ့်အတွက် လူကောင်းလား လူဆိုးလား ဆိုတာကို သိရှိနိုင်တဲ့ စွမ်းအင်ပဲဖြစ်ပါတယ်။ သို့ပေမဲ့ ဝူဒီ ကို ထိကြည့်တဲ့အခါမှာတော့ ကောင်းတာလည်း မဟုတ် ဆိုးတာလည်း မဟုတ်ဘဲ အလယ်အလတ်မှာရှိနေတာကို သိလိုက်ရတဲ့အခါမှာတော့ ဒီအခြေအနေကို မကြုံတွေ့ဖူးတဲ့ လင်းလင်း တစ်ယောက် ဝူဒီ ကို စိတ်ဝင်စားမိသွားပါတော့တယ်။ ဒီလိုနဲ့ လင်းလင်း တစ်ယောက် ဝူဒီ ကို ကာရတ်ဆုမြို့ပတ်လည် လိုက်ပြပေးရင်းနဲ့ သူတို့နှစ်ယောက် ဘာတွေဘယ်လိုဆက်ဖြစ်မလဲဆိုတာကို ကြည့်ရှုရမဲ့ ဇာတ်ကားကောင်းလေးဖြစ်ပါတယ်။

t.me/dramaworld001/5880

ပျောက်ဆုံးကျည်ဆန် (၂၀၂၀)

IMDb - 6.3/10
Genre - Action, Thriller

လီနိုဟာ ဘာမှမတော်တဲ့ ညီလေးတစ်ယောက်ကို ကူညီပေးရာကနေ ထောင်ကျသွားပါတယ်။ ကွန်ကရစ်လေးထပ် ကာထားတဲ့ ရတနာဆိုင်ကို ကားလေးတစ်စင်းနဲ့ ဝင်တိုက်ပြီး ဖောက်ခဲ့တာ ဒဏ်ရာလေးတောင် မရခဲ့ပါဘူး။ ဒါကို အမြန်တပ်ဖွဲ့က သဘောကျသွားပြီး သူတို့အတွက် အလုပ်လုပ်ပေးဖို့ ချာရက်ဆိုတဲ့ အဖွဲ့ခေါင်းဆောင်က လီနိုကို လာပြီး သိမ်းသွင်းပါတယ်။ လီနိုနဲ့ ချာရက်က အချိန်ကြာလာတာတဲ့ တကယ့်လူရင်းတွေလို ဖြစ်လာကြတယ်။ တစ်ရက်တော့ ချာရက်လိုက်နေတဲ့အမှုက အဆုံးသတ်ခါနီးဆဲဆဲမှာ သူတို့အဖွဲ့ထဲက တစ်ယောက်က သူလုပ်ထားတာ အကုန်ပေါ်မှာစိုးပြီး ချာရက်ကို သတ်ပစ်တယ်။ သတ်ပြီးတာနဲ့ လီနိုကို ချောက်ချတော့တာပဲ။ ဒီကိစ္စကို ထောင်ထွက်တစ်ယောက်ဖြစ်တဲ့ လီနိုက ဒီကိစ္စကို ဘယ်လိုပြန်ဖြေရှင်းမလဲ။ သူ့စကားကိုရော ဘယ်သူတွေက ယုံမှာတဲ့လဲ။ ကြည့်ရှူခံစားလိုက်ကြပါဦးနော်။

t.me/gwmmupl/4496

ဆယ်နာရီကြာအကန့်အသတ် (၂၀၂၅)

IMDb - 7.3/10
Genre - Thriller

တစ်ချို့သောသူတွေက ရိုးစင်းလွန်းတယ်လို့ ခံစားရပြီး အခြေကျတာထက် စိတ်လှုပ်ရှားစေတဲ့အလုပ်ကိုပဲ လုပ်လိုကြပါတယ်။ ကတ်စ်ထရို ဆိုတဲ့ရဲကလည်း အဲဒီလိုလူမျိုးပါ။ သူက ခက်ခဲတဲ့အမှုများစွာကို ဖြေရှင်းနိုင်ခဲ့ပါတယ်။ ဒါပေမဲ့ သူ့လုပ်သက်တစ်လျှောက်မှာ စိန်ခေါ်မှုအရှိဆုံးပါလို့ သူခံစားရစေတဲ့ ဆယ်နာရီကြာ ဖြေရှင်းရတဲ့အမှုတစ်ခုတော့ ရှိခဲ့ပါတယ်။ တစ်ညမှာ သူ့ဆီ မိဘနှစ်ဦး ရောက်လာပါတယ်။ သူတို့သမီးလေးဟာ ပုံမှန်ပြန်ရောက်ရမယ့်အချိန်ကို အိမ်ပြန်မရောက်လာသေးသလို သင်တန်းကို မေးကြည့်တော့လည်း မရောက်လာဘူး ပြောတဲ့အတွက် လူပျောက်တိုင်ချက် လာဖွင့်တာပါ။ ဒီလိုနဲ့ သူလည်း ကောင်မလေး သင်တန်းရှိရာဆီ မေးမြန်းစုံစမ်းဖို့ ထွက်လာပါတော့တယ်။ အဲဒီနောက်မှာတော့ ညတွင်းချင်းသွားတဲ့ ခရီးပေါ်က ဘက်စ်ကားမှာ လူသတ်မှုတစ်ခု ဖြစ်သွားပါတယ်။ ကတ်စ်ထရို ကတော့ ဒီအမှုနှစ်ခုဟာ ဆက်စပ်မှုရှိတယ်လို့ ကောက်ချက်ချမိပြီး ဘက်စ်ပေါ်က ခရီးသည်တိုင်းကို သူကိုယ်တိုင် သေချာမေးမြန်းဖော်ထုတ်ပါတော့တယ်။ ဒီတော့မှ သိရတာက ဘက်စ်ပေါ်က ခရီးသည်တိုင်း နောက်ကွယ်မှာ လျှို့ဝှက်ချက် ကိုယ်စီ ရှိနေတာပါ။ ဒီလိုနဲ့ ခရီးသည်တွေ လူစုမကွဲခင် သက်သေတွေ မပျောက်ဆုံးခင် ကျန်ရှိတဲ့ ခရီးစဉ်ကြာချိန် ဖြစ်တဲ့ ဆယ်နာရီပဲ ကတ်စ်ထရို မှာ အချိန်ရပါတော့တယ်။ ခရီးသည်တွေတိုင်းဟာ လူသတ်သမား ဖြစ်နေနိုင်တဲ့အခြေအနေနဲ့ ကတ်စ်ထရို ရဲ့ အမှုကိုင်တွယ် ဖြေရှင်းမှု ပြောင်မြောက်လွန်းပုံကို ဒီသည်းထိတ်ရင်ဖို ဒရမ်မာလေးမှာ ကြည့်ရှုအားပေး၊ အဖြေထုတ် ကြည့်ကြရအောင်ပါ။

t.me/indiamovies02/6

တိတ်တဆိတ် အော်သံ (၂၀၂၃)

IMDb - 6.9/10
Genre - Drama

ဒီဇာတ်ကားက စကော့တလန်ရဲ့ အိုင်လပ်စ်ရေပြင်မှာ ရိုက်ထားတဲ့ လူငယ်ဘဝအကြောင်း ဒရာမာကားလေးပါ။ ဇာတ်လမ်းက ဒွန်ဒို ဆိုတဲ့ လှိုင်းစီးသမားလူငယ်လေးတစ်ယောက်အကြောင်းပဲ။ သူ့အဖေ ဝီလီ တစ်နှစ်လောက်ကြာတဲ့အထိ ပင်လယ်ထဲမှာ ပျောက်သွားတာ လူတွေက သေသွားပြီလို့ ထင်ကြပေမယ့် ဒွန်ဒို ကတော့ အဖေအသက်ရှင်နေသေးတယ်လို့ ယုံကြည်ထားတယ်။ ဒွန်ဒို တစ်ယောက် အဖေ့ကို ရှာဖို့ ကြိုးစားရင်း သူ့သူငယ်ချင်း ဆပ်စ် ဆိုတဲ့ ပုန်ကန်တတ်တဲ့ ကောင်မလေးနဲ့ အတူ စွန့်စားခန်းတွေ ဖွင့်တယ်။ ဆပ်စ် က ဒွန်ဒို ကို ကူညီရင်း သူ့ရဲ့ ဝမ်းနည်းမှုတွေကို ရင်ဆိုင်ဖို့ တွန်းအားပေးတယ်။ ဒီလိုနဲ့ ကျွန်းပေါ်က ဘုရားကျောင်းက သင်းအုပ်ဆရာသစ်တစ်ယောက် ရောက်လာပြီး ဒွန်ဒို ရဲ့ ဘာသာရေးနဲ့ ခံစားချက်တွေကို ပိုရှုပ်ထွေးသွားစေတယ်။ ဒီဇာတ်ကားက ဝမ်းနည်းမှု၊ ဘာသာရေး နဲ့ လူငယ်ဘဝရဲ့ စွန့်စားရှာဖွေမှုတွေကို ဟာသလေးနဲ့ ရောပြီး ပြထားတာပါ။ ဒွန်ဒို နဲ့ ဆပ်စ် ရဲ့ ချစ်စရာဇာတ်လမ်းလေးက ရုပ်ရှင်ပြီးတာတောင် စိတ်ထဲမှာ ကျန်နေစေမှာပါ။

t.me/dramaworld001/5883

အပြိုင်အဆိုင် (၂၀၂၅)

IMDb - 6.9/10
Genre - Drama
 
ကိုးရီးယားနိုင်ငံတွင်းမှာသာမက တစ်ကမ္ဘာလုံးပြိုင်ဘက်ကင်း လက်ရွေးစင် ဘာဒုကစားသမား ဂျိုဟွန်းဟျွန်း ဟာ တစ်နေ့မှာတော့ ဂျွန်းဂျူ ဘက်ကိုရောက်ရင်း ဘာဒုကစားနည်းကို ကျွမ်းကျင်တဲ့ ချန်းဟို ဆိုတဲ့ ကလေးတစ်ယောက်နဲ့ ဆုံခဲ့ပါတယ်။ လက်ရွေးစင် ဂျို ဟာ သိချင်စိတ်နဲ့ ပြိုင်ဆော့ခဲ့ရာကနေ တစ်ပွဲရှုံးနိမ့်ခဲ့တဲ့အတွက် ဂျို ဟာ ချန်းဟို ဆိုတဲ့ကောင်လေးအပေါ် စိတ်ဝင်စားသွားခဲ့ကာ တပည့်အဖြစ် လက်ခံပြီး ဆိုးလ်မြို့မှာရှိတဲ့ ကိုးရီးယားဘာဒုအဖွဲ့အစည်းဆီ ချန်းဟို ကို ခေါ်ဆောင်လာခဲ့ပါတယ်။ ရွာသားလေး ချန်းဟို ကတော့ မြို့ပေါ်ရောက်တဲ့အချိန်ကစပြီး သူ့ဘာဒုပညာတွေနဲ့ တစ်ယောက်ပြီး တစ်ယောက် အနိုင်ပိုင်းခဲ့ကာ ဆိုးလ်မြို့မှာ သူ့ဂုဏ်သတင်းဟာ ဟိုးလေးတစ်ကျော်လာခဲ့ရုံသာမက ဆရာ့လက်ရည်ကိုပါ တရားဝင် စိန်ခေါ်နိုင်သူအထိ ဖြစ်လာခဲ့ပါတယ်။ ဆရာ တပည့်အဖြစ် အစပြုခဲ့တဲ့ ဒီဆက်ဆံရေးဟာ အချိန်ကြာလာတာနဲ့အမျှ ပြိုင်ဘက်အဖြစ်သို့ ကူးပြောင်းသွားချိန်မှာတော့ ဆရာ တပည့်ဆက်ဆံရေးဟာ ပြိုလဲပျက်စီးသွားမလား။ မကျေနပ်ချက် အမုန်းတရားတွေ ပေါက်ဖွားလာမလားဆိုတာကို စိတ်ဝင်စားစွာ စောင့်မျှော်ကြည့်ရှုရင်းနဲ့ ဘာဒုကစားနည်းဟန်တွေကိုလည်း လေ့လာမြင်တွေ့နိုင်ရမယ့် ဇာတ်ကားတစ်ကားဖြစ်ပါတယ်။

t.me/dramaworld001/5882

စွန့်စား ဆိုင်ကယ်သမားများ (၂ဝ၂၄)

IMDb - 6.4/10
Genre - Horror, Comedy

ဒီဇာတ်ကားလေးကတော့ ရော့, နက် နဲ့ ကိုင်တို ဆိုင်ကယ်သမား သူငယ်ချင်းသုံးယောက်အကြောင်းပါ။ သူတို့သုံးဦးက ဆိုင်ကယ်သမားတွေအတွက် ရှောင်ရမဲ့နေရာတွေကို Page ကနေတဆင့် မျှဝေနေကြသူတွေပေါ့။ သူတို့က သရဲတွေရှိတဲ့နေရာကို သွားပြီး လေ့လာစမ်းသပ်ကြလေ့ရှိတယ်။ တစ်ရက်ကျ နက် က ဖိုင် ဆိုတဲ့မိန်းကလေးနဲ့ ဆုံတွေ့ပြီး ချစ်မိသွားပေမဲ့ မကြာခင်မှာ ဖိုင် က ရောဂါနဲ့ကွယ်လွန်ခဲ့ပါတယ်။ နက် က ဖိုင် နဲ့အဆက်အသွယ်ရဖို့ နည်းမျိုးစုံနဲ့ ကြိုးစားရာမှာတော့ သေဖော်သေဖက် သူငယ်ချင်းသုံးဦးရဲ့ စွန့်စားခန်းမျိုးစုံကို ကြည့်ရှုရမှာပါ။

t.me/gwmmupl/4505

အတိတ်၏အမှား (၂၀၀၄)

IMDb - 6/10
Genre - Thriller, Mystery

ကြိမ်ဖန်များစွာ ပြန်ပြင်ဆင်ချင်မိတဲ့အချိန်တွေဆိုတာ လူသားတိုင်းမှာ ရှိတတ်ကြပါတယ်။ ကားတိုက်မှုတစ်ခုကနေ သတိပြန်ရလာတဲ့ မစ္စတာကေဘယ်က ၂ နှစ်တာမှတ်ဉာဏ်ပျောက်ဆုံးသွားပြီးနောက်မှာ ဖြစ်ပျက်ခဲ့သမျှမှတ်ဉာဏ်အပိုင်းအစတွေကို တစ်ခုချင်းပြန်လည်ရှာဖွေတော့တယ်။ မှတ်ဉာဏ်တွေကို သတိရလာသလိုမဟုတ်ပဲ ကိုယ်ကိုယ်တိုင် အတိတ်ကို ရောက်သွားသလို ဖြစ်လာခဲ့တယ်။ လူမှုရေးဖောက်ပြန်မှုတွေ၊ အမွေဝေစုမတည့်တဲ့အစ်ကိုနဲ့ မစ္စတာကေဘယ်ကြား အဖြစ်အပျက်တွေ၊ ဆေးရုံနဲ့ အမွေဆိုင်အိမ်ကြားမှာ ဟိုရောက်လိုက် ဒီရောက်လိုက် ဖြစ်နေတဲ့ မစ္စတာကေဘယ်ရဲ့ မှတ်ဉာဏ်တွေ။ နောက်ဆုံးမှာတော့ ဖြစ်ပျက်နေသမျှအရာအားလုံးရဲ့ အကြောင်းအရင်းအမှန်ကို သိခဲ့ရပါတယ်။ ဒီကားကတော့ နောက်ဆုံး ဇာတ်သိမ်းခန်းမှာမှ ဇာတ်ဖြည်ပေးတဲ့ကားမျိုးပါ။ မစ္စတာကေဘယ်က တကယ်တမ်း ဘာတွေ ဖြစ်ခဲ့တာလဲ၊ ပြန်လည်ပြင်ဆင်ချင်တာတွေကို ရော ပြင်ဆင်ခွင့်ရပါ့မလား၊ အတိတ်ရဲ့ အမှားတစ်ခုကနေ လွတ်မြောက်ခွင့်ရနိုင်ပါ့မလား ဆိုတာကိုတော့ ဇာတ်ကားထဲမှာပဲ ကြည့်ရှုခံစားလို့ရပါပြီ။

t.me/gwmmupl/4520

သံအမတ်တစ်ယောက်ရဲ့ဘဝခရီး (၂၀၂၅)

IMDb - 7.5/10
Genre - Thriller, Drama

မျိုးဆက်ပေါင်းများစွာ အာဃာတတွေထားပြီး အမြဲအင်အားချင်းပြိုင်နေတဲ့ နိုင်ငံနှစ်နိုင်ငံကြားက သံအမတ်တစ်ယောက်ရဲ့ဘဝကို ပုံဖော်ထားတာဖြစ်ပြီး ပါကစ္စတန် ကို ဖျားယောင်းခေါ်ဆောင်သွားခံရတဲ့ အိန္ဒိယ နိုင်ငံသူလေးကို အိန္ဒိယ ကို ပြန်ခေါ်ဆောင်ဖို့ ကြိုးပမ်းခဲ့တဲ့ အိန္ဒိယ သံအမတ်ရဲ့ ဖြစ်ရပ်မှန် ဇာတ်လမ်းလေးကို အခြေခံထားတာဖြစ်ပါတယ်။ အိန္ဒိယ နဲ့ ပါကစ္စတန် လို့ ပြောလိုက်ရင် နိုင်ငံချင်းကပ်ရပ်ဖြစ်နေပေမဲ့ ၃ နဲ့ ၄ လိုမျက်နှာချင်းမဆိုင်ကြတာ အားလုံးအသိပါပဲ။ ဒီတော့ ပါကစ္စတန် နိုင်ငံထဲက အိန္ဒိယ သံရုံးက သံအမတ်တစ်ယောက်အတွက်တော့ အရာရာဟာ ကြိုးတန်းပေါ်လမ်းလျှောက်နေရတဲ့ဘဝပါ။ ဒီလိုနဲ့ တစ်နေ့ သံရုံးထဲကို အုဇ်မာ ဆိုတဲ့အမျိုးသမီးတစ်ယောက် ရုတ်တရက် ပြေးဝင်လာပြီး ကူညီဖို့ ငိုယိုအကူအညီ တောင်းခံပါတော့တယ်။ ပါကစ္စတန် မှာ ဒါမျိုးတွေ ကြုံနေကြအပြင် စာရွက်စာတမ်းနဲ့တူတာ အိန္ဒိယ ပတ်စပို့ပဲ ရှိနေပါသတဲ့။ ဖြစ်နိုင်ခြေနည်းတဲ့ သူ့ရဲ့ ထွက်ဆိုချက်တွေကြောင့် သူ့ကို ဘယ်သူမှ မယုံကြပေမဲ့ စစ်ဆေးကြည့်တဲ့အခါ ဖျားယောင်းခံရ၊ လိမ်ညာလက်ထပ်ခံရ၊ လိင်အကြမ်းဖက်ခံရတဲ့ သနားစရာ မိန်းကလေးမှန်း သိသွားတဲ့နောက် သံအမတ်ကြီး ဂျေပီဆင်းဂ် က သူ့ကိုကူညီဖို့ ဆုံးဖြတ်လိုက်ချိန်မှာတော့။ နိုင်ငံနှစ်နိုင်ငံကြား သံတမန်ရေးရာကိစ္စတွေ၊ ပဋိပက္ခတွေနဲ့ သူ့ရဲ့ ကိုယ်ရေးကိုယ်တာဘဝ၊ မိသားစုရေးရာတွေကြား အုဇ်မာ ကို သူဘယ်လိုကယ်ထုတ်မလဲ။

t.me/indiamovies02/8

ခေတ်သစ်ဆီသို့ (၂၀၂၀)

IMDb - 5.7/10
Genre - Action

“ဧကရာဇ်အသစ်” လို့ အဓိပ္ပာယ်ရတဲ့ ထူးခြားတဲ့နာမည်တစ်ခုကို ပိုင်ဆိုင်ထားတဲ့ ရှင်းဟွမ်ဂျယ် ဟာ အထက်တန်းကျောင်းကတန်းက တစ်ချက်ထိုးလိုက်ရုံနဲ့ တစ်ဖက်က လဲသွားလောက်တဲ့ထိ တိုက်ရည်ခိုက်ရည်ကောင်းလွန်းပါတယ်။ ဘွဲ့ရပြီးတဲ့နောက်မှာတော့ ဘာအလုပ်မှ ရေရေရာရာမရှိဘဲ လေလွင့်နေတဲ့ ဟွမ်ဂျယ်ကို သူ့ရဲ့ သူငယ်ချင်းဟောင်းဖြစ်တဲ့ ထယ်ဟွာက အလုပ်တစ်ခုနဲ့ မိတ်ဆက်ပေးပါတယ်။ သူငယ်ချင်း မိတ်ဆက်ပေးတဲ့အလုပ်ကြောင့် ဟွမ်ဂျယ်တစ်ယောက် အမှောင်လောကထဲကို စတင် ဝင်ရောက်သွားပြီးတဲ့နောက်မှာ သူ့ရဲ့ သူဌေး မျက်စိကျနေတဲ့ မီရန် ဆိုတဲ့ ကောင်မလေးနဲ့ ချစ်မိသွားခဲ့ကြပြီး ရှင်းဟွမ်ဂျယ်တစ်ယောက် ဘယ်လိုအခက်အခဲတွေကို ကြုံတွေ့သွားရမလဲ။ သူချစ်ရတဲ့သူကိုရော အဆုံးထိ ကာကွယ်သွားနိုင်ပါ့မလားဆိုတာကို။ ကြမ်းတမ်းတဲ့လူတွေကြားထဲက နူးညံ့တဲ့အချစ်တစ်ခု ခက်ခဲစွာ ပေါက်ဖွားလာပုံကို ရင်ခုန်စိတ်လှုပ်ရှားဖွယ် ကြည့်ရှုရမဲ့ အက်ရှင်ကားကောင်းဖြစ်တာကြောင့် ကြည့်ရှုကြည့်ကြပါဦးနော်။

t.me/gwmmupl/4523

မင်းနဲ့အတူရှိပါရစေ (၂၀၂၅)

IMDb - 6.5/10
Genre - Drama

လူစီယာ ဟာ ကုသလို့မရနိုင်တဲ့ရောဂါတစ်မျိုးကိုခံစားနေရသူဖြစ်ပြီး ပစ္စည်းခိုးမှုကြောင့် မက္ကစီကိုကို ပြန်လွှတ်ခံရပြီး ဖုန်းဖြေကြားရေးမှာ အလုပ်ဝင်လုပ်ရတဲ့ကောင်လေး ဘရူနို နဲ့ ဖုန်းပြောမိကြပြီး ရင်းနီးခဲ့ကြပါတယ်။ နေစရာမရှိ ပတ်ဝတ်ဝန်းကျင်အသစ်မှာ လမ်းပျောက်နေခဲ့တဲ့ ဘရူနို ကို လူစီယာ က မျှော်လင့်ချက်ပေးသလိုမျိုး လူ့ဘဝကို အရှုံးပေးချင်နေတဲ့ လူစီယာ ကိုလည်း ဘရူနို က အားပေးနိုင်ခဲ့ပါတယ်။ ပေါ့ပေါ့ပါးပါးနဲ့ မက္ကစီကိုရဲ့ မြို့ပြပုံရိပ်တွေနဲ့တူ လူငယ်လေးနှစ်ယောက်အကြောင်းကို စိတ်ဝင်တစား ကြည့်ရှုရမယ့် ဇာတ်လမ်းကောင်းလေးတစ်ခုပါပဲ။

t.me/dramaworld001/5888

မိုးသောက်ယံ စစ်သူရဲကောင်းများ (၂၀၁၇)

IMDb - 6.4/10
Genre - Action, War

ဂျပန်တွေရဲ့ကျူးကျော်မှုကို ကြုံလာရတဲ့အခါ ဂျိုဆွန်းပြည်ရဲ့မင်းကြီးဟာ ပြည်သူတွေကိုမကာကွယ်ဘဲ တရုတ်ပြည်ကို ထွက်ပြေးတိမ်းရှောင်သွားပါတယ်။ အဲဒီမှာ ဂွမ်ဟယ် ဆိုတဲ့ အသက် ၁၈ နှစ်ပဲရှိသေးတဲ့ အိမ်ရှေ့စံမင်းသားက အကုနတာဝန်ယူဖို့ဖြစ်လာပါတော့တယ်။ ဒါပေမဲ့ စစ်တပ်အင်အားနဲ့ လက်နက်တွေက မလုံလောက်တဲ့အခြေအနေမှာရှိနေတာကြောင့် အခက်အခဲတွေကြုံလာတဲ့အချိန်မှာ သူ့ဘက်က ကူညီပေးဖို့ ထိုအူဆိုတဲ့အစားထိုးတပ်သားခေါင်းဆောင်ကို အကူအညီတောင်းခဲ့ပါတယ်။ အစားထိုးတပ်သားဆိုတာ တပ်သားအစစ်မဟုတ်ဘဲ တပ်သားမလုံလောက်တဲ့အချိန်မှာစစ်အင်အားဖြည့်ဖို့ အသုံးပြုခံရတာပါ။ အိမ်ရှေ့စံမင်းသား ဂွမ်ဟယ် က ထိုအူနဲ့ သူ့လူတွေရဲ့အကူအညီကိုယူပြီး ဂျပန်တွေရဲ့ရန်ကိုရှောင်ရှားနိုင်ပါ့မလား။

t.me/msubmovie0/2889

နယူးယောက်မှ လွတ်မြောက်ခြင်း (၁၉၈၁)

IMDb - 7.1/10
Genre - Action, Thriller

နယူးယောက် မြို့ကြီးဟာ အမေရိကန်တစ်နိုင်ငံလုံးရဲ့အကျဉ်းထောင်အဖြစ်သတ်မှတ်ခံလိုက်ရပြီး မန်ဟက်တန် ကျွန်းကြီးပတ်ချာလည် တံတိုင်းတွေခတ်လိုက်ပါတယ်။ အထဲမှာလည်း ရာဇဝတ်သားတွေအပြည့်နဲ့ ရဲတွေကတော့တံတိုင်းအပြင်ကသာစောင့်ကြပါတယ်။ ထိန်းမယ့်သူမရှိတော့အထဲမှာက ရာဇဝတ်သားတွေဟာ သူတလူငါတမင်းအုပ်ချုပ်နေကြပြီး ရမ်းကားလို့ကောင်းပြီးရင်းကောင်းနေတာပါ။ ဖြစ်ချင်တော့တစ်နေ့မှာ သမ္မတကြီးလေယာဉ်ဟာ မျိုးချစ်ဝါဒီအစွန်းရောက်တွေရဲ့ ပြန်ပေးဆွဲခြင်းခံရပြီး နယူးယောက် မြို့ထဲကိုပျက်ကျစေခဲ့ကာ သမ္မတကြီးကိုထောင်ထဲရောက်စေခဲ့ပါတယ်။သမ္မတကြီးကိုကယ်ဆယ်ဖို့ကလည်း လူအင်အားသုံးလို့မရတာကြောင့်အကျဉ်းကျဖို့ရောက်လာတဲ့ စနိတ် ကိုပဲအပေးယူသဘောနဲ့ခိုင်းစေရပါတော့တယ်။ စနိတ် ထွက်ပြေးမှာကိုသိနေလို့ လည်ပင်းထဲမှာပါ မိုင်းအသေးစားလေးလိုတပ်ဆင်ပေးထားလိုက်ပြီး 24 နာရီအတွင်းပြန်မရောက်ပါက သေမှာဖြစ်ပါတယ်။ ဆိုတော့ စနိတ် တစ်ယောက်သမ္မတကြီးကိုဘယ်လိုကယ်မလဲ။ သူရောအသက်ရှင်လျက်ပြန်ထွက်လာနိုင်မလားဆိုတာကတော့ ဇာတ်ကားလေးကိုကြည့်ရှု့ဖို့တိုက်တွန်းချင်ပါတယ်။

t.me/msubmovie0/2891