ဂျင်မ်ရဲ့ ပုံပြင် (၂၀၂၄)

IMDb - 6.8/10
Genre - Comedy, Drama

ဒီဇာတ်လမ်းလေးက “ဂျင်မ်ရဲ့ပုံပြင်” လိုအမည်ရတဲ့ ပြင်သစ်ဒရမ်မာကားလေးပါ။ ဇာတ်လမ်းအကျဥ်းလေးကတော့ ။ အမ်မရစ် ဟာ ဘဝမှာ သူတစ်ပါးအတွက်သာ ဖြစ်တည်ခဲ့တဲ့လူတစ်ယောက်ဖြစ်ပြီး သူအိမ်ထောင်ကျတော့လည်း ဇနီးဖြစ်သူဘက်မှာ ဂျင်မ် ဆိုတဲ့သားလေးတစ်ယောက် ပါလာတယ်။ ဒီသားလေးအတွက် သူ့မှာ ဝမ်းနဲ့မလွယ်ရုံတမယ် ဖခင်ရင်းထက်မလျော့တဲ့အချစ်တွေနဲ့အချစ်ပိုခဲ့ရပါတယ်။ သို့ပေမဲ့ တစ်နေ့မှာတော့ ဂျင်မ် လေးရဲ့ ဖခင်ရင်းဖြစ်သူပေါ်လာတဲ့အခါမှာတော့ အမ်မရစ် တစ်ယောက် သားဖြစ်သူ ဂျင်မ် လေးဘဝအဆင်ပြေစေဖို့ ဘယ်လိုတွေအနစ်နာခံချစ်ပြသွားမလဲ ။ သွေးသားရင်း မဟုတ်သော်ညားလည်း သားတစ်ယောက်နဲ့ ဖခင်ကြားက ချစ်မေတ္တာကို နက်နက်ရှင်းရှင်းဖော်ပြထားတဲ့ ကားလေးပါပဲ။

t.me/gwmmupl/4358

ရစ်ငှက်တစ်ကောင် ဖြစ်လာခြင်း (၂၀၂၄)

IMDb - 7/10
Genre - Comedy, Drama

ဇာတ်ကားအစမှာတော့ ရှုလာ က သူငယ်ချင်းရဲ့ ဝတ်စုံပါတီကနေ ရစ်ငှက်အဝတ်အစားဝတ်ထားရင်း ကားမောင်းပြီး အိမ်ပြန်လာခဲ့ပါတယ်။ ဒါပေမယ့် ကားလမ်းမပေါ်မှာ သူ့ အန်ကယ် ဖြစ်တဲ့ ဖရတ်ဒ် ရဲ့အလောင်းကိုတွေ့ရတဲ့အပြင် အမူးသမားဖြစ်နေတဲ့ ဝမ်းကွဲဖြစ်တဲ့ ဆန်ဆာ နဲ့လည်း တွေ့ခဲ့ရပါတယ်။ ဒီလိုနဲ့ အန်ကယ် ဖြစ်သူရဲ့အသုဘအတွက် အဒေါ် ဖြစ်သူတစ်စုက ခေါ်လို့ မိသားစုအိမ်မှာ သွားကူရင်း ဝမ်းကွဲတွေ ပြန်ဆုံတွေ့တဲ့အခါ သူတို့ရဲ့ ရင်ဖွင့်စကားတွေကနေ အချိန်အကြာကြီး လျှို့ဝှက်ထားခဲ့တဲ့ မိသားစုရဲ့ ဆိုးရွားတဲ့အတိတ်ဟောင်းတွေ တစ်ခုပြီးတစ်ခု ထွက်ပေါ်လာတဲ့အခါ ။ ရှုလာ မှာရော လျှို့ဝှက်ထားတဲ့ အတိတ်ဆိုးရှိနေမလား ။ သူတို့မိသားစုရဲ့ ထုံးတမ်းစဉ်လာတွေနဲ့ အန်ကယ် ရဲ့ မုဆိုးမဇနီးဖြစ်သူရဲ့ မိသားစုနဲ့ သူတို့မိသားစုကြားက ပဋိပက္ခတွေ ၊ အဒေါ် တွေရဲ့ ဖိနှိပ်မှုတွေကို ဇမ်ဘီယာမိသားစုတစ်ခုရဲ့ အိမ်တွင်းဇာတ်လမ်းအဖြစ် ကြည့်ရှုခံစားရမှာပါ။ နောက်ဆုံးမှာ ရှုလာ ကရော မုဆိုးလာရင် သားကောင်ကို အသံနဲ့အချက်ပေးတတ်တဲ့ ရစ်ငှက်ကြီးတစ်ကောင် ဖြစ်လာနိုင်မလား ။

t.me/gwmmupl/4360

မောင်လေးအတွက် ကြိုးပမ်းချက် (၂၀၂၃)

IMDb - 6/10
Genre - Crime , Drama

မီအို ဟာ ဂိဖုမြို့က ကလပ်တစ်ခုက ဧည့်ဝတ်ကျေပွန်တဲ့ ဝန်ထမ်းဖြစ်ပြီး အမေ နဲ့အတူတူနေထိုင်သူဖြစ်ပါတယ်။ သူမဟာ စိတ်မြန်လက်မြန်ရှိပြီး တရားမျှတမှုအပြည့်နဲ့ရှိသူလည်းဖြစ်ပါတယ်။ ကင်ကာတက္ကသိုလ်မှာ ဟိုက်ဒရိုဂျင်အကြောင်းပို့ချနေတဲ့ ပါမောက္ခ အဇဲချီ ဂဲနိချီရို အတန်းချိန်ကိုလည်း အလုပ်အားချိန်မှာလေ့လာနေသူပါ ။ သူ့မောင်လေး ဒါအိခီ ကတော့ နာဂိုယာမှာ အချိန်ပိုင်းအလုပ်တွေနဲ့ ကြုံသလိုနေသူဖြစ်ပါတယ်။ တစ်နေ့ ပန်းခြံမှာ မိန်းကလေးတစ်ယောက်အသတ်ခံရမှုနဲ့ပတ်သက်ပြီး ဒါအိခီ ကိုရဲဖမ်းသွားမှန်းသိသွားခဲ့ပါတယ်။ ရဲတွေကလည်း ဒါအိခီ ရဲ့ဖုန်းထဲက ယာမာမိုတို နာမည်နဲ့မှတ်ထားတဲ့ ဖုန်းနံပါတ်က နစ်နာသူတွေရဲ့ဖုန်းမှာမှတ်ထားတာနဲ့ တိုက်တိုက်ဆိုင်ဆိုင် တူညီနေတော့ သံသယဝင်ကြတာလည်း မမှားပါဘူး။ မီအို ဟာ သူ့ရဲ့ တစ်ဦးတည်းသောမောင်လေး အပြစ်ကင်းကြောင်း သက်သေပြနိုင်ဖို့ ကြိုးစားရပါတော့တယ်။ ဒါအိခီ အပေါ် သံသယကင်းရှင်းဖို့နဲ့ တရားခံအစစ် ဖော်ထုတ်နိုင်ဖို့ မီအို၊ ဒါအိခီ နဲ့ စုံထောက်တွေ ဘယ်လိုပူးပေါင်းဆောင်ရွက်သွားကြမလဲဆိုတာ စိတ်ဝင်စားဖွယ် ကြည့်ရှုခံစားရမှာဖြစ်ပါတယ်။

t.me/gwmmupl/4362

ကျမဘဝ (၂၀၂၃)

IMDB - 6.7/10
Genre - Drama

2023 က ထွက်ရှိခဲ့ပေမဲ့ 2025 မှာပါ ရုံတင်ပြသခဲ့တဲ့ ဒီဂျပန်ဇာတ်ကားလေးဟာ မိန်းကလေးတစ်ယောက်ရဲ့ ငယ်စဉ်ဘဝအစ အရွယ်ရောက်သည်အထိ တစ်ဆင့်ပြီးတစ်ဆင့် လူအမျိုးမျိုး အတွေ့အကြုံအမျိုးမျိုး ကျော်ဖြတ်ခဲ့ပုံကို ရိုက်ကူးထားတာဖြစ်ပါတယ်။ ငယ်စဉ်တုန်းက ဖေဖေမေမေလုပ်တမ်းကစားခဲ့တဲ့ ရှိဂုဆာ ဆိုတဲ့ကောင်မလေးက ဆယ်ကျော်သက်အရွယ်မှာ ပတ်ဝန်းကျင်က မှားနေတဲ့အရာတွေကို နားယောင်ပြီး “ကောင်လေးထားရင် ပိုလှလာတယ်” ဆိုတဲ့စကားကို အမှန်ထင်ကာ ကောင်လေးရဖို့ ကြိုးစားခဲ့ပါတယ်။ တစ်ချိန်တည်းမှာ ကျူရှင်ဆရာဆီကနေ အနှောင့်အယှက်မလွတ်တဲ့ စကားတွေကို အပြောခံနေရပေမယ့် အမှားအမှန် မဝေခွဲနိုင်သေးတဲ့ ဆယ်ကျော်သက်အရွယ်မှာ ဒီလိုအရာတွေကို ပုံမှန်လို့ သဘောထားလိုက်ပါတယ်။ ကောလိပ်ရောက်ပြန်တော့လည်း ကိုယ့်ဘက်က အစစအရာရာကောင်းပေးပေမယ့် သူ့ရဲ့ပညာရေးကို နှောင့်နှေးစေတယ်ဆိုတဲ့အကြောင်းအရင်းနဲ့ ပညာဂုဏ်မမက်တဲ့ကောင်လေးအိမ်ကနေ နှင်ချခံလိုက်ရပြန်ပါတယ်။ အလုပ်မှာလည်း အိမ်ထောင်ရှိမန်နေဂျာဆီက လိင်ပိုင်းဆိုင်ရာအရ မလွတ်တဲ့စကားတွေနဲ့ နှောင့်ယှက်ခံရပြီး ဒါတွေဟာ အလုပ်မှာ ပုံမှန်ဖြစ်တဲ့အကြောင်းအရာတွေပါလို့ ဦးနှောက်ဆေးခံခဲ့ရပါသေးတယ်။ အမျိုးမျိုးသော ယောက်ျားတွေနဲ့ တွေ့ဆုံခဲ့ရပြီးနောက် ရှိဂုဆာ ရဲ့ဘဝဟာ ဘယ်လိုတွေ ဆက်ဖြစ်လာမလဲဆိုတာ ဇာတ်ကားလေးထဲမှာ ကြည့်ရှုပေးကြပါဦးနော်။

t.me/gwmmupl/4366

လူတိုင်းချစ်တဲ့ တူဒါ (၂၀၂၄)

IMDb - 6.5/10
Genre - Drama

မော်ရိုကိုမြေပြန့်ဒေသက "ရှီးခတ်" လို့ကျော်ကြားကြတဲ့ ရိုးရာတေးဆိုကြတဲ့ အဆိုတော်လူမျိုးတွေကနေဆင်းသက်လာတဲ့ တူဒါ ဆိုတဲ့အမျိုးသမီး။ အသက်မွေးကြောင်းအရ ဘားတွေမှာ တင်လှုပ်ရင်လှုပ်၊ ထိကပါးရိကပါးခံပြီး သီချင်းဆိုဖျော်ဖြေရပေမဲ့ သူ့ရဲ့အိပ်မက်က သူတို့ရိုးရာ "အိုက်တာ" သီချင်းနဲ့ကျော်ကြားတဲ့စတားတစ်ယောက်ဖြစ်လာဖို့ ။ သူ့ဘဝကို ဘားအဆိုမယ်အဖြစ်နဲ့ မပျော်ပိုက်တဲ့ မာနခဲပေါ့။ ရိုးရာတေးတွေကို နေရာမပေးကြတော့တဲ့ခေတ်မှာ အရည်အချင်းရှိပေမဲ့ အသိအမှတ်မပြုခံရတော့ သူဟာ မြို့ကြီးကိုတက်ပြီး နေရာရဖို့ ကြိုးစားပါတော့တယ်။ သူကိုယ်တိုင်စာမတတ်တော့ သူ့ရဲ့ဆွံ့အနားမကြားသားလေးကို စာတတ်အောင်သင်ရမယ်ဆိုတဲ့စိတ်နဲ့ ခေါင်းမာပြီး ရည်မှန်းချက်ကြီးတဲ့အမျိုးသမီးပေါ့။ ဒီဇာတ်ကားက သူမရဲ့ဘဝကြမ်းတမ်းပုံတွေ၊ ရုန်းကန်ရပုံတွေကို ရိုးရိုးလေးနဲ့ရိုက်ပြထားပြီး သရုပ်ဆောင်မင်းသမီးရဲ့ကာရိုက်တာကို ပုံဖော်တဲ့နေရာမှာ အမူအရာကအစ အတော်ကို သဘာဝကျကျ သရုပ်ဆောင်ထားတာကို မြင်ရမှာပါ။ ခံစားတတ်တဲ့သူတွေအတွက် ကြည့်ရတာတန်မဲ့ကားကောင်းလေးတစ်ကားပါပဲ။

t.me/dramamv/816

ကမ္ဘာပျက်မည့်နေ့ (၂၀၀၄)

IMDb - 6.5/10
Genre - Sci-fi, Action

အာတိတ်ဒေသမှာ သုတေသနလုပ်နေတဲ့ ပါမောက္ခ ဂျက်(ခ်) ဟော(လ်) နဲ့အဖွဲ့ဟာ ရာသီဥတုဖောက်ပြန်ပျက်စီးမှုတစ်ခုကို အမှတ်မထင် ကြုံတွေ့ခဲ့ရတယ်။ ဒါကို နယူးဒေလီမှာ ပြုလုပ်တဲ့ ကမ္ဘာကြီးပူနွေးလာမှုနဲ့ပတ်သက်တဲ့ နှီးနှောဖလှယ်ပွဲတစ်ခုမှာ ဂျက်(ခ်) ကိုယ်တိုင်ပြောပြခဲ့ပေမဲ့ ဘယ်သူကမှ အလေးမထားခဲ့ကြပါဘူး။ နောက်ပိုင်းမှာ ရေကြောင်းပြ ဗော်ရာ တွေမှာ အပူချိန်ကျဆင်းလာတာကြောင့် ပါမောက္ခ ရပ်ဆန် လည်း သတိထားမိခဲ့ပြီး ဂျက်(ခ်) နဲ့အတူ ပူးပေါင်းလုပ်ဆောင်ခဲ့ကြပါတယ်။ ရာသီဥတုဖောက်ပြန်ပျက်စီးမှုက တစတစပိုမိုဆိုးရွားလာခဲ့ပေမဲ့ ဂျက်(ခ်) ရဲ့သတိပေးမှုတွေကို တာဝန်ရှိသူတွေက လျစ်လျူရှုခဲ့ကြပါတယ်။ နောက်ဆုံးမှာတော့ မြောက်ကမ္ဘာခြမ်းတစ်ခုလုံးကို ရေခဲအတိဖုံးလွှမ်းသွားစေခဲ့တဲ့ တစ်ခါမှ မကြုံခဲ့ဖူးတဲ့ ကုန်းတွင်းပိုင်းဟာရီကိန်းမုန်တိုင်းဒဏ်ကို ပြည်သူတွေအလူးအလဲခံစားခဲ့ပါတယ်။ အခက်အခဲအမျိုးမျိုးရှိနေတဲ့ကြားထဲမှ ဂျက်(ခ်) တစ်ယောက် နယူးယောက်(ခ်)မှာရှိနေတဲ့ သူ့ရဲ့သားကို ကယ်တင်ဖို့ ကြိုးစားခဲ့ပုံ၊ သူတတ်စွမ်းသမျှ ပြည်သူတွေကို ကယ်တင်ပေးခဲ့ပုံတွေကိုရှုစားကြရမှာဖြစ်ပါတယ်။

t.me/cartoonbynikko/615

ဝက်ဝံလေး ဘွန်နီ - ကမ္ဘာမြေသို့ အပြန် (၂၀၂၂)

IMDB - 5.8/10
Genre - Family, Comedy

ငယ်ငယ်က ကြည့်ခဲ့ဖူးတဲ့ တရှုံ နဲ့ အော့ရှုံ ကာတွန်းဇာတ်လမ်းတွဲလေးရဲ့ အင်္ဂလိပ်စကားပြောကာတွန်းကားလေး ထွက်ရှိလာပါပြီဗျာ။ တရှုံ၊ အော့ရှုံ တို့ရဲ့ထုံးစံအတိုင်း အလွဲလေးတွေ၊ ဟာသလေးတွေ၊ ပညာပေးလေးတွေရော သမမွှေထားတာမို့ ကြည့်ကောင်းတဲ့ကာတွန်းလေးဖြစ်နေဦးမှာပါပဲနော်။ ဘိုဆန်ဆန် ဘရမ်ဘဲလ် နဲ့ ဘရိုင်ရာ ဆိုပြီး နာမည်ပြောင်းပေးထားတဲ့ ချစ်စရာဝက်ဝံတို့ရဲ့ တောအုပ်ထဲကို ကောင်းကင်ပေါ်ကနေ သတ္တုကုဗတုံးလေးတစ်တုံး ကျရောက်လာခဲ့ပါတယ်။ အဲ့ဒီကုဗတုံးလေးရဲ့ပင်မစွမ်းအားက စိတ်ထားအရမ်းကောင်းပြီး နူးညံ့တဲ့ ဘရမ်ဘဲလ် ရဲ့ဦးနှောက်နဲ့ ပေါင်းစည်းသွားပါတော့တယ်။ ကုဗတုံးလေးက ရွိုင်တန် လို့ခေါ်တဲ့ ကြောင်မျိုးနွယ်စုစီးလာတဲ့ အာကာသယာဉ်ကို ရှာပေးနိုင်တဲ့ အဓိကသော့ချက်ဖြစ်နေလေတော့… အစားစားဖို့ပဲ ဆန္ဒရှိနေတဲ့ ဘရမ်ဘဲလ် တစ်ယောက် အာကာသယာဉ်အုပ်စုတွေရော၊ ဂြိုလ်သားတွေရောနဲ့ ရင်ဆိုင်ရတဲ့အခါ ဘယ်လိုတွေ တိုင်ပတ်ဦးမလဲဆိုတာကို ဆက်ကြည့်လိုက်ပါတော့နော်။

t.me/ctmvc/15083

လက်ထပ်ပွဲ မတိုင်မီ (၂၀၁၃)

IMDB - 6.1/10
Genre - Comedy, Drama

လူတိုင်းရဲ့ဘဝမှာ ကောင်းတာပဲဖြစ်ဖြစ် ဆိုးတာပဲဖြစ်ဖြစ် အလှည့်အပြောင်းတွေကြုံရတဲ့အခါ စိတ်ပိုင်းဆိုင်ရာပြဿနာတွေကြုံရလေ့ရှိပါတယ်။ ဒါကြောင့် ကလေးမွေးပြီးနောက်ပိုင်းခံစားရတဲ့ စိတ်ကျရောဂါကိုတော့ ဘေဘီဘလူး လို့ခေါ်ပြီး လက်မထပ်ခင်ဖြစ်တတ်တဲ့ စိတ်ပိုင်းဆိုင်ရာပြဿနာတွေကိုတော့ မဲရေ့ဘလူး လို့ခေါ်ပါသတဲ့။ဒီရုပ်ရှင်ထဲမှာတော့ လက်ထပ်ပြီး ဘဝတစ်ခုတည်ထောင်ကြမယ့်စုံတွဲလေးတွဲရဲ့ ပြဿနာတွေ၊ ကြည်နူးစရာတွေကိုကြည့်ရှုရမှာဖြစ်ပြီး ပရိတ်သတ်တွေအသဲစွဲ သရုပ်ဆောင်တွေမြိုင်မြိုင်ဆိုင်ဆိုင်ပါပဲ။၂၀၁၃ ခုနှစ်ကထွက်ရှိခဲ့တဲ့ရုပ်ရှင်ဖြစ်ပေမယ့် ဘယ်အချိန်ကြည့်ကြည့် လက်တွေ့ဘဝက စုံတွဲတွေရဲ့ အချစ်ရေးပြဿနာတွေကို ပေါ့ပေါ့ပါးပါးမီးမောင်းထိုးပြထားသလို ဇာတ်လမ်းဇာတ်အိမ်လေးမို့ ကြည့်ရှုသင့်တဲ့ ရုပ်ရှင်တစ်ကားပါ

t.me/hanamovie20/4303

လေဒီ ဒယ်ဒီ (၂၀၁၀)

IMDb - 6/10
Genre - Family, Comedy

အမျိုးသားကနေ အမျိုးသမီးအဖြစ် လိင်ပြောင်းခွဲစိတ်မှု ခံယူထားတဲ့ ဓာတ်ပုံဆရာ ဆုန်းဂျီဟျွန်း ဟာ ရုပ်ရှင်ရိုက်ကူးရေးတစ်ခုမှာ အလုပ်လုပ်နေပြီး အောင်မြင်လွတ်လပ်တဲ့ ဘဝကို ပိုင်ဆိုင်ထားသူတစ်ဦးပေါ့။ အတိတ်ဘဝကို လုံးလုံးမေ့ထားပြီး ချစ်ရသူတစ်ဦးနဲ့ ပျော်ပျော်ရွှင်ရွှင် ဖြတ်သန်းနေတဲ့ သူမရဲ့ဘဝထဲကို တစ်နေ့မှာ မုန်တိုင်းအသေးစားလေးတစ်ခု ဝင်လာခဲ့တယ်။ မုန်တိုင်းလေးရဲ့ နာမည်ကတော့ “ယူဘင်း” တဲ့။ ဘဝဟောင်းက လုပ်ရပ်တွေကြောင့် ရရှိခဲ့တဲ့ သားဖြစ်သူကို ဘဝအသစ်မှာ မြင်လိုက်ရတဲ့ ဂျီဟျွန်း ဟာ လုံးဝကို ပါးစပ်အဟောင်းသားဖြစ်ခဲ့ရပြီး ခြေမကိုင်မိ လက်မကိုင်မိ ဖြစ်ခဲ့ရတယ်။ ယူဘင်း လေးရဲ့ ။ အဖေ့ကို တောင့်တတဲ့စိတ်ကို မြင်လာရတဲ့အခါမှာ ဂျီဟျွန်း ဟာ မတတ်သာဘဲ ယောက်ျားလေးလို ပြန်ဟန်ဆောင်လာရတဲ့ အခါမှာတော့ ။

t.me/hanamovie20/4305

သံစဉ်ချို (၂၀၁၀)

IMDb - 6/10
Genre - Drama

ဆယ်ဂယောင်း လို့ ခေါ်တဲ့ မိန်းကလေးဟာ အလွန်ရှားပါးတဲ့ ရောဂါဝေဒနာကို ခံစားနေရပြီး ခေါက်ဆွဲပြုတ်တစ်မျိုးတည်းကိုသာ စားလို့ရတဲ့သူဖြစ်ပါတယ်။ သူ့အတွက် နောက်ဆုံးလို့ဆိုရမယ့် သီချင်းတစ်ပုဒ်ကို လူတွေဆီ ချပြချင်တဲ့စိတ်နဲ့ ဆေးရုံက ထွက်ပြေးလာတဲ့သူပါ။ ဆောင်းဝန်း နဲ့ ဟယ်ဝန်း တို့ ၂ ယောက်ဟာ ဂီတသမားတွေဖြစ်ကြပေမဲ့ စားဝတ်နေရေးခက်ခဲလာတဲ့အတွက် သူတို့ရဲ့ ဂီတာကို ရောင်းဖို့ ဖြစ်လာခဲ့ပါတယ်။ ဒါပေမဲ့ သတိမေ့တတ်တဲ့ ဟယ်ဝန်း ကြောင့် ဂီတာသွားရောင်းတဲ့လမ်းမှာပဲ ဂီတာပျောက်ခဲ့ပါတော့တယ်။ ဂျင်ဟီး ဆိုတဲ့ မိန်းကလေးကတော့ အမှတ်တရသီချင်းတစ်ပုဒ်ကို ထိန်းသိမ်းထားချင်ပြီး ဂျီဟူ ကတော့ ဂျင်ဟီး ကို သဘောကျနေတာပဲဖြစ်ပါတယ်။ အပိုင်း ၃ ပိုင်းပါဝင်တဲ့ ဒီဇာတ်ကားလေးကတော့ အချစ်၊ မျှော်လင့်ချက်နဲ့ ဂီတကို သရုပ်ဖော်ထားတဲ့ ဇာတ်လမ်းပေါင်းချုပ်ပုံစံ ရိုက်ကူးထားတာမျိုးလေးပါ ။ စိတ်ဝင်စားစရာ ဇာတ်လမ်းတွေနဲ့ ဘယ်လိုတွေဆက်ဖြစ်ကြမလဲ ။ သူတို့ရဲ့ အိပ်မက်တွေကို အကောင်အထည်ဖော်နိုင်မလား

t.me/hanamovie20/4307

ဘီဘီ မှတ်တမ်းများ (၂၀၂၄)

IMDb - 7.5/10
Genre - Documentary

အခုတစ်ခါ တင်ဆက်ပေးချင်တာကတော့ နိုင်ငံရေးမှတ်တမ်းရုပ်ရှင် ဇာတ်ကားလေးပဲဖြစ်ပါတယ်။ အဓိကရိုက်ကူးထားတာကတော့ အားလုံးပဲသိကြမယ့် အစ္စရေးဝန်ကြီးချုပ် ဘင်ဂျမင် နေတန်ယာဟု ပဲဖြစ်ပါတယ်။ ရိုက်ကူးထားတဲ့အကြောင်းအရာကတော့ အားလုံးပဲ သိပ်မစိမ်းတဲ့ လတ်တလောတုန်းကပဲ ဖြစ်ပျက်ခဲ့တဲ့ ဂါဇာကမ်းမြှောင်ဒေသ ဟားမာ့စ် တွေရဲ့ အကြမ်းဖက်မှုတွေ၊ ဒီအကြမ်းဖက်မှု မြစ်ဖျားခံလာတဲ့အကြောင်းတွေ ။ အားလုံးက ဟီးရိုးလို့ သတ်မှတ်ထားတဲ့ ဘီဘီ ခေါ် အစ္စရေးဝန်ကြီးချုပ် ဘင်ဂျမင် နေတန်ယာဟု ရဲ့ လူတွေမသိကြတဲ့ ရှုထောင့်တွေကို မြင်တွေ့ရမှာဖြစ်ပါတယ်။ နိုင်ငံရေးစိတ်ဝင်စားသူ မဟုတ်ရင်တောင်မှ ဗဟုသုတ ရချင်သူများ၊ သမိုင်းစိတ်ဝင်စားသူများ စသဖြင့် ကြည့်ရှုသင့်တဲ့ မှတ်တမ်းရုပ်ရှင် ဇာတ်ကားကောင်းလေးဖြစ်ကြောင်း ညွှန်းဆိုလိုက်ပါတယ်။

t.me/gwmmupl/4383

အိမ်အပြန်လမ်း (၁၉၉၉)

IMDB - 7.7/10
Genre - Romance, Drama

တရုတ်တွေမှာ ရှေးကအယူအဆတစ်ခုရှိပါတယ်။ ဒါကတော့ သေဆုံးသူရဲ့အလောင်းကို သူ့ရဲ့နေရပ်ဌာနီကို လူတွေနဲ့ထမ်းပြီး ပြန်သယ်သွားပြီးတော့ လမ်းတစ်လျှောက်မှာ ဒါက မင်းရဲ့အိမ်ပြန်လမ်းဖြစ်ကြောင်း အော်ပေးရတယ်။ ဒီလိုအော်ပေးတဲ့အခါ တမလွန်ဘဝကိုရောက်သွားတဲ့သူက အိမ်ပြန်လမ်းကို မမေ့တော့ဘူးဆိုလို့ ယူဆကြတာပါ။ ဆန်းကျစ်တစ်ယောက် ဇာတိရွာလေးကနေထွက်လာပြီး မြို့မှာအလုပ်သွားလုပ်တာ နှစ်နဲ့ချီကြာခဲ့ပါပြီ။ မြို့မှာနေတဲ့လူငယ်တစ်ယောက်ရဲ့ဘဝဟာလည်း လွယ်ကူလှတာမဟုတ်တော့ ဆန်းကျစ်လည်း အိမ်ကိုမပြန်ဖြစ်တာ နှစ်နဲ့ချီကြာခဲ့ပြီပေါ့။ ဒီလိုနဲ့ တစ်နေ့မှာ သူ့ရဲ့ဇာတိ ဆန်းဟော်ထွမ်က သူကြီးက သူ့ဆီကို သတင်းဆိုးနဲ့အတူ ဖုန်းဆက်လာပါတယ်။ “မင်းအဖေဆုံးပြီ”တဲ့။ ဒါကပဲ ဆန်းကျစ် ဇာတိမြေကို မဖြစ်မနေပြန်လာဖို့ အကြောင်းရင်းဖြစ်ခဲ့တာပေါ့။ ဒီလိုနဲ့ ဇာတိမြေကိုပြန်ရောက်ရာကနေ ဆန်းကျစ်တစ်ယောက် သူ့ရဲ့အဖေဖြစ်တဲ့ ဆန်းဟော်ထွမ်ရွာကဆရာလေး လော့ချန်ယွီနဲ့ ရွာရဲ့အလှပဂေး ကျောက်တိတို့ရဲ့ အချစ်ဇာတ်လမ်းကို နောက်ခံ ဇာတ်ကြောင်းပြန်ပြောပြတဲ့ပုံစံလေးနဲ့ တင်ဆက်ထားတာဖြစ်လို့ အားလုံးအတူတူ ကြည့်ရှုခံစားလိုက်ရအောင်ပါ။

t.me/hanamovie20/4310

ဝူချီ - မှင်စာသတ်သမား (၂၀၀၉)

IMDB - 6.8/10
Genre - Action, Fantasy

စိတ်ပြေလက်ပျောက် ရယ်မောချင်တဲ့ ပရိသတ်ကြီးတို့အတွက် 2009 ခုနှစ်က ထွက်ရှိခဲ့တဲ့ ဂျိုဆွန်းခေတ်က မှော်ဆရာ ဂျောင်ဝူချီအကြောင်းကို ရိုက်ကူးထားတဲ့ ကားကောင်းလေးတစ်ကားကို တင်ဆက်ပေးလိုက်ပါတယ်။

ကောင်းကင်ဘုံမှာ စွမ်းအားကြီးနတ်ဘုရားရဲ့ ပလွေဟာ ကျိုးသွားပြီး မှင်စာတွေရဲ့လက်ထဲရောက်သွားပြီးနောက် လူ့လောကကြီးထဲ အရှုပ်အထွေးတွေ ဖြစ်လာပါတော့တယ်။ ဒါကြောင့်ပဲ နတ်ဘုရားသုံးပါးဟာ လူ့ပြည်ဆင်းလာပြီး အရှေ့ဘက်ကျောင်းတော်က ဆရာကြီးနဲ့ ဆရာဟွာဒမ်းဆိုတဲ့ အကူအညီပေးနိုင်မဲ့နှစ်ယောက်ကို ကျိုးသွားတဲ့ ပလွေ ပြန်ရှာပြီး မှင်စာတွေကို ဖမ်းပေးဖို့ တောင်းဆိုခဲ့ပါတယ်။ ဒီအချိန်မှာပဲ အရှေ့ဘက်ကျောင်းတော်က ဆရာကြီးရဲ့ တပည့်ဖြစ်တဲ့ ဂျောင်ဝူချီဆိုသူဟာ စည်းမျဥ်းစည်းကမ်းမလိုက်နာဘဲ လုပ်ချင်းတိုင်းလုပ်တတ်ပေမဲ့ ခက်ခဲနေတတ်တဲ့လူတွေကို ကူညီရင်းနဲ့ အတော်ဆုံးမှော်ဆရာတစ်ယောက် ဖြစ်ဖို့ ကြိုးစားနေသူပါ။ ဒီလိုနဲ့ပဲ တစ်နေ့မှာတော့ ဂျောင်ဝူချီက ဆရာဖြစ်သူကို သတ်တယ်လို့ နတ်ဘုရားသုံးပါးက အထင်လွဲသွားခဲ့ပြီးနောက် ဂျောင်ဝူချီနဲ့ သူ့ရဲ့ခွေး ချိုရန်းအီတို့ကို ပန်းချီကားထဲမှာ ချုပ်နှောင်ထားလိုက်ပါတော့တယ်။ နှစ်ပေါင်း ၅၀၀ ကြာပြီးနောက် ။ မှင်စာတွေ ပြန်လည်သောင်းကျန်းနေတဲ့ မျက်မှောက်ခေတ်မှာ ဂျိုဆွန်းခေတ်က မှော်ဆရာဖြစ်တဲ့ ဂျောင်ဝူချီနဲ့ သူ့ရဲ့ခွေး ချိုရန်းအီတို့ဟာ ပန်းချီကားထဲကနေ ပြန်လွတ်လာတဲ့အခါမှာတော့ ။ ဇာတ်အိမ်ဆန်းဆန်းလေးကိုမှ ရယ်မောရင်းကြည့်ရှုရမဲ့ ဒီဇာတ်ကားလေးကိုတော့ ကွာလတီအမိုက်စားနဲ့ ပြန်လည်တင်ဆက်ပေးထားပြီဖြစ်လို့ ကြည့်ရှုခံစားလိုက်ပါဦးနော်။

t.me/gwmmupl/4391

ကံကောင်းသောအခါ (၁၉၉၀)

IMDB - 6.2/10
Genre - Action, Comedy

မင်းသားကြီး စတီဖင်ချောင် ငယ်စဉ်က ဇာတ်ကားပါ။ Action/Comedy/Romance အမျိုးအစားဖြစ်ပါတယ်။ Action ဆိုလဲ လုံးဝမအိုင်အောင် ခပ်မိုက်မိုက် ရိုက်ကူးထားပါတယ်။ Comedy ဆိုလဲ အခြီဖြစ်အောင် ရိုက်ကူးထားနိုင်ပါတယ်။ Romance ဆိုလဲ လုံးဝဟက်ထိအောင် ရိုက်ကူးထားပါတယ်။ သူ့နေရာနဲ့သူ ရသအစုံ ပုံဖော်ထားနိုင်တဲ့ ဇာတ်ကားပါ။ မင်းသမီးကလည်း ဇာတ်ရုပ်နဲ့အလိုက် ဒေါင်ကျကျ ပြားကျကျ သရုပ်ဆောင်ပြထားတာတွေ့ရပါတယ်။ ဇာတ်ကြောင်းလေးကိုတော့ ခံစားအားပေးကြည့်ကြပါဦး။

t.me/cartoonbynikko/620

အင်းလေ။ ကိုယ်တွေက မီးလေးပဲမရတာ။ တချို့ တချို့တွေ ဆိုရင်....

လို့ပဲ ဖြည့်တွေးရတာပေါ့