Hier mal etwas zum Schmunzeln

Es gibt doch tatsächlich Leute welche glauben dass ich Dialekt rede in meiner Sendung. 😂😂😂

Hier mal ein paar Zeilen von einem Walliser in Dialekt - welches meine Muttersprache ist.

Da könnt Ihr mal sehen was ich eigentlich für ein Dialekt habe. 🙈😉👍

👇👇👇👇👇👇👇👇

Salü Rosche

ich bi so fri und säge dier dü; wier sitze ja im gliichu schaloppji.
Zeerscht es grossus grossus merssi wa va härzu chunnt, fer diini wunderbaru und inhaltsvollu videos.

Vor Corona hänich es so e schuppo sache eifach nit gseeh. Zum glick, weisch wie gross, bini jez pensioniert und hä so derzit kä, eu, nei, vor allum, informazione nimme üs de massumedie, sondern va yiutuub und telegram dsholu. Da het schich mier en niwwi wält üfgita. Bi sit jugendjahru scho kritisch gsi, aber was i jez weiss, das hätich mier nie in dem üsmass chennu vorschtellu. 

Jessusmariaundjosef, hä eu uber de trump gläschtrut und jedes wort, wani ine letschtu dri jahr uber de trump hä üssaglaa, jedes wort tüot mer hitu so richtig leid. Ja nu, d höüptsach, ich weiss jez was der trump macht und cha und will - grossartig, so richtig hüoragüot.

Richtig, wier wärde immer meh. Aber weni so d laag iner schwiz alüoge, de wird mer so richtig weh ums härz. Wier hei ine letschtu monat mit es par ehemals güote bikanntu der kontakt abgibrochu. Züo und züo schich rächtfertigu und ds müül fusslig redu - das häni nimme neetig. Es par güoti freunde sind giblibu. Settig zite zeigunt klar und titli üf, wer zu einum passt und wer nit oder nimme.

Äbu, d schwizer sind so richtigi unnertaanu, fitloläcker, gähnt der wäg vam gringschtu widerschtand: nenei, sisch scho güot, so schlimm is ja nit und wenn der bundesrat seit, maschgupflicht, okei, de legge wer halt die maschge a. Wier läbe immer nu im paradiis - so richtig schreckli. Äs brüücht sientamal en hüora giduld, nit üs der hüt dsfahru und riewig dsbliibu.

Warum ich dier schriibu: chamu dier irgendeswie hälfu, dich unnerschtitzu? Oder eu umgikeehrt - chasch dü mich und mini partneri, wa gliich deicht und eu erwacht isch, mit güote lit dsämubringu? So, dasmu eppis cha uf di bei schtellu und dsämu sache unnernä. Gseehsch dü da meglichkeite?

Ich wäri wirkli gottufroh, wemu da eppis
 dschtand brächti.

Gfrewwu mi, va dier dsläsu und nu meh, dich amal persönlich kennu ds lehru, wenn das megli isch.

Hey, ganz en liebe grüoss und hoffuntli bis bald amal

#walliser #dialekt #feedback

@BITTELTV - EINFACH ANDERS