❗️Афiцыйная заява СБУ наконт лёсу затрыманых беларусаў:

«У рамках сваіх функцыянальных задач па барацьбе з нелегальнай міграцыяй СБУ разам з Нацыянальнай паліцыяй прымае ўдзел у аперацыі «Мігрант», якая праходзіць з 1 па 31 верасня і ўключае шэраг мер па ідэнтыфікацыі людзей, якія апынуліся незаконна ва Украіне.

16 верасня адбыўся агляд аднаго з кіеўскіх хостэлаў, дзе было 12 грамадзян Рэспублікі Беларусь. Двое з іх незаконна перасеклі дзяржаўную мяжу Украіны. Гэтыя асобы былі запрошаныя на допыт у адміністрацыйны будынак СБУ.
Пасля адпаведных праверак грамадзяне Беларусі былі перададзеныя ў Дзяржаўную міграцыйную службу Украіны», - спікер Службы бяспекі Украіны Арцём Дзехцярэнка.

✏️ Нагадаем, сёння раніцай СБУ затрымала 5 беларусаў. Сярод іх былы міліцыянт Ягор Емельянаў і валантэрка Алена Жаркевіч. Алену Жаркевіч адпусцілі – паведамляе Беларускі Дом ва Украіне.

Крыніца: @belsat

🇫🇷 Святлана Ціханоўская з працоўным візітам у Францыі

💉Ці эфектыўная расейская вакцына ад каронавіруса?

😲 Імёны памілаваных Лукашэнкам і каментар Васкрасенскага

🇺🇸 ЗША выкраслілі з «бязвізавага» спісу

🍁 Залатая восень у Беларусі. Сіноптыкі кажуць, што толькі да заўтра

Глядзіце самыя галоўныя навіны дня на «Белсаце»!

Прыватным лабараторыям забаранілі рабіць ПЦР-тэсты?

Медычныя цэнтры «Горизонт», «Синево» і «Аква-Минск», «Gravita» спынілі забор мазкоў ПЦР-тэставання на COVID-19 з 17.09.2021г – пра гэта яны паведамілі на сваіх афіцыйных старонках.

Напярэдадні тэлеграм-канал «Мерзкий Кокобай» пісаў:

«С 17.09.2021 запретили делать ПЦР-тест частным лабораториям. Только госы теперь».

У сваю чаргу Мінздароўя пракаментаваў, што ўлетку праводзілася праверка якасці выканання ПЦР-тэстаў у лабараторыях. У двух лабараторыях выяўленыя «істотныя недахопы» і праца двух устаноў спыненая для ліквідацыі недахопаў. Назвы ўстаноў у афіцыйным каментары не згадваюцца.

«Пакуль не прыеду дамоў і не абдыму жонку, яшчэ не зразумею, напэўна, што ўжо ўсё»

Адзін з «памілаваных» расказаў «Белсату», што ўжо афармляе дакументы і сёння выпраўляецца дамоў. Вызваленне для яго было нечаканым: падняўся ранкам, пайшоў на працу на «хіміі» – і а 10-й раніцы яму патэлефанавалі і сказалі збіраць рэчы.

«Шок! Я не зразумеў спачатку, што і куды. А як сталі тлумачыць паціху, радасць была, – кажа ён. – У шоку знаходжуся! Пакуль не прыеду дамоў і не абдыму жонку, яшчэ не зразумею, напэўна, што ўжо ўсё. Не верыцца».

Ён пісаў ліст пра памілаванне ў «круглы стол» Васкрасенскага. Але з сотні чалавек у «спісах Васкрасенскага» вызваляюць цяпер толькі 13.

Палітвязень, які размаўляў з «Белсатам», мяркуе, што менавіта яго вызвалілі, бо ён мае малых дзяцей. Ад ліста Васкрасенскаму ён не чакаў вызвалення, была хіба лёгкая надзея, але ён вырашыў паспрабаваць.

Яму заставалася быць на «хіміі» больш як год – яго пакаралі за каментар у сацсетках на адрас сілавіка.

Крыніца: @belsat

😲 Беларуса Уладзіслава Чакалава гвалтам вывозяць з Расеі

Жонка Уладзіслава Вікторыя распавяла, што 16 верасня муж звязаўся з ёй і паведаміў, што яго вязуць на памежны пераход Новыя Юркавічы, каб там перадаць памежнікам Беларусі. Уладзіслаў сцвярджае, што працэдура экстрадыцыі ў дачыненні яго не была выкананая.

У Беларусі на мужчыну заведзеная крымінальная справа за фінансаванне пратэстнай дзейнасці.

Уладзіслаў Чакалаў – грамадзянін Беларусі і таксама Ізраілю. Расейскі суд прыняў рашэнне вывезці Чакалава ў Беларусь, бо нібыта скончыўся тэрмін дзеяння ягонага ізраільскага пашпарту.

Крыніца: @belsat

🤔 Фотафакт. Пінскі памежны атрад просіць агітаваць школьнікаў да паступлення

Ліст з просьбай рассылаюць па Баранавіцкіх ўстановах адукацыі.

Крыніца: чытачы @belsat

❗️ Памілаваны палітвязень, якога асудзілі за распальванне сацыяльнай варожасці.

Палітзняволены Аляксей Коршун з Оршы, затрыманы 31 сакавіка.

Яго асудзілі да 2,5 гады калоніі агульнага рэжыму за каментары ў сацыяльнай сетцы «Вконтакте» па артыкуле 130 Крымінальнага кодэкса.

Крыніца: @viasna96

«Каб захаваць здаровую псіхіку і працаздольнасць у сённяшняй рэальнасці, трэба вучыцца знаходзіць радасць у дробязях, з якіх складаецца нашае жыццё»

Ірына Леўшына – дырэктарка БелаПАН.

За прафесійную дзейнасць яе пасадзілі за краты і абвінавацілі ў «арганізацыі ці рыхтаванні дзеянняў, што груба парушаюць грамадскі парадак».

Ірына пад арыштам з 18 жніўня 2021.

Дашліце ліст палітвязню: СІЗА № 1, вул. Валадарскага, 2, 220030, г. Менск

Падтрымайце Ірыну: https://bellsat.eu/prisoners/iryna-leushyna/

📍Як у Беларусі вызвалялі палітвязняў

Першым палітвязнем часам называюць паэта Славаміра Адамовіча, якога ў 1996 годзе зняволілі за верш «Убей президента!».

Большую частку палітзняволеных вызвалялі раней за прысуджаны тэрмін, але не заўсёды праз фармальнае памілаванне.

Распавядаем:

Хто такі палітычны вязень? Правілаў вызвалення палітзняволеных няма? Як вызваляюць палітычных вязняў?

https://bellsat.eu/news/16-09-2021-netsikavyya-spisy-vaskrasenkaga-yak-u-belarusi-vyzvalyali-palitvyaznyau/

🔹Асноўны сайт belsat.eu чытайце праз VPN
🔹Навіны Белсату таксама дасяжныя ў прыкладанні BelsatNews на Android і IOS.
🔹Эфір, праграмы, фільмы можна глядзець праз прыкладанне BelsatSmart Android i IOS
☝️Заблакаваць прыкладанні немагчыма!

❗️Яўген Говар – трынаццаты вядомы памілаваны палітвязень

Палітзняволены Яўген Говар – былы супрацоўнік Беларускага металургічнага заводу ў Жлобіне. Яго судзілі разам Аляксандрам Бабровым, якога таксама сёння памілавалі, па ч. 1 арт. 342 Крымінальнага кодэксу.

Говар разам з іншымі працаўнікамі БМЗ перакрыў дарогу для тэхналагічнага транспарту на тэрыторыі заводу.

Крыніца: @prisoners_spring96

❗️16 верасня 1999 году зніклі апазіцыйны палітык Віктар Ганчар і прадпрымальнік Анатоль Красоўскі.

❓Чаму праўды пра іх знікненне дагэтуль не высветлілі?

Пра гэта распавядае фільм «Банда», прысвечаны «эскадронам смерці» ў Беларусі. Абавязкова паглядзіце👉 https://youtu.be/AqTN6tYTTLg

P.S. У Відэа невялікая памылка: не 16 снежня, а 16 верасня зніклі Ганчар і Красоўскі.

💥Вечаровы эфір «Белсату» – галоўныя падзеі дня!

Пра што гаворым сёння?

🔻Гадавіна знікнення Красоўскага і Ганчара. Каментуе Анатоль Лябедзька;

🔻Памілаваныя Лукашэнкам палітвязні. Каментар аднаго з такіх людзей - Максіма Шаўлінскага;

🔻Валерый Кавалеўскі пра візіт Ціханоўскай у Францыю;

🔻Палітолаг Павел Усаў пра візіт Лукашэнкі на саміт АДКБ, пра памілаваных палітвязняў, заканчэнне вучэнняў Захад-2021 і справу сям'і, якую падазраюць у падпале маёмасці Алега Гайдукевіча.

Усе самыя галоўныя навіны – у вечаровым выпуску навін на «Белсаце»!

https://www.youtube.com/watch?v=gHZxDTE91TQ

📍Усіх беларусаў выпусцілі з будынкаў СБУ і ДМС

Па дадзеных «Беларускага Дома ва Украіне», іх было 5.

Крыніца: @beldomua2

🔻Журналісткі «Белсату» за кратамі ўжо 305 дзён

Нашых каляжанак Кацярыну Андрэеву і Дар’ю Чульцову асудзілі на 2 гады турмы за тое, што яны выконвалі свае прафесійныя абавязкі.

Як падтрымаць Кацю і Дашу? Пішыце ім лісты:

💌Кацярына Бахвалава: ПК № 4, вул. Антошкіна, 3, 246035, г. Гомель.
💌Дар’я Чульцова: ПК № 4, вул. Антошкіна, 3, 246035, г. Гомель.

❗️Не забудзьцеся ўкласці ў ліст пусты канверт, каб дзяўчыны маглі вам адказаць.

Нагадваем пра наш адмысловы праект, дзе мы распавядаем пра палітвязняў і тлумачым, як ім дапамагчы👇

https://bellsat.eu/palitvyazen/