У судзе Браслаўскага раёну Змітру Лупачу таксама далі штраф 30 базавых (870 рублёў)

Суддзя Вольга Пракопчык крыху больш за гадзіну разглядала матэрыялы справы. Лупача вінавацілі ў размяшчэнні на YouTube сюжэту пра псіхіятрычную больніцу ў Слабодцы.

Суддзі не спадабалася назва сюжэту: «Лукашэнка купіў рэзідэнцыю каля псіхіятрычнай лякарні?». Журналіст адрэагаваў так: «Назву я не прыдумляў, але сапраўды тут памылка, бо ён нічога не купляе – яму ўсё задарма дастаецца».

Раней у гэты ж дзень Змітру Лупачу прысудзілі 870 рублёў штрафу ў судзе Глыбоцкага раёну (за іншы сюжэт).

Крыніца: @belsat

❗️Працаўніка TUT.by Максіма Пушкіна адпусцілі з ДФР.

У яго канфіскавалі тэхніку. Цяпер ён пад падпіскай аб неразгалошванні.

Крыніца: @tutby_official

☝️Дзяўчыну Рамана Пратасевіча Сафію Сапегу арыштавалі на два месяцы. Пра гэта паведамляе BBC са спасылкаю на адваката дзяўчыны.

Крыніца: bbc.com

🇺🇦 Рэктар Кіеўскага нацыянальнага ўніверсітэту імя Тараса Шаўчэнкі Уладзімір Бугроў заклікаў раду навукоўцаў гэтай навучальнай ўстановы тэрмінова разгледзець пытанне пазбаўлення Лукашэнкі звання пачэснага доктара КНУ

Крыніца: Facebook

«Жыць складана. Жыць трэба годна. Бог даў выпрабаванне, павінны годна яго прайсці».

Ірэна Бярнацкая – кіраўніца лідскага аддзялення Саюзу палякаў, якой пагражае 12 гадоў зняволення.

Падтрымайце Ірэну і сотні іншых беларускіх палітзняволеных!

Як гэта зрабіць, чытайце тут👉 https://3beltv.eu/zhyve-be/

❗️Працаўнікі TUT.by Аля і Дзяніс Буркоўскія выйшлі з ДФР.

Удома ў іх быў ператрус, канфіскавалі тэхніку. Цяпер яны застаюцца пад падпіскаю. Кажуць, што абыходзіліся з імі карэктна.

Крыніца: @tutby_official

☝️Belavia скасоўвае рэйсы ва Украіну да канца лета!

Палёты спыняцца ў Кіеў, Львоў, Адэсу і Харкаў.

Крыніца: belavia.by

☝️Раварысты з Вялікай Брытаніі таксама адмовіліся прыязджаць у Менск на чэмпіянат Еўропы ў велатрэку

Крыніца: @tribuna_by

Аналагічную заяву зрабіў і роварны звяз Нідэрландаў

Прадстаўнікоў гэтай краіны не будзе на чэмпіянаце ў велатрэку ў Менску. Калі ён, вядома, наагул адбудзецца.

Крыніца: nos.nl

🔥 Абавязкова паглядзіце нашую «Студыю» – распавядаем пра галоўныя падзеі дня

Пра што гаворым сёння:
🔸Прысуд Паўлу Севярынцу і актывістам Еўрапейскай Беларусі, размаўляем з Таццянай Севярынец.
🔸Госць «Студыі» – каардынатар Еўрапейскай Беларусі Зміцер Бандарэнка.
🔸На сувязі доктар з Нямеччыны, які зрабіў аналіз відэа з Раманам Пратасевічам. Якія прыкметы таго, што блогера білі і катавалі?
🔸Размова з мэрам Рыгі Мартыньшам Стакісам.
🔸Дэпутат Еўрапейскага Парламенту Пятрас Аўштравічус пра далейшыя крокі Еўропы ў сувязі з інцыдэнтам Ryanair.

❗️Усе самыя галоўныя навіны ў «Студыі «Белсату»!

https://www.youtube.com/watch?v=Kjq8JekKAgY

Праўладны тэлеграм-канал апублікаваў відэа з арыштаванай расейкай Сафіяй Сапегай, у якім яна называе сябе рэдактаркаю тэлеграм-каналу «Чёрная книга Беларуси».