⚡️На кватэры ў Сафіі Садоўскай, старэйшай дачкі экаактывісткі Ірыны Сухій, ператрус.

Саму Сухій затрымалі 6 верасня.

Крыніца: @belsat

Памежны пераход «Аляксандраўка» славіцца сваімі прарывамі мяжы.

У 2017 годзе, падчас пратэстаў «недармаедаў», менавіта тут з украінскага боку нібыта прарываўся Jeep (на фота) са зброяй. Праўда, украінскія памежнікі тады заявілі, што ва Украіне ён не быў. Справу з Jeep улады забыліся праз некалькі месяцаў, калі пратэсты сціхлі, а распачатая адначасова справа «Белага легіёну» развалілася.

Зараз тут жа, паводле ДПК, машына прарывалася з сябрамі Каардынацыйнай рады ўжо ва ўкраінскі бок. Але ва Украіне кажуць, што іх вымусілі выехаць з Беларусі, а Марыя Калеснікава нават парвала пашпарт, каб застацца на Радзіме.

🇷🇺Крэмль чакае тлумачэнняў па сітуацыі з Калеснікавай

Прэс-сакратар прэзідэнта РФ Уладзіміра Пуціна Дзмітрый Пяскоў пракаментаваў затрыманне чальца беларускай Каардынацыйнай рады Марыі Калеснікавай.

«Вядома, выкраданне людзей – гэта тое, што ніякім чынам нельга ўхваліць. У гэтым выпадку, вядома, гэта трэба дыферэнцаваць ад затрымання людзей у строгай адпаведнасці з законам. Мы ў той жа час пакуль не валодаем дэталёвай інфармацыяй пра тое, што ж з ёй адбылося, бо паступае самая супярэчлівая інфармацыя. Спадзяемся, што сітуацыя будзе растлумачаная і мы пачуем нейкія тлумачэнні, тлумачэнні або заявы, якія ўнясуць яснасць у тое, што адбылося», – сказаў Пяскоў журналістам, адказваючы на пытанне, як у Крамлі ставяцца да таго, што «ў Беларусі, можна сказаць, выкрадаюцца людзі».

Крыніца: РИА Новости

Суседзі намалявалі «TUT❤️» пад вокнамі Галіны і Валерыі Уласік.

Фота: @belsat

Два месяцы ў менскай кавярні «Інклюзіўны барыста» будуць частаваць бясплатнай кавай тых, хто пацярпеў за час мірных пратэстаў.

Уладальнік кавярні Саша Аўдзевіч, адказваючы на пытанне, як наведніку даказаць, што ён пацярпеў за час пратэстаў, заявіў:

- Ніяк не трэба даказваць. Наагул любы чалавек можа прыйсці і піць колькі хоча кавы бясплатна. Проста таму што мы адчулі, што ў людзей стала менш грошай, а ў нас шмат рэшткаў кавы.

Крыніца: @tutby_official

Сябры Каардынацыйнай рады Антон Раднянкоў і Іван Краўцоў, прайшоўшы ўсе неабходныя меры памежнага кантролю, рушылі на тэрыторыю Украіны.

Раней Дзяржаўны памежны камітэт Беларусі заяўляў пра іх затрыманне ва Украіне. Украінскі бок не паведамляе пра затрыманне.

Крыніца: ДПСУ

Зараз каля Купалаўскага тэатру праходзіць акцыя салідарнасці. Прыйсці і падтрымаць актораў можна штодня з 12 гадзін дня.

Крыніца: @nexta_live

«Нам не нужен поводок!»

Пікет каля ветакадэміі ў Віцебску.

Фота: @belsat

Менск. Студэнты працягваюць выходзіць на акцыі салідарнасці

Студэнты Беларускага дзяржаўнага ўніверсітэту культуры і мастацтваў выйшлі на акцыю за Перамены.

А студэнты МДЛУ выйшлі на акцыю салідарнасці з іншымі ўніверсітэтамі і нядаўна затрыманай студэнткай БДЭУ.

Крыніца: @nexta_live і @radiosvaboda

Прэс-сакратар Пуціна заявіў, што Крэмль не гатовы прызнаць наяўнасць у Беларусі палітвязняў.

Гэтак Дзмітрый Пяскоў пракаментаваў сітуацыю з незаконным затрыманнем Марыі Калеснікавай.

Гаворкі пра кантакты прадстаўнікоў апазіцыі ў Беларусі з афіцыйнай Масквой ісці не можа, дадаў ён.

Фота: Прэс-служба Крамля

У кватэры, у якой пражывае актывістка, сябра рады ГА «Экадом», Ксенія Малюкова сёння каля 14:30 адбудзецца ператрус.

Каля дому, дзе жыве Ксенія Малюкова, міліцыя і АМАП дзяжурылі з учорашняга абеду. Самой яе ўдома няма.

Прычыны цікавасці да сябе яна не ведае, але мяркуе, што гэта можа быць адміністратыўная справа, як і ў выпадку з іншымі актывісткамі «Экадому».

Крыніца: @belsat

Лукашэнка для «Говорит Москва»: «Да, возможно, я немного пересидел».

Ага, зусім крыху.

Лукашэнка: «Марыя Калеснікава хацела бегчы да сястры на Украіну. Яе затрымалі правільна»

Пра гэта ён заявіў у размове з расейскімі медыямі.

Між тым Дзяржаўны памежны камітэт паведамляе, што «Марыя Калеснікава затрыманая для высвятлення абставінаў здарэння», якое, паводле ДПК, нібыта мела месца на мяжы.

❗️Беларускія праваабаронцы прызналі Аляксандра Васілевіча, Лілію Уласаву і затрыманых супрацоўнікаў PandaDoc палітычнымі зняволенымі і патрабуюць неадкладнага іх вызвалення.

Крыніца: @viasna96

⚡️Літва рыхтуе адмысловыя візы для беларусаў, піша DELFI.

«На працягу некалькіх дзён усё павінна праясніцца, – сказала кіраўнік Дэпартамента міграцыі Эвеліна Гудзінскайтэ. – Гэта было б спрашчэнне парадку, бо ўжываліся б мінімальныя патрабаванні, але гэта дапамагло б дазволіць беларусам, якія хочуць зʼехаць у Літву, але не хочуць прасіць палітычнага прытулку, атрымаць дакумент у самыя кароткія тэрміны».