❗️Лукашэнка: проста так не пайду, усё гэта не кіну.

«Калі я пайду, маіх прыхільнікаў будуць рэзаць», – сказаў ён у размове з расейскімі журналістамі.

Крыніца: @rian_ru

Студэнты факультэта сацыякультурных камунікацыяў БДУ таксама выйшлі на акцыю.

Крыніца: @nexta_live

На сусветных рынках працягваецца падзенне коштаў на нафту

Учора на плошчу Пераменаў у Менску завіталі купалаўцы. Тусілі разам з жыхарамі навакольных дамоў, спявалі разам песні ды паказвалі сцэнкі. Засвяціліся таксама нашыя калегі з @chaj_tak_tv. Уключыце гук і глядзіце, як гэта было!

Павел Латушка пацвердзіў інфармацыю пра тое, што чальца прэзідыуму Каардынацыйнай рады Марыю Калеснікаву прымушалі пакінуць Беларусь, і на мяжы яна разарвала свой пашпарт.

Крыніца: @tutby_official

У сувязі з абмежаваннямі ў працы мабільнага інтэрнэту ў Менску 23, 26 і 30 жніўня, "звязанымі з выкананнем патрабаванняў упаўнаважаных дзяржаўных органаў", кіраўніцтва мабільнага аператара А1 вырашыла кампенсаваць страты абанентам мабільнай сувязі, якіх закранула праблема недаступнасці сэрвісаў.

Падрабязнасці па спасылцы.

Айцішнікі зрабілі вэб-дадатак са спісам праўладнага бізнесу Blacklist2020. Можна адкрываць як у браўзеры, так і ў якасці дадатку праз функцыю «дадаць на галоўны экран» у браўзеры. Звесткі дапаўняюцца.

Таксама на сайце можна пакінуць свае каментары ці пашырыць спіс.

«Дома стала невыносна страшна». Руся распавяла, чаму пераехала ў Кіеў

Вакалістка групы «Shuma» Руся разам з маці і 1,5-гадавалай дачкой Аей пераехала ў Киеў. З ёй сустрэлася журналістка «Белсата».

Чытаць цалкам: https://telegra.ph/Doma-stala-nevynosna-strashna-Rusya-raspavyala-chamu-peraehala-ў-Kіeў-09-08

Прызёр Алімпійскіх гульняў, трэнер зборнай Беларусі, старшыня Беларускай асацыяцыі школьнага спорту фрыстайліст Дзмітрый Дашчынскі выказаўся пра сітуацыю з выбарамі ў Беларусі:

«Я галасаваў за Ціханоўскую. Хацеў аддаць голас за альтэрнатыўнага кандыдата, бо мяне адпачатку збянтэжыла перадвыбарчая кампанія, калі любы моцны кандыдат раптам аказваецца злачынцам...

Ужо не кажу пра незалежных назіральнікаў, якія мелі права знаходзіцца на выбарчых участках, а іх туды не пускалі. Не кажу пра чэргі на пікеты, пра ланцуг салідарнасці або веласіпедны прабег, напрыклад, якія разганяў АМАП. Нібы грамадзяне Беларусі ні на што не маюць права. Накіпела яшчэ да выбараў. На афіцыйных дзяржаўных тэлеканалах кажуць і паказваюць інфармацыю насуперак тым падзеям, якія адбываюцца ў краіне. Гэта недапушчальна!»

⚡️ У сеціве з’явіўся падрабязны спіс бізнесаў, якія фінансуюць Лукашэнку і ягоных сілавікоў BlackList2020.

Усе кампаніі сартаваныя па розных катэгорыях. Карыстальнікі могуць дадаваць новыя да спісу.

Лукашэнка пра Каардынацыйную раду:

«Я не буду размаўляць з Каардынацыйнаю радаю апазіцыі, таму што я не ведаю, хто гэтыя людзі. Яны аніякая не апазіцыя. Усё, што яны прапануюць – гэта катастрофа для Беларусі і беларускага народу. Яны хочуць разарваць усе нашы сувязі з брацкай Расеяй, хочуць, каб у нас былі платнымі адукацыя і медыцына. Яны хочуць, каб усе нашы прамысловыя прадпрыемствы былі знішчаныя, а рабочыя сталі б беспрацоўнымі!».

Крыніца: Telegram-канал Рамана Бабаяна

⚡️ І яшчэ крыху цытатаў з сённяшняй размовы Лукашэнкі з расейскімі СМІ

«Мы гатовыя працягваць інтэграцыю з Расеяй, але спачатку трэба каб рэальна зарабілі ўсе інстытуты і ўжо існыя, у рамках Саюзнай дзяржавы, праекты».

Крыніца: Telegram-канал Рамана Бабаяна

⚡️ Святлана Ціханоўская сёння выступіла ў Парламенцкай асамблеі Рады Еўропы.

Яна заявіла, што Лукашэнка больш не з’яўляецца легітымным кіраўніком Беларусі.

«Ён больш не ўяўляе Беларусь. Сілы і краіны, які заключаюць дамовы з Лукашэнкам, робяць гэта на свой страх і рызыку. Нам неабходны міжнародны ціск на гэты рэжым, на гэтага аднаго чалавека, які чапляецца за ўладу. Нам патрэбныя санкцыі супраць асобаў, якія выдаюць і выконваюць злачынныя загады, якія парушаюць міжнародныя нормы і правы чалавека», – сказала былая кандыдатка на прэзідэнта Беларусі.

Крыніца: «Пул первой»

⚡️ У штаб Бабарыкі адразу з некалькіх ананімных крыніцаў паступілі звесткі, што Марыя Калеснікава затрыманая і знаходзіцца ў Мазырскім памежным атрадзе.

Адрас: вайсковая частка 1257.247768, Мазырскі р-н, н.п. Прудок.

Крыніца: @biktarbabarykaofficial

⚡️ Памежны камітэт Беларусі сцвярджае, што з пашпартам Калеснікавай, калі яна перасякала пункт пропуску, усё было нармальна.

«А 04:08 грамадзянка Калеснікава Марыя праходзіла пагранічны кантроль у пункце пропуску Аляксандраўка на выездзе з Рэспубліцы Беларусь. У гэты час у яе з дакументамі ўсё было ў парадку. Яна прайшла ўсе віды кантролю, пакінула пункт пропуску ў напрамку ўкраінскай тэрыторыі», – паведаміў РБК афіцыйны прадстаўнік памежнага камітэту Беларусі Антон Бычкоўскі.

Крыніца: @rbc_news

Мінак, якога моцна збілі ціхары з дубінкамі: Я быў нейтральным чалавекам, але гэта перагіб і бяспраўе

6 верасня на нядзельным пратэсце ў Менску, на які выйшлі сотні тысяч людзей, адбыліся жорсткія затрыманні. На вуліцах сталіцы з дубінкамі ды ў балаклавах былі не толькі байцы АМАПу, але і сілавікі ў цывільным. З іншага боку невядома, ці гэта сапраўдныя «праваахоўнікі».

Чытаць цалкам: https://telegra.ph/Mіnak-yakoga-mocna-zbіlі-cіhary-z-dubіnkamі-YA-byў-nejtralnym-chalavekam-ale-gehta-peragіb-і-byaspraўe-09-08

Павел Латушка мяркуе, што Лукашэнка хоча правесці Канстытуцыйную рэформу, каб проста выйграць час.

«Выбары трэба праводзіць ужо заўтра пры разуменні таго, што будуць вызваленыя ўсе палітвязні, спынена пераслед іншадумцаў, створана здаровая атмасфера ў краіне і адноўлена законнасць. Гэта павінны быць прамыя і сумленныя, адкрытыя выбары. Іх можна праводзіць адначасова з канстытуцыйнай рэформай, але ніяк не пасля», – сказаў чалец Каардынацыйнай рады.

Аляксандр Лукашэнка зараз пачаў праводзіць рэформу Канстытуцыі і кажа, што арганізуе новыя выбары, але ўжо пасля яе.

Крыніца: «Интерфакс-Запад»

«Крумкачоў» аштрафавалі на Br 3375 пасля матчу з «Дынама-Менск», дзе яны выйшлі ў цішотках «супраць гвалту».

Крыніца: @tutby_official

У Беларусі за дзень прырост у 177 выпадкаў COVID-19. Агулам на 8 верасня ў краіне 73 208 чалавек з пацверджанай каронавіруснай інфекцыяй.

Паводле афіцыйных звестак, ад COVID-19 памёр 721 чалавек (+6).

Крыніца: Мінздароўя

❗️Лукашэнка патлумачыў, чаму ён выйшаў з аўтаматам да пратэстоўцаў.

«Маё з'яўленне з аўтаматам азначала толькі адное – я нікуды не ўцёк і гатовы абараняць маю краіну да канца».

Крыніца: Раман Бабаян