Валерыю Уласік забрала міліцыя. Абвінавачваюць у 23.34 КаАП. Галіна Уласік у кватэры, там ідзе ператрус.

Крыніца: @bajby

❗️Афіцыйны прадстаўнік Дзяржпагранкамітэта Беларусі Антон Бычкоўскі даў падрабязны каментар пра затрыманне Калеснікавай:

"Пункт пропуску "Аляксандраўка" знаходзіцца на ўкраінскай мяжы. Ад яго да дзяржаўнай мяжы — дзе яна рэальна праходзіць і абазначаная — яшчэ 6 км. Для таго каб перасячэнне мяжы праходзіла пад кантролем памежнікаў, у гэтым прамежку прызначаюцца дадатковыя нарады, якія кантралююць там сітуацыю, правяраюць законнасць знаходжання ў памежнай зоне і паласе тых, хто стаіць на ўезд і выезд.

Што адбылося сёння. На пачатку пятай Калеснікава, Раднянкоў і Краўцоў прайшлі памежны кантроль на выезд у пункце пропуску "Аляксандраўка". Прайшлі ўсе віды кантролю. Выехалі з тэрыторыі пункта пропуску вось на гэты шасцікіламетровы ўчастак дарогі і паехалі ў бок Украіны. На шляху ім сустракаецца наш пагранічны нарад, які, па ідэі, павінен праверыць, ці ўсё ў парадку, ці не паехалі яны ў аб'езд і гэтак далей.

Замест таго каб выканаць законныя патрабаванні пагранічнага нарада, транспартны сродак паскараецца, стварае пагрозу жыццю вайскоўца і фактычна хаваецца на тэрыторыі Украіны. Пры гэтым Калеснікава аказваецца па-за транспартным сродкам. Як відаць, яе з транспартнага сродку выпхнулі, выштурхнулі. Якраз перад тым, як паскорыцца. Краўцоў з Раднянковым аказваюцца на тэрыторыі сумежнай краіны. А грамадзянку Калеснікаву мы вымушаныя былі затрымаць. Цяпер яна затрыманая, вядзецца разбор. Па гэтым факце будзе дадзеная прававая ацэнка".

Крыніца: @euroradio

«Бландзінка біла мужчын у асноўным паміж ног – ёй гэта вельмі падабалася». Сябра штабу Ціханоўскай пра катаванні на Акрэсціна

Гэтае інтэрв’ю наш карэспандэнт запісаў яшчэ 2 верасня. А 6 верасня Вольгу Паўлаву зноў затрымалі па невядомых прычынах.

Вольга Паўлава падчас выбарчай кампаніі была сябрам перадвыбарчага штабу Святланы Ціханоўскай. Увечары 9 жніўня яна ў якасці медыка-валанцёра пайшла да Стэлы на плошчы Пераможцаў. Там Вольга была затрыманая, прайшла праз здзекі і катаванні. Яна правяла за кратамі пяць дзён без адміністратыўнага пратакола і без адпаведнага судовага рашэння. Вольга распавяла нам гісторыю свайго затрымання, якое было больш падобна на выкраданне.

Чытаць цалкам: https://telegra.ph/Blandzіnka-bіla-muzhchyn-u-asnoўnym-pamіzh-nog--yoj-gehta-velmі-padabalasya-Syabra-shtabu-Cіhanoўskaj-pra-katavannі-na-Akrehscіn-09-08

❗️Святлана Ціханоўская пра затрыманне Марыі Калеснікавай:

«Марыя Калеснікава павінна быць вызвалена неадкладна, як і ўсе раней затрыманыя члены Каардынацыйнай Рады і палітвязні. Задача Каардынацыйнай Рады – быць платформай для перамоваў. Іншага рашэння няма, і Лукашэнка павінен гэта ўсвядоміць. Нельга трымаць народ у закладніках. Выкрадаючы людзей сярод дня, Лукашэнка дэманструе сваю слабасць і страх».

Крыніца: @pulpervoi

⚡️Сябраў КР вывезлі ва Украіну прымусова – МУС Украіны

Намеснік міністра ўнутраных справаў Украіны Антон Герашчанка пракаментаваў у Facebook выезд з Беларусі сябраў Каардынацыйнай Рады:

«Гэта не быў добраахвотны выезд. Гэта было гвалтоўнае выправаджэнне з роднай краіны. Марыю Калеснікаву не ўдалося выправадзіць з Беларусі, праз тое, што гэтая смелая жанчына распачала дзеянні па перадухіленні яе перамяшчэння праз мяжу. Яна засталася на тэрыторыі Рэспублікі Беларусь. Усю адказнасць за яе жыццё і здароўе нясе персанальна Аляксандр Лукашэнка».

❗️Паслязаўтра ў Беларусь прыбудуць расейскія і сербскія войскі

На палігоне «Берасцейскі» 38-й асобнай дэсантна-штурмавой брыгады пройдзе штогадовае шматнацыянальнае беларуска-расейска-сербскае тактычнае вучэнне «Славянскае братэрства – 2020» пад кіраўніцтвам камандуючага сіламі спецыяльных аперацый Узброеных Сіл Беларусі.

У вучэнні прымуць удзел падраздзяленні ўзброеных сілаў Беларусі, Расеі і Сербіі, якія складуць шматнацыянальную тактычную групу.

На вучэннях вайскоўцы адпрацуюць пытанні сумесных дзеянняў падраздзяленняў пры выкананні задач па барацьбе з тэрарызмам.

Прыбыццё ўдзельнікаў вучэнняў у Беларусь запланавана з 10 па 15 верасня.

Крыніца: @modmilby

⚡️ Да маладафронтаўца Віталя Трыгубава сёння зранку прыходзілі следчыя па справе за 14 ліпеня (актывіста тады затрымалі і канфіскавалі ягоны мабільны). Віталя не было дома.

Хочуць «паразмаўляць» па арт. КК 339 ч.1 («хуліганства»).

Крыніца: @mf_mensk

🔥Калеснікава парвала пашпарт, каб яе не вывезлі з Беларусі – медыі

Сябра прэзідыума Каардынацыйнай рады Марыя Калеснікава не перасякла мяжу Украіны, бо пры спробе яе гвалтоўнага вывазу з тэрыторыі Беларусі яна парвала свой пашпарт.

«Пры спробе фактычнай дэпартацыі яна парвала пашпарт, і не магла быць прапушчана памежнікамі на тэрыторыю Украіны», – сказаў суразмоўца агенцтва «Інтерфакс-Україна».

Адвакат спрабуе патрапіць у кватэру рэдактара TUT.BY

Новая інфармацыя пра ператрус у доме рэдактаркі TUT.BY Галіны Уласік:

Да журналісткі пытанняў у сілавікоў няма. Справа датычыць толькі яе дачкі Валерыі, якая была затрыманая раніцай.

Сама Валерыя паспела паведаміць, што яна затрыманая па адміністрацыйным працэсе па арт. 23.34 КаАП (удзел у несанкцыянаванай акцыі) і па падазрэнні па крымінальнай справе аб удзеле ў масавых беспарадках.

Крыніца: @tutby_official

Святлана Ціханоўская мае зараз выступіць па відэасувязі перад камітэтам у палітычных справах і дэмакратыі Парламенцкай асамблеі Рады Еўропы (ПАРЕ).

Таксама ў дыскусіі, прысвечанай сітуацыі ў Беларусі пасля выбараў 9 жніўня, мае ўдзельнічаць дэпутат Палаты прадстаўнікоў Алег Гайдукевіч.

Крыніца: @radiosvaboda

Затрыманая сёння дачка журналісткі TUT.by Валерыя Уласік сама раней падтрымлівала затрыманых.

На фота яна каля Кастрычніцкага РУУС 5 верасня.

Фота: Ірына Арахоўская @belsat

Невядомыя ў цывільным выйшлі з дому журналісткі TUT.by Галіны Уласік. На пытанні журналістаў яны адказваць адмовіліся. Нагадаем, у журналісткі сёння раніцай прайшоў дома ператрус, а ейную дачку затрымалі.

Відэа: @belsat

⚡️Гарадзенскаму карыкатурысту і музыку Андрэю Янковічу, што выйшаў на мітынг 30 жніўня ў вобразе Лукашэнкі, далі яшчэ 10 содняў арышту за ўдзел у папярэднім мітынгу.

Хлопец ужо адбыў 7 содняў арышту. Раней была інфармацыя, што на яго заведзена крымінальная справа, аднак, сястра Андрэя кажа, што ўжо няма такой пагрозы.

Крыніца: @belsat

«Я не разумею, за якія дзеянні яе маглі забраць», – пракаментавала журналістка Галіна Уласік затрыманне сваёй дачкі і ператрус за нібыта яе ўдзел у «масавых беспарадках».

Яна звязвае затрыманне з тым, што дачка давала каментары пра сітуацыю ў Беларусі расейскім калегам.

У кватэры канфіскавалі некалькі тэлефонаў і ноўтбукаў, у тым ліку адзін, які быў у СК па «справе БелТА».

Крыніца: @belsat

⚡️У Бабруйску сёння зноў затрымалі Віталя Красніцкага, актывіста забастоўкі з «Белшыны». Прыйшлі па яго раніцай дамоў, чацвера ў цывільным, павезлі ў УУС. За што – невядома, распавёў ягоны брат. У нядзелю Віталя адпусцілі з ІЧУ пасля 7 содняў арышту па арт. 23.34 КаАП.

Крыніца: @belsat

Ціханоўская ў ПАРЕ: Лукашэнка ня мае законных падставаў заставацца прэзідэнтам Беларусі

Пра гэта Святлана Ціханоўская сказала 8 верасня, выступаючы ў Парламенцкай асамблеі Рады Еўропы.

Між тым дэпутат Андрэй Савіных сказаў, што пратэсты ў Беларусі каардынаваліся з-за мяжы, у тым ліку праз Тэлеграм-канал Nexta, які, дадаў ён, кіруецца польскай вайсковай выведкай.

Крыніца: @radiosvaboda