Беларусы Замежжа

🇩🇪 Сёння ў Берліне, на месцы былога будынку, ў якім знаходзілася Надзвычайная дыпламатычная Місія БНР, якая адыграла адну з ключавых роляў у зьнешнепалітычнай дзейнасьці БНР і існавала у Берліне на працягу амаль сямі гадоў (1919-1925), адбылася чарговая акцыя ушанавання гістарычнай памяці беларусаў, якія пасьвяцілі сваё жыццё Адраджэнню вольнай і демакратычнай Республікі Беларусь:

Герояў Слуцкага узбройнага чыну або Слуцкага фронту БНР, якія з 27.11 па 31.12.1920 года удзельнічалі у абароне незалежнасьці БНР ад савецкай Расеі, выступалі за непадзельнасць Беларусі у яе этнічных межах, за прызнаньне БНР іншымі краінамі, а таксама за незалежнасьць яе ад Польшчы і Расеі,

Яўгеніі Янішчыц (20.11.1948-1988), „адной з самых таленавітых і неадназначных беларускіх паэтак XX ст.“, якую яшчэ студэнткай прымаюць у Саюз пісьменнікаў БССР, у якой адна за другой выходзяць кнігі паэзіі, і чыя паэзія -“надлом, адчай, сум і разам з тым спадзяваньне вырвацца з палону смутнаглядзтва” (В. Дранько-Майсюк), у жыцці якой нараўне з дзяржаўнымі нагародамі і службовымі камандзіроўкамі за мяжу, былі ператрусы, інструкцыі і пагрозы з боку савецкага рэжыму, а ў выніку дэпрэсія, страх выходзіць на вуліцу, адказваць на званкі і загадкавая сьмерць у 40 гадоў,

Міхася Зарэцкага (20.11.1901-1937), геніяльнага пісьменніка, зачынальніка рамантычнага кірунку ў беларускай літаратуры 20-х гадоў, пісьменніка-наватара, які паслядоўна змагаўся за народна-самабытную аснову нацыянальнай культуры, пра якого адзін з камуністычных крытыкаў напісаў: „выказвае ў адкрытую сімпатыі нацыяналістам, якія ставяць найвышэй за ўсё сваю «бацькаўшчыну», здзекваецца над беларусізацыяй, як сродкам падману“, пісьменніка-грамадзяніна, якому ў складаных грамадска-палітычных умовах давялося бараніць свой гонар чалавека і мастака, якога ва ўзросце 36 гадоў расстралялі саветы 29-га лістапада 1937 года ў крывавую “Ноч расстраляных паэтаў”,

Уладзіміра Караткевіча (26.11.1930-1984), аднаго з найбольш значных пісьменнікаў у беларускай літаратуры другой паловы XX стагоддзя, паэта, празаіка, драматурга, публіцыста, перакладчыка, сцэнарыста, якога гісторык А. Унучак назваў „пясняром беларускага духу”, які пісаў пра гісторыю свайго народа, пра яго мастацтва, культуру, духоўнае жыццё, выступаў у абарону беларускай мовы і культуры, помнікаў архітэктуры, які сваёй творчасцю „даў магутны штуршок розным іншым творцам, як кампазітарам, стваральнікам кіно, іншым відам мастацтва (М. Купава), які „верыў у Беларусь, які свае гістарычныя раманы, аповесці, сваю паэзія асэнсоўваў у беларускім кантэксце, на творчасці якога сёння вучацца маладыя пакаленні годнасці, дастойным адносінам да сваёй радзімы, да свайго народа” (А. Ліс), а беларускія улады „не заўжды годна ставяцца да памяці слыннага сына Беларусі” (А. Мальдзіс), пра якога паэт У. Някляеў напісаў „Ён ведае так мала, каб памерці,/ І гэтак многа ведае, каб жыць”
1937=2022

Жыве вольная Беларусь! Слава Украіне!
⚪️❤️⚪️💛💙

Беларусы Замежжа | Даслаць навіну

Telegraph

Berlin

409 viewsedited 23:07

Беларусы Замежжа

🇩🇪 Сёння ў Берліне, на месцы былога будынку, ў якім знаходзілася Надзвычайная дыпламатычная Місія БНР, якая адыграла адну з ключавых роляў у зьнешнепалітычнай дзейнасьці БНР і існавала у Берліне на працягу амаль сямі гадоў (1919-1925), адбылася чарговая акцыя…