Muammolar faqat muammodan alohida "men" mavjud bo'lganda paydo bo'lishi mumkin. Agar modda, ya'ni kuzatuvchi va kuzatilgan narsa bir xil deb hisoblansa, muammo va muammoni boshdan kechiruvchi birlashadi va u yo'qoladi.

📚 "Kvant ongi" kitobidan.


* Atrofingizda sizga nisbatan sodir bo'layotgan barcha voqealar aslida sizniki, ya'ni sizga kerakli. Ularga men munosib emasman deyishlik bu ularga "muommo" degan nom qo'yishlikka sabab bo'ladi.
Qachonki, biz har bir vaziyat bejiz bo'lmasligini, asosiysi ulardan saboq olishimiz kerakligini tushunish darajasiga chiqsak, hayotimizda aslida muommolar yo'q ekanini anglaymiz.

#tafakkur_qiling

@muzaffar_vakkosov1

Ko'rinmas olam dengizga o'xshaydi, unda juda ko'plab mavjudliklar bor, lekin oddiy odam o'z cheklangan ongi bilan buni ko'rmaydi. Donishmand inson esa, aynan shu oddiy odam ko'rmaydigan narsalarni ko'ra olishi bilan ajralib turadi. Ammo donishmand ham ko'rinmas olamdagi hayotlarga aralasholmaydi.

✍️ Mir Said Baraka
(Bu inson Payg'ambarimiz S.A.V avlodlaridan. O'z davrining eng buyuk Sofiysi, 30 yildan ortiq vaqt Amur Temurga ruhiy ustoz bo'lganlar)

#tafakkur_qiling

@muzaffar_vakkosov1

Agar shu postni avtori nomisiz yozganimda, ko'p ehtimol ba'zilar meni yana hayolparastga chiqarar edi. To'g'rimi? 🙋‍♂

Bir necha yillardan beri o'zbek xalqini turli ijtimoiy tarmoqlardagi, turli mavzudagi Video va postlarga munosabatlarini kuzatib kelaman. Shu narsani tushunganmanki xalqimizni juda katta qismi uchun siz so'zlayotgan so'zlar mohiyati emas, siz o'zingizni kimligingiz muhim. Agar siz rost gapirayotgan bo'lsangiz ham lekin Yolgʻon gapirayotgan obroʻli insondan mashhur boʻlmasangiz, uni haq sizni esa nohaq deb bilishadi!

Balki, bu ham qaysidir ma'noda bunday insonlarni ongi hali moddiyatdan yuksalmaganlik belgisidir?!
Chunki obroʻ va mashhurlik ham moddiyatdir. Kimda u ko'p bo'lsa shunga ishoniladi!
Ongi yuksalgan insonlar esa, so'zlovchidan ko'ra so'zlarni mohiyatiga e'tibor berishadi va uning zamiridagi haqiqatlarni anglay olishadi.

#tafakkur_qiling

@muzaffar_vakkosov1

Tengdoshlariga nisbatan tez qarib ketishni sababi nimada?


Atrofni kuzatsak, kimlardir o'z yoshiga nisbatan ancha qariroq ko'rinadi, kimdir esa, yoshroq. Ayniqsa yoshi taxminan 40 ga yaqinlashgan tengdoshlarni kuzatsangiz birini ikkinchisida yoshida katta farq bordek ko'rinadi. Chunki ular allaqachon hayotining yarmini katta va kurashga boy hayotda o'tkazgan bo'ladi.

Tana bu inson ruhiyatini o'zida aks ettiruvchi moddiylashgan kiyim misolidir.
Har bir inson hayotida ko'plab ijobiy va salbiy voqealaarni boshdan kechiradi. Agar qachonki, odam har bir voqelikka his tuygʻu darajasida tasirlanaversa, uning nozik qatlami yeriy jarayonlardan ortirilgan informatsion omborga aylanib qoladi. Bu ichki ombordagi tartibsizlik va negativlar keyin ruhiy holatni o'zida aks ettiruvchi tana hujayralarini shunga mos ravishda doimiy shakillantiririb boradi.

Har qanday biologik jarayonni hayotiyligi cheklangan bo'ladi. Shu qatori odam tanasining ham bosib o'tishi yo'llari cheklangandir. Qachonki odam qanchalik har bir jarayonga ta'sirlanaversa, u shunchalik hujayralarini hayotiylik davriyligini vaqt energiyasi ichida qisqartirayotgan bo'ladi. Qachonki odam hotirjam va negativ his tuygʻularga berilmay hayot kechirishni uddalasa, u hujayralarini hayotiylik bosqichlarini sekinlashtira oladi.

Buni elektron qurilmani ishlash davriyligiga ham qiyoslash mumkin. Agar uni tinmay ishlatsangiz tez buziladi. Agar ortiqcha yuklanishlarsiz ishlatilsa ko'p vaqt xizmat qiladi. Chunki vaqt bu nisbiy energiya. Hujayralarini yashash davriyligi ham, ularga berilgan vazifa va bosqichlarni qanchalik tigʻiz bajartirishga urinishimizga qarab, vaqt ichida qisqarishi va kengayishi mumkin.

Bu degani g'amlarsiz yashash bu hech nimaga urinmay, harakatsiz g'orga kirib yashash degani emas. Jarayonlarning Buyuk boshqaruvchisi bor ekanini anglagan holda asl bandalik darajamizni qabul qilishimiz kerak degani.
Qachonki asl Taslimiyatni anglasangiz. Endi siz g'ayratsiz va lanch bo'lib qolmaysiz. Aksincha endi avvalgidan ham kattaroq ishlarga qodir insonga aylanasiz. Chunki avval o'zingizdagi narsalarni "meniki" deb bilardingiz va boridan ham ayrilishdan qo'rib ko'plab ishlardan cho'chirdingiz. Taslimiyatga kirganingizda hayotingizdagi keskin oʻzgarishlar sizni havotirga solmaydi va hotirjam insoniyat uchun foydali ishlarni amalga oshira olasiz.

Qani endi anglasangiz edi, Taslimiyat bu ham uzoq umr, ham sog'liq, ham muvaffaqiyat, ham baxt, ham katta ishlar va uning ortidan keladigan katta pullar kaliti ekanini. Hayotingizni Xudo yaratgan tizimni o'zgartirishga urinib, U bilan kurashishga emas, Uning sevimli bandasi bo'lgan holda U istagan ezgulik ishlarini mazza qilib bajargan holda yashashga sarflardingiz!



#tafakkur_qiling

@muzaffar_vakkosov1

Qaygʻurish ortidagi ongsiz zo'ravonlik!


Bizni xalqimizda juda koʻp uchraydigan bir holat bor: Qaysidir yoshi katta odam o'z qarashi bilan butun oilasidagilarni va boshqa qarindoshlarini hayotini belgilab beradi.
Albatta agar bunday odam dono inson bo'lsa bu oila kelajagi uchun yaxshi. Lekin ko'p guvohi bo'lganmanki, odatda bunday qaror qiluvchilarni o'zi o'z hayotida na baxtga na faravonlikka va na jamiyatda muvaffaqiyatga erishgan bo'ladi.

Natijada hatto o'zini baxtli qilolmagan bundaylar zamonaviy va to'g'ri yo'ldan yurishi mumkin bo'lgan oilaning yoshlarini baxtsiz qilib qo'yishmoqda: Farzandlar o'zi qiziqqan sohasida emas qaysidir yoshi katta yaqinini orzusidagi sohada ishlashga va o'qishga majburlanmoqda, oilaviy ong dasturidan kengaygan farzandlar kengroq qarashli juft tanlaganida, ularga yana oila qadriyatlatiga mos tor qarashli juft majburan topib berilmoqda vahokazo...

Shundaylarga savolim: O'z dunyo qarashingizga asoslangan qarorlaringiz natijasida hatto o'zingizni baxtli qilolmagan bo'lsangiz, nega yana qaysidir yaqiningizni aynan shu qarash asosida yashashga majburlamoqdasiz?

Yana bu ishingizni "u uchun qayg'urish" deb nomlab olgansiz!
Hech bir mavjudot o'zi foyda ko'rmagan narsani yaqiniga ravo ko'rmaydi. Faqat odamzodgina o'z egosiga asoslanib qaysidir o'zidan ojizroq yaqiniga "meni aytganimni qilishga majbursan" deb o'zi botgan va hali ham chiqolmayotgan botqoqa botiradi.

Bundaylarni yoshlarga erkinlik bermasligini yana bir sababi o'z hayot tajribasidan olgan qo'rquvlaridir!
Agar sizda ham shunday bo'lsa, tafakkur qilng. U odam hayoti uniki, u hatto farzandingiz bo'lsa ham unga imkon bering sulolaviz qo'rquvlar chegarasini buzishga va kattaroq natijalarga intilishga...

Balki endi boshqalarni hayotiga aralashishdan avval miyangizni boshqarayotgan baxtsizlik illyuziyadan tashqariga chiqib o'zingizga va siz tuzgan oilangizga bir nazar solib ko'rarsiz?


* Bu postni shunday tanishlarizga jo'natib qo'ying. Bir #tafakkur qilishsin!

@muzaffar_vakkosov1

Har birimizga umr azoblarga sabr qilish va chidash uchun emas, dunyoni yaxshilash va barcha uchun azobsiz hayotni yaratish yo'lida bir qadam tashlash uchun berilgan.

Sabr bu harakat qilgandan so'ng oqibatini Xudoga topshira olish qabiliyatidir!

Na o'zi uchun va na boshqa bandalar uchun foydali nimadir qilmay "men sabr qilyapman endi menga ber!" deb Xudodan nimadir kutish, go'yoki sabri uchun (aslida esa yangilanishni istamayotgan nafsi uchun) makkorona usulda Xudoni qarzdor qilishga urinishdir!

Soatni chikkillashini jimgina eshitingda, o'sha har bir ovoz sizni umringiz tobora tugab borayotgani haqida singnaldir. Siz esa, odamlar o'zi o'ylab topgan va suniy qiymat bergan qanaqadir matohlarga erishish tashvishi bilan, hali hamon har soniyasi aslida eng qimmatli bo'lgan umringizni asl vazifangiz boʻlgan qalblarni rozi qilish uchun emas, aksincha ularga va o'zingizga azob berish uchun sarflab yashamoqdasiz!


Aytingchi - o'zi nima uchun dunyoga keldingiz?


#tafakkur_qiling

@muzaffar_vakkosov1

Dunyoni seving: U Allohning ijodi ekani uchun.

Dunyo uchun harakat qiling: Dunyoni Do'zax kabi emas, Jannat kabi bo'lishi va undagi Allohning bandalariga eson omon bu imtixon dunyosidan ozod bo'lishlariga sharoit yaratib berish uchun.

Ehtiyojlaringiz uchun dunyo to'plang: Toki ehtiyojingizni qondirish sharti bilan shayton sizni o'z istakalari uchun boshqara olmasin.

Dunyoning moddiy matohlarini nazorat qilishga intiling: Toki ularni shayton nazorat qilib, ko'plab bandalarga ta'sir etib ularni jannatga kirishlariga qarshilik qilolmasin!

Dunyo haqida uni din, e'tiqod va madaniyatga bo'lmasdan o'rganing: Toki bunday umumiy izlanish uning Buyuk Ijodkorini hech qanday qoliblarga solmay, to'liqroq anglashingiz va U sizning cheklangan ongingiz darajasidan ancha keng va qudratli ekanini anglashingiz uchun yo'l ochsin.

Dunyoda rohatlanib yashang: Agar bu rohat nafsingiz uchun emas. Allohning bandalariga qilgan ezgulik xizmatlaringiz va ularga bergan hary ehsoningiz ortidagi qalbingiz rohati bo'lsa!


#tafakkur_qiling

@muzaffar_vakkosov1

Farzandingizga hech qachon pul yo'q demang!


Ota onalarni, ayniqsa moddiy energiyaga javobgar otani pulga nisbatan negativ qarashi, turli moliyaviy vaziyatlardagi o'zini tutishi farzandlarida ham pulga nisbatan negativ qarsh va e'tiqodlar dashturlatini shakillantiradi va bu dasturlar asosidagi qiladigan qarorlari bilan ularning kelajakdagi moliyaviy ahvoliga juda katta salbiy ta'sir etishlari mumkin. Shuning uchun quyidagi so'zlarni farzandlaringizga umuman aytmang va ularni oldida bularni ishlatmang.


"Bu narsaga pulni qayerdan olaman?"
Uning ongida - pul topilishi qiyin narsa ekan degan dastur o'rnatiladi.

"Hozir pulim yo'q!"
- Pul har doim cho'ntakda bo'lmaydigan narsa ekan!

"Pul yo'qligidan kayfiyatim yo'q. Bor boshqasi bilan o'yna!"
- pul bo'lmasa odam yaxshi kayfiyatda yurishi mumkin emas ekan!

"Bu qimmat ekan, u uchun necha kun ishlashim kerak bilasanmi?"
- Pul uchun juda ko'p mehnat qilish kerak ekan!

"Pulim tugadi!"
- Pul tugaydigan narsa ekan!

"Peshona terim bilan topganman!"
- pul topish uchun peshonadan ter chiqish kerak ekan!

"Senlar uchun ertalabdan kechgacha ishlayapman!"
- Odam yashashi va oila boqishi uchun ertalabdan kechgacha ishlashga majbur ekan!

"Pul yo'qligidan qarz oldim!"
- Boshqalarni puli bilan, qarzdor bo'lib yashasa bo'ladi ekan!

"Yaxshi ish joyi yo'q, ish topolmayapman!"
- Ish bu kamyop va kimdir topib berish kerak bo'lgan narsa ekan!

"Kimgadir ishlasam yoki qaysidir tashkilotga ishga kirsam pulimiz bo'ladi"
- Pul topish uchun kimnidir qo'lida ishlash kerak ekan!

"Pul ko'paysa olamiz yoki biror joyga boramiz!"
- Pul ko'p bo'lsagina istagimiz amalga oshadi ekan!

"Ish yo'q, bekorchiman!"
- qaydadir ishlamasa bekorchilik bilan kun o'tkazish kerak ekan.

"Ish joyida yoki ko'chada (qanchadir) pul uchun janjallashdim!"
- Pulga janjal va kurashishlar bilan erishiladi ekan!

"Ularni oilasi boy, bizda uncha pul yo'q!"
- Bizni oila (men ham) boyliksiz yashaymiz!

"Bu hunaringni qo'y, u bilan ko'p pul topmaysan, mana bu ishni qil, pul yaxshi to'lashadi!"
- Bu hayotda odamni o'z qiziqishlarini amalga oshirishdan ko'ra pul topish muhim ekan.

"Ana falonchi qo'shni (tengdoshing) pul topishni boshladi, seni esa hali ham qo'lingdan hech narsa kelmaydi!"
- Pul topgan odamni hurmati bo'ladi. Pul topmadingmi odam emassan!



Bundan tashqari ota onasining pul mavzusidagi turli janjallarini doimiy ko'rib ulgʻaygan bolalarda "pul oiladagi tinchlilk va oilaviy baxtni ushlashdan muhimroq narsa ekan" degan tushunchalarni paydo qiladi.

Yana, farzandingiz biror narsani sindirgani yoki yo'qotgani uchun uni urishsangiz uning ongida, pul yoki biror buyum odamdan qadrli ekan yoki pulli narsani yo'q qilgani uchun kaltak yeyish va dakki eshitib turish normal holat ekanligi haqida ishonch shakillanadi va kelajakda biror bir harakatim bilan pul yo'qotsam kaltak yeyman degan hadik bilan yangiliklarga intilmaslik paydo bo'ladi.

Agar sizda ham bugun moliyaviy muommolar mavjud bo'lsa. Yoshligingizga hayolan qaytib ota onangiz va sizning o'rtangizdagi pul mavzusidagi suhbatlaringizga e'tibor berib ko'ring. Ko'p ehtimol yuqoridagidek pulga bogʻliq negativ qarashlarni siz ham ota onangiz orqali singdirib olgansiz.

Ongingizdagi har qanday dasturlardan qutulish uchun eng muhim qadam bu o'sha dastur qanday va qayerdan kelganini anglashdir. Shunday ekan endi yuqoridagidek pul oqimini bloklovchi qarashlaringizni uni aksiga o'zgartishishga harakat qiling. Anglashingiz kerakki endi sizga ota onangiz yoki kimdir hayotni o'rgatishi shart emas. Bundan buyog'iga hayot haqida tushunchalaringizni o'zingiz shakillantira oladiz!

Agar bugun siz ham farzand tarbiyalayotgan ota ona boʻlsangiz. Pulga bogʻliq bunday negativ dasturlarni farzandlaringiz ongiga singdirmaslikka harakat qiling. Chunki ular hayotni sizning ko'zingiz va harakatlaringiz orqali anglaydi. Keyin esa siz kabi ular ham bu dasturlardan qutila olmay hayotlarini ancha yillarini moliyaviy qiyinchiliklarda o'tkazishga majbur bo'lishadi.


#tafakkur_qiling

@muzaffar_vakkosov1