Ҡырмыҫҡалы ауылынан инвалид рәссам изге күңелле кешеләр ярҙамында яңы ноутбукҡа эйә булды

Ҡырмыҫҡалы ауылынан инвалид рәссам Әхәт Нурушев изге күңелле кешеләр ярҙамында яңы ноутбукҡа эйә булды. «Ҡурай» телеканалы иғлан иткән акцияға йөҙгә яҡын кеше ҡушылды. Тулыраҡ киләһе яҙмала.

⚡️Һөләймәндәрҙе кәмә менән эвакуациялайҙар

Башҡортостандың Ғәҙәттән тыш хәлдәр буйынса дәүләт комитеты ҡотҡарыусылары икенсе көн Мәсетле районының Һөләймән ауылы халҡын эвакуациялай.

Олокүл йылғаһының һыуы кинәт күтәрелеү сәбәпле 12 йортто һыу баҫҡан, уларҙа 32 кеше, шул иҫәптән ун ике бала йәшәй

Ҡотҡарыусылар ауыл халҡына бер ярҙан икенсе ярға сығырға ярҙам итә. Һуңғы тәүлектә хеҙмәткәрҙәр 43 кешегә ярҙамға барған.

Мәскәүҙә Владимир Путин менән Радий Хәбировтың эшлекле осрашыуы үтте

Рәсәй Президенты Владимир Путин Радий Хәбировтың икенсе мөҙҙәткә һайланыу ниәтен хупланы. Үҙемдең яҡтан һеҙгә ярҙам итеү өсөн барыһын да эшләйәсәкмен, ләкин һеҙҙе халыҡ һайлаясаҡ, тине дәүләт етәксеһе Башҡортостан башлығы менән осрашыу барышында. Владимир Путин республика башлығына йәмғиәт менән тығыҙ эшмәкәрлек алып барыу, халыҡ менән тағы ла йышыраҡ аралашыу бурысы ҡуйҙы. Осрашыуҙа шулай уҡ республиканың социаль-иҡтисади хәле өйрәнелде. Радий Хәбиров ил башлығына һуңғы биш йылдағы ҡаҙаныштар, ауыл хужалығы, төҙөлөш өлкәһе, фән һәм мәғариф, шулай уҡ махсус хәрби операцияға ҡағылышлы мәсьәләр тураһында һөйләне.

МХО-ла ҡатнашыусы яугирҙар һәм уларҙың яҡындары бушлай реабилитация үтә ала

Махсус хәрби операцияла ҡатнашыусы яугирҙар һәм уларҙың яҡындары Республика психотерапия үҙәгендә һәм шифаханаларҙа реабилитация үтә ала. Физик һәм психик һаулыҡты нығытыу өсөн ҡаралған хеҙмәттәр Ватан һаҡсылары һәм уларҙың ғаиләләренә бушлай күрһәтелә. «Йәшел сауҡалыҡ» шифаханаһында яугирҙар күп яҡлы ярҙам алып һаулығын нығыта. Реабилитация программаһы психолог һәм психиатрҙар менән аралашыу, йөҙөү, массаж, сәләмәт туҡланыу, дарыуҙар менән дауаланыу кеүек сараларҙы күҙ уңында тота.

Башҡортостанда Берҙәм дәүләт имтиханын ваҡытынан алда тапшырыу осоро дауам итә

Ул етди сәбәптәр арҡаһында төп осорҙа имтихандарҙа ҡатнаша алмаған сығарылыш уҡыусылары өсөн тәғәйенләнгән. Бөгөн уҡыусылар йәмғиәтте өйрәнеү һәм информатиканан һынау тотто. Берҙәм дәүләт имтиханы яңылыҡтары тураһында тулыраҡ киләһе яҙмала.

Ишембай үҙәк баҙарында Хәйриә йәрминкәһе ойошторолдо

Хәрбиҙәргә ярҙам сараһы. Ишембай үҙәк баҙарында Хәйриә йәрминкәһе ойошторолдо. Ҡолғона, Йәнырыҫ , Яңы Йорт һәм Петровское ауылдары йүнселдәре ҡала халҡына үҙҙәре етештергән продукцияны, ҡул эштәрен тәҡдим итте. Айырыуса ҡош ите, ҡамыр аштары яҡшы һатылды. Йәрминкә «Бес» ҡушаматлы яугир әсәһе Минира Вәхитова башланғысы менән ойошторолған. Һатыуҙан йыйылған аҡса - 50 мең һум махсус хәрби операцияла ҡатнашыусыларға йүнәлтелә.

Ураҙа байрамы менән

Бөгөн мосолмандар Ураҙа байрамын билдәләй.Кисә ҡояш байыу менән изге Рамаҙан айы тамамланды. 10 апрель Башҡортостандан тыш, Татарстан, Дағстан, Чечня һәм башҡа башлыса мосолмандар йәшәгән төбәктәрҙә байрам һәм ял көнө тип иғлан ителгән. Ураҙа ғәйете 3 көн дауам итә, төп саралар бөгөнгә билдәләнгән.Барлыҡ мәсеттәрҙә байрам вәғәздәре тыңлана, диндарҙар доғалар уҡый, байрам табыны әҙерләй, туғандарына ҡунаҡҡа бара, фәҡир һәм мохтаждарға ярҙам күрһәтә, мәрхүмдәргә зыярат ҡыла.

Зөбәйлә инәйҙең һыйлы өҫтәле

Бөгөн бөтә мосолман донъяһы Ураҙа айы тамамланыуҙы билдәләй. Башҡортостанда төрлө саралар һәм ярыштар үтә, ғәйет намаҙҙары ойошторола, балалар әйенселәй. Әбйәлил районының Асҡар ауылынан Зөбәйлә Зарипова бөгөнгө байрам уңайынан иртә таңдан өйө алдында табын ҡорған.

- Хәҙер балалар өй буйлап йөрөмәй, ә урам буйында ултырғас, теләгән һәр кем килеп күстәнәстәрҙән ауыҙ итергә мөмкин, - ти 85 йәшлек пенсионер.

«Әбйәлил» гәзите хәбәр итеүенсә, Зөбәйлә Зарипова йыл һайын өҫтәл ҡуйып, балаларҙы ҡыуандыра.

Радий Хабиров посетил Соборную мечеть «Ар-Рахим» в Уфе

Строительство объекта продолжается. Глава республики рассказал, какие работы уже проведены, и назвал примерные сроки открытия мечети.

Ун ике көн элек юғалған малайҙарҙы эҙләү дауам итә

Ирекмәндәр йылға төбөн тикшереү өсөн ҡоролма эҙләй.

««ЛизаАлерт» эҙләү-ҡотҡарыу отрядына йылға төбөн тикшереү талап ителә. Әгәр һеҙҙә 3D-карта булдырыу мөмкинлегенә эйә булған (StructureScan 3D) LOWRANCE эхолоты бар икән, беҙҙең менән бәйләнешкә сығығыҙ», — тип хәбәр итә ирекмәндәр.

Телефон һандары — Елена (Барбие) 8–987-099–70-92, Анастасия (Моррисан) 8–937-320–44-74.

Баш ҡаланың «Ләлә» мәсетендә ғәйет намаҙы уҙҙы

Ураҙа байрамы уңайынан бөгөн барлыҡ мәсет-мәхәлләләрҙә лә ғәйет намаҙҙары уҙҙы. Федераль һәм республика каналдары аша трансляцияланған төп сара Өфөнөң «Ләлә» мәсетендә үтте. Байрам вәғәзен Рәсәй мосолмандарының Үҙәк диниә назараты рәйесе Тәлғәт Тажетдин уҡыны. Баш мөфтөй үҙенең сығышында Ураҙаның әһәмиәтенән тыш, йәмәғәтселекте борсоған башҡа темаларға ла туҡталды. Мөьмин мосолмандарҙы изге байрам менән Башҡортостан башлығы Радий Хәбиров та тәбрикләне.

Радий Хәбиров үҙенең тәүге һайлау алды вәғәҙәһен бирҙе

Республика башлығы әйтеүенсә, икенсе мөҙҙәткә үткән осраҡта «Әр-Рәхим» мәсетен һис шикһеҙ төҙөтөп бөтәсәк. Ошоға тиклем дә ҡул ҡаушырып ултырманыҡ. Тикшереү эштәренә күп ваҡыт талап ителде. Бинала проблемалар бар, әммә дөйөм алғанда һаҡланған. Хәҙер төҙөлөш дауам итәсәк, тине Радий Хәбиров. Төбәк етәксеһе бөгөн «Әр-Рәхим» мәсете төҙөлөшө майҙансығында эш кәңәшмәһе уҙғарҙы.

Ташҡын хәүефе осоро башланғандан алып бөтәһе 872 мөрәжәғәт ҡабул ителгән

Башҡортостанда тәүлек эсендә 112 системаның шылтыратыуҙарҙы эшкәртеү үҙәгенә һыу баҫыу тураһында 22 хәбәр килгән. Ташҡын хәүефе осоро башланғандан алып бөтәһе 872 мөрәжәғәт ҡабул ителгән.

Ураҙа ғәйете уңайынан республика район-ҡалаларында байрам саралары ойошторолдо

Өфөлә өлкәндәр һәм балалар былау, туңдырма менән һыйланды, концерт программаһын да ҡараны. Саф һауала үткән сара бигерәк тә үҫеп килеүсе быуынды дини йолаларға йәлеп итеү маҡсатында тормошҡа ашырыла.

Ейәнсура районында Ураҙа байрамы диндар ғаиләләрҙә уҙғарылды

Ураҙа тамам. Бар мосолмандар ураҙа тамамланыу уңайынан туғандары һәм яҡындары менән йыйыла, бер-береһенә хөрмәтен белдерә, күңел йылыһын өләшә. Рухи берҙәмлекте арттырыусы, изгелек, иман нуры өҫтәүсе байрам Ейәнсура районында эшләп килгән 26 мәсеттә һәм диндар ғаиләләрҙә лә уҙғарылды.

Башҡортостанда 43 меңгә яҡын кеше ауылда эшләгән өсөн юғарыраҡ пенсия ала

Рәсәй Социаль фонды төбәк бүлексәһенән хәбәр итеүҙәренсә, быйылдан өҫтәмә 2 мең һум түләнә. Бының өсөн 30 йылдан ашыу ауыл хужалығында эшләргә кәрәк. Исемлектә тракторсы, ветеринар, умартасы һәм башҡа һөнәр эйәләре күрһәтелгән. Өҫтәмә түләү өсөн социаль фондҡа мөрәжәғәт итергә кәрәкмәй. Пенсия һәр хеҙмәткәр стажына ҡарап тәғәйенләнә.

Республиканың дала йылғаларында ташҡындың иң юғары осоро үткән

Тиҙҙән тау йылғаларында һыу күтәрелә. Ғәҙәттән тыш хәлдәр министрлығының Башҡортостан буйынса баш идаралығы белгесе Илдус Назаров бөгөн ошо турала белдерҙе. “Оператив штаб ташҡынға бәйле хәлде тәүлек әйләнәһе күҙәтә. Әле 19 район һәм ҡалала 30-ҙан ашыу ваҡиға контролгә алынды”, - тине Илдус Назаров. Һыу ҡайтҡан урындарҙа белгестәр төҙөкләндереү эше алып бара. Ауыр техника йәлеп ителгән. Ҡырсынташ килтереү һәм юлға асфальт түшәү ҡаралған. Илдус Назаров белдереүенсә, былтыр Павловка һыу һаҡлағысының быуаһы тикшерелгән. Тимер-бетон конструкцияның торошо хәүеф тыуҙырмай. Быйыл мартта белгестәр уны тағы ҡараған. Гидротехник ҡоролманың файҙаланыу ваҡыты оҙайтылған.

Башҡортостандан бер туған ағалы-ҡустылы алғы һыҙыҡта хеҙмәт итә

Көйөргәҙе районынан бер туған ағалы-ҡустылы махсус хәрби операцияла ҡатнаша. «Көйөргәҙе» район гәзите хәбәр итеүенсә, «Шайтан» позывнойлы яугир Авдеевка йүнәлешендәге штурм подразделениеһында һуғыша, ә кесеһе, «Рафа», Кременчугта дошман миналарын зарарһыҙландыра.

Яугирҙәрҙе өйҙә ғаиләләре көтә: «Шайтан»дың студент улы һәм ете класта уҡыған ҡыҙы, «Рафа»ның үҫеп еткән улдары һәм фармацевҡа уҡып йөрөгән ҡыҙы.

«Ирем үлгәндән һуң мин улдарымдың алтын ҡулдарына һәм оҫталығына таянып йәшәй инем. Улар бала саҡтан спорт һәм техника менән мауыға. Мәктәптә көрәш менән шөғөлләнделәр, йыл да һабантуйҙа сығыш яһап, бүләкһеҙ ҡайтмайҙар ине. Ә техниканы нисек ярата улар! Был уларға атаһынан күскән», — ти яугирҙәрҙең әсәһе Сәриә Сәмәрҙән ҡыҙы.

Башҡортостан- йылдам социаль-иҡтисади үҫеш биләмәләре буйынса илдә лидер

Республика башлығы Радий Хәбировтың Рәсәй Президенты Владимир Путин менән осрашыуында билдәләнеүенсә, был статус төбәктәге иҡтисади тотороҡлоҡтың сағылышы һәм үҫешкә ныҡлы йоғонто яһай.

Класс етәкселәре өсөн түләү ике тапҡыр арта

Ил президенты ҡушыуы буйынса 100 меңдән аҙыраҡ кеше йәшәгән ҡала һәм ауылдар мәктәптәрендә һәм колледждарында класс етәкселәре һәм төркөм кураторҙарына күберәк аҡса түләнә. Документҡа ярашлы, 1 мартта түләү 5 мең һумдан 10 мең һумға еткерелә. Бының өсөн бюджетта 3 миллиард һумға яҡын аҡса ҡаралған.