Республика район-ҡалаларында Бөйөк Еңеүҙең 80 йыллығына арналған саралар үтә

Өфөнөң Еңеү мемориал паркы майҙанында сик буйы ғәскәрҙәренең хәрби-патриотик эстафетаһына старт бирелде. Ул ошо ғәскәрҙәрҙә хеҙмәт иткән ете Советтар Союзы Геройының тыуған яҡтарын иңләсәйәк. Тантана сик буйы ғәскәрҙәре ветерандары һәм Вениамин Недошивин исемендәге 37-се мәктәптең кадет класы уҡыусылары ҡатнашлығында үтте.

Өлкә филармонияһының Ҙур залында Мәскәүҙең «Дуслык» вокал ансамбле концерты үтте

Калининградта башҡорт моңдары. Өлкә филармонияһының Ҙур залында Мәскәүҙең «Дуслык» вокал ансамбле концерты үтте. Уникаль программала Рәсәй һәм Бойондороҡһоҙ дәүләттәр берләшмәһе илдәренең халыҡ йырҙары академик эшкәртеүҙә яңғыраны. Хор коллективы башҡорт халыҡ йырҙары менән дә сығыш яһаны.

Стәрлетамаҡта 51 миллион һумға аллея төҙөкләндерелә

Ленин проспекты янында биләмә тәртипкә килтерелә. Бында йүкә ағастары ултыртыла. Шахмат өҫтәле ҡуйыла, яҡтыртыу, видеокүҙәтеү системаһы яңыртыла. Эштәр быйыл ноябргә тиклем тамамланырға тейеш. Аллеяны төҙөкләндереү проекты өсөн халыҡ тауыш биргән.

Башҡортостан парламентының 30 йыллыҡ эшмәкәрлегенә йомғаҡ яһалды

Башҡоростан парламентына 30 йыл. Тарихи юбилейға арналған тантаналы йыйылыш бөгөн Дәүләт Йыйылышы-Ҡоролтай йортонда үтте. Сарала төбәк парламентының төрлө саҡырылыш депутаттары, сенаторҙар, Дәүләт Думаһы депутттары, министрлыҡтар, ведомстволар етәкселәре ҡатнашты. Залға йыйылыусыларҙы Башҡортостан башлығы тәбрикләне. Радий Хәбиров Дәүләт Йыйылышы -Ҡоролтайҙың Рәсәй төбәктәре араһында иң һөҙөмтәле эшләгән закондар сығарыу органы булыуын билдәләп үтте.

Радий Хәбиров «Хәүефһеҙ интернет лигаһы» директоры Екатерина Мизулина менән осрашты

Яҡтар үҫмерҙәрҙе деструктив контенттан һаҡлау, ялған мәғлүмәткә ҡаршы тороу ысулдары, шулай уҡ һанлы грамоталылыҡты арттырыу буйынса саралар тураһында фекер алышты. Башҡортостан башлығы билдәләүенсә, ҡыҙғанысҡа ҡаршы, беҙ үҫмерҙәрҙең социаль селтәрҙәрҙә популярлыҡ өсөн агрессив ғәмәлдәр башҡарыуын, ҡайһы берҙә хатта экстремистик берләшмәләрҙең йоғонтоһо аҫтында ҡалыуын күрәбеҙ. Шуға ла онлайн-мөхиттә хоҡуҡ боҙоуҙарҙы иҫкәртеү буйынса эште көсәйтеү мөһим.

Яҙғы ташҡын: Ағиҙелдә һыу кимәле 143 сантиметрға күтәрелде

Бөгөн Өфөнөң «Дуҫлыҡ» монуметы тәңгәлендә боҙ тығылды. Ҡотҡарыусыларҙың иҫкәртеүҙәренә ҡарамаҫтан, яҙғы ташҡынды күҙәтергә яр буйына йөҙҙәрсә халыҡ йыйылды. Һыу кимәле күтәрелеүгә бәйле йылғаның өҫкө өлөшөндә урынлашҡан йорттарға хәүеф янай. Өҫтәүенә, белгестәр боҙҙоң күпер һәм торлаҡ йорттар янында тығылыуын иҫәпкә алып шартлатыу эшен башҡармаҫҡа ҡарар итте.

«Башҡортостан» полкы батальоны фронттың ауыр урынында алыша

Ҡуйылған бурыстар теүәл үтәлә. «Башҡортостан» 31-се мотоуҡсылар полкының Миңлеғәле Ғөбәйҙуллин исемендәге 2-се мотоуҡсылар батальоны яугирҙары махсус хәрби операцияның Ҡыҙыл Лиман йүнәлешендә, фронттың иң ауыр урындары өсөн яуаплы.

«Өҫтөнлөк – 2030»: Башҡортостан университеттары фәнде яңы кимәлгә күтәрә

Фәнни асыштарға яңы мөмкинлектәр. Өфө фән һәм технологиялар, Өфө дәүләт нефть техник университеттары уҡыу-уҡытыу программалары менән бергә, илдең иҡтисади ойошмалары менән тығыҙ хеҙмәттәшлек алып бара. Юғары уҡыу йорто базаларында махсус майҙансыҡтар асыуға ла өлгәшә. «Өҫтөнлөк - 2030» федераль проектында ҡатнашыу университеттарҙың даирәләрен тағы ла киңәйтер тип көтөлә.

Һөт кухняһы: сифатлы продукция һәм социаль ярҙам

2019 йылдан алып республикала йәшәгән 100 меңдән ашыу кеше «Һөт кухняһы» продукцияһы менән бушлай тәьмин ителгән. Быйыл ярҙам алыусылар исемлеге махсус хәрби операция ветерандары ғаиләләре иҫәбенә тағы ла мең ярымға тулылана. Төбәктә һөт ризыҡтарын таратыу буйынса 132 пункт булдырылған. Халыҡ һорауы буйынса уларҙың бер өлөшө сауҙа үҙәктәре, дарыухана, поликлиникаларҙа ойошторолған, шулай уҡ райондарҙа мобиль таратыу пункттары ла уңышлы эшләй.

Башҡортостандың кредит рейтингы юғары баһаланды

"Эксперт РА" уны тотороҡло фараз менән АА+ тип билдәләне. Агентлыҡ мәғлүмәттәре буйынса Башҡортостанда иҡтисади үҫеш күҙәтелә, инвестиция шарттары яҡшыра, хеҙмәт баҙарында хәл тотороҡло. Башҡортостан илдә нефть табыусы төбәктәрҙең береһе, химия сәнәғәте һәм машина төҙөлөшө үҙәге һанала. АА+ - ул финанс тотороҡлоҡ һәм ышаныслылыҡ күрһәткесе тип баһалана.

Башҡортостанда киләһе айҙа яҙғы һунар итеү миҙгеле башлана

Тәбиғәттән файҙаланыу һәм экология министрлығынан белдереүҙәренсә 11 апрелдән ҡыр ҡаҙҙары һәм өйрәктәрҙе һуйыр һәм ҡор атыу рөхсәт ителә. Бының менән бергә браконьерҙарҙы асыҡлауға йүнәлтелгән рейдтар үтә. Һунарсыларға ғаризаларҙы 24 марттан тапшырырға була. Республикала 81 меңдән ашыу һунарсы иҫәпләнә.

Радий Хәбиров үҙенең ялын республикабыҙҙың иҫтәлекле туристик урындары менән танышыуға арнаны

Башҡортостан башлығы Радий Хәбиров үҙенең ялын республикабыҙҙың иҫтәлекле туристик урындары менән танышыуға арнаны. Шәмбе иртәһендә ул тормош иптәше менән икәүләп Миәкә районына юлланды. Был хаҡта төбәк етәксеһе социаль селтәрҙәрҙә яҙып барҙы. Радий Хәбиров әйтеүенсә, сәфәрҙең маҡсаты Керчь ҡушаматлы ат һәйкәлен ҡарау. Уның тарихы ғәжәпләнерлек, - тине рулдә китеп барышлай республика башлығы.

Башҡортостан артистары һалдаттар өсөн концерт ҡуйҙы

Башҡортостан артистары билдәле йырсы Юлия Чичерина менән бергә махсус хәрби операция һалдаттары алдында сығыш яһаны. Ижади фронт бригадаһына илдең төрлө нөктәһенән 14 кеше тупланған. Уларҙың өсәүһе - Сибай филармонияһы йырсылары.

Өфөлә «Бергә тапшырабыҙ. Ата-әсәләр өсөн имтихан» Бөтә Рәсәй акцияһы үтте

Ата-әсәләр имтихан тапшыра. Бөгөн Ҡасим Дәүләткилдиев исемендәге Республика һынлы сәнғәт гимназия-интернатында «Бергә тапшырабыҙ. Ата-әсәләр өсөн имтихан» Бөтә Рәсәй акцияһы үтте. Уйын форматында һәм барлыҡ талаптарҙы үтәп ойошторолған имтиханда 100-ҙән ашыу кеше ҡатнашты. Улар үҙҙәренең һайлауы буйынса математика, физика йәки тарих фәненән имтихан тапшырҙы.

Хәйбулла районында Сәйфулла Дилмөхәмәтов иҫтәлегенә арналған ҡурайсыларҙың төбәк конкурсы үтте

Илемде данлай ҡурай. Хәйбулла районында Сәйфулла Дилмөхәмәтов иҫтәлегенә арналған ҡурайсыларҙың төбәк конкурсы үтте. Башҡорт милли уйын ҡоралдарында уйнаусыларҙы йыл һайын бергә йыйған сара хаҡында тулыраҡ киләһе яҙмала.

Быйыл яҙғы ташҡын ғәҙәттәгенән алда башланды

Быға тиклем апрелдә генә ҡар иреп, йылғалар асыла торғайны. Оло һыу килеүгә бәйле хәл республика етәкселегенең етди күҙәтеүендә. Халыҡтың хәүефһеҙлеген тәьмин итеү, эҙемтәләрҙе бөтөрөү буйынса саралар күрелә. Башҡортостан башлығы Радий Хәбиров ҡотҡарыусыларҙың һәм хәрби белгестәрҙең эш күләме ҙур булыуын билдәләп, уларға фиҙәҡәрлек һәм һөнәргә тоғролоҡ өсөн рәхмәт белдерҙе. Йылғаларҙа ғына ике тиҫтәнән ашыу шартлатыу эштәре башҡарылған. Һыу ҡамауында ҡалған райондарҙа БЮТ ижади төркөмө лә булды.

Баймаҡ районында Алик Хисмәтуллин иҫтәлегенә өҫтәл теннисы буйынса турнир үтте

Баймаҡ районы Беренсе Этҡол мәктәбендә Чечен һуғышында һәләк булған Хәлис Усманов һәм һуғышта күрһәткән батырлыҡтары өсөн «Ҡаһарманлыҡ ордены» менән бүләкләнеп тыуған яғына әйләнеп ҡайтҡан, әммә йәшләй арабыҙҙан киткән Чечен һуғышы ветераны Алик Хисмәтуллин иҫтәлегенә өҫтәл теннисы буйынса турнир үтте. Ярышта 20 команда ҡатнашты

Оло Ҡуғанаҡта яугирҙар ғаиләләре өсөн консультация көнө үтте

Стәрлетамаҡ районы Оло Ҡуғанаҡ ауылында махсус хәрби операцияла ҡатнашыусылар һәм һәләк булғандарҙың ғаиләләре өсөн берҙәм консультация көнө ойошторолдо. Стәрлетамаҡ районы хакимиәте башланғысында уҙған сарала медицина учреждениелары, финанс ойошмаһы вәкилдәре, психолог, социаль страховкалау фонды, Ватанды һаҡлаусылар фонды һәм Ветерандар советы белгестәре ҡатнашты.

Башҡортостанда яҙғы баҫыу эштәренә әҙерлек тикшерелде

Башҡортостанда яҙғы баҫыу эштәренең тактикаһы һәм стратегияһы тикшерелде. «АгроКомплекс» күргәҙмәһенең тәүге көнөндә республиканың Ауыл хужалығы министрлығында Агрономия конференцияһы үтте. Унда федераль һәм төбәк ведомстволары, ауыл хужалығы йүнәлешендә эшләүсе ойошма вәкилдәре, төрлө предприятие хеҙмәткәрҙәре ҡатнашты. Башҡорт аграрийҙары яҙғы баҫыу эштәренә әҙерме һәм ниндәй ҡатмарлыҡтар бар? Был турала ентекләберәк БЮТ хәбәрсеһе Әлфинә Килдейәрова Ауыл хужалығы министры урынбаҫары Ирек Сураҡов менән әңгәмәләште.

Каринэ Хәбирова ҡурайҙа уйнай

Башҡортостан Башлығы Радий Хәбиров социаль селтәрҙә тормош иптәшенә арналған тулҡынландырғыс яҙма менән уртаҡлашты. Шулай уҡ уның ҡурайҙа уйнаған видеояҙмаһын ҡуйҙы.

«Ҡатыныма башҡорт мәҙәниәтенә һәм йолаларына булған һөйөүе өсөн рәхмәтлемен. Был минең өсөн иң ҙур бүләк», - тип яҙҙы Радий Хәбиров.