Һынлы сәнғәт һанлы сәнғәткә ҡаршы

Рәссамдар оҫтараҡмы, әллә нейроселтәрме? Был һорауға яуапты Өфөлә үткән «Киләсәк фабрикаһы» майҙанында эҙләнеләр. Ижади бәйгелә рәссамдар IT белгестәренә ҡаршы ярышты. Ҡатнашыусылар алдында һүрәт төшөрөү, билдәле картинаны ҡабатлау кеүек бурыс ҡуйылды.

Башҡортостан геройҙары: яугирҙар Радий Хәбиров менән осрашты

Махсус хәрби операцияла Шайморатов батальонында хеҙмәт иткән яугирҙарҙың күбеһе «Башҡортостан геройҙары» программаһында ҡатнашырға ғариза биргән. Был турала егеттәр бөгөн Радий хәбировҡа Миңлеғәле Шайморатов исемендәге башҡорт батальоны экспозициялары менән танышҡанда белдерҙе. Хәрби экспонаттар һаҡланған штаб-музей Өфө үҙәгендә 2023 йылдың көҙөндә асылған. Әле бында яугирҙар һәм уларҙың ғаилә ағзалары тапшырған йөҙҙәрсә әйбер һаҡлана.

Саҡмағош ауылында йәшәүсе ике дуҫ бергә контракт төҙөп махсус хәрби операцияға юлланған

Йылдар дауамында һыналған дуҫлыҡ яуҙа ла ҡаҡшамай. Балалар баҡсаһы, мәктәп йылдары, эштә лә бергә, ә хәҙер инде яуҙа. Саҡмағош ауылында йәшәүсе ике дуҫ бергә контракт төҙөп махсус хәрби операцияға юллана. Әле улар «Башҡортостан» полкының радиоэлектрон көрәш ротаһында хеҙмәт итә. Блиндажда ла, хәрби заданиела ла бергә.

Өфөлә «Усла» ҡушаматлы табип менән осрашыу үтте

Башҡортостан табиптары махсус хәрби операцияла еңеүҙе яҡынайтырға ярҙам итә. Ошондай белгестәрҙең береһе - «Усла» ҡушаматлы аҡ халатлы Луганск халыҡ республикаһындағы хәрби частарҙың береһендә медицина пункты етәксеһе вазифаһын үтәй. Бөгөн ул Өфө медицина колледжы студенттары менән осрашып, буласаҡ табиптарҙы үҙенең хеҙмәт юлы һәм фронт тарихтары менән таныштырҙы.

Фәйзи Ғәскәров ансамбле тәүге тапҡыр Кремль һарайында сығыш яһаны

Фәйзи Ғәскәров исемендәге дәүләт академия халыҡ бейеүҙәре ансамбле тәүгә Кремль дәүләт һарайы сәхнәһендә сығыш яһаны. Ижади коллектив тыуған көнөндә Мәскәү тамашасыһына репертуарындағы киңбилдәле бейеү өлгөләрен тәҡдим итте. Ике бүлектән торған концерт программаһында Фәйзи Ғәскәровтың алтын мираҫ фондынан «Зарифа», «Ете ҡыҙ», «Төньяҡ амурҙары» кеүек классик композициялары менән бергә, донъя халыҡтары хореграфияһы тәҡдим ителде. Шулай уҡ Бөйөк Еңеүҙең 80 йыллығына арналған композициялар ҙа сәхнәгә сығарылды.

Өфөлә «Арт-Ҡоролтай» V Халыҡ-ара мәҙәни форумы башланды

Фестиваль йыл һайын Башҡортостан башлығы Радий Хәбиров ярҙамында һәм уның шәхсән ҡатнашлығында 2021 йылдан уҙғарыла. Сарала мәҙәниәт һәм сәнғәт эшмәкәрҙәре, йәмәғәт ойошмалары вәкилдәре, дәүләт һәм муниципаль мәҙәниәт учреждениелары етәкселәре ҡатнаша.

Хәйбулла районында «Вәзәм һуҡма шәле» халыҡ коллективының 10 йыллығына арналған кисә уҙҙы

Район, республика конкурстары лауреаты «Вәзәм һуҡма шәле» 10 йыллыҡ юбилейын билдәләне. Хәйбулла районының Бәләкәй Арыҫланғол ауылында «Вәзәм һуҡма шәле» халыҡ коллективының 10 йыллығына арналған кисә уҙҙы.

Борай районы Борай ауылында янғын булған

Ағас йортта сыҡҡан утта 51 йәшлек ирҙең ғүмере өҙөлгән. Фажиғә сәбәптәре асыҡлана.Быйыл республикала 850-тан ашыу янғын теркәлгән. Уларҙа 40-тан ашыу кеше һәләк булған. Янғындарҙы иҫкәртеү өсөн йортттарға мини-сирена ҡуйырға кәңәш ителә. Улар ярҙамында республикала 1 мең 229 кеше, шул иҫәптән 457 бала ҡотҡарылған тип белдерәләр Ғәҙәттән тыш хәлдәр министрлығының Башҡортостан идаралығынан.

Бөгөн Өфөлә билбау көрәше буйынса ил беренселеге башланды

Ул 18-20 йәшлек ҡыҙҙар һәм егеттәр араһында үтә. Баш ҡала хакимиәтенән белдереүҙәренсә, турнирҙа Рәсәйҙең 25 төбәгенән спортсылар ҡатнаша. Ярыш баш ҡаланың Көрәш һарайында ойошторолған. Әле көрәшселәр майҙан тота, келәмдә алыша. Беренселекте асыу тантанаһы көндөҙгө сәғәт 3-тә башлана. Сара 6 йәштән өлкән көйәрмәндәргә тәғәйенләнә. Һарайға инеү бушлай.

Бөгөн Өфөлә республика хәрби-патриотик йыр конкурсы финалистары бүләкләнә

Еңеүселәр һәм лауреаттар әҙәби, музыка һәм һынлы сәнғәт әҫәрҙәре авторҙары араһында билдәләнә. Уларға аҡсалата приз ҡаралған. Баһалама комиссияһына 120-нән ашыу эш тапшырылған. Башҡортостан дәүләт академия симфоник оркестры генераль директоры Артур Нәзиуллин.
“Конкурс махсус хәрби операция геройҙарының батырлығын данлаған авторҙарҙы билдәләү маҡсатында ойошторола”, - ти баһалма ағзаһы, Башҡортостан кинематографистар берлеге рәйесе Зөһрә Бураҡаева Еңеүселәр бөгөн “Арт-Ҡоролтай” халыҡ-ара мәҙәни форумы барышында бүләкләнә.

Өфөнөң Шаҡша күперендә транспорт өсөн сикләү индерелде

15 апрелгә тиклем ике йүнәлештә лә ситтәге уң яҡ һыҙаттар ябылды. Техника йөрөшө иртәнге сәғәт 9-ҙан көндөҙгө сәғәт 5-кә һәм киске сәғәт 8-ҙән таңғы 6-ға тиклем туҡтатыла. Күперҙә инженер коммуникациялар урынлаштырыла, тип хәбәр итәләр баш ҡала хакимиәтенән.

Былтыр Башҡортостан иҡтисадына инвестициялар күләме 784 миллиард һум самаһы тәшкил иткән

Был төбәк өсөн рекордлы күрһәткес, ул 2023 йылға ҡарағанда 10 процентҡа юғарыраҡ. Был хаҡта Радий Хәбиров инвестиция комитеты ултырышында белдерҙе. Уның билдәләүенсә, йыллыҡ күләмде триллион һумға тиклем еткерергә кәрәк.

Өфөлә «Родина» кинотетарында «Ете ҡыҙ» социаль проектының исем туйы уҙҙы

Проект махсус хәрби операцияла ҡатнашҡандарҙың ғаиләләренә ярҙам итеү маҡсатын тормошҡа ашыра. Бөтә донъя башҡорттары ҡоролтайы аппаратының йәштәр менән эш буйынса баш белгесе, ирекмән Ләйсән Рабаданова махсус хәрби операцияла хеҙмәт иткән, унда һәләк булғандарҙың яҡындарын туплаған. Проекттың исем туйына яугирҙәрҙең әсәләре, ҡатындары, ҡыҙҙары, апай-һеңлеләре килде.

Өфө тимер юл вокзалынан Волгоградҡа тарихи-тематик поезд юлланды

Республиканың төрлө мөйөштәренән 500-ҙән ашыу бала барлыҡ уңайлыҡтар тыуҙырылған ике ҡатлы вагондарҙа патриотик сәфәргә сыҡты. Перронда тарихи клубтар Бөйөк Ватан һуғышы йылдарына арналған интерактив күргәҙмә ҡорҙо.

Өфөнөң Почетлы Гражданины Виктор Погудин: 98 йәшлек ветерандың ҡаһарманлыҡ юлы

Еңеүҙең 80 йыллығы айҡанлы юбилей миҙалы Һәм Өфөнөң почетлы гражданы исеме Бөйөк Ватан һуғышы ветераны Виктор Погудинға тапшырылды. 18 йәшенән Ҡыҙыл армия сафында Украинаны, Польшаны һәм Чехословакияны фашистарҙан азат итеүҙә ҡатнашҡан 98 йәшлек ветеранды олоғайған көнөндә ҡыҙы Любовь ҡарай. Оло быуын вәкиленең шатлығын БЮТ ижади төркөмө лә уртаҡлашты. Был хаҡта тулыраҡ киләһе яҙмала.

Рамаҙан айы дауам итә: Баймаҡ мәсетендә ифтарҙар ойошторола

Мосолмандар өсөн изге Рамаҙан айы дауам итә. Дин ҡәрҙәштәр ураҙа тота, ифтар мәжлестәренә йөрөй, мәсеттәрҙә тәрәүих намаҙҙарына йыйыла. Баймаҡ ҡалаһының «Нәсихәт» мәсетендә лә йылдағыса халыҡ күпләп йөрөй. Бергәләшеп ауыҙ аса, намаҙ уҡый. Теманың дауамы киләһе яҙмала.

Башҡортостан сәнәғәт кластерҙары һаны буйынса Рәсәйҙә алдынғы төбәктәр исемлегендә

Радий Хәбиров етәкселегендә үткән киңәйтелгән совет ултырышында республиканың сәнәғәт тармағы үҫеше һөҙөмтәләре барланды, яңы маҡсаттар билдәләнде. Төбәк етәксеһе Радий Хәбиров Рәсәй сәнәғәт һәм сауҙа министры урынбаҫары Иван Куликов менән Зубов технопаркы эшмәкәрлеге менән танышып, яңы инвестиция проекттарына туҡталды.

Радий Хәбиров «Арт-Ҡоролтай» Халыҡ-ара форумының пленар ултырышында ҡатнашты

Республика башлығы Радий Хәбиров «Арт-Ҡоролтай» Халыҡ-ара форумының пленар ултырышында ҡатнашып, төбәктең мәҙәни ҡаҙаныштары, тармаҡ алдындағы бурыстар менән таныштырҙы. Бер төркөм хеҙмәт алдынғыларына дәүләт наградалары ла тапшырылды. Шулай уҡ тантаналы сарала Башҡортостан дәүләт ҡурайсылар ансамбле яңы автобус асҡысы менән бүләкләнде.

Өфө циркын яңы нормативтарға яраҡлаштырып төҙөкләндереү шарт

Был турала Ҙур Мәскәү дәүләт циркының генераль директоры Эдгард Запашный бөгөн объектты ҡарап сыҡҡандан һуң белдерҙе. Өфө циркы баш ҡаланың йөҙөн билдәләгән тарихи объекттарҙың береһе. Мәҙәни учреждениеға нигеҙ 1968 йыда уҡ һалынған, Өфө циркы ярты быуаттан ашыу тамашасыларҙы мауыҡтырғыс программалар менән һөйөндөргән. Әммә объетҡа бер тапҡыр ҙа капиталь ремонт яһалмаған, һөҙөмтәлә бина таушалып авария хәленә килгән. ә 2017 йылда Өфө циркын эксплуатациялау баш ҡаланың Октябрь районы суды ҡарары менән тыйылған. Цирктың торошо насарыраҡ, емерергә тура килер тип уйлағайным. Бында яңы нормативтарҙы иҫәпкә алып капиталь төҙөкләндереү талап ителә, тине Эдгард Запашный.

Өфөлә бер аҙна эсендә ер убылыуҙың өсөнсө осрағы теркәлде

Шуларҙың береһе ҡаланың юл-төҙөлөш лабораторияһы ҡаршыһында теркәлгән. Бөгөн иртән социаль селтәрҙәрҙә Пархоменко урамы һәм Ибраһимов бульвары киҫелешендә юл япмаһы емерелеп төшөүе тураһында мәғлүмәт барлыҡҡа килә.