Иглин районының Балтика ауылында фельдшер-акушерлыҡ пункты асылды

Башҡортостанда тағы ла бер яңы фельдшер-акушерлыҡ пункты асылды. Ул Иглин районының Балтика ауылында сафҡа инде. Яңы бина һаулыҡ һаҡлауҙың беренсел звеноһын модернизациялау программаһы буйынса төҙөлгән, кәрәкле заманса ҡорамалдар менән йыһазландырылған.

Өфөлә робот ярҙамында тубыҡ быуынын алмаштырыу операцияһы үткәрелде

Башҡорт дәүләт медицина университеты клиникаһында тубыҡ быуынын эндопротез менән алмаштырыу буйынса операция робот ярҙамында башҡарыла. Бөгөн клиникала ҡатмарлы операцияны робот менән бергә университеттың травмотология һәм ортопедия кафедраһы мөдире Булат Минасов яһаны.

Өфөлә дирижёр Рөстәм Сөләймәнов иҫтәлегенә хәтер кисәһе үтте

Заһир Исмәғилев исемендәге Өфө дәүләт сәнғәт институтының Шаляпин исемендәге залында Рөстәм Сөләймәнов иҫтәлегенә арналған хәтер кисәһе-академик музыка концерты ойошоролдо.
Рөстәм Сөләймәнов һуңғы йылдарҙа Санкт-Петербургта эшләй. Төркиә симфоник оркестрҙары менән хеҙмәттәшлек итә. Хәтер кисәһендә республика сәнғәт әһелдәренән тыш, Мәскәү, Санкт-Петербург, Пермь һәм Ҡазан вәкилдәре ҡатнашты.

Радий Хәбиров етәкселегендәге Башҡортостан делегацияһы рәсми эш сәфәре менән Тажикстанда

Халыҡ-ара хеҙмәттәшлеккә яңы офоҡтар һәм бизнес өсөн мөмкинлектәр. Радий Хәбиров етәкселегендәге Башҡортостан делегацияһы рәсми эш сәфәре менән Тажикстанда. Программала бер нисә эшлекле осрашыу, шулай уҡ сәнәғәт һәм социаль объекттарға барыу планлаштырылған.

Радий Хәбиров Рәсәйҙең иң абруйлы төбәк башлыҡтарының береһе тип танылды

Башҡортостан башлығы «Үтә көслө йоғонтоһо» булғандар төркөмөнә индерелгән. Исемлектә 20 субъект етәксеһе бар. Тикшереүҙе уҙған сентябрь йомғаҡтары буйынса Сәйәси һәм иҡтисади коммуникациялар федераль агентлығы үткәргән.

Башҡортостан аграрийҙары майлы культуралар буйынса рекорд ҡуя

Быйыл рапс, етен, соя һәм көнбағышты бер миллион тонна йыйып алырға иҫәп тотола. Шул уҡ ваҡытта май һығыу заводтары былтырғы уңышты эшкәртеп бөтмәгән. Ләкин был хәл предприятие мул уңышты ҡабул итеүгә әҙер түгел тигәнде аңлатмай. Киреһенсә, завод әле ярты ҡеүәтенә эшләй. Уның ҡарауы, май сифатына хилафлыҡ килтерелмәй.

«Тормош өсөн инфраструктура» проекты буйынса республикала күперҙәр яңыртыла

Быйыл Башҡортостанда «Тормош өсөн инфраструктура» милли проекты буйынса төбәк һәм муниципаль-ара әһәмиәттәге 10 күпер норматив хәлгә килтерелә. Уларҙың күбеһе туристик объекттарға алып барған юлда, терәк юл селтәренә ингән трассаларҙа урынлашҡан.

Өфө ҡалаһында ҡышҡы миҙгелгә әҙерлек әүҙем бара

Урамдарҙы ҡарҙан таҙартыусы махсус техниканың төҙөклөгөн комиссия вәкилдәре тикшерә. Хеҙмәткәрҙәр йыл һайын ошо ваҡытҡа транспорт төрҙәрен ентекләп ремонтларға тырыша. Тәүгеләрҙән булып Ленин районы предприятиеһы юлдарҙы тәртиптә тотоуға әҙер булыуҙарын күрһәтте. Улар ҡом һибеү, грейдер, ҡар тейәү һәм ташыу өсөн тәғәйенләнгән техникаларҙы тәҡдим итте.

Матбуғат йорто алдында гәзит-журналдарға яҙылыу байрамы ойошторолдо

11 октябргә тиклем республикала ваҡытлы матбуғат баҫмаларына ташламалы хаҡҡа яҙылырға мөмкин. Ошо уңайҙан Матбуғат йорто алдындағы майҙанда «Гәзит-журналдарға яҙылыу көнө» үтте. Уҡыусылар араһында квитанциялар буйынса бүләктәр уйнатылды, концерт ҡуйылды.

Республикала быйыл 10 мең кешегә талпан ҡаҙалыу осрағы теркәлгән

Был үткән йыл менән сағыштырғанда, бер нисә меңгә күберәк. Башҡортостандың Гигиена һәм эпидемиология үҙәге лабораторияһына тапшырылған бөжәктәрҙе тикшереү һөҙөмтәһендә талпан барелеозы 17, талпан энцефалиты бер процент тәшкил итә. Көҙҙөң икенсе айы башланып торғанда ла талпан тешләүҙән мөрәжәғәт итеүселәр бар.

Ҡалтасы районы коллективы Мәскәүҙә сығыш яһарға әҙерләнә

«Холмичи» ҡалаҡсылар ансамблен республикала ғына түгел, унан ситтә лә йыш алҡышлайҙар. Йәш таланттар репертуарында халыҡ композицияларын ла, заманса көйҙәр ҙә бар. Ижади коллектив концерттарҙан тыш, төбәк һәм Бөтә Рәсәй конкурстарында ҡатнашып, призлы урындар яулай.

Башҡортостан башлығы Тажикстандың сәнәғәт һәм яңы технологиялар министры Шерали Кәбир менән осрашты

Яҡтар ике яҡлы хеҙмәттәшлекте артабан үҫтереңү юлдарын барланы. Әңгәмә барышында Башҡортостана етәксеһе Тажикстандың беҙҙең республика менән хеҙмәттәшлекте нығытыуға ынтылышын юғары баһаланы. Радий Хәбиров республиканың Дүшәнбелә Башҡортостандың үҫеш корпорацияһы вәкиллеген асырға әҙер булыуын белдереҙе. Үҙ сиратында Шерали Кәбир илдең Рәсәй эшҡыуарҙары һәм инвесторҙары өсөн уңайлы шарттар тыуҙырырға әҙер булыуын билдәләп үтте.

Өфөлә алғы һыҙыҡҡа гуманитар ярҙам туплауҙа ҡатнашыусыларҙы бүләкләү тантанаһы үтте

Тылдағы фиҙәҡәр хеҙмәткә-лайыҡлы баһа. Өфөлә алғы һыҙыҡҡа гуманитар ярҙам туплауҙа ҡатнашыусыларҙы бүләкләү тантанаһы үтте. «Берҙәм Рәсәй» партияһының йәмәғәт ярҙамы штабында Дәүләт Йыйылышы-Ҡоролтай рәйесе Константин Толкачев депутаттарға, төрлө предприятие етәкселәренә, эшҡыуарҙарға һәм ирекмәндәргә Рәхмәт хаттары тапшырҙы. Һәр ҡайһыһы махсус хәрби операция яугирҙарына, Белгород һәм Курск өлкәләренә гуманитар ярҙам йыйыуҙа әүҙемлек күрһәткән.

Башҡортостан йәштәре социаль үҫеш һәм мөмкинлектәр тураһында фекер алышты

Башҡортостандың йәш депутаттар советы ағзалары мәғариф учреждениелары, йәмәғәт ойошмалары һәм халыҡ һайланыусылары менән берлектә түңәрәк өҫтәлдә ҡатнашып, йәштәр алдында ҡуйылған заман саҡырыуҙары тураһында фекер алышты.

Интернет аша башҡарылған енәйәттәр Башҡортостанда 15 меңдән ашҡан

Йыл башынан Башҡортостанда мәғлүмәт-коммуникация технологиялары ҡулланып башҡарылған енәйәт осраҡтары 15 меңдән ашҡан. Дөйөм зыян күләме-2 миллиард һумдан күберәк. Мутлашыусылар төрлө алымдар ҡулланып урлашыуға бара. Әйтәйек, кешеләрҙең «Дәүләт хеҙмәттәре»ндәге учет яҙмаларына инеп, шәхси мәғлүмәттәр ярҙамында кредит рәсмиләштереүгә бәйле осраҡтар артып, 25-кә еткән.

Өфөлә ашығыс ярҙам машинаһы ҡатнашлығындағы аварияны прокуратура тикшерә

Прокуратура Өфөлә ашығыс ярҙам машинаһы ҡатнашлығындағы юл-транспорт ваҡиғаһын тикшереүҙе контролгә алды. Авария кисә Сипайлово биҫтәһенең Маршал Жуков урамында теркәлде. Интернетҡа һалынған видеояҙманан күренеүенсә, махсус сигнал менән ҡаршы һыҙаттан барған медиктар бригадаһы «Фольксваген Поло» һәм «Лада Гранта» менән бәрелешә.

Иглин районында авария эҙемтәләрен бөтөрөү буйынса уҡыуҙар үтте

Юл фажиғәләрен иҫкәртеп. Иглин районында авария-ҡотҡарыу хеҙмәте тарафынан юл-транспорт ваҡиғаһы эҙемтәләрен бөтөрөү буйынса күрһәтмә уҡыуҙар ойошторолдо. Сценарийға ярашлы, ҡотҡарыусылар аварияға тарыған автомобилдән аяғын һындырған водителде сығарып, уға беренсе медицина ярҙамы күрһәтте һәм артабан ашығыс медицина ярҙамы бригадаһына тапшырҙы.

Өфөлә «Остаздарҙың лайыҡлы хеҙмәте өсөн» конкурсы еңеүселәре бүләкләнде

Өфөлә юғары социаль һөҙөмтәлелеккә һәм партнерлыҡты үҫтереүгә арналған Бөтә Рәсәй конкурсы остаздарын һәм еңеүселәрен бүләкләнеләр.
Улар профсоюздар, эш биреүселәр һәм хөкүмәт вәкилдәре ҡатнашлығында ойошторолған киңәйтелгән ултырышта тәбрикләнде.

Мәскәүҙә Республика көнөнә арналған байрам концерты үтте

Кесе ватанға һөйөү менән. Мәскәүҙә Республика көнөнә арналған байрам концерты үтте. Сараға йыйылыусыларҙы Башҡортостандың Рәсәй Президенты ҡарамағындағы тулы хоҡуҡлы вәкиле Ринат Фәйзуллин сәләмләне. Ул залда төрлө быуын кешеләре булыуын, уларҙы кесе ватанға һөйөү берләштереүен билдәләне.

Өфөлә «Alter еgo» театр студияһы яңы тамашаға әҙерләнә

Өфөлә, Бәҙәр Йосопова исемендәге Актерҙар йорто бинаһында «Alter еgo» театр студияһы эшләй. Тиҙҙән тамашалар актерҙар йортоноң камера сәхнәһендә күрһәтеләсәк. Актер һөнәрен үҙ итеүсе йәштәр репетицияларҙың береһен дә ҡалдырмай. Ҡыҙыҡлы образдар аша улар хис-тойғоларын еткерә, остаздарынан сәхнә пластикаһына өйрәнә.

Радий Хәбировтың Тажикстанға эш сәфәренең икенсе көнө тамамланды

Бөгөн Башҡортостан башлығы Радий Хәбировтың Тажикстанға эш сәфәренең икенсе көнө тамамланды. Төбәк етәкскһе бер нисә эшлекле осрашыу үткәрҙе, шулай уҡ сәнәғәт һәм социаль объекттар менән танышты. Тәүҙә Радий Хәбиров Тажикстандың сәнәғәт һәм яңы технологиялар министры Шерали Кәбир менән осрашты.
Яҡтар ике яҡлы хеҙмәттәшлекте артабан үҫтереү юлдарын барланы. Әңгәмә барышында Башҡортостана етәксеһе Тажикстандың беҙҙең республика менән хеҙмәттәшлекте нығытыуға ынтылышын юғары баһаланы.