🔴🔴🔴 شعری در ستایش #کلارو

تِه دورِ وَر همه دشتیِ خَسٌه خِنه بساتِنه دسّه به دسّه
خدا ته جا اماره شاد هکرده ته ور چند تا محله آباد هکرده
ته راسِِ اوی په دییا چه خاره دِلودبار محل، خِش ته کناره
سر بورا با بورا و مقری‌کلا گِذِر کِنّی میون لَمسوکلا
تا بییکلا شونه بَیروبِن او میون بِزروپه کیله بِزرو
دشتی خشروپه او گینِه ته جا شونتاش دشت، سبزِ رو گینه ته جا
دشت پتروپه سبز و کرکنار سبز سفیدطور کنار و پَمه جار سبز
"سنگ روپه" ته جا نوم بیتا نشون پاری‌کلا هسه ته اویِ مدیون
کاردیکلای دشتی چه خشاله صفا دشت کنار فکچاله


اَمه محله گذر کنه کلارو او گیشتنه زنان با دس اَفتو
افتو سرگیتنه اِمونه سِره چایی زونه خردنه نون و کره

الان شب نشینی بی رنگ و بوئه برارزا نشناسنه وِ عموئه
پئیزِ ما عروسی داشته رِواج بَخِر بخر بیه حلوا و کماج
چرخ شاگرد دوش، اسّا اتو به دس بالا محله جا اِمونه لس لس
صوائی تاریکی در ره زوئه در مش جلال عمو ره دیمی دم در

جمع بینه همه پِرجایی و محلی شینه مقری‌کلا تکیه پلی
گد ِتکیه، هرسال عاشورا دسه امونه از کرکنار تا بورا
گد تکیه قدیم بیئه مکتِب وچون ره یاد دانه کتاب و ادب
درسّه خونسّنه همه بینه ملا شش ره گیتنه بینه گد هرجا

اِسا گِمه کلاروی بِلاره غریب برار، سجروی بلاره


#حسین_بابانژاد_افغان


✔️✔️✔️✔️✔️✔️✔️
«کانال اطلاع‌رسانی بابل، شهر بهار نارنج»
@BabolShahreBaharNarenj

#رنگین_کمان دور «امیر»؛
#میدان_امیر_پازواری، #امیرکلا، بابل.
عکس: #حسین_بابانژاد
سه‌شنبه، 20 بهمن 94.

@BabolShahreBaharNarenj