#Update

🗣 " ጦርነት ላይ ነን ፤ ጦርነቱንም እናሸንፋለን " - የእስራኤል ጠ/ሚ

🗣 " የከፈትነው ወታደራዊ ዘመቻ #ፍልስጤማውያን ባለፉት አስርት ዓመታት ውስጥ ለደረሰባቸው ግፍ ሁሉ ምላሽ ነው " - ሃማስ

#በእስራኤል እና #ሃማስ መካከል ግጭቱ መባበሱ ተገልጿል።

- የእስራኤል ጠ/ሚኒስትር ቤኒያሚን ኔታንያሁ ለሕዝባቸው " የእስራኤል ህዝብ ሆይ ፤ ጦርነት ላይ ነን ፤ ይህን ጦርነትም እናሸንፋለን " ብለዋል።

- የእስራኤል ሀገር መከላከያ ሚንስቴር " ሃማስ ከባድ ስህተት ሰርቷል ፤ ለዚህም የከፋ ዋጋ እንደሚከፍል እና ለውጤቱም ሁሉ ኃላፊነቱን ይወስዳል " ብሏል።

- ፈረንሳይ ፣ ዩኬ ፣ ጀርመን ፣ ጣሊያን ፣ አውሮፓ ህብረት ሃማስ የፈፀመውን ጥቃት አውግዘው ከእስራኤል ጎን እንቆማለን ፤ እራሷን የመከላከል መብት አላት ብለዋል።

- በሃማስ ጥቃት በትንሹ 22 እስራኤላውያን መገደላቸው ተነግሯል።

- በምስራቅ እየሩሳሌም አካባቢ በእስራኤል ፖሊስ እና ፍልስጤማውያን መካከል ግጭት መቀስቀሱ ተሰምቷል።

- ሃማስ ዛሬ ያለው ሁኔታ ከወራሪ ጋር የሚደረግ ጦርነት ነው ብሏል። የከፈተው ወታደራዊ ዘመቻ ፍልስጤማውያን ባለፉት አስርት ዓመታት ውስጥ ለደረሰባቸው ግፍ ሁሉ ምላሽ ነው ሲል ገልጿል።

- #ሂዝቦላህ ሃማስን #አወድሶ ቀጥተኛ ግንኙነት እያደረገ መሆኑን ገልጿል።

- ሃማስ እስካሁን 7000 ሮኬት ማስወንጨፉን ገልጿል።

- ሃማስ እስራኤል ላይ እያካሄድኩ ነው ባለው ኦፕሬሽን በርከት ያሉ #የእስራኤል_ወታደሮችን መያዙን አሳውቋል።

tikvahethiopia

ኢንሻ አላህ አላህ የረዳናል እኛም በዱዓችን ከጎናችሁ ነን
اللهم من أراد الإسلام والمسلمين بسوئ فأشغله بنفسه آمن يارب🤲🤲🤲

https://t.me/B1e9h

#Update #MoE #Result

ትምህርት ሚኒስቴር በ2015 ዓ.ም የ12ኛ ክፍል ሀገር አቀፍ ፈተና ውጤት ዙሪያ መግለጫ ይሰጣል።

ሚኒስቴሩ ነገ መስከረም 28/2016 ዓ.ም ከቀኑ 5:30 ጀምሮ የ2015 ዓ.ም የ12ኛ ክፍል ፈተና ውጤትን በተመለከተ በሚኒስቴሩ የመሰብሰቢያ አዳራሽ ጋዜጣዊ መግለጫ ይሰጣል።

በሚኒስቴሩ የህዝብ ግንኙነትና ኮሚዩኒኬሽን ሥራ አስፈፃሚ አመለወርቅ ህዝቅኤል ተፈርሞ ለተለያዩ የመገናኛ ብዙሃን ደብዳቤ ተልኳል።

ቲክቫህ ዩኒቨርሲቲ (@tikvahuniversity) ለመገናኛ ብዙሃን የተላከውን ደብዳቤ ትክክለኛነት #አረጋግጧል።

በሐምሌ 2015 ዓ.ም መጨረሻ በሁለት ዙር የተሰጠውን የ2015 ዓ.ም የ12ኛ ክፍል ፈተና ከ 840 ሺህ በላይ ተፈታኞች መውሰዳቸው ይታወሳል።

tikvahethiopia

https://t.me/B1e9h

#Update

• የሞቱ እስራኤላውያን ከ700 በላይ ሆነዋል። ከ350 በላይ ፍልሥጤማውያንም ህይወታቸው ጠፍቷል።

• #ኢራን ፍልስጤምን ደግፋ ስትቆም ፤ #አሜሪካ ከእስራኤል ጎን መሆኗን አረጋግጣ ወታደራዊ ድጋፍ ማድረግ እንደምትጀምር አሳውቃለች።

በእስራኤል ጦርና በፍልስጤሙ ሃማስ መካከል ጦርነቱ ዛሬም ተባብሶ መቀጠሉን ዓለም አቀፍ መገናኛ ብዙሃን ዘግበዋል። በተለይም እስራኤል ውስጥ በተለያዩ ቦታዎች ብርቱ ውጊያ እየተካሄደ ነው ተብሏል።

በጦርነቱ እስራኤል ውስጥ ከ700 በላይ #እስራኤላውያን መገደላቸው ተሰምቷል።

እስራኤል ተከፍቶብኛል ላለችው ጦርነት እየወሰደች ባለችው የአፀፋ እርምጃ በጋዛ ሰርጥ ከ350 በላይ #ፍልጤማውያን ተገድለዋል።

በአጠቃላይ ባለፉት ሰዓታት ብቻ እስካሁን ይፋ በተደረገው ከ1 ሺህ በላይ ሰዎች ሞተዋል።

በሺዎች የሚቆጠሩ ተጎድተዋል።

ጋዛ ውስጥ መሰረተልማቶች ፣ ህንፃዎች እንዳልነበሩ ሆነዋል፣ የኤሌክትሪክ ፣ የነዳጅና የፍጆታ እቃዎች አቅርቦት ተቋርጧል ፤ ያለው ሁኔታ እጅግ የከፋ ነው ተብሏል። ሰብዓዊ እርዳታ የሚገባበት መንገድ እንኳን የለም።

ይህ በእንዲህ እንዳለ እስራኤል የሊባኖሱ ሂዝቦላህ ከፍቶብኛል ላለችው ተኩስ በሊባኖስ በከባድ መሳሪያ የታገዘ ጥቃት ፈፅማለች።

ሂዝቦላም እስራኤል ላይ ተኩስ ስለመክፈቱ ኃላፊነቱን ወስዷል።

ተኩሱ የተከፈተው እስራኤል፣ ሊባኖስ እና ሶሪያ በሚወዛገቡበት ግዛት እና ሶስቱንም ሃገራት በሚያገናኛቸው የዶቭ ተራራ አካባቢ ነው።

እስራኤል የሊባኖስ ታጣቂ ሂዝቦላህ በውጊያው ውስጥ ጣልቃ እንዳይገባ አስጠንቅቃለች።

ሃማስ ፤ እስራኤል በወረራ ከያዘቻቸው ግዛቶች ለመጠራረግ ፍልስጥኤማውያን እንዲሁም ሌሎች አረቦች ትግሉን እንዲቀላቀሉ ጥሪ አቅርቧል።

እስራኤል ያለጥርጥር በበርካታ ግንባሮች ሊከፈት የሚችል ጦርነት ሊኖር እንደሚችል ነው እየታያት ያለው ተብሏል።

ምናልባትም ጦርነቱ የከፋ የሚሆነው ከፍተኛ ኃይል ያለውን የሊባኖሱን ታጣቂ ቡድን ሂዝቦላ መሳብ ከቻለ እንደሆነ ተነግሯል።

በእስራኤል እና የፍልስጤም ሃማስ ጦርነት ሀገራት የተለያዩ አቋማቸውን እያንፀባረቁ ሲሆን ኢራን የሃማስን ጥቃት ደግፋ ቆማለች።

ኢራን " የፍልስጤምን ሕጋዊ የመከላከል መብት እደግፋለሁ " ብላለች።

አሜሪካ በበኩሏ ከእስራኤል ጎን እንደሆነች በተደጋጋሚ እያረጋገጠች ነው ፤ ወታደራዊ ድጋፍም ለማድረግ እየተዘጋጀች መሆኑ ተሰምቷል። የአሜሪካ መከላከያ ድጋፉን ከዛሬ ጀምሮ የሚልክ ሲሆን በመጪዎቹ ቀናት ይደርሳል ተብሏል።

ይህ በእንዲህ እንዳለ የእስራኤል ጦር ከፍተኛ በሆነ ሁኔታ ወታደሮቹን እያሰማራ ሲሆን በጋዛ ላይ ተከታታይ የአየር ጥቃቶችን ከማድረግ በተጨማሪ የምድር ላይ ዘመቻ ለማድረግ ማቀዱን ተሰምቷል።

መረጃው ከቢቢሲ እና አልጀዚራን ጨምሮ ከሌሎች ዓለም አቀፍ መገናኛ ብዙሃን የተገኘ ነው።

BirlikEthiopi

https://t.me/B1e9h

#Update

በአጠቃላይ በ2015 ከተፈተኑ ተማሪዎች ውስጥ 3.2 በመቶ ብቻ ናቸው 50 በመቶ እና ከዛ በላይ ያስመዘገቡት።

tikvahethiopia

https://t.me/B1e9h

#Update

የእስራኤል እና የፍልስጤም ሀማስ ጦርነት ዛሬም ለተከታታይ ቀን እጅግ ተባብሶ መቀጠሉን ዓለም አቀፍ ሚዲያዎች እየዘገቡ ይገኛሉ።

የአሁኑ ጦርነት ከመቼውም የከፋ ነው ተብሏል።

ጦርነቱ እስካሁን የምን ያህል ሰዎችን ህይወት ቀጠፈ ?

እስራኤል ፦ 1,200 ሰዎች ሞተዋል። 3,418 ተጎድተዋል።

ጋዛ ፦ 950 ፍልስጤማውያን ሞተዋል። 5,000 ተጎድተዋል።

በእስራኤል እና ጋዛ ድንበር ቅርብ ርቀት ላይ በነበረ አንድ የሙዚቃ ዝግጅ ላይ ሀማስ በፈፀመው ጥቃት የሞቱ ከ260 በላይ ሰዎች አክሬን መነሳቱ የተነገረ ሲሆን አሁንም ድረስ በሃማስ እጅ የሚገኙ ታፍነው የተወሰዱ ሰዎች አሉ ሲል ዓለም አቀፍ መገናኛ ብዙሃን ዘግበዋል።

ከእስራኤል እና ፍልስጤማውን ባለፈ የአሜሪካን ጨምሮ እስራኤል ውስጥ የነበሩ የሌሎች ሀገራት ዜጎች በሃማስ ጥቃት መገደላቸው ተነግሯል።

2 ሚሊዮን ህዝብ ባለበት በጋዛ ሰርጥ ውሃ፣ ምግብ፣ነዳጅ የለም ተብሏል። ሰዎች መሄጃ አጥተው ተቀምጠዋል።

ሃማስ በእስራኤል ላይ ወታደራዊ ኦፕሬሽን ጀመርኩ ካለ በኃላ እስራኤል በተለይ በአየር እየወሰደችው ባለው አፀፋ በጋዛ የሚገኙ ህንፃዎች፣ ቤቶች ወደ ፍርስራሽነት ተቀይረዋል።

አንድ የፍልስጤም ጋዜጠኛ ከዚህ ቀደም 6 ጊዜ ያህል በጋዛ የተካሄደ ጦርነት መዘገቡን ገልጾ ይኸኛው እጅግ በጣም የከፋውና ፍፁም ደም አፋሳሽ እንዲሁም ምንም ህግ የሌለበት ነው ብሏል።

እስራኤል በሃማስ ጥቃት ህፃናት እና ሴቶች ሳይቀሩ መገደላቸውን የገለፀች ሲሆን ሃማስ በተመሳሳይ እስራኤል በምትፈፅመው ድብደባ በርካታ ህፃናት እና ሴቶች መገደላቸውን ገልጿል።

ሀገራት በጦርነቱ የተለያየ አቋም ይዘዋል። አሜሪካን ጨምሮ በርካታ የምዕራባውያን ሀገራት ሃማስን " አሸባሪ " ሲሉ አውግዘው ከእስራኤል ጎን መቆማቸውን ገልጸዋል። አሜሪካ ከድጋፍ ቃል በዘለለ ወታደራዊ ድጋፍም እያደረገች ነው።

ኢራን " እየሩሳሌም እና ፍልስጤም " ነፃ እንዲወጡ ከፍልስጤም ተዋጊዎች ጎን መሆኗን አስረግጣ ተናግራለች። እንደ ሩስያ እና ቻይና ያሉ ኃያላን ሀገራን ጦርነቱ እንዲበርድ ተኩስ እንዲቆም የሚል አቋም ይዘዋል። ቱርክ ይህ አስከፊ ጦርነት ይበርድ ዘንድ ዲፕሎማሲያዊ ጥረት አደርጋለሁ ብላለች።

ሌላው የእስራኤል ጎረቤት ከሆኑት ሌባኖስ (ሂዝቦላህ ቡድን) እንዲሁም ከሶሪያ አቅጣጫ እስራኤል ላይ መሳሪያ የተወረወረ ሲሆን ይህ ጦርነቱን ይበልጥ አስፋፍቶ ሌሎች ሀገራትም ገብተውበት የከፋ ሁኔታ እንዳይፈጠር አስግቷል።

ያም ሆነ ይህ ጦርነቱ ከቀን ወደ ቀን እየከፋ እርስ በእርስ ከሚፋለሙት የታጠቁ ኃይላት ባለፈ እጅግ  በርካታ ህፃናት እና ሴቶችን ጨምሮ ሲቪል ሰዎችን እያረገፈ ይገኛል።

ምንም እንኳን ጦርነቱ መካከለኛው ምስራቅ ቢገኝም ዳፋው ለዓለም እንዳይተርፍ ይሰጋል። ከወዲሁ ነዳጅ ዋጋው እየናረ ነው።

ተጫማሪ መረጃዎችን በ @BirlikEthiopia ማግኘት ይችላሉ።

https://t.me/B1e9h

#Update

በ2015 ዓ.ም የ12ኛ ክፍል መልቀቂያ ሀገር አቀፍ ፈተና ወስዳችሁ በመንግሥት ዩኒቨርሲቲዎች የሪሚዲያል ፕሮግራም ለመከታተል የሚያስችል የማለፊያ ውጤት ያስመዘገባችሁ ተማሪዎች የተቋም ምርጫችሁን በየትምህርት ቤታችሁ በተወከሉ መምህራን በኩል እስከ ህዳር 12/2016 ዓ.ም ድረስ ማስተካከል የምትችሉ መሆኑን ትምህርት ሚኒስቴር አሳውቋል፡፡

ከታች የተዘረዘሩ ዩኒቨርሲቲዎች የሪሚዲያል ፕሮግራም #የማያስተናግዱ መሆኑን ሚኒስቴሩ ገልጿል፦

1. አዲስ አበባ ዩኒቨርሲቲ
2. አዲስ አበባ ሳይንስና ቴክኖሎጂ ዩኒቨርሲቲ
3. አዳማ ሳይንስና ቴክኖሎጂ ዩኒቨርሲቲ
4. ሀዋሳ ዩኒቨርሲቲ
5. አርሲ ዩኒቨርሲቲ
6. ኮተቤ የትምህርት ዩኒቨርሲቲ

https://t.me/B1e9h