Xabar berganimizdek, vohamizning “Qiziriq” futbol klubi joriy yilda O‘zbekiston kubogi va UzPFLning 1-ligasida debyutant sifatida ishtirok etishmoqda. Vakillarimiz O‘zbekiston kubogining 2-turida poytaxtning “Bunyodkor” jamoasi bilan durrang o‘ynab, o‘z mahoratlarini namoyish etishdi.

Bugun Surxondaryo viloyati hokimi Ulug‘bek Qosimov Qiziriq tumaniga tashrifi avvalida “Qiziriq” futbol klubi o‘yinchilari va murrabbiylari bilan uchrashdi. Viloyat rahbari vohamizda ommaviy sport, xususan, futbolni rivojlantirish borasida amalga oshirilayotgan ishlar natijasini ko‘rsatib berayotgan sportchilarga omadlar tiladi.

Shuningdek, mutasaddilarga futbol klubi faoliyatini qo‘llab-quvvatlash, sportchilar uchun munosib shart-sharoitlar yaratish bo‘yicha vazifalar topshirildi.

#Surxondaryo #futbol #QiziriqFC #uchrashuv

Telegram | Facebook | Instagram | YouTube | Web-site | Twitter