#Муаммо_нимада

⚡️Танлов комиссияси аъзоларида темир интизом, адолат, салоҳият етарли бўлмаса, кутилган натижа ҳам бўлмайди

Республика бўйлаб очиқ мустақил танловларнинг суҳбат босқичи юзасидан танлов комиссияси аъзолари учун семинар-тренинг бошланди. Мақсад — тизимни янада такомиллаштириш. Ўқувлар қуйидан юқорига қараб ташкил этилмоқда.

Хабарингиз бор, Давлат хизматини ривожлантириш агентлиги тизим ходимларини тренер сифатида тайёрлаган эди. Улар олдига ҳудудларда очиқ мустақил танловларни ўтказишда суҳбат комиссиялари аъзоларининг билим ва кўникмаларини ошириб бориш вазифаси қўйилганди. Жараён бошланди.

Семинар-тренинглар интерактив усулларда ташкил этилаётган бўлиб, жамоалар ўз позицияларини ҳимоя қилмоқда. Суҳбат босқичидаги мавжуд муаммо ва камчиликлар таҳлил қилинмоқда. Ечимлари юзасидан фикрлар алмашилмоқда.

Ҳар бир танловда(бўш иш ўрни учун) бир номзод ғолиб бўлади. Демакки, танловнинг суҳбат босқичи муҳим рол ўйнайди. Давлат органларининг корхона, ташкилот ва идораларида фаолият юритаётган суҳбат комиссияси вакилларига ўзини доимий ривожлантириб бориш, адолатли меъзонлар асосида номзодларни баҳолаш, белгиланган муддатдан кечиктирмай танлов ғолибларини эълон қилиш бўйича йўналишлар берилди.

Шунингдек, танлов комиссияси аъзоларига қўйилган қатъий талаблар эслатилиб, суҳбатни ўтказиш кўникмаларини шакллантириб бориш бўйича муҳим кўрсатмалар берилди.

Каналга уланиш — t.me/argos_uz

#Муаммо_нимада

⚡️Давлат идораларида давлат фуқаролик хизматчиларининг ҳуқуқ ва қонуний манфаатларига риоя этилиши ўрганилмоқда

Президент ҳузуридаги Давлат хизматини ривожлантириш агентлиги томонидан Соғлиқни сақлаш вазирлиги тизимида давлат фуқаролик хизматчиларининг ҳуқуқ ва қонуний манфаатларига риоя этилиши, шунингдек улар меҳнат фаолияти ва ижтимоий ҳимояси учун шарт-шароитлар яратилганлиги ҳолати ўрганилди.

Ўрганиш якуни бўйича жами 994 та қонунбузилишларига йўл қўйилганлиги аниқланиб, ўрганиш маълумотномаси тегишли чора-тадбирлар кўриш учун Соғлиқни сақлаш вазирига юборилди.

Шунингдек, қонунбузилишларни бартараф қилиш ҳамда айбдорларга нисбатан тегишли чораларни кўриш мақсадида Соғлиқни сақлаш бошқармалари бошлиқлари номига 14 та тақдимнома киритилди.

Соғлиқни сақлаш вазирлиги ҳамда унинг ҳудудий бошқармалари киритилган тақдимномаларни кўриб чиқиши натижалари бўйича:

▪️27 нафар ходимларнинг меҳнатига ҳақ тўлашга оид бузилган ҳуқуқлари тикланди;
▪️ 5 та ноқонуний буйруқлар бекор қилинди;
▪️19 та ҳолатда меҳнат таътилларини бериш билан боғлиқ камчиликлар бартараф этилди;
▪️ 301 нафар бошқарув ходимларнинг яқин қариндошлари, иш стажлари ва мутахассисликлари бўйича маълумотлари тўлиқ “ЯММТ” ИДАКга киритилди;
▪️29 та вакант лавозимлар учун очиқ танловлар эълон қилиниб, шундан 6 таси бўйича танлов жараёнлари тўлиқ якунига етказилди.

Фаолиятида камчиликларга йўл қўйган 15 нафар айбдор шахсларга нисбатан интизомий жазо чораси қўлланилди. Шундан 1 нафари билан меҳнат шартномаси бекор қилинди ва 14 нафарига “ҳайфсан” интизомий жазо чораси қўлланилди.

❗️Ўрганиш ишлари бошқа вазирлик ва идораларда ҳам давом этмоқда.

Каналга уланиш — t.me/argos_uz

#АРГОС_хабари
#Муаммо_нимада

⚡️ Ҳурматли номзодлар!

Ўзбекистон Республикаси Президентининг 2022 йил 21 декабрдаги “Янги Ўзбекистон маъмурий ислоҳотларини амалга ошириш чора-тадбирлари тўғрисида”ги ПФ–269-сон Фармони ҳамда “Янги Ўзбекистон маъмурий ислоҳотлари доирасида республика ижро этувчи ҳокимият органлари фаолиятини самарали ташкил этиш чора-тадбирлари тўғрисида”ги ПҚ-447-сон қарорига мувофиқ, давлат органлари ва ташкилотларининг марказий аппарат ва ҳудудий бўлинмалари ташкилий тузилмалари қайтадан кўриб чиқилаётганлиги ҳамда штат бирликлари мақбуллаштирилаётганлиги сабабли Давлат фуқаролик хизматчилари вакант лавозимларининг ягона очиқ портали (vacancy.argos.uz) орқали эълон қилинган танловларнинг барча жараёнларини вақтинчалик тўхтатилишини маълум қиламиз.

Давлат органи ва ташкилотларининг ташкилий тузилмалари ҳамда штат бирликлари қайта тасдиқлангандан сўнг вакант лавозимларга танловлар ўрнатилган тартибда янада такомиллаштирилган vacancy.argos.uz портали орқали эълон қилинади ва давом эттирилади.

▪️ Вакансиялар канали — @vacancy_argos

▪️ Қўшимча маълумот учун —
t.me/murojaat_argos_bot

#Бу_муҳим
#Муаммо_нимада

Танловсиз ишга қабул қилиш ҳолати кузатилса, бизга хабар беринг

Аввал хабар берганимиздек, маъмурий ислоҳотлар натижасида давлат органлари ва ташкилотларининг тузилмалари қайта кўриб чиқилаётганлиги сабабли Давлат фуқаролик хизматчилари вакант лавозимларининг ягона очиқ портали (vacancy.argos.uz) орқали эълон қилинган танловларнинг барча жараёнлари вақтинчалик тўхтатилди.

Давлат органлари ва ташкилотларининг ташкилий тузилмалари ҳамда штат бирликлари қайта тасдиқлангандан сўнг вакант лавозимларга танловлар ўрнатилган тартибда янада такомиллаштирилган  vacancy.argos.uz портали орқали эълон қилинади ва давом эттирилади.

Бунда, лавозими тенг жойга ва лавозимидан пастга ишга ўтаётганлар учун танлов бўлмайди. Яъни, иккита вазирлик бирлашса, унинг ходимлари олдинги лавозимига тенг бўлган лавозимларга танловсиз ишга қабул қилиниши мумкин.

❗️Агарда сиз фаолият юритаётган ташкилотга ходимлар очиқ танловсиз ишга қабул қилинаётган бўлса ёхуд эгаллаб турган лавозимингиз қисқараётганини рўкач қилиб сиздан асоссиз равишда ишдан бўшаш ҳақида ариза талаб қилишаётган бўлса, бизга мурожаат қилинг!

🔹 Мурожаат учун бот — @murojaat_argos_bot

Каналга уланиш — t.me/argos_uz

#Муаммо_нимада

⚡️ Очиқ танловлар тизимини такомиллаштириш бўйича қандай чоралар кўрилмоқда, ушбу жараёнда жамоатчилик фикри инобатга олиняптими?

Саволга Агентликнинг Кадрлар маъмуриятчилиги департаменти бошқарма бошлиғи Аббос Акрамов жавоб берди.

Каналга уланиш — t.me/argos_uz

#Муаммо_нимада

⚡️Давлат хизматини ривожлантириш агентлиги томонидан давлат хизматчиларининг ҳақ-ҳуқуқлари ва қонуний манфаатларига риоя этилиши юзасидан ўрганиш натижалари

Агентликнинг ҳудудий филиаллари томонидан 2023 йилнинг ўтган даврида давлат фуқаролик хизматчиларининг ҳуқуқлари ва қонуний манфаатларига риоя этилиши билан боғлиқ ўрганишлар ўтказилди ва қатор таъсир чоралари қўлланилди.

▫️Батафсил

Каналга уланиш — t.me/argos_uz

#Муаммо_нимада

⚡️Давлат фуқаролик хизматига ишга кириш жараёнлари назоратда: Call-марказларга келиб тушган мурожаатлар таҳлил қилинмоқда, ечим берилмоқда

Айни дамда Президент ҳузуридаги Давлат хизматини ривожлантириш агентлигининг марказий аппарати ҳамда ҳудудий филиалларида очиқ танловлар фаолияти юзасидан ишонч телефонлари ишлаб турибди.

Ўтган бир ҳафта давомида ушбу рақамларга 78 та мурожаат келиб тушди.

◽️Жумладан:

32 та — платформада шахсий кабинет билан боғлиқ бўлган техник муаммолар;
6 та — малака талабига мослигини кўриб чиқиш муддати кечиктирилиши бўйича;
10 та — малака талаби натижасидан норозилик бўйича;
10 та — тест ва суҳбат босқичини белгилаш муддатларининг бузилиши бўйича;
12 та — суҳбат босқичини ташкил этилишидан норози бўлиб;
8 та — суҳбат натижасини шахсий кабинетга юбориш муддатини кечиктирилиши бўйича мурожаатлар келиб тушди.

Мазкур мурожаатларнинг 10 таси ижобий ҳал этилди, 68 таси ҳуқуқий маслаҳат бериш орқали қаноатлантирилди.

Ҳурматли номзодлар, жамоатчилик вакиллари! Очиқ танловлар юзасидан мурожаатларингиз бўлса, бизга йўлланг. Хоҳишингизга биноан, шахсингиз сир сақланишини ҳам кафолатлаймиз.

Каналга уланиш — @argos_uz

#Муаммо_нимада

⚡️Назорат кучайтирилмоқда: Қорақалпоғистонда ҳам очиқ танловларни ўтказиш ҳолати мониторинг қилинди

Ҳурматли номзодлар, танлов ғолиби бўлмасдан туриб, давлат хизматида фаолиятингизни бошламанг!

Амалдаги норматив-ҳуқуқий ҳужжатларга асосан давлат ҳокимияти ва бошқаруви органлари, давлат унитар корхоналари ва муассасалари, давлат улуши 50 фоиздан юқори ташкилотларда ишга қабул қилиш очиқ мустақил танлов асосида амалга оширилмоқда.

Мазкур ҳужжатлар ижросини таъминлаш мақсадида Давлат хизматини ривожланитириш агентлигининг Қорақалпоғистон Республикаси филиали томонидан тасдиқланган режа-график асосида республикадаги туман (шаҳар) ҳокимликларида вакант лавозимларга номзодларни очиқ мустақил танлов асосида қабул қилиш ҳолати ўрганилганда бир қатор камчиликлар аниқланди.

Хусусан, 2022 йилда Шуманай, Тахтакўпир туманларида 7 нафардан, Хўжайлида 5 нафар, Мўйноқда 4 нафар, Кегейли, Нукус туманларида 3 нафардан, Қораўзак, Амударё, Чимбой, Тўрткўл, Бўзатов туман ҳокимликларида 2 нафардан ҳамда Қонликўл туманида 1 нафар жами 40 нафар ходимлар танловларсиз ишга қабул қилинган бўлса, 2023 йилнинг
6 ойи давомида Тўрткўлда 4 нафар, Қораўзакда 3 нафар, Тахтакўпир, Хўжайли, Қонликўл, Шуманай, Мўйноқ туманларида 2 нафардан, Бўзатов, Кегейли туман ҳокимликларида 1 нафардан жами 19 нафар ходимлар тўғридан-тўғри танловларсиз ишга қабул қилинганлиги аниқланди.

◽️Батафсил

Каналга уланиш — @argos_uz

#Муаммо_нимада
#Қисқа_метражли_фильм

⚡️Фақат ухлаб қолма!

Ушбу қисқа метражли фильм туман ҳокимлигида, коммунал хизмат кўрсатиш соҳасида фаолият юритаётган давлат фуқаролик хизматчисининг бир кунлик фаолияти доирасида тайёрланди.

Жараёнлар ҳеч қандай пардозсиз, борича акс эттирилди. Ролларни ҳам айни шу кунда давлат хизматида фаолият юритаётган хизматчилар ижро этиб берган.

Фильмда бугун давлат фуқаролик хизматидаги оғриқли масала — иш режимига амал қилмасликнинг оилавий қадриятларга, фарзанд тарбияси ва руҳиятига салбий таъсири, келажакка бўлган умидсизлик ҳолатлари акс этган.

Унутмайлик, халқни рози қилиш, фаолиятда самарадорликка эришиш — аслида қонуний белгиланган иш вақтидан оқилона ва самарали фойдалана олишимизда! Хулосани ҳар бир иш берувчи раҳбарлар ва ҳар бир давлат хизматчисининг ўзида қолдирамиз.

◽️Full HD

Каналга уланиш — @argos_uz

#Муаммо_нимада

⚡️Самарқандда инсон ресурсларини бошқариш фаолиятини рақамлаштириш масаласида сусткашликка йўл қўйганларга чора кўрилди

Давлат хизматини ривожлантириш агентлиги томонидан "Давлат фуқаролик хизмати тўғрисида"ги қонун, Президентнинг ПФ-76-сонли Фармони ҳамда ПҚ-300-сонли қарори ижросини таъминлаш мақсадида хорижий илғор тажрибалардан келиб вазирлик ва идоралар ҳамда маҳаллий ижро ҳокимликларидаги инсон ресурсларини бошқариш фаолиятини тўлиқ рақамлаштириш мақсадида hrm.argos.uz — инсон ресурсларини бошқаришнинг ягона электрон ахборот тизими жорий этилди.

Натижада вакант лавозим учун ўтказилаётган танловдан тортиб, кадрларга оид барча ҳужжатларни юритиш фақатгина hrm.argos.uz платформасида амалга ошириладиган бўлди.

Бунинг учун платформа vacancy.argos.uz, zaxira.argos.uz, samaradorlik.uz, e-qaror.gov.uz, e-huquqshunos.uz дастурий таъминотлар билан интеграция қилинди. Шунингдек, my.mehnat.uz, edo.ijro.uz ва UzASBO тизимларига ҳужжатлар автоматик равишда юборилиши таъминланди.

Давлат органларида hrm.argos.uz электрон платформасини юритиш тартиби Вазирлар Маҳкамасининг 492-сонли қарори билан тасдиқланиб, 2023 йил 1 ноябрдан бошлаб HRга оид барча ҳужжатларни hrm.argos.uz платформасида шакллантириш ва юритиш учун давлат органлари раҳбарларининг шахсан масъуллиги белгиланди.

Агентликнинг Самарқанд вилояти филиали томонидан ҳам вилоятдаги давлат органларининг инсон ресурсларини бошқаришга оид маълумотлари ва ҳужжатларини платформада ўз вақтида шакллантирилиши ҳамда юритилиши доимий мониторинг қилиб келинмоқда.

2024 йилнинг ўтган 6 ойи давомида ўтказилган мониторинг натижасига кўра, белгиланган қарор талабларига риоя қилмаган ҳамда сусткашликка йўл қўйган Зарафшон ирригация тизимлари ҳавза бошқармаси ҳузуридаги 5 та вилоят бошқарма бошлиқлари, Ветеринария ва чорвачиликни ривожлантириш бошқармасининг 13 та, Мактабгача ва мактаб таълими бошқармасининг 8 та ҳамда Санитария-эпидемиологик осойишталик ва жамоат саломатлиги бошқармасининг 9 та туман (шаҳар) бўлим бошлиқлари, жами 35 нафар раҳбарлар 64,6 млн сўм миқдорда маъмурий жаримага тортилди.

◽️Жараён давом этмоқда.

Каналга уланиш — @argos_uz