Қазақтың намазхан спортшылары Париж төрінде атой салып күллі алаш күткен жүлделерді қоржынға салуда.

Елдос пен Ғұсманның жеңіс жолын, Алла жазса Демеу мен Нұрбек жалғап, ең кемі күміспен күптемек.

Сақалды көзге шыққан сүйелдей көріп, намазхан жігіттердің аузындағы “Алласына” шүйліккен кейбір керауыз адамдар осы фактілерді ескеріп қойса екен☝️

ЕЛДОСҚА ШҮЙЛІККЕНДЕРГЕ!

Оу, ағайын, сіздерге салсақ марқұм Талғат атамыз да “дайын имам”, “діни фанат”, “арабқұл” болғаны ма?

Үлкен додаға түскен, аманат пен абыройы сыналып, тәуекелге бас ұрған кез келген пенде іштей Жаратушыға сыйынып, білген діни рәсімін жасайды және содан рухани күш алады.

Ал, сіз бен біз, өңшең қыртымбай қауым, ондай жүкті еңсеріп, үлкен жауапкершілікпен бетпе бет келіп көрмеген пенделерміз. Сондықтан диванда жатып ап, оттауға бейілміз.

Егер мұндай тұлғалардың таным-сенімі мен жеке діни практикасына сын айта беретін болсақ, бара-бара, тарихтағы небір әулие-әнбиенің кереметі мен асылдарымыздың басынан өткен қасиетті оқиғаларға да тас атып кетуіміз бек мүмкін.

Бүгін өзім жақсы көретін бауырыма бір ескерту (бәлкім, насихат) жасадым. Ескертпес алдын, ұзақ ойландым. Бәлкім бұл ісім жөн емес шығар, өзгенің тірлігіне араласу ма деген де ой келді. Хоп, содан айтып көрмекке бел будым. Бастысы, бұл бауырлық жанашырлық деп ойладым.

Әлқисса, бүгін ол досымды аяқасты әлеуметтік желіде тауып аламын. Досым жас кезінде қандай болды екен деген пенделік қызығушылықпен лентасын ақтара бастаймын. Содан досымның бейнамаз кездегі суреттеріне кезігемін. Жанында Құдай қосқан жұбайы орамалсыз тұр екен. Қазір шүкір, екеуі де намазда, орамал тағулы.

Әрине, әйел еркектің жанды жері ғой, ол туралы сөз қозғау өте нәзік мәселе. Содан досыма жаймен нәрсені түсіндірдім.

Шүкір, досым бірден дұрыс қабылдағанда, шыны керек, көзіме жас келді.

Мұны неге айтып отырмын. Мұндай оқиға әрбір еркектің басынан өтуі бек мүмкін.

Тіпті, баяғы да бір әпенді әзілдеп “ухтилердің инстасына өткенде, экранды солға жылжытсаң, орамалсыз кездегі түскен суреттерін (бейнамаз кезде дос-жақындары отметить (белгілеу) еткен) көресің” деген.

Так что осы бір кейсті сіздерге де айтып қоюды ұйғардым. Бәлкім пайдаға жарап қалар🙂

Қазір шүкір, мешіт көп. Бірақ маман жетіспейді. Әсіресе, ауылдық жерде қиын. Сананы тұрмыс билеген заман. Ешкім мардымсыз жалақыға молда болғысы келмейді. Әрі сол мардымсыз жалақының өзі тұрақты емес.

Жергілікті жамағат имамның айлығын үйлестіргісі келеді. Анадан 3000, мынадан 5000-дап жинаған ақша бір жыртығын жамағанмен, күнкөріске жетпейді.

Иа, қазіргі молдалардың жалақысы мысық дөтін көрсетуге татымайды. Ал, айлығы шайлығына жетпеген молда қайдан жамағатын ойлап, діннің қамын күйттесін?!

Қайбір жылы Алматыда бір топ экс-молдалармен дастархандас болдым. Арасында діни сауаты өте білікті жандар бар. Дені гид боп нанын тауып жүр. Себебі, молда боп тапқаны таянғанына жетпейді. Әрі діни жүйедегі цензура мен саясаттан шаршаған.

Жақында, кезінде білдей бір облыстың бас имамы болған (әл-Әзһар тамамдаған) экс-имамды әлжеліден көрдім. Әлдебір турфирмада гид екен. Көріп шыны керек, көңілім қатты құлазыды.

Былай қарасаң, МА-дағылар миллиондаған қаржыға әрлі-берлі Эйр Астанамен болмайтын форум мен маңызы жоқ бас қосулар үшін еркін ұшып жүре береді. Еще, командамен жүреді. Жалғыз жүрсе жау жейтіндей…

Ал, ауыл имамы елу мың теңгеге зар боп отыр. Әлгі топтың бір түскі асының құны ғой…

Шұғыл реформа керек…

(Біраз молда көзбен лүпіл басып, іштей пікір жазатын шығар..))

ӘПЕНДІ ҒҰЛАМА ҺӘМ ШӘКІРТ

Бірде бір жас философ әпенділіктен үлесі мол ғұламаға келіп, оның шәкірті болғысы келетінін айтады:
- Мені шәкірт етіп алсаңыз.
- Бұрын сен не үйренген және кімнен білім алған едің?
- Діннен хабарым аз. Бірақ жақында Сократ философиясындағы логика бойынша диссертация қорғадым. Ал енді танымымдағы ақтаңдақтардың орнын толтыру үшін, Сізден ілім үйренгім келеді.

— Тәәәәк… Сен менен білім алуға дайын емессің, — дейді шейх. — Бірақ сен талап етіп отырғандықтан, мен саған логикалық есеп беремін: егер сен оны шеше алсаң, мен сені оқытатын боламын.

Жас бозбала өз келісімін береді, ал шейх өз сөзін жалғастырады.
— Екі адам мұржадан төмен қарай түсіп келе жатыр. Біреуінің беті таза, екіншісінің беті кір болып шығады. Олардың ішінен кім бірінші болып жуынуға барады?

Жас философтың көздері төбесіне шығып кете жаздайды.
— Осы ма логикалық есебіңіз?!
Шейх басын изеп ишара жасайды.
— Енді, әрине, кімнің жүзі кір болса, сол барады дағы!
— Дұрыс емес. Өзің логикалық тұрғыдан ойлашы: беті кір адам беті таза адамға қарайдыдағы, оның да беті таза екен деп шешеді. Ал енді, беті таза адам беті кір адамға қарайды да, өзінің де беті былғанып қалған екен деп, жуынуға барады.

— Қулықпен ойлап табылған екен! — деп таң қалады қонақ жігіт. — Қанекей, Хазірет, маған тағы бір есеп беріп көрші! - дейді.

— Жақсы, бозбала. Екі адам мұржадан төмен қарай түсіп келе жатыр. Біреуінің беті таза, екіншісінің беті кір болып шығады. Олардың ішінен қайсысы жуынуға барады?
— Біз мұны анықтадық қой — беті таза адам жуынуға барады!
— Дұрыс емес. Екеуі де жуынуға барады. Өзің логикалық тұрғыдан ойлашы: беті таза адам беті кір адамға қарайды да, оның беті де кір деп ойлайды. Ал беті кір адам екіншісі жуынуға кеткенін көріп, оның да беті кір екенін түсініп, ол да жуынуға барады.
— Мен бұл жөнінде ойланбаппын. Таң қалдырарлықтай — мен логикалық қате жібердім!Шейх, қанекей тағы бір есеп берші!

— Жарайды. Екі адам мұржадан төмен қарай түсіп келе жатыр. Біреуінің беті таза, екіншісінің беті кір болып шығады. Олардың ішінен кім бірінші болып жуынуға барады?
— Енді: Екеуі де жуынуға барады.
— Дұрыс емес. Бірде бірі жуынуға бармайды. Өзің логикалық тұрғыдан ойлашы: беті кір адам беті таза адамға қарайдыдағы, бетін жууға бармайды. Ал беті таза адам беті кір адамның жуынуға бармағынын көріп, өзінің беті таза екен деп түсініп, ол да жуынуға бармайды.

Жас жігіт үмітсіздікке бой алдырады.

— Менің Сізден білім алсам, жақсы шәкірт болатыма сеніңіз! Басқа бір нәрсе сұраңыз менен!
— Мақұл. Екі адам мұржадан төмен қарай түсіп келе жатыр:
— Уа, Құдайым! Бірде бірі жуынуға бармайды!!!
— Дұрыс емес. Енді сен Сократ логикасы білімінің жеткіліксіз екендігіне көзің жетті ме? Маған айтшы, бір мұржадан бірдей түсіп келе жатқан екі адамның бірі бетін былғап алып, ал екіншісі таза болуы мүмкін бе?! Сен осыны қалайша түсінбейсің? Бұл сұрақтың барлығы — бос сөз, егер сен осындай мағынасыз сұрақтарға жауап беріп өміріңді өткізетін болсаң, онда сенің барлық жауаптарыңның да мәні болмайды!!!

Сондықтан Исламдық идеология мен философияны шатастырмаңыз.

@apendim

Мүфти хазіретті қолдап пост жазу, тарату мұқым жамағаттың қазіргі міндеті һәм Құдайға қараған иманжүзді блогер біткеннің ісі болмақ.

Закон қуаты қолымда болғанда, Мұхаммеджан ағама кофесін беріп болса да пост жаздырар едім. Астына Хазіретпен түскен селфиін жүктеп.

Әттең, тонның келтесі-ай…

#әпендішілік

Ертеде жолбарыс орман ішінде келе жатып есі шығып жүгіріп келе жатқан пілді көреді. Пілді әзер тоқтатып:

- "Сен кімнен қашып келесің? Есің шығып кетіпті ғой. Не болды?" деп жөн сұрайды. Піл ентігіп:

- "Шамаң жетсе сен де қаш! Аң патшасы арыстан бүгін таңертең ормандағы бүкіл керікті (жирафты) құртуға қатысты жарлық шығарды" дейді.

Жолбарыс аң-таң болып:

- "Жарлық керіктерге қатысты екен ғой. Сен керік емессің ғой. Сен піл емессің бе?!"

- "Иә пілмін ғой. Бірақ сол керіктерге қатысты іске жауапты етіп арыстан есекті тағайындады" деген екен…

Ал, сен неге АЭС салуға қарсысың дейсің…?

#саясиәжуа

Қазақ сөзге дана халық қой.

“Жақсының аты өлмейді,
Ғалымның хаты өлмейді” - деп қалай тура айтқан, ә?

Марқұм Бауыржан Әлиұлы ұстаздың дүниеден өткеніне екі жылдан асса да, әлі күнге дейін аты да, хаты да жамағат санасында еш ұмытылмады.

Ұстаз көзі тірісінде жазу-сызуға көп көңіл бөлді. Соның бір сыпырасын, көңілге түйген ойларын әлеуметтік желіде “Ойлаймын да” деген атаумен жиі жариялап отыратын. Жарық көрмегені қанша…

Абай Хәкім айтады ғой:

“Өлді деуге бола ма айтыңдаршы,
Өлмейтұғын артынс артына сөз қалдырған?!”

Жақында ұстаздың сол асыл сөздері мен маржан ойлары жинақталып, толықтырылып баспадан шығып, оқырманға жол тартты.

Әгәрәки, марқұм ұстаздың рухани дариясынан сусындап, білім қазынасынан бәһра алуды көздесеңіз, “Ойлаймын да” кітабына ойланбай тапсырыс беріңіздер.

Толық ақпарат: +7707 449 5497 (WhatsApp)

Маған мотивация беріңдерші☺️

Екі аптадан бері мына су жаңа жобамды @qazatrackerbot таныстыруға еш мотивация таппай жүрмін…

Әйтпесе, бұл әлемде еш баламасы жоқ эксклюзивті бот қой🙂

Соны сіздерге әне айтам міне айтам дегелі уже үш апта өтіпті…

Хотя осылай болса да сіздерге бөлісіп қояйыншы дедім☺️

Қазірге дейін үлкен-кішілі бірнеше діни жоба жасаппын. Барлығы дерлік коммерциялық мүддеден тыс.

Осы жолы да керемет бір жоба дүниеге келді. Дұрысы жетілдірдік.

Бұ жобаның алдын iOS және Android арналған қосымшасын жасаған едік. Алайда кемшін тұстары бар еді.

Осы жолы сол олқылықтарды толықтырып, қосымшаны telegram-bot нұсқада жасап шығардық. Смартфоныңызға артық приложение жүктеудің енді еш қажеті жоқ.

Qaza tracker - қаза намаздарды есептеуге арналған қолданба. Балиғат жасқа толған сәттен намаз бастағанға дейінгі аралықтағы қаза намаз бен қаза ораза сандарын дәлдікпен есептеп береді. Есептеу кезінде хижри күнтізбеге сүйенеді.

Сонымен қатар мұсылман әйелдердің қаза намазын есептеуде хайз, нифас уақыттарын да ескеріп, сапар намаздарды да есептеу мүмкіндігі бар.

Сондай-ақ, алтыншы намаз ретінде үтір намазы да енгізілген. Алла қаласа, жақын арада қаза намаз кітапшасы да жарық көреді.

Бот әзірге екі тілде жұмыс жасайды. Болашақта қосымша бірнеше тілді енгізу жоспарда бар. Ботты төмендегі сілтемеге өтіп тегін һәм еркін қолдансаңыздар болады:

t.me/qazatrackerbot

Репост жасап мен пақырды қолдап қойсаңыздар, мархабат!☺️

🔴 ФИҚҺУС-СИРА КІТАБЫН САТЫП АЛ ДА, ЖАБЫҚ КАНАЛҒА ТЕГІН ТІРКЕЛ!

Қасиетті Мәуліт айында бірден бір оқылуы тиіс кітап - ПАЙҒАМБАРЫМЫЗДЫҢ ﷺ МҮБӘРАК ҒҰМЫРНАМАСЫ болса, ал, сол сира еңбектерінің таңдаулысы - ФИҚҺУС-СИРА (Пайғамбар ﷺ өмірбаянының түсінігі) кітабы.

Жеті жүз беттен асатын еңбек “Мінбер шәһиді” марқұм шейх Рамазан әл-Бутидің есімін ислам әлеміне әуелеткен құнды туынды.

Сіздер дәл осы кітапты сатып ала отыра біздің жабық каналымызға ТЕГІН тіркеле аласыздар.

Бұл каналда эксклюзивті діни кітаптар, бұрын еш жерде жоқ су жаңа еңбектер және канал мүшелері үшін арнайы сатып алған кітаптар болады. Әрі олар ашық каналға шықпайды.

❗️ АЛДАҒЫ УАҚЫТТА БҰЛ КАНАЛҒА ТІРКЕЛУ АҚЫЛЫ БОЛАДЫ. ҚАЗІР 0 теңге!

🔺 Кітап + жабық канал бағасы: 3000 тг.

▪️Каспи Голд: +7705363-93-11

▪️Чек жіберу: @mustagan

🔥 Тіркелу үшін @mustagan жазыңыз

Жақында екі күн бойы салқын айран ішіп, одан мұздай лимонадтан сіміріп, соңында ангинам ісіп кетті.

Соны естіген бір танысым:

- Саған ангинаның психосамотикасын оқу керек - дейді.

Қазір осы тема хит болып жатыр екен ғой)

Alphard-ты неге көбіне сақалдылар айдайды десем, атауы (әл-Фард) арабшаға ұқсайды екен ғой))

Рөлі де оң жақта😅

Фетхулла Гүлен қайтыс бопты. Иманды болсын🤲

Әссәләмуалайкум әпенділерім, қалайсыңдар?🤗

Әпенділерім жартысы гүленші ме, не боп кетті?😅