#mahalla_xodimlari_kuni

ВИЛОЯТИМИЗДА МАҲАЛЛА ТИЗИМИ ХОДИМЛАРИ КУНИ МУНОСИБ НИШОНЛАНМОҚДА

Маҳалла институтининг жамиятимиз ижтимоий-маънавий ҳаётида тутган ўрнини ҳисобга олиб, соҳа ходимларини қўллаб-қувватлаш мақсадида 22 март – “Маҳалла тизими ходимлари куни” деб эълон қилинган.

Вилоятимиздаги 909 та маҳалла фуқаролар йиғинларида Наврўз байрами ҳамда мазкур сана муносабати билан тадбирлар бўлиб ўтмоқда.

Андижон шаҳридаги Исломобод маҳалласида ҳам Маҳалла тизими ходимлари куни кенг кўламда нишонланди.

Жараёнда вилоят раҳбари Шуҳратбек Абдураҳмонов иштирок этиб, барчани байрами билан қутлади. Маҳалла фаолларини юрт фаровонлиги йўлидаги хизматларида омад тилади.

Шунингдек, ўз хизмат вазифаларини сидқидилдан олиб бораётган маҳалла раиси, ҳоким ёрдамчиси, ёшлар етакчиси, ҳотин-қизлар фаоли ҳамда профилактика инспектори Давлат мукофоти ҳамда “Маҳалла ифтихори” кўкрак нишони билан муносиб рағбатлантирилди.

Facebook | Twitter | Instagram | YouTube | Telegram | TikTok