حسن مدبولى : إكفل يتامى التنمية ؟
#الحوار_المتمدن
#حسن_مدبولى إكفل يوتماء التنمية !!علشان التنمية ( لمؤاخذة ) الإقتصاديةتأتى بثمارها،وبصفتى خبير إقتصادى (معارض) و فاهم أنا بقول إيه ودارس كلامى كويس لمؤاخذة ،فأنا أقترح حلا سحريا جذريا للأزمة الإقتصادية المصرية،وهو أن تلتزم الدولة بتطبيق نفس خطوات الصين فيما يتعلق بحل مشكلة التزايد السكانى، وبالمرة لمواجهة الإرهاب المحتمل ،لكن مع وضع التاتش بتاعنا طبعا لان المصرى فيه جواه حتة يابانى لازم تبان للعالم ، بمعنى إننا لازم نحدد طفل واحد لكل أسرة زى الصين بالظبط ، لكن العقاب بعد كده يكون سجن مع الأشغال الشاقة المؤبدة بموجب قانون رادع لمخالفات التوالد والتكاثر ،مش تقولى رفع دعم ورغيف عيش وبقية الكلام الفارغ اللى من جوه الصندوق ده ، وعشان محدش يتظلم ويبقى المواطن لقى حد يحنو عليه ، نعمل قانون تانى للتصالح على مخالفات الخلفة و التوالد ، يعنى اللى مخلف عيال زيادة يشخلل بالقوى عشان يعدى بعياله،لكن كمان لازم القانون ده ينطبق بأثر رجعى زى قانون التصالح فى مخالفات المبانى كدهو ، فالأسرة إللى اتجوزت من سنة 1999 وخلفت اكثر من طفل، لازم تتقدم بطلب تصالح وتعمل ملف سكنى تنموى فى مستشفى الجلاء ، وبناءا على تقارير خبراء وزارة التومين الأفذاذ يتم تحديد الغرامة طبقا لعدد العيال الزيادة عشان يتقبل التصالح مع إللى خلفوهم ، وإللى يستعبط أو يتقاعس أو يتقفش متلبسا مع عياله بدون سداد وفتح ملف يبقى لازم يتسجن ، واذا تم إكتشاف المخالفة وكان رب الأسرة قد مات كمدا أو إنتحر ، فيبقى تتسجن الأم أو تدفع حق الدولة آه أومال إيه هى فوضى على رأى خالد بورنو ولا إيه ؟ ، لكن اذا كانت الأم قد إنقهرت وتوكلت ، فيتم إعدام العيال الزيادة إلا إذا أنقذهم القرايب والنسايب والمتطوعين الأجانب و لموا لهم فلوس التصالح ودفعوها لوجه الله والوطن، لكن مافيش مانع طبعا تبقى فيه شوية مؤتمرات ومعاها حبة سهوكة وحسوكة ونحنحة وجمعيات خيرية و أحزاب لمؤاخذة سياسية، تعيط على العيال وتصورهم وتطبطب عليهم بحنية، مع مزيكا مأساوية، ويتذاع كل ده فى إعلان بعنوان: إكفل يوتماء التنمية وتحيا الصين !! ......
#إكفل
#يتامى
#التنمية
لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=747449
#الحوار_المتمدن
#حسن_مدبولى إكفل يوتماء التنمية !!علشان التنمية ( لمؤاخذة ) الإقتصاديةتأتى بثمارها،وبصفتى خبير إقتصادى (معارض) و فاهم أنا بقول إيه ودارس كلامى كويس لمؤاخذة ،فأنا أقترح حلا سحريا جذريا للأزمة الإقتصادية المصرية،وهو أن تلتزم الدولة بتطبيق نفس خطوات الصين فيما يتعلق بحل مشكلة التزايد السكانى، وبالمرة لمواجهة الإرهاب المحتمل ،لكن مع وضع التاتش بتاعنا طبعا لان المصرى فيه جواه حتة يابانى لازم تبان للعالم ، بمعنى إننا لازم نحدد طفل واحد لكل أسرة زى الصين بالظبط ، لكن العقاب بعد كده يكون سجن مع الأشغال الشاقة المؤبدة بموجب قانون رادع لمخالفات التوالد والتكاثر ،مش تقولى رفع دعم ورغيف عيش وبقية الكلام الفارغ اللى من جوه الصندوق ده ، وعشان محدش يتظلم ويبقى المواطن لقى حد يحنو عليه ، نعمل قانون تانى للتصالح على مخالفات الخلفة و التوالد ، يعنى اللى مخلف عيال زيادة يشخلل بالقوى عشان يعدى بعياله،لكن كمان لازم القانون ده ينطبق بأثر رجعى زى قانون التصالح فى مخالفات المبانى كدهو ، فالأسرة إللى اتجوزت من سنة 1999 وخلفت اكثر من طفل، لازم تتقدم بطلب تصالح وتعمل ملف سكنى تنموى فى مستشفى الجلاء ، وبناءا على تقارير خبراء وزارة التومين الأفذاذ يتم تحديد الغرامة طبقا لعدد العيال الزيادة عشان يتقبل التصالح مع إللى خلفوهم ، وإللى يستعبط أو يتقاعس أو يتقفش متلبسا مع عياله بدون سداد وفتح ملف يبقى لازم يتسجن ، واذا تم إكتشاف المخالفة وكان رب الأسرة قد مات كمدا أو إنتحر ، فيبقى تتسجن الأم أو تدفع حق الدولة آه أومال إيه هى فوضى على رأى خالد بورنو ولا إيه ؟ ، لكن اذا كانت الأم قد إنقهرت وتوكلت ، فيتم إعدام العيال الزيادة إلا إذا أنقذهم القرايب والنسايب والمتطوعين الأجانب و لموا لهم فلوس التصالح ودفعوها لوجه الله والوطن، لكن مافيش مانع طبعا تبقى فيه شوية مؤتمرات ومعاها حبة سهوكة وحسوكة ونحنحة وجمعيات خيرية و أحزاب لمؤاخذة سياسية، تعيط على العيال وتصورهم وتطبطب عليهم بحنية، مع مزيكا مأساوية، ويتذاع كل ده فى إعلان بعنوان: إكفل يوتماء التنمية وتحيا الصين !! ......
#إكفل
#يتامى
#التنمية
لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=747449
الحوار المتمدن
حسن مدبولى - إكفل يتامى التنمية ؟