ادم عيد : كيف تعالج الأرهاب في أقل من سنة وتكسب فلوس كتير - بدون روت
#الحوار_المتمدن
#ادم_عيد رسالة الي من يهمه الأمر، بقالنا نص قرن تقريبا من بعد ما جيه عبد الناصر واحنا طردنا اليهود وقفلنا المحافل الماسونية ومنعنا وجود طائفة شهود يهوه بالقانون وفشخنا البهائيين بالقانون، رغم انهم مصريين زي الي عمل القانون ابن الوسخة ده واكتر كمان، وده الجزء الي عمله الأستاذ عبد الناصر عليه اللعنة..جينا بعد كده مع الشيخ انور السادات الي كان رئيس مسلم لدولة مسلمة، وخرج الاخوان من السجون وعمل المادة التانية من الدستور بتاعه وادي الجماعات التكفيرية والمتشددين كارت بلانش يعيثوا في البلد فساداً من شرقها لغربها ومن شمالها لجنوبها ولما شوكتهم قويت راحوا غربلوه وعملوه مصفاه من كتر الرصاص الي دخل جسمه، يعني طباخ السم داقه.. ولسه مصر بتاعني من اثار سياسات المتغربل ده مع الجماعات دي لحد انهاردة، يعني هو غار في داهية بس بلانا من بعده ومش عارفين هنخلص امتي من الي عمله ده عليه اللعائن...ومن بعد منهم جيه الاستاذ حسني مبارك والي كان راجل بركه لا بيهش ولا بينش وحتي الي خلصوا علي السادات معدمهمش، والي خلصوا علي قسم شرطة كامل في اسيوط معدمهمش، والي خلصوا علي سياح الاقصر معدمهمش،وغيرهم وغيرهم كتير، حتي الاخوان في عهده سيطروا علي كل حاجه في الدولة من النقابات للوزارات وحوالي تلت أعضاء مجلس الشعب وكان ماشي بمبدأ خليهم يتسلوا لحد ما طبلت علي دماغه وعلي دماغ البلد كلها..ومش هلعنه لأني رغم كل حاجه متعلق بيه عاطفياً بسبب ذكريات نشأتي وهو في الحكم..ومن بعد منه الأخوان سيطروا علي كل حاجه في الدولة من اول الرئاسة مرورا بمجلس الشعب والشوري مرورا بأنهم دخلوا اولادهم الجيش مرورا بالضباط الملتحين الي ظهروا في الشرطة، مرورا بالسلفيين والدواعش الي بقي عندهم احزاب دينية رسمية، مروراً انه اصبح عندهم ناس جوه اجهزة حساسة زي امن الدولة والمخابرات والمخابرات الحربية والي عن طريقهم تم اغتيال ضابط امن دولة المقدم محمد مبروك قدام بيته ومحمد مبروك ده كان مسؤول عن ملف الإخوان في الجهاز، بخلاف انضمام عدد من الضباط منهم العشماوي لصفوف الإرهابيين في سينا...لحد كا جيه السيسي وابتدا ينضف كل القرف ده وهو مجهود يشكر عليه ولكن مش كفاية خالص، لأنه السيسي اهتم اكتر باليرفع السلاح اوي الي خرج في مظاهرات، بس ساب الأساس زي ماهو ساب المنبع ومش بس كده لأ ده بيموله بالمليارات سنويا، البلاعة الي بتخرج كل دول زي الأزهر والأوقاف والشيوخ بتوعهم والكتب الي خرجتلنا الناس الي بتحاربنا دي بتدرس لحد اليوم ولو حد فكر يهاجم الكتب دي او الي كتبهم بيتحبسوا بالقانون المصري المعيب الي اسمه ازدراء الأديان، زي ما حصل مع اسلام بحيري ومحمد عبد الله نصر، وغيرهم...يعني الدولة عاملة جحر تعابين بتربيهم وتأكلهم وتصرف عليهم ولما تعبان يخرج ويلوشها من ط*** تقولك اي اي اي وتوجه سهامها كلها علي التعبان ده لحد ما تخلص عليه اما الجحر فعماله التعابين الي فيه تكتر كل يوم وكل يم هيطلع تعبان يلوش البلد ونصرف عليه مليارات عشان نكبره ونعلمه ومليارات عشان نخلص عليه..!!!طيب ايه رأيكم نرجع للعصر قبل مجئ جمال عبد الناصر، ونطلق الحريات الشخصية، ونغير القوانين بتاعة الرقابة، ونلغي قوانين الازدراء، وبدل ما بنوجه تركيزنا علي مراقبة الأعمال الفنية او منعها عشان في فخد او صدر ظهر نوجه تركيزنا علي علي كتب الأزهر ونمنعها ونوجه تركيزنا علي مايقال في العلن والميكروفونات في الجوامع ونحبس الشيوخ المحرضين علي العنف ودوا موجودين في اغلب جوامع مصر وبنصرف عليهم مليارات، ونرجع نرخص الكازينوهات والبارات والكابريهات من غير ......
#تعالج
#الأرهاب
#وتكسب
#فلوس
#كتير

لقراءة المزيد من الموضوع انقر على الرابط ادناه:
http://ahewar.org/debat/show.art.asp?aid=677635

ادم عيد : رب فيلم يغني عن الف كتاب
#الحوار_المتمدن
#ادم_عيد "أنا طول عمرى بدور على الحق إنى أتكلم مش على ضرورة إنى أتصدق" اقتباس عن الفيلمفيلم الضيف فيلم جرئ وجميل للكاتب الكبير ابراهيم عيسى الفيلم بيعرض سيكولوجية الارهابي اللي مش لازم خالص يبقى فقير او جاهل ولكنه شخص طبيعي جدا من عائلة طبيعية جدا مؤمن ايمانه تحول الى تزمت وعنف يتقدم لفتاة والدها مفكر وضد الإسلامويين، وتدور بينهم حوارات عديدة عن الخلافة والحجاب وغيرها من أمور في ليلة طويلة،حتى رجال الشرطة في الفيلم اللى المفروض انهم بيحاربوا الارهاب فيه بعضهم هم بينفذوا اوامر فقط لكن لافاهمين ولا مقتنعين بالفكره وافكارهم ماتختلفش عن افكار الي بيحاربوهم في شئ..!الفيلم كان نفسي تكون مدتة 10 ساعات من كتر عظمة وعمق حواراته مش بس ساعة ونص لو قولت مهما اقول علي مدي مدي انبهاري بأداء خالد الصاوي مش هوفيه حقه اخراج هادي الباجوري رائع، وأحمد مالك عامل دور الإسلامجي البضان السمج اللي بيمتلك نصف سخافة ورزالة الكون بشكل perfect.تقييمي ليه 9/10 مع انه الفيلم كان عظيم جداً ويستاهل 10/10 لحد اخر خمس دقايق منه، ولكن قفلته معجبتنيش خالص، وكمان كنت عايز الفيلم يطول شويتين تلاتة اربعة يعني..الغريب انه الدولة المحترمة رفضت نزولة السينمات ونزل علي نت فليكس بس!بالمناسبة اصحابي الخليجيين واخص بالذكر السعوديين حابيين الفيلم جداً، اما المصريين فكمية نقد وشتايم تعرضلها الفيلم وتحديداً ابراهيم عيسي ملهاش اول من أخر، عشان نعرف لأي مدي وصلوله المصريين من الدعشنه بسبب انه الدول سايبه الحبل علي الغارب للازهر والسلفيين في المجتمع، ولأي مدي وصلوله الخليجيين من تقبل الرأي الأخر والانفتاح والحرية والرقي العقلي!!الفيلم انا قررت اديله اوسكار جدعنه من عنديوكمان حاجه اخيرة حاسس انه الفيلم بيتكلم عن تجربة شخصية اما شهيد الكلمة د. فرج فوده للتشابهة الشكلي مابين بطل الفيلم ودكتور فرج ونهاية الاتنين واما تجربة حياتية للكاتب ابراهيم عيسي لانه بطل الفيلم علي اسم ابن ابراهيم عيسي يحي.في النهاية نصيحتي ليكم اتفرجوا علي الفيلم وخلوا اولادكم يتفرجوا عليه معاكم..فرب فيلم يغني عن الف كتاب. ......
#فيلم
#يغني
#كتاب

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=709670

ادم عيد : الحجاب والإخوان المسلمين وحكم مصر
#الحوار_المتمدن
#ادم_عيد ممكن تعتبروا العنوان غريب شوية او تفتكروا اني اكيد هبالغ في الكلام بسبب موقفي من جماعة الإخوان فممكن اكون بتبلي عليهم، ولكن كملوا للأخر ومتأكد انكم هتفهموا وهتتفاجئوا وهسيبلكم الحكم في الأخر..الطرحة فكرة اخوانية سعوا لنشرها من بدايتهم هو ده حصان طروادة وراس الحربة في مشروعهم والفرخة الي باضتلهم دهب في مصر..لو تفتكروا الحديث الشهير بتاع الرئيس جمال عبد الناصرلما قعد مع مرشد الإخوان سنة 1953 أثناء المفاوضات مع الضباط الأحرار على كعكة السلطةاول طلب طلبة منه المرشد كان: عايزك تلبس نساء مصر طرح!(فالشعب الي قدام ناصر كام واحد منهم قالوا بصوت عالي "خليه هو يلبسهاااااا" الناس ضحكت وعبد الناصر ضحك)بعدها كمل وقاله بنتك الي بتدرس في كلية التربية مش لابسة طرحة وعايزني البس 20 مليون مصرية طرح!؟ مش عارف تتحكم في بيتك وجاي عايزني اتحكم في شعب كامل!؟بعدها الأخوان لقوا انه مفيش سلطة هتوافقلهم عالطلب ده فابتداو يشتغلوا ويكونوا مجموعات من الشباب اسرة نور الحق في كل جامعة مهمتها الأساسية تحجيب الفتياتوكل فتاة تلبسها طرحة ليك مبلغ كذا طلع من تحت عبايتهم عمرو خالد ومصطفى حسني وغيرهم فبقي عندنا الشيوخ التقليديين ليهم جمهورهم من ناحيةوعندنا الشيوخ المودرن الكول حليقي الدقون من ناحية أخرى لفئة الشباب ولفئات غنية في المجتمع كل دول هدفهم الرئيسي تلبيس الستات الطرح!عارف بيدور في دماغكم سؤال هو ايه هدف او غاية الأخوان من نشر ثقافة الطرحة في المجتمع!؟هقولك انها جزء اساسي من خطتهم "لأىىىلمة المجتمع" حسب تعبيراتهم الموجودة في كتبهم، والتحولات الاجتماعية الي بيسعولها وعلي راسها الحجاب هي تمهيد للتمكين السياسي لجماعة الإخوان هو تمهيد لحكمهم الي كانوا بيسعوا انه يستمر للأبد في ارض مصر لما تأتي ساعته..تقولولي هات دليل علي كلامك هقولك هتلاقي اكلام ده بالملي موجود في كتاب اسمه هل نحن مىىىلمون كاتبه محمد قطباخو سيد قطب الصغير..هدفهم التمكن من الشارع ومظهر الشارع وثقافة الشارعبهدف الوصول للحكم و السيطرة على عقول ومشاعر الشعب..عصام العريان ليه حديث شهير بيقول فيه انه لما دخل كلية الطب سنة 1970 مكنش فيه غير طالبة واحده لابسة طرحة في الدفعة، بيقول ابتدأو يوزع كتب وكتيبات وفي خلال 5 سنين فقط كان نص الدفعة اتحجب، مش بس كده ده عملوا مصانع تبيع الطرح بسعر التكلفة، وعملوا مصانع هدوم تليق بالطرحة وابتدوا يبيعوها بسعر التكلفة برضو، ومن هنا ابتدت مسيرة الجماعة في التجهيز للحكم او للتمكين حسب مابيحبوا يوصفوها..وعشان كده بتعتبر جماعة الإخوان ظاهرة خلع الطرحة في بعض الطبقات الاجتماعية بمثابة الحرب الضروس ضد ما تم إنجازه في عقود..وهسيبكم مع اخر حاجه تأكيداً للكلام تقدروا تقرأو كتاب لزينب الغزالي احد اهم رموز جماعة الإخوان اسمه ايام من حياتي هتلاقوا خطة الاخوان في السيطرة علي الحكم من خلال نشر مظاهر تدين معينه واضحة وصريحة وبدون مواربة..وده تأكيداً لفكرة انه الجماعة بتسعي لفرض الأمور دي باللعب علي المشاعر من اجل التمكين الاجتماعي الي هيوصلهم لحكم سياسي الشعب كله ينتخبهم، محدش يقدر يعارضهم لأنه الي هيعارضهم هيكون معارض للدين ولما انزل الله. ......
#الحجاب
#والإخوان
#المسلمين
#وحكم

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=716379

ادم عيد : مصر - الصين وتهديد البشرية
#الحوار_المتمدن
#ادم_عيد الصين صنعت فيروس الكورونا في معمل ووهان وحالياً هو اكبر تهديد بيواجه البشريةمصر صنعت جماعة الإخوان المسلمين وحالياً دي بتشكل تهديد وجودي علي اكتر من خمسين دولة في العالمفيروس كورونا مرض بيصيب الجهاز التنفسي ممكن يطلعله &#1700-;-اكسين ممكن علاج ممكن اي حاجه وفي خلال سنوات قليلة ممكن القضاء عليهالفكر الأخواني مرض عقلي بيصيب الشخص ومش بيسيبه ابدا، ومالهوش علاج غير بطريقتين احدهم السجنفيروس كورونا دائم التحور عشان يخدع الجهاز المناعي للجسم ويقدر يخترقه ودايما هتسمع عن متحوىات جديدة زي دلتا وكاليفورنيا وبريطانيا وجنوب أفريقيا وغيرهمفيروس الأخوان دائم التحور أيضاً فأحيانا يظهر في مظهر العلماني كما حدث في تركيا او تونس وغيرهم عشان ياخد اصوات العلمانيين والليبراليين لحد ما يتمكن وأحياناً بيظهر بوجهة الحقيقي زي ما بيحصل في سينا وليبيا والسودان وسوريا والعراق واليمن والصومال وافغانستان وغيرهم واحيانا نص نص زي الكويت والأردنأخيراً وليس اخرا اول بلد قدرت تتحكم في وباء الكورونا وتنهية علي اراضيها كانت الصين لأنهم حضروا العفريت وقدروا يصرفوه بسهولة وبأقل الخسائر مقارنة بغيرهم.ونفس الشي مصر هي اول دولة في العالم قدرت تتحكم في وباء الأخوان وتنهيه بحكم القانون وبالقبضة الأمنية الشديدة وتعتبر اقل البلدان خسائر مقارنة بخسائر ليبيا وتونس والسودان واليمن وسوريا والعراق.وفي الحالتين مفيش دولة من المتضررين تقدر تطالب مصر والصين بتعويضات عن الخسائر الي اتعرضولها لأنه الحاجات دي غير قابلة للأثبات رغم انها واضحة وضوح الشمس. ......
#الصين
#وتهديد
#البشرية

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=725030