أمان صقر : الدولار
#الحوار_المتمدن
#أمان_صقر أمان صقر إدخلى يابنتى جوّهوسّعِى إنتى وهوّهدا الغريب داخل بقوة والدولار هوه الفتوّةالتراب اللى انتى بيه تتكحّلىسيبى فيه رُفات جدودك وارحلىحتبعيه بكام دولار..؟ .. لا تسألىوالغلابة لا حول ليهم ولّا قوةالدولار يا بنتى عينه ع الثمارع الكنوز ف الأرض .. وف بطن البحارع العقول المُنجزة ..وحتى الصغارعينه ع اللولى حتى فى جوف المحاروالخواجة اللى انتى مبهورة بدولارهوالدولار اللى انتى مغشوشة ف خَضَارهأوّل الرِسْمال ما ياخد فيه مدارهمش قرارك راح يكون .. حيكون قرارهالدولار ده نابه أزرق يِعْلا هوّه ..جنيهنا يغرق بقوته .. يقدر يفرّقبين أبويا .. وبين صغاره الدولار له فكرُه برضهييجى يوم .. ولابد فارْضهيومها مين .. يقدر يعارضه ..؟!وفاس أبويا ..مش ف أرضه ؟،،،،،،،،، من قصاصات أمان صقر ......
#الدولار

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=755401

أمان صقر : من قصاصات أمان صقر اسكندرية .. البحر دا ..مش ملك حد
#الحوار_المتمدن
#أمان_صقر البحر دا مش ملك حد .. البحر دا .. ملكي أناأنا الصبية المرمرية.. أم الضفاير طايرة بيّةأنا البنية أم الشهامة والمجدعة والمفهوميةعايقة ورايقة ..حلوة واسمي اسكندريةوبحري الابيض.. نسمة العصر الطريةساعات أغيب .. أيام ف حُضنهأو اخاف أقرّب .. بالسنةأيام شطوطه تِغوَى عمري وايام بيسقيني .. الضنـــــــــاوبموجة بيزوّد أنيني .. وبصخرة بيخربش جبينيلكنه يرجع ويداويني .. بموجة صافية لينةمرّات يحسسني انه هادر .. علي رَمْلتى والشط قادروساعات عيونه .. حنينة هوه اللي فهمني الغرامهوه اللي علمني الغنابردانه وف عز الدفاعمرى ما أبطّل دندنةهو اللي حسسني ..إن ناسي دولكنزي أناهوه اللي عرفني كيف أميز..بين المعاني والبُناوف كل حالة من حالاته أنا ..غاوياه أناهو اللي فطّم قلب بيرم علي حلمه بـ بُكراياأيوه .. وليّنْ قلب سيد .. علمه يغني .. غناياوكيف وازاي يبقي الغنا .. يتصنّف كما مرايةحاطّة عينها ع اللي فات.. و ع الخطوة اللي جايةوإن البشر ثروتي .. وكل اللي قدامي ووراياهو دا بَحْري الجميل .. الابيض وانا بنته الشقية .. اسكندريةوانتوا لسه .. بتسألوا أيوه .. لسه بتسألواليه .. وليه .. أنا باعشقه..؟! ......
#قصاصات
#أمان
# اسكندرية
#البحر
#..مش

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=755784

أمان صقر : وباحلم أبقي عصفورة
#الحوار_المتمدن
#أمان_صقر وبحلم أبقي عصفورةوباحلم .. من وانا صِغيرة ( *)صبية ند يّة .. بضفيرةإني.. صبحت عصفورةخيال جنيّة .. مسحورة ما ليش غير اتحكي .. سيرةفي قصة.. حب مبدورةعلي الخلان .. وع الجيرةدفا وبرواز .. علي الصورةيزين حيطة.. ف بيوتهم حنين أيام .. ما نسيتهموإيد بالحب .. ضمتهمفارس بحصان .. فى حواديتهمأضم .. ف قصة.. "أعزاءهم"وأحكى .. ليالي أشواقهمولو غربة .. تفرّقهمأعيد من تاني .. لمّتهموأتسحّب كده .. بشويش شعاع قادر .. يعدي .. يعيشفي شباك للمحبة .. بشيش نغم مألوف .. في غنوتهم وأتمني .. ما بين الأحبابوأفتح بالهوى .. أبواب واداوى جرح .. ناس أصحابوأبقي في صمتهم .. صوتهموأكون الضيّ .. فى عيونهمأمان م الخوف.. يطمنهمحنان ساقي جناينهموتكعيبة .. لعنبتهمنسيم يسكن.. ستايرهمسواقي .. في غيطان .. خيرهمياخدني الشوق .. أروح أزورهميفوتني العمر .. ولا افوتهملكل صبي .. وبنوتة .. أسيب من قلبي.. فتفوتةنهاية لأحلي .. حدوتةغرام طارح في عتبتهم.،،،،،،،،،(*)تُنطق كلمة ( صغيرة ) بكسر الصاد والغين . ......
#وباحلم
#أبقي
#عصفورة

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=756251

أمان صقر : إلي شهداء محرقة قصر ثقافة بني سويف 5 سبتمبر 2005
#الحوار_المتمدن
#أمان_صقر من قصاصات أمان صقرإلي شهداء محرقة قصر ثقافة بني سويف ( 5 سبتمبر 2005 ) ( 1)ومرّ عام حابدأ سلام .. وأقول كلام وافضل أقول كلامي ليكوا يقصَر يطولْبرضه كلام .. باهت ومرّقالوا مر عام .. آى .. والله مرّلو حتي عدى ميت ألف شهرالجرح ينزف .. لو حتي .. دهروانتوا الليلادي .. يا ورود بلادي حتقولوا شعر ..؟!مسرح ..موسيقي .. ما تزعلوشىبرضه في حلقي .. علقم ومرغنايا يوصل .. غناكو مر..؟!وشِعري برضه أصعب .. وأمرّوبسمتي .. شفايفها .. حنضلومهجتي في أساها .. تفضلوسنيني ف الأحزان تسرسب وايامي .. منّي تنزل .. تكرّنهر الدموع .. سيف ع الضلوعلا روالي عطشي .. ولا هدّي سرّولسه جواب .. محمد مخيمر ( 2)لا بل ريقي .. ولا طفّي جمرواصلني منه .. سطرين لكنه محروق كإنه .. بشر يئنواودموع تفردمّع ْ يا عيد ..قطر الصعيد في ذاكرتنا .. قصة جريحةلو يوم حتخمدفي الروح نيرانها .. دايما تقيدولما ناجي .. إبني .. " ح ياجي " (3)ح اشيل شعاع القمر في كميواحوش شموس الصباح في إيديمكن أجبّل ولا أبحّر (4)ح افوت عليكم أحْدِى وأسحِّر( 5)وحتي لو .. مش راح يعودأنا عمري ..ما ح اقطعها عادةوعن حناني أقدر أحيدوأجيلكوا تاني .. مسحراتي عاشق الصعيدمسحراتي .. قايم صلاتي خاتم آياتي .. فْ مصحف شريفعشقي ف آهاتي .. واهب حياتيلفجر آتي .. يااولاد سويفشموخ نخيلك.. دوا لعليلك .. طول عمري أجيلك .. ولا اكونش ضيفباحس أني.. قاعد ف بيتي .. وكمان مكاني واحس حضنك .. حِصْني وحُصانيولإنى مغرم ..فارس متيم مفتون جرابه .. ما فيهش سيفلكنه مليان.. مَغْني وحكاوىشاعر وراوى .. والعشق كيف.ولإني حالم ..علْمْ ومعالمفنان ف مسرح .. وفيلسوفما تعيش يا قلبي .. من غير خيال وعيون وسيعة من غير كسوفومع طبلتي .. ورقة وقلموحنان وطيبة.. ملو الكفوفقلت السنة دى.. عربون ودادىآجي ف معادي ..بمحبة أزوركوأصُرّ ( 6) فرحة .. ف مَلَسْ وطرحةوروحي سارحة .. علي ضي نوركأخبط .. علي دي.. وعلي دي أناديقومي الساعة دى.. أوان سحوركجبتيني بدرى ..ف شعبان .. وصدرىمقبوض ولاادرى ..ما يكون مصيرك..؟..........راحوا الأحبة .. وانتوا الأحبة .. يا ارواح مسافرةدي الروح معافرة.. يا نار يا كافرةليه ما بقيتي برد وسلامعلي أهل بيتىطول عمري بابني لجل السلام لكن النهاردة .. لا له طعم زادي ولا نوم حنام.،،،،،،،،،،،،1-- كتبت قبيل الذكرى الأولي للمحرقة.. وألقيت في 5 سبتمبر 2006 بقصر التذوق بالإسكندرية.2 حياجي - باللهجة الصعيدي تعنى سيأتي 3- شاعر سكندري كتب ( رسالة من الجحيم ) عن قطار الصعيد ، وناجي هو بطل قصته . 4-أجبل ، وأبحر بكسر الباء ، والحاء ، تعني أتوجه للوجه القبلي ، والبحري باللهجة الصعيدية.5- أحدى عبارة صعيدية ، تعني أبدأ .. وأقود القافلة ، وأسحر .. تعني أوقظ الناس في المساء.6- ( أصر ) تعني اعمل صرّة من القماش ، ( مَلَس ) تعني رداء أسود أشبه بالملاية الشعبية. ( طرح ......
#شهداء
#محرقة
#ثقافة
#سويف
#سبتمبر

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=756578

أمان صقر : باحب الناس- ديسمبر 2000
#الحوار_المتمدن
#أمان_صقر من قصاصات أمان صقر - باحب الناس .. ولو قاسيين // ولو راحو في يوم ناسيينوادوّرر عني.. ف عيونهم // وباهوى أضمهم بالعين،،،،،،وادوب ف حنان تفاصيلهم // وقُربي تملّي .. يوصلهمورغم البعد.. أواصلهم // ولو كانوا بيّا .. مش داريينوأغوَى .. زحمة الشارع // ويبهجني لُقا الرصفانوضمتها لأقدامهم وأقدامنا // وخطاوينا عليها زمان،،،،،،وروحي تروح .. ورا بُنيّة // شاغلها جدع فارع راكن قلبه .. ف ضل فانوس// ومستني الهوى يطاوعوناشر ضيّه.. ع الحارة// وهيّ عيونها .. محتارةتخبّي الشوق ورا ستارة // ليكشفها عزول وجيران،،،،،،باحب الناس ولو قاسيين // واموت في الضحكة لو حرّةواحب حياتي .. لو مُرّة // واشجع .. صاحب العِبرةوأقدّر.. مُبدع الفكرة // تمد ف عمره وف بكره وتفضل ثروة (1) .. للجايين .،،،،،،،،،،،،،،،، 1- في النص الأصلي وضعت الكاتبة عبارة ( قبلة ) بكسر القاف بجانب ( ثروة ) .. وهو ما يعني امكانية استخدام إحداهما مكان الأخري . ......
#باحب
#الناس-
#ديسمبر
#2000

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=756847

أمان صقر : المسحراتي- 2
#الحوار_المتمدن
#أمان_صقر ن قصاصات أمان صقر – ما كنت حْداكي عامنوّلحاجيب القصة م الأوليا قاهرتي .. أنا جايلكقسيتي .. ولا حنّيتيفي نني العين أنا شايلكومهما بعدتي انا طايلكبزهوة عمري .. حنيتيكفوفك .. والعيون بيتيدانا سنيني.. حكاوى ضافرها بإيدي فى جدايلك (*)ومكتوبلي كدا .. أحايلكقبِلْتي ولا صدّيتي .. أنا جايلكعاتبتي أو ما ردّيتي لتاني مرة حاوصلك وشوق ع البعد ..واصلكمأذّيني .. اللي حاصلكسلامتك م الألم .. والبينـــــــــــــــــسلامتك م السلف والدينومن ظلم الولاد الشينومن جهل الغجر والضيمراح اتطهّر .. وأتوضّي وأدعيلك وف أول خلوة راح أصلي في صحن السيدة نفيسة ومش حاخجل وأدعيلك حتي ف كنيسة يعيدلك ربنا .. بصيرتك .. ومنزلتكينور ليكي قناديلكومنها ح عدّى .. ع الحنفيسنين واخدِك أنا ف كنفيوشايل همك الكافي .. علي اكتافيمع المحاسيب ..مع المجاذيب .. أنا حافيوزى ما داب .. زمان قلبي ..أخاف يدوّبوا القدمين .. ولو دابوحاطير واحط في الحلمية ..وابو الريشوما تلومينيش .. دانا الدرويشحا لفّ وراكي من عطفة.. إلي عطفةوبين اللفة.. واللفة .. أخاف علي عقلي م الهفّةوخايف يا ام قلب ضنينتردى في الهوى بابك .. وتنوي البيندا قلبي ع المدي.. ف طوعكوفات عمرى .. ما رديت له ف ليلة بيبانبيبانه اللي كانت مفتوحة .. تمللي منها للشارعوحلمي فيكي يا صبية .. جدع فارعشايل عودُه .. وجنبه جيتاربيتبتل ف محرابك.. حياته وقِبلته .. بابكحكاياته شموع .. تضْوِى ف حواريكي مفندق كل شبابيكه.. وشبابيكي عشان الاحباب.. وفي الحسينية بيعدّىلباب الشعرية .. باب النصر .. مرجوشي أخدنا معاد مع أحبّة .. ولا جوشييا عينى.. عن عيني .. لدمعتي حوشىوحوشي ليها .. كام ضحكةو.. وارْبي للحنان .. سكةفي ميت عقبة ..والسكاكيني والدقي والجمالية .. يا جميلةحا اشيلك والله ف رموشيوأخليكي ..في لحظة صفا ترِقّىولما أجيلك .. أتدندشبلاسة ..وانفش كده .. ريشيبين الرفاعي .. والسلطان حسنكانت لنا قعده ..في حضرة حبيببقالي .. زمان ما شفتوشىنسيم م الجنة يوصلّك.. يرد الروحوتبدأ رحلة الأحلام .. ويحلوّ الكلام .. والبوحأما الغورية .. فدول أهلي حبيبتي والله تستاهليمناديلي وخلاخيلي .. وتوب قصب بلون نيليوطرحتين من المخمل .. ح أقدمهم يا غالية ف طلعة المحمل يا خان الخل .. يا خليلي حاسب شوية .. نزّلني وهدّي ليواصُرّ الفرحة .. لـ أحبابك في منديليوفي الفيشاوى ريّحْنا .. في ركن بعيد دا مطرحناوخدنا شاينا والشيشة.. وبصّينا فْ ريحنا .. و لقيناتاريخنا .. قاعد بطربوشهبنكهة عمرنا يحكّي .. نجيب محفوظ وحرافيشه وطول رمضان يسحّرنا .. يفكّرنا بفؤاد حداد ودراويشهووحوي صغار بفوانيسنا .. في حارة سد ونّسْناوعبْ قدوس.. معاه يئسنا.. ناخد عادة(1)ــــــــــــــــــــــقوام سكّتنا .. بياميشهورغم همومنا .. وسأمْنا .. يجينا العيد سوا ......
#المسحراتي-

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=757201

أمان صقر : بيتنا القديم .. من قصاصات .. أمان صقر
#الحوار_المتمدن
#أمان_صقر بيتنا القديمفي بيتنا القديمبرغم برودة الأحزان.. لمس قلبي دفا الجدرانبأنفاس الأحبة زمان وانا في غفلة من أمري ..ظبطت قلبي متلبس بعشق كبير لبيتنا .. سطوحه .. وبلاط عششه.. وللجدرانومش حتصدّقوا لو قلت : وانا باتحسس الشبابيك.. بِكْيتْ إيديا بشوق وأنا باحضن تفاصيلهاواعد بلاطه ف ممراتهوأدوّر علي أمى.. ومَسْكِتها لفرد حماميلقّط حبة من إيدها .. فيسعدهاوندهتها علي قلبي : فينيك يا أمان..؟!وما لقيتشي غير الذكرى .. بتتحرك كما الإنسانوبتكلبش علي قلبي.. وبتْجرّي دموع عينيوفرن عتيق برودته بتحكي ... عن سنيييييين دافيةوضحكة شمسنا الغافية.. وسهر الليلوبيتنا كان كتير الابواب:كتير وقفوا عليه أحبابدا باب مفتوح وفيه ضلةودي إيد تقدم الأحلام .. وفا الأيام مع القُلّة لكل غريب .. قريب.. عطشان وباب خلفه براح غلة وباب فاتح علي الشمس اللي نورها ما غابوبلكونة وحيطان زرقةسنين لمّتنا .. وحمتنا من الفُرقةوشبابيكه بحور رقّةوشمس تزوّغ .. وتتسرسبما بين شيشه اللي خشبة قديملكن ناعم .. وعضمه متينحنان الماضي .. صوت أبويايدفّي القلب.. والأطراففي أيام اللي كنت باخافإذا ما الدنيا .. بتمطّروضحكة أمي إللي دابت في خطاويناوبيها كبرنا وقدرناوعمري وهو لسه بيحبي ويسطّر.. فِرِح بكرة .. بحب الدنيا .. ولا عمره .. عرف يكرهولما ضيف ييجي يزورنا يشعر بالدفا ف دارناحاجات ساكنة ضمايرناوشمس أمومة بتجينا يوماتي تطوف علي جبينا ......
#بيتنا
#القديم
#قصاصات
#أمان

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=757638

أمان صقر : دقة حبيبتي
#الحوار_المتمدن
#أمان_صقر من قصاصات .. أمان صقر،،،،،،،،،دقت حبيبتي ع البيباندقة .. نسيتها من زمانهزت فؤادي .. اللي دبل قبل الأوانمين بس مين .. دا اللي فاكرنادا كان زمان ..دقت حبيبتي دقتينقلت : النغم دا جي منين ..؟ونفضت أحزان السنين وداريت .. علي قلبي الحزينيمكن صحيح .. آن الأوانيمكن يطيب .. جرحي اللي كانيمكن دا حُكم .. يمكن أدانيمكن كمان .. وإيه كمان معقول حبيبتي.. تهد سور ..الغربة .. وتعدي البحور..؟ولّا رسولها .. قمر جسوريخلي بير العتمة نوريبقي اللى غايب جه يزورناممكن حنانه .. يبات ف دارنا ..؟والفرْحْ يتعلم سَهَرناوالغنوة تصحي للأدانإهدى يا قلبي.. قوم .. وبطّل أسئلةمش حتخسر إلا حيرتك..إفتح .. وحِل المسألةفتحْت قلبي .. والبيبان فاجئتنى بسمة .. تفيض حنانولمسة دافية بإيد حبيبتي ع الحيطان ......
#حبيبتي

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=757933

أمان صقر : وقابلتها ..
#الحوار_المتمدن
#أمان_صقر 3- من قصاصات .. أمان صقرالبنت دي ما حْلمْتش إني أشدّهاولّا في يوم ..يكون لي رُكْن ف قلبهازي الفراشة بألف لون.. قمر حنونزى الغصون خضرا .. وعالية بطبعهافيها من دنيا البناتألف وردة ف خدّهاوما شفتهاش.. شايلة الهمومأو ساندة بإيدها .. خدّها تستني فارس معاه حصانجي .. يطلب ودّهاهي اللي راحت للنجوم.. من غير ما تعرف ردّها هي اللي صاحبت .. إلشموس .. وراجعة سعيدة بصهْدهاماشية علي وش البحورورا كل موجة تعدهافاردة الدراعات للحياةعايشاها طولها وعرضهامريم جديدة بتناجيناصاينة شرفها وإبنهاهي اللي بتعيد الحكاية .. والقصة تخلص عندهاوإيه بقي ..؟!عصفورة عاشقة الزقزقةوالشقشقةحابّة الحياة ومحنْدقةخدّينْها ( صَدَفة .. ولؤلؤة )ضفايرها ..علي طول المدى عصفورة عاشقة الزقزقةوالشقشقةبتقوللي أدوّر ع الصدي .. متشوقة و لقيتني .. محتاج اللقا أيوه اللقا.. والملتقي. ......
#وقابلتها

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=758864

أمان صقر : المسحراتي 3
#الحوار_المتمدن
#أمان_صقر من قصاصات أمان صقرمن تاني جيت لك.. يا قاهرةمن مدة فاتت.. بايتة فى جيبي التذكرةقاطعها عودة ..عربون مودةعمري اللي جي .. وعمري اللى عدّىما يكفونيش .. في حبك انتى يا سكرةوجنب منها ..جايب كمان المبخرةحارقيكي من عين الحسودومن الصهاينة .. اليهود.. أو غير يهودومن ضلال العم سام.. ومن ضلامعشمُه في يوم يغتال ضياكيعلي جثته .. يحاول يعودمن كدب ساكن جنب قلبكعينه من زهرة حبايبكفرصته زمن الركودمن ديب برارى ..لابِدْ لحُسْنكمن زمان برّه الحدودوحتي من جوه الحدودحارقيكي م الشوف الضنينومن سكاتك .. كتمةْ أهاتكفى لحظة أنينومن الدجل .. والشعوذةوحَنيْ الجبينمن كسرة القلب.. العفيفيكي الضمير لا يختفيف عنيكي نور .. لا ينطفيحارقيكي منى ومن زماننعجز أنا وانتى .. فيه نغنيحارقيكي تاني .. و حارقيكي تانيدانا عمري فيكي.. مشوار أغاني وقلبي ف ربوعك .. شبّ .. وحباوابني الصغير.. أصبح صبينفسي ف هواكي .. ألقاه نبيجسور.. ينادي بدعوتكيلضم سنينه .. هوه .. وبنينهحبات عقيق ..في سبحتك يبدأ مع عيونك حياة.. غنا وصلاةوبعودة يمحي .. شقْوِتكيظبط جيتاره .. وينجليويغني لليل الطويل .. لما ينجليوأنا العليل المبتلي.. عاشق ودرويش حضرتكوبعد مارقيكي يا حلوة .. وتنطفي نار رَقْوِتكأصلّي الضهر ف عنيكي واغسل فؤادى بضحكتكوابدأ أنا طقوس الزيارةلأحبتي .. وأحبتكإللي ف هواكي .. عايشين حيارىمتبعترين في سكتك. ......
#المسحراتي

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=759145

أمان صقر : الكلام
#الحوار_المتمدن
#أمان_صقر 2- من قصاصات .. أمان صقرالكلام ..،،،،،،،،الكلام .. ممكن يقرّب .. إللي سنينك تبعدهواللغة .. ممكن تحدد .. شئ تعبنا نحددهمش مهم .. مين ح يبدأ.. المهم .. الإبتدادا الحروف.. تقدر تخلّي الجنة منا قريبةكلمة واحدة .. يتفتح بعديها بحر من العتابإللي سافر ، واللي حاضر واللي جي واللي غابإبتديها.. انت أقدر.. بدد الصمت..اللي شابكلمة واحدة و تتفتح .. كل أبواب السماحكلمة تقفل ..أيوه تنهي.. القطيعة والجراحكلمة واحدة يا عزيزي .. قوم وجربلو عرفناها زمان .... مستحيل الود يهربلكن انت بخلت بيها .. واحتملت كتير عذابإبدأ انت .. مش راح أزعل .. أو أملّ من العتابدا التصافي والتشافي والوئام .. مستحيل من غير عتاب. ......
#الكلام

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=759449

أمان صقر : فؤاد حداد .. من تاني
#الحوار_المتمدن
#أمان_صقر من قصاصات أمان صقرفؤاد حداد .. من تانييغني القؤاد .. لفؤاد حداد من تانيويهدى الفؤاد .. لفؤاد الشعر ف أغانيوالليلة أنا جاية .. ومالي العشق وجدانيأصله الليلا دى.. في المنام .. جاني يا بنت يا قناوية .. يا واعرة .. عاجبانيطبطب علي روحي .. بمحبة ناداني كلامك جه لمس قلبي .. ورجعني أعيش تاني وانتي الجميلة النبيلة .. الطاهرة زيي آنيحتصدّقي .. ؟ لما ندَه .. صوتكما لقتش قضباني.. ولا وجه سجانيخدتي .. بتار صحاب .. اتقهروا .. ف أكفانيوسقيتي بالرفض النبيل .. عشبي وبستانيوبرغم فرق السنين ..عارفك .. وعارفانيأغانيكي شاجياني .. وغاسلة أحزانيومرجعاني .. فارس من جديد .. تاني وجوه الحلم واخداني .. لعالم بكر إنسانيمريضة ليه بحب الوطن ... وعشانه بتعانيحبسوكي كام مرة.. وكام ربيع عدّى..؟فيكى الشموس ساكنة .... وبرضه بردانةوهبتي للشقا عمرك .. عشق البشر غيةوسبتي أحلام الصبا .. ودفا الملاغيةوكبرتي ويّا الغنا .. وبرغم طول الضنا .. المهجة برديةوَشمْتي إسمي عليها.. وأسامي قبلي .. وأسامي بعديّةووصلتِني بالوطن .. والنكهة مصريةوآمنْتي زيىّ أنا .. بالناس سواسيّةوعطشتي زيى .. أنا ما عطشت حريةوبدال حنان البشر .. نصبوا لك الخيّةوبدال بحور العسل .. بتغوصى جوه السروبدال قناني الغزل .. كحلك ترابها .. تبروحاوطتى غيطك بروحك .. من غراب الشرعاشقة السما .. ليه كده.. هوه انتى ح تطيري..؟بتحومي جوه الخطر..محروسة بضميرى..!لو صوتك إنتي اتحبس.. يبقي اتأسر طيرييا مسددة ديوني .. وقاضية مشاويرى ح تجيني يا هل تري.. بشعاعك الناريولّا الضيا الساحر .. وَهبْ السما لغيريوطفالي جمر الهوى .. قصقص جناح طيريحاستنّى بيكي النهار .. يمكن يعود تانيحاتصالحي روحي وعقلي.. وقلبي بزماني دا انتي لو جيتي ,, وجوايا غنيتيحازرع غيطان مهجتي .. وافتح بيبان بيتي ..واتحدي بيكي زمن.. حالف علي موتيلو أغني أغنيتك .. يترد لي .. صوتيراح أغني .. أغنيتك.. أنا قصدى.. أغنيتي.يناير 1994 أمان صقر ......
#فؤاد
#حداد
#تاني

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=760139

أمان صقر : يا حلمنا
#الحوار_المتمدن
#أمان_صقر من قصاصات .. أمان صقر يا حلمنـــــــــا يا حلمـــــــــــــنا المفتوح // إمتى الزمان ح يبوح ..؟وما فيش خيار مطروح // حنروح .. منين ما تروحيا حلم .. لو مسموح // نعرف أوان البوحلو شلْتك.. تاريخ ممسوح // حنروح .. منين ما تروحلوْ ح تصدّق امبارح // وتصدّ الهوى الجارحيفضل هواك سارح // جوّه.. شقوق الروحيا حلمنا .. هدّى // ف عنيك .. دِبل ورْدي والعمر .. بيعـــــدّى // رغم الهوى المشروحيا حلمـنــــا .. فاكــــر // يوم ما الفرح .. هاجر ..؟والصحبـــة .. إتفرّقِت // وقلب الوطن .. سافر ..؟يا حلمنـــــا .. بكره // في الصدر.. كان فكرةوالسكة .. لو خِطرة // ح نشبّ.. ونعافــــــــريا حلمنا .. إوعي // تزرع لنا .. دمعةجوّانا .. بيك شمعة // وقلـوب .. مع حناجرإستنيناك .. مواويل // وبشَر تشد الحيلضحكة وغنا وتراتيل // شغيلة .. ومراجل ،يا حلم.. لو تقدر // لفجْرِنا تسْهروطريقنا يتخضر // بين مدرسة.. ومحجردا فؤادنا .. مستنظر // يوم طلّتك.. والبوح ......
#حلمنا

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=760522

أمان صقر : وآه يالولي
#الحوار_المتمدن
#أمان_صقر من قصاصات .. أمان صقر - ديسمبر 1996وآه يا لولي .. !! لما قا لولي علي لون عيونِك .. نسّوني قوليوجيت أقولِك .. وانا قلبي.. خلِّك شوقي وصلِّك .. منعوا .. وصوليوما فيش مثالِك ..وانا حلم جالِكأجمل رجالِك .. أمير خيالِكواللولي عرَقِك .. وأموت ما افارقِكمهما يقولوابجوارحي عاشقِك .. مهما قالوليدانا قلبي طوعِك .. عمري ف ربيعِكمشتاق رجوعِك.. إمتي .. قولولي ..؟يا لولي لايق .. إخوات شقايق والقلب عاشق .. إمتي تميليلي..؟يالولي لايق .. معشوق وعاشقمرجان لآلئ .. إبقوا إلْضُموليواللولي ناسِك .. قلبي اللي ساسِك علي مقاسِك .. ويموت عزوليحبي وتفاؤلي .. فداكي أهليراح فيكي عقلي.. طب رد يهولييا لولي نوّر .. سبحانه صوّر حسبِك وقدّر .. ويقولو اني :حروفِك في اسميلونِك في رسميباسم الله سمّي مصحف هاتوليواسم الله حارسِك وف لوني وارثِكدانا مصرى وارثِك و ناسِك وغرسِكبيعمرولي. ......
#يالولي

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=760962

أمان صقر : الأخضر
#الحوار_المتمدن
#أمان_صقر من قصاصات أمان صقر،،،،،،،،الأخضر ( 1 )إلي ابنىّ نديم وأدهم لقصيدة بدأت كتابتها عام 1987 ولم تكملها إلا في عام 2005 .،،،،،،،،، يا أخضر .. يا أصغر .. صغيرّياشكل الأنامل .. لو منتجةومطلع أغاني لو مبهجةبداية خطاوى .. ومتلجلجةوياخبزى الأسمر حصى الأرض لما يعاند .. يشاكس ترابها المعطر يا طعم الملوحة .. وملحك دا سكرلحظة ميلادي.. يا رزقي وحصادىيا نكهة بلادي .. وبكرة المقد ريا موجة وعِلْيت .. علي نبض قلبيتعانق شطوطى .. تلملم خيوطيوتلضمها لولي .. بصدر البشرتبدد سكاتي .. تحلي.. إللي آتيريحانة حياتي .. وقمرى ان ظهر.. ف ليلة تمامهيا قمحي المخضر .. وزرعي المبدر وأنا لما أصدّر .. دماغي .. وكرامتي وأفرد له هامتى.. وأقول للضلامما نيش خايفة منك.. برغم التجبّر علي قلبي إنت.. لا يمكن حتقدريامعنى وجودي .. نداوة ورودي يا قومتي .. وسجودي ،،،،،،،،يا عصفور محني .. ياسيد مين فتنى يا أول ما غني .. ويحلوّ لحني .. يا كراس ولسّه با حاول أسطّربسطرين محبة .. وسطرين نغم يا ضد الألم.. ونفي العدم يانور عيني لما .. تنقل.. وتحبيتدبدب .. ف قلبيوأشوفك بعين الحنان .. يالله اكبروعمري يزهزه .. لما تكركرولما تسلّم عيونك .. لنومكتبان لي رموشكجناحات ملايكة.. علي خد مرمروقبلن ما تيجي.. روحي تناديلكومن حضن أرضي .. رموشي تشيلكوقلبي يجيلك،،،،،،،،بأيام طويلة مخاصمة المتاعببأحلام جميلة تراود .. تلاعبطفولتك .. مشاعرك ولما أضمك .. بأنفاسي .. أرسم نسايم تداعب .. خصلات ف شعرك ولما تعانق عيونك عيوني.. أتوه ولا افكرعيوني ملاذك .. وعينك دي وطنيووطنك بيكبر .. وأرضه بتعمربحبك.. حنانك .. علي كل أهلك .. وناسك يا أخضرويا عيني سمي .. ويا قلبي كبردا إبني بيكبر .. يرعرع يفرّعيحاكي الشجروينزل علي صحرا قلبي .. مطرويبقي في ليلي قصيدة .. وقمرولما أنامله .. تمس الوتريجود بالأغاني .. ويدي المعانيلتعب البشر .. وفرح البشر وحلم البشر .. وتوق البشر ،،،،،،،،ولما بصوته .. يغني غنايايحني الحنايا .. بلون السهر يا ابني وضنايا .. يا أصل الحكاية نهاية بكايا .. وأمان ف الخطريا تعبي وشوفي .. بسحرك جنونكتحني كفوفي .. وتهزم عيونكوبالحب .. خوفيوترجع لبيتك .. يا فارس .. دا فرسك وأرضك بتعمر .. بفنك .. بغرسكوإسم الله حارسكوحارس عيونك.. إذا عين غريبةومن عين رديّة ومن عين حسودة .. مشاعرها سودةبعيد عن .. عينيهم راح أخدك في صدري يا ماء نيل بيسرى.. ف شراقي(2 ) روحيونيلك بيجري.. يدبّل جروحي ويعبر مداين .. يوصل سفاينويهزم ضغاين رويتك بنبعي .. مزاجى.. وطبعيوقدْت صوابعي.. شموع بين كفوفكوسكّنْت عمرى ضيا بين رموشكيا كلمة جميلة.. .. في جملة محبةيا غنوة ولسّة .. حنزرعها حبةخضارها يبان .. لشوك يستخبيتشب العيدان.. تشب إنته شبّةتفتّح بيبان .. تعل ......
#الأخضر

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=761386