محمد الهاشم : قصيدة طبع اليحن شعر شعبي
#الحوار_المتمدن
#محمد_الهاشم ***طبع اليحن *** فدوة رحت لعيونك السودة وتجن #مثل الزرازير اعله شجرة وما تعن #حظنك دفو وما اجمله وبيه استچن #غيم ومطر حر وبرد وما بيه سعد ما چنت اظن #وحدك چنت تطرب الي وتعزفلي عل عود وتون# وتخربش اذني احچايتك يل ما غمض بعدك جفن #وتشبكني واشتم ريحتك واسمع نبض گلبك يدن# وشعرك يسيل اعله الچتف وگلبك على گلبي يحن # طبعك حلو چنت اعتقد وما ادري بطبعك دفن # وطبعي مثل طبع النخل شايل حلا ونايم بصبخاية ودمن #وعودي صلب صعب الكسر ما ينحي لراي العفن# جمارة راسي بكل فخر مو شايل شوية دخن #ما همته ريح وشمس ولا حتى عثرات الزمن#بس انت بيك اتأثرت واگضيت كل عمري حزن #وديت الك كل الخلگ يا عوسجت بر ما تحن# مشدودة روحي من الزغر لعيونك ام دورة حسن# شنهي انت باوصاف الطعم مگلوبه لو دبس ودهن# يل چفك بجفي غفه خل ارضع شفافك وجن #روحي العليله ماترد تعاندني وما تستچن # صبخايه روحي الشوفتك محرومه من زخ المزن #تگابلني تلعب بالشعر وتسحن بگلبي سحن #خلك ترف وشويه حن فدوة رحت لعيونك السودة وتجن حن فدوه حن # ......
#قصيدة
#اليحن
#شعبي

لقراءة المزيد من الموضوع انقر على الرابط ادناه:
http://ahewar.org/debat/show.art.asp?aid=682781