محمود عبد الله : همسة اليوم: ريحته وحشة
#الحوار_المتمدن
#محمود_عبد_الله همسة اليوم: ريحته وحشة!!أحيانا يقولك فلان "ريحته وحشة" مش عشان هو فعلا ريحة جسمة وحشة.. ممكن يبقى حاطط (كوكتيل) من أغلى وأقوى العطور.. بس - للأسف - برضه ريحته وحشة.. إزاي؟!! يعني سمعته وحشة.. ما حدش يحب يقرب منه.. لإنه "شبهة".. وإللي يقرب منه، بيتلط.. ومشهور من زمان بالفساد: فساد مالي (لص أو مختلس)، فساد أخلاقي، اضمحلال علمي، بتاع مشاكل، غير سوي (نفسيا) ومحبط منفر (ينشر طاقة سلبية بين الناس) ولا يشجع على العمل والرقي، منافق ومتقرب من السلطة وذوي النفوذ، زلنطحي (يتبلى على خلق الله ويرمي بلاه على الناس)، نصاب ومدلس ومزور (يقلب الحقايق ويشهد زور ويطلب الشهادة الزور)، مراهق (مراهقة متأخرة في سن الكهولة) وعينه زايغة (ومش عاتق)، مخبر (أمنجي) رامي نفسه في أحضان ذوي النفوذ، عكاك، طلباته كتير وبيثقل عالناس، فضولي وعايز يعرف كل حاجة عن إللي يقرب منه، كسول (غير جاد) ومش بتاع شغل، منفسن وحسود وحقود وعينه مش مليانة، مساك سيرة وبيسخر من زمايلة عمال على بطال، ندل وما ليهش عزيز... إلخ.. وتبقى مشكلة كبيرة لو كل الصفات (النبيلة) دي تجمعت في شخص واحد.. الناس هتجري من قدامه لما تشوفه من على بعد كيلو.. وكأنهم شامين ريحة جيفة عفنة!! ......
#همسة
#اليوم:
#ريحته
#وحشة

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=758695