محمود عبد الله : الجنون هو... ٨ : الفضول المرضى القاتل وتتبع أخبار الناس
#الحوار_المتمدن
#محمود_عبد_الله الجنون هو... (&#1640-;-): الفضول المرضى القاتل وتتبع أخبار الناسبقلم: د/ محمود محمد سيد عبد الله (أستاذ جامعي وكاتب مصري)في رأيي، الجنون ممكن يبقى ظاهر - في بلدنا أو مجتمعنا بالذات - في أبشع صوره في "التطفل المرضي الشاذ والمقيت"..وهو (كسقطة أخلاقية) مرتبط في الغالب بالتدني الأخلاقي والسلوكي والتعليمي والإجتماعي والديني.. تلاقي فيه ناس كتيييير تموت في "المعرفة" (مش الأكاديمية أو العلمية.. يا ريييييييت.. كنا وصلنا من زماااااان وبلدنا بقت فلة!!).. المعرفة (المقصودة) هنا هي "معرفة أخبار الناس وتتبعهم والتسابق في تفسير (معرفة سبب) أي غموض (أو مشكلة-تفاصيل) في حياة شخص أو أسرة. وتضييع وقت كبيييييير في اللت والعجن والكلام الفاضي ده!!والله الواحد قرف من النوعيات (الناس الفاضية) دي ومن البلد كلها.. تلسين على خلق الله وخوض في أعراض الناس وردح وقلة أدب وقصص وحكايات (ناهيك عن الظلم والمحسوبية وقلة العقل والدين والكيل بمكيالين والتصرفات الصغيرة إللي تنم عن عقليات تافهة مريضة ونفوس ضعيفة (غير سوية)..تصرفاتها زي العيال الصغيرة في بيئة غير صحية تهتم بالمظهر (والتفاهة) على حساب الجوهر والمضمون) .. إحنا في بلد "اللقطة" (على رأي أحد الإعلاميين) والإشاعة إللي بنطلعها، (من خيبتنا) بنصدقها.. ونفتري على خلق الله ونتبلى عليهم.. بالذمة ده وضع أو منظر بلد قامت فيها ثورتين؟!! حسبي الله ونعم الوكيل في إللي خربوا البلد (زي ما دعيت من فترة وأنا متعلق بأستار الكعبة).. حسبي الله ونعم الوكيل في كل إللي يسخن حد على حد علشان يخربها ويقعد يتفرج.. حسبي الله ونعم الوكيل في كل من سلب حق حد أو ظلمه أو عامله بما لا يستحق.. حسبي الله ونعم الوكيل في كل من سرق وبارك الفساد وعزف على أوتار أحزان الناس وجراحهم.. حسبي الله ونعم الوكيل في كل من افترى على أحد ونشر عنه أكاذيب وإشاعات َوأباطيل وخاض في أعراض الناس وألف عليهم القصص والحكايات الكاذبة - وهم أبعد ما يكون عن تلك التفاهات.. حسبي الله ونعم الوكيل في كل من يتستر على الباطل وأهله ويحارب الحق وأهله.. حسبي الله ونعم الوكيل فيمن يرقص على جراح الناس ويجعل من سمعتهم وأجسادهم وجثثهم وأشلائهم سلما يصعد عليه لتحقيق مجد زائف..حسبي الله ونعم الوكيل (في دبر كل صلاة) فيمن أخطأ في حقي وظلمني وتقول علي وتتبع عوراتي وعثراتي دون أن أخطئ في حقه (وأحيانا دون سابق معرفة).. حسبي الله ونعم الوكيل في كل من دبر لي شرا َأو تعمد إيذائي وَاستفزازي وتصيد الأخطاء لي وأنا قافل باب مكتبي عليا علشان لحد يشوفني - ولا يزغر عينه لجوه كده (بشكل مريض غير سوي) علشان يشوفني قاعد بأعمل إيه و مع مين - ولا أشوف حد مجرد رؤيته بتعصبني وتجيبلي إكتئاب (أو - على النقيض - تخليني مش قادر أمسك نفسي من الضحك من كتر سطحيته وتفاهة الحركات إللي بيعملها كل ما يعدي من قدام مكتبي ولا عيل صغير في ابتدائي والله)..وبعدين مش ناقصة بنت مثلا بتاعت إمبارح - فاهمة الجامعة غلط - تقعد تعدي وتبص وتضحك بطريقة مستفزة وهي رايحة جاية تتمرقع (زي ما تكون ما اتربتش) .. ما تعرفش إن إللي زيها بنبصلهم بإحتقار وقرف - ولو حد سأل عنها (لأي سبب) عمرنا ما نقول في حق النوعيات (الرديئة) دي كلمة كويسة.. إللي زيها لو شافت الطالبة الجامعية بره (في أوربا مثلا) إزاي بسيطة وناضجة وسوية وجادة ومش تافهة، كانت إنتحرت وريحتنا!! طبعا دي قلة قليلة من التافهات، لكن الغالبية العظمي من بناتنا (بالذات في الصعيد) محترمات متزنات يتسمن بالجدية والمثابرة والجد والإجتهاد والتفوق العلمي.. دول إللي بعتبرهم بناتي ......
#الجنون
#هو...
#٨
#الفضول
#المرضى
#القاتل
#وتتبع
#أخبار
#الناس

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=748831

محمود عبد الله : الجنون هو... ٧ : ريس العمال الرخم
#الحوار_المتمدن
#محمود_عبد_الله الجنون هو... (&#1639-;-): ريس العمال الرخم!!الجنون (والتخلف العقلي والعلمي والإنساني) هو إن أي حد (ترزي قوانين مثلا) يعمل قانون متفصل على حد معين.. أو ضد حد معين.. (كيل بمكيالين).. وده موجود في بلدنا كتيييير قوي.. ممكن تلاقي مثلا مدير فرع أو مصلحة حكومية (مضمحل علميا وعقليا وإداريا وحتى إنسانيا وغير سوي نفسيا لديه مركب نقص لأسباب عديدة - من ضمنها قصوره الفكري لأنه ممكن ما يكونش مر حتى بتجربة أو فرحة الثانوية العامة) يكون مضايقه حد في المصلحة مثلا، يروح مطلع قرار (غلط من الألف للياء) ويعممه على الجميع كل ده نكاية في الشخص المختلف معاه!! مثلا في أي مؤسسة علمية أو بحثية أو تعليمية أو خدمية، المدير أو الرئيس فيها مش "ريس عمال" ماسك للناس عصاية أو كرباج (وكأنه في غيط أو عزبة مثلا).. طيب ما هو المرءوس ده بني آدم قبل أي حاجة.. وهو عضو (محترم) مش عبد عند حد ولا خدام.. ممكن يتوجه مباشرة للريس الكبير أو وكيل الوزارة أو المدير العام أو...... إلخ لو حس بظلم أو كيل بمكيالين (مدعما شكوته بكل الوثائق والمستندات والأدلة) والذي يقوم بدوره بإحالة الموضوع للتحقيق وكل واحد ياخد حقه..وخصوصا لما يكون (عندنا مثلا) مدير معهد أو وزير (أو رئيس جامعة) نزيه ومحترم وموضوعي زي دلوقتي!! الشخص أو الموظف أو الرئيس (المحترم) المستقر (نفسيا وسلوكيا) هو إللي بيضيف لأي وظيفة أو منصب يشغله.. ويحترم الجميع ويكسبهم.. علشان يتعاونوا معاه وروحهم المعنوية ترتفع (خصوصا لو اتحط الواحد منهم في مكانه الصح أو طلب منه مهام تناسب خبرته وثقافته وإهتماماته وقدارته الفعلية).. وبالتالي، بيدي أكتر في مكان عمله.. مش الواحد يمسكلهم عصاية - وكأنه مدرس إبتدائي مثلا - ويوزع حاجات معينة على حبايبه وقرايبه ومعارفه وتخصصه (وبلدياته) بس.. وعند إللي يستاهل، يهمله ويتخطاه - وكأنه مش موجود أصلا.. قصوره الفكري وسماته الشخصية (العجيبة) إللي تخليه دايما مدهول كده في نفسه، وتكبره عالناس (لتعويض نقص واضح بسبب ذكريات غير سارة في الماضي وخبرات مؤلمة) بيخليه ما يتصلش حتى بالناس علشان يطيب خاطرهم أو يشجعهم ويتناقش معاهم (بكل جنتلة وأدب).. مع إن المفروض إن إللي حس بالظلم والقهر في يوم من الأيام، ما يظلمش حد أو يهمشه أو يتخطاه أو يجامل صديق قديم على حسابه!! بس هنقول إيه؟؟! إللي من النوعية دي بيبقى أحيانا غصب عنه.. أصل ما شافش نماذج إدارية (مؤسسية) محترمة ولا بني آدمين راقية محترمة (موضوعية)..وفاكر إن الإدارة (أو المؤسسة - أيا كانت) غيط أو زرعة أو عزبة أو تكية.. ولا يمكن شايف نفسه "ريس عمال" وبالتالي فاكر إن طبيعي المدير يبقى بارد (رخم) كشري وشه وسحنته تجيب الفقر وتقطع الخميرة من البيت هههههههههههههههه (وده بينسحب على كل مؤسساتنا ومصالحنا الحكومية: مديريات - إدارات - شركات - وزارات - هيئات - مرافق - مدارس - جامعات.. إلخ).. ......
#الجنون
#هو...
#٧
#العمال
#الرخم

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=748829

محمود عبد الله : الجنون هو... ٤ : النحنحة الفارغة
#الحوار_المتمدن
#محمود_عبد_الله الجنون هو... (&#1636-;-): النحنحة الفارغة!!الجنون هو إن الواحد (أي واحد) كل ما يعدي من جنب حد مختلف معاه، يقعد يكح ويتنحنح ويتنخم (بشكل مرضي مقيت ومستفز) ويعمل أصوات (بدائية) غريبة كده - لا تلائم سنه ولا مركزه - تخلي منظره وحش قوي (و زبالة) قدام الناس!! ما حدش إيده جنبه ولا لسانه مخيط في بقه.. قلة الأدب والسفالة والحركات الصغيرة دي ما فيش أكتر (ولا أسهل) منها.. الواحد المفروض يخاف على منظره قدام الناس، أو يعرف حجمه (الحقيقي) كويس.. مش يجر شكل ناس عنيفة ما بتهزرش ولا بترحم.. زعلها وحش قوي ومش باقيين على حاجة في الدنيا دي غير كرامتهم.. لو اتعدلت بس ناحيته و ركزت معاه شوية، هتخليه يكره نفسه!! "اتق شر الحليم إذا غضب".. ......
#الجنون
#هو...
#٤
#النحنحة
#الفارغة

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=748828

محمود عبد الله : الجنون هو... ١٨ : الكائن الإستعراضي المستفز
#الحوار_المتمدن
#محمود_عبد_الله الجنون هو... (&#1633-;-&#1640-;-): الكائن (الإستعراضي) المستفز!!ده بقى مثال حي للجنون (والخبل) على أصله في أسوأ (وأسخف) صوره!! لما تلاقي كائن (مستفز) تافه - يجعر كده بصوته المستفز (إللي يغيظ) زي صاحبه (ومثله الأعلى) ييجي كل مرة بزعابيره (زي أمشير بالظبط) في طرقة طوييييييلة قوي (في مكان من المفترض إنه يكون "محترم").. وكل مرة، وهو في أول الطرقة ينده ويزعق ويجعر: "يا فلان........يا فلان......."!! (بصوته العالي الكريه المستفز غير المهذب وغير المحترم وكأنه "عربجي" بالظبط - أو "منادي" في موقف سيارات!! ).. المفروض إن صاحبه ده في غرفة في آخر الطرقة..الغريب (والعجيب) إنه بيرد عليه بنفس الصوت والنغمة (مش فاهم إزاي!! ) ههههههههههههههههه.. ويبدأ الحوار (السخيف) بينهم لغاية لما يوصل عنده (مش عارف ليه القلق والغارة والإذاعة إللي بيعملها كل مرة دي في الدور- بشكل إستعراضي مقرف يخنق؟؟!! مش صابر ليه لغاية ما يدخل عنده ويستروا خبلهم وهبلهم ده وعدم تحضرهم جوه؟! ولا يمكن بيخزوا العين ولا حاجة علشان يداروا على أخلاقهم العالية؟! ولا يمكن خايفين لا الناس تحسدهم على عقلهم واتزانهم ورقيهم؟! ولا يمكن دي طريقة جديدة مبتكرة علشان تخلي الناس تكرههم وتقرف منهم؟! طب ليه؟؟!! )..الأنيل (َوالأنكت) كمان إن في كل مرة، ما تعديش كام ثانية بعد ما يدخل الكائن الغريب ده عند صاحبه إياه في آخر الطرقة، وبعدين يطلع تاني بره الباب وينده على حد: "مح؟؟ .. يا مح؟؟ "!! كل مرة كده (آه والله.. كل مرة كده بالظبط وكإنه فيلم بيتعاد) لغاية لما بقى فعلا زي الفيلم (البايخ) السخيف الممل إللي بيتعرض كل يوم - لحد ما الناس حفظته حفظ، فملت وزهقت وطهقت منه وكرهت شكله!! بيقولوا التكرار يعلم الشطار (الحمار - في رواية أخرى).. لكن يبقى ممل وسخيف (بشكل أوفر قوي كده)، بيبقى حاجة تشل الصراحة!! مش كان أحسن يكلمه في الموبايل مثلا بدل "عاصفة الصحراء" (على رأي يسرا - في فيلم "معالي الوزير") إللي عاملها دي؟!! .. ده حتى دقيقة الموبايل رخصت كتييييير عن زمان!! ولا يمكن عاوز يلفت نظر حد معين أو هو تركيبه كده مستفزة (تخنق)!! مش بقولكم: "إحنا عايشين في مورستان مليان كائنات غريبة الشكل والطباع؟!! ساعات أحس إن واحد (كان) صاحبي زمان، وجهة نظره صح (تماما) في ناس كتيييير!! إيه الناس دي؟!! إيه البشر (العجيبة) دي؟!! مش لاقي كلمه تصفهم بصراحة: هبل ولا عبط ولا قلة ذوق ولا سوء تنشئة ولا تفاهة ولا جنون رسمي؟!! مش عارف بصراحة!! بس إللي عارفه (وحاسس بيه) كويس قوي إن جواية شعور (غريب) تجاه الناس دي - مش قادر أوصفه!! لكنه مزيج من القرف على الحيرة على الإستغراب على الإشمئزاز على الإحتقار على الحمد والشكر (لله - سبحانه وتعالى - الذي عافانا)!!! ......
#الجنون
#هو...
#١٨
#الكائن
#الإستعراضي
#المستفز

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=749242

محمود عبد الله : الجنون هو... &#1634&#1632 : -رغاية هانم-
#الحوار_المتمدن
#محمود_عبد_الله الجنون هو... (&#1634&#1632): "رغاية هانم"!!عزيزتي "الرطاطة" (رغاية هانم):تحية طيبة وبعد.. في الحقيقة، الناس إللي حواليكي مش هي إللي متبلدة، أو باردة، أو بطيئة في الكلام..إنت إللي ربنا ابتلاكي بإيقاع سريع (مجنون) - وغريب قوي - في الكلام يخليكي تعملي&#1633&#1632&#1632&#1632 كلمة في الدقيقة! ترسلي بس ما تستقبليش.. وتنقلي من موضوع لموضوع تاني زي الراديو المفوت (إللي بينقل لوحده عشوائيا ما بين المحطات) من غير ما تدي حتى فرصة للي قدامك يرد على الموضوع الأولاني..وكل شوية تقاطعي إللي قدامك بشكل (مرضي مرووش) مليان توتر!!! صدقيني لو شفتي - مثلا - الست "الإنجليزية" بتتكلم إزاي (تفضل مستمعة - بكل إنصات وأدب وإهتمام - لكل كلمة بيقولها الشخص إللي قدامها، لغاية لما يخلص خااااالص، وبعدين تبدأ كلام لما تحس إن دورها جه - مستهلة حديثها بكلمة Well)..لو شفتيها (يمكن تقدري تتعلمي منها حاجة)، هتتعقدي أكيد.. واحتمال تنتحري كمان وتريحي إللي حواليكي من زنك وعقدك ولسعانك وتوترك والهيبرة والأفورة إللي إنت فيها دي! لو لسه شايفة إن كل إللي حواليكي متبلدين وباردين وإيقاعهم بطيء وفيه تفاوت في السرعات معاهم ، يبقى العيب فيك إنت (حضرتك) ..الحقي نفسك بسرعة واستشيري أقرب طبيب نفسي..فيه antidepressants كتيييير قوي ممكن تهديكي (َوتهدك) شوية ("أيوه والله بتكلم جد ما بهزرش" - على رأي اللاسعة المستفزة المتوترة إياها).. مش ناقصة توتر وصداع - الله يكرمك!! وكل حالة وليها علاج إن شاء الله..بس مش ناقصة توتر وقلق ولسعان - الله يباركلك..كل واحد فينا فيه إللي مكفيه وزيادة!وتقبلي خالص تحياتي وإحترامي ......
#الجنون
#هو...
#&#1634&#1632
#-رغاية
#هانم-

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=749377

محمود عبد الله : الجنون هو... ٢٢ : الغباء المرضى
#الحوار_المتمدن
#محمود_عبد_الله أحد صور الجنون (القميئة) "الغباء المرضي المستحكم" إللي يخلي صاحبه متوتر دايما وفي حالة صراع مستمر (ومنهك) مع الذات أو الآخرين، وبالتالي يبقى "هش" وغير آمن نفسيا (يكاد المريب أن يقول خذوني!)، إنه ما يعرفش حاجة عن الصبر والحكمة والإستقرار النفسي والإتزان (الثبات الإنفعالي) والتغافل.. فتلاقيه متابع (باستمرار) للناس (أخبارهم، ونوادرهم، وعلاقاتهم الشخصية، وتفاصيل حياتهم، إلخ...).. ودايما عنده أسئلة محيراه بسبب فضوله الغريب والشاذ (بيقولوا وبيكتبوا إيه؟ و بيعملوا إيه؟ وليه؟؟ وإزاي؟ وفين؟ ومين علق؟ ومين عجبه الكلام؟ ومين مع مين؟ أو تبع مين ضد مين؟ إلخ من الكلام الفاضي ده إللي بيضيع الوقت ويمرض العقل والنفس، وبيدل على الفراغ وَالسطحية والتفاهة وقلة العقل!! ).. وبالتالي يشغل نفسه بمواضيع وأمور لا ناقة له فيها ولا جمل!! أو يرد ويدافع عن نفسه (أو عن حد معين يخصه)، من غير ما حد يطلب منه!! الغباء ده بيخليه يدخل في حوار (بكلمة، أو منشور، أو تعليق، أو تلميح... إلخ) يكشفه قدام الناس كلها.. ويأكد إن كل ما يقال يخصه فعلا (أو قد يكون صحيحا) - وإلا ليه يرد ويعلق من الأساس؟! (إللي على راسه بطحة)... ما هو مش معقول النخل يتحرك لوحده كده من غير ريح!! الذكي (العاقل) فعلا بيكبر دماغه وما يدخلش نفسه في حوار ما يخصوش أصلا.. يمكن واحد بيكتب (خواطره) بحرية على صفحته (الشخصية) - كنوع من التفريغ النفسي - وما يقصدوش ولا في دماغه أصلا؟! طول ما الواحد بيكتب على صفحته ومش بيشهر بحد ولا بيصرح باسم (أو يلمح بيه بشكل واضح مفهوم) أو بينشر محتوى بذيء (غير مقبول) زي الإشاعات أو الأكاذيب أو بيحرض الناس........ أو........... ، يبقى خلاص.. ما حدش ليه عنده حاجة!! أي نعم إحنا بشر (مش ملايكة) ياما غلطنا قبل كده وياما أسأنا استخدام الفيسبوك بشكل أو بآخر، بس أكيد بنتعلم من أخطاءنا.. وبنراجع نفسنا.. وبنستغفر ربنا.. مش بنكابر (وإلا يبقى ده هو الغباء بحذافيره).. وكمان بنعتذر لأي حد إتضايق أو إستاء من حاجة كتبناها زمان (ربما ما كانش مقصود منها إللي أتفهم ساعتها).. لكن "جبر الخواطر" مهم وإلا هتبقى فعلا مواقع "التفاصل" (مش التواصل) الإجتماعي - زي ما بيقول الشيخ/عبد الخالق!!وأديني بقول أهه (على الملأ) لكل أصدقائي وأساتذتي وإخوتي وأحبائي وزملائي (على صفحتي المتواضعة) : لو حد من حضراتكم زعلان من أي حاجة أو فيه أمر التبس عليه أو ليه أي استفسار بخصوص أي حاجة شخصية (أو عامة) نشرتها، ياريت يتواصل معي عالخاص.. أما التعليق (العام) على أي منشور، ياريت يكون موضوعي لا يخرج عن الفكرة (العامة) المطروحة - من غير خروج عن الموضوع أو تجاوز حدود الأدب واللياقة.. وده حقي علشان دي صفحتي.. أنا لو رحت على صفحة حد من حضراتكم، بأراعي إني (ضيف) مش من حقي أتجاوز حدودي في التعليق علي شيء (شخصي) لا يعنينى من قريب أو بعيد.. وبعدين (بصراحة) مش بأحب حد يكون شايف تجاوزات (غير مقبولة) على صفحات تانية، ولما أفضفض شوية أو أكتب حاجة (عامة) أو أطرح قضية ما بناء على تجارب وخبرات شخصية، ييجي ينصحني أنا (أو يعدل عليا) - وهو أجبن من إنه ينصح أي حد تاني تجاوز كل الحدود والخطوط الحمرا!! عمري ما هأكون (أو أقبل إني أكون) الطرف الضعيف the weak point إللي الناس تضغط (أو تيجي) عليه..الأدب والذوق ليه حدود.. والمفروض إنه ما يتفهمش غلط.. فياريت نحترم (عقليات) بعض شوية..كل إنسان ليه طاقة تحمل.. وكل حاجة أكيد ليها حدود.. فياريت نخلي فيه (ذكاء إجتماعي) أكتر من كده.. وربنا يصلح الحال!! ......
#الجنون
#هو...
#٢٢
#الغباء
#المرضى

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=749478

محمود عبد الله : الجنون هو... 26 : الإسقاط النفسي وتصيد الأخطاء
#الحوار_المتمدن
#محمود_عبد_الله &#8235-;-إنه الإسقاط النفسي projection - ولكن من النوع المرضي الحاد (الشاذ) المتطرف - الذي بات ظاهرة واضحة استشرت و انتشرت بيننا كمصريين وعرب كسريان النار في الهشيم!!علميا (ونفسيا) الاسقاط هو إحدى الحيل الدفاعية (أو آليات الدفاع النفسي) Defense Mechanisms التي يمارسها الفرد للتغلب على توتره النفسي و تحقيق نوع من التوازن في حياته...ومعناه - ببساطة - هو أن يسقط الشخص عيوبه و نقائصه و صفاته السلبية على الآخرين..فمثلا قد يتهم الزوج الخائن زوجته البريئة بالخيانه..ويشك في كل المحيطين به والمقربين منه ، متصورا أنهم لا شغل لهم في حياتهم إلا التآمر عليه لإيقاع الأذى به.. و ربما يتصور النرجسي المتمركز حول ذاته - والذي يود تسيير الكون كله وفقا لهواه ومشيئته ورغباته المريضة المنحرفة (الجانحة/الجامحة) - أن كل من حوله مرضى ونرجسيون مثله؛ لذا تجده دائم الخلاف والتشاحن مع كل من حوله...وأحيانا يتوهم الرجل المخنث معدوم الرجولة و الشخصية و فاقد كل معاني الحمية و الرجولة و الشهامة أن كل الناس مخنثون مثله (مع أن الزوجة هي الشخص الوحيد الذي يمكنه تحديد ذلك)..وهناك مثال آخر حي لمسته بنفسي (عندنا في البلد) لواحد (متخلف دراسيا) لم يحصل على أكثر من 45% في ثانوي، أفاجأ به - أثناء حضوري لإحدى المناسبات في البلد وكانت أسخف جلسة في حياتي - كلها سخرية وخبل وتلقيح كلام من ناس منفوخة عالفاضي، سقط من نظري بسببها واحد (كان) من أقرب وأعز الناس ليا (بسبب عبطه إللي عمره ما هيعرف يبطله مهما كبر..كانت كلمة وطعنة شديدة قوي منه هو بالذات خسرني بسببها للأبد)!! المهم فوجئت بالشاب الوسيم (الغليظ) ده قال إيه بيسخر من أساتذة الجامعة (والسلك الجامعي عموما) مدعيا أنه "منظومة فاشلة"!! قلت في نفسي: طب مش لما تفلح الأول وتدخل الجامعة أصلا تبقى تتكلم عنها وتنتقدها؟! النقد مش عيب ولا غلط، بس يكون الإنسان (الناقد) فاهم وواعي ومدرك ويبقى عارف حتي معنى كلمة "قسم أكاديمي" أو حتى يعني إيه "أستاذ مساعد" كدرجة علميه ما يحلمش أصلا إنه يبقى تلميذ عند صاحبها!! إنت إخترت طريقك، يبقى ما ليكش دعوة بغيرك..كلنا بنكمل بعض (كل في موقعه)..بس هتقول الكلام ده لمين؟! لواحد كاره نفسه أصلا وعامل زي التور الهايج ما يعرفش يكسب إللي قدامه بدل ما يتريق (زي الكبير المبجل) ويسخر ويقيم في عينه ويبص من فوق لتحت كده (خفيف الدم إللي زيه انقرض من زمان والله)..خليك قافل على نفسك في عالم الأنا المتضخمة عندك وسيبنا في حالنا..يا سيدي إنت الأحسن (مع إن ما حدش فينا يعرف مين أحسن عند ربنا) وإنت أغنى وأشيك وأحلى!! هه؟! عاوز حاجة تاني يا قريبي؟؟ سيبنا إحنا الفاشلين (إللي منظومتنا فاشلة) ناكل عيش حتى لو معاشنا ضعيف (زي ما لقحت كلام زي الدبش واضح قوي إنت والعبيط بتاعنا إللي باعني في لحظة لمجرد إني كنت داخل متضايق يومها لسبب ما كاتمه في نفسي)..بدل ما تلقح كلام وتتسرع وتحكم عليا ظلم بإني تكبرت مثلا، كنت هتكبر في عيني 100 سنة لقدام في ليلتها لو سألتني مثلا لو فيه حاجة مضايقاني!! بس هنعمل إيه؟؟ إنت أصلا كارهني وواخد موقف من زمااااان ومستني بس أي حاجة تبررلك التجاوز في حقي والتجريح إللي عمري ما هأقدر أنساه!! حتى يا أخي لو كنت "متكبر" - زي ما فهمت - دي حاجة بتاعتي..مع إن البساطة والتلقائية مبدأ وأسلوب حياة عندي من زمان - وزاد بعد تجربتي في الغربة.. بس برضه عندي مبدأ تاني (التكبر على المتكبر صدقة).. لكن في النهاية أنا راجل "دكتور" ..ليا ظروفي وحياتي الخاصة ومش فاضي معظم الوقت.. بالتالي، مش مطالب في الكام دقيقة إللي ممكن نقعدهم سوا كل فين وحين ......
#الجنون
#هو...
#الإسقاط
#النفسي
#وتصيد
#الأخطاء

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=750082

محمود عبد الله : الجنون هو... 25 : التفاهة والميوعة والسخافة والإستظراف والبواخة
#الحوار_المتمدن
#محمود_عبد_الله أحد أنواع الجنون السائدة (بس المرادي دمها تقيل سم يلطش!!) عندما تجد أحدهم خفيف (غير رزين) مضطرب وغير مستقر (نفسيا أو سلوكيا)..يقوده غروره وتفاهته إلى الإعتقاد بأنه يجب أن يتحدث باستمرار في أي شيْ وأن يضحك دائما مع أي أحد علي أي شيء ـ أو أي شخص ـ في أي تجمع من الناس (وهو دمه سخيف يلطش!!)..معتقدا أن من حقه السخرية على خلق الله من حوله..وأن الهزار والضحك (والإستظراف) هو ما يجعل منه شيئا - وهو أحقر (وأتفه) بكثير من أن يحاسب (أو يراجع) على تصرفاته..دائما ما ترى أمثال هؤلاء في جلسات النميمة وحفلات الهزار والسخرية من الناس ـ ولا يعلم المسكين أن هؤلاء الذين يسخر منهم ويترقب زلاتهم وهفواتهم وسقطاتهم‘ قد يكونوا أفضل حالا منه..وأرقى بكثير من شخص تافه (متعصب) مثله يشعر بالنقص (وهذا واضح جدا حتى من طريقة جلوسه وكلامه) ويحتاج إلى من يعامله بالطريقة التي يستحقها (وكأنه مش شايفه أصلا) حتى يعرف حجمه (الحقيقي) جيدا ويتعامل بلياقة أكثر..مثل هؤلاء لو سمعوا أو شاهدوا تسجيلات ماضية لخناقاتهم - مع رؤسائهم مثلا - ويعض التصرفات الغريبة لهم والسجالات والجدل في مواقف مختلفة ـ لأدركوا أنهم (هم) موضع سخرية واحتقار بالنسبة لمن حولهم..وأن من يعاني من الخلل والإضطراب لديه في العادة صراعات داخلية تجعله دائما يبحث عن من يسخر منه (ضحية) ليسقط عليهم عقده ونقصه وإضطرابه (الواضح)..وكلما تكلم أحد منهم, يفتح ثغره (مترقبا كلامهم) وينظر إليهم (بطريقة بدائية غير متحضرة تعكس تفاهته وغروره وتعصبه الواضح واضطرابه ونقصه ومشاعره البغيضة) حتى يثبت (المسكين) شيئا من قبيل: "أنا كويس وتمام الحمد لله..ده هو المجنون المضطرب نفسيا..حتى شوفوا واسمعوا كده..لكن أنا زي الفل..أنا تمام..أنا حلو وظريف وطبيعي وبأهزر أهه"!! لا يعلم المسكين أنه هو الذي صعد (في غفلة من الزمن) وساعدته ظروف كثيرة على ذلك..وأن هؤلاء الذين يسخر منهم يكفيه فقط الإطلاع على إنتاجهم..وأنهم قد يكونوا أعقل وأفضل وأنقى وأطهر (وأرجل) منه مليوووووووون مرة!! يكفيهم الرقي والبعد عن التافهين أمثاله..يكفيهم أنهم يوما ما كانوا يتواصلون معه ويقدرونه ويحققون له أي مطلب ولا يتأخرون معه أبدا في أي شيء..ويتصلون به ويسألون عنه في أي مناسبة..خطؤهم الوحيد أنهم جاملوا وقدروا من لا يستحق التقدير (قلوب سوداء حاقدة)..وأخلصوا لمن لا يستحق الإخلاص (ولا مبدأ له)..يكفيهم أنهم في حالهم ـ يترفعون عن الصغائر والقيل والقال..يكفي أنهم يحملون الحب والخير للجميع (دون مقابل) في الوقت الذي لا يحمل (هو وأمثاله) في قلوبهم (السوداء) إلا البغضاء والحقد والغرور والتعصب (الأعمى) الذي يجعل الواحد منهم تافها (غبيا) متناقضا ـ مهما ادعى (أوأظهر) العكس!! ......
#الجنون
#هو...
#التفاهة
#والميوعة
#والسخافة
#والإستظراف
#والبواخة

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=750080

محمود عبد الله : لجنون هو... ٢٧ : جنون العظمة البارانويا
#الحوار_المتمدن
#محمود_عبد_الله أحد أشكال الجنون السائدة هو جنون الإرتياب|الإضطهاد|العظمة Paranoia.. ويسمى أيضا "الظنان" وهو مرض نفسي-عقلي مزمن يتسم عادةً بالأوهام و سيطرة الأفكار اللاعقلانية الغريبة على الشخص؛ وهي أفكار يعتنقها المريض ويؤمن إيمانا وثيقا بتعرضه للاضطهاد أو المؤامرة (مثل أن يقول: "كل من حولي يكرهني لأني ناجح ومتميز ولدي قدرات عقلية وإجتماعية و.....خارقة تفوقهم بمراحل..ومتميز في أكثر من مجال..ولذلك فهم يتآمرون علي باستمرار لإيقاع الأذي بي - كالسعي لفصلي من عملي"... إلخ) ويفسر سلوك الآخرين تفسيرا يتسق مع هذا الاعتقاد.وهو اضطراب عقلي ينمو بشكل تدريجي حتى يصير مزمناً ويتميز بنظام معقد يبدو داخليا منطقيا ويتضمن هذاءات الاضطهاد والشك والارتياب فيسئ المريض فهم أية ملاحظة أو إشارة أو عمل يصدر عن الآخرين ويفسره على أنة ازدراء به ويدفعه ذلك إلى البحث عن أسلوب لتعويض ذلك فيتخيل أنه عظيم وأنه عليم بكل شيء..ويتضح هذا السلوك الإرتيابي الشاذ عند المريض الذي يستخدم مواقع التواصل الإجتماعي، حيث تجده "هجوميا" بشكل مبالغ فيه..حيث يدفعه "توتره" المستمر إلى الإتيان بسلوكيات "عدائية" شاذة ضد من يعادي - مثل نشر الإفتراءات والأكاذيب باستمرار عن كل من يعاديهم أو يختلف معهم..والسبب في ذلك أنه يتوهم أن إحتقارهم والتقليل من قدرهم في أعين الناس سيريحه ويقلل من توتره ويعوض جوانب النقص (الخلل) الشديدة الواضحة في شخصيته! لذا فهو دائم المراقبة والمتابعة لأعدائه بشكل مرضي واضح لأن شخصيته المهزوزة المختلة (الشكاكة) تجعله يعتقد أنهم يحيكون ضده المؤامرات طوال الوقت..والمعنى العام أن البارانويا مرض عقلي يتمثل في هذاءات عقلية (delusions) قوامها الاضطهاد (persecution) من نوع معين يؤيده المريض ويدافع عنة بطريقة منظمة في حماس وإصرار. وتشغل هذه التوهمات جزءا صغيرا أو كبيرا من عقله محاولة أن تتوسع..ويجب التفريق بين الهذاء كمرض وبين السلوك الهذائي الذي يتسم بالعناد والتمسك الزائد بالآراء وعدم الاعتراف بالخطأ والغرور وإرجاع الفشل إلى تدخل الآخرين..ومن أعراض البارانويا (الهذاء): المريض بالهذاء يشك دائما في نوايا الآخرين ويرتاب في دوافعهم، ويعتقد دائماً أن الناس لا يقومون بتقديم خدماتهم أو مساعداتهم إلا لغاية في انفسهم، فتنصرف عنه الناس، عندئذ تزداد شكوكه فيهم وتقوى عنده مشاعر الحقد والغضب عليهم، فهو يرى نفسه ضحية لتآمرهم عليه. وبمرور الوقت تتحول حالته إلى هذاء اضطهادي، فيعزو ما لديه من اختراعات وهمية وما أصابها من إخفاق إلى مضطهديه وكارهي الخير..ويتهم غيره دائما "بالجهل" ونقص المعرفة ويكثر من وصف أقرانه بــــ"أنصاف المتعلمين" - بالرغم من أن معلوماته - وهذا بسبب مرضه - قد تكون عامة (شكلية) تتسم بالسطحية الشديدة (خالية من العمق المعرفي) يكررها في مناسبات عدة بغرض "الإستعراض" وتخفيف التوتر عنده أو لإسكات أنين "الأنا" (المتورمة) لديه!!وهو يضخم الأمور ويبالغ في كل شيء..(فعند الكتابة الحرة مثلا تجده يبالغ مبالغة شديدة في استخدام علامات الترقيم!)، ويتصرف بشكل عداوني فج (خال من الذوق الإجتماعي) فيلجأ إلى الإسقاط، اي بدلاً من أن يعلن كرهه يقول إن الآخر هو الذي يكرهه. وهو لا يؤمن بالصداقة فهو دائم الشك، ومن يتودد إليه خاسر، لأنه سيعتبر تودده فخاً يريد الآخر أن يوقعه فيه.ويقسم بعض العلماء البارانويا إلى أنواع عديدة منها:- هذاء الاضطهاد: كأن يعتقد المريض ان الناس من حوله يتآمرون عليه ويريدون إلحاق الأذى عن عمد..- هذاء العظمة: كأن يعتقد المريض أنه شخصية مرموقة بالغة الأهمية أو النفوذ.- هذا ......
#لجنون
#هو...
#٢٧
#جنون
#العظمة
#البارانويا

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=750204

محمود عبد الله : الجنون هو... ٢٨ : أخلاق البرص
#الحوار_المتمدن
#محمود_عبد_الله من عجائب الفيسبوك في بلدنا: أخلاق البرص!! أكتر حاجة تستغربلها وتحيرك على الفيسبوك لما تلاقي حد ما تعرفوش (ولد/بنت أو طالب/طالبة أو.....أو حتى زميل/زميلة)..لا فيه سابق معرفة..أو تعامل في الماضي ولا أي موقف حصل (خير أو شر) بينك وبينهـــ(ا) قبل كده - ولا حتى مجرد كلام؛ فتفاجأ إنه (إنها) بيغلط (بتغلط) فيك ويجيب (تجيب) سيرتك على الفيس بسوء عمال على بطال..ويعلق (تعلق) تعليقات سخيفة مستفزة تجر بيها شكلك وخلاص وممكن تودي في داهية (لو حد اشتكاها)..أو ينشر (تنشر) عنك إشاعات وأكاذيب تجعلهــ(ا) يقع/تقع تحت طائلة القانون..ودي حاجات غير أخلاقية (وتصرفات غير محترمة) بتسمع وبتوصل - بشكل أو بآخر - لصاحب الشأن، وبالتالي لأولياء الأمور!ومعروف كمان إن الكلمة بتلف تلف وتوصل لصاحبها في النهاية..الإنسان المحترم المتربي كويس يربأ بنفسه عن المشاكل والصراعات..وما يدخلش نفسه في متاهات وسكك وأمور أكبر منه بكتييييييير..وما يحطش نفسه في مواطن الشبهات..ويربي عداوة مع ناس ما يعرفهاش كويس وما غلطتش فيه نهائي! وعمرنا ما سمعنا عن بنت ناس محترمة مثلا - بالذات عندنا في الصعيد - تعادي أساتذتها وتسوأ سمعتها كبنت بالشكل الفج ده..مش عارف ليه الموازين والمعايير اتقلبت في زمانا ده..ومش فاهم ليه أحيانا البنت اليومين دول بترخص من نفسها وتضحي بسمعتها بالشكل ده؟!وده الحقيقة بيفكرني بمثل شعبي بيقول: "قالوا للبرص: ليه بتبخ في الحاجة مع إنك ما بتسمش؟! رد وقال: أهو بربي عداوة مع الناس وخلاص"!!ممكن تجيلك يوميا عشرات البرنت سكرين إللي فيها قلة أدب وسفالة وتجاوز وجرأة غريبة (مش طبيعية)..وواضح مين قالها! وقالها فين ولمين! ومين حرضه وليه!..لكن تصبر وتتحامل على نفسك وتكبر دماغك..علشان - بحكم طبيعتك - مش بتحب الأذى لحد ولا عاوز تنزل لمستوى حد..ولا ترضى تتسبب في ضياع مستقبل حد..لكن للصبر حدود.."واتق شر الحليم إذا غضب"! أضعف الإيمان مثلا فيه صور (مش ظريفة) - حسب ما سمعت - بتتاخد لبعضهن عن طريق زملائهم الأشقياء (بالموبايل) - وده بيحصل كتيييير من فترة، لأن الشباب بقوا هما كمان أشقيا قوي (بزيادة) وبيعملوا حاجات عجيبة قوي الأيام دي!! ..فممكن - بالصدفة مثلا - يحصل وتروح للأهل وأولياء الأمور.. ولك أن تتخيل ما يمكن أن يحدث بعد ذلك.. ده غير إن لو حد سألنا عن واحدة منهم (لأي سبب) مثلا.. أكيد - لو هي من النوعية دي - هنقول في حقها "ما قال مالك في الخمر".. لأن البنت المهذبة (المحترمة) ما يختلفش عليها إتنين.. وتحظى بإحترام وتقدير الجميع.. تحياتي ......
#الجنون
#هو...
#٢٨
#أخلاق
#البرص

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=750274

محمود عبد الله : الجنون هو... ٣٢ : السفسطة: إللي ييجي في الفاضية ويتصدر ويتلكك
#الحوار_المتمدن
#محمود_عبد_الله الجنون هو... (&#1635-;-&#1634-;-): السفسطة: إللي ييجي في الفاضية ويتصدر ويتلكك!!الجنون - في أبشع وأحط صوره - لما تلاقي واحد (أي واحد) متسفسط تافه متخلف (عقليا وإنسانيا وعلميا وإجتماعيا وتربويا... إلخ)، يسيب صلب الموضوع - مثلا في مقال كبير وموضوعي والأول من نوعه في طرح قضية مهمة وحساسة لم يتطرق إليها أحد من قبل، أعجب الكثير من زملائنا َوأساتذتنا (الأعلى مني ومنه علما وخلقا ودرجة)، ويركز في خطأ هجائي بسيط (تقريبا ما لقيش غيره) لمجرد إختلافه مع كاتبه!!بصراحة شفت كتييييييييير وقليل في حياتي من تفاهة وانحطاط (فكري - علمي - إنساني - إجتماعي) وفراغ وسوء خلق وموت ضمير وتخلف (تربوي) وقذارة؛ بس زي كده، ما شفتش بصراحة!! مش عارف إللي زي ده بيتكلم بإنها وش أو صفة؟؟ يمكن بصفة إدارية ك(مدير) مراجيح مولد النبي؟! ممكن.. أهه صفة معقولة برضه تعوض الفشل العلمي!! ولو إن فيه إداريين (محترمين) مجتهدين (يشار إليهم بالبنان) وعندهم ماجستير ودكتوراه برضه!! ولا يمكن "درجة علمية" مثلا؟! الناس مطلعة وعارفة وفاهمة.. وأي حد ممكن يروح المكتبة بس ويقارن ما بين رسالة الدكتوراه بتاعتهم ماركة "مشي حالك.. وخير وبركة" إللي واخدينها بالخناق والضغط والبلطجة والدراع وإللي اتهزأ واتمسخر في مناقشتها من قامات علمية كبيرة - ورسالة الماجستير" بتاعتي - (ومش هأقول الدكتوراه لأن مفيش وجه مقارنة أصلا - ولا فخر لإن الشروط والمعايير الإنجليزية موجودة بوضوح وشفافية أونلاين مش سر يعني - ومش شغل دكاكيني مثلا بتاع الجرايد الصفرا الحقيرة إياها إللي جايبة تصريح بكام يورو من قبرص) - إللي ما كانش فاهم أصلا موضوعها إيه ساعتها وفهم بعد سنين طوييييييلة.. الناس والله بتقرا وبتدور على Google.. فلو سكت الواحد منهم وخلاه في حاله، أحسنله لإنه بقى مكشوف (مفضوح) قوي قوي.. ومنظره بقى وحش قوي.. قوي.. آخره يصلح كلمتين بعد التدقيق النحوي والإملائي!!أخلاق Ethics أو دين؟! أبدا.. الواحد من دول تلاقي التدين عنده (إلتزام) شكلي فقط لا علاقة له بالجوهر والمضمون.. وسمعته سابقاه في كل مكان ومفيش حد (عاقل) ممكن يحترم أي واحد (حقير) قذر سليط اللسان.. تاريخه (أسود) بيحاول يجمله بأي شكل - لدرجة إن أي حد يتعامل مع الواحد منهم حاليا، بيلاحظ علطول كم "اللسعان" والعقد والقرف والغرور والتفاهة وسوء الأخلاق وانعدام الضمير!!نجاح "إجتماعي" مثلا؟؟ ممكن الواحد منهم يدعي إمتلاك قدرات إجتماعية (خارقة) وقدرة كبيرة على أسر وكسب قلوب الملايين..ويسخر من أي حد اختار العزلة (أو دايرته الإجتماعية محدودة - بحكم طبيعته - وممكن على فكرة يكون مستريح ومبسوط بكده ومركز أكتر في أي حاجة بيعملها)، ويقعد يتباهى باتساع نطاق علاقاته!! ما يعرفش (المسكين) إن معظم الناس بتكرهه (عمى) وإن الفطرة السليمة تلفظ الشواذ (المنحرفين) غير المستقرين (نفسيا وإجتماعيا) أمثاله..ولو كان في الواحد منهم خير، كان قدر يكسب أقرب الناس ليه.. مش يوم بعد يوم، عداواته ومشاحناته تزيد أكتر لغاية ما هييجي يوم عليه يبقى ماشي يتلفت حواليه!! وبعدين إللي زي ده، أي مكان يروح (أو يقعد) فيه، يكره الناس فيه.. فشل (إجتماعي) ورا فشل.. وفضايح ورا فضايح (تشيب لها الولدان)، والمصيبة إن الواحد منهم لو ما لقيش حاجة غلط في خصومه، يألف عنهم فضايح وقصص (من نسج خياله المريض - ولا تمت للواقع بصلة)!!راقي (ابن ناس) واثق من نفسه؟! مبدئيا، الفقر مش عيب ولا حرام.. كل واحد فينا ممكن يمر بظروف صعبة (وأزمات).. بس ليه الواحد يدور في الدفاتر القديمة ويقعد يشتم ويردح ويعاير ويجرح في خلق الل ......
#الجنون
#هو...
#٣٢
#السفسطة:
#إللي
#ييجي
#الفاضية
#ويتصدر

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=751541

محمود عبد الله : الجنون هو... ٣١ : ظاهرة الكائن الرخوي و-الست اللتاتة-
#الحوار_المتمدن
#محمود_عبد_الله الجنون هو... (&#1635-;-&#1633-;-): ظاهرة الكائن الرخوي و"الست اللتاتة"!!هذه هي إحدى صور الجنون "واللسعان" المملة المقرفة في مجتمعنا المصري.. وحسب أحد المواقع، فإن "الكائن الرخوي" و "الست اللتاتة" أحدث مفردات قاموس (الهرش الإجتماعي) ههههههههههههههه.. والتي تستخدم لوصف الذكور والإناث على حد سواء، والذين تغلب على طباعهم تلك السمات السخيفة (المنفرة).. فتجد الواحد منهم "ممل" (سخيف) بطبعه.. لديه نفس المفردات والعبارات (الثابتة) التي يكررها في نفس المناسبات والظروف الإجتماعية (وكأنه تسجيل يعيد نفس المقطع مع حلول كل موسم/مناسبة)!! فعند دخول الصيف كل عام مثلا، يقول الواحد منهم (أو يكتب على صفحته) نفس التعليق الساخر السخيف (الممل) تقريبا.. وعند دخول الشتاء، يردد نفس الكلام (أو المقرر الذي يحفظه عن ظهر قلب) الذي بات جزءا لا شعوريا من تكوينه وشخصيته الشاذة (المستفزة)؛ وقد لا يتذكر أنه قد كتب هذا من قبل (مرارا وتكرارا) حتى مل منه الناس.. لأن آفة هذا الكائن التافه الإستعراضي (البغيض) المغرور الممل "الغباء والنسيان"!!! ووفقا للموقع نفسه، فإن الكائن الرخوي (الحشري) اللاسع ما يقدرش تعدي ثانية إلا وهو حاشر مناخيره في أي موضوع، يلقي تعليقات تكاد تكون لا إرادية وغير متناسقة مع صلب الموضوع (تعكس نفسه المريضة وطريقة تفكيره القذرة المتخلفة - غير الراقية - الخالية من أي تحضر)!! . وبيبقي يوم إسود اما تقعد معاه في مكان واحد: "أيوه يا عم.. ما إنت ليك ناس وناس".. "مين الأمورة دي إللي علقتلك؟؟ ومين المزة اللي عملتلك قلب علي صورتك؟ .. وليه معلقتيش علي منشوري ولا انتي مبتشوفيش غير الواد ابو عيون خضرا ده؟!" هههههههه.. أما "الست اللتاتة" فهي شخصية بتتواجد بصفة اساسية في اي تجمع عائلي أيا كان أو مناسبة.. ومش لازم تبقى ست (ممكن يبقى ذكر برضه - تشريحيا وبيولوجيا فقط، أما في الطباع والتصرفات، فبيكون ألعن وأصخم من الستات!! ).. بتلاقيه (أو تلاقيها) بتنتقل من موضوع الي آخر بكل رشاقه وليونه وتتوالي (هكذا دواليك) إلي المالانهائية.. في العادة بيكون لسانها زفر شويه ودايما جاهزة بأشهي الوصفات (والتعليقات والتعقيبات).. وكإن ربنا خلقها بس علشان تعلق على خلق الله وتتدخل في تفاصيل حياتهم (وخصوصياتهم) وكأن ده واجب (وطني) لازم تأديه لخدمة البلاد والعباد (مع إن الناس بتبقى زبلاها ومطلعاها من دماغها وما حدش طلب منها تعلق أو يهمه رأيها الشاذ المتحامل أصلا!!) . ما بتسبش حد (قريب أو بعيد) إلا لما تلسن عليه وتجيب سيرته.. عروقها دي بيجري فيها كرات دم حمرا، بيضا والسجل المدني. بيبقي يوم اسود لو رديت عليها في التليفون هتلاقيها بترغي معاك في حاجات ملهاش اي تلاتين لزمة. من الآخر: إنك تلاقي لحظة صمت وسطهم، فده أصعب من الطريق الي إيلات!! هههههههههههههههههههههههخالص تحياتي ......
#الجنون
#هو...
#٣١
#ظاهرة
#الكائن
#الرخوي
#و-الست
#اللتاتة-

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=751540

محمود عبد الله : الجنون هو... &#1635&#1635 : الزميل الرخم الناقص الذي ينفر ويهدد
#الحوار_المتمدن
#محمود_عبد_الله الجنون هو... (&#1635&#1635): الزميل الرخم الناقص الذي ينفر ويهدد!!وهو صورة من عدم النضج تجدها في بعض زملاء العمل (غير الأسوياء) الذين ينقلون لك الإحساس بأن عملك (على كف عفريت) وأنك مهدد بالفصل لأهون سبب!! من يومه، يبقى الواحد من دول عامل زي "الكومانده" إللي ماسك عصاية لزمايله الأحدث والأصغر منه.. كل كلامه تهديد ووعيد.. علشان ينكد عالناس... وينشر القلق والإحباط والشحناء والبغضاء.. علشان هو أصلا من النوع إللي "كاره نفسه".. بدل ما الواحد من دول يقولك مثلا: "أبشر ولا تقلق.. وإن شاء الله خير" زي الناس (الراقية) .. يقولك (لو قصرت في موضوع ما أو تغيبت عن إجتماع لظروف سفر أو لعذر قهري): "الموضوع مطروح.. الموضوع مثار حاليا.. وهتتفصل من العمل يا.......هتتفصل يعني هتتفصل"ههههههههههههههه كائنات غريبة فعلا.. ده حتى لما يكبر.. ممكن يرجع للحركة الواطية دي.. ويقول لزميل (ما يفرقش عنه كتير في الدرجة) كلام من قبيل: "مش معنى إنك مستمر في عملك أو مكانك، إن خلاص كده.. الأمور ماشية طبيعي"!! مش عارف إيه الناس دي؟؟! واحد من النوعية دي حب يعملها معايا (وإحنا معيدين صغيرين) علشان تغيبت عن إجتماع لظروف سفري للقاهرة للبحث والإطلاع: "طيب.. هتتفصل يا محمود.. الموضوع مثار حاليا.. عند العميد.. علشان تغيب براحتك".. ساعتها خرجت عن شعوري وبستفته بكلمتين (علشان أحط حدود مع الأشكال الواطية دي).. فقلتله: "وإنت مال أهلك؟ أتفصل أتفصل ما لكش دعوة.. خليك في حالك إنت.. وكله بأمر الله.. ما تعملش عليا كبير".. ما كفاهش العك إللي عكه معايا زماااان (وبحاول أنساهوله) على أساس إننا كبرنا خلاص (في السن والدرجة العلمية) ، جاي يعك تاني بنفس الطريقة.. ده مرض.. إيه الناس دي؟؟ تفضل كده مهما تلف وتسافر وتكبر.. ما تتعلمش (الرقي) أبدا.. حاجة تقرف!!!هما اتنين أعرفهم فيهم الخصلة الزبالة دي.. بيصورلهم غرورهم إنهم يقدروا يعرفوا مصاير الناس ويلقحوا كلام من قبيل (ده قرب يتفصل).. وهما الإتنين أخدت معاهم موقف شديد وحاسم وحطيت بينا حدود (بدري بدري) علشان ما حدش منهم يعمل ريس عليا أو يفكر يتجاوز حدوده معايا (حتى لو مسك رئيس جامعة)!! مش عارف إيه المرض ده؟؟ إيه الرخامة دي؟؟ إللي زي دول المفروض يكونوا انقرضوا خلاص.. لكن لله حكمه.. يمكن علشان يورينا قد إيه إحنا طيبين وعلى الفطرة وسط البشر دي؟!! أعوذ بالله... ......
#الجنون
#هو...
#&#1635&#1635
#الزميل
#الرخم
#الناقص
#الذي
#ينفر
#ويهدد

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=752354

رمزى حلمى لوقا : ظُلِم،أمّا هو......
#الحوار_المتمدن
#رمزى_حلمى_لوقا ظُلِمْ .. أمَّا هُوَ……( ذاتية )،،،،،،،،،هَل تَرَاءَى لِلحاسِدِينَ انشِطَارِي أم تَغَمُّوا فِي وَجهِيَ المُستَعَارِ!؟،،،كَذَّبُونِي والصِّدقُ مِلءُ اصطِبَارِي واستَهَانُوا بِحُرقَتِي وانصِهَارِي،،،كُلُّ جُرحٍ مِن مِديَةٍ فِي يَدَيهِم لا عَلَيهم ….إنِّي اعتَزَمتُ انتِحَارِي،،،قَد تَرَاضُوا فِي قِتلَتِي واستَبَاحُوا كُلَّ إرثٍ مِن عِزَّتِي وافتِخَارِي ......
#ظُلِم،أمّا
#هو......

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=754407

عبد الحميد فجر سلوم : هل ستدفعُ سورية ثمنا للصراع الأمريكي الروسي في أوكرانيا؟. وما هو؟.
#الحوار_المتمدن
#عبد_الحميد_فجر_سلوم أشرتُ في مقالات سابقة أن الحرب في أوكرانيا ستنعكس فوق الأرض السورية، وأنها ستُسرِّعُ من المخططات الأمريكية في منحِ استقلالية لمنطقة الحكم الذاتي التي تسيطرُ عليها "قوات سورية الديمقراطية" المعروفة اختصارا بـ "قسد" ..الاعتراض التركي على ذلك يبدو سيتمُّ حلُّهُ .. كيف؟. في السياسة لا أحدا يُعطي دون أن يأخذ.. ونعرفُ أن تركيا كانت مُعارِضة لانضمام فنلندا والسويد لِحلف الناتو، إذ أنها تتّهم هاتين الدولتين بتأييد حزب العُمال الكردستاني (بي كي كي) واستضافةِ مُعارَضَةٍ كردية تتهمها تركيا بـ (الإرهاب) .. ولكن ما إن اجتمع وزراء خارجية الناتو في برلين يوم الأحد 15 أيار 2022 (وكان بينهم الأمريكي والتركي) حتى تغيّر الموقف التركي وصرّح وزير خارجية تركيا (مولود تشاووش أوغلو) : (أن تركيا لا تُعارض توسُّع حلف شمال الأطلسي، ولكن من غير الممكن أن تقبل تقديم الدعم للإرهاب.. وأنه على الحلفاء تقديم ضمانات أمنية فيما يتعلقُ بدعم الإرهاب وحزب العمال الكردستاني)..والسؤال: اين سيتمُّ تقديم هذه الضمانات؟. الطبيعي أن يكون ذلك في شمال سورية وعلى حساب وحدة الأراضي السورية.. وذلك بالتسريع في عملية "الفدرَلَة" التي تُخطِّط لها أمريكا منذ زمنٍ، ولكن هذه المرة بالتنسيق والاتفاق مع تركيا ذاتها، والتي كانت بالماضي تعارض قيام أي كيان كردي على حدودها.. إلا أنها اليوم قد لا تُعارض، وذلك بقيام أكثر من فيدرالية في الشمال السوري، فيدرالية للأكراد في المناطق التي يسيطرون عليها، وفيدرالية في المناطق التي تسيطر عليها تركيا، في شمال شرق وشمال غرب حلب.. وقد تكون هناك فيدرالية في إدلب(خاضعة لنفوذ تركيا أيضا) أو يمكن ضمُّ إدلب للفيدرالية الثانية، في شمال شرق وغرب حلب.. بعد توحيد كافة القوى المتواجدة على تلك الساحة، كما حكومة المُعارَضة، وحكومة الإنقاذ، وإدماج كافة القوات العسكرية مع بعضها، فيما يُسمّى "الجيش الوطني" الذي كان يُعرفُ سابقا (بالجيش الحر) وأعادت تركيا هيكلتهُ في أيار 2017 تحت عنوان ( الجيش الوطني) .. والمُكوَّن أساسا من معارضَة سورية في غالبيتها تنحدر من أصول تركمانية.. وهو يتبع نظريا للحكومة السورية المؤقّتة (حكومة المعارضَة) ولكن عمليا يتبع لتركيا بكل شيء، حتى في الرواتب والمعاشات والأوامر، عدا عن التسليح والتدريب والتمويل وسواها..ويُقدَّر عدد أفراده بحوالي 110 آلاف مُقاتل.. حسب مصادر المُعارضَة.. ولا سيما أن تركيا قامت في تشرين أول/أكتوبر 2021 بِدمجِ سبع فصائل مُسلّحة لهذا الجيش ضمن تكتُّل عسكري جديد اسمهُ (تحالُف ثائرون)، ويضمُّ 30 ألف مُقاتل، بهدفِ إنهاء الحالة الفصائلية وضبط الأمن والاستقرار في مناطق المُعارضَة، وتحت راية "الجيش الوطني" وبقيادة موحّدة وغُرفة عمليات موحّدة..وإن ما قامت فيدرالية بين مناطق "الجيش الوطني" ومناطق إدلب التي تسيطر عليها (هيئة تحرير الشام) أو (النُصرَة سابقا) فسوف يزيد عدد مُقاتلي "الجيش الوطني" بِضمِّ مُقاتلي (هيئة تحرير الشام) الذين يُقدَّر عددهم بثلاثين ألفا، وهناك أرقامٌ تقول أنهم نصف هذا العدد فقط..**يبدو أن أمريكا باتت تتّخذ الخطوات الملموسة للفدرَلة في الشمال السوري.. مدفوعةٌ هذه المرّة بإرباك الجانب الروسي، وخلقِ واقعٍ جديد على الساحة السورية لا يكونُ لروسيا فيه أي دور.. ومُستغلّةً انشغال روسيا في أوكرانيا.. وضعفُ التأثير الرسمي من جانب دمشق في سيرِ الأحداث.. فالولايات المتحدة وبعد العملية العسكرية الروسية في أوكرانيا، أرسلت وفدا كبيرا إلى شمال سورية، والتقى في 16 آذار 2022 بقائد قوات سورية الديم ......
#ستدفعُ
#سورية
#ثمنا
#للصراع
#الأمريكي
#الروسي
#أوكرانيا؟.
#هو؟.

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=756252