ميسون نعيم الرومي : گلّي وين
#الحوار_المتمدن
#ميسون_نعيم_الرومي غربه بيك اونبقه غربه - شوگ حسره اوهم حنيناشگد عزيز اوانت كلشي - انت قبله وانت دينهم اجيتك .. ما لگيتك - گلبي عندك ظل رهينعيني ليك اودوم تربي - ابإذني صوتك چن رنين روحي چنهه اطوير طاير- ايحومي تايه مـِنْ سـِـنينادموعي وآنه اشگد بچينه - ابگلبي حـُبك چن ونينهذا عمري كلـَّـه ينزف - لكن انت اشگد ضنينليل طوَّل صبحه ضايع - وآنه اعدَّن بالسنينروحي طاحت ضيعتهه - إنت وينك .. گلي وين؟ عمري عمرك ما يـِـضـَوَّن - ياگـمـر ليـلي ســـــجـيـنالبـِعـِـد دولبـنـه كافـي - اشبعنه يحبيب سحينالحزن .. محزونه روحي - *(مو حزن لكن حزين)-غربه بيك اونبقه غربه - غربتي ابروحي حنينوانت رايح .. گلي وين؟يا وطن .. گلي وين؟--------------------------------------(مو حزن لكن حزين)-العجز يعود الى شاعر العراق مظفر النواب-------------------------------------3 / كانون الثاني / 2022ســــــــــــــــتوكهولم ......
#گلّي

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=742797

ميسون نعيم الرومي : ميلادي اويه المسيح
#الحوار_المتمدن
#ميسون_نعيم_الرومي ميلادي اويه المسيح الناس محتفلهمشــتهـيه (العـراق) البيت والنخلهيابيـت الأهل يالطشــت اصحابـهغصبـوه الغـرب نهـبـِـتـَه النهابـَه****غصبوهه الأرض واسنين باگوههضحكات الأهـل يا عـيني خنگوههيا دار الأهـل يالتطلب (العـونـَـه)-اقـتحموهه غـصب سراق ملعونه***چا ويـن العـدل يا ناس والقانـون ؟يمته الخلاص اويمته ربي اشلون ؟يا دار الأهـل يا (يمَّـه) يا (يابـَه)-يا ظلم (القـدر) ما ندري اسبابه***سـحگوه الورد والثـيـله داسوههصلبـوه النخل والنبگه گصوههيا دار الأهل يا حـَـقـْـنه يالمسلوبعقدين انگضن ! چا يمته يا مهيوب ؟***رحنه (للوطن) وانريد نرجع غادلا دار البقت .. لا عدنه ناس اشدادالمن نشـتـكي شو نايم القانـون !!ما عدنه حزب .. يا وطن گلي اشلون؟يا وطن گلي اشلون؟؟----------------------------------------------*اقصد بيتنا الذي اغتصب من سنة 2004 لحد الآن-------------------------------------------------كانون الثاني/2022ســـــــــــــــــتوكهولم ......
#ميلادي
#اويه
#المسيح

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=743728

ميسون نعيم الرومي : خرّي مرّي يوميه
#الحوار_المتمدن
#ميسون_نعيم_الرومي لا شرقيه اولا غربيهحمره اوخضره او ورديهنشلـَع نقـْـلع ..تحچي ؟ تمشي؟ لو نسكت عنهه اشويه ؟المجرب ما يتجرب ..عتگت ؟لو صارت خرده اومنسيه ! او كوثراني متگاود وي قآني..خري مري يوميه***زيباري اوصالح ..خدموا كلش !أمان الدوله ..او محميه !!الدستور ايهلهل فرحاناشحده اليخترقه .. بالعلن اوبالسريـّهسفارات انواع اشكال اتحضرنه حضاره كونيهبالديره تلعب جاراتخري مري يوميه***القضاء امصنصل معروفمشهور ابعدله .. خطيه !ايحاسب كل مجرم سارقيترصد بيده عوچـيـّهبالعـِـلـِم امسلـَّح هيبه ..شهادات التشهد لبنانيهمحروسين امن العين اسم اللهحرگي حرمل يبنيه***البرلمان العدنه .. مسرحتابعـْـنه اوشفنه التمثيليهو(الريس) ردّ ابزودهصَفـَّه خلافاته الشخصيهرئيس الدوله ايمطگيتوسل بازياراته المنكوكيهامبارك يعارق اوشعبكدنيانه صارت مضويه-------------------------------18 / كانون الثاني/2022ســـــــــــــــتوكهولم ......
#خرّي
#مرّي
#يوميه

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=744194

ميسون نعيم الرومي : تدري اشكثرعانينه .. ؟
#الحوار_المتمدن
#ميسون_نعيم_الرومي احنه الطشنه الوكتاحنه التاهت مراسينهاحنه النموت ابسكته وبلا حس ..والعشنه غرب .. اوبين المگابر غرب .. والزمن ناسينهاحنه الهـِـمـْـنـَه بين الدول .. والمحـَّـد علينه سألتدري اشكثر عانينه ..؟***احنه الكتبنه ع الزمن .. قصص واسوالف حزينهنضحك بالچذب .. من حرگة البينهاحنه العشگنه النخل .. والوادي ويه الجبلوالهور ابگصبه والبردي .. احنه الندري .. بس ما ندري !احنه الحبينه السمه والگمر وانجومهوابدمنه عاش الوطن واهمومهاودجله اوفرات الغنه غناوينهتدري اشكثرعانينه .. ؟***احنه انخلقنه ابوطن ماشاف راحه ابيوميحكمه رعاع اوصغار القومبي تنهش دول واتبوگ ثرواتهعايش ع الكفاف اشكثر عازاتهامحسر يشعبه بالفگر والموت والينهاحنه الخطيه المانعرف خطايانهتدري اشكثرعانينه .. ؟***احنه البـَـيـَّـن علينه الكبراحنه الضاع من عدنه العمراحنه الخلص بينه الصبراحنه البـِـلـَعـْـنه البحراحنه البينه ضاگ السفراحنه الماعدنه جوازاتاحنه الوگفنه ع السفاراتاحنه البلدنه باگته الجارات ..واتسيد الجاهل والغبي والعاراتاحنه الولدنه مساكين .. احنه الماعدنه عناويناحنه العراقييناحنه خطيه اومانعرف خطايانه ..!-----------------------------------------------------22 / كانون الثاني / 2022ســـــــــــــتوكهولم ......
#تدري
#اشكثرعانينه

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=744604

ميسون نعيم الرومي : كنت في بغداد الحلقة الحادية عشر
#الحوار_المتمدن
#ميسون_نعيم_الرومي ترددت كثيرا قبل ان اكتب الخاتمة لزيارتي الى بغداد التي كانت سنة2017 ومن عاداتي أن لااترك اوابقي موضوعا معلقا مهما طال الزمن اذ يجب ان اضع نقطة للبدأ بسطرآخر وببداية جديدة،اليوم قررت ان اكمل ما بدأته قبل حوالي اربع سنوات وكما ادناه:-ان السلوك الاجتماعي هو مجموعة القيم التي تعارف عليها المجتمع في التعامل الحياتي وتكون اما سلبية او ايجابية متأثرة بالعوامل الأجتماعية والسياسية والأقتصادية والبيئية والثقافية والتي تتغير اثناء التطور او النكوص المجتمعي في فترة ما ، متأثرة بالعوامل الخارجية والبيئية والسلوك السائد بين الناس ، في تلك الحقبة من الزمن.هناك مشاعرمتضاربة تولد مع الانسان وتتطور في داخله لتقود سلوكياته ايجابا اوسلبا وحسب النضج الثقافي والبيئي الذي يكبح الشر ويقوم بتهذيب النزعات الشريرة لتصل الى النضج في الشخصية وانتصار الخير في الضمير الانساني. عند زيارتي الى بغداد لاحظت تغيرات كثيرة في السلوك الفردي لشريحة لا يستهان بها وفي مختلف المستويات الثقافية ، والتي تتميزبالنزعة الإستبدادية المتآتية من المزاجية المرتبطة بالمنفعة الشخصية والمأطرة بالتهور واللآمبالات والإستخفالف بكل القيم الأخلاقيةوعدم الإكتراث واحترام الآخروالانجرار وراء ارهاصات داخلية تنعكس بسلوكيات عدوانية غريبة تصل الى حد التهور والتجريح ، دون الافصاح للمقابل عن سبب كل هذه السلوكية المعيبة ، واللآ اخلاقية (اتشوفه ايخزرك بحقد وايبحلق ابغضب وايفوت ميسلم ونافخ نفسه مثل الفسيفس عبالك ملك زمانه) (وشخص يثور ويصرخ ويفقد اعصابه شنو السالفه الله اعلم) ليبقى الآخر في حيرة من أمره يراجع نفسه عما بدر منه وماذا جرى ، ليصل في النهاية الى انها مجرد غيرة او حقد او كراهية اوكما اعتاد البعض ان يجد ضحية يصب عليها جام غضبه وفشله وقلة اخلاقه ، شخصيا تعرضت لهذين الموقفين والى الآن لا اعرف السبب الحقيقي لتلك الارهاصات المريضة ، ارتأيت ان ادون ذلك لا لسبب او غاية انما لكي لا انسى .هناك موضوع آخر احببت ان ادرجه في الحلقة الأخيرة لاختتم ما كتبته عن زيارتي الى بغداد والذي لا ادري ماذا اسميه واترك القارئ الكريم ان يصنفه تحت احد المتغيرات التي حدثت للشعب العراقي وحسب معرفته لأني لم اواكب كل هذه التغيرات الا عن بعد ومن خلال الأخبار وما قيل ويقال وصدمت بها فعلا -(شنسوي صرنه غريبين وتاهت علينه اهوايه اشياء زينه وشينه) السالفة بدأت ولم تنتهي لحد الآن... وهي اني قررت ان اطبع ديوان لمجموعة من نصوصي في الشعر الشعبي اثناء زيارتي الى بغداد وبتشجيع من اختي الأديبة ابتسام التي رشحت لي احد دور النشر في المتنبي والتي اعتادت ان تطبع كتبها لديها ..في يوم من أواخر شهر آذار سنة 2017 توجهت واختي الى دار النشر المعنية والتي تقع في أحد فروع (درابين) شارع المتنبي ، استقبلنا صاحب الدار بوجهه الباسم الذي يشعرك بالهدوء النفسي والحميمية والطيبة العراقية التي تجبرك على ان تصدق كل كلمة يقولها وتعتبر وعوده سندا موقعا في دائرة الطابو، ولن يخطر في بالك يوما انه سوف يحيد قيد انملة عن كل كلمة يقولها مهما كلفه الأمر، عرضت عليه الأمر وكيف احب ان يصدر ديواني المسكين وبعد المناقشة والإتفاق على ماهية الديوان وكلفته سلمته جزءا من المبلغ ولم اسلمه كل المبلغ كما نصحتني (اختي التي اعتادت ذلك) وكانت هي ايضا تنتظر كتابها الذي كان تحت الطبع وقد استلم مسبقا كامل الدولارات المتفق عليها ، وعدته ان اسدد الباقي حال اصدارالديوان كما هي الأصول المتبعة في جميع انحاء العالم ، وبدوره وعدني ان يكون كل شيء جاهزا خلال اسبوع ......
#بغداد
#الحلقة
#الحادية

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=745083

ميسون نعيم الرومي : من هنا بدأت مأساة العراق
#الحوار_المتمدن
#ميسون_نعيم_الرومي أيام وتحل علينا الذكرى (59)لانقلاب شباط الأسود ، ذلك اليوم المشؤوم ، يوم اغتيلت الفرحة الوحيدة لشعب عانى البؤس والشقاء والإضطهاد قاسى الحرمان لعقود طويلة ، ذكرى انتكاسة وطن شهد له التاريخ أولى الحضارات وأقدم الثقافات ، أول من خط الحرف وسن القوانين . بدأت الإنتكاسة في 8/شباط/1963 واستمرت الى يومنا هذا وبمختلف أشكال التعسف والظلم والتخلف والتهميش .في ذلك اليوم اللعين اغتيلت ثورة الشعب ثورة 14 تموز على ايدي شرذمة دموية ظالة منفلتة بمساعدة (جمال عبد الناصر ومباركة امريكا) ، لتسرق أمل ومستقبل شعب تطلع أن يعيش حياة حرة كريمة كباقي شعوب المعمورة ، في وطن ملىء بالثروات والخيرات .حثالة أوغاد حاقدين انتزعت من قلوبهم الرحمة والإنسانية خطفوا الشبيبة الواعية ، الآف من الشباب بنات واولاد رجال ونساء لم يبق في البيوت الا الأطفال والعجائز ، وكادت الدوائر والكليات والمعامل ان تخلوا من روادها ، ليزجونهم في دهاليز الموت ويمارسون عليهم انواع التعذب الجسدي والإذلال النفسي ، ربما ليشبعوا ارواحهم الشريرة بارتكاب ابشع (حمام دم) عرفه التاريخ الحديث ، لا لسبب سوى انهم ارادوا ان يجثتوا الفكر الحر، ناسين ان (الأفكار لا تباد ولن تموت) .علما أن الكثير من المعتقلين أتوا بهم من السجون إذ كان (عبد الكريم قاسم) قد اعتقلهم بعد أن انقلب على أصدقائه وبدأ التودد والتزلف الى اعدائه .ارتأيت ان اختار لقطات مما حصل في تلك الأيام العصيبة من ممارسات التعذيب على شعبنا المنكود في دياجير الظلام ، والذي قرأته في كتاب (طوارق الظلام) ، فية نقلت الكاتبة جزءا من الممارسات التي شاهدتها والتي مورست معها شخصيا ، حيث انها كانت احدى نزلاء (قصر النهاية) و(ملعب الإدارة المحلية) ثم (سجن النساء) ، بالرغم من انها لم تكن قد بلغت سن الرشد القانونية في تلك الفترة المرعبة .حاولت ان اقرأ كتاب طوارق الظلام (والذي اعتبر كمرجع في المكتبة الوطنية) وكنت قد قرأته سنة 2005وركنته بين الكتب الأخرى اتحاشى حتى النظر اليه ، لأني اصاب برعشة في جسدي كلما فكرت الرجوع لتصفحه مرة اخرى ، واليوم قلبت بأوراقه لأنقل لكم مقتطفات اخترتها من ما ورد في ال 180 صفحة مما روته الأديبة (ابتسام الرومي) ومن ابشع ما يتصوره العقل البشري من ممارسات التعذيب والتفنن بهذه الممارسات الآإنسانية وكما أدناه:-قصر النهاية كان قصر النهاية يتكون من طابقين تحتهما سرداب ينز بالماء الآسن شتاء ثم السطح الذي يضم ثلاث غرف صغيرة أو متوسطة الحجم. في البداية استعملت كافة غرف الطابق العلوي وغرف الطابق الأرضي للتعذيب أما الطابق الأرضي فقد كان غير مهيأ للاستعمال حتى منتصف آذار.....كانوا يلقون في السرداب المعتقلين الذين يعانون من تمزق وتقرح في أجسامهم لغرض الإمعان في إيذائهم في ذلك المكان المملوء بالماء القذر والحشرات المختلفة . إن أغلب من ألقوا في ذلك القبو لاقوا مصرعهم خلال فترة قصيرة من تـواجـدهـم في ذلك المكان وذلك لإصابتهم بمرض الكزاز أوالگنگر&#1740-;-ن . ربما لم يشارك جميع من ذكرت أسماؤهم في عملية التعذيب لكن من المؤكد أنهم جميعا كانوا يشرفون على عملية تصفية الحزب الشيوعي بما فيها تعذيب وقتل الشيوعيين، وقد استخدموا مختلف وسائل التعذيب وأكثرها بشاعة مثل : سلخ الجلد، التعليق بالمراوح السقفية بعد ربط اليدين إلى الخلف أو التعليق من الأرجل، قلع العيون، قلع الأسنان بواسطة البلايس، قلع الأظافر، إدخال الدبابيس والإبر في مختلف أجزاء الجسم، الضرب بواسطة الكيبل من قبل عدة أشخاص وفي وقت واحد، الكي بواسطة السكائر لمناطق ا ......
#بدأت
#مأساة
#العراق

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=745793

ميسون نعيم الرومي : جدو .. فـرح
#الحوار_المتمدن
#ميسون_نعيم_الرومي إهنا يـَـمـَـن چـَـنـَّـه العسل – چكليت لونـَـه يابـَـهشـَـعـْره محابس من ذهب – تسبي سـَـبي أهدابـَـه(جـِـدّوْ) إلـَه يتـْـنـَـطـّـرَه – يالأغـله كل احبابـهكل الوكـت گـلبـَه يـرف – والحـب إله أســبابهإهنا يمنإهـنا يمن كـل الهـَـله – كاكاو،عـَـنبـَـر لونـهما ينوصف حسنه حلو – امصفط الليلواسنونه(جدو) فرح لمن سمع – اسمه انحفظ خيعونه أمنيته صارت صدگ – (والخاله) هم ممنونهإهنا يمنجدو كشخ ناذر نـذر – ايجهزله كل اهـدومهچربايه وافراشه او لـُعـَـب – نوم العوافي نومه(كلشي اوكلاشي) اوذهب – من عدهه جايب كومهمشـهورجدو بالكـرم – من حقه ياهوايلومهإهنا يمن---------------------------------------------------------------شباط/2022ستوكهولم ......
#فـرح

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=747500

ميسون نعيم الرومي : اهنا يمن كل الهله
#الحوار_المتمدن
#ميسون_نعيم_الرومي اهنا يـمن كل الهله – غياب غـَـفـْـله جـونـَهفزت الروح اوهلهلت – كل الهله اوممنونهالورد بخـدوده غـفـَه – لون السـمه بعـيونهابشعره الشمس ظفرت خصل – تتغاوه بي مفتونهاهنا يمناهنا يـمن ميـَّة هـله – بالغايب اوجاي النهفـرحه الچبيره بالعمر – يطويـر من جـنـَّهمن يحچي صوته سحر – وامطرز ايده ابحنـَّهبعيونه نجمة صبح – والضوه الهـَـل منـَّهاهنا يمنمشهور عيني بالوفه – هذا العراقي الطيبما يـنـْـسَـه اصله أبـد – لهله يحن واحبيبواشما بعد بيه الوكت – اگليبه يرف لو شيبالدجله والمايه العذب – لجذوره دومه اگريباهنا يمن-----------------------------------------23/شباط/2022ســـــــــــــــــتوكهولم ......
#اهنا
#الهله

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=747938

ميسون نعيم الرومي : بغداد عاشگها النهر
#الحوار_المتمدن
#ميسون_نعيم_الرومي بغداد عاشگها النهرحاضنها كلها ابطولههيغسل شعرها اوينثرهوالگذله وي ازلوفههالشمس متعنيه تجياتصبح عليها اتبوسههبغداد ابد ماتنسبيعصيه دوم ابزودههابنيات او ولدها احلفوامحد يفك احجولههلموا انجوم السمهوالگمر ضوْه اجفوفههباچر تهب تنتفضتغسل ارضها اشطوطههبغدادبغداد عاشگهه النخللونه لمع باعيونههيا حلوه يالكلهه غوهغربت شمس بخدودههخستاوي برحي الرطبدبس حلاته اشفافههكرخ اورصافة والجسرداير زندهه اسوارههبغداد ايلوگلهه الشعرموسيقى او طرب يحلالههبغداد يا ام العلمبابل اوسومر أكد اجدادههبغداد ماتحمل حزنفرحانه دوم ابروحههبغداد ياعمر الأزلالعالم ضوه من نورههباچر يهب الشعبايحرر ارضهه او مايههيقاضي من خان الوطنايرد الفرح لعيونههبغداد-----------------------------1 / آذار/ 2022ســــــــــــــــــــتوكهولم ......
#بغداد
#عاشگها
#النهر

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=748514

ميسون نعيم الرومي : حامي الحـِـمـَه
#الحوار_المتمدن
#ميسون_نعيم_الرومي نص الشباب امكبسله دمروا ولدنه السفله-(صالح)(الكاظمي) حامي الحمه صفقة فساد امعدّلـَهتاجر مخدرات ايحررهواچماله (ضابط) يا هلهابن (المحافظ) هرَّبـَه-(دستور) صاير مهزله***لـمـَّوا شباب ابلا ذنبلسجون بيهه امتلتلهتنظر بامرهم واجبكوالمنهم بريء اتكفـَـلهيا ويلي يا ولد الخايـِـبـَهصرتوا سلع بيع اوشرهامصايب أبد ما تنحچيمشتركه كلهه بالجره***أغنه بـلد بالمنطقه-(اعراقنه) الصاير مزبلهلا شارع امبلط لا مدرسهلا مشفه لا خدمات..جاكم بله-(ملياردير) واحدكم صفهالبوك ياهــو الحلله؟؟؟كلمن (امغلس) منتچيحصته ضمنهه امكملله***ترفل ولدكم بالدولبالخير متنعمه امدللهولد الشعب عيني امحسرهشفــتـوا عداله امظلله ؟شهادات كلهه امزورهخيبتكم چبيره امجلجلهلحســاب باچـر يجيروح اقره (تاريخ) اسألهروح اقره (تاريخ) اسأله----------------------------------3/آذار/2022ســــــــــــتوكهولم ......
#حامي
#الحـِـمـَه

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=748787

ميسون نعيم الرومي : 8 آذار الى المرأة في عيدها
#الحوار_المتمدن
#ميسون_نعيم_الرومي (8/آذار)الى المرأة في عيدها كل النسـاء اليوم جاي آنـه اهـَـنـّينور اوترافه اوخير.. للمرأه اعني***المـرأه ام الناس والحـضن دافـيعدهه الأمان اوحب والگلب صافي***المرأه هـيـَّه الخيـركـلهه مروَّهاختك سند يحميك والخوَّه خوَّه***أمك تظل تتناك لو غبت عنههتغفرلك الزلاّت ماتـدري چنهه***الأم دوه للروح فدوه الإسمههالجـَـنـَّه گال الله جـوَّه رجـلهه***مو انتي تـنـذلين انتي الأبـيـّهگلبچ چبيراهواي گلب (النـبـيـّه)-***المرأه رفعة راس مو أبد عـَـوْره المرأه وكت الضيج للوطن ثوره***لا أبد ما ترضين سلعه تصيرينبالعلم والتصميم انتي تكـبريـن***-(بالعلم) تتنوريـن يعـْـلـَه مقامچمو جاريه ترضين وانتي ابمكانچ***تاج الشعر ع الراس امن الله هديهجوَّه الچتـف نثريه وانتي الأبيـّه---------------------------------8 / آذار/ 2022ســـــــــــــتوكهولم ......
#آذار
#المرأة
#عيدها

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=749235

ميسون نعيم الرومي : بغداد يا عشگ الأزل
#الحوار_المتمدن
#ميسون_نعيم_الرومي -(بغداد) يا عشگ الأزل – شوگ اودفو بحضانههكل شارع اوبيت اودرب – ريـحة وفـَه باعـْطافههوالنخـله وي طرت الفجر – اتشـع بالدفو انفاسهه-(فختايـه) والبلبـل غـرد – نورس حمام اصحابههوالناي للشـاطي يحـن – وكت العصر يـحلالهه***يا (دجله) عشگـتهه الشمس – تغـْـفـَه تنام ابمايههوالگـمـر ليـليـّه يجي – فضـَّه يطـِش وابگاعهـهقـدّاح واقـرنفـل ورد – عـِطـْره يـِـفـِح بكتارههميـوَتـْهه وامخضر طـَعم – مثل العـسل اعنابههوالگاع لو نـَـثّ المطر- ريحة عـِـطر باترابهه*** بساتين النخل ما تنوصف – تلمع ذهب ارطابهه-( بغداد) حـلوه امدلله – لگعـِد واحني اجدامههأم (النبايه) ابكل زمن - انجوم السمه خلخالههبالشـَعر تتباهه اوتـِنـْـثـِرَه – لون الكحل,, لجتافههكرخ اورصافه اوالجسر- عيون (المها) ابنياتهه***-(بغداد) أمّي اوهلي – ابروحي تنز اجراحههيحبـيـبه طال الظلم – ضيم الچـثـيـر الصابههحلوه ، أبـيـّه ، امعدّله – لفـَّـت ولدهـَه ابشـالهه-(بغداد) مرمرني البعد – روحي تحومي ابابههيمته الخلاص اشوكت؟ – ضحكه ترد لشفافههضحكـتهه ترد لشفافهه------------------------------------------20/آذار/2022ســـــــــــــــــــتوكهولم ......
#بغداد
#الأزل

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=750492

ميسون نعيم الرومي : مطار بغداد الدولي بيت الحمام -
#الحوار_المتمدن
#ميسون_نعيم_الرومي حملني شوقي الى بغداد زائرة وكلي أمل ان ارى بعض من ازدهار وتغير قد حصل خلال الخمسة سنوات التي مضت على آخر زيارة لي كي تقرعيني ويرتاح قلبي.ها أنا بين احضانها سائرة ، ادور في شوارعها ، دروبها ، حاراتها ( ودرابينا ) .. كأن الزمن قد توقف ولم يمر كل هذا الوقت .. كل شيء على ماكان عليه إلا بعض من تداعيات الزمن التي تركت آثارها ... مبانيها شاخت وبانت عليها آثار السنين .. شوارعها لازالت كما تركتها تبكي الإدامة والإكساء .. وزادها بؤسا التغير المناخي والعواصف الترابية التي أبت الا ان تحجب سماء بغداد بين يوم وآخر تقريبا ، لتنثرالعذاب والشقاء على اهل بغداد الطيبين.حمدت الله في سري ان بغدادنا لا تقع على خط الزلازل والهزات الأرضية ، فان هزة خفيفة سوف تتركها انقاضا وركاما .كنت قد كتبت عن بغداد 11 حلقة في زيارتي السابقة واليوم سوف لن اكرر واعيد وذلك لأني (مثل ما تركتها لگيتها) لا تغيير يذكر.. فارتأيت ان اكتب عن مطار بغداد الدولي .مطار بغداد الدولي :- اسم كبيريحمل السامع على تخيل ما يروق له من فخامة وانضباط ورقي يضاهي في فخامته المطارات العالمية اوعلى الأقل مطارات العواصم المجاورة ..لعلي أجده قد تطور قليلا عما كان عليه قبل أن أغادره منذ خمس سنوات .ها أنا في المطار بعد أن انتهت الخمسة أسابيع وحان موعد العودة ، وقفت أسلم حقائبي وأستلم تذاكر العودة لأدخل صالة المغادرة ، أخذت مكاني بين المسافرين في القاعة المكتظة بالجالسين ، كل ينتظر طائرته التي تقله الى مبتغاه .نظرت حولي :- صالة بان عليها وعلى مقاعدها القدم .. أمامي السوق الحرة التي تستحق العطف ، (دكان ) صغير بضائعه تثير الشفقة ، سحبني هذا المنظر لأستذكار مطارات الجارات ، (الأردن مطار الملكة عالية )، (تركيا مطار أتاتورك) .. أخجلتني المقارنة وملأت قلبي ألما وحسرة .. عدت أنظر حولي وإذا بمجموعة من (طيور الحمام) تتجول بين المسافرين باطمأنان وتدور بحرية وهدوء بين كراسي المسافرين ( مدري اضحك مدري ابچي ) ...طبعا نحن المسافرين ظيوف سرعان ما نغادر.. لعلنا متطفلون عليها في بيتها ومكانها الذي ألفته واعتادت عليه وعلى رواده المتغيرين دائما . وبينما الحمامات تتجول بين الكراسي أخذ بعض الأطفال يطاردونها ما استفزها فحلقت طائرة بسرب فوق رؤوسنا لتعود ثانية الى الأرض في كر وفر، أثاره تلاعب الأطفال وصياحهم وقد تعالت اصواتهم وتسارع ركضهم .جلبت انتباهي اللوحة التي تعرض أوقات ومواعيد الطائرات المغادرة وإذا (بحمامتين) تتوج حافتها العليا وتقف هادئة ( طبعا صار وكت نومتها ) ومن عادة الحمام ان ينام على الأماكن المرتفعة كما هو معروف ، وفجأة .. ( ضرگت الحمامة) ونزل شريط على طول اللوحة وكما تفعل الطيورعادة ، ولكن في مكان آخر وليس في مطار دولي وعلى لوحة مهمة .والآن سوف احاول ان اصف لكم اعزائي القراء حالة المرافق الصحية القديمة المتداعية لمطار بغداد الدولي (يعني حالها ايبچي ) ....الأرض مليئة بالمياه بحيث يجب ان ترفع حافة البنطرون ( لأن مينفع ان تگمز) لتجنب البلل ، ابوابها مخلوعة الاقفال ، واذا اردت استعمالها فيجب ان تستعمل احدى يديك لسد الباب ان ارت ان تستر نفسك اضافة الى عدم وجود (ورق تواليت) ... ولك الحرية ( بيش تمسح )...وعندما تغادر الى المغاسل التعبانة لغسل يديك ( ماكو صابون ولا أكو ورق تنشف أو منشفات هوائية بعد الغسل) فحاول ان تجد طريقة تختارها للتنشيف ... ابكيفك .بقيت انتظر سماع نداء الدخول الى صالة البوابة المغادرة الى الطائرة ، وكما اعتدنا و في ك ......
#مطار
#بغداد
#الدولي
#الحمام

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=755370

ميسون نعيم الرومي : بغداد ما تحمل حزن
#الحوار_المتمدن
#ميسون_نعيم_الرومي بغداد دايرهه النهرحاضنها كلها ابطولههيغسل شعرها اوينثرهوالگذله وي ازلوفههالشمس متعنيه تجياتصبح عليها اتبوسههبغداد ابد ماتنسبيعصيه دوم ابزودههابنيات او ولدها احلفوامحد يفك احجولههلموا انجوم السمهوالگمر ضوْه اجفوفههباچر تهب تنتفضتغسل ارضها اشطوطههبغدادبغداد امخاويها النخللونه لمع باعيونههيا حلوه يالكلهه غوهغربت شمس بخدودههخستاوي برحي الرطبالزرع چان ايلوفههدجلتهه وابمايه العذبايشع بالشمس من نورههبغداد ايلوگلهه الشعرموسيقى او طرب يحلولههبغداد يا ام العلمبابل اوسومر اوأكد اجدودههبغداد ماتحمل حزنفرحانه دوم ابروحههبغداد ياعمر الأزلالعالم ضوه من نورههباچر يهب الشعبايحرر ارضهه او هورههيقاضي من خان الوطنايرد الفرح لعيونههبغداد-----------------------------20/مايس/2021ســــــــــــــــتوكهولم ......
#بغداد
#تحمل

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=756668

ميسون نعيم الرومي : ماننساك .. يمظفر..
#الحوار_المتمدن
#ميسون_نعيم_الرومي يا قصة شعر باشفاف عطشانهيالما ساومت لاهادنت والروح تعبانهيالبچـَّـتك سفينه السيست من غير سفانهيا عقد انفرط والدنيه حزنانهاشيحچي الشعر.. شيگول وانت الچنت عنوانه***يبن بغداد يالكلك وفه او اخلاصثوره انت والثوار تتلگاككل الشعب هاليوم هاليتناكيا أرض العراق الطيبه تتلگاك(والتينه والشباچ) ..(والخبزه واستكين الچاي)هم تاناك(لميت الحزن واثياب الصبر) وياك(مشه بيك الدرب) ...لرض النجف وداكعلى اچتاف الشباب الحبك اوتاناكهتف حيل اوصاح ..عد عيناكيمشي ابموكبك ابكل شارع اتحبهلكن للأسف .. اتلفلف خلص هيچي ابساعصاح الصوت هالملتاع :-لا .. لاتشرد بالنعش الگلوب مدميه-(مظفر للشعب مو للحراميه)-ابهيده ابموكبه .. موهيچي تركض بيه ...شعبه يودعه ايريد وايحاچيهعوفه للشعب .. للخضراء روح ارجع ..عوف النعش للحبوه .. روح ارجع ..روح ارجع ..***محبوب الشعب (يالنواب) ..الله اوياكنجمه ابسمانه تظل ..ما ننساكمدرسة الشعر ... يالاسمك عله فوگ فوگ الغيميا بيرغ وطن والوطن ما داراكحيف او ألف وسفه اوحيف ما جازاك اعتب ع الزمن .. ع المرض هذا الجاك ...وابعز العطاء الغيبك ما خلاكيمظفر يبن بغداد يمدلل ...لا .. لا أبد ما ننساكيا ابن العراق الشعب ما ينساكيا رمز النظال الأبد ما ينساكاوداعة الله .. الله اوياك ماننساك ...ماننساك-------------------------------------------مدرسة الشعر الذي نذر نفسه للقضايا الانسانيةومناصرة الطبقة المسحوقة والفقراء وهوابن الطبقة الارستقراطيةالذي ولد وفي فمه ملعقة من الذهب ترك كل ذاك العز وعاش مع الفلاحينومشردا بين الدول سلبوه كل شيء حتى الجواز العراقي والراتب التقاعديلك المجد والخلود ايها البطل الاسطورة ايها المعجزة الشعرية يا نخلة العراق الشامخة يا مظفر النواب يا ابن الشعب الذي غادرعالمنا يوم الجمعة 20 مايو 2022------------------------------------------------------------------------------------------28/5/2022ســـــــــــــــــــــــــــتوكهولم ......
#ماننساك
#يمظفر..

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=757479

ميسون نعيم الرومي : دارميات مهداة الى وطني
#الحوار_المتمدن
#ميسون_نعيم_الرومي هم غيم اومطر ليصُبّ والشمس بالكادلوبيدي ازيح الغيم وارويهه (بغداد)-***يروي عطش بغداد (لللـِعـَـب) بيههيـطـرد غـبار الشــر خـيـَّـم عـليهه***لا يا غبارالشرعشعـشـت عـِـدنهمدري السبب ندراه مدري وعدنه***عوز او تعب وادموع والفگر لاطيخلانـَـه منكـوبـين نحسب قـواطي***شـفـتوا گـبل خريـج يشـتغـل حمال ؟ظهره انحنه امن الجور يلبس بالاسمال***هم شفتوا عدنه اطفال..اطفال الشوارع ؟تـلگـفهم الإيـديـن والـسمسـره انـواع***و(الخزنه) تبچي الجوع .. والنفط نجـّممزروفه چنهه (اتخـِـر) وين اللي يفهم***وانـّـوبـَه شفتوا هم .. (هم) الرشاوي ؟لو شغله عندك غاد .. ساوم اوتاني***سمعتوا گبل (مسؤول) امزور شهادات ؟شـكـبن واخذ هاليوم باعـلى القيادات***شفنه العجب يا ناس بارض الحضاراتماكو عـِـلم .. تنقاد .. بالإسـتـِـخـارات***خيـّم علينا الذل والجهَـل ..عقـديـنراح العراق انداس باسمك ياهالدين***و(المرأة) شوفوا شلون هم خلـِـفوههمن عمر (تسع) اسنين شو زوجوهه***و(المغتصب) شـوفـوه محـّـد يـردعهيتزوج ضحيته اشلون ! تگدر تجرعه ؟***خرّبـوا بالدستور.. واهوايه مسخوهيشـتغـل للأحزاب والشـعـب ذلوه***كمموا بالأفواه والينتقد صار..ينسجن كومه اسنين..والشعب طشار***بين الدول طشار ولدك (يتشرين)- لو حبس لو طلقات !! وين القوانين ؟***وانـوبـَه شوفوا شـلون أم المصايـبتتعارك الأحزاب امن اجل المناصب***تـتـقـاسـم الخـيـرات والوطن ضايعصاير خرابه اطلال والشعب جايع***نترجه كون ابيوم تشرق شمسنهتـنغسل (هالأدران) ينظف وطنه---------------------------------------------3/حزيران/2021ســــــــــــــــــــتوكهولم ......
#دارميات
#مهداة
#وطني

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=758118

ميسون نعيم الرومي : چم عيد راح اواجه
#الحوار_المتمدن
#ميسون_نعيم_الرومي فدوه العراق الأصل - جنسيته عراقيةاربوعه تتباهه تظل – متصير ابد عجميهاصل الحضاره والمجد – اول يضل ما يرضه تاليهباچر يهب اوينتفض - ايعلي رايته وايفرّح الدنيه***الماي يحضن بالجرف – عشگ المحب حنيهدجله او فرات الأزل – تمشي ابغوه اكباريهمن اهد آشور وأكد – بانفاسهم محميهأهوار والبردي اوگصب - اشمحلاهه جنوبيه***النخل شامخ عـِلـَه – غنواته للگمر ليليهسعفاته تتمايل غنج – نسمة هوه اشماليهالرطب اشكال الرطب – واحلاهن البرحيهگنطار خستاوي عسل – شحسب شعد ما بيه***الشمس لو طـَر الفجر – هلهولة فرح يوميهابنياته فخاتي امحجله – نجوم السمه اعراقيهاورود اهلنه امشكله – بالحب تظل محميهخوان شركه ابهالوطن – اقليات منهم .. شيعيته وي سنيه***مگروده أمنه امحسره – من قال اوبله مدميهقتل وسجن وادموم - وامنه بالگلب مچويه من غاب ابنه گبل – تبچي اوتون مسبيهچم عيد راح اواجه – تنطر يجي عيديه***ارجاله من سومر واكد – ماترضه الجهل حضريههمه الأمل همه الرجه – جنوب واشمال اوسط وياهم الغربيهلو هبـَّـت اتسد الشمس – اتطهر الأرض تكنس اللوگيهفدوه العراق الأصل – اول يظل ميصير تاليه-------------------------------------------------------------------8 / تموز/ 2022الســـــــــــويد ......
#اواجه

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=761600

ميسون نعيم الرومي : - صوت صفير البلبل -
#الحوار_المتمدن
#ميسون_نعيم_الرومي -(صوت صفير البلبل) – عود رباب طربقصيـدة نـَـظـَمـْـتـَها – هذا الزمان الذهــبيقـبـل قرون قد مضت – في عشقكم والغزلمن (بصرة) وألمعي – إمام شـِـعـْـر الأدباسمك عالِ قد علا - شاعرنا يا (اصمعي)*اني استعرت اسمها – اسمحوا لي يا سيدياشكيك ما حل بنا – في عصرنا من عجبجائـت لنا عصابة – موسوعة في الكـَـذبفي الموبقات أوغـلوا – لا رادع ! لامللعـبـيـد جار يأمر– باعـوا برخص بلدياشرار قوم سفله – صوم ! صلاة علنيقـد حـَـرمـوا وحـَـللوا – والكـل لله ولي-(البنت) صارت عـَوْرَة – ملفوفة في الكفنعـِـلـم اهانوا عندنا – والفـن، من كـبائـرقضاؤنا يقضي بنا – والمختلس في مأمنطفل، رغيف ان سرق – احكامه لا تنتهيوان عـتاة سرقوا ؟ – احكامهم في عجل-(العـود) دنـْـدَن عندكم – وبؤسـنا في المقـلرجـالـُنـا..تـُغـَـرد! – في عصركم (بـلابـل)--(موصلنا) الحدبه غدت – خرائب من حطب-(بصرتنا) قد هدمت – اهوارعطشى بـلديخمص البطون، احفادنا – يمشون فوق الذهبترياق .. افيون !غضب – من جارة حمالة في حطبيـوم قـريـب نـنـتـظر – تـشـرق شـمس في غـدالكـل فـي مهـرول – الى جحـور (ســيـدي)- -(صوت صفير البلبل) – عود اورباب اوطرب------------------------------------------------------------*الأصمعي :- عبدالملك بن قريب بن عبدالملك بن علي بن أصمع الباهلي ولد في مدينة (البصرة)وهو أحد أئمة العلم باللغة والشعر والبلدان وسمي بالأصمعي نسبة الى جده أصمع.تمتع الأصمعي بشهرة واسعة فقد كانت الخلفاء تجالسه وتحب منادمته وقد هيأت مجالس الرشيد له أن يذيع صوته في كل الأوساط والمحافل الأدبية فسعى يجمع الأخبار والأشعار ، ويدقق في اختياره لها وفي إنشاده من قصائده المشهورة (قصيدة صفير البلبل).--------------------------------------------------------------------------------------------30/تموز/2021ســـــــــــتوكهولم ......
#صفير
#البلبل

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=763811

ميسون نعيم الرومي : هالنوبـَـه لتـرجعـون
#الحوار_المتمدن
#ميسون_نعيم_الرومي الشــَعـَـب كلـَّه اليوم ، ضدّچ يــ (ايـران) --(فارس) اشلون ايصير، ريـّـس (البغدان)****فرهـدتي كـل (بـغداد) ، افلوسه والناسبالكـتل والترهـيـب ! فـَـلـّشتي بالسـاس***يـوم اوبعـَـد (ايـران) ، أســود مصيرچإذْيـولـِچ تـِـگصهه الناس ، مـَـحـّـد يريدچ***كرَّهـْـتي بـيـچ الناس ، (جـيـرِتـِـچ) غـَـمـَّه (عگرب) اسـموم البـيـه ، (ينكث) ابسـَمـَّه***(عگـرب) اويـلدغ دوم ، واسمومه زادتو(ايـتامه) معـروفـيـن ، للشعب (عـادت) -*** (ايـتامه) معروفـيـن ، بالصوره والصوتسـَـوّوْ وطـَـنـَّه ارماد ، هجموهـه البـيـوت ***صار (العـراق) الچان ، قـِـدوه للاوطانشـَـعـْـبه يـدَور (احروف) ، يـترَجه احسان***يا شـَـعـَـب ايـد ابايـد ، خـَـلصنـَه مـنهـماكـرفـهـم ازبالات ، وامحي اثـرهـم***عـَـفـْيـه ولدنـَه اسـباع ، كلكم عزيمهانـتـوْ الأمل نـِـرجاه ، ابعيشه كريمه ***هالنوبـَـه لتـرجعـون ، فدوه العمركمصاروْ تره ، فـيـران ، تـتودد الكـم***(بابـل) (أكـَـد) آشـور، انـتو ولدهـمفخر الحضاره او نور ، والعلم عدهم***كـلمن يشمع الخيط ، ابعـِـبـَّه جوازهبـيـده (الكلاشنكوف) ، وابعقله عازه***هذا الجره والصار ، شنهي النهايهبـس لا ترد النوب ، مثل البـدايـه ----------------------------------- * بـَغـْدان : بغداد (من اسماء بغداد)---------------------------------31/تموز/2021ســــــــــــــــــتوكهولم ......
#هالنوبـَـه
#لتـرجعـون

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=763964

ميسون نعيم الرومي : اشـْـبـَعـنـَه حـوار
#الحوار_المتمدن
#ميسون_نعيم_الرومي اشـْـبـَعـنـَه حواراشـْـبـَعـنه كـلهه اوعـودلتأمن نـَـذل مبيوع .. والـّـلي شغلته فرهودنِغـَـير امن الجـَـذر.. نحمي وطنـَّه انريدكل مرتـشي فاســد ! والوجوه الســود***-(بالشـلع اوقـَـلع) والشعب كلـَّه اوياكتاريخ ايخـَلـِّـدَك .. واجدادك اهل الجودجوعـوه الشـعـَـب .. داسـوه بالرجـليـناحثاله امعـَـفـّـِنـَه .. تنكنس كـنس الدود***(بـغـداد) .. العراق او.. هيبة الأوطانياهو اللي يجي يولينه .. (خان اجغان) ماكو احدودشـبان الوطن .. ارجاله كـِلهه احــرارتحريرالوطن يردون .. والموقف يريد اشهود***مهانه اوعوز شبعوْ .. والخبز حسرهافلوس امتلتله ابحلگ الكرش والغودشـباب اتـذبحت .. والقاتل المجهوليـفـرح منـتـشي والشعـب هالممرود***شجاعه ابكل عزم .. هبـّـوْ اجوك اليومبـيـديـن الزلم .. حتما وطنه ايعـوديصحه اعراقـنه والوطن كـلـَّه ابخيرنصرخ حيل .. يـِـخـْـسـَـه الخاين المطرود***فاليحيا (العـراق) .. اتعيش ثـوارهنـِحاسب كل دخيل او مجرم اومنكودعاش اهـل (العراق) ابـطاله وارجالهخلود الكل شهيد الرِفـَـض كل اقـيـود--------------------------------------------------4/ آب /2022 ســــــــــــتوكهولم ......
#اشـْـبـَعـنـَه
#حـوار

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=764352