أيمن غالي : هل أصولنا المصرية زنجية ؟
#الحوار_المتمدن
#أيمن_غالي في أي نقاش علمي في أي مجال؛ الكلام لازم يكون بأدلة من المصادر التاريخية، والمصادر التاريخية منها: النقوش والكتابات والمخطوطات والعملات والبقايا الأثرية المعمارية وغيرها .. المصدر هو دليل ملموس وهو وثيقة الحدث المعني الكلام عنه ..والحديث بلا مصادر تسمي مرويات (حدوتة) نستعملها في حفلات السمر وحكاية حواديت للأطفال أو للتسلية، ولا أهمية لها ولا يعتد بها علمياً مهما كان قدر كاتبها ..طيب أصولنا المصرية كانت إيه ؟ وفين المصادر إللي ممكن تتكلم عن أصول الشعب المصري ؟فيه علم جديد من علوم التاريخ إسمه (آثار ما قبل التاريخ) يعتمد في الكثير من أطروحاته علي " النقوش الصخرية Art rock" المنحوتة والمكتشفة في الجبال والكهوف والمغاير ..وأقدم النقوش المكتشفة في أفريقيا في منطقة جنوب شرق الجزائر وجنوب غرب ليبيا ويرجع تاريخها إلي 35000-28000 سنة، وكلها نقوش في مرتفعات تصل إلي 200م فوق سطح البحر بعد الكارثة البيئية التي تعرضت لها أفريقيا بغرق كافة أراضيها من قبل ذلك التاريخ ما عدا مرتفعات المنطقة المذكورة والتي كان بها سكان أصولهم ترجع إلي الإنسان الأول المكتشف في شمال بتسوانا من 200 ألف سنة (بحث تم نشره في مجلة ناشيونال جيوجرافيك في 30 نوفمبر 2019، وسبق وشاركته علي صفحتي حينها) ..وقتها كانت مصر بلاحياة ..بدأت الهجرات من المنطقة التي ذكرتها إلي الشرق للتغيرات المناخية ووصلت إلي جنوب غرب مصر من 20 ألف سنة؛ وإستقرت في منطقة وادي الجلف ولدينا في وادي صورة العديد من النقوش الصخرية تعود لهذا التاريخ .. ومع إستمرار التغيرات المناخية؛ إستمرت الهجرات شرقا حتي وادي النيل من 12,000 سنة ..تزامن هذا النزوح مع نزوح مجموعات من جنوب مصر ومجموعات من الشمال (منطقة فلسطين وسيناء)، وإنصهرت المجموعات الثلاث في بوتقة أرض مصر وخرج منها شعب له سمات مميزة غير مختلفة بين أفرادها يسمي بالشعب المصري .. ومع بداية التاريخ مع ظهور الكتابة من 3200 سنة ق.م؛ بدأ المصري في تسجيل نقوشه وكتاباته المرتبطة بمكتشفات النقوش الصخرية كفكرة عبادة الأسد وأصول فكرة تمثال أبو الهول (برأس إنسان وجسم أسد) والمتشابه مع نقوش وادي صورة بوادي الجلف في وجود شكل (جسم إنسان برأس أسد)؛ إختلاف لا يمنع صلة الرمزين ولها شروحاتها برسالة دكتوراة للدكتور خالد سعيد، وزارة الآثار، آثار ما قبل التاريخ.وإستفاضت المكتشفات من النقوش الصخرية في تتبع الهجرات البشرية وتفسير الكثير من النقوش وعلاقتها بالفكر الديني وغيرها من العادات والأفكار من خلال علم "أنثربولوجيا الإجتماع". لم تتوقف الهجرات الخارجية لمصر من فجر التاريخ ليومنا هذا؛ مع ملاحظة إنصهار المهاجر في البوتقة المصرية ولم تظهر سمات جسمانية أو لغوية أو غيرها إختلف مع السبيكة التي تكونت من 12000 سنة ..ولم نري بطول تاريخ مصر كتابات أو نقوش مختلفة عن المصرية إلا من 700 سنة ق.م لمرتزقة إغريق وغيرها من النقوش الكارية (شعوب من أسيا الصغري).وبداية من العصر البطلمي؛ وجدنا التمييز بين الشعبين الإغريقي والمصري في العديد من الوثائق الديموطيقية وعدم إختلاط الشعبين لتعالي كل منهم علي الآخر، وفي العصر الروماني إستمر الحال في عدم تزاوج الرومان بالمصريين (قبل منشور كراكلا في 212م)، وعدم تمتع مولود الزواج المختلط بالجنسية الرومانية وخضوعه للضرائب ككافة المصريين وحرمانه من إمتيازات أصحاب الجنسية الرومانية ..وفي العصر المسيحي وبعد الإنشقاق الكنسي في مجمع خلقيدونيا في نهاية القرن الخامس؛ رفض الأقباط التزاوج مع أتباع الكنيسة الملكانية وغيرها من مخت ......
#أصولنا
#المصرية
#زنجية

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=714321

أيمن غالي : العملة المصرية؛ جنيه وَلّا جِنِى وَلَّا باوند ؟
#الحوار_المتمدن
#أيمن_غالي الخلاف دائر بين أهالي مدينة الإسكندرية وباقي محافظات مصر في إسم العملة المصرية، وهل صحيح نطقها حسب النطق السكندري "جِنِي" أم حسب نطق عموم محافطات مصر حسب حروفها علي ورق النقد المصري "جِنيه"؛ علماً بأن النطق المعتمد بالمجمع اللغوي المصري "جُنّيه"؛ غير مستخدم في الشارع المصري بطوله وعرضه ..عملتنا المصرية مكتوب عليها بحروف عربية " Gen&#275-;-h جنيه " و مكتوب ترجمتها بالإنجليزية " Pound "؛ مع العلم إنه لا علاقة بين الجنيه و الباوند ( و غير متساويين فى القيمة ) .. يعنى الترجمة غير صحيحة ..لَمَّا نشوف هجاء كلمة " جنيه " فى الإنجليزية؛ حا نلاقيها Guinea؛ بنفس النطق الإسكندرانى " جِنِى Geni " ..و إللى بنقول عليه جنيه إسترلينى Sterling Pound؛ إسمه باوند مش جنيه Guinea ..طيب إيه حكاية الجِنِى Guinea ده ؟لو شوفنا هجاء الكلمة Guinea؛ حا نلاقيها هى نفسها هجاء إسم دولة " غينيا " الأفريقية ..طيب إيه علاقة " الجِنِى المصرى " بغينيا ؟أخد إسم " الجِنِى Guinea " من غينيا الأفريقية لأنها كانت من أهم مصادر الذهب المستخدم فى صناعة هذه العملة ..الجِنِى الإنجليزى كان عبارة عن عُملة ذهبية تم صناعتها فى 6 فبراير 1663 من ذهب عيار 22 قيراط؛ وزنه 8.385 جم .. و كان وقتها الجِنِى بيساوى 20 شلن shillings إنجليزى, و مع الوقت زاد سعره لغاية 30 شلن إلى أن إستقر عند 21 شلن فى الفترة 1717 - 1816يعنى الجِنِى Guinea كان بيساوى باوند إنجليزى + شلن؛ أو باوند و خمس بنسات ..توقف التعامل بالـ Guinea فى بداية القرن الـ 19, و فى النصف التانى من القرن الـ 19 إستعمل المصريين كلمة الـ Guinea لَمَّا تصادف إن قيمته تساوت مع الـ 100 قرش مصرى ..يعنى مثلا نتذكر تعبير النص فرنك إللى كان بيتقال على الـ 20 مليم مصرى ( قرشين )؛ لأنه وقتها كان الفرنك الفرنسى يساوى 4 قروش مصرية, و هكذا للشلن إللى إستخدمناه و أطلقناه على الـ 5 قروش مصرية لأنها كانت بتساوى قيمة shillings الشلن الإنجليزى و إللى يهمنا دلوقتى عُملتنا المصرية و إللى قيمتها 100 قرش؛ إسمها Gen&#275-;-h جنيه حسب كتابتها على العُملة وَلَّا جِنِى Geni حسب النطق الإسكندرانى و الإنجليزى Guinea, وَلَّا نرجَّعه لأصله و نسميه غينيا ؟ ......
#العملة
#المصرية؛
#جنيه
#وَلّا
#جِنِى
#وَلَّا
#باوند

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=739241

أيمن غالي : العمق الإنفشاخي في علوم اللغة العربية
#الحوار_المتمدن
#أيمن_غالي مشكلة اللغويين العرب في تناولهم للنصوص العربية؛ إفتراضهم إن كل كلمات أي نص عربي من أصول عربية .. عندهم رفض تام وعناد عجيب إنه ممكن يلاقي في النصوص كلمات من أصول مختلفة ( ارسية، عبرية، سريانية، .. وغيرها)؛ مع إغفال الحقيقة العلمية إن 85% من كلمات معجم إبن منظور - لسان العرب - كلمات آرامية وباقي الكلمات من أصول مختلفة (حسب د. لهجت القبيصي، أستاذ اللغويات، جامعة دمشق) ..أوم إيه؛ لما يلاقي كلمتين لهم نفس المعنى من ثقافتين مختلفتين؛ يقول لك الكلمة دي فيها عمق فنكوشي يعبر عن إنفشاخ في الهنتشة؛ أما الكلمة التانية فكمية الإنفشاخ الهنتشاوي أقل بسبب إختلاف العمق الفنكوشي .. وياخدك فوق وتحت، ويمين شمال؛ لغاية ما تدوخ وتقع منه، وتقول له آمين علشان يرحمك من الإسترسال .. يعني مثلا لو أخدنا مرادف كلمة ereaser الإنجليزية؛ من اللهجة الإسكندراني "جومة gomma"؛ حا نلاقي لها في كل محافظة من محافظات مصر مرادفات مختلف؛ أستيكة، محّاية، مسّاحة، وهكذا وممكن نلاقي كلمتين منهم بيستعملوا في إسكندرية (جومة وأستيكة) ..طبيعي لو أنا إنسان طبيعي؛ حا أقول إن جومة gomma أصلها إيطالي وأستيكة أصلها إنجليزي من Elastic، ومسّاحة ومحّاية من أصل عربي من الجذور مسح، ومَحي ..لكن لو كنت لغوي من اللغويين العرب إياهم؛ حا أفتكس افتكاسات عمري وحا ألف وأدور، وحا أثبت إن الكلمات الأربعة اصولهم عربية وإن كل كلمة لها عمق إنفشاخي مختلف، وإن الجومة؛ يتقال عليها جومة لو بتستعملها بإيدك الشمال ومسّاحة لو بتستعملها بإيدك اليمين، ومحّاية لو بتمسح بيها كتابة بالعربي وأستيكة لو بتمسح بيها كتابات أجنبية .. المهم- لو عاوز تشتغل في الدراسات اللغوية العربية - ضروري تهتم بالعمق الإنفشاخي في أي دراسات لغوية عرببة، وتلعب ألعاب قوي، وتدريبات للياقة البدنية؛ علشان تعرف تلف وتدور وتلف وتدور وتدور وتلف وتلف وتلف وتلف لغاية ما المتلقي يتهنتش منك في العمق الإنفشاخي .. ......
#العمق
#الإنفشاخي
#علوم
#اللغة
#العربية

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=739666

أيمن غالي : شكرا إبن منظور وإبن منظور المصري مش أحسن من إبن غالي الإسكندراني
#الحوار_المتمدن
#أيمن_غالي ما حدش ما سمعش عن معجم لسان العرب لإبن منظور المصري .. الراجل ده عمل مشروع جامد جداً؛ خدم وحا يخدم العلم لقرون فاتت وقرون جاية ..إبن منظور؛ قام بجمع كل الكلام إللي في منطقة الشرق الأوسط - بطريقة الكَبْشْ من غير نقاوة - ومش مهم نوعه وأصله وفصله، وحط له العنوان إياه "لسان العرب"، والراجل ما غلطش في كون العرب كانوا بيستعملوا الكلام ده ..مثلا؛ لو أنا كأيمن غالي؛ جيت النهاردة وحاولت أجمع كلام الإسكندرانية على طريقة إبن منظور؛ حا أكتب الكتاب بعنوان: "لسان الإسكندرانية لإبن غالي الإسكندراني المصري"، وحا أحط فيه كل الكلام إللي بيتقال في إسكندرية؛ في شوارعها وفي كنايسها (بلغاتها المختلفة؛ قبطي، يوناني، لاتيني، إيطالي، فرنساوي، ألماني، سرياني، وغيرها)، وحا أنقل مفردات الحِرف والمهن من أصول مختلفة وهكذا ..واحد حا يقول لي: يا عم الكلام ده من لغات كيت وكيت وكيت؛ حا أقول له: ماليش دعوة بالكلام ده، وطالما الكلام موجود علي ألسنة الإسكندرانية وفي شوارعهم؛ يبقي لسان إسكندراني .. نرجع بسرعة لإبن منظور علشان الكلام ما يُفرُطش مننا، والموضوع ما يهربش من إيدينا ..عندنا عالم لغوي - د. محمد بهجت القبيصي، جامعة دمشق - متخصص في تاريخ اللغة والكتابات السامية القديمة وصاحب عدة معاجم لغوية للغات سامية قديمة؛ منها الآرامية والأوجاريتية وغيرها؛ قال معلومة تشبه إللي رزع كرسي في الكلوب، وقال:إن 85% من كلمات معجم بن منظور هي كلمات آرامية ..واحد ممكن يقول:مين ده الآرامي إللي كان عنده الفشليون جدر لكلمات رصدها إبن منظور ؟حا أقول لكم كان عندنا لغة موحدة سائدة في شبه جزيرة العرب، وشمالها، وجنوبها، وشرقها، وغربها، وممتدة من الهند شرقا مروراً ببلاد فارس لبلاد الشام ومصر غرباً وشمالاً من تركيا حالياً لأقصي جنوب شبه جزيرة العرب، وكان إسمها اللغة الآرامية الدولية ودي كانت موجودة من 1000 سنة ق. موبعد مرور قرون، وكل قرن والتاني يمر؛ كانت بتظهر لهجات مختلفة هنا وهناك وعند دُولهُم ودُوكهُم وكدهونوظهرت الآرامية النبطية، الثمودية، اللحيانية، الفلسطينية، المصرية، والسريانية الشرقية، والسريانية الغربية وغيرها .. إبن منظور بقي؛ كَبَش كل دُول مع بعض ومعاهم كلام مصري (قبطي ومصري قديم) ومعاهم فارسي وحبشي وغيرها .. الراجل ما عتقشوللأمانة؛ إبن منظور عمل شغل جامد جداً، وخدم العلم زي ما قلت لقرون فاتت وغيرها جاي ..علماء الساميات؛ مع إكتشاف كل نقش جديد؛ يرجعوا لإبن منظور يلاقوه رازعها في معجمه هي أو جدرها، وبالتالي يقدروا يعرفوا معناها إيه ..وفي ورقة علمية بعنوانPersonal names in the Nabataean relam, A review article, M. C. A. MacDonald, Oriental institute, OxfordJournal of Semitic Studies,Autumn 1999بيتكلم عن أسماء الأعلام النبطية وقال في كلامه إن القياس كان علي الكلام العربييعني إبن منظور ما كتبش كلمات اللغة العربية؛ لكن كتب لسان العرب، وكل الكلام إللي كان بيدور علي لسان العرب في مفهومه؛ لإنه إحتسب إن الدنيا كلها عرب في عرب، وكويس إنه ما أخدش باله من اللغات الهندوأوروبية والأفريقية وإلا كان رزعها في معجمه، وقال عليها لسان العرب برضه، وكان بقي عندنا بدل الفشليون جدر؛ شخروميت فشليون جدر وفروع وأوراق وكانت حا تبقي هيصة ..نرجع تاني لإبن غالي الإسكندراني المصري أيوتها أوعتوراض علي فشليونات الكلمات إللي ممكن في يوم أكتبها في معجمي - إللي في الأحلام - ما يجيش واحد ويقول لي الكلمة دي طلياني أو فرنساوي أو فنك ......
#شكرا
#منظور
#وإبن
#منظور
#المصري
#أحسن
#غالي

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=739864

أيمن غالي : من أول من تحدث العربية ؟
#الحوار_المتمدن
#أيمن_غالي سبق أن سألت سؤالاً: " من هو أول من تحدث العربية ؟ " .. طبعا كتير نعتوا السؤال بالغباء، وأنا ألتمس لهم الأعذار في رد الفعل؛ حسب ما زُرع في عقولهم لقرون؛ معتبرين إياه حقيقة مطلقة لا يشوبها شائبة .. السؤال مش بتاعي وصاحب السؤال بحسب وصف د. جواد على, جامعة بغداد؛ في موسوعته المفصل في تاريخ العرب ج1 ص14؛ هم علماء العربية, ومنهم من قال أن اللغة العربية نزلت كالإلهام والوحي علي إسماعيل بن إبراهيم وهو في سن الـ 14؛ فنسي لغة أبوه وتكلم بها, ومنهم من قال أن أول من تحدثها هو شخصية يمنية وهمية يدعي " يعرب "، وتسمت بإسمه بالرغم من كون اللغات اليمنية لا علاقة لها بالعربية لا من قريب أو من بعيد, وهناك من أتحفنا بقوله أن العربية كانت لغة آدم وأنها لغة أهل الجنة, ولم يوضح لنا سبب إختفائها المفاجئ حتي بعث إسماعيل أو يعرب ..الكلام ده مش من دماغي ودي المراجع بتاعته:تاج العروس ( &#1634-;- / &#1635-;-&#1637-;-&#1634-;- ), طبعة الكويتاللسان ( &#1634-;- / &#1639-;-&#1637-;- )المزهر ( &#1633-;- / &#1635-;-&#1632-;- ) فما بعدها إبن خلدون ( &#1634-;- / &#1640-;-&#1638-;- )طبعا ما جاء بكتب التراث وكتابات علماء العربية لا علاقة له بالعلم، وما طُرح من دراسات وحقائق علمية عن اللغة العربية؛ لا تروق لعلماء العربية العرب ولا للعروبيين .. ......
#تحدث
#العربية

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=739949

أيمن غالي : ساڤو ورغاوي طشت الغسيل
#الحوار_المتمدن
#أيمن_غالي لو سألت حد عن سا&#1700-;-و في مصر؛ حا يقول لك ده مسحوق غسيل كان بيخلي الغسيل فُلة، وكانت رغوته كذا كذا، والغسالة كانت بترقص لمّا كنا بنحط علي الغسيل سا&#1700-;-و ..لكن سا&#1700-;-و &#931-;-&#945-;-&#960-;-&#966-;-&#974-;- ده كان إسم شاعرة يونانية؛ شِدِيدة وتِقِيلة في شوغلانة الشعر؛ يعني كانت أحمد شوقي اليونان في زمانها (توفيت سنة 570 ق. م) ..بس سا&#1700-;-و كان عندها مشكلة جابتها ورا ..سا&#1700-;-و قالوا إنه كان عندها شذوذ جنسي بسبب كلالكيع إتعرضت لها في حياتها مع جوزها، وكانت كل أشعارها في السكة دي .. والناس كانت مُوستوكويوفة من أشعارها ..وفي القرن الحداشر (1037م)؛ الكنيسة في روما وقفت لأشعار سا&#1700-;-و وقفة جابتها الأرض، وقالوا لزمن وحتمن وولا بود سا&#1700-;-و ما يبقالهاش وجود لا هي ولا أشعارها، ولزمن تتحرق .. وجمعوا أشعار سا&#1700-;-و وحرقوها وأصبحت سا&#1700-;-و مجرد ذكري ..فيه ناس زي حالاتي؛ صِعِب عليهم تراث إنساني مهم زي تراث سا&#1700-;-و يروح في الوبا، وقالوا مش مهم إللي إتحرق ويكفينا إللي محفوظ في الصدور، وقالوا إحنا نمشي بطريقة العرب إللي كان الواحد منهم حافظ شخروميت قصيدة والقصيدة بشخروميت بيت .. ومشيوا بين الناس في شوارع أثينا بمايك وجهاز تسجيل ..قول يا حاج أي حاجة من أشعار سا&#1700-;-و .. ما فيشقولي يا حاجة أي حاجة من أشعار سا&#1700-;-و .. ما تلاقيشقول يابني أي حاجة من أشعار سا&#1700-;-و .. ما عنديشيحرقكوا بجاز زي ما إتحرقت أشعار سا&#1700-;-و .. ما فيش بيت واحد من أشعار سا&#1700-;-و شَبَّك في الصدور ؟! إيه الصدور الخربانة دي ؟! ..المهم؛ ماتت سا&#1700-;-و ومعاها أشعارها إللي عاشت أكتر من خمستاشر قرن .. لكن الزمن كان ليه رأي تاني، وصعايدة مصر كان لهم وقفة رجاله مع سا&#1700-;-و، وقالوا لا ممكن سا&#1700-;-و تموت ..عملوا إيه صعايدة مصر ؟في نهاية القرن التسعتاشر (1889م)؛ تم إكتشاف تابوت مصنوع من أوراق بردي معاد إستخدامها (بمحافظة الفيوم بشمال صعيد مصر) .. فككوا الأوراق ولقوا عليها كَتُوبَة .. فكوا الكاتوبات فلاقوها مئات الأبيات من أشعار لسا&#1700-;-و .. وبُعثت سا&#1700-;-و من جديد والفضل لرجالة الصعيد وصعايدة مصر الرجالة ..وحبيبتكم مين ؟ .. سا&#1700-;-ووحطينا إسم سا&#1700-;-و علي مسحوق غسيل وبقي إسمها علي لسان كل كروانة وطشت غسيل في مصر ..المهم إن قصة سا&#1700-;-و تثبت لنا إن كلام العرب وحكاويهم عن حفظ الصدور مجرد رغاوي في طشت غسيل .. ......
#ساڤو
#ورغاوي
#الغسيل

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=741136

أيمن غالي : بابا نويل هو السبب فى الفوركيشة علشان الفرهدة
#الحوار_المتمدن
#أيمن_غالي قبل سنة 1581م كان كل العالم المسيحى بيحتفل بعيد الميلاد فى نفس اليوم ( 29 كيهك؛ حسب التقويم المصرى وحسابات كنيسة الإسكندرية ), وبعد سنة 1581م إتفركشت الحكاية فى عهد البابا جريجور الـ13 " بابا روما وقررت كنيسة روما الإحتفال بالعيد فى 25 ديسمبر وتبعتها الكنايس الغربية وإستمرت كنيسة الإسكندرية على إحتفالها حسب تقويمها وتبعتها كل الكنايس الشرقية الأرثوذكسية فى العالم ( روسيا, اليونان, السريان, الأحباش, الإريتريين, الأشوريين, الصرب, الأرمن, .. وغيرهم ) ..وسبب المشكلة؛ إن حسابات كنيسة روما كانت قائمة على التقويم اليوليانى (القائم علي التقويم المصري) - نسبة إلى يوليوس قيصر - القائم على حساب دورة الأرض دورة كاملة حوالين الشمس وإكتشافهم لخطأ الحسابى فى التقويم اليوليانى وتعديله فى التقويم الجريجورى؛ فى حين إن الحسابات الفلكية عند المصريين مالهاش علاقة بالشمس والتقويم المصرى كان - وما زال طبعا - على حسابات دوران نجم الشعرى اليمانية (سيروس/Sirius)، وإللى حسابات الزراعة وفيضان النيل قائمة عليه منذ آلاف السنين ولغاية النهاردة، ولم تتغير لدقة التقويم المصرى .. ومن السهل أن يجزم علماء الفلك دقة التقاويم المختلفة وتوحيد العالم علي تقويم واحد؛ لضبط كثير من الأمور ومن أهمها الإحتفالات المسيحية ومنها عيد الميلاد ..المهم فى الموضوع؛ إن بابا نويل قبل سنة 1581م كان بيتشحطط ما بين الكنايس حوالين العالم علشان يفرَّق هداياه وبعد سنة 1581م؛ العملية إتسهلت معاه وقَسِّم الشُغلانة على يومين؛ 25 ديسمبر يروح للكنايس الغربية, وياخد له راحة حوالى 12 يوم ويشد الرحال بعدها على الكنايس الشرقية ويكمّل شغله .. يعنى بابا نويل هو إللى عمل الفوركيشة دى علشان يرحم نفسه من الفرهدة .. ......
#بابا
#نويل
#السبب
#الفوركيشة
#علشان
#الفرهدة

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=741468

أيمن غالي : الميراث القبطي الحائر
#الحوار_المتمدن
#أيمن_غالي سؤال مهم يطرح نفسه علينا بقوة ..من هو الوريث الشرعى للحضارة والثقافة القبطية ؟ وميراث حائر يبحث عن وريث ..ممكن تكون معلومة جديدة عليكم؛ إن القانون المصرى للأحوال الشخصية طبقا للشريعة الإسلامية تمنع إرث مختلفى الديانة؛ يعنى لو شخص غيّر ديانته؛ فلا حق له فى ميراث والديه مهما كانت ديانة الوالدين أو الإبن؛ يعنى ما ينفعش إبن مسيحى يغير ديانته للإسلام ويرث أبوه المسيحى، ولا إن أبن مسلم يغير ديانته للمسيحية ويرث أبوه المسلم .. الشريعة كدهطيب نشوف بقى الورث إياه إللى مش لاقيين له وريث ..العصر القبطى والحضارة والثقافة القبطية؛ بدأت من منتصف القرن الثالث ق.م؛ يعنى وقتها ما كانش فيه مسيحية علشان ننسب الحضارة دى للمسيحية ولا للمسيحيين .. ولا فيش فى الدنيا كلها حضارة تم إنسابها لديانة ( الديانات مالهاش علاقة بالحضارات )يبقى كده الحضارة القبطية بكل مفرداتها من لغة و فنون وعمارة وصناعة وعادات وتقاليد وغيرها من المظاهر هى ميراث للأقباط , ومالهوش علاقة بديانة .. طيب ييجى لنا سؤال تانى؛ ومين الأقباط دول ؟الأقباط هم سكان مصر وده الإسم إللى أطلقه العرب على مصر تخفيفا للإسم اليونانى لمصر إيجيبتوس وإللى مأخوذ من الأصل المصرى حوت كا بتاحييجى لنا سؤال كمان ..يعنى مصطلح قبط ده مصطلح دينى راجع لديانة معينة ولا لقومية معينة ؟طبعا التعبير المقصود بيه قومية معينة إللى هم سكان مصر وادى النيل .. يعنى لما نلاقى مصرى نقول عليه قبطى, ولو المصرى ده كان معتنق الديانة المصرية القديمة فهو قبطى، ولو غير ديانته للمسيحية فهو برضه قبطى، ولو غيرها للإسلام فهو برضه قبطى، ولو حتى غيرها للبهائية أو ترك الأديان أو ألحد فهو برضه قبطى .. لأن الديانة دى مش جنسية يعنى دلوقتى الشيلة التقيلة والكنز إياه بتاع الحضارة القبطية دى بتاعة مين دلوقتى ؟طبعا بتاعة كل مصرى مهما إختلفت ديانته ولا تقع تحت حكم شريعة وراثة الإبن لأبوه مختلفى الديانة ..طيب السؤال الأخير ..يعنى ممكن نقول إن الأقباط المسيحيين سرقوا الحضارة المصرية فى الحقبة القبطية من الأقباط المسلمين، ونسبوها لنفسهم ؟هنا بقى أقدر أقول إن الغلط على الأقباط المسلمين إللى فرطوا فى ميراث أجدادهم، وإن كان كثيرين منهم النهاردة فهموا إن ده ميراث أجدادهم، وإن لهم حق فيهاالإبن من غير ثروة أبوه حا يحتاج سنين طويلة علشان يبدأ من الصفر، ويكوّن ثروة، وإن إعتمد على ثروة أبوه حا يقدر يضاعفها، ويبقى من أغنى الأغنياء ..ثروة أجدادنا تبحث عن وارثيها الشرعيين مهما إختلفت أديانهم ومعتقداتهم .. ......
#الميراث
#القبطي
#الحائر

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=741556

أيمن غالي : لباسين وبس
#الحوار_المتمدن
#أيمن_غالي يوحنا الأرمني؛ كان من أشهر الفنانين ورسامي الأيقونات في العصر العثماني، وباقي من أعماله 300 أيقونة بكنايس مصر القديمة ..نشوف مع بعض تركته كان فيها إيه وإللي تم حصرها من طرف المحكمة الشرعية علشان الورث ومصاريف الدفنة والطلعة والأربعين وكدهون ..بنشين جوخ أحمر وكموني وثلاثة قمصان وقفطانين ألاجة ولباسين قماش وقليق واحد ولحافين شيت وطراحة زرقا حشو قطن وحلة نحاس بغطا وثلاثة صحون نحاس بغير زايد علي ذلك. (مصدر الوثيقة: محكمة القسمة العربية، س127، م195بتاريخ 6 جمادي الأولي 1200ھ/7 مارس 1786معن كتاب: يوحنا الأرمني وأيقوناته القبطية؛ فنان في القاهرة العثمانية، مجدي جرجس، الهيئة المصرية العامة للكتاب، 2009، ص157-160خلاصة الموضوع إن الراجل ما كانش عنده غير لباسين وبس بالرغم من إنه كان فنان ودخله كويس ..بعد جرد التركة المذكورة مع شوية لوحات وحصة شرك في بيت؛ يا دوب الفلوس كانت تكفي مصاريف التكفين والدفن والأربعين وطلعة المدافن وأجرة رجل الدين - الورتبيد - القائم بالمراسم .. وكمان الفلوس ما كفيتش؛ فإتبرع واحد من الناس بباقي فلوس المصاريف وإتدفن يوحنا بسلام وساب لنا تراث فني محتاج لعدة دراسات علمية .. ......
#لباسين

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=742082

أيمن غالي : إللي يمشي ورا المؤرخين العرب؛ حا يتقال عليه -العبيط أهوه-
#الحوار_المتمدن
#أيمن_غالي في كتاب صبح الأعشي للقلقشندي؛ حا نشوف كلام لوز عن أصل اليونانيين للكندي، وإللي كلامه يختلف عن الكلام العنب لباقي مؤرخين العرب .. والكل فنكوشون ..بيقول إيه الحاج الكندي (وده مؤرخ عربي مزيكة بيعزف عزف منفرد ما حدش يقدر يقول عليه كلمة وحشة) ..قال: إنه كان فيه إتنين إخوات؛ واحد إسمه يونان والتاني إسمه قحطان، والإتنين كانوا عايشين في اليمن في تبات ونبات وكل واحد عنده شخروميت أورطة بنين وبنات؛ قحطان ده إللي خلّف اليمنيين وناس بيقولوا إن ذريته شملت العرب وغيرهم؛ المهم إن قحطان طقش مع يونان؛ فيونان قال له: وعزة جلالة هُبل لا أسيب لك مجرة درب التبانة كلها وحا أخلع .. وما تعرفش طار بطيارة را&#1700-;-ال ولّا أخد حاملة طائرات ميسترال ولّا غواصة نووية روسية، وشرخ بيها من موقف باب المندب، وأخد الطريق الدائري (اليمن - اليونان)؛ طريق رأس الرجاء الصالح للمحيط الأطلنطي للبحر الأبيض لليونان حالياً، وفيه ناس قالوا إنه أخد مترو الأنفاق المغناطيسي (400كم/ساعة)، وناس قالوا أخد المونوريل؛ المهم أخد حاجة لوزعية من دول وشرخ بيها عشرتاشر ألف ميل؛ علي منطقة اليونان حاليا ورشق فيها .. صبح الأعشي للقلقشندي ج&#1633-;- ص&#1635-;-&#1639-;-&#1633-;-، دار الكتاب، القاهرة، 1920 ......
#إللي
#يمشي
#المؤرخين
#العرب؛
#يتقال
#عليه
#-العبيط
#أهوه-

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=742552

أيمن غالي : هل تجوز الرحمة من الطرمبخاوي للفساخونياوي ؟
#الحوار_المتمدن
#أيمن_غالي ¤ يا شمهورش؛ الشيخ بطيخة إترحّم علي الزبون إللي لسه جاي لك دلوقتي .. طلّعُه بسرعة من شوّاية جهنم وهاته علي الجنَّة¤¤ حاضر يا ريس .. زمان ترباتيتة إتحمَّصِت في الساعتين دُول¤ طُشها له بشوية ماية ساقعة وإدهن له مرهم أكسيد زنك¤ يا شمهورش؛ تعالي خده تاني من الجنَّة وإمسح له مرهم الزنك من علي ترباتيته وإدهنهاله زفت علشان تشعلل أكتر¤¤ ليه كده يا ريس ؟!¤ الشيخ بطيخة رجع في كلامه ولعن ميتين أمه؛ إفتكره طرمبخاوي فإترّحم عليه، وإكتشف إنه من المِلَّة الفساخونية إللي حا تتشوي في نار جهنم وما يجُوزلهوش رحمة¤ يا شمهورش؛ هات الزبون تاني وإمسح له الزفت وإدهن له مرهم الزنك وهاته علي الجنَّة¤¤ إيه إللي حصل يا ريس ؟¤ الشيخ ملوخية قال يجوز الترحم علي الفساخونيين وإن الطرمبخاوية والفساخونية فلقتين في فولة واحدة¤ يا شمهورش؛ رجّع الزبون تاني وإمسح الزنك وإدهن زفت؛ الشيخ الفنكوشي لعن ترباتيت إللي جابه¤¤ حا تنفخوا أمي ليه ؟! يلعن دي شوغلانة علي بطيخة وملوخية والفنكوشي علي إللي يشتغل معاكو ......
#تجوز
#الرحمة
#الطرمبخاوي
#للفساخونياوي

لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=755965