عماد ابو حطب : بالرصاصة ولا بالكورونا
#الحوار_المتمدن
#عماد_ابو_حطب بالرصاصة و لا بالكورونا*صرخ بوجهي :"والله لو تنطبق السماء على الأرض ما بضل يوم واحدزيادة في هالمخيم ".حاولت تهدئته قائلا:"شو جد علينا يا ترى،ما احنا من يوم ماركبوا البوارج وهجوا عيشتنا من تحت الدلف لتحت المزراب". تامل ملامحي المتلبدة وقال:"اه صح بس الوضع ما عاد بينحمل،مخيم محوط بجدار عازل من كل مكان،كأنه الجدار العازل تبع الضفة بلعناها ،حاجز على المدخل بيمنع الدخول إلا إذا كنت من سكان المخيم أو عندك تصريح من المكتب الثاني،وكمان بلعناها،لا شغل ولا مشغلة،وممنوع من الشغل برة المخيم،قلنا أمر الله،وما في شغل في المخيم قلنا هذا نصيبنا،ولا اعتراض على حكم الله.فصايل ومنظمة مش عارفة الله وين حاططها،قلنا هاي مرحلةوبتعدي بدنا نصبر ،سلطة قاعدة هناك وما عاد سائلة على ربنا،كمان قلنا ما بيحك جلدك إلا ظفرك...إلا أنه توصل الأمور انه واحد فلعوص مافقس من البيضة مش معروف قرعة ابوه منوين،يتمقلز و يزنبر علي بس لانه حامل كلاشنكوف ،ومسنود من هذا التنظيم ولا هذاك ولا من هاي الحمولة ولا هذيك...ولا مسنود من مافيا من المافيات اللي ماسكانا من رقابنا...لا هيك تخينة،وما عاد ااقدر اسكت".لم افهم للان سبب ثورته هذه،التفت إليه متثائبا:"يا زلمة هلكتني،بق هالبحصة وقول شو مخليك بتنط مثل القرد؟".نظر الي "بزورة"،قال:" والله لولا اني خايف من ربنا لخليت الله ما خلقه".هنا نفذ صبري وصرخت به:"بعدين معك ،يا تقول شو مالك يا إنقلع من وجهي".صفن وتنهد بحرقة :شو ضل عنا غير ارواحنا؟ما حد راضي يفهم انه السلاح بإيد الخره بيجرح،واحنا صار السلاح بايد كل خروات المخيم ،سلاح ما في شي بيلجمه،لا اتفاقات ولا وعد شرف ولا شي،صرنا كل ما اتخانق عرسين ولا كلبين بتولع المخيمات وكأنه رايحين يحرروا القدس.يا اولاد الكلب هيها اسرائيل بعيدة عنكم فشخة،ورجونا مرجلتكم هناك،مش علينا احنا المعترين".لم افهم حتى هذه اللحظة ما به؟ بدأت" تفرفط" روحي من حديثه العام.نهضت وقلت:"انا رايح،زهقتني".هنا اقترب مني ومسك إيدي وسحبني لبرة وهمس :"هلق انا وداخل على المخيم،شايف حاجز هذولك العرسات،اول ما تبعد عن حاجز الجيش اللبناني،داخل انا ويا غافل الك الله،حاطط كمامتي على وجهي،ما انت عارف انه الكورونا عم تحش حش في المخيم،ولا في لقاح ولا دواء ولا ما يحزنون." واكمل:"الا بفط واحد زمك من ورا الحاجز،ما بيطلع قد رجلي وبصرخ علي،انته يا..قيم اللي مخبي وشك وراه،لاشوف مين انته".بكل هدوء جاوبته:"يا اخي انت ما سمعت انه الكورونا معبية حارات المخيم،ومثل ما بيقولوا ما تنام بين القبور ولا تحلم أحلام مش منيحة"، الأفندي، زورني وقال:" بلا كورونا، بلا خرة.. قيم اللي حاطه على وجهك وبلا فزلكة وإلا والله بكومك في ارضك ".وهو عم بكمل حكيه ما شفنا إلا مجموعة كبيرة من الشباب مع صوت طبل وزمر عم تقرب منا وفهمناانهم جايين من شارع الصفصاف وعم بيحتفلوا بطلوع النتائج السلبية لفحص كورونا للشبيبة المحمولين عالأكتاف.وبس صارت العراضة بينا وبين الحاجز، إلا وبلشوا يطخطخوا ليكملوا الإحتفال. هون الزمك تبع الحاجز فكر عم يطلقوا النار عليه ،قام انبطح وخرطش هالكلاشن وبلش يطخطخ عن ابو جنب ..صديقي مكوم على الارض،لا من تمه ولا من كمه،و كمامته صارت حمرا والدم متل النوفرة بيدفق من تمه بعد إصابته برصاصة في الصدر...هيك انتصرت الرصاصة على الكورونا وجابت اجله الله يرحمه.*نصوص من مجموعة جديدة قيد الإعداد ......
#بالرصاصة
#بالكورونا
لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=742968
#الحوار_المتمدن
#عماد_ابو_حطب بالرصاصة و لا بالكورونا*صرخ بوجهي :"والله لو تنطبق السماء على الأرض ما بضل يوم واحدزيادة في هالمخيم ".حاولت تهدئته قائلا:"شو جد علينا يا ترى،ما احنا من يوم ماركبوا البوارج وهجوا عيشتنا من تحت الدلف لتحت المزراب". تامل ملامحي المتلبدة وقال:"اه صح بس الوضع ما عاد بينحمل،مخيم محوط بجدار عازل من كل مكان،كأنه الجدار العازل تبع الضفة بلعناها ،حاجز على المدخل بيمنع الدخول إلا إذا كنت من سكان المخيم أو عندك تصريح من المكتب الثاني،وكمان بلعناها،لا شغل ولا مشغلة،وممنوع من الشغل برة المخيم،قلنا أمر الله،وما في شغل في المخيم قلنا هذا نصيبنا،ولا اعتراض على حكم الله.فصايل ومنظمة مش عارفة الله وين حاططها،قلنا هاي مرحلةوبتعدي بدنا نصبر ،سلطة قاعدة هناك وما عاد سائلة على ربنا،كمان قلنا ما بيحك جلدك إلا ظفرك...إلا أنه توصل الأمور انه واحد فلعوص مافقس من البيضة مش معروف قرعة ابوه منوين،يتمقلز و يزنبر علي بس لانه حامل كلاشنكوف ،ومسنود من هذا التنظيم ولا هذاك ولا من هاي الحمولة ولا هذيك...ولا مسنود من مافيا من المافيات اللي ماسكانا من رقابنا...لا هيك تخينة،وما عاد ااقدر اسكت".لم افهم للان سبب ثورته هذه،التفت إليه متثائبا:"يا زلمة هلكتني،بق هالبحصة وقول شو مخليك بتنط مثل القرد؟".نظر الي "بزورة"،قال:" والله لولا اني خايف من ربنا لخليت الله ما خلقه".هنا نفذ صبري وصرخت به:"بعدين معك ،يا تقول شو مالك يا إنقلع من وجهي".صفن وتنهد بحرقة :شو ضل عنا غير ارواحنا؟ما حد راضي يفهم انه السلاح بإيد الخره بيجرح،واحنا صار السلاح بايد كل خروات المخيم ،سلاح ما في شي بيلجمه،لا اتفاقات ولا وعد شرف ولا شي،صرنا كل ما اتخانق عرسين ولا كلبين بتولع المخيمات وكأنه رايحين يحرروا القدس.يا اولاد الكلب هيها اسرائيل بعيدة عنكم فشخة،ورجونا مرجلتكم هناك،مش علينا احنا المعترين".لم افهم حتى هذه اللحظة ما به؟ بدأت" تفرفط" روحي من حديثه العام.نهضت وقلت:"انا رايح،زهقتني".هنا اقترب مني ومسك إيدي وسحبني لبرة وهمس :"هلق انا وداخل على المخيم،شايف حاجز هذولك العرسات،اول ما تبعد عن حاجز الجيش اللبناني،داخل انا ويا غافل الك الله،حاطط كمامتي على وجهي،ما انت عارف انه الكورونا عم تحش حش في المخيم،ولا في لقاح ولا دواء ولا ما يحزنون." واكمل:"الا بفط واحد زمك من ورا الحاجز،ما بيطلع قد رجلي وبصرخ علي،انته يا..قيم اللي مخبي وشك وراه،لاشوف مين انته".بكل هدوء جاوبته:"يا اخي انت ما سمعت انه الكورونا معبية حارات المخيم،ومثل ما بيقولوا ما تنام بين القبور ولا تحلم أحلام مش منيحة"، الأفندي، زورني وقال:" بلا كورونا، بلا خرة.. قيم اللي حاطه على وجهك وبلا فزلكة وإلا والله بكومك في ارضك ".وهو عم بكمل حكيه ما شفنا إلا مجموعة كبيرة من الشباب مع صوت طبل وزمر عم تقرب منا وفهمناانهم جايين من شارع الصفصاف وعم بيحتفلوا بطلوع النتائج السلبية لفحص كورونا للشبيبة المحمولين عالأكتاف.وبس صارت العراضة بينا وبين الحاجز، إلا وبلشوا يطخطخوا ليكملوا الإحتفال. هون الزمك تبع الحاجز فكر عم يطلقوا النار عليه ،قام انبطح وخرطش هالكلاشن وبلش يطخطخ عن ابو جنب ..صديقي مكوم على الارض،لا من تمه ولا من كمه،و كمامته صارت حمرا والدم متل النوفرة بيدفق من تمه بعد إصابته برصاصة في الصدر...هيك انتصرت الرصاصة على الكورونا وجابت اجله الله يرحمه.*نصوص من مجموعة جديدة قيد الإعداد ......
#بالرصاصة
#بالكورونا
لقراءة المزيد من الموضوع انقر على الرابط ادناه:
https://ahewar.org/debat/show.art.asp?aid=742968
الحوار المتمدن
عماد ابو حطب - بالرصاصة ولا بالكورونا