محمد نور الدين بن خديجة : بعنا القرد .. زجل مغربي
#الحوار_المتمدن
#محمد_نور_الدين_بن_خديجة ـــ بعنا القرد.. زجل مغربي ..ــــــــــــــــــــــــــــــــــــــــــــــــــــــــــــــــــبعنا القرد وضحكنا على من شراه ..اللي سمع يرد لكل عبد مولاه ..شطح واقفز وتقلب على جنب التعاسة ..السفود مغروس ف القلب وضيم الزلط وناسة ..هذي حلقة فراجة ورجانا ف اللي يفهم ..دير اعصابك ف ثلاجة ومنين تضحك خمم ..+++++بعنا القرد وضحكنا على من شراه ..اللي سمع يردلكل عبد مولاه .القرد وقرادو وقرودة داروا ملعب ..شوفهم كيف عادوا ف السيرك لعبوا لعجب ..الطارح والمطروح الضاحك والمجروحوالدم المسفوح ولاحد بغاه ..واه ياقرد مسكين لامن حد فداه ..قالوا شيطان لعينف النار ثمة ملقاه ..الحلقة ضحكت ومشاتوالقرد دخل صندوقو ..والبسمة سالت دمعات والقلب هاجت حروقو ..وعيات حجايتي ومشات مع خيط الواد الواد ..لعجاير كمعت نعسات نوضوا فيقوا يا لولاد ..+++++بعنا القرد وضحكنا على من شراه اللي سمع يردلكل عبد مولاه .. زجل : محمد نور الدين بن خديجة ــــــــــ المغرب . 15 يونيو 2020 ......
#بعنا
#القرد
#مغربي

لقراءة المزيد من الموضوع انقر على الرابط ادناه:
http://ahewar.org/debat/show.art.asp?aid=681287