🟦🟦🟦🟦🟦🟦🟦

Andijon davlat pedagogika instituti delegatsiyasi Batirali Sidikov nomidagi Qirg‘iz–o‘zbek xalqaro universitetiga tashrif buyurdi

Qirg‘iziston Respublikasining Osh viloyatiga amalga oshirilgan xizmat safari doirasida Andijon davlat pedagogika instituti delegatsiyasining navbatdagi manzili Batirali Sidikov nomidagi Qirg‘iz–o‘zbek xalqaro universiteti bo‘ldi.

Tashrif davomida delegatsiya vakillari universitet rahbariyati bilan uchrashib, o‘zaro hamkorlikni rivojlantirish, ilmiy-innovatsion aloqalarni mustahkamlash hamda talabalar mobil almashinuvini yo‘lga qo‘yish masalalari yuzasidan muhim kelishuvlarga erishdilar.

Shuningdek, institut vakillari universitetda yaratilgan zamonaviy ta’lim va ilmiy-tadqiqot sharoitlari, o‘quv laboratoriyalari, axborot-resurs markazlari, IT texnologiyalar asosida jihozlangan auditoriyalar bilan yaqindan tanishdilar.

Mazkur tashrif ikki qardosh xalq o‘rtasidagi ilmiy-ta’limiy aloqalarni mustahkamlashda, yosh avlodga sifatli ta’lim berishda muhim qadamlardan biri bo‘lib xizmat qiladi.

🏛 Yangiliklardan xabardor bo‘lish uchun kanalimizni kuzatib boring!
🟦 Telegram 🟦 Facebook 🟦 Instagram 🟦 YouTube