Xalqaro hamkorlik doirasida navbatdagi muhim qadam!

Andijon davlat pedagogika institutida xalqaro hamkorlik aloqalari izchil rivojlanib bormoqda. Mazkur hamkorliklar samarasi o‘laroq, Turkiya Respublikasi Gazi universitetidan biologiya fanlari doktori, professor Laylo Achik institutga taklif etilib, o‘quv jarayoniga jalb qilindi.

Professor Laylo Achik tomonidan biologiya yo‘nalishi talabalari uchun zamonaviy bilimlar va innovatsion yondashuvlarga asoslangan dars mashg‘ulotlari olib borilmoqda. Ushbu mashg‘ulotlar talabalarning nazariy bilimlarini mustahkamlash bilan birga, ularning amaliy ko‘nikmalarini rivojlantirish hamda xalqaro tajribalarni o‘zlashtirishiga xizmat qilmoqda.

Bundan tashqari, professor ishtirokida ilmiy seminarlar, mahorat darslari va ochiq muloqotlar tashkil etilishi rejalashtirilgan. Bu esa institut professor-o‘qituvchilari va talaba-yoshlar uchun ilg‘or tajribalarni o‘rganish, ilmiy hamkorlikni kengaytirish hamda akademik salohiyatni yanada oshirishda muhim omil bo‘lib xizmat qiladi.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

“LEKTORIY KONSERT” — YOSHLARGA MA’NAVIY OZIQA

Andijon davlat pedagogika institutida “Payshanba — yoshlar kuni” munosabati bilan talaba-yoshlar uchun “Lektoriy konsert” dasturi namoyish etildi.

Mazkur tadbirda O‘zbekiston davlat filarmoniyasi Andijon viloyat bo‘linmasi sozanda va xonandalari ishtirok etib, konsert dasturi doirasida milliy kuy va qo‘shiqlar ijro etib, talabalarga ko‘tarinki kayfiyat ulashdilar.

Ijro etilgan milliy kuy-qo‘shiqlar yoshlar qalbida estetik didni shakllantirish, milliy qadriyatlarga hurmat tuyg‘usini mustahkamlash hamda ularning bo‘sh vaqtini mazmunli tashkil etishga xizmat qildi.

Mazkur “Lektoriy konsert” dasturi yoshlarning ma’naviy-ruhiy dunyosini boyitish, ularni san’at va madaniyatga oshno etishda muhim ahamiyat kasb etdi.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube