#Adliya_va_yoshlar

Samarqand viloyat adliya boshqarmasi va viloyatdagi adliya organlari tomonidan 30 ming nafardan ortiq yoshlarning muammolari xatlovdan o‘tkazilib, ayni paytda ularga ijtimoiy, huquqiy ko‘mak ko‘rsatilishi davom etmoqda.

👉Batafsil

📌 Kanalga ulanish

#Adliya_xabari

⚡️Adliya vazirligining navbatdagi kengaytirilgan hay'at majlisi bo‘lib o‘tmoqda.

Video-konferens-aloqa shaklida o‘tkazilayotgan yig‘ilishda 2024-yilning 9 oyi davomida adliya organlari va muassasalari tomonidan amalga oshirilgan ishlar va kelgusidagi vazifalar muhokama qilinmoqda.

Yigʻilishda norma ijodkorligi, huquqiy va davlat xizmatlari koʻrsatish, murojaatlar bilan ishlash, ochiqlik siyosati va boshqa sohalar kesimida tahliliy maʼlumotlar keltirildi.

Xususan, 1 569 ta normativ-huquqiy hujjat loyihasi huquqiy ekspertizadan oʻtkazilib, tashabbus bilan 187 ta loyiha ishlab chiqildi. Joylarda 420 mingdan ziyod huquqiy targʻibot tadbiri oʻtkazildi.

Kelib tushgan 123 007 ta murojaatdan 78 foizi qonuniy hal etilib, fuqaro va tadbirkorlar manfaatida kiritilgan taʼsir choralari natijasida pul mablagʻi undirib berildi.

Hay'at majlisi davom etmoqda.

📌 Kanalga ulanish

#Adliya_xabari

⚡️Adliya vazirligining navbatdagi kengaytirilgan hay'at majlisi davom etmoqda.

Unda 2024-yilning 9 oyi davomida adliya organlari va muassasalari tomonidan amalga oshirilgan ishlar sohalar kesimida tahlil qilinmoqda.

Taʼkidlanishcha, davlat organlarining 44 mingdan ziyod noqonuniy hujjatlari bekor qilinib, qoʻpol qonunbuzilishi holatlariga yoʻl qoʻygan 2 686 nafar aybdor shaxslar intizomiy hamda 8 093 nafar aybdor mansabdor shaxslar maʼmuriy javobgarlikka tortildi.

Davlat xizmatlari markazlari tomonidan aholiga 8,4 milliondan ortiq xizmatlar koʻrsatilib, xizmat koʻrsatish jarayoni va bosqichlari soddalashtirilishi natijasida oʻrtacha xizmat koʻrsatish vaqti 5 daqiqani tashkil etmoqda.

Yuridik xizmat markazlari tomonidan davlat tashkilotlarining 6,3 milliondan ziyod hujjat loyihalari boʻyicha huquqiy xulosalar berildi.

📌 Kanalga ulanish

#Adliya_xabari

Fargʻonadagi seminar: sud ekspertiza sohasidagi innovatsiyalar va imkoniyatlar

Fargʻonada Adliya vazirligi huzuridagi X.Sulaymanova nomidagi Respublika sud ekspertiza markazi tomonidan seminar tashkil etildi. Unda huquqni muhofaza qiluvchi organlar xodimlari, sudyalar, advokatlar, davlat organlari va fuqarolik jamiyati institutlari vakillari ishtirok etdi.

Adliya vaziri oʻrinbosari Sh.Rabiyev hamda markaz direktori A.Xalilov tomonidan sud ekspertizasi sohasidagi zamonaviy tendensiyalar va islohotlar, «E-ekspertiza» yagona elektron axborot tizimining afzalliklari va imkoniyatlari hamda sud ekspertizasi sohasidagi xalqaro tajriba va ilgʻor amaliyotlar haqida batafsil maʼlumot berildi.

Tadbir davomida sud ekspertizasi faoliyatini raqamlashtirish, zamonaviy texnologiyalarni joriy etish, jarayonlarni xalqaro standartlarga moslashtirish, sohada kadrlar salohiyatini oshirish kabi masalalar muhokama qilindi. Tergovga qadar tekshiruv, surishtiruv va dastlabki tergov organlari hamda sud xodimlari uchun sud ekspertizalarini oʻtkazishga zarur boʻlgan tadqiqot obyektlarini yigʻish, saqlash va taqdim etish usullari tushuntirildi.

Seminarning amaliy qismida «E-ekspertiza» tizimidan foydalanish boʻyicha koʻrgazmali namoyish oʻtkazilib, uning imkoniyatlari taqtimot qilindi.

Ishtirokchilar sud ekspertizasi sohasidagi dolzarb masalalar yuzasidan oʻz fikr-mulohazalarini bildirib, amaliy takliflarni ilgari surdi.

📌 Kanalga ulanish