ርዕስ አንቀጽ፡ አዲሱ የሲቪል ማህበራት ረቂቅ ህግ የቀረችውን አነስተኛ ምህዳር እንዳያሳጣን ያሰጋል፣ ሳይዘገይ ሊቀለበስ ይገባዋል!

#በኢትዮጵያ የዴሞክራሲ እንቅስቃሴ ወደኋላ እየተመለሰ ነው የሚል ስጋት ባየለበት ወቅት መንግስት በሀገሪቱ የሚንቀሳቀሱ የሲቪል ማህበረሰብ ድርጅቶች ላይ አፋኝ ቁጥጥርን በመመለስ፣ ድርጅቶቹን ለመቆጣጠር የሚያስችለው አዲስ ረቂቅ አዋጅ ማሻሻያ እያዘጋጀ ይገኛል።

በኢትዮጵያ የሲቪል ማህበረሰብ ድርጅቶች ባለስልጣን (ACSO) ተዘጋጅቶ የቀረበው ረቂቅ አዋጁ በማህበራቱ ላይ የሚደረግን ቁጥጥር ለማስተካከል ተብሎ የቀረበ ብቻ አይደለም፤ በቀጥታ መሰረታዊ በሆኑት የመደራጀት፣ ሃሳብን በነጻነት የመግለጽ እና በተጠያቂነት መብቶች ላይ የተቃጣ ጥቃት ነው።

በዚህ ወሳኝ ወቅት ማለትም ሀገራዊ ምርጫ ለማካሄድ አንድ አመት በቀረበት እንዲሁም ያልተፈቱ ግጭቶች እና ኢኮኖሚያዊ ችግሮች በተበራከቱበት፣ ኢትዮጵያ መስቀለኛ መንገድ ላይ ትገኛለች።

አለም አቀፉ ማህበረሰብ፣ ሲቪል ማህበረሰብ እንዲሁም ኢትዮጵያውያን ዝም ማለት የለባቸውም። በእንዲህ አይነት ጊዜያት፤ ዝምታ ገለልተኝነት አይደለም፣ ተባባሪነት ነው። ሙሉውን ለማንበብ ሊንኩን ይጠቀሙ

https://addisstandard.com/Amharic/?p=8544

#ኢሰመኮ የኮሚሽነሮቹ ሰራ መልቀቂያ በምክር ቤቱ  ተቀባይነት ማግኘቱን ገለፀ፤ ላበረከቱት አስተዋፅኦም ምስጋና ችሯል

የ #ኢትዮጵያ ሰብአዊ መብቶች ኮሚሽን (ኢሰመኮ) ምክትል ዋና ኮሚሽነር ራኬብ መሰለ እና የሴቶች፣ የሕፃናት፣ የአረጋውያን እና የአካል ጉዳተኞች መብቶች ኮሚሽነር ርግበ ገብረሐዋሪያ በፈቃዳቸው ኃላፊነታቸውን ለመልቀቅ ያቀረቡትን ጥያቄ የተ/ ም/ቤት መቀበሉን ሐምሌ 9 ቀን 2017 ዓ.ም. አስታወቀ።

ኢሰመኮ ትናንት ሐመሌ 11 ቀን ባወጣው መግለጫ፤ ምክትል ዋና ኮሚሽነር ራኬብ መሰለ እና ኮሚሽነር ርግበ ገብረሐዋሪያ  "ላበረከቱት ቀና የሰብአዊ መብቶች አገልግሎት ያመሰግናል" ብሏል።

በሰጡት አመራር የኢሰመኮን ሥራ በማጠናከር፣ ተደራሽነቱን በማስፋት እና በሕዝብ እንዲሁም በዓለም አቀፍ አጋሮች ዘንድ መተማመንን በማሳደግ ረገድ የሚጠበቅባቸውን ሚና አበርክተዋል ሲል ገልጿል።

የከፍተኛ ኮሚሽነሮቹ የሥራ መልቀቅ ከአዲሱ ዋና ኮሚሽነር "የአመራር ስልት" ጋር በተያያዘ "ተገፍተው" እንደሆነ ቢቢሲ ዘግቧል።

"አሳታፊነትን" ይከተል የተነበረው የተቋሙ አሠራር ባለፉት ወራት ለሥራ ኃላፊዎች እና ለሠራተኞቹ ውሳኔዎቹን "አለማሳወቅ፣ አለማሳተፍ እና መመካከርን" ወደ ጎን ማለቱ ለኮሚሽኑ ከፍተኛ አመራሮች መልቀቅ እንደ አንድ ምክንያት ሊሆን እንደሚችል ምንጮ አመልክተዋል።

ኢሰመኮ በመግለጫው፤ ምክትል ዋና ኮሚሽነር ራኬብ መሰለ እንዲሁም ኮሚሽነር ርግበ ገብረሐዋርያ በኢሰመኮ በነበራቸው ቆይታ "በትጋት፣ በታማኝነት እና በቁርጠኝነት ለሰብአዊ መብቶች መስፋፋት፣ መከበር እና ጥበቃ አገልግለዋል" ሲል ገልጿል።

https://www.facebook.com/share/p/16pDJ6zRqC/

#የሞሳድ ኃላፊ የጋዛ ነዋሪዎችን ወደ #ኢትዮጵያ፣ #ሊቢያና #ኢንዶኔዥያ ለማዘዋወር አሜሪካ ድጋፍ እንድታደርግ መጠየቃቸው ተዘግበ

የ #እስራኤል የስለላ ድርጅት (ሞሳድ) ኃላፊ ዴቪድ ባርኔያ የጋዛ ነዋሪዎችን ወደ ኢትዮጵያ፣ ሊቢያ፣ ኢንዶኔዥያ ለማዘዋወር #አሜሪካ ድጋፍ እንድታደርግ የሀገሪቱን ልዩ መልዕክተኛ መጠየቃቸው ተዘግበ።

የሞሳድ ኃላፊው ይህን ጥያቄ ያቀረቡት በዚህ ሳምንት በዋሽንግተን ባደረጉት ጎብኝት ወቅት መሆኑን አክሲዮስ ዘግቧል።

እስራኤል ፍልስጤማውያንን ከጋዛ ለማዘዋወር የትራምፕን አስተዳደር እርዳታ እየፈለገች መሆኑን ጉዳዩን የሚያውቁ ሁለት ምንጮችን ጠቅሶ የዜና አውታሩ ዘግቧል፣

ሁለቱ ምንጮች እንደገለፁት፤ የሞሳዱ ኃላፊ ባርኔያ፤ ኢትዮጵያ፣ ኢንዶኔዥያ እና ሊቢያ ከጋዛ የፍልስጤማውያን ስደተኞችን ለመቀበል ፈቃደኝነት አሳይተዋል ሲሉ ለአሜሪካ ልዩ መልዕክተኛ ስቲቭ ዊትኮፍ ተናግረዋል። እናም ዋሽንግተን እነዚህ ሀገራት ስደተኞችን ለማዛወር እንዲስማሙ “ማበረታቻ” መስጠት አለባት ማለታቸው ተገልጿል።

ይሁን እንጂ ስቲቭ ዊትኮፍ በጉዳዩ ላይ ቁርጠኛ አልነበረም ሲሉ አንደኛው ምንጭ ገልጿል።

የአሜሪካ ባለስልጣናትም ከአረብ ከሀገራት ተቃውሞ የሚያከትል በመሆኑ ዋይት ሀውስ ፍልስጤማውያንን ከጋዛ የማስወጣት ፍላጎት እንደሌለው ገልጸዋል ሲል ዘገባው አክሏል።

ከወራት በፊት የአሜሪካው ፕሬዝዳንት ዶናልድ ትራምፕ የጋዛ ሰርጥ ግንባት ሲጀመር የጋዛ ነዋሪዎች በሙሉ ላልተወሰነ ጊዜ ወደሌላ ቦታ እንዲዘዋወሩ ሀሳብ ማቅረባቸው ይታወቃል። ሀሳቡን የእራኤሉ መሪ ኔታንያሁ እና ጥምረታቸው ሲደግፉ፣ የአረብ ሀገራት እና አብዛኛው የምዕራቡ ዓለም በብርቱ ተቃውመውታል።

ዜና: እነ አቶ ዮሐንስ ቧያለው "በፍትሕ ስም የባርነት እና የጭቆና ቀንበርን ማስተናገድ የማንችልበት ደረጃ ደርሰናል" አሉ፤

ጉዳያቸውን ለመከታተል ችሎት እንደማይቀርቡ አስታወቁ

በእነ አቶ ዮሐንስ ቧያለው መዝገብ ክስ የተመሠረተባቸው ተከሳሾች "በፍትሕ ስም የባርነት እና የጭቆና ቀንበርን ማስተናገድ የማንችልበት ደረጃ ደርሰናል" ሲሉ ለችሎቱ አቤቱታ አቀረቡ። አቤቱታቸው ምላሽ ካላገኘ ጉዳያቸውን ለመከታተል ችሎት እንደማይቀርቡ አስታወቀዋል።

አንደኛ ተከሳሽ የሆኑት አቶ ዮሐንስ ቧያለው የተከሳሾቹን አቤቱታ በጽሑፍ ለፍርድ ቤት ማቅረባቸውን ጠበቃ አቶ ሰለሞን ገዛኸኝ ለአዲስ ስታንዳርድ ገልጸዋል።

አዲስ ስታንዳርድ በተመለከተው አቤቱታ ተከሳሾቹ "ከህግ አግባብ ውጭ በእስራትና በመንግስታዊ እገታ ፍትሕ ተነፍገን ከቆየን ሁለት አመታትን አስቆጥረናል" ብለዋል።

በተጨማሪም "ከነገ ዛሬ የፍትሕ ሂደቱ ይሻሻል ይሆናል ብለን ብንጠብቅም ከጊዜ ጊዜ ሂደቱ ከድጡ ወደ ማጡ እየሆነ በእኛ በተከሳሾች ላይ ሰፊ የመብት ጥሰትና በደል እየተፈጸመብን ይገኛል" ሲሉ አቤቱታ አቅርበዋል።

"ችሎቱ ሙሉ በሙሉ ለመንግስትና ለገዢው ፓርቲ ወግኗል" ያሉት ተከሳሾች፤ አክለውም "ያልተቋረጠ ጫናና ይሉኝታ ቢስ ውሳኔዎችን በተደጋጋሚ ፈጽሞብናል" ሲሉ አቤቱታ አቅራቢዎቹ በፍርድ ቤቱ ተፈጸሙ ያሏቸውን አስር "ኢ-ፍትሐዊ ውሳኔዎች" በዝርዝር በአቤቱታቸው ላይ አስፍረዋል።


ዝርዝር መረጀውን ለማንበብ: https://addisstandard.com/Amharic/?p=8550

ልዩ ዘገባ፡ የማዕድን እሰጥአገባ፣ #የኦሮሚያ ማዕድን ባለስልጣን የሆንግኮንጉ ሺንግሹ ማዕድን እንዲያለማ የተሰጠው ፍቃድ እንዲሰረዝ ጠየቀ

- ሺንግሹ የወርቅ ፕሮጀክቱን አለመሸጡን አስተባብሏ፤ ግዢ የፈጸመው የአውስትራሊያው አስካሪ ዝምታን መርጧል

#በኢትዮጵያ የማዕድን ዘርፍ ላይ ሰፊ አንድምታ ባለው አኳኋን የኦሮሚያ ማዕድን ልማት ባለስልጣን (OMDA) የፌደራል መንግስት በምዕራብ ወለጋ ዞን ማዕድን እንዲያለማ ሶስት ፈቃዶች የተሰጠው ሆንግኮንግ ዢንግሹ ማዕድን ኢንተርናሽናል ኢንቨስትመንት ኩባንያ (Hong Kong Xingxu Mining International Investment Co. Ltd) ፈቃዶቹ እንዲሰረዙ መጠየቁ ተገለጸ።

ባለስልጣኑ ለማዕድን ሚኒስቴር ሐምሌ ቀን 2017 ዓ.ም በጻፈው ደብዳቤ ሆንግ ኮንግ ሺንግሹ ኩባንያ የፌደራል እና የክልሉን መንግስት አዋጆች ባለማክበር፣ ስራውን ባግባቡ ባለማከናወን እና የአካሄድ ጥሰቶችን በመፈጸም “የገባውን ውል አላከበረምል” ሲል በመግለጽ የተሰጠው የማዕድን ፍለጋ ፈቃድ እንዲሰረዝ ጠይቋል።

ባለስለጣኑ በተጨማሪም “በሆንግ ኮንግ ሺንግሹ ማዕድን ያገኘውን የታደሰ የማዕድን ፍለጋ ፈቃድ “እውቅና እንደማይሰጠው” አስታውቋል።

አስካሪ ሜታልስ የነጆ ወርቅ ፕሮጀክትን ሙሉ በሙሉ ጠቀለለው በሚል የቀረበውን መረጃ በተመለከተ አዲስ ስታንዳርድ ያነጋገራቸው የሆንግኮንጉ ኩባንያ ሺንግሹ ማዕድን የሀገር ውስጥ ስራ አስኪያጅ ሱራፌል ወንድማገኝ የመገናኛ ብዙሃኑ ዘገባዎች ትክክል አይደሉም ሲሉ አስተባብለዋል።

በአውስትራልያው አስካሪ ሜታልስ እና በሆንግ ኮንግ ሺንግሹ ማዕድን ኢንተርናሽናል ኢንቨስትመንት ኩባንያ መካከል የተደረገውን ስምምነት በተመለከተ እና አንድምታውን በተሻለ ለመረዳት አዲስ ስታንዳርድ ለአስካሪ ሜታልስ በይፋዊው የኢሜይል አድራሻ እንዲሁም በቀጥታ ለአስካሪ ሜታልስ ዋና ስራ አስፈጻሚ ጂኖ ዲአና ጥያቄ ቢልክም ምላሽ አላገኘም። ሙሉውን ለማንበብ ሊንኩን ይጠቀሙ
https://addisstandard.com/Amharic/?p=8557

ትራምፕ ለሶስተኛ ጊዜ አሜሪካ ለታላቁ የኢትዮጵያ ህዳሴ ግድብ ግንባታ የገንዘብ ድጋፍ አድርጋለች ሲሉ የተሳሳተ ንግግር አደረጉ

የአሜሪካው ፕሬዝዳንት ዶናልድ ትራምፕ ባሳለፍነው ሳምንት አርብ ዕለት የሪፐብሊካን ሴናተሮችን በዋይት ሀውስ ተቀብለው ባስተናገዱበት ወቅት ባደረጉት ንግግር፤ ታላቁ የኢትዮጵያ ህዳሴ ግድብ በአሜሪካ የገንዘብ ድጋፍ እንደተደረገለት ሲናገሩ ተደምጠዋል።


“ኢትዮጵያ ግድቡን የገነባችው በአብዛኛው በአሜሪካ ገንዘብ ነው” ሲሉ በአንድ ወር ውስጥ ለሶስተኛ ጊዜ
ተናግረዋል።

እውነታው ግን ታላቁ የኢትዮጵያ ህዳሴ ግድብ የተገነባው ሙሉ በሙሉ በኢትዮጵያ ህዝብ በህዝባዊ መዋጮ እና በአገር ውስጥ ሀብት መሆኑ ነው። በተጨማሪም ግድቡ ለግብፅ የውሃ ደህንነት ምንም አይነት ስጋት አይፈጥርም።

በድጋሜ አዲስ ስታንዳርድ የኢትዮጵያ መንግስት ከአሜሪካ ጋር ዲፕሎማሲያዊ ግንኙነቱን እንዲያጠናክር እና እነዚህን አሳሳች ትርክቶች ለመመከት እና ማስተካከያ ለማድረግ ጠንካራ አቋም እንዲይዝ በድጋሚ ጥሪ ያቀርባል።

#ግብፅ በጋዛ እና #ኢትዮጵያ ግድብ ዙሪያ #አሜሪካ ያቀረበችው የሰጥቶ መቀበል ሀሳብ ውድቅ አደረገች

እስራኤል በጋዛ ደቡባዊ ክፍል ማቆያ ካምፕ ለመገንባት ያላትን እቅድ ግብፅ የምትደግፍ ከሆነ በምላሹ አሜሪካ በኢትዮጵያ ግድብ ውዝግብ ውስጥ ጣልቃ ለመግባት ያቀረበችውን ሀሳብ የግብፅ ባለስልጣናት ውድቅ አድረጉ።

ግብፅ በኢትዮጵያ የአባይ ግድብ ላይ ያለውን ቀውስ ለመፍታት አሜሪካ ያቀረበችውን የሰጥቶ መቀበል ሀሳብ ውድቅ አድርጋለች። ይህ ሀሳብ እስራኤል የጋዛን ህዝብ ወደ ራፋህ እንድታዘዋውር ካይሮ ድጋፍ እንድትፈቅድ የሚጠይቅ እንደሆነ ከፍተኛ የግብፅ ዲፕሎማሲ ምንጮች ለአል አረቢ አል ጃዲድ ገልጸዋል።

አንድ የግብፅ ዲፕሎማት ለዜና ምንጩ እንደተናገሩት የትራምፕ አስተዳደር አንድ ከፍተኛ የአሜሪካ ባለስልጣን በታላቁ የኢትዮጵያ ህዳሴ ግድብ ላይ ያለውን ውዝግብ ለመፍታት “ቆራጥ ጣልቃ ገብነት” ብለው የጠሩትን ሀሳብ አቅርበው ነበር።

በምላሹ ግብፅ በሚሊዮን የሚቆጠሩ ፍልስጤማውያንን ከራፋህ ድንበር አቅራቢያ በሚገኝ ካምፕ ውስጥ ለማቆየት የእስራኤልን እቅድ መደገፍ ይኖርባታል።

ዲፕሎማቱ ለአል አረቢ አል ጃዲድ እንደተናገሩት የካይሮ ባለስልጣናት እቅዱን ፍልስጤማውያንን ድንበር አቋርጠው ወደ ግብፅ እንዲገቡ የማስገደድ እርምጃ አድርገው ይመለከቱታል።

================
የአዲስ ስታንዳርድ አማርኛ የማኅበራዊ ትስስር ገጾችን ይቀላቀሉ፡
ቴሌግራም: https://rb.gy/rekjr
ፌስቡክ: https://rb.gy/xwxb3
ትዊተር (X)፡ https://rb.gy/34uh4
ዩቲዩብ፡ https://rb.gy/bjcbg
ድረገጽ: https://rb.gy/5td6n
ቲክቶክ፡ https://rb.gy/jgdsjm

ዜና፡ ሶማሊያ በባህር ክልሏ በርካታ ሀገራት በሚሳተፉበት የባህር ላይ የጦር ልምምድ #ኢትዮጵያ ለመሳተፍ ያቀረበችውን ጥያቄ ውድቅ አደረገች

በቀጣይ #በሶማሊያ ባህር በሚካሄደውና በርካታ ሀገራት በሚሳተፉበት የባህር ላይ የጦር ልምምድ ለመካፈል ኢትዮጵያ ያቀረበችውን ጥያቄ ሶማሊያ ውድቅ ማድረጓ ተገለጸ፤ ኢትዮጵያ አለምአቀፍ ህግን በመጣስ እንዲሁም ሊዓላዊነቴን በመዳፈሯ ነው የከለከልኳት ብላለች።

ኢትዮጵያ በርካታ ሀገራት ባሳተፈ መልኩ በሶማሊያ የባህር ላይ የጦር ልምምድ ለመሳተፍ ጥያቄ ያቀረበችው በአዲስ አበባ በተካሄደው የምስራቅ አፍሪካ ሀገራት የውጭ ጉዳይ ሚኒስትሮች ስብሰባ ላይ መሆኑን የሀገሪቱ የመካላከያ ሚኒስቴር አስታውቀዋል።

የሶማሊያ መንግስት የኢትዮጵያን ጥያቄ ሙሉ በሙሉ ውድቅ ማድረጉን የሶማሊያ የመካላከያ ሚኒስትሩ አህመድ ሞአሊም ፊቂ ተናግረዋል፤ ያለ ኢትዮጵያ ተሳትፎ የባህር ላይ የጦር ልምምዱ በርካታ ሀገራትን በማሳተፍ ይከናወናል ብለዋል።
https://addisstandard.com/Amharic/?p=8569