تابع المجاراة عن العيد الوطني الثامن لثورة ٢١ سبتمبر(حرية استقلال)

البداية #الشاعر_عبدالرقيب_الوجيه

على ساحة السبعين لوحة وذكريات
وتدشين لحظة فارقـــة في حيـــاتها

تجلت بشــاير فـ المشاهد ومعجزات
دلالــة تجـــسد قـــوة اللــــه ذاتــــها

عجاف الثمان اليوم نهضة ومنجزات
وصحوة في الأمة تشيِّــع سُبـــاتهـــا

#ابوحسين_العصري

وهذا بفضل الله كله وتضحيات
رجاجيل ف الميدان دكوا عداتها

تجلت مصاديق الهداية لنا ثبات
و تطوير للموجود يحيي رفاتها

وصارت بعون الله كابوس للغزاة
تقض المضاجع قض حيا رماتها

#أبوخارف_ابوشوصاء

تجلت ثمار الصبر آيات بينات
وكانت عروض اليوم ايه بذاتها

فسبحان من ايد جنوده وهم حفات
بقائد علم ذي لم حوله حماتها

صمدنا بعون الله والروس منحنات
إذا دق طبل الحرب احنا هواتها

#شاعر_بلاد_الروس

على الواقع الملموس ومافيه معطيات
وحرية استقلال بقوة. ثباتها

انارة. دروب العز باهداف ساميات
عجز من يماثلها. ومن في صفاتها

فواحد وعشرين انقذتنا من السبات
ومن حلف متعجرف يدمر. رفاتها

#ابورصيد_المرهبي

على ساحة السبعين راينا المسيرات
و صواريخ بالستي بعيده مداتها

وشاهد جميع الناس بعض المجنزرات
غنيمه غنمها الجيش من يد غزاتها

و قوات ترعب قوة الغرب والغزات
و تخيف إسرائيل و كامل اداتها

#ابوكنعان_الروس

وما زالت الهمات كما الشم راسيات..
تدشن وتتبها وتعلو سماتها

وترسل الى العدوان رسايل وبرقيات..
وتبعث الى العالم كفائة ولاتها

بقوة أستعراض صواريخ وصافنات..
وألاف من الابطال شفنا ثباتها

#الشاعر_بدر_أحمد_الكهالي

بفضل الصمد سيل العرم بالمدرعات
و جيش اليمن حامـي حما منجزاتها

صواريخ تشفي صدر مؤمن محليات
صـنـعها اليـمـن ذي ما تـزعـزع ثباتها

لك الحـمد يالله مـن عُمق كـل ذات
تباشير يوم الفتـح عـرضي سماتها

#ابوعلي_البريهي

ومن ثورة آل البيت الاعلام الهداة
أتت ثورة الأنصار بالأهداف ذاتها

على خائنين الله والدين والحياة
بني سعود وامر يكا وكامل خواتها

ومن وحي (وأعدوا) أعذنا القوات
وجنود تلقى الموت أسمى أمنياتها

#ابوفضل_المتوكل

مسيره عظيمه رغم فرق المعادلات
من الله. ايدها. وثبت. حماتها

وذي مدها بالعون والعزم والثبات
وصارت جهنم ذي تحرق عداتها

على كفها شفنا جميع المغيرات
تجلت وصارت ذي تهدد غزاتها

#الكرار_المشراقي

بثوره يمانيه وبــبطـــالها الابــات
فشل سعي امريكاوكـــامل رعاتها

قطــعنا اياديها ودسنا علا الــغزات
وخابت بفظل اللــه ولاقت ممــاتها

معى الله وال البيت نخوذ التحديات
ونحصدثمار النصر ونحصد طغاتها

#سجاد_الوشلي

لاحت بروق النصر في الاربع الجهات
واحنا بعون الله حددنا جهاتها

الله عزّ الشعب هذا من الفتات
في يوم سبتمبر وفي منجزاتها

خرج شعبنا الواعي وكُلِهْ ثقه ثبات
بوعد الله الصادق مثبِّت حُماتَها

#زاهر_الرصابي

تجلّت وعود الله على أيــدي الأُباة
بـــ ثوره يـــمانيه بــدت معطياتها

معاها اليمن كامل متوحد الخُطات
معاها اتحدنا ولم لـــم الله شتاتها

الله نصرها ومدهـــا واحـبط الغزاة
ورغم المظــالم راقــــيه منـجزاتها

#أسـامـة_المـعبـاء

مع الله واجهنا الهلافيت والطغاة
وصارت يمنا تفتخر في حماتها

في ثامن سنة ازددنا قوة وثبات
والامركة خابت وخارت قواتها

والله ايد شعبنا في المعجزات
وارسل لامريكاء اللعينة مماتها

#الشاعر_ابوحيدر_الحداد

عروضات جباره وايات مرسلات
تجلت لجند الله بقوة ثباتها

على الحلف المريكي براكبين عابرات
من الباس والايمان تحمي حماتها

جحافل رجال الله من كامل الفيات
عليها سلام الله مع طايراتها

#ابراهيم_الشرفي

فيَ الأمس كانوا اربع كتايب مناثرات
تخاف التخطُّف في البراري حفاتها

وصاروا جحافل هائلة بالمعسكرات..
جيوش التحالف ما تساوي حذاتها

صنعنا من اللاشي مدافع وطايرات
وصاروخية للقدس توصل مداتها

#ابوصماد_القوبري

تجلت. وعـود الله في ايات محكمات
وها هي فـي انصـاره بكامـل صفـاتها

مشاهــد عضيــمه معنــويات عـاليات
ومن وحـي اعـدو غيـرت مجـرياتــها

ومنضـومة الصـاروخـية والمسـيرات
بتصنـيعها اغـتاظ العـداء واستماتـها

#إتحاد_الشعراء_والمنشدين

https://t.me/aboyahyaalshami

تابع المجاراة الثالثه لأحياء ذكرئ المولد النبوي الشريف والتحشيد للحفل الأكبر يوم ١٢ ربيع الأول .

البداية #حسن_السعيدي

على الوعــد والميعاد جينا ولبينا
محمد رسول الله في يوم ميلاده

نباهي بــه الــدنيـــا ونعلن تولينا
ونبرأ ونتبرأ مــــن الكفر وأجناده

محبة رســـول اللــه متجذرة فينا
وتقديس ميلاده على شعبنا عاده

#سياف_القاضي

على حب خير الخلق حنا تربينا
واآله لنا المنهاج والنور والقادة

واحنا على ذا الدرب ماقط ملينا
لهذا الهمم في وجه الاعداء وقاده

ألاااااا يارسول الله ماقد تخلينا
كمى الاوس والخزرج تشوف اليمن عاده

#الشاعر_ابوالعباس_الرازحي

مع الله وآل البيت نبقا موالينا
تولي حقيقي صدق ياسيد الساده

وحب النبي والآل يجري الشرايينا
ودمياننا بالعز والجود وقّـاده

ولاحد في الدنياء يقدر يضاهينا
لأنا ملكنا ارواح من الله صمّاده

#الشاعر_جبر_المهدمي

لنا الحق نفرح يالرجال الميامينا
وندعس على خشم المنافق وأوغاده

رسول الهدى والنور والحق والدينا
هدايــه من الباري ونعمه لعُبَّاده

نحب النبي وأآلـه عليه دوم صلينا
وشعب اليمن يومْ مَولده أفضل أعياده

#_ابو_جهاد_صبر

لمولد رسول الله ياكم تمنينا
معاً نحتفل اعراب واحفاد والساده

نلبي رسول الله ذي خير هادينا
ونحرق قلوب الكفر ذي ليه حقاده

ونرفع لبو جبريل جمعه ايادينا
ذي اشعل بقلب الكفر نيران وقاده

#الكرار_الجبر

بحب النبي وآله يمتنا ويحيينا
وبانحيي الذكرى والارواح جواده

ومهما العدو في نار الاحقاد يكوينا
محمد رسول الله في شعبنا زاده

نفرنا الى الساحات لاجله تعدينا
معه في سبيل الله واحفاده القادة

#مناع_شريم

بمولد رسول الله نجدد تولينا
وشعب اليمن بايحتفل بااعظم اعياده

محمد رسول الله نبينا وقايدنا
هو القايد الاعظم في الخلق والقاده

هو الفضل والرحمة علمنا و هادينا
ونصره وتعزيره وحبه لنا عاده

#زيد_الحوثي

بأسمه لــــشــدة حبنا لـــــــه تسمّينا
ولا (أب) ماسمى(محمد)من اولاده

نوّصي لإحياء مولــــــدة كل اهالينا
ونرسل تهانينا لهم يــــــــوم ميلاده

ثقافه ومبدا طابعه فــــــي نواصينا
الى يوم نلقى الله واحنا مع احفاده

#الشاعر_ابوحاشد_ابوسعيد

وفي يوم ميلاد النبي خير هادينا
أتى النور والإيمان في يوم ميلاده

على درب طه والقسم ما تخلينا
وبالوعد والميعاد نوفي بميعاده

صرخنا تبرينا ولبيه لبينا
وندعس على حلف اليهودي واحقاده

#ابومقدام_الخمري

لمولد رسـول  الله  طه النبي جينا
نزين  ونســتقبل   ونفرح  بميلاده

اتيناه   قـــبل  انه  يجينا  وياتينا
اتيناه  والاشـــواق  كالنار   وقاده

اتينا   وبايعنا  علمنا   وسـيدنا
حفيد النبي الهاشمي سيد الساده

#ابوفضل_المتوكل

بذكرى ربيع البدر نرفع تهانينا
لسيدي ابو جبريل بنفوس معتاده

على السمع والطاعه نجدد تولينا
لطه رسول الله نبقي كما العاده

بحبه سكن فينا بوسط الشرايينا
ولا يمكن ان نرجع عن احيا ميلاده

#الشاعر_بشير_الشامي

على منهج الاطهار ذكره ينادينا
الى ساحة التحشيد جينا كمالعاده

ومولد رسول الله نعمة هدى فينا
قد ارسل به الباري لينذر به اعباده

وطه محمد قد تجسد شرايينا
ومن غير سيدي جاء بنفسه وافراده

#الشاعر_ابوالاحرار_جعران

على الوعد قدجينا نترجم معانينا
نصلي على خير الورى وآله احفاده

ونبرأ من احلاف اليهود الملاعـينا
ويبقى يمن ليمان ساطع في امجاده

#ماجد_النوعة

وفي مولد المختار سرنا و لبينا
لذكرى نبي الله في خير اعيادة

ف لو قامت الدنيا مع الكفر تأتينا
في ترك خير الخلق منا و أولاده

فلن نترك الاسلام وطه و هادينا
وشعب الابا يفرح معه يوم ميلاده

#الشاعر_ذوالفقار_القيدله

كلانا بحبك والولا لك تربينا
هتافاتنا لبيك يا أعظم القاده

كسينا الثرى بااللون الاخضر وعدينا
وبانحتفل في يوم ذكراك بأراده

#السالمي_الهمداني

محمدرسول الله بـالهدي ينجينا
وحنا له اقسمنا ونمشي معا احفاده

وبانحيي الذكرا ويخسا الفراعينا
ولاعيد نفرح به مثل يوم مـيلاده

#ابوحسين_العرجلي

الإيمان و آياته وحب النبي فينا
قد أفرش لحضرة سيد الكون سجاده

بمولد رسول الله جينا وباهينا
وأشواق تتدافق في حبه أزياده

إلى الله بانبرأ ويشهد تبرينا
من أعداء رسول الله في يوم أشهاده

#قاسم_السقاف

ترحب عواصمنا ترحب بوادينا
بميلاد طه المصطفى سيد الساده

وبانعلن الفرحه ونحضر ملايينا
من اصغارنا واكبارنا افراد والقاده

وهذه عقيدتنا وهذه مبادينا
نعظم شعائر ديننا هي لنا عاده

#ابتسام_شرف_المحطوري

ترى النور والبهجة تضمد مآسينا
بميلاد قدوتنا محمد مخرج عباده

من التيه والظلمه وباالنور احيينا
بهِ اصلح الأمه، وأسعدها بميلاده

وللقايد ابوجبريل نرسل تهانينا
وعهد الولاء منا لمن هم لنا قادة

#أسـامـة_المـعبـاء

حيــا بمن قد جــائنا يهــدينا
وترك لنا "صنوه" وبعــد احفادة

المصطفى ذي جــائنا ينجينـا
من المظالم ذي جرت في بلادة

#إتحاد_الشعراء_والمنشدين

https://t.me/aboyahyaalshami

تابع المجاراة الرابعة بعنوان ذكرى المولد النبوي محطه نقتبس منها النور والهدى وتعزيز الولاء للرسول الأعظم (ص) .

البداية #منيف_ثعيل

يارسول الهدى نورك بالأفراح بشّر
وانبثق من سناك الهدي بعد الظلاله

مولدك هل بالأنوار واللون الأخضر
واكتسى الكون من نورك ثياب الأصاله

الف لبيك من عشرين مليون واكثر
شعب يعلن ولائه للنبي واحتفاله

#شاعر_بلاد_الروس

مولدك يارسول الله فالكون أثَر
من يحبك أكيد بايحتفل من خلاله

من أحب النبي لباه. في خير أو شر
في حضور المحب تلقى الوفاء والدلاله

#ابو_جهاد_صبر

بانلبي رسول الله بالخير والشر
شعب الإيمان خضر حين نور هلاله

بايعم احتفاله كل مجمع ومحضر
باليمن بانسوي حفل كامل خصاله

عهد لك لو نزف دمي وروحي تبعثر
اننا بحتفل دايم واغيض العماله

#علي_حشفول_الهلالي

شعب ما يوم عن ذكرى نبيه تأخر
لجل يوصل لكل انحا العوالم رساله

ان هذا رسول الله يا كومة الشر
قايد الكون واحنا الجند واحنا رجاله

بانلبيه واحنا كلنا مثل طومر
صادقين الولاء لله وطه وآله

#عمر_الأهدل

ألف لبيك طه من فؤادي وأكثر
إبتهِج يا يمنّا يوم ذكرى
احتفاله
اليمن اكتسى وازدان باللون الاخضر

وشعب الانصار قرر يحتفل بك لحَالِه

يا شعار البراءه اصدع الله اكبر
مولد الطهر طه غاض اهل الظلاله

#ابو_حيدر_البصلاني

الف لبيك عد ماشعب الايمان كبر
عد ما الشعب يصرخ في وجيه العماله

في مولدك يالهدى الشعب يبهى ويفخر
كل مؤمـن مجهـز للفرح باحتفاله

رغم كيد العداء اهل العمالات والشر
الشعب معلن ولائه لـ طه محمد واله

#جمال_الماوري

أقبل النور واقبل شعب الايـــمان عبّر
عن ولائه وحبه للـــنبي وامتـــــــثاله

نوّر الكون واستبشر وذا الشعب بشّر
بالنبي كانّ طه قد ولد له لحــــــــاله

به تباهى وبه باهى وباسمه تعـــــطّر
لوحة الحب لوحة ترتسم في خيالــه

#ابورائد_السعدي

ياربوع اليمن في كل قريه وبندر
فرحتك بالرسول أكبر لحبك دلاله

صورة الليل تتكلم بالإشعاع الأخضر
من زمرد وياقوت احترق في جماله

شعب في قوووة إيمانه وباسه تصدر
الشرف في تولي "آل بيت الرساله"

#ابوفتح_الاشول

الف لبيك تصرخ كل جبهه ومحور
الف لبيك من شعب اليمن وإنفعاله

ويش جُهد العدو لو يحشد اليوم بأكثر
كل شيطان ما يقوى ولا في مجاله

لان حب النبي فينا هو الخط الاحمر
من تعداه يلقانا لـ طه رجاله

#عبدالقوي_البطل

حينما نحتفل بك سيدي عالم الشر
يبان حقده لنا ويزيد مدى افتعاله

لكن ورب السماء يامن علينا تكبر
العز يجنح لنا في حب طه واله

لبيك ياسيدي في حضرتك ماتعثر
عزم اليماني ابد مادمت رمز امتثاله

#أبويمان_المهذري

ألف لبيك ياطه عدد من تذكر
يوم مولد رسول الله ووصل وصاله

خير ذكر على ذا الكون أوضح وابصر
شيعوا مولد المختار وحيوا قباله

بانقيمه برغم الشر ونقول يحسر
من يريد القطيعة بين طه واله

#ابوحيدر _الحامس

الف لبــيك ياطــــه النبي وبشر ابــشر
دام شــــعب اليمن فالكفر حتمي زواله

الـــــولا بـين دمـــنا لك وضاهر وفـالسر
نحــــتفل بك ونفــرح لو دمانا مـــساله

ارسـلك ربنا رحــمه وهـــــادي ومـــنذر
واصطفاك اصطفا من خيروعضم سلاله

#سياف_القاضي

االف لبييييك ياطه وكلن تحضر
يحتفل يوم ميلادك ويصل مناله

شعب مؤمن مجاهد اقتدائه بالاشتر
مده الله بالإيمان مولى الجلااله

سيدي يارسول الله مااقط نفتر
كل منا على ذا النهج وصى عياله

#الكرار_المشراقي

الف لبيك ياعظم شخص في الكون وطهر
الف لــبيــك يامن هدعرش الظـــــلاله

في الربيــع الالآهي كلــه الكون نور
تحتفل يوم ميلاد الهدى والرساله

شعــبنابك تبـــــاها وقتدابك وشـمر
جاك عشرين مليون من جنوب وشماله

#مختار_البحري

شعبنا فيك يتباها كما انت تفخر
الف لبيك من عمار وكل السلالة

الف لبيك لبيناك من كل منبر
يارسول والهدئ وياختام الرساله

الولاء لك معمد طبع بدم الاحمر
يحتفل فيك شعبي حتئ لوضاق حالة

#علي_دحان_الجبري

اليمن يارسول الله جوه معطر
وارض اﻻيمان تنبت حب طه وااله

احتفاﻻ بميﻻدك يمنا تغير
واصبح النور من راسه مغطي سفاله

تحفة الكون صنعاء تلبس الثوب اﻻخضر
والصﻻه والسﻻم ل بن اليمن راس ماله

#الشاعر_ماجد_القادري

في ربيع الشهور اليوم رقمه ثنى عشر
كان فيه النبي المختار فينا وصاله

يارسول الهدى شعب اليمن فيك يفخر
شعب في منهجك يقهر طغاة الظلاله

نحتفل مولدك بالخير وبه نقهر الشر
انت اطهر بشر وانصار ربي السلاله

#ابوفضل_المتوكل

الف لبيك من خمسين مليون واكثر
من جنوب اليمن لاغربها لا شماله

ياربيع الهدايه والهدى خير منذر
خير من ربنا خصه بحمل الرساله

كله الكون في ذكراك بالطيب عطر
واكتسى من جمالك يارسولي جماله

#المولد_النبوي_الشريف 1444هـ
#إتحاد_الشعراء_والمنشدين

https://t.me/aboyahyaalshami

تابع المجاراة الخامسة للتحشيد ليوم الثاني عشر ربيع الأول مولد النور لنثبت للعالم مدئ أرتباطنا بالنبي محمد (ص).

البداية للشاعر #عزيز_الردماني

يا رسول الله يا بو فاطمه.
يا شفيع الخلق يا خير الأنام.

نورك أشرق في ليالي قاتمه.
وانقشع ليل الضلاله والظلامِ

أنت وآل البيت حجه قايمه.
وانت للأمه وللناس الإمام.

في القرون الماضيه والقادمه.
بعثتك رحمه وميلادك سلام.

#صالح_عنبل

ناصرين الدين واهل الحاسمه
حب هاديهم قداسه واللتزام

حب طه فيه سنه دائمه
خالده حيه بالانصار الكرام

بالعزل و القرى و العاصمه
ترجموها افعال عالين المقام

ما تلاشت بالحروب الناعمه
او بالاهوال في اي اقتحام

#ابونصر_عزام

يارسول الله انت للامه عامه
يامة الاسلام لبى خير الانام

هذا الرسول وآل حجه تامه
علينا بادرو بالسلام والا التزم

يا محمد انت للانصار حكمه
وحنا جنودك مع الاآل الكرام

لبيك من قبلة المجد العاصمه
من شعب الإيمان ارض السلام

#أبويمان_المهذري

أفـرحـي يـالـمـدن والـعـاصمه
يـوم مـيـلاد طـه نـسـل سـام

وكـتـسـي الـون الخضر عامه
ونشري الضواء عاكس فالغمام

عـز الاسـلام بـالـلـي حـاكمه
قــاد الأمــة و لآنــا الـعُـظـام

مـن يـمـنّـا الـولايـة حـاسـمـه
فـأول الـبـدع والا فـالـخـتـام

#ابوحسين_الراعي

اليمن دولة وصنعاء عاصمة
للنبي والشعب له درع وحزام

مولده خالد براس القايمة
والقسم لا نحتفل به كل عام

رغم من وآلى اليهود وخاصمه
والطواغيت الجديدة والقِدَام

لعن ابو من خاف ف الله لايمة
او خضع لاعداه ساعة. والسلام

#ابوحرب_الفقيه

مولد المختار فرحه دايمه
نحتفل بحيااها في كل عام

والنفوس لحب طه تايمه
من عليه ازكا صلاتي والسلام


يوم مالاعراب صارت هايمه
هايمه وسط المعاصي والحرام

شعبنا اتصدر علاو القايمه
في محبت سيدي خير الانام

#وائل_قدشان

استبشري وفـرحي يالـعـاصمه
بميـلاد طه النبي عليه السلام

بانحـتفـل ضـد اليهـود الظالمه
ياشعبنا الايمان ياشعب الكرام

بانعطي العدوان ظربه صـارمه
ظربه قـوية بـضـربات الـسـهام

صـلى علـيـك اللـه يابـو فاطمه
من اخرج آلامه من بحر اظلام

#الكرار_المشراقي

كلنا با نحتــشد للعــاصـــمه.
الله الله ياالرجاجيل الكرام.

نحتفل بطهربشرفي القايمه.
سيدالكونين البــــدرالتمــام.

نعمته نعمــــه جليه دايــمه.
طهرت رجس الطواغية الئام.

انت مسك الاوله والــخــاتمه.
حبكم ذي يحيي العظم الركام.

#ابوحيدر_الحامس

احتفل ياشـعـب روحـــه هايمه
في محبّت خير خلق الله هيام

لك عــلاقـه بالنــبي مــتلائمــه
تبتـهج به تحتـفل في كل عـام

رغم عدوان اليهــــود الضالـمه
غير انك بالنــــبي زدت اهتمام

مولده تحــيـيه دون مــساومه
لِن ولائك له بـدمّك والعـــضام

#فتى_عنس_الثائر

مولدك فرحه لشعبي دايمه
يارسول الله يابدر التمام

انورت أرض اليمن والعاصمه
قد كساها اللون الاخضر كل عام

في مدنها والقرى المتلازمه
رددت لبيك ياعالي المقام

بـ الصلاه وازكى السلام الخاتمه
توصلك طه مع الآل الكرام

#عبد الجبار السيقل

بك يارسـول الـلــه جو العاصمه
اصبح مخضر قــايـلا لا للضلام

انت رمز الشعب هاذا عاااااااامه
وانت نور الكون الا في كل عام

زدتنا قــــــــوه ونــخــوه عارمه
ندحـــر بها الكفار ياسيد الانــام

صلا عليك الــلــه يا ابو فاطمه
مايتلو المؤمن كـــــتابه بنتضام

#ابوفضل_المتوكل

يارسول الله يابو فاطمه
ياحبيب الله يابدر التمام

نورك اشرق في بلاد الحالمه
بعد ما عم الضلاله والظلام

وانجلا حكم السنين القاتمه
وابتدا حكم العدال والسلام

في حضور البدر من قد عظمه
ربنا وارسله رحمه لرض سام

#ابوسام_محمد_القحم

لولاك مالنعمه علينادايمه
ولا اليمن في مولدك شامخ همام

هذااليمن ياسيدي بك هايمه
كل المحبه لك وكل الاحترام

صلى عليك الله مسك الخاتمه
ياصاحب القرأن يالبدر التمام

قمنا بميلادك والامه نايمه
غير اليمن ياسيدي ماشخص قام

#علي_الوزير

الـمـودة والـمـحبـة دايمـة
في اليمن للمصطفى مابه كلام

نورت عقب الظلام العاصمة
ذي تحيي مولده في كل عام

والـقبايـل في المناطق عـامـه
رحبت واستقبلت خير الانام

خبرو كل الخلايا النايمة
ماعرف قدرالعظيم الا الكرام

#سلطان_خضران

ياسفينه فالبحيره عايمه
من ركبها سوف ينجا والسلام

ومن تخلف عنها امه حارمه
يوم لاعصم من امر الله حرام

بوصلتها والقيامه قايمه
نحو الاقصى متجه من ارض سام

سيدي لبيك عند الخاتمه
يارسول الله يامسك الختام

#زيد_الحوثي

صلت الــدنـيــــا وهـيّـه قايمة
وسلمت في يوم ميلادك قيام

للقرون الــمـاضية والـــقـادمة
والحضارات الجديـدة والقدام

بعثـتك رحـمـه ونعـمه دايـمـة
ما تفارقـنا ولا فـيـها انفـصـام

فـ الحـروب الطاحنة والناعمة
نحتفل كرما لعينك كل عــــام

#المولد_النبوي_الشريف 1444هـ
#إتحاد_الشعراء_والمنشدين

https://t.me/aboyahyaalshami

قول التحالف قادمه يوم اغبر
يحمل بجوفه من جهنم صوره

اما يجهز للسلام........ المحضر
ولاقلعنا كبر ابوه........ وغروره

ثلاث ساعات ان غنمها وافكر
وعوذب الشيطان واحكم شوره

ماشي فقولو. للنيازك. تزئر
الشعب ضامي والغضب نافوره

#ابوفضل_المتوكل

رسول اصطفاه الله واشفا به العلل
وحرر به الامــــــه من التيه والضلال

هو اعظم نبي واعظم رساله لها حمل
وخير البشر مخلوق من طهر ذوالجلال

عليك الف صلى الله ياخاتم الرسل
عدد مانبت في الارض في السهل والجبال

#الشاعر_أبوشماخ_القدمي

أزين حروفي واسبك الشعر والجمل
بذكر النبي الهاشمي يسبر المقال

بحبه ونهجه يصلح القول والعمل
ختام الرسل مولى الكرامات والجمال

بميلاده ارسى العدل والباطل ارتحل
وخارت عروش البغي والجور والضلال

محمد علاج التيه والبؤس والفشل
هو الرحمة المهداه والقائد المثال

#ابوخارف_ابوشوصاء

محمد بعث رحمه من التيه والزلل
لكي ينقذ الامه من الشرك والضلال

ختام الرسل والأنبياء خير من عدل
وخير البشر طه بلا شك اوجدال

رفع راية التوحيد ومنها سقط هبل
بنور الرساله مرغ الكفر في الرمال

هدى الأمه الحيرا وبين لها الخلل
وصلى عليه الواحد الفرد ذوالجلال

#جميل_الجنيد

أتاني قصيدي مذعنٌ صابه الخجل
وصلى على من فاق في حسنه الجمال

كريمٌ عزيزٌ من علا قدره وجل
روؤفٌ رحيمٌ ماله قط من مثال

على النور طه من به ديننا أكتمل
به يهتدي من رام من ربه الوصال

ربيعٌ أتانا مرحباً كلما وصل
وبا نحيي الذكرى ونفرح بالإحتفال

#ابوفضل_المتوكل

محمد رسول الله من قد به اكتمل
رساله عظيم الشان في كامل الكمال

وهو من بنور كل غاوي غوي وضل
رجع من ضلاله وقتداء به بالمتثال

شفيع الخلايق من سكن داخل المقل
عظيم المكارم والهدى طيب الخصال

به اتزين الاسلام والهدي..... به نزل
ربيع الهدايه فايق الوصف والجمال

#ابوقايد_عون

محمد رسول الله طرحناه في المُقل
محمد رسول الله آيه من الكمال

بسيفه اباد الشرك وانهى قوى هُبل
هو القدوه العظمى في السلم والقتال

حياته جهاد وبذل واخلاص ف العمل
من اجل الهدى يمتد قاتل قوى الضلال

وفي بدر والاحـزاب ثابت كما الجبل
وبه يحتمي الابطال في ساحة النزال

#عبد_الجبار_السيقل

نبي هل نوره فوق ذا الشعب واكتمل
وعم الوطن فرحه لها صيت لايزال

نبي منه الاعداء حرام ما ادت الرقل
تعلا وخلى الكفر تتذوق الزوال

به الشعب ثابت كالجبل يرتحه جبل
وحبه دعمنا فخر قوه وانفعال

صلاتي عليه مدبول من داخلي دبل
صلاتي عليك تغشاك يا باهي الجمال

#فتى_عنس_الــثائر

محمــد إمـــــــام العالمين خيــر من أهلّ
على الناس رحمه بـ الهــدى كامل الكمال

هدى الناس واخرجهم إلى النور من أظل
قبله ونجــــاهــم من الظلـم والظــــــلال

دعى الخلق بـ الـقــــران والهـدي ذي نزل
من الله يهدينا إلى الحـــــق ذو الجـــلال

عليه الصــلاه وازكى السـلام عد ماهطل
وشن المطـر توصل لـ طــــه وخـيــــر آل

#ابوالعباس_الرازحي

عجزت في وصوفه بالمعاني وبالجُمل
ومهما تحدثْت عنْه لايوصفه مـقـال

محمد رسـول الـلـه كـل الجمال شـمـل
وعانق ثـريـا الـمـستـحيـلات والمحال

فهـو من دعا حـيـا على خـيـر الـعـمـل
وهو من بـنـا الأسلام بالهدي والنصال

وهو من دعس كفار قريضه في الجمل
بسيف الأمام علي وعـمـار اوبـلال

#ابوهادي_صيفان

محمد سراج الدين والحق في العمل
ولولاه للامه لكانت في الضلال

محمد دليل العدل وهو خير من حمل
رساله الاهيه وانقى الزلال

محمد له المسرا وهو خاتم الرسل
حفظ محكم التنزيل وهو كامل الخصال

وافضل بشرمخلوق بلخلاق مكتمل
وافضل رجل مولود وكيف اوصفه محال

#بشار_عباس_الشومي

قدوم الفرح اقبل على شعبناء وهل
بفرحه عظيمه باتجسد ف الإحتفال

وفي مولدك يترسخ القول بالعمل
وقمنا بتجهيزات من قبل الإنتقال

لك العهد بانمضي نواصل ومانذل
لعباد الامريكان وسعود والنعال

مع الله وآل البيت نجاهد وننتقل
إلى ساحه الميدان إلى محور القتال

#الشاعر_ابونصر_القحطاني

صلاتي على من ربناالله عليه صل
على مخرج الامه من الكفر والضلال

به الكون استبشر واشرق به الامل
بنوره اهتدينا باهي النور والكمال

هنيئاً لمن في مولدالهادي احتفل
ومن هو على الاسلام ما مال واستقال

#أبويمان_المهذري

رسول الـهدى والـدين والمنزل الأجل
نشر راية الإسلام في السهل والجبال

حـمل كـل مـا يوصف وأخلاقه اكتمل
سـراجـاً مـنـيـراً فـي تمامـه والاكتمال

شـجاعـه مـروءه هـازم الـكـفـر إن نـزل
وغزوة حنين أكبر حقيقه عـلـى المثال

وقف ضد الاعدا هو وسبعه ولا اعتزل
ونـادى إلـى مـن فـر كـروا إلـى القتال

#الشاعر_بشير_الشامي

وطه رسول الله بالعلم والعمل
يجسد لدين الله بالقواه المثال

له العهد يكتب بشموخ دايم الازل
بأنا على دربه في السلم والقتال

من ارسل به الباري من الغيث لانزل
هدى للبشر نعمه من الله ذوالجلال

وقد بلغ الحجه الى الناس واكتمل
كريم المكارم في كلامه وفالمقال

#الكرار_المشراقي

محمدحبيب الله ذي بالهــــدى نزل
عظيم الخلق تفواق الوصف والخيال

بنورالهدى والذكرلمـــع بارقه وهــل
واشرق على الكونين بالود والجمال

بعث هاديً للحق بهاالعــالم احتـــفل
وجارحمةً للكون من القهروالظلال

تابع المجاراة تضامنا مع الشاعر الكبير #معاذ_الجنيد

البداية من #ضيف_الله_سلمان

اليهودي طول عمره يهودي
ذا الكلام المختصر والمفيد..

خابوا اذناب النظام السعودي
كلنا الشاعر #معاذ_الجنيد..

#الشاعر_علي_الوزير

في سبيل الله حنت رعـودي
والمنافق مّع تحـالـف يـزيـد

والجنيد ابرزعوامل صمودي
عار لـوشاورت فـيه الـعـبيـد

#جمال_عوضه

يايمن لايمان وابناء جدودي
من نكر تاريخنا راس حيد

بالجنيد فخري وعزة صمودي
في وسط مسقط وبارض السويد

#الشاعر_محمد_ابوالعز

يا قوافي الشعر فيضي وجودي
دعم للشاعر معاذ الجنيد

ذي حروفه وقعها كالرعودي
ترعد العدوان بأسا ًشديد

#عبدالله_محسن_جحاف

الجنيد رمز الإبا والصمودي
شعره الصاعق عليهم وقيد

رغم أنف المرتزق والحسودي
سيد القيفان قل للعبيد

#علي_الشعيثي

القرود اشباتقل في الاسودي
ذي تسفح خوف من راس حيد

الجنيد اقمار بثت صمودي
للولد وبن الولد والوليد

#أبوشموخ_سريع

والله ان ابياتنا كالرعودي
خاصة لاهو معاذ الجنيد

وقعها غزوات عمق الحدودي
إن سمعها الحلف يعلن شريد

#ابوهادي_صيفان

قل لابواق العرب يايهودي
يهودهم ماتركع جنيد

من معاذ البيت مثل السكودي
ضد امريكى وشلت يزيد

#ابوصالح_مرعي

شاركيني يالقوافي صمودي
في سبيل معاذ مابانحيد

سيفنا فوق العدو اللدودي
بالفصاحة والبيان المبيد

#ابومصطفى_الرضي

شاعر الاحرار رمز الصمودي
من لظى ( ابياته) يذوب الجليد

صوت بارقها تعدى الحدودي
وقعها اقوى من سلاح الحديد

#ابوخارف_ابوشوصاء

مت بغيضك يالعميل الحقودي
انت خاسي طول عمرك بليد

ماتنقص قدر شبل الاسودي
شاعر الاحرار نوعه فريد

#الشاعر_ابوشهيد_القطمي

في طريقة با نواصل نجودي
من بحورة قد شحنّا الرصيد

نقهر الباطل بنهج الصمودي
يا معاذ لبيك هل من مزيد..

#ابوزكريا_مفلح

كلنا الاستاذ نجم الصمودي
شاعر الثورة معاذ الجنيد

الحسد يظهر مطبع حقودي
وسألوا غزة وش آخر جديد

#جمال_الماوري

يا المناهج حطمي لي قيودي
وانظُمِي منهج جهادي جديد

من #معاذ استسقي العز عودي
بيت يسوى برج مبني حديد

#ابوروعه_الجوفي

لجل صوت الحق با اطلق سكودي
من منصات الادب و القصيد

ذي صنعها في مراحل صمودي
شاعر الامه معاذ الجنيد

#أبومالك_الديلمي.

ياريح الشايعه مهما تنودي
ضد بحر الشعر شاعرنا المجيد...

من جعل ابياته العظمى جنودي
جند القافي مع الله والقصيد

#ابومطلق_ابوشوصاء

ياقوى العدوان بالذل عودي
لن تحقق غايتك يابليد

لا وربي ماتزلزل صمودي
بالأكاذيب في معاذ الجنيد

#ابوميثم_الزراع

من قصيدة له بصحراء ميدي
ذابوا اعدائة مثـيل الجــلــيـد

والذي عاداة في حجم دودي
في غرف تفتيش بيت القصيد

#أخت_شهداء_البكالي

يخسئوا الانذال يالقاف جودي
من تكلم في معاذ الجنيد

انتصرنا رغم انف السعودي
يامعاذ اليوم حرفك شديد

#امين_الراجحي

بلها واشرب مياه البنودي
يامطبع وحتشم ك الجنيد

تعرف الأجيال ان الجنيدي
شاعر الثوره من انصار زيد

#عبدالسلام_الطالبي

صح لسنك ماطرقته أكيدي
واشهد إنك ضيف رجال جيد

والسعودي هو ذنب لليهودي
والأدب ومعاذ هامة وحيد

#عبدالحكيم_النمري

يامعاذ اشتد وارقى سنودي
لو فزعنا لك بدم الوريد

عشت ياجزل القصيد العمودي
يعقب الحاقد ويخسى العنيد

#ابوصالح_عنبل

ترفع البيضاء طوال الوجودي
للفتى الثائر معاذ الجنيد

لو ينقص قدر مؤمن؟حقودي
ما تخلد قدر يحيى و زيد

#أسـامـة_المـعبـاء

شاعر المحور وشعب الصمودي
الثائر المغوار #معاذ_الجنيد

حارب الباغي وحلف السعودي
وناصر العترة على نهج زيد

#ابوفتح_الاشول

يا مواقف يا تواريخ عودي
في #معاذ اليوم سجّل و عيد

و المنافق نمسحه في وجودي
ما بقى إلا المجد خالد تليد

#الشاعر_محمد_منصور_الميادين

بايخيب المرتزق والحقودي
لويكيدو للجنيد الف كيد

ماتسمعنا لقول الحسودي
صامدين في كل صحراء وحيد

#ابوبراءة_الديلمي

يارجال الله بشعر جودي
واكتبوا ابيات من دون قيد

يامعاذ لك من يمنا عهودي
الوفاء من جند ربي أكيد

#ابوحسين_الشتوي

صاحب الهاجس ورمز الصمودي
شاعر الثوره معاذ الجنيد

قافيه يرعد وصوته سكودي
قاهر العداء عبيد العبيد

#ابوحرب_العتب

الجنيد شبل النماره والاسودي
دامه الله للوطن شامخ عنيد

شاعر الشعار في ارض الصمودي
الشياكي في قصيده والكنيد

#مختار_البحري

معاذ يابركان بوجه اليهودي
يانجم عالي عنهم رافع بعيد...

كلنا انتة ضد مكر السعودي
اليمن كامل معاذ ابن الجنيد...

#ابـومـازن_الـرازحـي

شاعر الثورة بشعره يسودي
عالم الزامل وبيت القصيد...

رغم أنف المرتزق والحسودي
فاليمن، كله#معاذ الجنيد...

#ابوفضل_المتوكل

كلنا في صف واحد عمودي
صف متلاحم معاذ الجنيد

رغم متامر وخاين حقودي
باتضل انت الدماء في الوريد

#محمد_المروني

ما كلامك با يبدد وجودي
هو عبارة عن تبلد فريد

ما يهز الصخر هاثي حقودي
وهجعوا فـ الشعر نبضه جنيد

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان ذكرى الشهيد رد الوفاء بالوفاء.

البداية للشاعر #ابوصالح_العملسي

ذكرا الشهيد الذي من اجلنا عانا
ذكرا وفاء من يمن ليمان بكملها

نحيـي بها ذكر من ربي به احيانا
ونرد لاهل العــــطـايا ما يقابلها

ماضين في دربكم والله مولانا
والدرب للقدس بأذن الله نكملها

#الشاعر_عمر_الأهدل

ذكرى الشهيد الذي من اجلنا اتفانا
والنفس لله وهوه لله فعلهاه

الله نسأل عظيم الشآن مولانا
يجعل له الفوز والجنات يدخلها

جاهد مع الله يوم اتكالبَ اعدانا
ومخططات العدو بدماه افشلها

#الشاعر_المقرمي

أطهر بشر قدموا لله قربانا
نفوسهم وإصطفاها الله وفضلها

على خطاهم مع الله تمضي خطانا
بقيادة البدر والأرواح نبذلها

محال عن دربهم والنهج نتوانا
وهم مصابيح للضلمات نشعلها

#ابو بدر_ذيبان

ذكرى الذي من بروحه شاد بنيانا
ومن دمه جت حروف العهد بكملها

واستبشر الفوز بالجنه ونادانا
سلم لنا راية الاسلام نحملها

يا شعب صامد امام الكفر مالانا
درب الحياه الشهاده عز يشملها

#مرتضى_ناجي

مابه شهيد قد رحل إلا ووصانا
هاذي المسيره حذاري يوم نخذلها

كنا أذله وجانا البدر ربانا
على الشجاعه وبين وين مدخلها.

ساعات افكر واقول مابقي الانا
يارب ناذر حياتي لك تقبلها

#ابوخارف_ابوشوصاء

لهم سلام من الباري ورضوانا
نفوسهم اصطفاها الله وفظلها

ذكرى الشهيد أشعلت في الشعب بركانا
ونفوسنا في سبيل الله نبذلها

إحنا على دربهم هيهات نتوانا
تلك الدماء الطاهره هيهات نخذلها

#ابوكنعان_الروس

أخي الشهيد البطل اوصى ووصانا.
نمضى على الدرب والريات نحملها

نجدد العهد ونواصل عطايانا.
نسلك طريق الشهيد لازم نكملها

بعنا من الله وأتقبل وكافأنا.
بجنة الخلد للفردوس وصلها

#ابتسام_شرف_المحطوري

شهيدنا في طريق الال وصانا
والنفس في طاعة الباري نؤهلها

مماتنا والحياة ترخص لمولانا
بعنا وربي اشترى الانفس وفضلها

في يوم ذكرى الشهيد لله عاهدنا
واقوالنا فعل ، ودمانا تسجلها

#رامي_السوداني

شهيدنا الحُر نفس الدرب أوصانا
وقال يا ليت قومي يعلمون لها

وقال نبذل جماجمنا و أشلانا
ونلتحق بالمسيرة في قوافلهاه

جزاه بالصبر والإحسان إحسانا
وجنة الله يسكنها ويدخلها

#الشاعر_احمد_تاج_الدين

أحنا مع الله ذي بالذكر حيانا
هو الذي حير الاعداء واذهلها

نسري ونبذل ونستبسل ونتفانا
ونسأل الله للأرواح يقبلها

ونلاقي الله ونستبشر بسيمانا
ندخل جنانه ماعظمها وأجملها

#ابوناصح_العزي

ذكرى عظيمه نزيد العزم نتفانا
ياويل من هو تجاهلها اواهملها

رد الوفا بالوفا ما دام مبدانا
رد الجمايل لمن جتنا جمايلها

نبيع لله اولانا بأخرانا
ياسعد نفس لها الباري تقبلها

#الكرار_المشراقي

في جنة الخلد ياهل الخلد ملقانا
على خطاكم له الارواح نبذلها

العهد منــــا لكم مــايــوم نتــوانا
كـــلا ولانهدر ادمــاكم ونخــذلها

يالله عسى تقبل البيعه وترضانا
حقــق مــنانا بااخراهـــا واولـهـا

#ابوفضل_المتوكل

نمشي على نهجهم والله يرعانا
حتى نحقق مقاصدهم ونكملها

نخط عهد الولاء من داخل ادمانا
وفاء لما قدمو بالروح نحملها

على مسيرة هدى والنهج قرءانا
نواصل السير للاقصى نكملها

#ابومالك_الشباطي

شهيدنا حي عند الله مولانا
ونفسه الطهاره ربي تقبلها

ياهجسي احترك ذكرى الشهيد جانا
في يوم ذكراه حروف الشعر شغلها

احنا على العهد ماننساش شهدانا
ومستحيل اننا ننسى ونهملها

#ابوهادي_الغمري

رمـــز الجنان الله اتلطف به اعطانا
مفتاح واحــــد شهاده قط ماابدلها

ذكرى الذي فتحـــو الريان بااخرانا
عـــادت عــــلـينا وعـمتنا فـضايلها

نـثـبــت وفانا لـهــم ونغيـظ اعدانا
باالسير فـي نهجهم والدرب نكملها

#ابوصخر_الجوحمي

ياكل من قد بذل روحه لمولانا
نلت الشهاده التي ماشي يماثلها

ضحى بماله وروحه قدم احسانا
لله والدين والاوطان بكملها

ياكل اسره بنت للدين بنيانا
انتم اساس الوفاءوالفضل يشملها

#أبوريان_صبيح

أرواحنا والدماء لله قربانا
روح العطاء في دمانا قد تخللها

بعنا.. ولله بيعتنا ومشرانا
نجود بالدم والأرواح نبذلها

من أجل تحرير كعبتنا و أقصانا
ولو دمانا تجول الأرض أكملها

#الشاعر_ابوفاطمة_الشريف

معا عظيم الفرج ماخاب مسعانا
وانفوسنا في سبيل الله نفعلها

و عهدنا للشهيد الي قد اتفانا
وعروش الأعداء بعون الله زلزلها

نبقى على النهج ذي به ربي اوصانا
ايلين ما جنة الرضوان نوصلها

#الشاعر_عزالدين_المرادي

من بعـدكم حدد الرحمن مسعانا
وبـعـزكـم نـرفـع الـرايه وحاصلها

انتم شرف للأمم في كل ميدانا
ذي بأسكم واجهه امريكا وقاتلها

نقسم على مــن خلقنا ثم سوانا
لانحـرق الامـركـه داخـل منازلها


#الذكرى_السنوية_للشهيد_1444ه‍
#إتحاد_الشعراء_والمنشدين

https://t.me/aboyahyaalshami

تابع المجاراة عن عظمة الشهادة وعظمة الشهداء وعظمة تضحياتهم وواجبنا نحوهم:

البداية #ماجد_رشدان

وينكم يانجوم الشعر ومجارياته؟؟
وين رد الوفا ياكل وافي سنافي؟؟

للشهيد الذي ضحى وقدم حياته؟
لجل نحيا حياة العز ياكل وافي؟

كيف يحيا ويسشهد على الدرب ذاته؟
من بخل يوم ذكراهم بجزل القوافي!؟

كل شاعر يعمم مطلعي في قناته
من يجاريه متجمل ووافي وكافي

#ابوفضل_المتوكل

يوم ذكرى عظيمه جاته القوم جاته
باترد الوفاء بالدم له رد وافي

للذي في سبيل الله قدم حياته
كل مؤمن يجهز قدر كافي قوافي

الشهيد الذي بالله كانت كفاته
والله الي عطاه وابدله عيش صافي

في جنان الحياه السرمديه جزاته
ينعمُ. في ثراها كل مؤمن سنافي

#الشاعر_محمد_منصور_الميادين

أبشر أبشر يصدر شعرنا معجزاته
في خطى كل من ضحوا ثقال أوخفافي

للشهيد الذي تشهد لنا منجزاته
من دماه عز للامه وكل الضعافي

من بمشروعه الاعظم تحطم غزاته
من شموخه يعيش أعدانا في ارتجافي

دمر الحلف الامريكي مع مغرياته
وأجتمعنا على دربه وزلنا الخلافي

#أبويحيى_العميسي

الشهيد الذي قدم مع الله حياته
جسد الحق والايمان كامل ووافي

قول ما قلت مهما قلت عن تضحياته
يعجز الوصف والكلمات ماهي بكافي

واجب إنّا نتم السير في الدرب ذاته
في خطاهم بقول وفعل ظاهر وخافي

ان نجسد في الواقع صمود وثباته
بالولاء والفداء في حرب ولا عوافي

#أخت_شهداء_البكالي

جاهزين كل حين للي مقدم حياته
لوبنكتب بدم القلب نبض القوافي

يعلم الله إن القلب في مجراياته
عشق باقي على دربه معاه اصطفافي

مانسينا دروب الباس في تضحياته
الوفا بالوفا والعز فرشي لحافي

شعب الايمان جدد في الزمن ذكراياته
من حياته تعلم كيف ترسى المرافي

#الشاعر_اسماعيل_الاهدل

الشهيد الذي قدم مع الله حياته
في مقامه عجز يوفيه حرفي وقافي

وكل نصرا لنا محسوب من تضحياته
ماتكاسل كماذي قال يااخي عوافي

هب حامي يمن الايمان ومقدراته
وباع لله نفسه بيع خالص وصافي

وانطلق في سبيل الله باذل حياته
معلن الموت لامريكان ظاهر وخافي

#ابوطه_الحجازي

كيف نبخل علا انسان قضّاء حياته
في سبيله مقاتل داعس الارض حافي

رتل البيت يالهاجس علا مجرياته
في مقام المكارم رتل القول واافي

هاجسي لابدا في ذكرهم في صلاته
الف صلا عليهم في حروفه وطافي

ويـــــن مــــا دار لاداري وحدد جهاته
شلّت الروح للأرواح كل القوافي

#الشاعر_متاش

كيف ننسى شهيد الحق وذا منجزاته
لانسيناه جعل دمنا هدر ياقوافي

والله ان نذكره دائم ونخطى خطاته
نتبعه دائماً في حرب ولا عوافي

كيف لا والشهادة كانت اغلى امنياته
لأجل يحيي بها أمة بمنهج ثقافي

والله ان بانواصل منهج الحق ذاته
ذي مشى به شهيد الحق حتى نوافي

#أبويمان_المهذري

كـل واحـد يحرر قافيه مـن سباته
دام ون الحقيقة واضحة دون خافي

الشهاده في الإنسان أعظم صفاته
غير هذا الكرامه مالها نـد مـافـي

نال اعظم كرامة لاصقه في سماته
حـي يـزق بكنف إلاه رحمان شافي

شعب الإيمان ماينسى شهيده بتاته
لـو يعيشوا حـيـاة إلّا مباله حافي

#الشاعر_يوسف_الحداد_ابوحيدر

الشهيد لجلنا ضحى بكامل حـــــــــياته
وارتقى لاديار الخلد جامـــــــــل ووافي

خلد المجد والتاريخ الاسماء بــــــذاته
في الميادين والجبهات ذيب احتــرافي

والقسم مانوافيه بالاباء واللفـــــــــاته
لو مدحناه بالاف القصيد والقــــــوافي

يعجز اللسن عن مدحه مع معطـــياته
والهواجس والقيفان تعجز تــــــــوافي

#الشاعر_ماجد_عبدالله_القادري

الشهيد البطل مبروك له امنياته
والشهادة لهم والعز بالارض كافي

الشهيد كلنا بالشعر تعجز صفاته
قدرهم بالزمن والجرح بالعز شافي

الشهيد الشهيد من فاز فعلا حياته
وانتقل للخلود والنصر للشعب وافي

#الشاعر_بشير_الشامي

والله ان القوافي عاجزه في صفاته
تعجز احروف شعري كلها والقوافي

هو شهيد الوطن ضحى من اجله حياته
في سبيل الله ادماهم بنيات وافي

سار في نهج طه لجل يلقاء نجاته
داس فالحرب ثقلاها وهو كان حافي

لجلهم بكتب اشعاري وقوة عطاته
من صميم المشاعر ونه القلب صافي

#الشاعر_ابوحاشد_ابوسعيد

ماهجوس المشاعر باتمثل صفاته
ون مدحنا عليهم مدحنا ليس كافي

الشهيد الشهاده حققت امنياته
عالي الراس عالي عهد للعهد وافي

لجل دينه وارضه قام قدم حياته
نصر والا الشهاده داعس الجمر حافي

من يحب الشهاده ماتخيفه مماته
ياشهيد الكرامه بعدكم لا خلافي

#الكرار_المشراقي

الف لبيه ياداعي وصلني صداته
ارحب ارحب وحياالله ذيب الفيافي

هاجسي هب وستنفر وجهز اداته
والجزال اقبلت تعلن عليهم حسافي

بعدماسلمت والحرف صلاصلاته
للشهيدالمكرم والعديم الوصافي

من بذل كل مايملك ونال امنياته
لجل يحيااليمن ويشرب البن صافي

كيف ننسى وروحي مادقيقه نساته
لاولاراح عن بالي ولامن كتافي

#الذكرى_السنوية_للشهيد_1444ه‍
#إتحاد_الشعراء_والمنشدين

https://t.me/aboyahyaalshami

تابع المجاراة عن الذكرى السنوية للشهيد .

البداية #وضاح_الحميصي

قتله مع الله مجرد فاصل اعلاني
من واقع المعركة لا عالم الرضوان

الله باقي وما فوق الكرة فاني
ونايلين الشهادة في ذوات افنان

ارقى نماذج لاعظم جانب انساني
اتوا من الفتح والانفال والفرقان

#قاسم_السقاف

ان الشهاده شرف في كل ميداني
بمواجهة حلف قوم ابليس والشيطان

ماهي خساره اذا راح اكبر اخواني
بل فوز عند الشدائد تظهر الفرسان

ويصل الى جنة البارى يصل ساني
ويصلوا النار من هم جند للعدوان

#ماجد_المطري

دنيـــــا غروره ودايـــم عيشـهــا فانــي
من آثر العيـش فيـــها ينتـهــي خسران

لكن مــن استشهــــدوا في واقع ايماني
ذي باعـوا النفس للمــولى عظيم الشان

فـــازوا من الله باكبـــــر فضـــل ربانـي
خلــود في جنـــــة الباري مدى الأزمان

#أبوهادي_الغمري

شامخ على الارض بسمه مثل عطاني
ذي مـــا تاثر والا اتزحزح من العدوان

شـامـخ فــي الاخره والخلـــد مجاني
ثمن لنفس اُزهقت في طاعة الرحمان

شــامخ لما حاز مــن تقدير واحساني
بجوار طه النبـــي المصطفى العدنان

#الشاعر_عبدالله_الحداد

على النهج نمضي ولا نحتاج برهاني
دام مرت أعوام بها الإثبات والبرهان

بطن الصحاري مصير أذناب عدواني
والفين هزيمه رصيد تحالف الشيطان

والنصر محسوم لجند الحق والجاني
على نفسه العبد ذي قادوه الم ريكان

#ابوطه_الحجازي

تعيش المواقف اعظم موقف إحساني
يوم المجاهد بذل روحه في الميدان

كيف اوصف إنسان امانه كيف يخواني
نــال الشهادة وساكـن جـنــة الـرضــوان

انا اشهد انه رجـــل مــــقـــدام مـيدانـي
ومؤمن مع الله واجــه كامل الـطـغــيــان

#ابو_يحيى_الحبيشي

قصده رضى الله ماهو مقصده ثاني
كمن مجاهد بذل نفسه الى الرحمن

بجهاد واحسان طبق نهج قراني
ونال الشهاده ونال الفوز بالغفران

امثال ابوحرب وامثال البطل هاني
ابطال باعت من الله تشتي الرضوان

#الشاعر_ماجد_غانم

يانفس بعتك وسلمت الجسد ساني
لله مخلص مسلم منهلي قران

الذكر زادي ونبض القلب قراني
حواسي الخمس بتجاهد مع اللسان

ابي وصاني وانا وصيت ماوصاني
لبني نقاتل ونجتث زمرة الشيطان

#هادي_ثالبه

مع الإله جاهدوا هم طول الازماني
ماتخاذلوا أو رضوا بالظلم والعدوان

كم نكلوا بالغزاة في كل. ميداني
وباالشهاده استحقوا جنة الرحمن

امن شعب إقدام وشعب حكمه وايماني
عاشوا لأجيالنا في التضحية عنوان

#هادي_حسين_الرزامي

ياالله دعيتك بإسراري واعلاني
ياغافر الذنب وانت الراحم الرحمن

وفي الشهيد السعيد أصيغ قيفاني
لكل وافي قضى نحبه في الميدان

خيرة رجال اليمن في عزم وايماني
سلام ربي على أبطالنا الشجعان

#ابوريان_محمد_صبيح

شهداؤنا نهجهم والدرب إيماني
ليسوا بأموات بل أحياء بأفضل شان

باعو من الله دماهم بيع مجاني
بجنة الله يطوفوا حولهم ولدان

فيَقْتُلُونَ العدو المجرم الجاني
وَيُقْتَلُوا في سبيل الله بالميدان

#رمزي_النقيب

نشرب كؤوس المنايا مثلــما الراني
ونقتل الموت باستــشــهادنا الـرنان

عهودنا قد ســـقيـــناها الدم القاني
وشيـــد الدين من عظماننا العمدان

احنا عشقنا الشهادة عشق روحاني
وحنّيتها لنا عزّة ورفــــعــــــة شان

#ابوفضل_المتوكل

حب الشهاده زرعته وسط وجداني
من اجل نيل الرضى والفوز والرضوان

الكل. لجل الحياه يبذل من الاني
دام البشر فانيه والملك للرحمن

بذل وعطاء تضحيه في كل ميداني
دام المقابل لها عيشه بلا خسران

#الشاعر_ابوصادق_الشيبري

الله دعانا نجاهد امر قراني
وخصنا الله بتاييده في الميدان

والعهد منا كما الشهداء في الاعلاني
انا على الدرب في الايثار والحسان

اخلاص واتقان ومن انطق للساني
ان الشهاده عظيمه خالده عنوان

#ابوحمزه_المقاش

بعنا من الله بيعة صرم متفاني
ما مثلنا بين خلق الله فـ الاكوان

والوعد مفتاح يتزلزل من ايماني
في معركه بابها يجتث الامريكان

فاز الشهيد البطل في كل ميداني
نال الوسام المشرف واحتوا الرضوان

وعطر الشهاده لنا ما هي لزنداني
ولا لنجد الخناء والذل والخسران!!!

#ناديه_السقطي

سر الوجــود في بقــاع الارض قرآني
اتفكروا في كتــــابه يابني الانســان

يبقى الشهيد عنــد ربه شـاهد اعياني
يشهد على كل من جاهد وكل من خان

واليوم ذكرى الشهيد ياالشعب الايماني
محطــة الصـــبر والايثـــار والايمان

منهـــا نجــدد مع الله عهــد متفاني
لنصــــرة الله وطه المصطفى العدنان

#الذكرى_السنوية_للشهيد_1444ه‍
#إتحاد_الشعراء_والمنشدين

https://t.me/aboyahyaalshami

تابع المجاراة (في رحاب الشهداء العظماء).

البداية #الشاعر_ابورواسي_رواسي

شهيدنا الحي حيث الحي لا يُفتقد
والمفتقَد من فقد روحه بغير الجهاد

نيل الشهاده زياده في العُمر والعدد
ما مات غير الذي باع الشرف والبلاد

جريح الحرب #رفيق_زرعان

شهيدنا فاز واستشهد الى الله صعد
حقق مرادة ودار الخلد اغلى مراد
واحنا بدربه نذرنا ارواحنا والجسد
نقتل ونقتل ونحمي اعراضنا والبلاد

#صالح_النقيب_الجوفي

شهيدنا ذي بدمه فالجهاد اجتهد
واحيا الكرامه بقوة ساعده والزناد

يد النبي ذي مسح عينين فيها الرمد
وامتد نور البصيره والشهيد استفاد

#ابو_برق_الظرافي

للنفس مشرى من الله خير مما نوَد
بااعظم تجاره مع الله خير مما يراد

لن الشهادة لنا نعمة وذخر وسند
تكريم الأولى وفـ الأخرى الشهيد استفاد

#علي_مغلي

وقت الله الله( لا اقسم بهذا البلد)
مامثل نيل الشهادة للمجاهد مراد

نوثق بربي ولا نوثق بكثر العدد
يالله يالله تقبل بيعنا والجهاد

#ذوالفقار_سفيان

دم الشهاده بداخلنا لظا واتقد
وامساء كرامه نوزعها لكل العباد

ومن تخلّف وباع الدم ولا رقد
فبا نسميه ممن قد طغو فالبلاد

#عبدالله_المسعدي

نفوس واموال باعوها لفردٍ صمد
وجاهدوا في سبيله ما اذعنوا للحياد

احياء في صدق مقعد حسب ما الله وعد
من بعد ماجاهدو في الله حق الجهاد

#ابوريان_محمد_صبيح


ليسوا بأموات بل أحياء حياة للأبد
وللشهادة تمنوا روحهم أن تُعاد

من أجل يستشهدوا مرات اكثر عدد
طاعة لرب السماء تسليم له وانقياد

#ابوشهيد_القطمي

من باع روحه من الباري و باع الجسد
يهناة فوزه و نيل الخلد و اعظم مراد

في نهجهم نهجنا حيث الوفاء المعتمد
علية لعنة من الله من يخون البلاد

#ابوعبدالله_عنبل

من باع راسه لمولاه العظيم الصمد
يبشر بنصره و تأييده و نيل المراد

عهود الاحرار لن تمحى لحتى الابد
يجددوها النشامى في دروب الجهاد

#عبدالله_العباد

من حيث اعدوا رجال الخلد كلين عد
هاموا في الله ماهاموا علا كل واد

فما استكانوا ولاضعفوا مع الله قط
حتى وصل كل واحد غايته والمراد

#منير_سريع

قال ابن همدان ياحيا بطقم المدد
ياشوق شوقي لخوض المعركه والجهاد

احنا على الحق وهل الحق طول الابد
درب الشهاده كرامه يا الرجال الجياد

#ناجي_محسن_المحجري

ماباينال الشهادة ذي لها ماقصد
بيمان واخلاص لجل الله واجل البلاد

راجع حسابك وعادك فوق طقم المدد
ياايها المؤمن أعرف ويش معنى الجهاد

#رامي_السوداني

شهداؤنا فخر أمتنا وعز البلد
بفضلهم با نحرر أرضنا والبلاد

رجال اوفوا لخالقهم عطاء دون رد
واتحملو كل شي رغم الظروف الشداد

#زيد_الحوثي

صمام أمان المسيرة أمس واليوم وغد
وأسطورة اللامحال للمعجزات أمتداد

(كانوا هم الأوفياء) واسنادنا والمدد
يوم الغضي شن حقده في زمن لرتداد

#عبدالقوي_البطل


والشعب لاجل الكرامة بالشهادة حشد
لاكل جبهه يواجه من طغو في البلاد

بها تثقف فكانت قوته والسند
والله مده بتأييده على كل عاد

#ابراهيم_الشرفي

اي والله انّ الشـهـادة عيـش كلـه رغد
في جنة الخلد يلقاها من اعطى وجاد

من نالـهـا نـال حسـن العـاقـبـة والمرد
ومن خسرها تهاوى في طريق الحياد

#أبوحسين_العصري

فازوا برضوان ربي والهنا والسعد
والله داخل كتابه عنهم كم أشاد

وقال أحياء وعوض بذلهم و أعتمد
لصفوة الخلق اعلى منزلة للعباد

#الشاعر_متاش

صعد إلى الخلد من نال الشهادة صعد
اختاره الله من صفوة خيار العباد

حياة مثل الشهادة غيرها لاتجد
طوبى لمن جاهدوا في الله حق الجهاد

#ابوهادي_صيفان

شهيدنا مابذل نفسه لغير الصمد
ما يوم ضحى من اجل المال والاعتماد

ومع النبي واهل بيته دين ومعتقد
وقاتل الكفر باانواعه وراس الفساد

#الشاعر_أبو_وعدالله_هفج

دمائهم روحهم والتضحيه للأبد
حيه بمن بعدهم جاهد وكافح وعاد

المجد والعز والرفعه لهذا البلد
وماتردد عن الموقف وفك الزناد

#ابوفضل_المتوكل

كمن مجاهد الى جوف السماء قد صعد
اتسابقوا لجلها اولو العزوم الشداد

نقسم بانا على .......منهاجهم للابد
نواصل السير نكمل قصدهم والمراد

#عدنان_سالم_الذويبي

من اجل الاسلام يحيا شامخن للابد
باعو من الله واتفانو بخط الجهاد

ماهزهم حشد امريكا عتيد وعدد
ولا تراجع احد منهم وحب الحياد

#ابوبدر_ذيبان

صعد تسامى الى مقعد مع من صعد
بالروح سباق للجنه وفيها المراد

وفي ضيافة الاه الكون بين الرغد
عايش ويرزق ويستبشر بقوم الجهاد

#ابـومـازن_الـرازحـي

مهما وصفنا شهيد فوصفنا لم يكد
يوفي بما قدمه وما ردع من فساد

سلام ربي عليه ماكل مسلم سجد
لله، ويسبحِّه مؤمن وكل العباد

#رعد_مران

لازم نواصل خطاهم دائما للأبد
ماينفع انا نعزي ثم نجلس رقاد

وفي وصاياهمو نبقى لسيدنا سند
ولانفرط كما فرط كثير العباد

#الذكرى_السنوية_للشهيد 1444هـ  
#إتحاد_الشعراء_والمنشدين

https://t.me/aboyahyaalshami

نرعئ عياله نربيهم كما الله يريد
ونزرع بذور الشهادة في نفوس اسرته

#ابو_برق_الظرافي

مادام والعهد مافارق عنق كل جيد
يهناه من لجل ربه تنحني جبهته

يوم الشهاده فرح من كان عيده سعيد
وفرض فيه الشهيد اتعظمت سجدته

#ابويحيى_القهدة

وكيف ننسى من افدانا بدم الوريد
ومن بذل لجل عزة شعبنا مهجته

وكيف الانسان بايبقى مكيف سعيد
واهل الشهيد في عنا حمّى على لحيته

#شهاب _المتوكل

واجب علينا قسم فاللشعب هذا المجيد
صوب الشهيدالبطل نوفي مع اسرته

نتفقد احوالهم مش بس في وقت عيد
في كل حين وزمن والجيد ذه فطرته

#ابتسام_شرف_المحطوري

في يوم ذكري الشهيد للعزم بانستعيد
وكل منا يجهز للعدو عدته

حنا اولي القوةِ واأُولي بأسٍ شديد
وبأسنا في جبين الدهر باننحته

#ابـومـازن_الـرازحـي

عهد الوفاء للشهيد معقود في كل جيد
بمواصلة موقفه ومواكبة خطته

ولا فقط نذكره فايام ذكرى الشهيد
هذا جفا في عطاه واهمال نحو اسرته

#قاسم_السقاف

من أرتقى بالشهاده عند ربه سعيد
مانالها الا من أصلح ربنا نيته

حديثنا عنها أكبر من حروف القصيد
واية شهيدا تعم الكون قدسيته

#ذوالفقار_سفيان

اصل الشهاده تجي من عمق كمن خديد
ماهوش بالبيت جمب امه مـع جـدتـه

ودون هذا فحلـمـك بـا يظـلي بـعـيـد
دون الشهاده فكل انـفـوسنـا مـيـتـه

#ابوعبدالله_عنبل

من باع راسه لخلاقه و حارب يزيد
ثبت وضحى على دينه و عن ديرته

عهده حفظ في شرايين الكبد و الوريد
حتى نحقق طموحه ذي رسم حضرته

#ابو_صالح_الغراسي

وحنا علا العهد موقفنا ولا با نحيد
نمشي بدربه ونبقا نقتفي سيرته

وهله هُم اهلي وهاذا فرض واجب اكيد
يرخص لهم كل غالي غاليه قيمته

كلام من قلب صادق مهو الا قصيد
والله يشهد بحق اللاخ بين اخوته

#الشاعر_ماجد_القادري

صحيح لازم علينا لو طلب مايريد
وكل أسرة علينا ماطلب حاجته

لو يطلبو الدم يرخص من دمي والوريد
وابذل عظامي ولحمي لو طلب عدته

#ابوعلي_البريهي

واجب على الكل منا من قريب وبعيد
نتبع أثر من بذل روحه ثمن عزته

نعطي جميع اسرته لو من دماء الوريد
فهم أمانة حملها الكل في ذمته

#_هادي_حسين_الرزامي

من راح منا في الميدان يحيا سعيد
ياسعد عينه بحور العين في جنته

واحنا علينا الوفا في كل شي مانحيد
ونقوم جمعه بواجبنا تجاه اسرته

#الكرار_المشراقي

على خطاهم معى قايد محنك رشيد
كلن اتاوحتزم شىرمه لبس جعبته

مال الوفا الاوفا ياكل مؤمن وجيد
ابن الشهيد ابننا اكسيه من كسوته

#الشاعر_يوسف_الحداد_ابوحيدر

اكيد لابد مانوفي مع كل جــــــــيد
وكل واحد يبري مننــــا ذمــــــــته

هذا اللذي لجلنا عانا وقدم مــــــزيد
نردله بالوفاء كلن حسب طاقـــته

#أبومشعل_ذويب

لاماثبتناعلى نهج الوفا للشهيد
والله مااعتز منافرد من عزته

هذا المسيرة تغربل ما تبى غيرجيد
كالسيل من كان ميت والله ان تفلته

#شاعر_بلاد_الروس

من كان شهيد قد سكن في دمنا والوريد
وفازو بالفضل من ربي. ومن. قدرته

من ذلل الحلف وانها عسكر الجنجويد
أمثال طومر ومن مثله وفي نخونته

#ابوفضل_المتوكل

وفاء لاهل الوفاء ياكل مقدام جيد
نواصل السير نكمل بالعطاء سيرته

نبقي على نهجهم هيهات منا نحيد
وان كان لهله عطاء من دمنا نفرته

#ياسر_القشوي

في كل مره تلاحمنا بهم بايزيد
وكل من هو على درب الجهاد اثبته

والفوز والسُعد في الاخرى ويوم الوعيد
يجمع عباده على ميعاد في جنته

#الشاعر_متاش

هذا هو الواجب الفعلي علينا أكيد
تجاه من قدموا الاسلام في صورته

نمضي على الدرب ونجاهد عبيد العبيد
لكل أسرة شهيد اليوم بانثبته

#ابواياد_المطري

لازم وواجب نزاور كل روضة شهيد
لكي نشوف الذي قدّم... غلا مهجته

نجسّد افعالهم يا اهل العطاء الجديد
ولا يغيب الشهيد الا فقط صورته

#ابو_صماد_الفليتي

وشعبنا شعب شامخ ماخضع للعبيد..
قدم مع الله روحه والعلم قدوته...

وحب درب الشهادة في دمه والوريد..
وبـ الولاء جــسد ايمانه مع همته

#أسـامـة_المـعبـاء

احنا على نهجهم نمضي بهاذا الصعيد
ومن اله السماء تأييــده او نصــرته

ومن نسـى يا رجال الله اسـرة شهيد
وحقـوقهم في ذممنا وعيب من فلته

#صدام_شايف_الغولي

واجب علينا جميعا ياالعويري اكيد
نمضي بنهج الشهيد ونسير في خطوته

ياسعد من غادر الدنيا برتبة شهيد
يسكن جوار النبي طه ضمن جنته

#ابو_جهاد_صبر

عهد الوفاء حرف سغته من دمي والوريد
بسم الشهيد الذي ما دنيته غرته

ماضي على الدرب طول العمر قولي سديد
واليت ربي مع طه مع عترته

#زاهر_الرصابي

الكل لأهل الوفاء ملزوم يا كل جيد
نقابل احسانهم بإحسان با نثبته

ونسير على دربهم لا يوم يوم الوعيد
ما با نحيد عن دروب النهج ونفلّته

#ابوهادي_الجامع

والعهد ماننحني كلا ولالن نحيد
نبقا علا العهد مادمنا علا خطوته

الخط ذيقد مشيتو فيه ماهو بعيد
بذن القوي بانجيبه جلها قوته

#الشاعر_بشير_الشامي

الواجب الصدق منا والولاء للشهيد
ان لا نقلت عياله ننتسي أسرته

#الشاعر_بشير_الشامي

اليوم ذكرى الشهاده والحرم ماتفوت
الا بذكرى تسمع للعرب ذاتها

نتذكر اصمودهم والعز منه نحوت
هم اصل عز اليمن في كل ماجاتها

نتذكراللى فتت بعدانا كالفتوت
واليوم لازال فينا اعضم اصواتها

#ابوفضل_المتوكل

فيها الاباء والكرامه عامره ما تموت
لابطال شدوا على دنياء دعاماتها

منهم نعلم رجال الغد صوره وصوت
عن تضحيات الاباه من بعض بصماتها

رد الوفاء بالوفاء واجب علينا ثبوت
الكل يرفع برايتها .........وباصفاتها

#الشاعر_بدر_الكهالي

إزالة الظُلم والباطل وكسر السكوت
بكلمة الحق و الـصـائب هداياتها

وكبت مشروع أمريكا وشره كبوت
هدف لمن صاغ من دمه نهاياتها

ونفخ روح الكرامة والإباء والثبوت
على خُطى نصر رب الكون آياتها

#ابوبدر ذيبان

اعز الاهداف واغلاها حياة الثبوت
وكل نفس انبرت تنعم بجناتها

ونصر دين امة الاسلام لم الشتوت
وقطع دابر طغاة الارض واداتها

والتوعيه بالمخاطر عندفرض السكوت
ذل الحياه والممات والنار نهاياتها

#الشاعر_يوسف_الحداد_ابوحيدر

نيل الشهاده شرف وابطالها ماتموت
دام الشهيد حي في الجنة وخيراتها

اهدافها في ميادين الاباء والخبوت
ماموقع الا وله ايه من اياتــــــــــها

من نالها عاش في دار النعيم والقنوت
والتضحيه الا بدايه من بداياتها

#ابو_جهاد_صبر


وقت الوفاء اول هدف لهله نرده
وقوت
نجازي النفس ذي ضحت سعاياتها

والثانيه مارضيناء بالخناء والسكوت
لعلم نـجـد الخبـيـثه من خـلاياتـها

والثالثه ذكرهم حاضر علا كل قوت
من ال عـمـران جــسـدنـاء وآياتـها

#ابواياد_المطري

ذكرى الشهاده محطة شحن مثل الكروت
لمـــن اراد الــــــــــتزود من عطــــاياتــــها

أهدافها يا بديــــــــــــع القول ما با تفوت
الا وقــــــد كــــل واحــــــــد خذ مزاياتها

منها عرفـــنا بأن الحُــــــر ما با يمــــــوت
الا بأخذ الشـهـــاده بـــعـــــد صــولاتهــــــا

#ابوبراءة_الديلمي

ارباحنا فاالشهادة فخر ماهي سكوت
والنفس تنعم بها في محكم اياتها

والعز والجود متوافد جمل باالكروت
لمن تحرك بنفسه في بداياتها

وجنة الخلد فيها لحم طيرآ وحوت
والفووووز يبقى حقيقه في نهاياتها

#الشاعر_ابوالفتح_الجرادي

ذكرى الشهاده تذكرنا بصوره وصوت
اغــلا الرجاجيل نتــــذكر بـــطـولاتها

من اخرجونامن الذله وعصرالسكوت
حتى علاصوت داعي الحق صرخاتها

وداسو الكفر والباطل بالقـدام شوت
وذلو الغــرب وامـــــريكا وقواتهــــــا

#ابوالقاسم_الزبدي

ذكرى الشهاده دواء للجرح بلسم وقوت
ومدرسه توعويه نستلهم ءاياتها

لبطالنا ذي دماهم سال وروى خبوت
ارض الجزيرة وطم الغزو ذي جاتها

مشروعها في يمنا شع بعد الخفوت
واجتث قوم العماله زال آفاتها

#الشاعر_الجريح_ابوحيدر_عامر

نستلهم الصبر وتسليم يوم الصكوت
اعمى عيون العرب وغتال بسماتها

واﷲ هدانا بقايد قد ثوب السبوت
شيد صروح الشهاده خير قاداتها

عزه كرامة ابى استقلال نابى الصموت
اهداف امانه نعيش الكل فرحاتها

#أبوفايد_علي_أبوشوصاء

نستلهم المرجله يوم العرب في صموت
بل العطا و الكرامه راس هاماتها

نمضي مع الله الى ساح المعارك نفوت
ونخوض الاهوال من كامل مساراتها

#ابوحزام_سامي_المضري

ذكرالشهيدفيه باشارك وباقول صوت
والنفس تشتاق تروي من حكاياتها

عظيم ذكره وما يحتاج منا السكوت
نقراء الصور كم ذكره الله بآياتها

له منزله عندربي حي مابا يموت
في جنـة الخلد يتنعم بطيباتها

#يعقوب_الخمري

ما أهداف ذكرى الشهادة والعبر في السكوت
أهـدافها صُنع جيـــش يعـــشق بطـــولاتــها

كلا ولا أهــــدافـــها تصــــنع رجـــال البـــيـوت
أهــدافـــها تصــنــع الشجـــعان بســاحاتـــها

ومـن بعــض غاياتــها على المِـــعزة تمـــوت
وتـجـــــعل أجيـــالـــها تتـــبع لخـــطـــواتــها

#هيثم_المعنقي

اهداف ذكرى الشهاده في ثلاثه بيوت
بعد واحسب معاكم بعض غاياتها

نستلهم التضحيه منها وكيف ان نموت
وناخذ اجمل عبرها من رواياتها

ونجدد العهد لاطهر دم روّى الخبوت
مانقبل الذل . والعزه براياتها

#ابوالكرار_المجنحي

موضوع هادف ولا واجب عليه السكوت
عليه الاشعار تتسابق في ابياتها

من ارتقى با الشهاده من عضيم البخوت
ذي اصحبت لوليا الله من هواياتها

أحدا الخيارين أما ننتصر أو نموت
شعارنا ذي رسمنا في بداياتها

#الكرار_المشراقي

اهداف لاللمــذلــه لاولاللسكوت
تجرع الحلف من كاسات ضرباتها

جسده دم الشهاده بالدعا والقنوت
ذكرا عظيمه لهافي الدهر بصماتها

لولاهم انابذله في كل لحضه نموت
وحتلت ارضي السعوديه وعماتها

#أبوهمدان_المعتكف

على خطاهم وما نرضى الخنوع السكوت
نحكي لأجيالنا أعظم بطولاتها

شهيدنا حي عند الله ما بايموت
في جنة الله في أعلى بناياتها

كم سطروا من ملاحم في الجبال والخبوت
يادهر وثق لنا واروي حكاياتها

#صدام_شايف_الغولي

ياهاجسي سجل الابيات وانحت نحوت
في صم الاحجار تشرح كيف هداتها

تابع المجاراة عن الشهاده والمبادرة للحياة الابدية مادام الموت حتمي.

البداية #عبدالرحمن_الريامي

مضمارنـــا يوم الفــرح والغـبنه
وفوق بقعى مـــاحسبنا مضمار

في درب مــاخيب لمؤمن ضنه
فذّت شموسه من كرامات الغار

الموت يــاخـايف وشـــارد منه
لابد منه وانت راجـع واختـــار

يايـرفعك بالتـضحـيه لا الجـنه
ولا يغلّك بالتخاذل في النـــــار

#الشاعر_بشار_دهقم

الموت واقع والحياة مفتنه
يا ذي جعلتا المال اكبر معيار

جاهد مع ذي قد رضا الله عنه
وكون في فيلق لوا الانصار

اجعل ثباتك في المعارك مهنه
لنتا تريد الفوز بين الأخيار

#الشاعر_عمار_الرصاص

ياســعدنا في ذا الشرف والمنه
لله ربي فيما اراد واخــتار

في نهج طه والـــــهدى والسنه
وفي سبيل الله زدنا اصـــرار

الموت يا هارب للقيـــــاك منه
مابه مفر منه ولا به انكـــار

اما تكون مؤمن تشوف الجنه
ولا منافق تصلى جحيمك والنار

#أبونوح_مطهر

حنين قلبي زادني في غبنه
وأشتقت للجنه وخوفي من نار

أعمل لهذا وأحتمي في حصنه
ومن الجهاد أبني حصوني والدار

حصنت أيامي من أول هدنه
والموت حتمي وفوق هذا غدار

ما دام وأنا سايراً لا حضنه
والموت ساعة والخسارة أعمار

أعمل حسابي لأجل تلك الجنة
ومن وصلها! .. فايزاً لا يحتار

#_الكرار_المشراقي

مادام موتك في حياتك ســــنه
تاجرمعى الله والنبي والاطـهار

في حيث يرضى الله عبده منه
بادر بهمه في سبيــله وصــرار

هي واحـده يـاناروالا الـــجنه
جنب الـــنبي والاآل ولاالكــفار

في خير كنت اوشر تــسأل عنه
احسب حسابك قبل تبدا المشوار

#رمزي_النقيب


نيل الشهادة ما بــش احـســـن منه
والمـــوت يا لوح العُــمر لك مسمار

ما انا قد استــثـــمــرت عمري لانه
بالقتل ب احياء في خلود الأعمار

نار المعارك لـلــــمـــجـــــاهد جــنة
بالقتل روحه ينتقل عـــقبـى الـدار

وكـــل واحـــد با يـــشـــل بـوطـنه
عنــــد النبي فالــخلد ولا في النـار

#ابوهادي_الجامع

حدد مصيرك من بدايت سنه
من يوم تخلق لا تواله غدار

احذر من الشيطان وبرا منه
وحذر تصدق للعين المكار

وركب سفينه للهدا والمنه
باتخرجك من بين موجات النار

معا العلم قايد رضا الله عنه
حدد مصيرك بالوالا للانصار

#يونس_المجهدي_ابوالكرار

من ظن مابه موت خايب ظنه
والكل يتجهز لخوض المشوار

درب الشهاده مابه احلى منه
من نالها عايش بجنه وانهار

من نالها ياشعب حيدر هنه
وزفهم بالفل واجمل ازهار

مالك من الدنياء فرحها فتنه
شوقي للاستشهاد جنب الأبرار

#ابوصخر_الجوحمي

من باع لله مايخيب ظنه
هو من وثق بالله مثل الكرار

لاقى عناءه والتعب بالجنه
وعاش في دنياه عيش الاحرار

الخزي للهارب ولابس خنه
من باع دينه والوطن للاشرار

الفضل لله دائما والمنه
انعم علينابالهداة الاطهار

#وردان_الحاج

الموت حق وماشي مهرب منه
والعاقبه اما لجنه او نار

واقرب طريق تعبر بها للجنه
نيل الشهاده في دروب الاطهار

لن الشهيد اجتاز جور المحنه
في يوم نعبر بسراط فوق النار

#ابوزلزال_احمدين

كلن في الجنه بناء له لبــــــــنه
وشيد المبناء وصرحه والـــدار

افضل مراتب لا الرجال الفطنه
واعظم تجاره تاجروها الانصار

الموت في الجبهه اعز الفهـــــنه
ياكل نشمي وكل شاجع مغـــــــــوار

واعلم بانك في الدروب الحسنه
ولا تنحني للذل في ذا المشــــوار

#ابوكنعان_الروس

دنياء دنيه ماعليها ركنه.
حياتنا فيها مجرد مشوار

ياغبن من يلهث وراها غبنه.
مهموم ضاجر طول وقته محتار

من باع من ربي تقبل منه.
باالاصطفى والفوز ربي يختار

المؤمن الصادق رضى الله عنه.
يحياء مع الله في رحاب الابرار

#أبولقمان_منيف

نسأل من الرحمن عظيم المنه
بأن يقينا من جحيمه والنار

و يختم لعبده بالشهاده لنه
يريد يلحق بالرجال الأخيار

لنَّ الشهادة في الكتاب والسنه
من نالها يحيا حياة الأبرار

وعند ربي يرزقه في الجنه
مابش عليهم خوف قال الجبار

#ابوفضل_المتوكل

العمر يفنى والقضاء ما منه
مفر ياخايف تمهل واختار

اما مع اهل التضحيه في الجنه
ولا مع.من ضل في جوف النار

الله وحده من عليه الركنه
واحنا معه دايم نضلي انصار

سبحانه القدوس اله المنه
ذي ايد انصاره وذل الكفار

#مختار_اليزيدي

وكل مؤمن حر يبني لبنه
في درب من سبقوه لاعقب الدار
وكل صادق للجهاد وصى ابنه
يمضي معااهل البيت لاخرمشوار

وما نعيم الا نعيم الجنة
ولاخساره الاالخلودفي النار

#ابتسام_شرف_المحطوري

شهيدنا نال الشهاده لنه
على طريق المصطفى والكرار

جاهد عدوالله واحسن ظنه
بالله ، خلاق البشر الغفار

شهيدنا راضي الهي عنه
داس العدو والمرتزق والاخطار

يهناه هذا الفضل هذا المنه
سلام ربي للشهيد المغوار

#شاعر_الفتح_ابوعهد

المال والأولاد زينه وفِتنه
قد قالها الله القوي الجبار

وهاذي الحياه من يعشقه ياغبنه
هاذي خيارات وانت يااخي تختار

لنا طريقين في الحياه من ضِمنه
إمّا إلى الجنّه وإما للنار

العز يكتب من دماء كمن شنب
ذي جاهدو واستشهدو وقت النزال

كسب الكرامه خير من كسب اذهب
وعندنا ورث الكرامه راس مال

لو شعبنا من جبهت العزه غلب
ما كان عشنا العز لو فيه احتلال

#ابـومـازن_الـرازحـي

ذكرى الشهادة باقية عبر الحقب
لتعلِّم الأجيال مامعنى الرجال

هم تاج في راس البرايا من ذهب
وفخار للأمة ومحراب النضال

وأعظم شريحةبيضت وجه العرب
والقت على حلف الشياطين النكال

#ابوكنعان_الروس

العز لهل العز فعلا يحتسب.
والمرجله هي للمغاوير الرجال

مؤمن محنك باع لله واستجب.
حب الشهاده مخ عظمه والمصال

بجنة الله فاز واحرز للقب.
شهيد يهناه ماحقق ونال

#ابوفضل_المتوكل

ابطال في جوف الكرامه قد كُتب
اقوالهم وافعالهم صم الجبال

خطت دماهم عزم في جوف اللهب
وذاب بيديهم قسىالدنياء ومال

ضحوا وجادو والله الغالب عقب
ابدلهم الجنات في عذب الزلال

#أسـامـة_المـعبـاء

على سبيــل الله بيهــون التعــب
لان النهــاية جنــة المولئ الجلال

ينـالها من جــد وجاهـد واحتسب
في درب طه المصطفى وخير آل

يهنـاه من أستشهـد وللجنة ذهب
لا أرض ماتخطـر على ايت خيـال

#الشاعر_ماجد_القادري

انا يماني اعتبر اصل العرب
مانقبل الذله وجيش الاحتلال

الكل يتباهي بااسمي والنسب
حتى الرواسي الشامخة شم الجبال

دام الشهاده لي وتحقيق الطلب
والحمدلله وأشكره في كل حال

الشاعر#ذوالفقار_القيدله

يوم التفاني لجل دين الله وجب
والصوت نادى للتحرك والقتال

شهيدنا ماتاه عنها وانسحب
بل قال يالبيك شدينا الرحال

جاهد بكل اخلاص من دمه كتب
روق الوصايا للبقيه من زلال

#عبدالقوي_البطل

امامها ايش الربح وايش المكتسب
اعظم تجارة رابحة. في كل حال

يامؤمن اعشقها وامل في السبب
انك تصير شهيد في موطن نزال

من بعد ماتقلع لحاهم والشنب
وتلقن الاعداء من الموت الزلال

#فاطمه_فقعس

يلعن ابو بعض المناصب والرتب
والي في البيت قاعدين ماهم رجال

الحرمين والقدس صبح مغتصب
ننفر مع الله ياخفاف ولاثقال

في درب من ضحئ بدمه وانسكب
مشئ بنهج الانبياء واحمد وآل

#الشاعر_محمد_ابوالعز

ازكى سلام الله لازكى من وهب
لله روحه و اشترى دار الكمال

رتبة شهيد اكبر و اعلاها رتب
واعظم وسام نيل الشهاده يارجال

عنوان للعزة و اغلى مكتسب
حصن الكرامه والابى رمز النضال

#ابواياد_المطري

حبر القلم في يوم ذكراهم كتب
وصاغ من افضل عبارات المقال

وقال يا اهل الخلد (نعم المنقلب)
والفوز بــ(الجنّة) وتحقيق المنال

كمّن رجل في الله ما يمكن حسب
لأي طاغي.... لو هوت كل الجباال

#أبوحسين_العرجي

هاذا الشهيد الحي روحه قد وهب
لله وارخص كل مايملك ومال

هاتوا الآوالي يالنشاما والجعب
محال نرجع عن مسيرتهم محال

وأحنا على دربه ولانخشى رهب
نرهب عدو الله ويذوق الوبال

#ابوهادي_الجامع

التضحيه لجل الشهاده والادب
في جنة الفردوس نالوها الرجال

يهنا لمن جاهد وناضل وحتسب
يهناهم الفردوس والعذب الزلال

لابد مانلحق جميعاً او نهب
في دربكم ضد الضلاله والضلال

#أبوحسين_العصري

تبت يد العدوان الامريكي وتب
وخابت اصحاب المشالح والعقال

روح الشهيد اللي بذلها و أستحب
البذل والإيثار ذي فاق الخيال

دمه جرف جيش اليهودي و الذنب
وأتقهقر العدوان وأصبح لا زوال

#الشاعر_أبورازح_القعود

يهنأك هاذا الفوز ياكمن شنب
ياصانع الامجاد ياسيد الرجال

واحناء علئ دربك وملعون من كذب
وفي سبيل الله يامحلا القتال

شليت انا البندق وشليت الجعب
ومن تجاهلنا يجي ساح النزال

#أبوصخر_الجوحمي

اعظم مكاسب مكسب اللي قد وهب
لله روحه خالصه ايضا ومال

عنوان عزتنا بدمه قد كتب
عزه كرامه تضحيه ورقى مثال

هو مجد امتنا وحبه قد وجب
وفخر للاجيال ثابت لا محال

#شاعر_بلا_الروس

والله مامثل الشهاده مكتسب
اعلا المراتب ماتوازيه الجبال

لازال اهل الدين اقحاح العرب
في درب أبوجبريل تشد الرحال

لاعاش بن سلمان ولا كمن ذنب
في أرضنا أو شبر فيه الاحتلال

#ابوجهاد_الجولبي

وجب وجب ياهل البنادق والجعب
ان نتبع خطواتهم في كل حال

كما استجابوا واحرزوا نيل الطلب
وصارت الجنه لديهم راس مال

يهناهم القصر المشيد من ذهب
والفاكهة والحور والخمر الحلال

#ابو_جهاد_صبر

ذكرى الشهيد اليوم يا اصل العرب
ذي بـاع نفسه لـلإلـه شـد الـرحـال

ذكرى عظيمه في رجاجيل السلب
ذي فـشلوا بفـكارهم خـطـة سـلال

ذكرى لمن زاحـوا مـعـانات الـكُرب
إحياؤها سنـه مـن الله الـجـلال

#محمد_قارية

ونعم بهم كانوا لها عند الطلب
خاضوا المخاطر والمهمات الثقال

نالوا ثمار الصبر من بعد التعب
باعوا من الله واشترى مولا الجلال

ياالله ثبتنا على نفس الدَربْ
نواصل المشوار بعزوم ونضال

#ابومجد_الفاطمي

سلام ربي كل ما الكاتب كتب
على الشهيد وآل الشهيد خير الرجال

من حبة الله واصطفاه لاعلا الرتب
رمز الرجولة والوفاء ما له مثال

من قد جعلني افتخر بين العرب
واعيش شامخ هامتي فوق الجبال

#ابورعد_مصلح

فاز الشهيد الحي ذي قدم وهب
عمره معاالله في ميادين القتال

تابع المجاراة عن التضحيات الكبيرة للشهداء وواجبنا نحوهم.

البداية #نور_الدين_المقاتلي

وسبّح شعوري في خشوعات تستجد
وعرج براق الفكر لا جنّة (الشهيد)

الى من (بذل) روحه مجاهد ولا قعـد
ونيل الشهاده في (الميادين) له رصيد

سنبقى مدى التاريخ (انصار) للأبد
كرامه شهاده تضحيه عزم من حديد

ولو نفقد الارواح فالعزم ماانفقد
ودرب الشرف نفداه ولو يطلب المزيد

#ابويحيى_الشوكاني

هنيآ لمن بادر مع الله واجتهد
ونال الشهاده في سبيله وهو سعيد

تسطر في التاريخ بالعز كالأسد
يماني من الانصار للمجد يستعيد

على درب( ال) البيت لاحزن لانكد
نواصل مع الرحمان ونقدم المزيد

وعهدآ نواصل في خطاهم إلى الابد
نحارب قوى الطاغوت واتباعه العبيد

#ابواحمد_ذويب

عزاز النفوس وعزمنا اليوم مابرد
مع الله لوتنزف دماناء من الوريد

فلاوهن يثنيناء ولاحرب لانكد
فعشق الشهاده صارمنضارناالوحيد

مع الله بانصبر على الضر والجلد
وهيهات نرضاءعيشة الذل والعبيد

مع الله نستبسل ونفناءعلى البلد
كرامه شجاعه مجدقدناله الشهيد

#أسـامـة_المـعبـاء

على درب الاستشهاد نمضى الى الابد
نواصل خطى اهل العطاء ولا بانحيد

نرد الوفــاء لاهل الوفاء ولابـه كمــد
يهنــا لمن ســار واصطفاه ربنا شهيد

لاجل الكرامة والشرف نمضي بصدد
ورب السماء هو المـدبر وهو العضيد

وسبحان رب الكــون الواحد الصـمد
بعـث لامتة قائد محنك علــم رشيد

#ابومشعل_ذويب

شــهيدالإباوالـحــريه حــي لـلأبـد
ومامات من ضحى ولامن سقط شهيد

يموت كل الخلق والدوماولد
وهوحي في الجنه وهذا الخبراكيد

ايامن قضانحبه على خطكم ابد
وفي نـهـجـكـم لوقـطعومننا الوريد

نجاهـدونسـتشـهدونقتل احـداحـد
ليشفع لناطــه في المحشرالشـديد

#بشار_عباس_الشومي

مع الله رب الكون والواحد الأحد
نكافح قوى العدوان ذي جدهم يزيد

مع الله سبحانه نجاهد إلى الأبد
نواصل مسيرتنا على منهج الشهيد

هم الفخر والعزه هم الظهر والسند
هم النور ذي شعشع على شعبنا السعيد

لكم عهدنا بالنفس والمال والولد
على دربكم نمضي ووالله مانحيد

#الشاعر_ماجد_القادري

معاهم نقف نوقف نواصل إلى الأبد
على دربهم نمشي مع الموطن السعيد

شهيد اليمن بالحق والحق معتمد
من الله سبحانه هو الحي والحميد

لمن له جميع الكون بالحق قد سجد
ونال الشهاده نال على النصر من جديد

يماني شهيد الحق رحل يورثه أسد
وله دون التاريخ من الدم والوريد

#ابوفضل_المتوكل

على خطهم نبقى نواصل ولا نحد
ولو تنحني ذا السبع هيهات ما نحيد

كما ذا الجبال الشم نثبت وبانصمد
نرد الوفاء بالجود نوفي بها الشهيد

مع من بذل وانفق بروحه ودمه شد
الي جنة الفردوس من الدم والوريد

#ابوهاجس_الشومي

لي الفخر إن الاخ قد قام وما قعد
ونال الشهاده ليثنا صنونا ( مفيد)

بعزه كرامة تضحياته ومن رفد
يمن شعبنا الأنصار بالابن والحفيد

وكم يا جنود الله ثارت ولن تعد
على ساحه الميدان من بأسها الشديد

لكم عهد من دمي وروحي مع الجسد
على نهجكم نمضي مع شعبنا السعيد

#ابوحمزه_المقاش.

به الفوز والرضوان والعزم والمدد
شهيد الكرم والجود والعز له اكيد

خيار الرجال الي معا الله قد صعد
ونال الجزاء المضمون بـ الموقف الرشيد

قسمنا وعاهدنا علا الطيب والسعد
جرى عهدنا في داخل القلب والوريد

وعن ركب ابوجبريل ملعون من ركد
وملعون من يقبل بعيشه معا العبيد

#الشاعر_محمد_منصور_الميادين

الى من صدق في نهج ربي وماوعد
ويوم الشهاده كان عنده كيوم عيد

رجاجيل مثل خطهاء عزة البلد
كما أحسين تتحرك لتستئاصل اليزيد

الا ارواح حية حبت العيش في سعد
لمن جاهدت واستبسلت للقوي المجيد

وفي دربهم بايمضي الاب والولد
ومن بعدهم بايكمل المرحله الحفيد

#ناديه_السقطي

سلامي على الشهداء ومن جد واجتهد
على نهجهم والدرب كمن بطل وجيد

ومن خلفــهم أتفقـد الاهل والولـــد
لمن قد بــذل روحه ودمه من الوريد

لدم الشــهيد الوعـــد والعهد يُعتمد
بصدق العهــود للواحد الناصر المجيد

مع الله مانـوهن وهيــــهات نُستبد
وهيــــهات منا الذل ياحلف بن يزيد

#علي_درهم_المؤيد

نهض فـي زمـن كلــه علـى ديننا نكد
ملبي كلام اللـه فـي الصف والحديد

مع الحــق واهلـه فـي ميـادينه إتحد
وبالحرب قد كانه على اعدائنا شديد

وسام الشهــاده حققـه بعد ما إجتهد
خلع ثوب بالي وارتـدى ثوبه الجديد

مع الانبياء فـي جنـة اللـه قـد حصد
مكانه عظيمـه واجب ان نلحقه اكيد

#الشاعر_ابوحرب_العتب

مع الله.... با نبذل دمانا مع الجسد
ونمضي على درب الكرامةكما الشهيد

جميعا ولا يمكن أبد يخلفه أحد
من المؤمنين الصادقين لا فلن نحيد

فهذه مبادئنا و عادات أباً ....وجَد
نموت او نعيش احرار دائم وذا أكيد

هنيئا لمن جاهد مع الله واجتهد
وسطر بطولاته بتنكيل عيال يزيد

#الذكرى_السنوية_للشهيد 1444هـ  
#إتحاد_الشعراء_والمنشدين

https://t.me/aboyahyaalshami  

وحـــــــده هو الله من أيد مسيرتنا
وفي سبيله نموت احفاد بعد اجداد

ومثل ما القائــــد استشهد ثقافتنا
تأبى لنا أن نخــــون العهد بالمقعاد

نمضي بدربـــــه ونستـشـهد بعزتنا
يا أجر ناله حسيـــن البدر والصماد

#الشاعر_حمزة_خطاب

نعاهد الله مانخذل مسيرتنا
بانبذل الدم والاموال والاولاد

الموت في منج آل البيت غايتنا
مابه تجاره عظيمه غير الاستشهاد

نعاهد الله ونعاهد قيادتنا
انا على منهج ابن البدر والصماد

#ابوفضل_المتوكل

نجدد العهد نمضي فوق طاقتنا
مع قرين الهدى في دربهم نزداد

يا شوقنا للاعادي عند ملاقتنا
من دمهم نطفي النار الذي وقاد

علم وعمل واجهاد هذه ثقافتنا
الي خلقنا عليها قوم الاستشهاد

نمضي نواصل نعزز في انطلاقتنا
على خطاء الال نرفد دايماً بعداد

#عبدالقوي_البطل

ياالله سألناك تعلي شأن أمتنا
وتمدها العون والتأييد والاسناد

نحيا بعزة نقاتل لاجل عزتنا
ونموت اعزاء بعد الذود والاعداد

نصبر على المر مهما باتباغتنا
صدوف الاحداث ندحرها وبالمرصاد

ونعرف الخصم مانخضع إرادتنا
إلا لذو الملك مولى الخلق والاشهاد

#الشاعر_بشير_الشامي

نبذل دماناء ونبذل فوق طاقتنا
اجهاد وجهاد دايم مثل مالمعتاد

اماء الشهاده بوصط القلب فاقتنا
هذه ثقافه بعقلي تغزي الافواد

ترسخ بدمي تتجد في علاقتنا
احناء لها العون فسراء وفالاشداد

في يوم بعض البشر تمثيل ناقتنا
وفالحقيقه طنيجه مثل مالمعتاد

#ابوهادي_صيفان

هي فخر لامة محمد هي ثقافتنا
لولا الجهاد ان يمنى تابع الموتاد

لولا حسين ابن بدرالدين ارشدنا
وفعل الدين واعلنها جهاد جهاد

لولا الشهاده لنا حامي كرامتنا
ون يرجع الحكم للحجاج وبن زياد

حب الشهاده زرعناها وسلمنا
لاهل بيت النبوه خيرة الاحفاد

#شِبّلُ_الُحُدِاء_ابّوَفَلُاحُ

باايماننا. باالوفاء تبقا صداقتنا
مابا نخون العلم. والبدر والصماد

من ال عمران والتوبه. ثقافتنا
وايمان باالله. عباده دايما وجهاد

وصرخة الله اكبر ذي افا قتنا
نعيش باالعز ولا نقبل للا ستعباد

#أبوهمدان_المعتكف

با الله زادت وبه ارتبطت علاقتنا
بالأمس واليوم وحتى ساعة الميعاد

ثقافة الذكر للميدان ساقتنا
منها عرفنا الفداء وجهاد واستشهاد

نعاهد الله مانترك ثقافتنا
نوصي بها اولادنا دايم مع الاحفاد

#الشاعر_ابوحاشد_ابوسعيد

وبانجاهد كما ربي يوجهنا
قيل انفرو في سبيله نصر وستشهاد

علا خطا السابقينا من قيادتنا
سيدي حسين العلم والريس الصماد

ذي قدمو روسهم من اجل عزتنا
والعز يشتي عطا بالمال والاولاد

#أبويمان_المهذري

ونـجـدد الـعـهـد ونسعر بطاقتنا
أمة عظيمة على نهج العلم مقتاد

من جرف سلمان سالت لجل عزتنا
دماء شريفة ونالت فضل الاستشهاد

على خـطـاهـم ثـقـافـتـنـا قداستنا
مـا نـتـبـع الغرب وإلا كلبة الموساد

والـعـهـد مـنّـا بـقـوتـنـا صـلابـتـنـا
نبقى على العهد مانخلف في الميعاد

#عماد_النهاري(ابوسجَّاد)

من منهـل الـهـدي سـقّينا مسيرتنا
حتى ٱثمرت للـوطن مليون كالصماد

في ساحة الحرب لجل الشعب قادتنا..
تسفك دمـاهم وتتخضب بها الاشهاد

بـشـمـوخ زيـد الابـاء زادت كـرامتنا
واشـموخنا حطـم الطاغوت والمـوساد

#أسـامـة_المـعبـاء

نعـاهــد الله ونعــاهــد قيـــادتـــنا
نتبع ادروب الرجال الصادقة الاجياد

ونصــون عزتنــا ومبــدانا وكـرامتنا
وباننا بذي الخطى نصمــد كما الاوتاد

شهــداؤنا هم لنــا منهــج وقـتدوتنا
في طريق البذل ياقومي والاستشهاد

ندعــوك يا ربي كما كــرمت اخــوتنا
كرمنا في نيل الشهادة وبعدهم نقتاد

#ابو_يحيى_الشوكاني


علأ خطاهم نواصل في مسيرتنا
علم وجهاد وعمل نبقا على استعداد

عشق الشهاده غريزه لجل عزتنا
يتسابق افراد واقياده كما الصماد

نسأل من الله في الشده يثبتنا
على طريق الهدايه درب الاستشهاد

#ابوعلـي_جعفر

احنا معا اللّـه نصحح له علاقتنا
قد بعت نفسي ومالي في خطا الامجاد

نمضي معا اللـه نعمد له وثاقتنا
في درب آل النبي حيا باالاستشهاد

#بشار_عباس_الشومي

والله والله مانخذل قضيتنا
ونخذل الروح ذي نالت الإستشهاد

على خطاهم نجدد عهد ثورتنا
من كل مجرم متحالف مع الاوغاد

يآرب ندعوك وفقنا وثبتنا
في نصره الدين يا الله وله إسناد

#علي_لطف_الله

اعظم وفاء فالقيادة هي قيادتنا
وعظم وفاء فراسه صالح الصماد

وقوى ثقافه للستشهاد ثقافتنا
وعلى مراتب قويه نيل استشهاد

من كل قطرة دما زاد انطلاقتنا
وفي كل مسقط شهيد يزدادوا الاعداد

#ابوهاجس_الشومي

على خطاهم نواصل حسب عادتنا
في حرب أو سلم إحنا الظهر والإسناد

نور الشهاده عظيمه في مسيرتنا
ربي عطانا ووضحها لنا في جهاد

أما بنحياء اعزاء في كرامتنا
ولا شهاده مع الرحمن بكل بلاد

#مقبل_قميص_العماري

احنا على العهد والميثاق مازلنا
والكل جاهز وفي حالت استعداد

في سبيل الله ترخص جماجمنا
وكل ما نملك من المال والأولاد

يشهد علينا الله وتشهد مواقعنا
إنّا يمانيين ما نعرف المشراد

سبحان من خصكم واعلا مقاماتكم
في خانة الأنبياء ياصفوة المؤمنين

والعهد منا لكم نأخذ بثاراتكم
من راس أعداءكم وأعداءنا المفسدين

#ناجي_محسن_المحجري

بسري مع الله وامشي في مساراتكم
يهل النفوس الزكيه كل مؤمن فطين

صدقتوا الله في ميدان جبهاتكم
وربي اوفى بوعده في النعيم خالدين

يهناكم الفضل حين فزتوا بجناتكم
فضل الشهاده كبير عند ارحم الراحمين

#ماجد_المطري

التضحيـــه في سبيـــل الله منهاجكــم
وانتـــم لهــــا واهلهـــا ياصفوة المتقين

بعتـــوا مــن الله والله اشترى ارواحكم
ثم أصطفـــاكم وفضلكم على العالميـن

من بذلكـــم كل عـــزه تبـــلغ اوطــانكم
واحيت دماكم لنا المجد القديم الدفين

#ماجد_النوعة

سلام ربي عليكم في عطاياتكم
يوصل لكم يارجال الله في كل حين

يامن بذلتوا جماجمكم وهاماتكم
يامن بذلتوا مع الرحمن دنيا ودين

قدنلتوا الخير ف الاخرى ومافاتكم
يهناكم الخير عند الله والصالحين

#شهاب_ المتوكل

ياذي من الله بعتوا الروح ونفوسكم
يهناكم الخلد منحة اكرم الاكرمين

ياذي رفعتوا كرامتنا على روسكم
وصنتوا اوطانكم من هجمة الظالمين

والله لانحمل النبله مع قوسكم
ونواصل الدرب مانوقف وهذا يمين

#ذوالفقار_سفيان

يامن مع الله طبعتوا علاقاتكم
يوم ان كمن منافق طبعوا للعين

نسئـل من الله يرزقـنا ملاقاتـكـم
مادام واحنا على منهاجكم سائرين

نيل الشهاده لكم هي كل غاياتكم
غبتو ولكنكم بقلوبنا حاضرين

#ابوناصح_العزي

احنا على العهد نتمنى ملاقاتكم
في جنة الخلد رفقه في جوارالامين

االعهد منا لكم ما نترك اولادكم
ولا نغير خطانا عنكم والحنين

شلوا عهود الوفا نأخد بثاراتكم
من منبع الشر متأمرك ومتصهينيين

#ابومشعل_ذويب

انتم نموذج لنا واحناعلى دربكم
وانتم اطهربشربين البشراجمعين

ساس المسيره قوي مخضوب من دمكم
واحناعلى دربكم لويفحـقوناطحـين

ولـويقـصفونا بـذري مـانـفـرط بكـم
الى لقاكم تشـوقنابشـوق الحـنين

#الشاعر_المقرمي

بالأمس في الأرض بس اليوم في داركم
اتنعموا في جنان الخلد يا الخالدين

بالبذل والتضحية ما شفت أحد مثلكم
وأنتم أساس العطاء يا قدوة المؤمنين

والعهد منا لكم نمضي على دربكم
فـ أنتم السابقين ونحنُ اللاحقين

#الشاعر_ذوالفقار_القيدله

عزومنا عزمكم واقدامنا اقدامكم
ومنكم نستمد الصبر يامؤمنين

على خطاكم خطانا عهد منا لكم
في دربكم مانساوم لٱ ولن نستكين

اسما المرامات عنا لٱ التحقنا بكم
محلا الشهاده ويهنا من بها يستعين

#ابورائد_السعدي

يا صفوة المؤمنين الله رفع شأنكم
بضيافته تقضوا أيام الحياة آمنين

يامن علينا يعز الصبر لفراقكم
ولانطيق البقاءمن دونكم طرف عين

نعم المكانه جوار الأنبياء داركم
مع علي الولي ومع الحسن والحسين

#ابواياد_المطري

واحنا على دربكم في كل جبهه نكم
ونسبح الله ونطيعه بكل اليقين

نحيا حـياة الكرم من فضل صولاتكم
انتم اساس انتصار الشعب والمسلمين

لولا عطــــاكم ولولا بـذل أرواحكم
كنا بيد المريكي واللعين اللعين

#ابوفضل_المتوكل

العهد منا نواصل بعد خطواتكم
حتى.نكمل بنود النصر فيها المبين

عهد الوفاء والاباء لزاكي ادمائكم
نواصل السير لانضعف ولانستكين

والله ذي بالكرم اعلا مقاماتكم
ياصفوة الله من بين البشر اجمعين

#يونس_المجهدي

يهناكم الفوز بالجنات يهنا لكم
يهناكم الفوز طول الدهر صول السنين

بعتوا لربي وربي حقق احلامكم
يهناه من باع نفسه للقوي المتين

بالارض فزتوا وربي ثبت اقدامكم
وبالنهايه عليتوا بالمكان الحسين

دستو على راس بن سلمان حيا بكم
في عصر فيه الأجانب والعرب خانعين

#بشار_عباس_الشومي

يا أكرم الخلق عند الله أمثالكم
في جنه الخلد مسكنكم طوال السنين

وأحنا على العهد نأخذ كل ثاراتكم
من كل غازي ومتحالف مع المجرمين

أما بنحيا أعزاء مثل. هاماتكم
أو الشهاده لنا والفخر دنيا ودين

#الشاعر_بشير_الشامي

فضل الشهاده عضميه عندنا ساعكم
يامن بذلتوا دماكم انتوا المؤمنين

الله يشهد ويشهد باذل ارواحكم
ان المسيره لرب العرش والعالمين

اقسم بصورة سباء والحشر من ذاتكم
ان الخطاء في طريق الحق عين اليقين

#الشاعر_محمد_منصور_الميادين

على هدى ألله بانرسم بطولاتكم
ياكرم وياأطهر جميع الخلق يالفايزين

بجنة الخلد ربي يارجال خصكم
واختاركم واصطفاكم ياعظم العالمين

واحنا مع الله بانمضي على خطكم
ونزلزل امريك ونحطم قوى المجرمين

#ابوهادي_صيفان

طوبى لكم في جنان الخلد طوبى لكم
يامن رسمتم طريق الحق يامخلصين

انتم سفينة نجاه والعصر يشهد لكم
وحاجز الخوف دمرتوه يامؤمنين

مع النبي والوصي مديتو احبالكم
يوم العرب باعت الاقصى من المجرمين

#الشاعر_ابوفاطمة_الشريف

يامن فديدتو لدين الله بارواحكم
نعنتز نفخر بكم في كل لحظة وحين

انتو عطاكم مع الرحمن وجهادكم
بها صنعتو لنا عزه ونصراً مبين

أزكى التحيات نهديها لارواحكم
يامن كسبتو رضا الرحمن يالفايزين

#ابوهاجس_الشومي

تابع المجاراة عن #الذكرى_103_لمجزرة_تنومه

البداية #أبورواسي_أرحب

ثار ياكل اليمن شعب وحكومه
لعنبوا من مات جنب البيرضامي

للدم المسفوك في وادي تنومه
يا عصب كتفي ويامونة حزامي

السعودي ماهو إلا فرخ  بومه
نتفوا ريشه في الخط الأمامي

#ابوالكرار_المجنحي

جيش شعبي ذي تشرفنا علومه
بايخذ باالثار غيره وانتقامي

والسعودي بايرا لا حان يومه
كيف با تشعل حمم من كل رامي

شعب لا قد ثار يثئر من خصومه
وانتصاره يكسبه وقت الصدامي

#ابـوحمـزه_الـمـقـاش.

مـا ربـح مـن خـان فـي شـعبه وقومـه
لـعـنـ ابوه الـنذل فـي اول كـلامـي

عايش الـذكـرى مـع وادي تـنـومـه
والـمـواقف شـاهـده والـجـرح دامـي

قـد بـلي الـعـدوان فـي حربي بـلومـه
مـن رجال الـجود والـجـيش النـضامي

#الكرار_المشراقي

لجل ثاره شعبنا جـهــز قـــرومــه
والدما ال سعود متعطش وضامي

من قــتل حجاجنا الــيوم يـومــه
بانخذ بالـثـار من مجرم حــرامـي

دوس انف المعتدي ادعس خشومه
خلو نهار اسعود ليل اسودظلامي

#أبوصخر_الجوحمي

تأرنا. مدبول. للماضي ويومه
ياعميل الغرب اصلك هو حرامي

سمم الاسلام دسه في سمومه
دين صهيوني وواثق في كلامي

شعبنا بالله مايخشى اي لومه
والعلم والهدي والجيش النظامي

#ابو_اياد_المطري

اليماني لا ثأر  لاحد يلومه
جرحه السابق من آل سعود دامي

بايخلي نجد قشّه وسط كومه
كل قطرة دم با تحرق حرامي

ما تخلى الشعب أو ساوم خصومه
قال بطلق نحوهم جملة سهامي

#الشاعر_أبوعزام_الشامي

ثأر يا أحرار اليمن واجب لزومه
فبكم عهدي ووعدي وإلتزامي

فالسعـــودي خــبروني ما علومه
دائمآ ظالم على الجيران حرامي

با نــعـيــد الحـق من مأساة تنومه
ونخلي المملكة في وضع دامي

#أبويمان_المهذري

السعودي ما يساوي بعض دومة
كيف يتولّى عـلـى الكعبه حرامي

مـا نـسـيـنـا ثـار الآبـاء والعمومه
كيف باننسى عزيزين المقامي

وبن سلمان الردي ياكل هدومه
بعد ذا الهدنه يلاقي يوم حامي

#الشاعر_ابوفتح_الجرادي

جنب من شدللزحف المقدس عزومه
ناخذالثار يا قومـــي ولابت حزامي

من تعدا لحوم الناس دقو لحـــومه
والنقا ياولـــد سلمان والرد حـــامي

من بقي واليهوداخوان وبنا عمومه
كيف يصبح لبيت الله خادم وحامي

#أبوبرق_الصباحي

اليماني قط ماينسى خصومه
ماعذر يانجد لك من يوم دامي

قل لمن ينفش من انيابه سمومه
عج نار الثأر في كاحل عظامي

بانحاسبكم على عوجاء وشومه
يوم يشهد هولها دهمي ويامي

#الشاعر_كميل_الحماس

لعن ابو من ذل وتردت عزومه
ثارنا با ناخذه في يوم دامي

كل من يزهم هله وابناعمومه
لا قعدنا بعدها فحنا لئامي

مجزرة وادي تنومه فعل شومه
يا سعودي حان ميعاد انتقامي

#عبدالقوي_البطل

كيف باالمظلوم لاقرر هجومه
ينتزع حقه من ايدي كم حرامي

دام والله قال قاتل لاتلومه
لا فعل للمعتديين وعد حامي

السعودي بد مانكسر خشومه
لين ينطق ذكرنا بكل الاسامي

#ابومجاهد_بجاش

مع ابن بدر الدين وحناله قرومه
يلاقينا معه في الصف الامامي

وشعب العز مازالت عزومه
عزوم اقحاح في الميدان حامي

حرام انه جلس يهنا بنومه
يئشر قايدي« لا كل رااامي

#أسامه_الزيلعي

ياشياطين العرب ماعلينا ملومه
إن قصفنا حلف سلمان الحرامي

ذي سفك دم اليماني في تنومه
هوقصف طفل السعيده بالتمامي

عهد منا للبنادق من خشومه
نسقي المهفوف كأس الإنتقامي

#أسـامـة_المـعبـاء

دم الأخــوان ديـن وأولاد العمـومه
بايعود عـ المملكة هـايج (سُنـامي)

با نحاسبهــم على فعــلات شــومه
حق تنـــومه وغيــرها ثأر إنتقــامي

ثــأرنا مُعلــن من أول يـوم يــومه
بزامل(انا لاقمت قامت من قيامي)

#ابوسندس_العلافي

اسس ابن سعود دولته الرخومة
هي على كره الــــيمن منذ القدامــــي

من تنومه تشهد اعلان الخصومه
جاءعلى الحجاج قانصهم ورامــــي

عهد في ثار اليماني ما نسومه
عهد ياسلمان ما تلقى السلامي

والله ان الشعب ضاقت به هدومه
كم تشوق نحوكم للاقتحامي

والقسم بالله ثارش ياتنومه
بانجيبه من لظى البارود حامي

#ابوهمام_ابوراس

قال ذي في الثار ماساوم خصومه
ويحها عولة سعود من كــل رامي

ماورى ذي سـوته فينا سـلــومـــه
ياوسيط ارجوك لاتقـطـع كـلامـــي

بانـخــذ بالثـأر يـاوادي تـنــومـــه
مالهـم من حايمات المـوت حـامـــي

#وضحى_الهمداني

ثارنا والثار واجب في لزومه
يارجال العز ياشدة عمامي

معركتنا نقتبسها من تنومه
والعدالة في ميادين المرامي

ادعسوا بعران سلمان او رخومه
واثأروا والثار له من يوم حامي

#ابوفضل_المتوكل

ما نسينا الثار من وقته ويومه
والله الشهاده علينا في كلامي

للقاء كلن حشد ربعه وقومه
نكوي الجرح الذي فالقلب دامي

جرحنا يبراء وغازينا ندومه
بالمذلق والمقبب نار حامي

#كليم_النجار

بايذوق الخصم من مخزن سمومه
ثارنا باقــي وتسديدة لــزامي

ماحصل بالامس في وادي تنومه
دين بعماقي ويـقضيه انتقامي

ثأر للحُـجّاج يـتجــدد بيومـه
والنقاء مشروع دام الدم حامي

#إتحاد_الشعراء_والمنشدين

https://t.me/aboyahyaalshami

الاعجاز الكوني

من محكم التنزيل وايات السور
انزل بيانه للبشر دنيا ودين

وخص فيها من صفاته والعبر
ما عززه داخل قلوب المسلمين

وايده بعجاز خارق للبشر
اعجاز كوني ما جراء عبر السنين

توثيق رباني موثق له ضهر
في محكم القرآن والذكر المبين

منها اشتقاق لحضرته نور القمر
والماء يجري بصبعيه الطاهرين

واشفاء نور العين لتجلاء البصر
من ريق فمه لابصق ريقه شفين

سبحان من عزز ووثق وانتصر
للانبياء وختامها طه الامين

من كمل أخلاقه وخلقه ما قصر
علمه وإيمان وصدقه واليقين

في مولده شعب اليمن كله حضر
يجسد إيمانه وعهده له ثمين

حبه سكن فينا وفي احشانا وقر
في القلب توثيقه وصدقه في الجبين

لامولده بدعه فسجلنا أول نفر
بدعت رسول الله وحنا مؤمنين

ونقولها ونعيدها مهما الضرر
يبلغ بنا لبيه وحنا واثقين

لبيه رغم اخشام من صد و كفر
من حاولو التشويه وعادو خاسرين

لبيه وحنا شيعته بحراً. بر
انصاره الي حبهم صادق مكين

لبيه في وقت الشدايد والخطر
لبيه شان الوضع فينا أو يزين

لبيه في حُنك اليالي والغدر
ما نتركه أو نخذله ولا نلين ونستكين

مع العلم والسبط في خيره وشر
حفيد بن طالب علي وابنه الاشتر حسين

من يتبع المختار يامن من صقر
ومن تكبر في لضاها خالدين

اسالك تغفرلي اذا فكري قصر
في ذكر ختم الانبياء والمرسلين

صلى عليه الله ما الماطر مطر
وما بحار الكون في حبه جرين

واله الاطهار ما الشاعر شعر
وما شرايين الدماء فينا جرين

#ابوفضل_المتوكل
#المولد_النبوي_الشريف 1445هـ
#إتحاد_الشعراء_والمنشدين

؛https://t.me/aboyahyaalshami
لمتابعة الحسابات الرسمية عبر الرابط
؛https://sites.google.com/view/aboyahyaalshami/