تابع المجاراة بعنوان أصوات الذخيره.

البداية #عباد_ابوحاتم

يا عرب لا عاد به نخوه و غيره
فاللقاء غزه في الخط الامامي

معركتنا المفصلية والاخيره
تزحف الثوار و الجيش النظامي

نرفع الصرخه مع اصوات الذخيره
ذا خطاب الفصل و القول الختامي

#الشاعر_جبر_المهدمي

بعد ماشفنا المجازر والدميره!!
وسط غزة واهلها بين الركامي"

سيدي. إحنا صواريخ المسيره
إضرب اسرائيل دام الوضع حامي

بالذخيرة والصواريخ الكبيره"
صوتها.. تعبير للمعنى الكلامي"

#الشاعر_ابوجهاد_صبر

للعرب ذي ساكنه شـبـه الجزيره
الـيـمـانـي قـال بـارسّــل سلامي

يا عرب شبّوا النكف غـزه اجيره
لا سكتناء با نـلاقـي يـوم حامي

الـثـقـه بـالـلـه سـبـحـانــه كبيره
مِـنّــكُـم رامي ومـنّـاء الـف رامي

إبـن بـدر الدين وإرجال المسيره
جاهـزه تجتث صهيون الحرامي

#عبدالوهاب_الفقيه

نصرة الاقصى قضيتنا الكبيره
والنبي ماشلها كمن حرامي

دام عاد الله ونصار المسيره
حلف اسرايل بايصبح حطامي

هي مجرد عندنا قشه صغيره
ويلها ويلاه من باس انتقامي

#أبوحسين_العرجي

كل نشمي حر قد أعلن نفيره
باقي الا الحد يفتح بقتحامي

نعلبوكم من عرب غزة اسيره
ونعلبوه الـــي يــــطبع لنظامي

كل حاكم منهم مــــوت ضميره
يهروب عزان عينه في الأسامي

#ابوحسين_السحاري

صرخة الثكلاء إلى شبه الجزيره
يا حكومات الوطن كبو الكلامي

نخوة الكفار شفناها كبيرة
ليش محنا ما نلبي كل ضامي

صوب الأقصى نكفي ياكل ديره
وبلغوا الحكام حنا با نرامي

#أبوخارف_ابوشوصاء

شعبنا للقدس قد أعلن نفيره
بانفوج لجلها مليون رامي

لعن ابو من عاش والاقصى أسيره
والله إن القلب متألم ودامي

والله إن النصر ف أعلام المسيره
لاح نور الفتح من بعد الظلامي

#ذوالفقار_سفيان

معركة با تجعل إسرائيل طيره
مابها هدنه ولا فيها سلامي

فيلق المحور يجي من كل ديره
وابن بدر الدين يقبِل بالرزامي

مال لغزّه غير كرار المسيرة
ذي يدك الكفر في كل اقتحامي

#ماجد_القادري

بلغوا بث الحدث ثم الجزيره
اليمن بالعز تاريخ الاسامي

دام غزه دمها اصبح بحيره
بانصافحها معاها كل رامي

اللقاءصوت المنار ثم المسيرة
جند حزب الله والبدر الامامي

#أبوأحمد_الوايلي

نحو لقصى تتجه كل المسيره
نرفع المحتل ويعم السلامي

نورنا من هـدي ربي والبصيـره
والجهاد الفرض واجب كالصيامي

الشرف والعار واحد فالـجزيره
ساكنين القدس من تحت الركامي

قد نتنيـاهـو نفخ غزه بـكيره
لازم الصرخه تزيله ذا الحرامي

#وسام_الحنش

كيف ياحكام في شبه الجزيره؟
كيف ياحكام في غربي وشامي؟

الذي لليوم ماصحى ضميره
لامتى ساكت على كمن حرامي

من رضى يُقتل ويتشرد جويره
بايقع له وعد مايعرفه دامي

#أبوصخر_الجوحمي

ياعرب يامسلمين من كل ديره
انفروا هبوا وجدوا في الكلامي

المجازر. مرعبه من فيه غيره
ياخذ الآلي ولا. للانهزامي

يستغيث القدس هل منا يجيره
عار مايحصل بغزه من حرامي

#عبدالقوي_البطل

بالثقة بالله وحدة والبصيرة
والتوكل به بااصوب سهامي

وانطلق في نصرة القدس الاسيرة
محتمي بالله ربي خير حامي

ننفي إسرائيل من أرض الجزيرة
ونسوقها للموت بشر الانتقامي

#الشاعر_ابوحاشد_معمر

باتجي الاحرار اشبال المسيره
قوم ابوجبريل من يامي وشامي

من في العربان بايخلص ضميره
قال يالبيك يالقدس السلامي

ينطلق غزه بماله والضخيره
حرب وستقطاب والتنور حامي

#ابوحمزه_المقاش

اعلنو تصعـيـدكم بـ اعلى وتـيـره
وثقو عـهـد الـشـرف شرقي وشامي

ليس مـسلم من قعـد جنب الـخبيره
والـمعـارك ضـاريـه والـجو حـامـي

جـوبـو غـزه دعـة والـوقـت خـيـره
للـقـاء نـمـضـي سـوى ياكـل رامي

#الشاعر_أحمد_عبدالرحمن_الظمين

لعن ابو ذي ماقد اتحرك ضميره
من جرائم سببت لي جرح دامي

ترتكبها قوم  صهيون الحقيره
كل طاغي وغد مستكبر حرامي

يارجال احرار في شبه الجزيرة
شمرو ننصر فلسطين  الهمامي

#ابومجاهد_الغمري

شعـبنا معلن مع الاقصى نفــــيره
ضد اســـرائيل واولاد الحـــرامي

لعن ابو رجال ما حـرك ضمــــيره
يوم قال القدس وينك يا حزامي

ابشري يا قدس بـ انصار المسيره
وقايد الثوره وابويحيى الرزامي

#ابوكنعان_الروس

عند ابوجبريل حكمة مثيره
من هدى القران ماسك زمامي

ضد أسرائيل نسمع زئيره
ذي بها الانصار ترفع مقامي

هدد أمريكاء وحلف الأميره
واقتداء بسمه عرااقي وشااامي

#ابوتراب_الوادعي

كل مؤمن حيدري يعلن نفيرة
لأجل ردع الصهينه والجرح دامي

والله ان الشوق في أعلى وتيرة
للقاء والمعركة في يوم حامي

اعلنوها حرب شعوى مستطيرة
ضد اسرائيل وجموع اللآمي

#الشاعر_متاش

حي داعي القدس ذي معلن نفيره
شعبنا جاهز وقد شد الحزامي

ينتصر للقدس والبنت الصغيرة
ذي بغزة لاتزال تحت الركامي

لعن ابوه إنسان مااتحرك ضميره
بعد كل اللي حصل في ليل دامي

#إتحاد_الشعراء_والمنشدين

https://t.me/aboyahyaalshami

المجاراة عن #طوفان_الأقصى يوم ذلة من ضربت عليهم الذلة والمسكنه وباءوا بغضب من الله.

البداية #ماجد_رشدان

جيناك ياالجيش الذي لايقهر
من قدرة الله العزيز القاهر

بالموت من جوه بحره والبر
من حيث تستشعر مرور الطاير

في يوم سبت اقشر عليكم واغبر
ضاعوا بني صهيون بين الغابر

صفو اليهود المسبتين تعكر
ورجسهم داسوه كمن طاهر

عما قريب القدس باتتحرر
ويغادر المحتل منها صاغر

#ضيف_الله_سلمان

الجيش من خلف الجدار اتقهقر
وسلم ادوانه بشكل امباشر..

طوفان الاقصى دق راس المنكر
واضحى كيان الاحتلال الخاسر

مهما نتنياهو طغى واستكبر
با ينتهي فآخر ربيع الآخر..

والله بالمرصاد واللهْ اكبر
سبحانه الرب العظيم الناصر..

وسنته فالكون ما تتغير
واتاملوا فآيات(سورة فاطر)!!

#أبورواسي_أرحب

ياصهينه من عاش منكم خبّر
عن المشاهد ذي تسر الناضر

عاد بايجي للكفر طوفان أعسر
طوفان مايبقي عليها كااافر

محور وما أدراكم أيش المحور
ذي أجتمع من وحي سورة غافر

وقايده مغوار جده حيدر
ضربة يمينه ماتجي بالقاصر

قد أعذر أبن المصطفئ من أنذر
كلين يوعي مايقول الشاعر

#ابوسياف_البيحاني

صباح يوم السبت 7اكتوبر
طوفان جاهم في الصباح الباكر

جرف بني صهيون والله أكبر
علي اليهودي هو وكمن كافر

منظر مشرف نفتخر بالمنظر
كشف خداع المعتدي الماكر

اظهر جنود الصهينه والعسكر
في ذل واهتان اللباس الفاخر

من كان يزعم انه لن يقهر
خرج من العنبر ذليلا صاغر

بلبل النصر #حسن_المهدي

الله أكــبـر مـا سـوى الله اكـبـر
والـمـوت لـلكافر وذيل الـكـافر

الله أكـبـر جيش صـهيون ادبـر
وقبـلـه ادبـر صاحبه من صافر

الله أكــبــر والـمـريـكـان اصغـر
واضعف من القشه ولـو بتكابر

الله أكــبـر غـزه اقــدر واجــدر
تجـتث عــرق الـشـر والـمـتآمر

#فارس_المعزبي

اعزّنا الله الكبير الاكبر
وَاذَل الاعدا كابراً عن كابر

الوضع في كل الجهات اتفجّر
على بني صهيون كمن فاجر

زاورهم الطوفان بسم المحور
في حين غفلة بالصباح الباكر

أهدىٰ لمن لاقوه معبر معبر
حق الزيارة وانتظار الزاير

لو تسئل اسرائيل حول اكتوبر
ما يخبروك إلا على فبراير

#إبراهيم_الشرفي

القدس محور إرتكاز المحور
والأولوية من حلب لا صافر

با يحتشد نحوه جميع العسكر
خلف العلم سبط النبي الطاهر

سخر له الله القوي من سخر
أحفاد عمار الوفي بن ياسر

بانقتلع من بأس حيدر..خيبر
واترقّبوا يوم "البيان الصادر"

مابا تكون القشه اقوى واعسر
من قوة الله القوي القادر

#الكرار_المشراقي

شـفنا مشـاهد فــوق مانتصــور
في معركةطوفان تشفي الخاطر

سبحان ذي زلزل عروش المنكر
واخزا كيان الاحـتلال الفاجر

طوفان الاقصى كالحمم يتفجر
خلى قوا إســـرائيل تنفر نافر

لبب نتنياهو ووجهــة صــفـر
والجيش لنثاوي الخبيث العار

ولى الدبرفي المعركه وتقهقر
بقوت الـــله الــقوي القـــادر

#الشاعر_ابوجهاد_صبر

فـي(المائده)و(الواقعه)و(الكوثر)
و(الصف)و(التوبه)و(سورة غافر)

وعــود للانـصــار فــيـهـاء بشّر
(الواحد) (الفرد) (الكبير) (القادر)

الــيــوم. تتـجـلا. وتـبـدى. تضهر
داخـل فلسطين بالوضوح الضاهر

عبره. لـمـن يخشى ومـن يتذكر
مسلم لحالـه بـاد سـتـيـن60 كافر

والـصـهـيـنه فـي ارض غزة تخسر
ويـنـتـصـر مـن كـان مـؤمـن صابر

#ابو_ضيف_الله_اللاحجي

ياحـادثـة هـزت كـيـان أكـتـوبـر
وثارت اعصاب الجسد والخاطر

ياابشع جريمة بل ويأكبر مـنـكـر
ياخزّي في وجهة العرب والصابر

الـوعـد قـرّب ياتـحـالـف خـيـبـر
الـويل مـن طـوفـانـنـا والـقـاهـر

اللـه فـي مـحـكـم كـتـابـة بـشـر
بالـنـصـر للانـصـار أول وآخـــــر

ذي مــا تـحـرّك بـعـدهـا وأتـأثـر
سجل على مـفـرق جبينة كـافـر

#محمد_البريهي

الحق في مسرى النبوة يطهر
ويزهق الباطل وكل متأمر

غزة بني هاشم بربي تثأر
أذلة إسرائيل والله قادر

في ظل صمت العالم المستهتر
بالدم وأرواح العرب بيتاجر

وأمتنا بثياب التقى تتستر
وولائها لاعداء ربي ظاهر

أعضائها تشكي وهي نا تسهر
ترقص على الأشلاء ذي تتناثر

#مناع_شريم

طوفان تحرير الكرامه اتفجر
ارعب كيان الكفر وكمن داشر

من حيث لا يشعر ولايتصور
والقادم اعظم بيننا في الاخر

ومحورالنصرمن الحجر قدطور
منظمومه الردع السلاح الباهر

هنا ابوجبريل ياكل عور
وايران والسيد حسن والثاير

ماعاد حلف الكفربا يتعنتر
كلين يحدد موقفه ويبادر

#ابوكنعان_الروس

من هو تأمل مننا وتفكر
في قصف عدوان الكيان السافر

ذي صب حقده فوق غزة واسفر
عن مقتل الطفل الرضيع القاصر

والكارثه الشعوى وأفضع وحقر
بعض العرب لبن اليهودي شاكر

والذل والاذال أسوء وخطر
صف العروبه ياعرب متناثر

الأمر باالمعروف ونهي المنكر
موضه قديمه أمثله وخواطر

#أبوخارف_ابوشوصاء

الله أكبر من سمعها كبر
صرخه نرددها لقمع الكافر

الموت لإسرائيل عنوان الشر
والموت لأمريكا العدو الفاجر

طوفان الأقصى فوقهم يتكرر
ذل المنافق واليهودي خاسر

اعداء ربي جالهم يوم اغبر
لطمه قويه جات له في امصابر

ما با يوقف زحفنا خاين الدين
و الكل جاهز يقتحم من قبالة

#الكرار_المشراقي

شعب اليمن كله خرج بالملايين
جاهز بأبطالة يجاهد وماله

فكو لنا ندخل نحرر فلسطين
نعرف اشباه الرجال الرجاله

بقيادت ابن البدر للقدس ماضين
عبدالملك روحي ومااملك فداء له

ابشر ياقدس في العسروالين
حتـــــى عدو الله يلقى زوالـه

#ابوحمزه_المقاش

من مـعـركـة خـيـبـر إلا يـوم صفين
ذكـر الـيـمـن باقي علا طـيب فـالـه

انـصـار خـيـر الخلق يـا امـة الـديـن
انـتـو امـل غـزه على كـل حـالـه

يـا بـسـمـة الاقصى من اول وذالحين
لازم عـدو الله يـعـلـن رحـالـه

#محمد_البريهي

خاب الكيان المغتصب وابن يامين
وأعداء دين الله وأهل الضلالة

فكوا المعابر للرجال الميامين
انصار دين الله وطه وآله

فكوا وناموا يالولاة الملاعين
دقت على صهيون ساعة زواله

#أبوخارف_ابوشوصاء

ياليت تفتك المنافذ ليومين
وكل واحد يقتحم من قباله

ندعس على اخشام اليهود الملاعين
ونعلم إسرائيل معنى الرجاله

ونعيد للإسلام عزه وتمكين
ونرمي بني صهيون وسط الزباله

#ابوهادي_عقاب

طوفان شعبي فاليمن بالملايين
خرج ينادي ينقلوا له رساله

لقوة الله التي فالميادين
من يفتح الطرقات يا اهل العماله

ومنبع الفزعات باينصر الدين
فالقدس ولغزه يفوج رجاله

#ابوناصح_العزي

الشعب طوفانه زحف بالملايين
طوفان متسلح وجاهز بماله

فكوا معابركم يمر الميامين
يامصر ياالاردن لذيهم دخاله

لبيك ياغزه ولبيك جينين
نلف نتنياهوا بداخل شواله

#ابو هادي_الجامع

يامصر فكي معبرش لليمانين
يامصر لاتتعمقي. في. النذاله

ماعاد به فينا دحمل والا لين
لا تجعلينا نرجمش في زباله

فكو لنا مدخل. نفوته ملايين
والله ينصر من دخل من خلاله

#ابواياد_المطري

شعب اليمن من فوق خمسه وعشرين
مليون ؛ لاسرائيل  ينوو زواله

لو يفتحو له خط يوصل فلسطين
لا يسرح الأقصى بروحه وماله

قولوا لحكام العرب وينهم وين 
يكفي لهم ذلة ويكفي عمالة

#ماجد_القادري

النصر ااتي موعد النصر ذلحين
الان وقت المرجله والرجاله

ذي يحدد موقفه يحمي الدين
اصبح مطبع لليهود والعماله

دام البشر الله خلقها من الطين
نحرر الاقصى وطرد احتلاله

#فايز_الحمزي

عزة تنادي وين وين الملايين؟
وضمير حُکام العرب في استقاله

يا مصر وين اللي غزوا يوم حطين؟
تبخرت امچادهم فـ الرماله

فکوا رفح فکوا لنا طور سينين
واحنا اليمانيين اهل البساله

نعاهد الله بــا نچي القدس ملبين
والسـيد القايد عرفتوا فعاله

#أبوصخر_الجوحمي

مصر البلاء نحو اليهودي موالين
سيسي تفوق في الولاء والعماله

لو يفتح المعبر وينقذ فلسطين
من يكتب التاريخ فيهم. مقاله

رغم ان شعبي من حروبه معانين
ارواحنا للقدس دايم . فداله

#جبريل_الخدري

الشعب في ساح الكرامـة ملاييـن
جاهــز ومستبسـل بنفســه ومالـه

يا ولد سلمان افتـح الحـد ذلحيـن
افعـل مــع الأقصـى وغـزة جمالـه

من وسط صنعاء نتجه لٱ فلسطين
نهـــد طغيـــان العــدو واحتـلالــه

#الشاعر_بشير_الشامي

فكوا مـنافـذ لليـمـن يـامـلاعـيـن
الشـعـب يتجوه بـكـوتـه وشـالـه

له صبرنا ياناس من عام ستيـن
ماليوم ماصهيون واجـب زوالـه

باندخل المسرى ونفتح فلسطين
وبعـدها ماعـاد نـرضـا احـتـلاله

#الشاعر_أبوعزام_الشامي

حكام الآعراب ضيعوا مبداء الدين
وأســـتــبدلوا عـــز العرب بالنذاله

صــاروا لإسرائــيل أكـــثر محبـين
وداعــمــين لليهـــوده والــعــمـاله

هيا أفتحوا كل الحدود لا فلسطين
أنــتــم أساس العــار وصرتوا حثاله

#ابوكنعان_الروس

افتح لنا معبر وعنحن ذلحين
ملعون من يرجع ويقطع وصاله

ذي مافزع من قبل عشرين عشرين
وتحالف العدوان يقصف عياله

لاعد تضنه يزهم اليوم ويعيين
ذا ملكف المكلف رضي باحتلاله

#حامد_النمري

واجب بحق الملح والعيش والدين
نفزع لهم ونحوز كسب الجماله

واهل اليمن ساع الحظى كالشياهين
كلن يخوض المعركه من قباله

تارد حياض الموت مثل المجانين
ومن المحال العز يرضوا بداله

#عبدالقوي_البطل

الله يسهل كل الاسباب ويحين
الفتح والنصر المبين به اسأله

هو لاسواه من بايهيئ لتمكين
المؤمنين في دحر أهل الضلالة

عليه نتوكل وفي نصرة الدين
واجب يضحي الكل بروحه وماله

#ناديه_السقطي

طوفان شعبي ذي خرج بالملايين
صبره نفد يااحقر تحالف بدا له

لانقــاذ غزة من كيان الملاعين
فكوووا المنافذ وابعدوا من قباله

من قبل مايبـدا بكم يالشياطين
ويخّتم بصهيـــون ..حق وعداله

#أبـومـازن_الـرازحـي

جمهورالامَّه ذي خرج في الميادين
احيا القضية وارسل اقوى رساله

إلى الـدول ذيهـم لغــزة قـريبين
تفتح ممـرات الدعم في عجـاله

ماشي،فهذا الحشد للفتح ساعين
وبا يمـروا بالـرضى أو رجـاله

#ابوحزام _سامي_المضري

قال اليماني باتجيكم ملايين
ياريت والسيسي يجمل جماله

لاكن ياغزه جوارك ملاعين
ياللاسف حكام حولك حثاله

لاكن للطوفان جينا ملبيين
طوفان صنعاء لن ياخر وصالاه

المجاراة بعنوان ( على طريق القدس ) رسالة انصار الله إلى حزب الله

البداية #مقبل_جرام

‏على طريق القدس يا سيدي حسن
نمضي سوا و نحقق النصر الكبير

السيـد القـايـد مـع جيـش اليمـن
للحـرب متأهـب و جـاهـز للنفيـر

قــل للمطبّـع و العميــل المُـرتهـن
والقرد الامريكي مع الغرب الحقير

نقسـم بـربّ القدس واشهد يازمن
ما نترك ‎#الأقصى أسير لبن غفير

.#ناجي_القطيبي

احنا فدى للقدس نعلنها علن
لو شي معانا اجناح والله لانطير

نفزع مع#طوفان_الاقصى ضدّمن
بيحاربه في يوم تقرير المصير

وابعث رساله عبر قادات الوطن
لاعند حزب الله ينقلها السفير

احنا معه من جرف سلمان لاعدن
على طريق القدس حدّدنا المسير

#فتى_همدان

سنة آلهية على كل السنن
وقوتة تمضي على اكبر كبير

حزب الله الغالب ودون يا زمن
على خطى القرآن حثينا المسير

في سورة الإسراء حتما ليس ظن
ولا مجرد هرطقة ذاك الخبير

زوال اسرائيل قادم يا خون
وتسوء وجهك يامطبع والضمير

#هادي_حسين_الرزامي

محور موحد في سلامه والمحن
مع كتاب الله واعلامه يسير

والمسجد الأقصى هدفنا دون من
واجب من الباري علينا أن نغير

جعبه وبندق نلبسه فوق الكفن
والله اكبر يامنايا لش نطير

حتى نحرر كل شبر من الوطن
للمسلمين بكلهم موطن كبير

#ابوشوامخ_الوعل

على طريق القدس نعلنها علن
عبر التواصل والإذاعة والاثير

ماحال نتراجع ولو كان الثمن
أرواحنا ماحال عنه نستدير

كمن صميدع راس قد شل الكفن
قولوا لبو هادي تحرك يا خبير

حسب العلاقه والروابط والسنن
فزعه لغزة وضعها الراهن خطير

بلبل النصر #حسن_المهدي

عانق تراب القدس يا شامخ كنن
ويـا نـقم واكـب مع ضين المسير

تحرير الاقصى حان والباري اذن
والـدايره حول الصهاين تستطير

يشعل فتيل الحاطمه مد ان يمن
ويـبـتدي تـفعيل مـنظومة سـعير

وطـور سـينا رجل يخبط لا عدن
ويـقفّل الـمندب مـناسم كـل عير

#ابوليث_المحضار

لا ذل لا استسلام كلا لا وهن
اهدافنا كبرى وموعدنا كبير..

اكبر من الاوجاع فينا والحزن
والدم والاشلاء وصيحات الصغير..

مابا يجي من دون ماندفع ثمن
درب الاباء دربه على الضعفاء عسير..

ومامات شُهدانا على مر الزمن
عاشوا ومات العايشين ابلا ضمير..

#ضيف_الله_هجوان

النصربرقه لاح مــــن شام ويمن
ياكمن احمــــر عين شمر للمسير

من مندبة باقم الى ساحل عدن
الشعب متأهب كبيـره والصغير

مابعدقتل الابرياء جهـــر وعلن
الانقاتل كـــــــــل متكبر حقير

اماحياة تعـــــــــزنا والا الكفن
والله مولانا ويا نعــــم النصير

#ابومصطفى_الرضي

آيات ربي والمشيئة والسنن
ترسم مسار الوعد والفتح الأخير

والنصر الاكبر مرتبط في ذا الزمن
بولاية الكرار في يوم الغدير

نتولي أحفاده وبانمضي معاً
للقدس وجهنا المسيرة والمسير

مانجد قد قال النبي رأس الفتن
مصيرها هي واليهود نفس المصير

#ابوشهيد_القطمي

مأوى بني آدم في اوقات الفتن
با يأوي الاقصى و مولانا النصير

قلوا لــ بوهادي يفجرها علن
واحنا معه من كل جانب با نغير

ذي نطرح اعسر رووس لأجل اربع لبن
ما بالكم و المسجد الاقصى أسير

با يشهد التأريخ يا غزة لمن
برز في الساحة في الظرف الخطير

#سيف_حسن_العامري

ياقدس فينااظمن زمن غير الزمن
وللخلاص احظن لواء البدر المنير

وابطال حزب الله ماتعرف. وهن
دام ابن نصر الله باالمنصب جدير

مخلص مع الله لا ولايمكن. ولن
يجبن ويتمذعن كمابعض الحمير

لكافر اوهن من وهن بيت اللفن
سابوه يتفرعن ومفعوله قصير

#ابوكرار_المجنحي

رغم الضروف القاسيه رغم المحن
لبيك يا مسرى النبي طه البشير

مهما على شأنك يكلفنا الثمن
تهون من اجلك دمانا والكثير

لبيك رغم اذناب صهيون الخون
لبيك والمحور لتحريرك يسير

انصار ربي جاهزه با الميم ون
وجند ابو هادي ينكل با الحقير

#أبوخارف_ابوشوصاء

على يدينا النصر ونزيل الحزن
من اليمن يتحرر القدس الأسير

اليوم ابو جبريل صرح بالعلن
بركان جاهز والمسير بايطير

الشعب جاهز لاهواده لا وهن
مشوارنا للقدس حددنا المسير

مانقبل الذله لو الكون اعتجن
احنا رجال البأس والفتح الأخير

#علي_الشعيثي

ابشر بعزك لاتخاذل لاوهن
شعب اليمن للمسجد الاقصى ضهير

اول قضيه ضد عباد الوثن
واخر قضيه تقلع العرق الخطير

حتا ولو قالو لنا قوم الفتن
والله مانسكت لاكافر ياخبير

القدس مشروعي وارضي والوطن
طوفان جاهز والمسير باتسير

#ابواياد_المطري

في نصرة الأقصى تدافعنا معاً
يا سيدي واحنا معك في كل سير

الوعد حتمي والسنن نفس السنن
قامت نهايات الحمير ابناء الحمير

قولوا للاعراب الملاعين الخون
النذل يبقا نذل، لو عايش أمير

ما قد تخلينا عن الأقصى ولن
نترك قضية ف اوردة دمنا  تسير

#إتحاد_الشعراء_والمنشدين

https://t.me/aboyahyaalshami

هزني صرخت الأطفال تحت الركام
هزني مقتل الطفل السغير الفطيم

استغاثه لكل الناس قاصي وعام
تشكي الظلم من عدوان طاغي غشيم

يارجال العروبه يادعات السلام
مابقي اي مسلم حر قلبه سليم

امت الدين يا أطفال غزه نيام
والعرب كلهم نامو كمااهل الرقيم

ياملوك الظلاله والهواء والغرام
كل حاكم قد أصبح للمذله زعيم

لعنت الله عليكم ياعيال الحرام
اكتسيتو بثوب الذل مثل الحريم

ياوحوش العواصف كيف سرتو نعام
ليش ذا الذل ياكمن منافق زنيم

باعو القدس لإسرائيل كمن ملام
كل حاكم مع إسرائيل مخلص حميم

هم اخس البريه هم شرار الأنام
وجهو اليوم وجهتهم إلى أورشليم

وينكم ياشيوخ الدين والإلتزام
وين جا عائض القرني وأين الشريم

يا خساره على من حج وصلى وصام
وأصبح اليوم ضد أطفال غزه خصيم

مايفيده ولو قد حج في كل عام
دامه اليوم أصبح لليهودي نديم

مابقي غير ابو جبريل نسل الكرام
صادق القول للإسلام قائد حكيم

واليمن موقعه دايم خطوط الأمام
شعب جبار مايقبل مذله وضيم

يا فلسطين جاك النصر من أرض سام
أرض لنصار من وقت الزمان القديم

ابشري بانخذ بالثار والانتقام
بالصواريخ بانمسح دموع اليتيم

دام سرب المسير فوق صهيون حام
والمجنح عليهم صب نار الجحيم

أصبح الموت لإسرائيل ماهو كلام
صرخت الحق تمشي حسب منهج قويم

حال صهيون مايبقى على ما يرام
دامه اليوم أصبح لليماني غريم

غزه العز من صنعاء عليها السلام
ابشرو إننا معكم وربي عليم

#أبوخارف_ابوشوصاء

المجاراة بعنوان تضامنّا الكامل مع #قناة_الميادين بعد قرار الكابينت الإسرائيلي بحظرها في فلسطين المحتلة.

البداية #نشوان_الغولي

با تستمري يا قناة الميادين.
صوت الحقيقة و الحقيقة لها اثمان.

يا الناطق الرسمي بصوت الملايين.
و منبر الأحرار في كل ميدان.

#سامي_عبيد

ولا قرارات اليهود الملاعين
بايخرسوا صوت الكرامه (وغسان)

وبا تبث أخبار كامل فلسطين
رجالها في كل ميدان فرسان

#وضاح_الحميصي

ياصوت موسى في زمان الفراعين
واقوى عصا تقضى على كل هامان

تخسى البنود الغربيه والقوانين
لن يسكت اهل الحق لو كان ماكان

#ابو_جبر_العبيدي

يشتوا يغطوا ما حصل للمساكين.
من قتل و استهداف ظلماً و عدوان.

بالضوء الاخضر من رعاة البعارين.
و مصر و الاردن و تنظيم الاخوان.

#أحمد_درهم_المؤيد

اخبارها هزت عروش الشياطين.
في ظل هجمة فوق غزة و خذلان.

قناة تجعل كل الاحداث في عين.
و العين الاخرى منهجية و قرآن.

#ضيف_الله_سلمان

صوت (الجزيرة) غير صوت(الميادين)
والفرق شاسع بين (فيصل) و(غسان)!!

كتايب القسام من (آل ياسين)
والموت لاسرائيل من (آل عمران)!!

استهدفوا قبل (الميادين) (شيرين)
شنوا عليها حرب كبرى وعدوان..!!

#محمد_مفلح

الخاسر إسرائيل من غير تخمين
صوت الحقيقه من يعاديه خسران

لا بد ما تنقل قناة الميادين
بث انتصار الحق من كل ميدان

صهاينه لا عهد فيهم ولا دين
واصغر يهودي يعمل اعمال شيطان

#عبدالباري_عبيد

قناة في خدمة قضية فلسطين
متفانية وأغلاقها خير برهان

من صدقها الواضح بكل العناوين
يشاهدوها أغلب الإنس والجان

#جميل_الكامل

باتستمري يا قناة الميامين
وتشهدين النصر والنصر قد حان

وتوثقينا حين ندخل فلسطين
وترافقي الأنصار في كل ميدان

#أحمد_كتاف

المعركة معركة خيبر وصفين
اكبر سلاح لها مع الله لايمان

صوت القناة اقلق حياة ابن يامين
في صدقها كل البرامج لها شان

#محمد_يحيى_بلابل

إلى ميادين الإبا ياالميادين
لن توقفي مادمت للصدق عنوان

لن يستطيع الغرب يلغي فلسطين
ما دام به غسان وامثال غسان

#أبورواسي_أرحب

لوأحتوت في بثها قول (آآمين)
كان الكيان أعطئ لها بث مجان

لكنها أتعنت بكشف البراهين
لنا وأدت دور هدد سليمان

شاعر الاحرار #ابوالعباس

يا صوت يفخر به مئات الملايين
واصداه يتردد على كل الآذان

ما غلقوش المعتدين الملاعين
الا من التاثير في كل ميدان

دومي بعزش يا قناة الميادين
واترددي في كل لحظة ومحيان

#مختار_حمود_عبدالمغني

صوت الحقيقة صاح منها الملاعين
كانت عليهم مثل صولات بركان

با يقلب الطوفان كل الموازين
جولة على الشاشة وجولات ميدان

#سيف_حسن_العامري

فليخسئ احفاد القرود الملاعين
عين الحقيقه غير عن كل الاعيان

مادام للقسام عين الميادين
طوفانهم باينجب الفين طوفان

#ابوسياف_البيحاني

صوت الحقيقة يا قناة الميادين
يشهد بصحة علمها كل انسان

قناة حبتها قلوب الملايين
لكل طاقهما سلامي له الآن

#ناجي_القطيبي

قد اليهود اليوم مثل المجانين
حسو بكابوس الهزيمه من الان

ارعبهم اعلام الرجال. الميامين
نشر جرايمهم على الانس والجان

#فارس_المعزبي

آخر تفاصيل الخبر والعناوين
مع الميادين الوفا خير برهان

اهل اليمن في كل فزعة مضامين
يتسابقوا للطارفه شوق واحسان

#هادي_حسين_الرزامي

الله أكبر واهتفي يابراكين
في وجه صهيوني ومارد وشيطان

والموت لامريكا تردد ملايين
والموت لاسرائيل في كل محيان

تبقى المسيره صوتنا والميادين
مايعترضها كابنت طول لزمان

#أبوإسماعيل_الجابري

تخبط الصهيونية وابن يامين
من عجز متخفي في الحرب خسران

مكر الطغاة أعمى عيون الملاعين
ومكر ربي فاق عن كل إنسان

#الشاعر_ابوجهاد_صبر

بٓثِكّ لِما يحصل فـي أبناء فلسطين
من قصف مـن تدمير ضلماً وبهتان

هو فرض من ربي وسنه من الدين
وفـخـر لِكّ فـي كل مٓخّتِم وعنوان

#الشاعر_جبر_المهدمي

قرار ..إسرائيل واولاد. رابين""
مابايهزك يالميادين باإعلان"

ياصوت للمستضعفين المساكين
ياصورة الواقع حقائق وبرهان

#أبوخارف_ابوشوصاء

يامنبر إعلام الرجال الميامين
يغتاظ منه كل خاين وشيطان

الحق واضح في الخبر والعناوين
وبثها كله دلائل وبرهان

#ابوحمزه_المقاش

بـشـمـوخ غـزه يـا قـنـاة الـمـيـاديـن
سـيري وزفـي مـنـهـجـش عبر الازمان

صـوت الـكـرامـه يـا وقـود الـمـياميـن
مـنـبـر كـرامـة كـل ضـارب وطـعـان!!

#ذوالفقار_سفيان

بـا تسـتـمـري رغـم انـف الـموالين
لامريك وإسرائيل من انس او جان

بالحق با ندعس رؤوس الشياطين
محور مـع الله الـقـوي شـد بنيان

#علي_محمد_المحاقري

صـوت المسيره والـمـنـار والـمـيـاديـن
واضح وضوح الشمس في كل ميدان

أمّـا الحدث بـوق الـطـغـاة الـمـلاعـيـن
تنعق بـعـكـس الـواقـع الـحـاصـل الان

#ابو_تمام_الخراشي

صوت الحقيقه في قناه الميادين
تحكي وتفضح بالصور كل شيطان

فيها بشاير تشفي اصدور واعين
وتغيض كل الصهينه والمريكان

#إتحاد_الشعراء_والمنشدين

https://t.me/aboyahyaalshami

سلاح الحدود

بمناسبه تخرج أبطال الدوره الخاصة والمناورة العسكرية لأبطال حرس الحدود
طوفان الأقصى
_____

نحمد الله من الدوره تخرج أسود
خرجت منها كمن مجاهد بطل

شكر منا لمن ساهم وقدم جهود
كل من قام في إنجاز هذا العمل

نرفع الشكر ماهبت رياح البرود
للقياده ومن في ذا المجال أشتغل

في الميادين والدورات حسب البنود
كلها وعي والخسران ذي مادخل

كل نشمي على أرضه وعرضه يذود
كل حر أنطلق في درب خير العمل

ياحمات العقيده ياسلاح الحدود
أنتم الآن للشعب العظيم الأمل

انتم اليوم للاسلام نعم الجنود
وانتو احرار أمتنا ولابه جدل

صادقين الفعايل وافيين العهود
فيكم الوعي والإيمان قد أكتمل

في رضا الله ماهو لجل مغنم وفود
منه الخير والأجر المضاعف دبل

من مع الله مايهوى دروب القعود
مايهم المشقه لوحصل ما حصل

كل نشمي مع ربي بروحه يجود
مايهمه ملذاته شرب أو أكل

منهجه نهج رباني ومرقى سنود
وعي إيمان مايعرف وهن اوملل

أنتم اليوم عنوان الوفاء والصمود
كل نشمي يساوي في صموده جبل

عزمكم صلب قاسي مثل صم الحيود
ونتم الآن للأحرار نعم المثل

مات بالغيض منكم كل طاغي حقود
والعروض القويه هزت اقوى الدول

منكم اغتاظت أمريكا وحلف اليهود
وبن سلمان والحلف الحقير انذهل

#أبوخارف_ابوشوصاء

تابع ‏المجاراة عن #مهرجان_الكلاب في السعودية.

البداية #أمين_الجوفي

الـمـهـرجان الـعـالـمي للـكـلاب
فـي مـهـبط الـوحـي الـسماوي

ما جات في سنة ولا في كتاب
ولا رواهــــــــا قـــــبــــل راوي

ما عاد باقي غير فسخ الـثياب
بــعــد انــتـهـا هــز الــمـكــاوي

ويضربش يانجد سوط العذاب
مـن ما ادخلوا لش مـن بـلاوي!

#الشاعر_جلال_السكري

يامن كتبت البدع هذا الجواب
مني وانا ماكنت ناوي

قومو معيا نعلن الانقلاب
ونعالج الداء والمداوي

كلابهم وأطفالهم والشباب
والمجتمع كله هواوي

الطفل ذي ماقد بلغ للنصاب
عند الملاهي والغناوي

#محمد_ابوالعز

بعد الغناء والرقص تجميع الكلاب
يامملكة كل البلاوي

ماللحرم حرمه ولا الله مهاب
اميرها للعهر هاوي

الامر بالمعروف والنهي غاب
شيوخها طبلة فتاوي

نبرأ الى الله من عملها المعاب
ومن معاصي كل غاوي

#الشاعر_ابوجهاد_صبر

زادت فعايل نجد زاد إرتكاب
الـذنــب مـن حـاوي ولاوي

لاعد حيا لاعد خزى لا هياب
فـي كل يــــوم هدره وداوي

احـيان بالهلوين والإعتجاب
واحـيـان بـالـكـلـب المعاوي

الله يلعن شيبهاء والشباب
ويلعن الــمــهــفــوف ثاوي

#الشاعر_ابو_صقر_شعلان

من بعد تمييع البنات والشبـاب
بين المتــــاهات والمــــــلاوي

حجاب ربي يبن سلمان حجاب
قلي علامـــــــــــا انت ناوي؟

لاعاد كانه حفـل وادي الذئاب
اهون لكم مــــــن كلب عاوي

يانجد عــادش باتسـوي كباب
لكل عاشـــــــق لش وهـــاوي

#ناجي_القطيبي

عقول هولا الناس مثل الدّواب
ماعندهم غير الحزاوي

كلاب ضالّه وسط عالم سراب
حول المراقص والقهاوي

هل تنتظر منهم لمسلم ثواب
فيهم مرض ماله مداوي

قد باعو الامّه برخص التراب
والجيد منهم كلب عاوي

#جميل_الكامل

واترقبوا أعمال تدي الشياب
وعاد با تظهر بلاوي

تسوق وَهْمَ المملكه للخراب
والموت ماشي له مداوي

كانت لحاهم والتدين سراب
قصص ومجموعة حكاوي

أتبخرت بالجو مثل الضباب
فالله مايقبل رشاوي

#نبيل_محمد_الحضرمي

هم هكذاياصاح دون ارتياب
في كل أدغال المهاوي

ولو جرى منهم وسال اللعاب
أصاب بالداء المداوي

هم وجه أمريكا وبيت الخراب
والكلب والخنزير يساوي

فقاطعوهم دون أدنى اقتراب
ولتسلموا شر البلاوي

#عبدالواسع_صايل_الغولي

المعذرة يا مهبط الوحي طاب
لاهل المجون كل البلاوي

ذي افسدوا شيبانهم والشباب
ويقنعوهم بالفتاوي

ازاح عن وجه الفجور النقاب
ذي كان له من قبل ناوي

باننذر المهفوف عسى يستتاب
والا جلدناه بالهراوي

#أبوخارف_ابوشوصاء

من خالفو نهج الهدى والكتاب
اوقعهم الله في البلاوي

اليوم ظلو عن طريق الصواب
سارو على نهج الحساوي

ذلو لإسرائيل وحنو الرقاب
في نهج واحد بالتساوي

يتمرغو بفعالهم في التراب
نظامهم ساقط وهاوي

#الشاعر_جبر_المهدمي

هولاء عيال الكلب شرالدواب!
ابليس خلاهم هواوي"

هم اهل السوء واهل الخراب
قوم"اليزيدي والمعاوي"

يسعوا سعي بعد.. "ال..حاب!"
في المراقص والقهاوي"

مايعرفوا بالحق والا الصواب
ولايداويهم مداوي"

#الشاعر_عبدالحكيم_ابوهاشم

ذي ما معه تاريخ ماله حساب
مثل الحديث من غير رواي..!!

لا يملك العـزّه ولاهو مُهاب
مثله عجايز نخل خاوي..!!

حقيقته يشـبه مياه السراب
يلهـت وراهـا كـل غـاوي..!!

كلام ما يحتاج منا عتـاب
ايش جهدنا له با يساوي..!!

#علي_محمد_المحاقري

كـتــاب ربــي قــال شـر الـدواب
الـصـــم واصـحـــــاب الـبـــلاوي

في مهرجان الامس شفنا النقاب
مـربـــوط فـي خـصـر الـحراوي

واليوم تـركـي يختتم بـالـكــلاب
مـجـبــر وقـصـدك مــن حــزاوي

انزل عـلـيـهـم ياكـريـم بـالـعـذاب
طـوفـان لا يـلـقــوا مــداوي

#جلال_الغولي

من محكم التنزيل وفصل الخطاب
مش من روايات اي راوي

اذا فساد المترفين استطاب
والجاهليه والمساوي

فحق تدمير القرى والشعاب
وعرش سلمان والملاوي

كما ثمود ارسل عليهم عقاب
كيف بالرياض ام البلاوي

#رفيق_ابو_علي

قبحكم الله ياملوك القـ....ـاب
لن قد وصلتو فـ البلاوي

بترقصو واطفال غـــــزة تـذاب
والقصف في كل الملاوي

من فك اسلامة وخــط الصواب
لليهودة لازم يخاوي

لا  يخدعك دقنه وشكل الثياب
ولا صلاته والدعاوي

#مناع_شريم

والله ما يسووا جناحة ذباب
وجودهم اقذر بلاوي

مكيج رموشه وانتقش باالخضاب
والرقص في كل الزواوي

يهود في التاريخ و الانتساب
هذه الحقيقه مش حكاوي

هؤلاء على الاسلام اكبر خراب
انجس بشر في الارض لاوي

#اشرف_الحسني

قولو لبن سلمان شر الدواب
يا فاجره ويش انت ناوي

تفتح مراقص لاختلاط القح.....
مع السكارى كلّ غاوي

وحفلتك في مهرجان الكلاب
موقف كشف زيف الدعاوي

والقصف حوّل كلّ غزّة خراب
وجرحها ماله مداوي

#ماجد_المطري

غزه تنادي والسعودي غياب
مشغول في فتح القهاوي

امير داشر فسل واطي جناب
هاوي جعل في النار هاوي

عليه لعنه عد مزن السحاب
وما جلَب بالمال غاوي

طيَّر ملابس لابسات النقاب
بين الملاهي والملاوي

#إتحاد_الشعراء_والمنشدين

https://t.me/aboyahyaalshami

تابع المجاراة تحيه من الشعب اليمني بقيادة السيد عبدالملك الى غزة واهلها الابطال( #أبو_عبيدة_يحيي_اليمن )

البداية #سلطان_خضران

أبوعبيدة يحيي شعـــبنا فى اليـــمن
واحنا نحييه في غزه وكــل اهلها

ونقول ماقــاله السيد لــهم فى الـــعلن
ان (لستم لوحدكم فالحرب  واحنا لها)

#ابوبدر_ذيبان

صنعاء للاقصى عضدها في جميع المحن
واحنا لارض القداسه جندها واهلها

تحيا فلسطين حره مايفيها ثمن
والموت حايم على صهيوني احتلها

#أبوخارف_ابوشوصاء

من أرض لنصار موطن سيف بن ذي يزن
مهد العروبه وكل الكون يشهد لها

نرفع تحيه لغزه رغم جور المحن
سلام ربي على غزه وابطالها

#ابوكنعان_الروس

حيا دنينك وحيا منطقك والشجن
يانبض غزة وسيف القدس ياأصلها

صنعاء لك الزاد والامداد وايضا سكن
وشعبها هم سنادك في حماء هولها

#ابوحمزه_المقاش

صـهـيـون صـيـده وصـيـد الـمكـر هو والفـتـن
من عـاش مـديـون لامـريـكـاء فـهـو نـجـلـهـا

انـصـار يـا قـدس نـتـزيـن بـحـب الـوطـن
ونـحـب غـزه ونـعـشـق في الـوغـاء رمـلـهـا

#محمد_الاخرم

مع فلسطين ما تعرف هممنا وهن
وغيرنا بالشــــذوذ المـــختلط فلَهَا

قد قال بسام يبقى الممتهن ممتهن
من خاف درب المعزة قول له خلها

#ابوفتح_الجرادي

حكمة وايمان انصار النبي في زمن
اتحالف الكون ضـدّه والدول كلـها

واليوم هيـــهات نتـراجع وكلا ولن
عن عهدنا يـافلسطين الأبا واهـلها

#أبوحسين_العصري

ما احنا من اللي يقدم لأهل غزة كفن
ولا من القوم ذي خان الدما و آلها

قضية الكل الأقصى من قديم الزمن
والدم والحال واحد حالنا حالها

#ابومحمد_سحار

الله يحييك ياناسف عباد الوثن
ازكى التحيات من ارض اليمن كلها

انتم هم احنا واحناانتو وكل الوطن
واحد ونفس القضيه كلنا لاجلها

#عبدالقوي_البطل

واحنا فدى القدس والاقصى وغزة ولن
نشوفها وحدها بتصارع أهوالها

لو نبذل الارواح والانفس لها اغلى ثمن
وندك جند الكيان ذي قتل اطفالها

#ابومحمد_المهذري

غزه جسد واليمن روح الجسد والبدن
ترخص لها ارواحنا ونموت من اجلها

يشهدلنا الوقت والتاريخ طول الزمن
ان اليمن للعروبه اصل واحنا اصلها

#أبوصخر_الجوحمي

كل التحيه مع الاجلال منا اليمن
بقيادة السيدالقائد وترسل لها

تهدى الى غزة الاحرار اعظم وطن
في التضحيه والاباء برغم مانالها

#ماجد_عبدالله_القادري

غزه اليمن ثم فلسطين اليمن
هي تعتبر منا واحنا بالعباره منها

الروح واحد والجسد ثم البدن
ياابوعبيده والتحيه قالها أبطالها

#ابوالعز_القيدله

واحنا معه والقسم بلله طول الزمن
والقدس والله نقسم مانفلت لها

والبحر الاحمر بفضل الله صاد السفن
عاد البشاير قريب ماقل توصل لها

#طه_الرازحي

ازكى تحايا من الشعب اليــماني عــلن
با القايد الــــحُر ابو جــبريل مِرسالها

لابطـال غزة سرايا والكـــــتايب مــعاً
لي ينكلوا بالعـدو فيــــــها وما حولها

#الشاعر_أبوعزام_الشامي

مـليار تحيــه ترسم في جـدار الزمن
لأهـــل غـــزه بأحــرف نور توصلها

من اليمن موطن الحكمه ووئد الفتن
وسوف نحرر فلسطين ممن أحتلها

#ابو_احمد_العفيف

مني ومن لسن ابوجبريل شهم الزمن
نـرد كل التحيه نحو من قالهـــــــــــا

والله يابـــــــو عبيده مايجينا وهــــن
في نصرة القدس وفلسطين وابطالها

#ابوطه_الروس

حُييت يابوعبيده من رجال اليمن
تحية السيدالقائد لكم خصها

نحن انتم وانتم نحن واحد معاً
نحرر القدس والاقصى وماحولها

#الأشتر_هادي_الرزامي

يا من تخلا عن الأقصى فأحنا اليمن
با ننصره هو وغزه دام واحنا اهلها

السيد القايد الكرار أعلن علن
بالموت لمريك واسرائيل جا فعلها

#إسحاق_اللكومي

والحرب عند اليماني من قديم الزمن
سهله ونـّزُٓه وشعب الـــــعز قد شا لها

وغزه اليوم مـاهيه وحــــدهاء لآ ولن
احناء معاها وابن الـــــــبدر قد قالها)

#ضبيان_فرحان

بأرسل تحية عزيزة من ربوع الوطن
توصل الى القدس والضفة وما حولها

والمبتدأ بأهل غزة ثاني اطهر مدن
ذي نكلوا بالعدا بالرغم ما جالها

#ابوجبريل_ شريف

من اليمن للكتايب والسرايا معا
سنقتلع غدة الاجرام من اصلها

وقالهاقائدالثوره وقالهاالسيد حسن
تمادت اسرائيل في الاجرام في فعلها

#الشاعـر_ابوكـيان_الجـابـري

شـعــب اليمن شمَّــر من اعماق المحن
نـحـو القـضـيـه لأجـل غـــــزه لأجـلـهـا

سـارع بِـمَا وَصَّا الحـبـيـب الـمـؤتـمَـن
يابو عبيده ذَوِّب اسرائيل وامحِي نسلها

#مقبل_العماري

ابو عبيده مـــع(السيد) وسيدي حسن
نالوا شجاعه من الله مـــــــاحدا نالها

رغم الجروح العميقة والوجع والمحن
قاموا بشده و خاض الحرب واهوالها

#نشوان_همدان

بسم المسيرة وقايدها وشعب اليمن
أزكى التحايا لغزة قُمت بـ ارسالها

(لا تبتئس)يالفسطيني بفعل الخون
(إني أنا أخوك) وابو جبريل قد قالها

#إتحاد_الشعراء_والمنشدين

https://t.me/aboyahyaalshami

قد رايت البحر الأحمر به الموت استقر
والذي يجزع مغفر يجيه الرد حار

بلغو صهيون ماعاد له منا مفر
بايذوق الموت لحمر ولو حلق وطار

لجل غزه مانهاب المنايا والخطر
بانخوض الحرب ولى زمان الإنتظار

كم قتل فيها ودمر وكم شرد أسر
اعلنو حرب الإبادة وفي ضوء النهار

ماحد استنكر وصهيون كم فيها جزر
كله العالم يشوف المجازر والدمار

للأسف عالم منافق يوالو من كفر
والعرب والمسلمين صابهم ذله وعار

واليمن هلل وكبر وبالصرخه زئر
وطلق أسراب المسير بدقه وختيار

والمجنح نحو إيلات من صنعاء عبر
في اليمن صنعه مطور شديد الإنفجار

وبن بدر الدين حذر بإغلاق الممر
من على غزه تكبر قرح راس الضمار

بحرنا الأحمر لصهيون بوابت سقر
كل من يجزع مغفر فبا يحرق بنار

دام صيد البحر حله لنا رب البشر
ابتدينا اليوم نصتاد في عمق البحار

سيدي ذي ماتاخر بتوجيهة أمر
خير من لبى وقرر مع غزه وثار

أمس جده دك خيبر وقاتل من كفر
وبن ود العامري ذاق ضربت ذو الفقار

وبن بدر الدين كرر ونوره قد ظهر
واجه الشيطان لكبر بقوة وقتدار

سيدي يانسل حيدر بك الكون أفتخر
انت من هدد وحذر واصدرت القرار

قائد المحور وكل البوادي والحضر
يهتفو بسمك يحيوك في كل الديار

عاش أبو جبريل رمز الكرامه والظفر
قائد الأمه جميعاً زعيم الإنتصار

سيدي يحميك رب السماء من كل شر
انت من رديت للمسلمين الإعتبار

ختمها صليت ماشنت امزان المطر
تبلغ المختار والآل والصحب الخيار

#أبوخارف_ابوشوصاء

تابع المجاراة تعبير عن موقف #الشعب_اليمني وموقف القيادة الحكيم بنصرة أخواننا في #غزة
وأستمرار دعم خيارات #الشعب_الفلسطيني

البداية #أبويوسف_القاري

‏شعب اليمن ينتصر للقدس وفلسطين
واتصدر الموقف الابرز في الميدان

لوكل الاعراب دسوا روسهم ف الطين
يبقى اليمن للعروبه والعرب عنوان

ف البر والبحر بانضرب عدو الدين
لن نترك اطفال غزه صيد للعداون

#علي_الشعيثي

هيهات نخرج قنابلنا على المسكين
ونرتهب من جيوش الكفر والطغيان

ولو تركب شعار الاردني والصين
اصحابنا يعرفو تجار الامريكان

ثقافت البدر وبن البدر من ياسين
وكيف نسكت وفينا منهج القرأن

#مناع_شريم

العالم اليوم قد شاف اليمن باالعين
تاج العروبه ونور الدين والانسان

غزه فلسطين والضفه نعم وجنين
ياقدس لبيك طول الدهر والازمان

ما بانراشي ابو هذا الكيان وندين
الموت للكفر قادم من يمن الايمان

#أبوحسين_العصري

أعظم قيادة حكيمة بادرت في الحين
بنصر غزة والأقصى ساعة الخذلان

بجيش كرار غلق مجمع البحرين
أمام صهيون غاصب يقتل النسوان

وموقف الشعب كله في كلا الشطرين
إنا مع القدس لوما يحكم الرحمن

#أبوخارف_ابوشوصاء

لبيك يا قدس رددها اليمانيين
اقوال وفعال ترجمها في الميدان

شعارنا دائمأ وحده من الثنتين
يانصر ولا شهاده في رضى الرحمن

يقودنا حيدري نسله من السبطين
عينه على القدس مهما كانت الأثمان

#ابوفتح_الاشول

والساكت اليوم بايلقى جزاء ضعفين
ومن رضى الظلم تحت الذل بايهتان

والحرب ميدان وأهل الحق في تمكين
لو يملوا البحر جند الصهينه والجان

و بنك الأهداف يتوسع وله تدوين
لا خلف وأبعد على ما كان في الحسبان

#الكرار_المشراقي

حكام وشعوب معى اسرائيل متحدين
يشاهدون الدمار والقصف والعدوان

من فوق مليار مسلم وين ابوهم وين
باعو فلسطين ما اوفاء الايمن لايمان

يعيش شعب اليمن جند ابن بدر الدين
رجال ربي وانصاره مدا الازمان

#علي_جارالله_داشع

نتشارك الحزن والافراح بالنصين
والدافع اللي دفعنا قوة الايمـان

خلف القـياده وربي زادنا تمكـين
على مسار القضيه مدة الازمان

معَ فلسطين في شداتها والليـن
ومن ٲجلها حنّت الصماد والبركان

#الشاعر_ابوحيدر_عامر

معك معك شعبنا يا شبل بدر الدين
دمر حصون اليهود وحطم البيبان

حرر فلسطين من قبضة عدو الدين
بالقدس والقاصف وصماد والطوفان

حاصر مواني عدو الله بن يامين
خليه يعلن ولاءه لأمة القران

#ابومصطفى_الرضي

من بين صمت الامم وخضوع مليارين
في معركة حق بين الكفر والإيمان

برز سليل الهداية مثل ذو القرنيين
أنا لها يارموز الفسق والطغيان

طوفان بشر بقرب النصر والتمكين
والشعب حطم جدار الصمت والخذلان

يابايدن قل ل(كوخافي) وبنيامين
بانغرق أحلامكم في البحر بالطوفان

#ابوكنعان_الروس

ماهمنا السبع هن والعشر والستين
بانحرق الكل بفضل الواحد الديان..

ياالمندب أندب وقفل في البحار خطين
خط الملاعين أسرئيل والشيطان..

وخط الأذيال من الأعراب منبطحين
من عند سيسي الى دار الخسيس سلمان

#أبو_علي_عركم

لابد من معركه كبرى كما حطين
قد اليهودي فهم للدرس والعنوان

يأبا لنا الله والقرآن يأبا الدين
نقعد وغزه جريحه من قوى الشيطان

لابد يركع نتنياهو مع كوهين
وكل من طبعو معهم من العربان

#ابتسام_شرف_المحطوري

أطفال غزة لشعب العز رمش العين
فكيف ماالمسجد الأقصى عظيم الشان

في قلب قايد مسيرتنا الشهيد حسين
قضيته الاوله كم زلزل الشيطان

ويواصل الدرب ليث العز و التمكين
وسيوفه الضاربة اسرائيل وامريكان

#ابـومـازن_الـرازحـي

من منطلق موقف القـائـد شقيق حسين
نفـديـه، بالمـال والأنفـس وبالولدان..

مع فلسطيـن مهمـا صـار مصطفيـن
ولو وقف ضـدنا كل انسها والجـانَّ..

ندعـم خياراتهم، في وجـه بن يامين
ويمـوت بالغيض بن زايـد وبن سلمان..

#ناديه_السقطي

مع فلســـــطين حتى ننهي الثنتين
نحرق لامريك واسرائيل بالنيران

راس البلا والمصايب من سنين وسنين
سرطان لابد مانستأصل السرطان

مع العلمّ ذي قهـــــر بايدن وبنيامين
بقوووووة الله باننسف قوى الشيطان

#ابوهادي_عقاب

ياغزه استبشري بالنصر والتمكين
بالصبر وصمود جندش قوة الطوفان

شعب اليمن قام واستنفر على الباغين
معكم ولستم لوحدكم في الميدان

واحرار الامه في الاقطار منتظرين
لساعة الصفر ينقضوا على العدوان

#أبوصخر_الجوحمي

تعبير عن موقف الشعب العظيم الزين
بقيادة السيد اللي جسد الايمان

في نصرة اخواننا. غزه اساس الدين
واحنا معاهم وشوف الفعل في الميدان

الحرب هذا كشف كل البشر صنفين
الله والحق. ولا. امريك. والشيطان

#ماجد_عبدالله_القادري

ياكوكب الارض باتحرق برمش العين
احنا اليمن شعب مؤمن ينصر الايمان

بلغ دبي والمنامه والعراق والصين
قضية القدس تبقى للعرب  عنوان

من خانها او خذلها صار ابو وجهين
أصبح مطبع يهودي حزبه الإخوان

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان #اليمن_ينتصر_لفلسطين

#نشوان_الغولي

تحركي يا خطوط اشعاع روتنجن.
و استهدفي كل صهيوني مريكاني.

تحرق و تغرق (يوانتي) (ايت) (ناين) (تن).
و الثالثة ما تمر الا بسلطاني.

اليوم حالة بني صهيون حالة جن.
قد حن منها المريكي و البريطاني.

#أبوخارف_ابوشوصاء

الوعد هذا على إسرائيل وعد الجن
في البحر لحمر نهايت كل شيطاني

هيمن على البحر ياشعب اليمن هيمن
وحرق سفنهم وخل البحر دخاني

في البحر والجو يايحي سريع أعلن
الحمد لله هذا نصر رباني

#مرتضى_ناجي

هذه السنه بايصير الغرب متكربن
مابا يفيده سلاح او امن سبراني

بدعت سنين العجاف الماضيه تسمن
جاكم عجاف الزمن يالغرب ذي جاني

البحر مزروع وسطه والطرف TN
صنع اليمن لاتقولو صنع ايراني

#أبوصخر_الجوحمي

البحر الاحمر على كل العدا مدمن
يأسر سفن يحرق الاول مع الثاني

من عهد فرعون يغرق كل متفرعن
واليوم يغرق سفن صهيو-مريكاني

هي قوة الله حكمة سيدي المؤمن
واخلاص شعبي ومنهج عز رباني

#صادق_جعفر

نقولها اليوم كلمه في الهواء نعلن
لا ذل لاخوف من ذا العاصي الجاني..

كان اليمن في قديم العصر يرسل بُن
واليوم بايرسل القاصف وطوفاني ..

رسالة الحق توصل للغبي بايدن
تحرق ضميره وتطفي نار وجداني..

#أسـامـة_المـعبـاء

اضرب ودوم البوارج في البحر واعجن
مع اليــهود ما يفيـــد الا الصميـــلاني

بحر اليمن ثائر ومسجــــــور متبــتركن
جوفه مقـــابر تحـــالف شر عـدواني

افديك يابن سريع بالضرب هات اعلن
صــوتك بيشفينــا ويغيض المـريكاني

#الشاعر_جميل_الخالدي

حيا دنين المجنح دن ابتهم دن
حنين صوتك عليهم هيج اشجاني

نشن عليهم بعين الصبر يامؤمن
لارا يهودي يجاوز خط نيراني

كل السفن ماتمر الا وتستاذن
فالبحر ماحد مسلطن غير سلطاني

ناطق قناة المسيره غاض سي ان ان
واربك يهودي وماركسي ونصراني

ذي كان لايمكن اصبح في يدي ممكن
بفضل ربي وايماني بقراني

‌‌‌‎#ابو_القاسم

قلنا لهم ذا دخلنا الحرب بانعجن
عليهم البحر كلمه ما لها ثاني

هذا اليمن ذي بيتفنن بحربه فن
مسيرات المساء والصبح بركاني

وعاد طوفان ذا جاكم فيوم الجن
وزنه فقط طن لاكن وقعه اطناني

صنعاء لغزة دواء من اجل لا تحزن
ونار فوق العدو الصهيومريكاني

#رضوان_المرتضى

لو تموه بني صهيون اوتهجن
ما بايفيده أمام رادار نيراني...

لا لا.. يحاول يراوغ او يعجن
حتى إشعار آخر بحل إنساني...

لا لا.. يحاول واللهِ لايسجن
هو والسفينه بطاقمها المريكاني...

ولايقع به مثل اليوانتي..ناين تن
يحرق ويغرق بيحموم طوفاني...

#عدنان_سالم_الذويبي

مادام صماد وقاهر 2 وبدر يحن
الموت. للصهيون وكل الشيطاني

ذا ما فهم كلمة السيد فبا نعجن
ام السفن البوارج بباس ايماني

ذا بحرنا من بورجهم قده مدمن
اذا كلّفت الاوله با ياخذ الثاني

#منيف_رسام

هذه بداية نهاية كل متصهين
وآخرة كل متيهود مريكاني

البحر الأحمر بيشعل نار ويدخن
واكبر سُفن تحترق من صوب نيراني

يا مرسلي قُل لإسرائيل لا ترّكن
الموت قادم وبنيامين هو فاني

#إتحاد_الشعراء_والمنشدين

https://t.me/aboyahyaalshami

المجاراة بعنوان شكر لأسود #البحرية_اليمنية على مواقفهم التي غيرت موازين عالم بأكمله وثباتها مع موقف الشعب #الفلسطيني .

البداية #أبورواسي_أرحب

خفر السواحل قفل باب المندب
والبحريه حبر الخطوط الحمراء

ضربة علي ذي باتخلي مرحب
يموت بعدالخوف ميته غبراء

#رفيق_ابو_علي

بحر اليمن نيران حمرا تلهب
فوقه براكين العذاب الكبرى

ياويل ويله من علينا شعب
نبرا من الحلف اليهودي نبرا

#رامي_السوداني

من يجهل الشعب اليماني جرب
فالجو ولا البر ولا البحرا

على الدول كلاتها تتأدب
وتكف تهريب السفن في الغدرا

#أمين_الحارثي

سبحان من خلا السفن تتهرب
وساق لينا الفاقعه والصفرا

وامست مريكا خايفه تترقب
متى اليمن يفرغ عليها قطرا

#عبدالله_الجرفي

البحريه دقوا حيي ابن اخطب
ملطام في الصابر قرح باليسرى

قلنا لكم يا حلف قرن الخنزب
لا تحلموا بالأمن والإستخرا

#الشاعر_ابو_صقر_شعلان

نهاية اسرائيــل شكله قرّب
يامن دخل في بحرنا واتجرا

والويل من ابن اليمن لا شعّب
يمحي ابتكم ياملوك الصحرا

#الشاعر_عبدالقدوس_الصباحي

البحريه ذي قد جهلها جرب
يلقئ جهنم في المياه الخظراء

ذي امس تظربنا نراها تٌظرب
وبايجيها يوم حامي واضرئ

#محمد_البريهي

للبحرية أعظم تحية تضرب
لبن اليمن عز العرب والفخرا

مامثل شعبي في الثرى باينجب
عزيز مؤمن شهم شامخ حرا

#الشاعر_ابوجهاد_صبر

الله خلقنا وسط صدر الكوكب
الحمدله في عسرها واليسرى

في بحرنا الغلطان با يتأدب
لو كان ابوه قيصر او امه كسرى

#ابوكنعان_الروس

ياالمند أندب وحتكم وتقرطب
وصرخ بوجه الأمركة وتبراء..

كل السفن في شبك صيدك تحنب
وتحت أمرك من أبوه يتجراء

#عبدالعزيز_الغرباني

عصاة ابوجبريل باب المندب
تلقي سفن صهيون تطلع برى

أبطالنا في البحرية تترقب
واكبادهم من قصف غزة حرى

#ضيف_الله_هجوان

مابش مع اسرائيل منا مهرب
سوى تمر البحر والا صحراء

البحـــريه زربه لباب المندب
ومن جزع منـــــه ذممنا تبرأ

#محمد_ابوالعز

حيا رجـال البحـريه في المندب
خفر السواحل هم حماة البحرا

ذي حققت اكبر و اعظم مكسب
و اذهلت كل الجيــوش الكبرى

#الشاعر_نضال_حُميد

نار الغضب فى البحر الاحمر تلهب
ترمي شررها كلجمال الصفراء

ذي ماتأدب نجعله يتأدب
والحرب هذه عالميه كبرى

#أبوهاشم_الحسيني

البحر من عزم الأسود اتلهب
والبحرية نار وجهنم حمراء

يُحرم على إسرائيل باب المندب
تموت والإ عالمية أخرى

#الكرار_المشراقي

بحارنا ماهي لمن هــب ودب
حذر طغات الارض ان تتجرا

نقسم بمن شق السماءوالكوكب
لايهزمو فيها هـــزايــم نــكـرا

#أبو_علي_عركم

ياالبحريه تبقا البوارج تلهب
يوقع لصهيون ألف ليله غبرا

يحرم عليه لازاد مشا في المندب
لامايوقف للفعال النكرا

#ابومصطفى_الرضي

النصر والفتح المبين صار اقرب
والوعد ذي في المائدة و الإسراء

من بأسنا صهيون ماله مهرب
والبحرية ذي باتزف البشرى

#أبوخارف_ابوشوصاء

للبحريه موقف بطولي يحسب
ذي غيرت خط السفن والمجرا

في البحر نقطه واليهودي جنب
وعطوه صفعه قاسيه باليسراء

#يونس _النزيلي

في معركه مابه لجيشه مهرب
بايهتزم فيها هزيمه نكراء

ومن جهلنا في المعارك جّرب
وبايرى اهوال ماعمره را

#وسام_الحنش

البحرية مامن غضبها مهرب
ذي ماقرى عن فعلها بايقرى

البحرية وبطالها ماتلعب
ضرباتها فوق الاعادي كُبرى

#الأشتر_هادي_الرزامي

شكرا لرب الكون ما غيره رب
والسيد القايد وجند البحرا

لي بردو غيض اليمن فالمندب
صارت سفن لعدا لبحري قعرا

#أبوصخر_الجوحمي

دور الكره للبحريه في الملعب
يضرب يسدد بالهدف والمجرا

نغلق على صهيون باب المندب
ونحاصره نشعل فتيل القهرا

#ماجد_عبدالله_القادري

بانقلق  العالم  بهذا الكوكب
والبيت الأبيض بلغه والبترا

ان اليمن بالحق ثم المطلب
احنا  مع  غزه جنوده جهرا

#ابـومـازن_الـرازحـي

تسلم رجال البحر والفي مرحب
بأسود ودروع الوطن والمسراء

وجهودهم ذي غيرت في الكوكب
معـادلات الـردع لقـوى كبـرا

#عبدالكريم_الشمسي

الأمركة تصعيدها في الواتس سب
واقوى ردود انها تسوي حظرا..

شاخت وطاحت واليماني Got up
في البحر الأحمر والنوايا غبرا

#الشاعر_عبدالحكيم_ابوهاشم

واجب نجل البحريه بـstand up
وبـالتحـايا مننا بالعشرى..!!

سجلهم التاريخ اروع مضرب
مثال راقي من جهلهم يقرا..!!

#عبدالله_بحنان

العالم استغرب بضرب المنـدب
وفي فنون البحرية استـــقـراء

قلنا لهم من قبل القدس اقرب
والبحرية تعمل بما في الإسراء

#مرتضى_ناجي

اســلم ضمارك لاتدور مكسب
وقـــل لقبطان السفينه يـدرا

البحر الأحمر قد نوى يتقرب
لله بالــدم الـيهودي نـذرا

#ابوحامد_جارالله

ابطال مابه مثلهم في الكوكب
ذي باعوا الأولى من اجل الأخرى

جن البحور مترقبين للمندب
ماعاد ل اسرائيل أية مجرى

#ابوهادي_عقاب

طوفان الاقصى حافره والمخلب
فالساحل الغربي يخوض البحرا

يلحق سفن صهيون ماله مهرب
والبحريه بالله اعظم مكرا

#إتحاد_الشعراء_والمنشدين

https://t.me/aboyahyaalshami

تابع المجاراة عن موقف الشعب اليمني الثابت مع خيارات القيادة في توسيع مسار منع السفن الداعمه لكيان العدو

البداية #أبورواسي_أرحب

تحذيرنا في البحر الأحمر واضح
والناطق الرسمي شرح بالراحه

يعني سفن صهيون قارح قارح
أيش الجلاكسي عادها فذاحه

#هادي_حسين_الرزامي

شعوب لامة يايمنا فارح
باقوى بيان اوطاننا مرتاحه

للهيمنه ياكم لها متباطح
يتمنحونا مانذوق مناحه

#أبوخارف_ابوشوصاء

هيهات نسكت للعدو ونصالح
والطفل في غزه طريح اجراحه

احنا بدينا في الهجوم الكاسح
والمندب احنا نمتلك مفتاحه

#ابـومـازن_الـرازحـي

قولوا لاسرئيل ماهو سابح
فمياهنا ماهي همل ومباحه

دام المنايا فوق غـزة قـارح
يحرم عليهم مايذوقوا راحه

#كليم_النجار

البحر بأمواج الغضب متقااارح
ضاقت بصهيون الرجيم الساحه

ياجند ربي وسّـعون الصــــافح
يمين ماتدخل لهم مسّـــــــاحه

#الأشتر_هادي_الرزامي

لا حد يضن ان الأسد بيمازح
تحذيرنا تو البشر والساحه

من يدعم اسرائيل دمه بايح
با نغرقه عاده نوى مسراحه

#_حجازي_حر

في الغد والا اليوم والا البارح
هيهات يلقى في مضيقي راحه

حتى السويس معى الرجاء الصالح
بيّد العلــم قـــفله معى مـفتاحه

#ابوحسين_الشبيطي

لاوين ياصهيون وينك رايح
اقسم بربي لن تشوف الراحة

كلامنا يابن اللعينه واضح
من راد يعبر بانقص اجناحة

#أسامه_الزيلعي

ياشوق شوقي لصوت القارح
ماهمنا تقرح حروب الساحه

قولوا لإسرائيل ماله ضابح
يحرم عليها أن تذوق الراحه

#ايمان_الانصار

البحر ما يحمل بظهره كاسح
والهيمنه ماهي بكثر سلاحه

مهما كلاب اليهوده بتنابح
تغرق ولو هي دهيه سباحه

#الشاعر_ابوبندر

لويطلعوا راس الرجاء الصالح
عاد بانغلقها قديه قحقاحه

منهو مع الله بايكون الرابح
يامجلس الأمن ابدأ المصياحه

#ابوجبريل_شريف

شعب اليمن قال لن.نتصالح
مع عدا اتمادوا بكل وقاحه

نحاصره في بحرناونكافح
ويسمع العالم بكاوانياحه

#الشاعر_بشير_صوفان

البحر ياصهيون طعمه مالح
ابشر يجيك ذي فارقي لجناحه

النصر للإسلام وانت الطايح
تخسا قوا الصهيوني السفاحه

#مقبل_العماري

البحر الأحمر يايهودي مالح
ومن دخل في بحرنا نجتاحه

اليوم يا صهيون غير البارح
يحرم عليك عيش الترف والراحه

#بشار_عباس_الشومي

احنا لهم الوعد هذا نصابح
نفطر ونتعشاء بهم براحه

مابه قلق ياشعب كله واضح
وإنما وضح يبشر نقص جناحه

#الشاعر_سميح_الاعور

اليوم هو نفسـه امس والبــارح
محروم على إسرائيل اي راحـه

لو الامريكي كان مصبح فــارح
بايمسي باكي بليلة افــــراحه

‌‌‎#ابوعبدالله_العبادي

بسم الله الرحمـن سارح سارح
نقلب على صهيون كل افراحه

حتى ينادي بالعلن ويصـارح
يعلن خروجه من الأقصى وكل الساحة

#فاطمه_فقعس

ماعاد بانجنح ولوهو جانح
ومن يجي بحري نقص جناحه

لايدخل الاقليم ذي مش سابح
جن البحور تاخذ قواه وسلاحه

#أبوزيد_همدان

شعب الشموخ اليوم شمه نافح
يوقف مع المظلوم ويلم اجراحه

هــذاء قـرار الـيوم غـير البـارح
من دخل في البحر وجب قراحه

#الشاعر_ابواحمد_ذويب

اليوم هذا صار غير البارح
البحر بيدي قفله اومفتاحه

مسارنا اتوسع ويعني رايح
للقدس يسرائيل بعد الباحه

#عماد_دايل_العماري

يا بايدن لاوين عادك سارح
قرار صنعاء اجتاح كل الساحه

خـلّا نـتنيـاهو وجيـشه نـابح
والله ما يجلس ويلقى راحه

#الشاعر_شامخ_الحمادي

شعب اليمن ياغرب مابي مازح 
يوم أعلن  السيد دخول الساحه

خذلك عبر من قبل تصبح نازح
البيت الأبيض وعد لا نجتاحه

#سعدالدين

البحرلحمر يايهودي واوح
وبابه المندب معي مفتاحه

حتى طريق راس الرجاءالصالح
اليوم في مرماي كل الساحه

#حيدر_الشرادي

قولوا لإسرائيل كلمة طافح.
لن تقتهر غزه وهي مرتاح..

لاتحسبوش ان اليمن بيمازح.
هذا الخبر بانثبته في الساحة

#صدام_شايف_الغولي

البحر خط احمر خبرنا واضح
على قوى الاجرام والسفاحه

بلغ بني صهيون ماله صالح
في حرب غزه ناحة النواحه

#إتحاد_الشعراء_والمنشدين

https://t.me/aboyahyaalshami

تابع عنوان المجاراة
#اليمن_ينتصر_لفلسطين

البداية #ماجد_رشدان

صنعاء والاقصى اكثر من اخوه واخلا
روح وجسد تتقاسم افراح واحزان

حاشا نخون القدس حاشا وكلا
مثل ابن زايد والدعي ابن سلمان

لوينتقل ميناء الصليف المكلا
وتتنقل سيئون لافج عطان

#ابوفتح_الجرادي

ياثــار دم اطفــــــــــال ونســــأ ثكـلى
بانأخــــذك لومـــابقـــــي منـنـا انسان

نسقي بنـي صهيون ضـربات نجــــــلا
من شعب ذو قــــوة وحكمة وايــــمان

#عزيز_محمد_البروي

في وعد اخرى الاخرة قد تجلى
نهاية اسرائيل حتمي وقد حان

ما عاد باقي بعد آيات تتلى
إلا نفير ونصر تحرير الاوطان

واولويات العرب قدسه اولى
ومنافقيه هامش بقايا لطوفان

#صادق_جعفر

يامرحبا بالحرب أسرى وقتلى
يتذوق العدوان في موته الوان

50 سنه والقدس بالثأر حبلى
واليوم تولد في ضحى كل ميدان

نحرق عدو الله بالنار يلصى
والقادم أعظم في نهاية حزيران

#عبدالله_بحنان

من اجــل غـزة لو نقطع لـــ اشــلاء
يشهد لنا المندب وضربات بــركان

صيت اليمن فــوق الخلايق تعــلّى
في نصرة الأقصى ميامين فرسان

من يـــوم آمـــن بالرساله وصلى
يواجه الطاغوت في كل ميدان

#أبوخارف_ابوشوصاء

مع فلسطين الحبيبه بذلا
مجهودنا وحنا لها أنصار وعوان

من اجل صرخت طفل او ام ثكلا
كل اليمن قد هب في كل ميدان

لابد نأخذ ثار دمها ولشلا
ونحرر الأقصى وصهيون يهتان

#عبدالولي_الغولي

شعب اليمن عن قدسنا ما تخلئ
لو با يواجه لجلها انسي معا جان

قد قالها من قبل كلا وكلا وكلا
ما بايخون القدس لو كان ما كان

يعني معآ في كـل سـرئ وضراء
لا تالمت غزه بكاء شعب الايمان

#ابوحرب_العتب

شامخ كيان ابن اليمن ذي تحلا
بنصرة الملهوف وحكمة وإيمان

انصار للرحمن شعبي تعلا
على الشعوب ناصر فلسطين سرعان

بذل وبانبذل جميع ماتغلا
رخيص لاجل القدس غاليُ الاثمان

#محمد_رطاس

لو كلنا نصبح في الأرض اشلا
هيهات ننام واخواننا جرحهم بان

مادام فينا عزم رقمه معلا
واحنا هل الحكمه ونخوه وايمان

والدين منا حين دخلناه حلى
بااول رساله قبيلتنا قالت الان

#أبوأحمد_الوايلي

محال نسكت يوم والقدس أشلاء
لو ضدنا قامت عروبه وعِجمان

قـلـوبنا مـن هـدي ربــي مـملاء
يوم العرب باعت عروبه مع إيمان

هـاتو سفنكم بحرنا أهلا وسهلا
باننتصر لـلقـدس لا البحر مليان

#أسـامـة_المـعبـاء

كما انتصرنا بوسط "مارب"و"يكلا"
في القدس با ننصر فسبحان سبحان

من خلي فوق الكــفر كلمته الاعلى
واخزي الصهاين والعرب والمريكان

يا قدسنــــا رحب باهــلآ وسـهلا
بجنود رب الكون حمران الاعيان

#ابوطه_المهذري

يا ناصر الاقصى لكم قدر يعلا
مضمون عند الله ما يوم يهتان

عز و كرامه سعد من كان شلا
يضرب و يتكلم علا نذل شيطان

ملعون يا من خان ولا تخلا
بحق الاقصى والسرايا و الخوان

#ابومحمد_سحار

ماخاب من للال قاده تولى
مثل اليمن ومحال يهزم ويهتان

محال يخضع غير لله الاعلى
ومحال يتفرج على ظلم طغيان

معقوله اتفرج والاطفال اشلا
واسكت وانا مسلم ولي قلب انسان

#الشاعـر_ابوكـيان_الجـابـري

سبحان مَـــــن أيَّـد جـنـــوده وِوَلَّاء
وانزل على الأعداء هزائم وخسران

صنعاء هي القُبَّه والاقصى المُصَلَّى
صنعاء هي السيف المدرع بالإيمان

مــاصاب غزه صاب صنعاء وأبـلَـى
والـرَّد بـا يـأتـيـه طـوفـان طـوفـان

#الأشتر_هادي_الرزامي

شعب اليمن للقدس عهده تجلا
صدقه مع طوفان الاقصى وأبتان

يبذل مع الله ما هو ارفع وأغلا
واحنا وغزه وسط جبهه وميدان

عدونا اسرائيل وامريك تبلا
بالموت بيديكم ويد شعب الايمان

#ابوعبدالله_عنبل

الشعب بايمانه نعم ما تخلى
عن نصر دينه و امته عبر الازمان

يشوف حيفا مثل خور المكلأ
وجرح غزه تعبت شعب الايمان

ومن مسك بالله مولاه الاعلى
ما خاف فرعوني ولا خاف هامان

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان (مع فلسطين مستمرون في مواقفنا ولن نتراجع)

البداية #ابوالكرار_المجنحي

على طريق القدس مهما كان حجم التضحيه
حاشا وكلأ ينثني شعب اليمن وإلا يخاف

الجيش جاهز والقبايل جاهزه متصديه
بانسقي أمريكا ولندن من نقيع الموت حاف

#محمد_ابوالعز

على طريق القدس ثرنا و الخطى قرآنيه
و النصرللاسلام وعد الله جينا له صواف

الموت لامريكا و لاسرائيل و ابريطانيه
ومن تحالف ضدنا يبشر له الموت الزعاف

#اكرم_النيعاني_ابونبيل

شعب اليمن والبحريه والبريه والجويه
في صف غزه صامدين الكل لااخرمطاف

ماخاف من لندن ولا ومن حامله امريكيه
قواعد المحتل سارين والبوارج بالمشاف

#أبوخارف_ابوشوصاء

من اجل غزه لودخلنا حرب كبرى كونيه
هيهات نتراجع ولا نخشى تحالف ولتفاف

لنصر دين الله بانبذل دمانا الغاليه
والنصر من ربي لنا موعود في ختم المطاف

#عبدالقوي_البطل

والله لو حشد علينا القاصية والدانية
واتحالف العالم علينا من ضفافه للضفاف

ماتحول موقف الشعب اليماني ثانية
عن غزة الثكلى ونصرتها ولافينا ارتجاف

#أخت_شهداء_البكالي

مع العلم نسري على درب الهدى. والتضحيه
والنصر حتمي دام والمولى معانا مانخاف

مايوم نضعف او بنتراجع. هممنا عاليه
والقدس للاسلام والذله للاقوام الضعاف

#أبوأحمد_الغفّاري

هيه واحده قد قال شعبي ما معانا ثانيه
اليوم كلمه واحده وخط ما فيه إنعطاف

شعب اليمن ماضي لدحر العُصبه الصهيونيه
وفق الثلاث الحتميات با تنطوي السبع العجاف

#ابوحيدر_الراشدي

يحرم على « اسرائيل وامريكا» يشوفين عافيه
من بعد ما الشعب اليماني حطهن راس المشاف

جن اليمن طــــــول الزمــــن، محاربين المافيه
يدوسوا اخشام العدى، باحكام، دقه واحتراف

#جلال_الغولي

لوتجتمع في حربنا كل الجيوش الحربيه
وتجتمع كل الخلايق ضدنا مابه خلاف

لن نترك الاقصى وغزه ياعيال الجاريه
واحنا لها واحنا رجال العز والباقي ضعاف

#حرب_مشحم_صعده

حلمي وحلم الشعب كُلّه يــا الرجال القاحيه
في حرب كُبرى عالميه ضد الانذال الضعاف

أقوى من الأولى واشد ا-من احتدام الثانيه
مـن هولها تتعطف الفوهات وايذوب الغلاف

#زياد_زيد

انصار ربي في ميادين الشرف متفانيه
مع فلسطين مستمر ينفر ثقالاً واخفاف

في البحر الأحمر بذن ربي باتكون التصفيه
عيوننا على العدو تترصده في المشاف

#ابوحمزه_المقاش

المعركه شعـواء وحجم النصر مثل الاحـجيه
واتجسدت فزعـات ربعي من عنم حتى كـتـاف

كم قـد تمـنـيـنـا قـتـال الـصـهـيـنه والأمنـيـه
فـزنـاء بـهـاء والـبـحـر الاحمـر ساقهم مـثـل الـخـراف..

#شبل_الحداء_ابوفلاح

والحرب هذه يايهود غير الحروب الماضيه
فاالبحر الاحمر جاهزين نسقيكم السم الزعاف

على طريق القدس هبت الوحوش الظاريه
انصار ربي فاالمعارك ماحدا منا يخاف

#ابـومـازن_الـرازحـي

لا للتراجع لو يواجه كل شخص اربع ميه
إلي مع الله أقوياء وإلي مع ابيلس الضعاف

ومع بن فاتح باب خيبر نفتتحها ثـانيه
وبإذن ربِّـي نقتلعهم بين نون وبين كاف

#ابوعلي_مبخوت

احنا يمن ليمان والحكمه صحيح أيمانيه.
بانضرب اسرائيل ونجهزفي البحر التفاف

مادام معنا الله والسيد وجند البحريه
أيدي بني صهيون وارجلهم تقطع من خلاف

#ماجد_عبدالله_القادري

على طريق القدس بانمشي ميه تلحق ميه
واجب على الشعب اليماني نصرة الناس الضعاف

ونحرر الأقصى من الامريك والصهيونيه
لنا ثقه بالنصر والتمكين لا يمكن نخاف

#احمد_ابوصريمة_القيفي

نهايه اسرائيل وامريكا نهايه حتميه
في بحرنا الاحمر نقيع الموت والسم الزعاف

لوما تبقى من يمنا الا ثلاثه في الميه
باننصر الاقصى بعدتنا الثقيلة والخفاف

#ابوتراب الوادعي

على طريق القدس بانمضي بهمه ثوريه
مع فلسطين الأبيه والعدو وسط المشاف

شعب اليمن جاهز لخوض المعركه الاقليميه
يجرع امريكا الفنا والويل والسم الزعاف

#طه_الرازحي

تخاذلو عن نصر الاقصى قوم دون إنسانية
من أمة الاسلام والاعراب وقلوبٌ ضعاف

وشعبنا الميـــــــمون ثابت ماتخلف ثانية
رغم التحدي والخطر والهول مااتراجع وخاف

#ذاالنون_مشتاق_شريان

بقيادة ابن البدر بانهجم والقدام حافيه
بقوة الله القوي من دون ذلة ورتجاف

لاقوة امريكا ولا اسرائيل ولا الأحذية
يقدر يوقفنا على تحرير فلسطين لا جزاف

#سياف_الضبيبي

خط الشهاده ذي سروه ابطالنا في البحرية
فازو رجال التضحية واحنا كماهم مانخاف

شعب اليمن ذو بأس ما يخشى غبار الذرية
والقدس يعني عين مؤمن والعدا وسط المشاف

#إتحاد_الشعراء_والمنشدين

https://t.me/aboyahyaalshami

لبيك يا مسرى النبي يافلسطين
من موطن الأنصار وأهل الاصاله

ياقدس من صنعاء اتاك اليمانين
أهل المدد أنصار طه وآله

من اليمن هبو نشاما ميامين
احنا أسود الحرب وحنا رجاله

من اجل نصر القدس قامو ملبين
يتحدو العالم بكل البساله

الله خلقنا ننصر الحق والدين
وننهي الكفار وأهل الظلاله

نقضي على احفاد القرود الملاعين
من باسنا صهيون يلقى زواله

في البحر بايهلك جميع الفراعين
والبر يدفن كل غازي رماله

من اجل غزه كل شعبي فدائين
الكل يفداها بروحه وماله

هيهات نسكت والدماء في الشرايين
من بعد ماسوا اليهودي فعاله

ما همنا أمريكا وحلف الشياطين
على يدينا كل ظالم زواله

في مجمع البحرين سارو قرابين
مصير أمريكا وحلف الحثاله

احنا لخوض المعركة مستعدين
نعلم الغازين معنى الرجاله

الله أيدينا بعزه وتمكين
احنا تمسكنا بعروت حباله

صهيون وأمريكا اسمهم بين قوسين
على يدينا ينتهو لامحاله

وكل من هم في فلكهم موالين
ومن يايدهم وكل العماله

منهم نخذ بالثار ونسدد الدين
من اجل غزه حربنا بالوكالة

البحريه تصتاد في اليوم ثنتين
من السفن والبحر زاد اشتعاله

مابش لهم في حربنا إلا خيارين
يوقف العدوان ولا نكاله

واحنا هدفنا واحدة بين ثنتين
نصر أو شهادة في رضا ذو الجلالة

ختامها صلو على أحمد ملايين
محمد المختار طه وآله

#أبوخارف_ابوشوصاء

المجاراة تعبيراً عن الحشود المليونية في مسيرة "مسارنا مع غزة.. قدما حتى النصر"

البداية #الشاعر_أبو_حيدر_عامر

يا حشد لا قبله ولا بعده
رفعت راس القدس والاسلام

عالجت حلف الغرب والغدة
وهنت الامريكان والحكام

#ضيف_الله_سلمان

سبحان ربي ذي نصر جنده
على طغاة العالم الاقزام

كما نصر جنده صدق وعده
والعصر عصر (النصر للاسلام)

#الشاعر_نضال_حُميد

لكل قوماً هاد من صعده
يشهد عليها الخالق العلام

صعده بلاد العز والنجد
دار الهدى والدرع والصمام

#أبويوسف_القاري

قل للمريكي كيفما وده
ماهم سوا الأعلام والحكام

عبدالملك حيدر علي جده
كرار لله القوي قوام

#محمد_مفلح

بعد العلم عبدالملك بعده
لا قام قمنا له على ما قام

من ساحل المهره الى صعده
والوعد يا مسرى النبي قدام

#أبوحاتم_عكه

حشود بالمليون مـحتـشـده
دعماً لـغـزه رفض للإجــرام

بعد الـعـلـم ياشـعـبـنـا بـعـده
خلف الأمين القائـد المقـدام

#عبدالعزيز_الغرباني

شعب اليمن في موقفه وحده
والفضـل للبــــاري وللاعـــــلام

احنــا رجــال العــز والنجــــدة
تشهــد مواقفنـــا بـكل اقــدام

#ابومالك_الكوماني

ما بأس هذا الشعب هو وحده
يا أمة الذله والاستسلام
.
باقي مع الباري على عهده
في منهج القرآن والاعلام

#الشاعرفرحان_السلامي

اللـــه أكبـــر ســاعــة الشـــدة
يا شعب قاهر عصبة الإجـرام

وقــوفنـا بـاقـي علـى عهــــده
لومـا اليهـودي يعلـن استسلام

#ابوليث_المحضار

احنا استجبنا كل من عنده
لله والاسلاف والأعلام..

من منفذ المهرة الى صعدة
انصار ربي النصر للاسلام..

#حمزة الديلمي

لا الوقت يثنينا ولا المدّه
ياسيّدي ما نخذل الاسلام

و أعداد قوّه فاقت العدّه
فالباس والتصميم والإقدام

#الشاعر_جبر_المهدمي

احنا معى رب السماء وحده
اقوام بعد اقـوام بعد اقوام"

هوذي منحـنا العز من عنده
واخزى يهود الكفر والإجرام

#جميل_جعفر_ابوشامخ

شعب اليمن فـ الخير و الشدّه
شعب الطوارف مرجلي مقدام

يبذل معك فـ الطارفه جهده
مشهود له من قبل مليون عام

#ابوحمزه_المقاش

مـن قـد الاسـلام مـن قـده
والـديـن مـا يـقـبـل استسلام

سـيـل الـغضـب قـد وصل حده
قـدام يـا لابـتـي قـدام

#سجاد_نشوان

شعب اليمن باقي على عهده
من قبل عام الفيل لـ آخر عام

والنصر مهماء طالـت المـده
للقـدس بـ اذن الواحد العلاّم

#مقتدى_مفلح

علم مع الله طوع الشده
وشعب مايخشى ولا ينضام

ارعب دعات الكفر والرده
واصدر على اسرائيل حكم اعدام

#الشاعر_متاش

قل للعدو يلطم على خده
ويعلن التوبة والاستسلام

طوفان صنعاء جهز العدة
وبحرنا مسجور بالالغام

#الكرار_المشراقي

شعب اليمن باقي على عهده
على طريق القدس ماينضام

من حضرموت العز لا صعده
همـه اباء عزه شموخ اقدام

#محمد_البريهي

هذا يمن ليمان في حشده
ثاير بوجه الظلم والظلام

تخشاه واشنطن دبي جدة
والصهينة وأذنابها الحكام

#مختار_البحري

علم وسيف الحق في يده
على خطى ال البيت والاعلام

من وحي عدو للقى عده
لا قام في وجه الاعادي قام

#ابواياد_المطري

يا هاجسي واسجد مئة سجده
"للواحد القيوم ذو الإكرام"

"الفضل له" و"النصر من عنده"
والحكم له ما هوش للحكّام

#ابـومـازن_الـرازحـي

يا شعب مافوق الثرى نِـدِّه
وقيادته من صفوة الأعلام

في كل جمعه يتسع حشده
وبكل موقف حطم الارقام

#سجاد_تشلان

حشود يوم الحشر محتشدة
في ساحةالسبعين لجل الشام
.
من هولها الطاغي فقد رشدة
يزداد من حشدالجمع إيلام
.
#الـكـرار_الـعـقـيـبـي

ســــــلام لك ياسيّدي عبده
يالقائد المـــقـدام والضرغام

احنا معك في السلم والشده
معك معك نستأصل الاجرام

#هيثم_المعنقي

هذا زمان نهاية الرده
وغروب شمس الذل والاجرام

بالله بانستأصل الغده
والقدس يتحرر من الاقزام

#ابوعلي_مبخوت

شعب اليمن باقي على عهده
قدام ياشعب الأبي قدام

والشخص ذي قاعد على القعده
عزالله انه خادم الخدام

#ماجد_عبدالله_القادري

النصر قادم واقترب وعده
لاحت بروقه من مدينة سام

عدن تنادي اختها صعده
والنصر قادم منهج الإسلام

#ابتسام_شرف_المحطوري

والسيف من يوقف على حده
يبقى معوق مامعه أقدام

هذا اليمن الطفل والوالد ولا.. جده
جاهز لطغيان الطغاة باالسام

#أبوخارف_ابوشوصاء

شعب الكرامه مانقص جهده
ولا تخاذل يوم من ليام

من اجل غزه مستمر حشده
يقهر نتن ياهو مع الخدام

#طه_الرازحي

ياشعب في الراحة وفي الشدّه
وافي ملـبي داعي الأعلام

اخروجـك اليـــوم أذهل الغدة
واذنابـها الانجاس والاقزام

#احمد_عبدالله_زيد

طوفان مليوني على عهده
ثاير حسيني حيدري مقدام

العالم الغربي سمع رده
والصهينة باتلقي الملطام

#جبريل_الخدري

مادام واحنا (للعلم) جنده
قدام يا شعب اليمن قدام

بانطعن الكافر وسط كبده
ونناصرك يا (غزة) الإسلام

#اتحاد_الشعراء_والمنشدين

https://t.me/aboyahyaalshami

كلاً يجاهد يارجال من مكانه
حتى الذي عاده بسن المراضع

#ابوحمزه_المقاش

سـجـل عـيـالك يـا رفيقي امـانـه
في المركـز الصيفي تـحـرك وسارع

بـ الـوعي بـا يـكـسب يـمـنى رهـانـه
وبـا يـخـيّـب ضـن داشـر وصـايـع

الـكـل لـه مـيـدان يـوفـي زمـانـه
والـجـيـد ذي يـحيا زمـانـه مـصـارع

عـاش ابـن طـه سـيـدي ذي حـنـانـه
لـملـم شـتات الـشـعب لي كان ضايع

#زياد_زيد

الهدي قـد وضـح لنا في بيانه
ثـقـافــة القـرآن قــوه ودافـع

احذر يضل ابنك في اول زمانه
ويـنخـدع بفكارهـم والذرايـع

صحح بهدي الله منطق لسانه
وبايصيـر لله سـامـع وطـايـع

احرص يكون ابنك وبنتك مصانه
بالوعي والقـرآن ياكـل شـاجـع

#جميل_ابوقاسم

كلين يغنم فرصته في زمانه
من ضيع الفرصة فهوه شخص ضايع

العلم عزة والجهاله هيانه
ولاالشتاء ياناس مثل الروابع

حصن عيالك دام عدها مصانه
من الثاقه ذي للوغاد تابع

لاحد يسدد باالاصابع اذانه
ياصاحبي خلك مركز وسامع

#ابتسام_شرف_المحطوري

شحذ الهمم للجيل أعظم مكانة
والمركز الصيفي وقايــة ودافع

مسؤول عن إبنك وصدك إدانه
لا يوم تلقى الله خليك سامع

واجه بني صهيون زلزل كيانه
بتعليم ابنك ياأخي علم نافع

لا عذر يامن عذرك أكبر خيانة
راجع حسابك قبل حصد المواجع

#أبوخارف_ابوشوصاء

من نهجه القرآن مرفوع شأنه
ينهل من القرآن من خير واسع

يامن يريد الخير يبادر أمانه
يدفع باولاده بهمه ودافع

بالعلم والتعليم يكسب رهانه
ولا يكونو من عيال الشوارع

الوعي والإيمان فيه الركانه
في وجه اعدا الله كالسيف قاطع

#أبوصخر_الجوحمي

عودوا الى زيد الإباء في زمانه
وحسين بدرالدين هم خيرصانع

دوراتهم اعطت لشعبي مكانه
وثمارها صار اليمن حر شاجع

فوائد الدورات وعي وحصانه
هي للفساد لابناءنا حصن مانع

بالله. وحده من به الاستعانه
باتصبح اسرائيل للجيل راكع

#الشاعر_بشير_الشامي

ثقافة الغرب اللعين الجبانه
اخطر من الذري ومن سم ناقع

والمركز الصيفي اتاء للامانه
ترياق لفكار الشياطين نافع

اليوم بانبدء إعادة صيانه
من أجل يصبح جيل لله طايع

ما يقبل الذله ولوهي بنانه
متثقف القرآن جدي مقاطع

#صقر_الريمي_ابو_الذهب

اي والله انه صدق وحلف امانة
ياكل حـــــر افهم وبادر. وسارع

ســـجــل عيالك وستلم للظمانة
يرتاح ظميرك يـوم مالك مفارع

فرصة لنا ولعراضنا هي حصانة
وفتش الــقــرآن وقـــرء وطـالـع

ومــن يثبط بـــايربيه زمـــانـــــة
ومن سمع مرجف يقاطع يقاطع

#أبوحاتم_عكه

أنا اشهد انك قلتها للأمانه
كلمه وعنها لاوهن أوتراجع

بالعلم والتعليم نكسب ظمانه
من غزو فكري يجعل الجيل ضايع

وافساد هذا الجيل يعني امتهانه
يعني يكن لاعداه منقاد تابع

جهاد زايــــد علم صمَّام امانه
علم وجهاد الحل وبلا منازع

#ماجد_عبدالله_القادري

واجب علينا لجل تبقى مصانه
محال تجلس صايعه بالشوارع

يطلع وفي يرفض رموز الخيانه
اذا تعلم في الكتاب وسط جامع

يعيش شامخ ما يعيش الهيانه
رغم الحرايب ضدنا والدوافع

يحفظه كتابة لانطق من لسانه
يطيع ربه جيل بالخير طائع

#ركان_يعقوب

المركز الصيفي للابناء صيانه
يصونهم في علم عالي وساطع

ياكل أب في الكون ابنك امانه
اوبه لأبنك من عذاب المقامع

ذي ما يصن ابنه في اول زمانه
يعرف بأن ابنه مقصّر وصايع

#حامد_النمري

المركز الصيفي لطفلك حصانه
من أفكار هدامه لزين الطبايع

فيه النهج قيم وطفلك امانه
نهج النبي وال خيرالشرايع

واسمع لقول الي علاالله شانه
ابن النبي الي على النهج. تابع

#ابورعدالله_فهد_الصراري

المركز الصيفي شبيه الصيانه
تحط فيه ابنك ويخرج شاجع

يتعلم القرآن وحفظ الامانه
وبعدها يصبح مؤدب وطايع

اقل شي باتفتهن من جنانه
يصير رجال كفوا مؤمن بارع

افضل مكان تأمن على ابك هانه
المركز الصيفي جيد ورائع

#محمد_الرقيمي

اي والله انها لطفوله صيانه
من حرب شنت بالصور والمقاطع

المركز الصيفي عليا الضمانه
ما يبني الا جيل شامخ وشاجع

وذي مايسارع والله انها خيانه
لدين والمنهج وحتى الجوامع

الله لا يحيي النفوس الجبانه
والله يحيي كل سامع وطايع

#طه_الرازحي

ياكـل أب ابناك عـنـدك امانة
حافض عليها قبل هل المدامع

حدد طريق ابنك وحدد مكانه
امّا مـع الله او مع الغرب تابع

الحصن له في الصيفيه بالامانة
لا في الضياع ابكل حاره وشارع

أمة بعيده عن هدى الله مهانة
ومعبّده للكفر واهل المطــامع

#ابوشاجع_فلاح

من يدخل المركز علا الله شانه
يتعلم الحكمه وعلم المدافع

يرهب عدوه من فصاحه لسانه
ولقربائه خير سامع وطايع

ولازهمته في زمان الهيانه
يفزع معك فزعات طومر.وراوع

يرهب عدوه قبل يفتح امانه
هذا هو الجيل العضيم المسارع

#معمر_ابوسعيد_العصيمي

انا علاي اضمن عياله ضمانه
ذي بايقول انه عليهم منازع

يسجل ابنه واخوته في بيانه
ويلقفه نشمي معلم وشاجع

داري بما قال النبي في زمانه
وماحكا التاريخ في كل واقع

احسن من ان يبقامغفل مكانه
من بدت الاطفال صايع وضايع

#الكرار_القانص

المجاراة

البداية #رامي_السوداني

مثلما قالها السيد في الكلمه
محور الحق ثابت بعد قاداته

لن ينالو من المحور ولو ف ٲسمه
و ردنا للعدو ٲول نهاياته

والثقه بالقوي والعلم هو علمه
جل من طور المحور وخِبراته

بايجي الرد كلاً بايجي قسمه
وعد من هو تمادى نقطع ايداته

#علي_داشع

ومثل ماقال مابه حل للٲمـــه
غير حل الجهاد ونيل مرضاته

مستوى الرد ما باينوصف حجمه
والعمل فيه جاري تجر خطواته

بارك الله فالمـحور وفـي عزمه
ذي تغلب على الصهــيـو وقـواته

مالعرب ماعد لهم عندنا قيـمه
بعد ما القدس منهم زادت اهآته

#ضيف_الله_سلمان

محور القدس شاهد يوقظ الامة
جسّد الدين من كل اتجاهاته..

طاغي ارعن وصل طغيانه القمه
يوم سلم نتياهو قراراته

معتدي ما رعى إلّاّ ولا ذمة
با نعطل موانيه ومطاراته..

فجر طوفان الاقصى بدد الظلمه
واليهودي قد اتلاشت طموحاته

#الشاعر_عزيز_الردماني.

يا فيالق وصي طه وبن عمه.
الذي ما حسب مرحب وقواته.

افزعوا واعملوا للمعتدي كَمَّه.
مثل الاشتر في اهجومه وكماته.

كل حد يلطمه ملطام من يمه.
عرفوه ابن أبي طالب وضرباته.

بعد ما ضيف إيران انسفك دمه.
حققوا وعد ربي ذي في آياته.

#الحمزة_المغربي

الجهاد الجهــاد الهمــة الهمــة
يا لثارات الاقصــى يا لثاراتـه

قل لصهيون ثأر الدمّ من دمّه
غارة الله الاقـوى رد غـاراتــه

بـا نجرّع أبوه‍ المــر من فـُمـّه
ردّنــا رد مــا تحصى مساراته

والذي با يقف جنبه ولـد عمـّه
ندعس انفه ويتجرّع خساراته.

عبدالله_الجرفي

طل بدر الضيا ذي بدد الظلمه
زادنا معنويه من خطاباته

نحمد الله مولا الفضل والنعمه
شعبنا فوضه واعلن موالاته

يارجال كل واحد يشحذ الهمه
نحو مسرى النبوه يا لثاراته

يا فلسطين هذا العهد في الذمه
نفتح المسجد الاقصى وباحاته

#أحمد_الخاشب

يا الله اليوم كلن يشحذ الهمة
بالعمل وفق نهج الله وآياته

منهجية رسول الله والحكمة
محور الحق جسدها بوقفاته

ما لصهيون غير الضربة الدسمة
من لظى ذو الفقار ونار غضباته

لا وساطات مقبولة ولا قمة
تمنع الرد الأكبر وارتداداته

#علي_الشعيثي

شعب الاحرار واليمان والحكمه
كلمة الامر بالمعروف كلماته

بايحاسب من اتجبر على جرمه
مايصدق منافق في دعاياته

اعرفو رد قاسي ينصر الامه
وعد من قائد المحور وقواته

قد هزمنا اليهودي وتضح حجمه
بعد ماكان يستعرض اثاراته

#عبد_القادر_داود

يـا علمـنا مكانك دوم في القمة
يا دواء القلب ذي تسكن بدقاته

كلمتك طب شافي كلمتك كلمة
قولك الفصل في كل انطباعاته

ويل من كنت في ساح الوغى خصمه
و سُعد من كنت له قايد طموحاته

خض بنا البحر دونك قوم ملتمة
و اليهـودي على نفسه جناياته

من سباطين ابو عطفة و ابو شرمة
و من صواريخ تتحدى دفاعاته

#محمد_المنصور

باننسّي "النتن ياهو" حليب امة
و"الكيان المؤقت" حان ميقاته

يشهد الله لا نثأر بلا رحمة
كاتب الدَيَن سجّل كل غاراته

بانقاضيه بالهجمة مية هجمة
رغم انف المريكاني وقواته

وبقوة الله بانستأصل الظلمة
وموعد الفتح قد لاحت بشاراته

‌‎#علي_مغلي

يبشروا بالفنا والخزي والنقمة
عاد عزران با يوصل بقواته

محور النور بايقضي على الظلمه
دام وآل النبي للحق قاداته

هم سفينه تخارجنا من الهجمة
والحكيم العليم يتم كلماته

واليمن عندها في كل شي بصمه
قل لصهيون با نغلق مطاراته

#ابوعيسى_هيسان

والله ان العلم للكون ذا رحمه
جابه الله يطبق كل آياته

يالعميل ارتقب هجمه ورى هجمه
بعدما يعلن القائد خياراته

والذي مافهم خانة حليب امه
بايجي يوم يذكر كل كلماته

يوم يحرق نتينياهو مع النجمه
والشعارات ترفع في مقراته

#حسن_المهدي

منتهى العمر صفحه والاجل كلمه
والـقـلـم نــهـج وايــامـه كـتـابـاته

والـقـضـيه حـمـلـها قــايـد الامــه
يــوم غـيـره غـرق فـي لا مـبالاته

والـيـهودي عــدو الله مــن يـومه
والـجـريمه شـريـعه فــي مـوالاته

وانـت يا موطن الايمان والحكمه
ردك انــكــى عـــدو الله وقــواتـه

#ابوبدر_ذيبان

ومثلما قال لازم نرفع الهمة
يارجاجيل كلن في مجالاته

البصيرة سلاح المؤمن القمة
نلتمسها جلية في خطاباتة

شعب الايمان ثابت ماوهن عزمة
رغم انف العدو طور مهاراتة

#أبوحاتم_عــكــه

قادم الرَّدِّقادم موعـدالـهـجـمـه
قاب قوسين واقرب من بداياته

رد حاسم قوي خالي من الرحمه
يجعل الـخـصـم يترقَّـب نهاياته

ننقل الـحـرب لاياڤـامع الأزمـه
مسرح الحرب ميدانه وساحاته

ردِّ يقطع ويُـبعد عن جسدأمَّــه
الورم يهزم اسرائـيـل وحـمـاته

#علي_خالد_النمري

لملم الوضع ياشعب اليمن لمه
مابه الا انت متمسك بعاداتة

ردك الرد ذي خلا العدو رمه
به كذا شعب يحمل فوق طاقاتة

به كذا شعب رافع راس ماهمه
نتن ياهو ولا همه صناعاتة

رافع الراس له قايد ظهر نجمه
ماحدا صد ياسرائيل هجماته

#أبوخارف_ابوشوصاء

محور الحق ثابت مانقص عزمه
بايرى الكل صولاته وجولاته

واليهودي سيتعاقب على جرمه
يشرب المر ويذوقه بكاساته

بانجازيه هجمه بعدها هجمه
والله إنه حفر قبره بيداته