تابع المجاراة عن الشعار وقوة تأثيره في في صنع المواقف المشرفة المناهضة لقوى الطاغوت.

البداية #عزالدين_جحاف

ياشعار الحق والعدل رفرف
أشهد أنك صانع المستحيل

من أحبك عاش شامخ مقنف
والذي عاداك عايش ذليل

#الشاعر_أبوالحسن_الصياح

شعارنا صوته مع الله هتف
ضد المنااافق وضد العميل

وصاارت أمريكااء منه نتف
وحنا من وراها نمسي نكيل

#ابومصطفى_الرضي

الشعار موقف وموقف مشرف
فاق تأثيره نفسنا الطويل

قد فضح كمن منافق ومرجف
وانكشف مكر العدو والعميل

#بشير_سفيان

الله اكبر خبروت الكل يعرف
صرخه الحق بينت بالعميل

والمنافق دق قلبه ويرجف
والعدو للخلف شد الرحيل

#ابومحمد_السحاري

شعار للعزه سلاح وموقف
ويرعب امريكا وذيهو عميل

ومن وقف ظده قسم بايودف
وذي معه وقف قسم مايميل

#اسامه_الزيلعي

الشعار مبدأ امانه وموقف
غير المجرى في ساعه وليل

حين ارفع رايته الكل يرجف
المنافق والمحايد والعميل

#ابوبراءة_الديلمي

صرختك يـاشعبنا مـاتـوقف
والبراءة ضـد حلف الـعميل

ياشعار الاباء باالغازي انسف
واشعل ارضه شـ ــعــ ـــيل

#ابوالفتــح_الجــــرادي

الشعار اســـلاح للامه وموقف
خفف الاوزار والحمل الثقيل

يوم كان الوضع متردي ومُئسف
اخرج الامه من الوضع الهزيل

‌‌‎#ابوزكريا_المأخذي

مـا يـعـز الله متخاذل ومـرجـف
والـكـرامـة مـا تـبناها عـمـيـل

والذي ما يرفع الصرخة ويهتف !
كيف باينصر فلسطين والخليل؟

الجهاد يحتاج له مـن قبل موقف
والـشـعـار للصادقين يبقى دليل

#روابي

قالوا انك من عبارات التخلف
وانت برهان المنافق والعميل

لاصرخنا زمجرة منا تنكف
فوق امريكا من ايدينا صميل

واليهودي يرتعد_والله_ويعرف
ان هذا خط لليوم الثقيل

#عبدالقوي_البطل

والذي للغزو جالس بيعزف
لحن مغناه في قناة السهيل

مالحقهم غير كمن مودف
دون اسمه في الصوافح عميل

#ابونصر_عزام

الله أكبر أصرخ ياولى اهدف
بالموت لأمريكا مع اسرائيل

شعار سلاح موقف لنا مشرف
من حاربه سود المنايا بديل

#ابورفيق_العياني

ذي يعادي الصرخه اصبح مودف
والحقايق تكشف انه عميل

والذي يوقف ويسرح ويهتف
المواقف تعرف انه اصيل

#ابوهادي_الجامع

ذي صنع معناك صنّع وكثف
والزمن يشهد لنا جيل جيل

ماصرخنا الاوصهيون عطف
ماحصل في القدس اكبر دليل

#الشاعر_علي_حمي

رغم قصف الحرب والدم ينزف
ماتغير نا ولا با نميل

والله اكبر صرختي باترفرف
صوتها ويهز عرش الذليل

صارت امريكا من الحق ترجف
وامن الصرخات تدي العويل

#مجدالدين_البدري

المسيرة كم بهتفك تشرف
واسقطت كمن منافق عميل

خادم اسرائيل ولى وعطف
واليمن شامخ وثابت أصيل

#الاشتر_المحمدي

باالشعار ياقوم نصرخ ونهتف
والكلام ذي فيه ماهو قليل

فيه نتبراء_ باعلان _موقف
ضد اعدانا ومن هو عميل

#احمد_سنان_الغولي

ياشعار البدر من مران يجرف
قوه امريكا معا الحلف العميل

ياشعار الحق فوق السحب رفرف
انسف الباطل و الفكر الدخيل

#الشاعـر_ابوكـيان_الجـابـري

ياشعار النصر وجِّـف كل مرجِـف
واثبـت معـانـا جـيـلٍ بعد جـيـل

هذا شعارك يايمن موقف مشرِّف
والمواقـف شـاهـده واكبر دلـيـل

#ابوعبدالملك_الغولي

يا شعار من داخل القران مصنف
صاغك السيد حسين الاصيل

انت قدمت الهدئ والدين مقنف
بعد ما كان قدموه انه ذليل

غد في الاقصئ ومكه با ترفرف
واشهد الله بان ماهو مستحيل

#ابوعز_الدين_عطاء

بالسما طولك وبالجو ملقف
للعداله رايتي ما تميل

صرختي ضد العدو ما توقف
لو تحملنا الحمول الثقيل

بعد ابو جبريل قيدنا المثقف
صرخته مثلا ودربه طويل

#ابن_دغشر_الشومي

صوتنا معروف بالصرخه مقنف
شامخ الهامات يتبع كل جيل

والعدو الغازي في شعبي مودف
منهزم مدحور. الغازي الذليل

#ابومثنى_زايد

شعار يتساما وبالإكرام يوصف
وفي مقـــام العــز مالـه مثيــــل

يهـــد أركـان الضـلال المـزيـف
ويجعل امريكا. وإسرائيل قليل

#ابو_هاشم_الحكيم

يابيان الله مامثلك مزخرف
والهداية منبع الصبر الجميل

منهج القرآن والدين المشرَّرف
والفريضة بالرضا ولّا صميــل

#ابوعلي_الموشكي

بشعارنا، بانجعل،امريكا،تخرف
واوطاننا،بالعز، دايم،تخيل

عزه،كرامه،مجد،والهامه،ترفرف
وكل،نشمي،،من،صدا،الشعر،شايل

#بشار_عباس_الشومي

جيت يا جحاف بالحرف المشرف
فخر ذا الأنصار والشعب الأصيل

والمنافق والدواعش والتطرف
في يمن الإيمان مدحور وقتيل

#محمد_الزكري

من تمسك فيك ترا ماهو مودف
والذي عاد. والله انه عميــــــل

ياشعار النصـــــار طه يامخوف
سوف نصرخ بوجه اعداء السبيل

#عزيز_محمد_البروي

الشعار يا كل خايف ومرجف
كاشف عروق المرتزق والعميل

وما صرخ به غير مؤمن وعارف
مفعوله أقوى من شعيل الفتيل

#يعقوب_الخمري

يا شعار نشبّهك سيل يجرف
قارات أمريك وإسرائيل

أنت بلسمنا دواء جرح ينزف
أنت قوة مالها في الكون مثيل

#إتحاد_الشعراء_والمنشدين

https://t.me/aboyahyaalshami

كفرنــا بامـــريكا وقلـنا لها تموت
بصرخه لهــا تأثيــر فاعـل وقاتله

كسرناجدارالذل والقهروالسكوت
وصرنا بهـــــا امه قويـــه وفاعله

#ابوالفتــح_الجــــرادي
#إتحاد_الشعراء_والمنشدين

https://t.me/aboyahyaalshami

شعب واحد وطن واحد جنوبي شمالي
دم واحـد جسد واحـــــد جنـوب وشمال

وحدة الشعـــب خط احمر على الاحتالي
نار تحـــرق قــــوى العدوان والاحتــلال

دونهــا الموت فـي مجرا بطــون الاوالـي
ياتحالف بنــــي صهيــــون وابــــو عقال

مايمثل جنوب الشعــب خايـن مـوالـــي
خان شعبه وبــــاع ارضه لهــــم بريــــال

بســم شرعــية الدنبــــوع والانـــتـــقالي
قبل والان يدعـم مجـــلس الانـــفصـال

وحدة اومـوت لافعـــل البخيل الموالـــي
طبعنا الجود ذي نبذل وليــدي طـــــوال

لجلها كــــم بذلنا ارواح والــــدم غـــالــي
لجل هذا الوطن راحــــــو خيار الرجـــال

#ابوالفتــح_الجــــرادي

تابع المجاراة عن أهمية الصرخة وإعلان البراءة من أعداء الله وإظهار الموالاة لأولياء الله والمعاداة لأعداء الله.

البداية #فارس_المعزبي

ما أحوج الأرض للرحمه وغيث السما
ومــ احوج الناس للصرخه بهذا الزمان

بين التّولِّي لأهــــل الكُفْر والإنتما
وبين الاسلام أن نصرخ بوجه الكيان

ومَن صَمَت يُعتبَر من ضمنهم طالما
والصمت للكُفْر يعطيهم حزام الأمان

#أبوخارف_ابوشوصاء

يحتاجها الكل كالعطشان يحتاج ما
في الصرخه الحل للامه وفيها الضمان

تنهار منها عروش الي طغا وجرما
ايه جليه لكل الناس والحق بان

ومن صمت اوتهاون يبتلي بالعما
من ايد الكفر يبلى بالخزى والهوان

#ابو_يحيى_الشوكاني

 برق الكرامه على الاسلام قد خيما
من يوم دوا شعار الحق واعطا البيان

قال اصرخو ضد امريكا وبا تهزما
حكمه من الله لاترضو بذل وهوان

وتجسدت كل كلماته وما قدما
من هدي ربي واياته تجلى الامان

#ابوحرب_الفقيه

هاذا الشعار الابي للكفر بايعدما
وبا يجرع عدو الله كاس الهوان

شعارنا اصبح على الطاغوت سم ارقما
ولامركه من هتاف الشعب جاها الجنان

وذي عده بلشعار الحر متكلما
اقسم بعزت جلال الله انهَ جبان

#المنشد_مؤيد_التوهمي

لاما صرخنا بوجه_ الكفر يهل الحما
تاتي_عواقب وخيمة ذي سببها الهوان

اما نكون مثل_ حيدر او نكون مثلما
ذي با_يقولو ارينى يوم فات الاوان

لابد نرفع شعار الحق ولا فما
احنا رجال المغازي_يوم حان الطعان

#زيـاد_السنافـي

صرخه نزلزل بها عالم أصَم وَابكما
عالم مُنافق مُرائـي نذل هيّن جبان

تُحــرم عليـنا المذله يالغبي تُحرما
الى هنا بسّ يكفي ياسعودي جنان

هـاذا كـلامي..وِذي ماقد فهم يفهما
واللــه ما نـرتضي بالـذل والإرتهان

#الشاعر_متاش

ما باتقوم الحياة في الأرض من غير ماء
ولا هدى بايجي للناس من دون بيان

وفرق مابين(من يتولهم)و(إنما)
في الولاء والبراءة خير شاهد عيان

والصرخة اليوم تثبت للجميع كلما
قاله(حسين ابن بدرالدين )ذي ما استكان

#الشاعر_ابوحيدر_عامر

موقف جهادي حسيني حق برقه لمى
من كربلا الطف صعده ارهق شعور الكيان

شعار مبدى ثقافه راسخة إنتماء
صادق ولا لنبي وءاله للأمة امان

أقوى سلاح معجزاته من بديع السما
آيات تتلى امام اعيوننى كل اان

#الكرار_المشراقي

الله أكبر كتبناها بـــفيـــض الــدماء
والموت للامركه وكل طاغي جبان

صرخه جليه رفعها البدرحامي الحما
واليوم في كل بقعا نرددها بعزه وشان

ذي مارفــعها ولاتــبراء جــعلـه عـمى
يعيــش صاغرحقير ماله كـرامه مهان

#ابوالفتــح_الجــــرادي

طبيعة الحـق مـا يغـلب ولا يُـهزمــا
اذا ضعف عصرياتي عصر اخر وبان

وهاكـذا الحـق نوره زاح ليل اظلمــا
والباطل انهد واتحطم وذاق الهوان

#وضحى_الهمداني

الفرق واضح وضوح الشمس بكَبد السماء
من بعد ماصار الامريك بالعوى يُستهان

هذه براءة من اهل الشرك واهل العمى
وتكحّل اهل الرزانة بالهُدى والضمان

باذكارها المؤمنين يرموا وربي رمـــى
بايدي رجال المعارك والسنين الثمــان

#ابن_دغشر_الشومي

محال والشعب ينسى كل هذا الدما
محال بالله وعز الله لو الأمر كان

محال نسكت ونتخاذل لمن استما
يهود كافر على شعبي أصبح مدان

محال قلنا ورددنا وانت افهما
ولا نفهم أبايب جدك والوقت حان

#الشاعر_أبوعزام_الشامي

في صرخة الحق تجدد عزمنا في الدماء
ومــن تركــها يعيش العمر كله جبان

إحــنا مع الله وآل البيت نزيد إنتماء
وبالبرائه من الأعـداء وجـدنا الأمان

تحــرير الأقصى هدفنا بيننا قد نماء
والله لن نتــركه مـهـما يطول الزمان

#الشاعر_أحمد_الشريف_ابوفاطمة

بصرخة الله اكبر نرتقي للسماء
وكل مجرم ومستكبر يلاقي الهوان

نرعب بها كل مستكبر طغى وجرما
ونزلزل العرش الامريكي وعرش الكيان

صارت لنا برد في نيران تتضرما
وبها انتصرنا على كفار هذا الزمان

#أسـامـة_المـعبـاء

"الله أكبر" شعـار الحـق بـرقة لما
ذي زلزل الامـركة واذنابها والكيـان

لزوم هـاذا الشعار ان نرفعـه مثلما
رفعه بدر المسيرة يارجال من زمان

سلاحنا هو وموقفنا وصدق انتماء
من عام 2002الى السنيـن الثمان

#وسيم_الهبه

نرفع شعار البراءة ضد حلف الدما
كما رفعها حسين البدر بدر الزمان

ومن صمت او تخاذل بايصيبه عما
ويعيش عمرة بذله دائما وارتهان

قل للـذي مافهـم لابد ما يفهمـا
ان الشعار يارجال الله مصدر امان

#أبوصخر_الجوحمي

ابرز ثمار الشعار انه يزيل العما
يكشف لنا اعداءنا ونرتقي للعنان

ياذي على الصمت باقي لاتكن ابكما
واعلن ولاءك لآل البيت تلقى الجنان

#ابو_يحيى_الحارثي

مااجمل الغيث لا جا بعد طول الضما
واروى قلوب الخلايق انسها والجان

وياعون من هو على الغازين دّك الحما
يصرخ ويلعن ابايب خادمين  الكيان

#إتحاد_الشعراء_والمنشدين

https://t.me/aboyahyaalshami

ساعــــة الصفر دقت اتيه لامحاله
نحمــــد الله مولانا على كل حـال

كل طاغوـت متجبر نهـــايه زواله
قدخلا قبل من مثله وذاق الوبال

مانفـع مامع فرعون ملكه ومــاله
ناله الخزي والاخراعــذاب النكال

مثله الحلف لمريكي قريبٍ ينالـه
سنة الله من مـــا نـــال قبله ينال

من معاالله حاشا الله يُترك لحاله
لاولا خاب من والا عظيم الجلال

عزنــــاالله بـــــالمخـتارطها والــه
قادة الفلك منجامن بحور الضلال

شعب ليمان مؤمن امنـــو برسـاله
نصرة الحق مايبخل بدمـه ومــال

شعب مقدام شدةبأس قوة بساله
مهنةالحرب عاداته وخوض النزال

مقبرة كل متغطرس زحف لحتلاله
اراضه الموت من يبغا جهنم تعــال

نار لهوال من خان الوطن بالعمـاله
باع ارضه لغازيها وفـك المجـــــال

#ابوالفتــح_الجــــرادي

الله اكبــــر صرختي ياصعـالـــيك
احيابهـا واعــيش وامـوت وافخر

الموت يامــريكـا.مـع ذي يـواليـك
والمــوت لسرأئيـل تــــفى وتـقبـر

واللعنه اللعـنه بــمـاضـي وتـاليـك
على اليهــود وكــل باطــل ومنكـر

والنصــرللاسـلام رغم انف عاديك
الله وعـد والوعــد بـايــات صـــدر

ياصرختــــي هزي قصور المماليك
في.كـــل جمع  ومن على كل منبر

دكي عروش الكفر هدي مداميـك
من عاث طـغيـانه فسـاد وتجبــــر

امامها الطغـيان مــثـل السراميـك
حجمه ضهر بان الضعيف المصغر

كلمات يتـبعهــا محــلي وتسليــك
مد ان (Yamanللجووالبحروالبر

بين القـذائـف حاضره والبوازيـك
قبل الشضـايـــا تسبـق الله اكبـــر

مفعولها تحــديـد تنسيـق تحريـك
فاقت برصــداهدافها لنـج لختـــر

دقت خشوم اعـداهــا والمحـانيك
وقرن شيطان التحــــالف تكســــر

قريب يـامـريكـــا اللعينه نواريـك
الاثرا نــــار الجحــــــيم المـــسعر

#ابوالفتــح_الجــــرادي
#إتحاد_الشعراء_والمنشدين

https://t.me/aboyahyaalshami

تابع المجاراة عن الاحتشاد العظيم في ذكرى الصرخة.

البداية #حسن_المهدي

جـمـاهـير كـالـسيل الـعـرمرم نـفـيرنا
وفـي صرخة الحق الحناجر توحدت

تـحدد بـمشروع الـمصاحف مـصيرنا
مـسـيـره خـطـاها لـلـكرامه تـحـددت

الاقــصـى قـضـيـتنا وقـبـلة مـسـيرنا
ونـجتث غـده فـي فـلسطين عربدت

#أبـورمـاح_شـداد

صرخنا وكل الكــــون يرفع شعارنا
وفي صفنـــــا كل القبــايل توافدت

مــــع الله وابـن البدر حـدد مسارنا
بصرخـــــه قويـه من دمانا تعمدت

وبالموت لأمريكــــــا نوحّــد قرارنا
وبالموت لأسرائيل صرخه تجددت

#الشاعر_ابوجهاد_صبر

إلا سـاحـة التحشيد الاول صغيرنا
خرج يحيي الذكرئ ونفسه تحمدت

اسـود الـقـفـاره شحبت مـن زئيرنا
والابحار مـن تحشيدنا قد تجمدت

يقول الـزمـن مـافـي سجّله نظيرنا
تـورايـخـنـاء بالكشف حقه تعمدت

مواقف لها تـسـجـد ضماير جويرنا
والاجراح مـن تأثيرها قد تضمدت

#أبوصخر_الجوحمي

خرج شعبنا كله صغيره كبيرنا
وصرخة حسين البدر حنت وأرعدت

مع نهجك المنصور والله نصيرنا
وانصارك الاحرار. للدين. شيدت

وباننصح. المهفوف لاعاد يثيرنا
يطبق. شروط السلم ولا تجددت

#ابوالفتــح_الجــــرادي

هي اول شـــرارة عبـرة عن زفيرنا
وقـــوة تغيضنا للأحـــداث غيـرت

برأءه سلاح مـوقف مـؤثر بعصرنا
الأعدا بها اغتاضت وصاحت وعددت

ومـــن اجلـها شن التحـالف جويرنا
وزجـــة بــه امريكا ومـدت وساندت

#أسـامـة_المـعبـاء

فيالـق صغيــر القـوم يسبق كبيــرنا
الى ســاحة العزة جنــودآ تحشـدت

بصــرخة يحــدد محتــواها مسيـرنا
وهـزت عروش الكفر للحلف بددت

فســرنا ورب الكــون وحـده نصيرنا
على حلف الامـريكان والي تيهودت

#الشاعر_أبوعزام_الشامي

سنجــعل شـعـار الحق دومآ سفيرنا
رجال اليمن في الحق مايوم ترددت

مــع الله أعـــلــنــا جـمـيـعآ نـفـيــرنا
وبالأمــن والإيــمــان يــمنـا تـتوجت

إلــى الــقــدس نتحرك وربي نصيرنا
وأمــا قــوى الــشيطان مــنا تــبلدت

#الشاعر_عبدالكريم_الشمسي

على وجــــه هذي الأرض ما بـــه نظيرنا
سوى جمع يوم الحشر لا الواقعه ابتـدت

تسطَّع غـــــلاف الجــــــو شــــــدة زئيرنا
فمـا بالـــــكم ب-آذان شـــله تـــعـربـــدت

الى ما وراء القـــــــدس يوصل زفيــــرنا
وفي نارنـا إسرائـــــيل وامـــريك تأبـدت

#سامر_الضبي

على الله وحده امرنا اتكالنا
وما همنا امريكاء ولو هي تشددت

صرخنا ووجهنا وثارو رجالنا
على العز والناموس مايوم قصرت

الى القدس باذن الله سارت ركابنا
ولا خيب الله سعيها حين سيرت

#ابوحرب_العتب

خرجنا زمن ماحد خرج فيه غيرنا
صرخنا بصوت عالي والاعدا تهددت

مع الله تجندنا والله نصيرنا
والاعراب مع صهيون والامريك تجندت

ولكن رويدا يافلسطين زئيرنا
الى القدس متواصل قسم ماتيهودت

#الشاعر_محمد_علي_الجنيد

صرخنا وبالصرخه تحرر اسيرنا
ورمياتنا في روس الاعداء تسددت

ومثل الاسود نزئر ويصبح زئيرنا
قلق للكلاب الماكره ذي تشردت

وهيهات نتقبل ويقبل ضميرنا
بواشنطن اللي خانت العهد وافسدت

#ابو_يحيى_الحارثي

نفرنا بدرب الحق و"الله نصيرنا"
قلعناجذور الشر من حيث مابدت

لضو بايعين الدين داخل سعيرنا
وكامل دماهم فالشرائط تجمدت

صرخنا وبالصرخه فواتح مسيرنا
وكمت حشود وحشود منا تبددت

#الشاعر_ابوفاطمة_الشريف_ابو_فاطمة

من اللي قهر صهيون ومريك غيرنا
بصرخات منها رؤوسهم قد تصدعت

مع الله رب الكون وحدة نصيرنا
صرخنا بوجهُ اعداه حتا تزلزت
.
وقفنا امام الله وقفه تجيرنا
من النار وتزلزل قوى الكفر ذي طغت

#الشاعر_ابومجاهد_بجاش

تجاه القضيه باانحرك ضميرنا
وصرخاتنا في كل ساحه ترددت

ولبيك يالاقصئ ترقب مسيرنا
مع القايد المغوار رجاجيل حشدت

#ابوناصح_العزي

بعثنا الى العالم رسالة هديرنا
يشاهد ويسمع ما الجماهير رددت

يردد شعار الحق حتى صغيرنا
ومن منهل القرآن نفسه تزودت

مسيره بنهج الله احيت ضميرنا
الى القبله الاولى للنظار وجهت

#الشاعر_ابوسجاد_حمزة

صــرخه تـعلمـنا مبـادئ مـصـيرنـا
في يوم ذكـراها الجمـاهيـر عمدت

صـغـيرنا يقـدح شـرر مـن كبـيـرنـا
أفـواج لاوسـط الـمـيادين وردت

حـشـود مششـتاقه لسـاعـة نفـيـرنـا
من أجل فتح القدس ثارت وعاهدت

#ابوحسين_الشبيطي

خرجنا  الئ الساحات  نرفع  زئيرنا
ونعلن  برائتنا  من  اللي  تيهودت

رفعنا   شعار الحق   محيي ضميرنا
ومنه  قوئ أمريكا من ارضي تشردت

جنينا   ثمار  النصر  والله. نصيرنا
طوينا صفاح الماضي اللي تسودت

#جبريل_الخدري

مـع •اللّــہ‌ بانصــرخ ونعلـن نفيــرنا
وصرخة حسين البدر للكـون اكـدت

الى البيت الابيض بانواصل مسيرنا
وننهي جذور اليهوده بعدما افسدت

علـّۓ. العهــد مـا زلنا وربــي نصيـرنا
بمحور مجاهـــد والقضيه توحــدت

#إتحاد_الشعراء_والمنشدين

https://t.me/aboyahyaalshami

تابع المجاراة عن الغضب الشعبي من الهدنه المزعومه.

البداية #ابومنار_العشي

هدنة العدوان طالت على الفاضي
يدّعوها واجندتهم تناقضها

والله انها باتت اجزاء من الماضي
وإن ذي ما قد رفضها معارضها

طالما والخصم يشتي يقع قاضي
المسيّر با تغادر مرابضها

#أبوحسين_العصري

ذي يحسب ارضنا لقمة القاضي
والجزر حقنا يشتي يعضعضها

با يجي له مننا غد مكراضي
والمصافي قدس والبركان ينفضها

اليمن موت للعدوان عركاضي
و أنفس الغازي عدو الله نقبضها

#الكرار_الجبر

احلف لكم بالله وانا واضي
ماشي سوا التصعيد يفرضها

هم يطلبوها لكسب الوقت واغراضي
ضيع حلاها كثر حامضها

ياعاطفي قرح ابوها الحشا لا ضي
قد ابطل الهدنة زيادة نواقضها

#الشاعر_ابومواهب_الاحمدي

عادني لا الن صابر ومتغاضي
والقياده عادها ذي تفاوضها

والقسم مليون مره ونا واضي
بدنقي ضاقت ولازلت قابضها

لاتشارع لاغريمك هو القاضي
لو تشوف الضاريه في مرابضها

#أبوعزام_الشامي

أيش من هدنه وأيش من كلام فاضي
لــكــن أنصار ربي با تــعــوضـهـا

بدر بركــان صــمــاد ينسف الـقــاضي
ينهي الحرب مع من كان فارضها

الــسعــودي عــدو الآن وفي الماضي
والــيــمــن من يقــررها ويرفضها

#الشاعر_ابو_اسامه_الشنيفي

زاد كيده وزاد الطول عرّاضي
حرب بارد وبالهدنه يقايضها

شرطنا متزن من دون كرّاضي
يرفع الحضر وبلادي يعوضها

والقسم بالله قلته وانا واضي
بعد هذا اليوم لالن نفاوضها

#ابوكنعان_الروس

ماتزال جثة ابني تحت انقااضي..
واكبر جرايم بحق الشعب يعرضها

وين دم الشهيد ياكل متغاضي..
ها سود الله وجيهه كنا نبيضها

#ابـوشامخ_المهدي

قـالو لي الـناس الـذهـب حاضـي
واسـعـارها زايـده تـمـارضـهـا

والـيوم قـد راح عـمري على الفاضي
والـهدنـه اليـوم مـسـدوده مفـارضها

والله والله مـافـعـل الـهدن مـاضـي
لـو طارت الـنفـس والـكـفين قـابضـها

#ابوسياف_البيحاني

يا دماء الأطفال ذي تحت الانقاضي
كل هدنه تبطي الحل نرفضها

#ابوالفتــح_الجــــرادي

طال كذب التحـالف ليـله الغاضـي
هدنة الزيف والمبعـوث يعرضها

صبرنا طال عن حده نفح حــاضي
والغضب سيل ماقـدام يركضهــــا

اخطر العيش في بحبوحة العاضي
ودم الاعضاض ماحيله يعوضهــــا

#أبوصخر_الجوحمي

شعبنا جاهز وطاهر وهو واضي
منتظر يسمع من اعداه ينقضها

كل اقوال الامم هو كلام فاضي
هو من امريكا وهي من تحرضها

ننصح المهفوف يتذكر الماضي
عاد به اشياء مش وقت نعرضها

#الشاعر_ابوجهاد_صبر

اليمن فـي خـيـر ياكُـل الأمـراضي
شـامـخـه رغـمـاً عـلى انف باغضها

دام والهدنه بتشرب من احواضي
بُد تـطـعـم مُـر ارضـي وحـامـضها

يا يـمـن مادام كـيّـرك لـهُـم لاضي
كـل دولــه تـجـهـلـك لا تـفـاوضها

#الشاعر_ابوسجاد_حمزة

الشعب غاضب خرج من بين الانقاضي
وعيشت الذل طلقها ويرفضها

وهدنه الكذب مزعومه بالانهاضي
قد أدرك الشعب مسلكها ومنهضها

وأشروطنا واضحه اذا الخصم متغاضي
ضرباتنا با تصحيها وتيقضها

#إتحاد_الشعراء_والمنشدين

https://t.me/aboyahyaalshami

تابع المجاراة عن الدورات الصيفية واهميتها في تحصين الاجيال بالثقافة القرآنية

البداية #ضيف_الله_سلمان

يا جيل متحصن بهدي القرآن
اشمخ براسك بين كل الاجيال

مادام وسلاحك سلاح الايمان
با يوقف العالَم امامك إجلال..

يا خير شَاهِد من(وصيّة لقمان)
ويا مَثَل جَسّدْ...(وتلك الامثال)!!

ب(بينات من الهدى والفرقان)
ونفوس ماتقبل حياة الإذلال..

انتو رجال المرحلة والميدان
ميدانكم يا كل مؤمن فعّال..

#ابوناصح_العزي

ياجيل  قرآني بحكمه وايمان
قاده قرين الذكر  سيد الاشبال

يحفظ،كتاب الله نطق وإتقان
ويطبق الايات  قول وافعال

بكم يعم الدين كل الاوطان
ونزيل  كبر الطاغيه  والدجال

#ابوالفتــح_الجــــرادي

في موطن الحكمه وشعب الايمان
مالا خطر ياحفاد خيبر في بــــال

طوفـان متفـجـــر شظايـا بركـــان
اجيال تسقيكم جحيـم الاهــــوال

مطعفريــن الجـــن وام الصبيــــان
ومحو امريكا المسيخ الدجــــــال

#ابوهادي_عقاب

من (ن)والقلم وايات الفرقان
وعلم وجهاد المراكز شغال

اجيالنا تنهل علوم القران
وعي وبصيره والتقدم لازال

والتجربه هي خيرشاهدبرهان
تحصين افكار ومشاعراطفال

به شعبنا قدجاهد اكبر عدوان
وحروب ناعم والفتن والاضلال

#الشاعر_ابوجهاد_صبر

تعليم مــن سـورة سـبـأ والرحمٰن
والــفـاتـحـه والـمـائـده والانـفـال

والـغـاشـيـه والـواقـعـه والدُخـان
والـرعد والتوبه (لـكُـل) الاشـبـال

شـعب اليمن ثـقّـف بـكُـل الإمكان
اشـبـال (تحذوا حـذؤ) طـه والأل

تـسـلـيـمـهـم مطلق لأل الـعـدنـان
(وموالـيـيـن) الله بـكـل الأعـمـال

اجـيـالـنا هم فـخـر ديرة قحطان
وفـخـر يحصب والـحـضـاره أزال

#الشاعر_عزيز_الردماني

يا مرحبا بالقافيه والقيفان.
وبشاعر اتولى محمد والآل.

العلم والقرآن حصن وسلطان.
وقول ربي فوق كل الأقوال.

هدى يفند كل زور وبهتان.
ويكشف الفكر الدخيل المحتال.

ولا قلق دام ابن بدر الربان..
القافله تعرف عصاة الجمال.

بايسجد الشيطان وابنا الشيطان.
بإذن رب العالمين المتعال

#الشاعر_أمين_الحارثي

قرّب زمان الموت للامريكان
ياويلها من جيل قادم وصال

ماسك بحبلك ياقوي يامنان
ثابت على منهاج طاها والآل

شلت منامه طايرات العدوان
واليوم يرسل للطغاه الاجال

باول قذيفه ارعدت من مران
ولى زمان الهيمنه والإذلال

#محمود_الجنيد

انـــا اشهد ان انتو امل كل انسان
تخشـــاكــم امـريكاء وكل الأذيال

انتم عصى موسى بأرض الميدان
(لــلــه در )ابــائــكــم مـــن أشبـال

فـيكـم علـي حيدر وفيكم حسان
ياجيــل بـاينهض بكــل الأجيـــال

#هادي_حسين_الرزامي

الله اكبر صرختي في الشيطان
والجيل هذا من خيار الأجيال

يحمل على اكتافه لواء القرآن
والبندقيه والجعب والأثقال

يذود عن دينه بعزم وإيمان
وباينكل بالتحالف نكال

تحرير لاقصى أو حماية لوطان
على يديهم دام فيهم اقبال

من عاش فينا بايرى بالاعيان
الجيل هذا في المعارك زلزال

#عبدالله_العباد

انتم صباح الحرية للاوطان
عز الشعوب من بعد عيش الاذال

راهن عليكم سيدي من مران
وتباهت الدنيا بكم يا ابطال

ضيفوا الى مجد الاوائل عنوان
مع النبي انصار وانصار الآل

هذا السنة قامة قيامة سلمان
وامريك واسرائيل بتشوف الاهوال

والخوف مستحوذ عليهم للان
من جيل قادم منتجته الانفال

#شداد_حميد

جيل الـمراكز نـور نـهجه قـد بـان
وب انـتـشاره والـتـوسع مــا زال

يـحـمل رسـالـه بـثـها مــن مـران
الـسـيـد الـقـائـد وتـــم الارســـال

نــص الـرسـاله مـن كـلام الـديان
عـلـى شـعـوب الـعالم الاسـتقبال

مـسـارهـا قـــد بــان لا حــد الان
ب التضحيه والبذل والاستبسال

فـلـتفرحي يـا قـدس لا لـلاحزان
واستبشري جيل المسيره وصال

#عزالدين_جحاف

الحمدلله حمد يملا الأكوان
على الأسود اللي تربي الأشبال

(الصيفية )مصنع لأعظم فتيان
تضرب بهم بين العباد الأمثال

متسلحين بالعلم تبني الأوطان
وتجاهد الطاغوت بكل استبسال

متثقفين متنورين بالقرآن
على يديهم يصلح الله الأحوال

#الاشتر_المحمدي

يامن تحسب نفسك انك فهمان
في كل مايجري وكل  الاحوال

العلم  يحفض  ديننا .والأوطان
والوقت هذا وقت علم الاشبال

مانحسبه تضييع  او لا خسران
والعلم اقدام من جميع الاموال

ومن  درس ايات _ربي كسبان
وطابق اقواله _بخير _الاعمال

يفوز في الدنياء وفوز الرضوان
وتزيح من فوقه جميع الاثقال

#أخت_شهداء_البكالي

امشي على نهج النبي العدنان
واطلق عنان الفكر واصنع امال

بالعلم يرقى سلمك في الايمان
وجهاد ينهي كل باغي ميال

وشعارنا ذي كان داخل مران
اصبح يطوف اليوم كل الاميال

#إتحاد_الشعراء_والمنشدين

https://t.me/aboyahyaalshami

المجاراة عن النظام السعودي يرتكب جريمة بإعدام البحرينيين.

البداية #الشاعر_أبوعساف

‏شيعة البحرين منا وفينا
والعدو واحد جماعة يزيد

نصرة المظلوم واجب علينا
لو فديناهم بدم الوريد

#ماجد_المطري

شيعـة البحرين أخوه لدينــــــــا
هم كما احنا احرار ماهم عبيـــد

مــــن تعداهـــم تعـــدى علينـــــا
يـجـمـع الأحـرار مـوقـف سـديـد

#عبدالواسع_صايل_الغولي

عهد لاتباع الوصي ماحيينا
عن طريق الحق ما بانحيد

والله ان الخوف مايعترينا
نحن ذي قوة وبأسً شديد

#يحيى_الوحيشي

كلنا في خندق المؤمنينا..
ضد كيان العدو والعبيد..

شيعة آل البيت ما با نلينا..
لو سقط في كل لحضة شهيد ..

#الشاعر_ناصر_جبران

طالما البحرين مِنّا وفينا
يافِدَا يارَدع قُم ياحديد

قُل لِذِي ما مِثْل جُرمِه لِقِينا
ياغضَب ماقام ياكَم يبيد

عَد لنا شدَّه تِصَلّي علينا
كلّما زاد السّعودي نزيد

يارجال العزم فيما عُنِينَا
ماتِخَاذَلنا وَلَا احنا عَبِيد

#حمزة_الحيمي

كامل الاحرار منّا وفينا
طالما رونا الخلاص الوحيد

نصر ربي بايجي من صلينا
قلهم والوعد حتمي أكيد

#شمسان_العموش

ما نسينا اخواننا ما نسينا
دامها تجري دماء في الوريد

رغم عدوان التحالف علينا
فالثقة بالله منهج سديد

#ابوعبدالله_الحشحوش

بالعماله والدنق قابتلينا
بس ربي يفعل الي يريد

دام والله ذي رما لارمينا
والسعير تقول هل من مزيد

#شهاب_المتوكل

لعن ابو الطغيان ذي قد رأينا
فيش يالبحرين من ذا البليد

يعدم الاحرار لنه يقينا
عبدلاسرائيل بين العبيد

#ابوبدر_ذيبان

مانتهينا عادنا الا بدينا
الحكم ربي وله مايريد

ما نفلت ثارنا لو فنينا
والعزيمه والاراده حديد

#سجاد_نشوان

حيركم يـ انذال عـ المسلمينا
ماعـلى اسرائيل مـثل العبيد

اتـركو هولاء وجيـتو صلينا
واللقاء لنتو رجال فـ الخديد

#ناجي_محسن_المحجري

طبعنا دايم لمن ينتخينا
ننصره لوسار كمن شهيد

يبشر المظلوم بالنصر جينا
والرجال ذي صادقين الوعيد

#ابوناصح_العزي

يا نظام اسعود ماقد نسينا
الجرايم في سجلك تزيد

نصرة الشيعه مروه ودينا
في سبيل الله واجب اكيد

#الشاعر_عبدالكريم_الشمسي

شيعة البحرين فيكم وفينا
كربلاء عادت بشكلن جديد

لا خيار إلا خيار الحسينَ
اصرخوا هيهات نحيى عبيد

#ابوكنعان_الروس

احتزم وشتد يامنتخينا..
جيش ابو جبريل قادم أكيد

من تجاهلنا امامه لقينا..
حاضرين با القرب محنا بعيد

يعرف العالم بنا لاغزينا..
من بلاك ووتر مع الجنجويد

#عبدالكريم_ناصر_الحنيه

الكرامه دونها ما بقينا
نرفض المنكر ولا بانحيد

ننصر المظلوم لو ما حيينا
كل ظالم له عذابً شديد

#الشاعر_رايد_الخمري

ياصخب قل للعدو ما انحنينا
كلنـا شعبـين مثـل الحـديد

شامخـين الـروس والله ولـينا
وشيـعة البـحـرين دم الـوريد

#أبوصياد_الغمري

صعب بانصمت على مارئينا
هـــــكذا طبعه يمنا السعيد

كـــل ضالم بايرى من يدينا
الفناء القاتـل وباس الحديد

#ابوحرب_الفقيه

ياتحالف نجد وعداً علينا
لنّظام السعوده ان نبيد

هو نظام الشر عبر السنينا
فلمشاكل حاز اكثر رصيد

#الشاعر_يوسف_الحداد_ابوحيدر

بشر الملعون و ابن اللذينا
بطشنا من بصش ربي شديد

ردنا قاسي على من كوينا
يرعد الدنيا عليهم رعيد

#مختار_البحري

اتضح حقد اليهود الدفينا
والله اعلم ويش به من جديد

يحاربوا الاحرار والمؤمنينا
عاد ولد اهشام وانصار زيد

#عبدالله_محسن_جحاف

خاسر ابن اسعود دنيا ودينا
بشروه ابنار ذات الوقيد

نصرة المظلوم واجب علينا
حرب حمرا تشتعل من جديد

#الكرار_الجبر

كلما اجرم يزدنا يقينا
اننا في نهج دايم سديد

كلنا شيعة ولن نستكينا
بإذن ربي والعزايم حديد

#ابوالفتــح_الجــــرادي

مايـجـي فيهم كأنه عــلينا
رابط الـــدم امتزج فالوريد

مانسينا ياعيـــال الـذينــــا
جرمكم ياحلف قرن المريد

#ابو_يحيى_الحارثي

ماتركنا دمكم لـ ابن الذينا
والقسم بالله خلاق العبيد

عار نـــتركم ولو ما حيينا
لو يجف الدم ذي بالوريد

#أسـامـة_المـعبـاء

نصرة المظلوم فطرة لدينا
طبعنــا هاذا ولا با نحيــد

كلنـا اخـوه ومن قـد اذينا
نتحـد ضـده وربي عضيد

#ابوحرب_العتب

با نخذ بالثأر لو ما بقينا
من يمن الإيمان بأسي شديد

شيعة الكرار هم مصطفينا
بالشهاده كل قائد شهيد

#الشاعر_ابوسجاد_حمزة

ياقرون ابليس نقسم يمينا
مانساوم في دماء الشهيد

نصرة البحرين واجب علينا
مثل ماننصر يمنا المجيد

#محمد_هادي_المؤيد

قول لبن اسعود يبسر صلينا
أو يـنـاظـرنـا ولـو مـن بعيـد

ما قـبـلـنا الـظـلـم ولا رضينا
كيف باتسكت أولو البأس الشديد

#الشاعر_محمد_علي_الجنيد

مانسينا والقسم مانسينا
كل قطره من دماءالشهيد

في سبيل الله ثرنا وجينا
ننصف المظلوم ياكل جيد

#إتحاد_الشعراء_والمنشدين

https://t.me/aboyahyaalshami