المجاراة نعي لفاجعة فقدان هامه وطنيه جهاديه من السابقين الأولين الشاعر المجاهد رياض الصايدي من عاش عمره في مواجهة الباطل وسخر مفرداته الجهاديه لأزهاق باطل أعداء الله...
إنا لله وإنا اليه راجعون

البداية #ابورواسي_أرحب

عظم الله أجرنا في رياض الصايدي
وأحسن الباري عزا جبهة أقلام القصيد

خيرمن به كل شاعر مجاهد يقتدي..
الفقيد الي نعئ موته القول السديد

#صقر_اللاحجي

كان لـــه مـــوقف جـــهادي بوجه المعتــدي
واشهد ان من مات في الحق له اجر الشهيد

العـزاء بعـــده علـــى ما اعتقــــد بايبتـــدي
يوم في بيتـــه ويومين في بيت القصيـــد

#نشوان_الغولي

يا سند ظهري و رزحي و قوة ساعدي.
يا وزى من عاش في قفرة الدنيا وحيد.

من يطول الصيد من بعد مرمى (الصايدي).
يا حسافة كل رامي رجع بعده طريد.

#عاقل_بن_صبر

يا رياض الخلد حيي رياض الصايدي
اشهد ان فقده خساره وتاريخه مجيد

فدوه الغالي← لو الأمر هذا في يدي
لكن ( امر الله ) نافذ على ما هو يريد

#بندر_السقاف

اشهد ان فقدك خساره وربي شاهدي
لاكن المكتوب للخلق ماعنه محيد

لاكن اسمك عبر الاجيال يبقى خالدي
في جبين الدهر دورك وتاريخك مجيد

#امين_التركي

السخي ابن السخي صاحب الكف الندي
ذي بموته صدر الاشعــــــار يتوقد وقيد

رحمة الله تبلغــــــك يا وجعنا السرمدي
نلمسه من يـــوم موتك الى يوم الوعيد

#يحيى_الوحيشي

نسألك يالله بجاه ابن طه سيدي..
ترحم ابن الصايدي وكتبه عندك شهيد..

والله ان العلم سقّط فطوري من يدي..
وانهمر دمعي و وقف دمي ذي في الوريد.

#علي_داشع

والله انها فاجعه والحشاء يتوقـدي
غيمت لـ احزان وامزانها ترعد رعيد

يرحم الله الولي التـــقي الزاهــــدي
ذي بفُقده ذابت اقلوبنا ذوب الجليد

#حمزة_الحيمي

عظم الله اجر شعبي واجرك قايدي
في من اتوفى على النهج نفسه والصعيد

عوّض الله جبهة الشعر بعد الصايدي
واسألك يارب تُحسن عزانا فـِ الفـقـيـد

جريح الحرب#رفيق_زرعان

يالوحيشي يابن سلمان يابن الزايدي
شاركوني في رثائي لمن مجده تليد

فرقة الاحرار يا اصحابنا مش عايدي
فرق شاسع بين قلعه وقريه ف الصعيد

اشهد ان الصايدي كان مؤمن صامدي
واجه الاعداء بالنار وابيات القصيد

#الشاعر_امين_الحارثي

يارياض الخلد حفي رياض الصايدي
المجاهد ذي لقا الله في ثوب الشهيد

والحروف الي غرزها بنحر المعتدي
كلما حنت لذكراك تبعث من جديد

#ابوصالح_العملسي

يا الحروف الأبــجدية مع الفكر اسجدي
قدر في داخــل مـحـاريب رواد القصيد

شـــيعي مــعنا المجاهد رياض الصايدي
ورثي ال الـصايدي بسم همدان ابن زيد

#عابد_المدم

يستحق الصايدي تعزيه من سيدي...
سجله ياضيف سلمان شاعرنا الشهيد...

صايد القيفان صياد راس المعتدي..
أشهد أنه جيد بن جيد لا حد قال جيد..

#صالح_حسين

ياحروفى الراثيه ياخفوقي اتوجدي
وجد من فارق خويه وهو باقي وحيد

في رياض الصايدي يالحزون اتجددي
عظم الله اجرنا واقبله يالله شهيد

#وليد_الضويني

اشهد ان فرقاه ماهو علينا عايدي
حطم اركان الفرايد رحيله بالاكيد

وعقب موته نار صدري قصايدي
ذوبت ابيات حزني فولاذ وحديد

#امين_الراجحي

اعلني ياقافيه للحداد واتنهدي
عن فراق الشاعر الفذ والقول السديد

الف رحمة يارياض لك وبك بانقتدي
في قوافي سغتها توقد الحبهه وقيد

#ابوحيدر_الراشدي

يا حروف الشعــــر واسي وعزي قايدي
في رياض الشاعر الشهم والقرم الفريد

والتعازي لليمن واســــــرة ال الصايدي
عظم الله اجر شعبي على نجم القصيد

#قاسم_السقاف

نسال الله يسكنه فالنعيم يخلدي
الرحيم الوالي القادر الفرد المجيد

جبهة الميدان والشعر له باتشهدي
عظم الله اجر اهله وجمهور الفقيد

#الشاعر_ماجد_عذري

كانت ابياته تزلزل قصور المعتدي
له في الميدان صوله وله اكبر رصيد

تعجزابياتي وتعجز على وصفه يدي
اختصرها ابو رواسي وماقاله اكيد

#الشاعر_ابو_حمزة_ماجد_نشير

احشدي يالقافيه كل حرفاً واشهدي
في قصيدي واجعلي حبرها دم الوريد

ان رياض الصايدي هز عرش المعتدي
ابحروفه ذي تزلزل وذي ترعد رعيد

#جميل_جعفر_ابوشامخ

للتعزيه هيا اكتبي هيا اكتبيها يا يدي
رب السماء يرحم رياض الله يرحم للفقيد

هذا الذي جاهد بهاجوسه وصـدّ المعتدي
وكان شاعر متزن واعي ومتخلق رشيد

#مختار_البحري

شهيد مؤمن حيدري للمسيرة مهتدي
اشهد ان فقدة يحطم قريبة والبعيد

من عميق الجرح برفع إلئ الباري يدي
يرحم الشاعر رياض يقبله ربي شهيد

#ابوخالد_وليد_اللموت

في جنان الخلد يالصايدي طاهر ندي
شاعرمجاهد وله عند ربي مايريد

علم فاجع موتك اليوم زميلي وشهدي
من فراقك عمنا الحزن من علماً كويد

#ناديه_السقطي

رحمة الله الواسعة من إلهي وسيــدي
ترحم الشاعر رياض جبهة الشعر الاكيد

من قوافيه كم وكم غاض حلف المعتدي
جعل مثواك يارياض في رياض الله المجيد

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان الذكرى السنوية الأولى لرحيل الشاعر المجاهد #رياض_علي_ناصر_الصايدي رحمة الله تغشاه واسكنه فسيح جناته.

البداية #أبورواسي_أرحب

عز الله إن الصايدي حي مامات
لكنها زادت سنه في حياته

شهورها قيفان وأيامها أبيات
أحيى بها ذات القصايد وذاته

وشعرنا لليوم والأمس ذي فات
مازال كله وحي من مفرداته

#حمزة_الحيمي

للمؤمن الحر المجاهد كرامات
يتجاوز الرحـمان عـن سـيئـاته

وتضل بصماته شواهد واثبات
من فضل ربي له جزا تضحياته

والصايدي من له مع الله وقفات
من بغمته متسطره مـن شـفـاته

#الشاعر_عقيل_الحسني

انا اشهد له في ربى الشعر بصمات
وهاجسه عايش ولا اعلن وفاته

دايم حروفه في جميع المجالات
من يوم فارقنا وطيلت حياته

صيته يفوق الشماخات المنيعات
والكل يستذكر مكارم صفاته

#الشاعر_منيف_ثعيل

كيف أرثي الإبداع في البحر ذي مات ؟
والشعر  ما يرثي مصابه بذاته

الصايدي ليث الأدب والمهمات
اليوم يحيينا بذكرى وفاته

أحيا بقيفانه قصايد وفيات
تروي لنا قصة وسيرة حياته

لا زال هاجوسه يخوض اشتباكات
ويعلم أهل الشعر من مفرداته

#ماجد_المطري

يا رب عبدك بعد رحلة عطا مات
أدعيك ياذي ماتعد أعطياته

ترفع رياض الصايدي ف المقامات
وفي رياض الخلد تبعث رفاته

مع النبي والآل واهل الكرامات
بالفوز والرضوان يلقى امنياته

#رامي_السوداني

ذكرى صداها حزن قاسي واهات
للمحتوى الشعري على معجزاته

رياض بأقواله رسمنا مسارات
واتبرهن المطلوب من معطياته

الله يجعل مسكنه بين جنات
نعيمها دايم وطيب نباته

جريح الحرب#رفيق_زرعان

صداه يرعد فوق ميناء إيلات
يجسد التنكيل باسمى لغاته

الصايدي روح الجمل والعبارات
كل القيم مستوطنه في رياته

إلى رياض الخلد دار الكرامات
قد نال رضوانه معا طيباته

#الشاعر_عبدالحكيم_ابوهاشم

مهما مدحنا الصايدي في عبارات
ما با نفي حقه ونكمل صفاته

سخر حياته في جميع المجالات
تشهد له افعاله على مفرداته

بدايتـه دلت عليها النهايـات
تاج الشهاده كان اعز امنياته

#بدر_الكهالي

مامات من حرفه يهزه الولايات
ويقلق أهل الخُبث طيب صفاته

رياض روضة شاعرية وواحات
من الجــزل والمفـردة معجزاته

مازال حي الصايدي في الصدارات
ينبوع شعري نستقي من فراته

#ابوليث_المحضار ..

قالوا بأن الجيد لا مات مامات
ولا التراب يحول عن منجزاته..

ورياض باقي كلمته بيننا اثبات
يحيي بها امه وهو في وفاته..

#علي_حشفول_الهلالي

اي والله انه كان رجل المهمات
جسد معاني المرجله في صفاته

رياض منهج من عظيم العبارات
رياض واقع قد رسم معطياته

ابشرك يالشاعر المجد ما مات
واسمك على الاعداء يسوي سواته

يردد البركان من ساحل ايلات
الله ذي سدد لنيل امنياته

#امجد_الصانع

رياض تعجز في وصوفه الابيـــات
تشهد له اليوم بالاباء منجزاتـــــــه

رسم بصبره في سماء العز لوحات
عزيز حر ما انذل ابد في حياتـــــه

معروف في كل الظروف والملمات
فينا تخــلد خالــــــده ذكرياتـــــــه

#زياد_السنافي

ازكى سلام الله وطيب تحيّات
على رياض الشِّعر وازكى صلاته

شاعر وشعره هز عرش الولايات
وفي سبيل الله قضّى حياته

في حضرته تعجز جميع العبارات
يالله في الفردوس تجعل مباته

#خليل_قابيل

رحيله اوجعنا ورب السماوت
ان الوجع لازال يروي صفاته

قلوبنا من بعد موته وجيعات
لليوم هذا ما نسينا سماته

عليه من شعب الصمود التحيات
وافضل سلام الله وازكى صلاته

#مرتضى_شريف

مـــا ميت إلا ميت الذِكـــر لا مات
ما الصايدي ما زال عايش حياته

يساير الواقع إلــى اليوم بـ أبيات
تنفي خبر موتـــه وتثبت بَقَاتـــه

إعلي مقامه يــــــا إله السماوات
ذي كان الإستشهاد أعـز أمنياته

#الشاعر_ابوجهاد_صبر

من الولاء عٓبّاء رياض استمارات
ومــن هـدئ الرحمن يـمّم صفاته

ذاك الذي بـالأمس داس الإمارات
وداس راس السعوده فـي حذاته

والـيـوم قوله مرّغ انف الولايات
وزامـلـه قـد نــال مــنــهــا كفاته

#محمد_ابوالعز

ياحي في صرح الدواوين ما مات
خلد علێ شم الصوافح حياته

لا مر ذكره تنحني صدر الابيات
و عجزها يسجد مع ذكرياته

الصايدي خيّال رمز البطولات
حارت بنات الفكر ترسم سماته

#ابوحمزه_المقاش

الـصايدي لا زال في الـواقـع آيـات
وعـاد لـه ذكـرى بـمـجـرى حـياتـه

فيـنـا تـرك نـبـض الـكرامات وسمـات
نـمـوت نـحـيـا لا ذكـرنـا صـفـاتـه

ريـاض فـخـر الـشعـر طـيب المجارات
اسـمـه سـمـو الـمـجـد نـال امنـيـاتـه

#الشاعر_عماد_قيرح

ذكراك عادت يارياض الثقافات
والشعر في مثواك أدا صلاته

مفعول شعرك مثل مفعول دانات
ونال منها الحلف الارعن كفاته

صلت عليك المفردات الجزيلات
يالشاعر اللي شعره اردى غُزاته

#اتحاد_الشعراء_والمنشدين

https://t.me/aboyahyaalshami

المجاراة بعنوان قادمون في العام العاشر للصمود

البداية #أبوعساف

‏تـاسع سنة مرت وجات العاشرة
وأحنا بنفس المعنوية والصمود

شعب أنتصر تحت الظروف القاهرة
لا يـمـكـنـه لــمـربـع الذلة يعود

اليوم يتحدى الجيوش الكافرة
يـقـاتل الـطاغوت وأذناب اليهود

#ضيف_الله_سلمان

الشعب واعي والقيادة طاهرة
والنصر وعد الله واحنا له جنود

وفوق واشنطن تدور الدايرة
كما حصل في قوم نوح وقوم هود

با ندخل الاقصى بوعد الاخرة
فينا ثقة بالله ما معها حدود..

#منصور_الحراسي

كلمه قصيره يا القوى المتآمرة
يشهد علينا الله والعالم شهود

صمودنا والمعنوية وافرة
وإحنا بأمر الله للسيد جنود

كل القوى في حرب شعبي خاسرة
والحرب تعرفنا من ايام الجدود

#ابوليث_المحضار ..

عاشر سنه بمواجهات مباشرة
اهل اليمن ضد النصارى واليهود..

ماشي نفاق .. اسلاميه او كافره
والنصر للاسلام ياصدق الوعود..

#فارس_المعزبي

احنا الجبال الراسيه والصابـره
احنا الوجود العالمي فوق الوجود

لنــا صمــود الاولـه والأخـره
لنــا مـع اللـه المثوبـه والوعـود

ودورنـــا ذي بالمســرّه عامـــره
تقول ليت التسع مافيها حــدود

#ابوفتح_الجرادي

ماقـــــوة الاقــوة الله قــــاهـرة
من عزنا وافشل مشاريع اليهود

الحــمد له فـي الاولة والأخــــرة
المطّـلع سبحـانـة الفــرد الودود

من سدد اهداف الطوال العابرة
ومدنـا بالعـــــون منة والصمـود

#ابواياد_المطري

تاسع سنه وآيات ربي حاضره
في شعب يقهر كل قوّه بالصمود

عشرين دوله تُقتله وتحاصره
والله يشهد والبشر كُلها شهود

برغم ذلك صار قوّه ظاهره
وصار للإسلام كلّه كـ العمود

#الشاعر_علي_الغماري

احنا اليمن فينا شجاعه نـــادره
مامثلنا مخلوق في هذا الوجـود

اعوام تسعه والمتارس باغـــــره
من دم بنيامين وابنا بن سعـــود

واليوم الاحمر بحر دم الباخـــره
لُنصرة الاقصى ولا كافر يعــــود

#ابوحيدر_الراشدي

العاشــــــــــــره ما بعدها الا الناشره
والفتــح والتمكين وتصديق الوعود

شدوا حزمكـــم يا القرون العاصره
واسعوا لتفكيك المصاعب والقيود

يـوم الصمود المعنـــــــوية حاضره
ولا نبـــــــــــالي بالمنـافق والحقود

#ضيف_الله_هجوان

لابد من سحق الشعوب الفاجرة
والنصر قادم والعوافي باتعود

بسم الله اسرجنا الخيول الضامرة
حييت ياشعب النماره والاسود

ماحنا من اصحاب العزوم الفاتره
مثل الاماراتي وجحش ابناء سعود

#حمزة_الحيمي

مشروع قرآني وقاده حاضره
لمعركة ل قصى وتحقيق الوعود

وشـعـب مـتـولي امـوره سابره
لا وين ما وجه له الـقايد يذود

أئمة الكفر اصبحت في دايـرة
ولا على شعب النبي والآل زود

#حسين_شرويد

يا القاهره قوات ربي قاهره
غزه وصنعا من غزاها ما يعود

لو في يديها نفخ صور الاخره
لا تنفخه من ما اُرهِقُت منّا صعود

كما نكس ربيْ الايادي الغادره
لا شك باينكس على ايدينا اليهود

#بندر_السقاف

قدها يمن عظما وقوه قاهره
بقوة القهار . والعالم شهود

وكل أللآمم بقيادته متفاخره
وآمالها في من عن الامه يذود

باتخنع امريكا ذليله صاغره
ومن بجانبها على هذا الوجود

#جميل_ابوقاسم

صمود اسطوري بحمكة نادرة
حتى فشل كيد المنافق والحقود

والشعب قال الاوله والاخرة
والله مايبقى يهودي فالوجود

والشكر لصحاب العيون الساهرة
ذي فاالحدود من اجل موطنها تذود

#ابوصالح_العملسي

عاد الـمجــــازر كـلــــها في الذاكره
لا تحسب ان الحق والباطل سدود

ماقد نسينا قـصــــفنا بالـطـــايرة
ايام هي تســـري وخلق الله رقود

لابد ما يــــــــقـــتص وعد الأخره
من كل جاني ثار فلــــذات الكبود

#عبد_القادر_داود

تاسع سنة و العاشرة ما العاشرة
العاشرة نورد على الجنة ورود

من بعد تركيع القوى المتأمرة
اليوم ركعنا قوى الخصم اللدود

احنا الذي نرسم حدود الدايرة
واحنا الذي نحمي حمانا و الحدود

#عاقل_بن_صبر

عاشر سنه والشعب موجه هادره
مع قياده حطمت كل القيود

ميعادنا في القدس - وعد الآخره
بنهاية اسرائيل من هذا الوجود

دارت على روس اليهوود الدائره
والبيت الابيض بشره بايام سود

#ياسين_الفروي

ازكى الدماء وازكى النفوس الطاهرة
جدنا بها والله والعالم شهود..

لو نحترب لا ظهر يوم الاخرة
لن نرتضي عيش المذلة و القعود

و هكذا طبع الأسود الكاسرة
رغم الظروف القاسية تبقى أسود..

#اكرم_النيعاني_النيعاني

التاسعه كابوس نجد العاهره
والعاشره حتف الصهاين والقرود

دور الصواريخ الصقور العابره
تفك عن غزه واقصانا القيود

ماعد يضل كافر ولا ايت كافره
دام اليمن واهل اليمن صدق الوعود

#براق_المنبهي

عــاد النشامى في المــتارس ساهرة
وسـط البلق والبقع بل خلف الحدود

يا عــام عاشــــــــر معنــوية ظاهرة
في البحر الأحمر حيث حطمنا اليهود

#اتحاد_الشعراء_والمنشدين

https://t.me/aboyahyaalshami

المجاراة بعنوان أستجابه لدعوة #السيد_القائد وثباتنا المصيري بنصرة القضية الفلسطينية وتأييد لضربات القوات البحرية المسدده بعون الله

البداية #أبورواسي_أرحب

أبشر بعزك والوفاء ماتغير
ياسيدي والشعب رهن الأشاره

من أجل غزه لعنبوا من تأخر
ولا رفع في وجه خصمه شعاره

أضرب بنا إسرائيل في البحر والبر
(ضربة علي)في يوم حامي غباره

ولا سفينه داخل البحر الأحمر
تعدّي إلا بعد قطع إستماره

#محمد_هزاع_البهلولي

شعب اليمن لبّاااك يا شبل حيدر
فيك البشارة يا سليل الطهارة

ابشر بعزك واْرفع الراس واْفخر
الشعب كل الشعب حدد مسارة

واحفاد عمار ابن ياسر والاشتر
وسعد والمقداد .. قوم العساره

بالحشد والصاروخيه والمسيّر
في كل جبهه با يزيد انتشاره.

#الشاعر_علي_الغماري

لبيك يالاقصى من شعب حيدر
لبيك لو نُقصف بمليون غاره

فشعارنا دايم شعار الله اكبر
مرفوع من مران لوما شهاره

والموت لامريكا في كل منحر
المعتدي والشر يحرق بناره

والموت لاسرائيل واحفاد خيبر
يموتوا الكفار واهل الفجاره

والنصر للاسلام والقدس يُنصر
ونحتفل بالنصر في كل قاره

#الشاعر_خالد_البصيري

لبيك يا سبط النبي وابشر ابشر
يامن جعلت اسم اليمن في الصداره

في كل ساحة صرخة الله أكبر
هزت كيان الشر هدت جداره

والقادم أعظم خبروا من تخبر
لابد ما نغزيه لا عقر داره

#منصور_الحراسي

لبيك بالفزعات يا شبل الاشتر
والقدس من أجله تهون الخساره

أبشر بنا واشتد في كل محور
نجرع العدوان كأس المراره

في مجمع البحرين سرب المسير
يقطع على صهيون خط التجاره

صرخاتنا ما بين شوكه ومعبر
وفي جعبنا هدي حدد مساره

#حمزة_الحيمي

يبشر بتشكيله وجبهه ومحور
يديره الشـعـب اليـماني اداره

ومن المسيره لا خروج المسيّر
ومن المسار التعبوي لا الإغاره

ومن الإدانه لا السلاح الـمطـور
ذي يـختـصر مابين قاره وقـاره

سـنّـه إلـهـية ومـن عـاش ذكـّـر
مصير الامريكي يـقـرّح ضمـاره

جريح الحرب #رفيق_زرعان

الحشد في ساحتنا يوم محشر
شعب اليمن يحتل صدر الصداره

وقف مع الأقصى الشريفه وعسكر
لبى أبو جبريل نسل الطهاره

يحمل وفا عمار واخلاص الاشتر
وصرخة المقداد عند الإغاره

على يديه الغزو عظمه تكسر
وانهار حلم الصهينه والدعاره

#عبدالحكيم_مسعد_النمري

ابشر بنا يا سيدي يابن حيدر
شعبك لفتح القدس حدد مساره

اضرب بنا الكفار فـ البحر و البر
هاجم بنا المحتل لا عقر داره

جدك علي بـ إيده قلع باب خيبر
ومن دم الفجار خضّب فقاره

واليوم وعدك حان يالقايد الحُر
على يديك الكون يرقب بشارة

#حسن_المهدي

عـلى اثـير الـحشد الاعظم والاكبر
ومـوجـة الـصـاروخيه والـحـجاره

الـشـعب لابــن الـبدر بـصم وبـصر
بـالـسمع والـطـاعه وحــدد مـساره

مـــع فـلـسـطين الـقـضيه تـعـسكر
ولضرب صهيون اطلق اول شراره

وعـيـال بـايـدن قــع لـها مـا تـيسر
والـسـن هــو بـالسن وغـاره بـغاره

#مختار_البحري

ياسيدي لبيك من شعب الاشتر
نخرج من المهرة وحتى شـعاره

مليون في مليون بل يمكن اكثر
والكل يحسب ارض غــزة دياره

مــن قــوة الــقران الانصار تنـصر
والنصر آآتي رغم طــول انتـظاره

ما النصرمن جامع خليفة والأزهر
النـصـر مــن قــوة وفــزعة نمــاره

#ابوحيدر_الراشدي

ابشــر بنا في كل جبهه ومحور
لبيك يا رمـــــز الهدى والطهاره

محال نتقهقر ونســــام ونضجر
لوما نرى الأقصى ينال انتصاره

على طريق القدس كم من غضنفر
يسعى لقلع المعتـــــدي من قراره

وذو الفقار يضرب به احفادخيبر
في برها وبحـــــــــارها والقفاره

#جميل_ابوقاسم

ياسيدي لبيك فاالخير والشر
اضرب بنا ياسيدي كل قاره

منهوه عسر ياسيدي شعبك اعسر
هو شعب ياخذ باالمهدعش ثاره

احنا معا غزه بصاروخ وهوزر
والنصر قادم من بلاد الحضاره

#ابواياد_المطري

احنا عَصاتك فوق من قد تجبّر
اضرب بنا الطاغوت وافلق بِحاره

واحنا السلاح اللي بشعبك تطوّر
ذي حاصر اسرائيل واقلق دياره

من أجل غزه والذي مسّها الضرّ
ذي فلتوها اهل السمو والإماره 

با نستمر فالجو والبحر والبر
والبحر نقسم ما يمشّوا غَماره

#الشاعر_ابوجهاد_صبر

دامـت صــورايـخ اليمن والمسيّر
تــضــرب نتنياهــوّ إلا عـقـر داره

يا ابن النبي ذي ميز الخير والشر
بـعـدك يـمـن لـيـمـان حدد مساره

لبيك واحـنـا فــي يديك الغظنفر
اضـرب بناء فـي بـرّهـا والبحاره

من اجل غــزة عهد ياشبل حيدر
نخرج خروج.احرار.في.كل.حاره

#ابوكنعان_الروس

ياشعب في التسليم أنت المخير
تتبع خطى اجدادك وتسلك مساره

نوقف كما المقداد وكمن غضنفر
مجددين العهد بتلك العباره

أبشر بعزك سيدي شبل حيدر
ننصر الاقصى وننهي حصاره

لعن ابو من غااب ولا تحير
حاضن أسرائيل بصدره وداااره

محنامثيل السيسي الي بيسكر
والاردني ذي باع للغرب جاره

#اتحاد_الشعراء_والمنشدين

https://t.me/aboyahyaalshami

هـنا يـشـرأب الـفـكـر ويلبب الحلقوم
وينسى الزمن لاوين ودى وايش اسمه

هنا يجلس الكاتب امام الحدث ويقوم
وهـو كـل مـا يشـتي يـعبّـر نشـف فمّه

هنا الدين ينظر نظرة العاجز المكلوم
والاسـلام هـمـه فـوق ماقد بـلَـغ همّه

هنا الكون يوقف وقفة احزان اقسى يوم
ويتوسل الرحـمـن بـ الطافـه ايضـمـه

هنا الحيدره يسقط بمرأ من المأموم
وقد لحيته متخضبه والخضب دمّه

هنا الغدر كفه ماسك الخنجر المسموم
واول من المـحراب يتلـطخ ابـجـرمه

هو اشقى الورى ذي صيّر اتقى الورى محموم
بحمّة شهادة وصّلت حـيـدره حـلمـه

نقل عظم الله اجر ال النبي المعصوم
واحسن عـزا الإسـلام والعلم والأمه

علي خير من قاد الفصايل وقاد القوم
يتم اغـتيـاله والـعـشـايـر ولا كـلـمـه؟!!!

علي من ضرَب اعناق واكسر غرور اخشوم
يُباغت في المحراب والناس مِأتـمّـه!؟!!

علي خير شاجع دك خيبر على شالوم
وما زد يهودي في حضوره رفع خشمه

علي مُطعم المسكين والجايع المحروم
وصيّ النبي ذي جاء من واقع الرحمه 

وفي قتله استهداف واضح،جلي معلوم
على الدين ذي رب السماوات قد تمّـه

ومن بعد حيدر سال دم ابنه المظلوم
على يـدّ ظالم لا جـزا اللـه بـطـن امّه

تولوا على الإسلام نادم ذِلال ارخــوم
صـعـاليك مافـيـهـم حـمـيّـه ولا ذمّـه

الا يازمـان اقصَيت اهل الكسا لليـوم
على كيف؟ هولاك اجروا الفرز والقسمه!!

#حمزة_الحيمي

اليوم لا يوجد من الله عاصم
لـو تأوي الكـفار لا كـل قـمــه

ما عاقبة تلك الدما والجرايم؟
وما جزا من زاد بغيه وظـلـمـه؟

وهل بذلنا كـل مـطـلـوب لازم؟
في مرحله تحتاج موقف وكلمه

وهـل تـحركنا تـحـرُك مُـسـاهـم ؟
بقدر مـن قـدم لصهيون دعــمـه

العالم الفـخـم الكيوت المـسالم
قـد بـيّـن الـواقـع كلامـه وزعمه

من دعـوة الإنسانيه والتـراحـم
إلى إبادة شعب من دون رحمه

من التساوي لا ارتكاب المظالم
ومن حقوق الفرد لا سفك دمه

حضارته حول انتهاك المحـارم
ونهضته تـدمير الاقصى وهدمه

بـمساومة عشرين دوله وحاكم
ومبايعـتـها فـي ضـماير وذمــه

ماعـاد فـي موضوع غزه تفاهم
الا نـرجـع كـل هـجـمـه بهجـمـه

نمحي وجـود الأمركه والمعالم
لوما نعرّف كل انـسان حـجـمـه

ياشعب متسلح هدى الله مقاوم
يا جيش حاضر يحتمل هم أُمـه

ويا قـبايـل عاد فيها تـلاحـم
وبـينـهـا داعـي اذا شـي مـهـمـه

ما من جلسنا اليوم والوضع حاسم
ونترك الاقـصى لجـرحـه وهـمّـه

ما هيئ الله الـمـؤن والأوادم
والمرحله والـقـايـد الا لحكمه

اتجسدت في شكل مشروع قايم
وفـي مسيره جات للناس نعمه

مسـارهـا وفـق الهـدى والـمـلازم
أصـبـح مكوّن عالمي ذات بصمه

من حاربوها امس في آل سالم
صارت عليهم داخل البحر غمّه

امامها ذلّت جـمـيـع الـعـواصـم
وبانت امريكا ضـعـيفـه ورمّـه

هي سنة الله والعبر في الخواتم
وكل من يفهم على حسب فهمه

#حمزة_الحيمي

https://t.me/hamzaalhemye

المجاراة عن الرد الايراني على الكيان الصهيوني

البداية #ياسين_الفروي

اليوم يومك يا الكيان الغاصب
و"وعد الاخرى"جا و رب الكعبة

لن يحجبك من باس ربي حاجب
لو تمتلك في كل سنتي قبة

#ضيف_الله_سلمان

والله على كل الامور الغالب
ومن وثق بالله يهدي قلبه..

قرار طهران القرار الصايب
والله يسدد فاليهود الضربة..

#محمد_هزاع_البهلولي

و كل من والى علي بن طالب
يفوز - اي والله - " ورب الكعبة "

وقوفنا لا جنب غزة "واجب"
وفرض لازم .. كلنا نفخر به.

#عبدالحكيم_مسعد_النمري

خابت ظنونك يالكيان الخايب
إستقبل الضربات حبه حبه

قد انت في غزة بنفسك حانب
بس لازم المذنب يسوقه ذنبه

#أبومنار_العشي

اليوم يا مغرور. يومك حاسب
عن كل ضربه با تقع لك ضربه

غرك طغاة العالم المتكالب
ولا دريت إن النهايه صعبه

#الحمزة_المغربي

الحرب حرب الدين واهله قــاطب
ومــحــور الإســـلام راس الحربـــة

سيف ابن ابي طالب وجيشه غالب
مابش لخيبــر من لـــظــانـا هربـــة.

#أبوزيد_النعمي

الرد يا صهيون شرعي واجب
وجهادكم أعظم وأفضل قربة

وكل مؤمن لليهود محارب
واهل النفاق هم هم ذيول الكلبة

#محمد_الحربي

ونعم بجيش  الحيدرة بن طالب
ذي هبته يوم الحرايب هبه

الموت الازول والعذاب الواصب
على العداء من فجر حتا غربه

#بدر_أحمد_الكهالي

الموت جاء من كل حد وجانب
والهول الأهول والعذاب الزوبة

قد سل ياخيبر علي بن طالب
سيفه والأخرى جات حسب الحسبة

#أبوحسين_العصري

نحو الملاجئ با يولي هارب
بث المسير وسط صدره رعبه

يا ليلة الجن المجاهد غاضب
حرام ما ينجوا عيال ال....

#محمد_الاخرم

الوعد جاء طوفان جوي غاضب
وذى موقف المؤمن وهذي حربة

وكيانهم بكرة يصّبّح خايب
ويعيش نكبة ما سبقها نكبة

#مانع_البوساني

ذيما يخرِِّج قوَّته ويحارب
اليوم . في ظِل الضروف الصعبه

ما يعتبر مسلم . ونهجه كاذب
وغزه الحرّه بهاذ النكبه

#الشاعر_ابوجهاد_صبر

بقـــــوة الله القــــــوي والغالب
مانحسب اسرائيل عمله صعبه

قاداتنا شيعة عـلـي بـن طالب
الحرب واليجهاء لهم هـي لعبه

#ابوشهيد_القطمي

لا وين يا الجيش اليهودي هارب
حلق على إسرائيل يوم النكبة

المحور إتوحد و شب اللاهب
و الصهينة صارت في اكبر حنبة

#ابو_ميثم_الزراع

الكل متفعل وهـــــذا واجب
ضربة ولاتحتاج ثاني ضربة

جمع ثيابك يالكيـان الكاذب
الأرض حق الله وهـذا حزبه

#رامي_السوداني

اتلامس الموجب بقطب السالب
الكل يشرب دم الاعدا شربه

با نضربه من حيث ماهو حاسب
فوق اليهودي يا نشامى قطبه

#الشاعر_جبر_المهدمي

واحنامع إيران هــذا الواجب"
من حارب اسرائيل نوقف جنبه..!

والرد ناجح "واليهودي راسب"
والمـــــوت قـادم ياعيال الكلبه..!

ـ ‎#أسامة_الجنداري

استلّ ذو الفقّار يا بن طالب
وباب خيبر اقلعه وارجم به

اضرب جعلت أفدي لحاك والشارب
وراس (مرحب) طيّره في ضربه

#ابوسندس_العلافي

اايران قد قامت بفعل الواجب
وكاد اليهودي اليوم يوقف قلبه

الجو مسقف نار حمراء لاهب
اسراب ماهي ضرب حبه حبه

#محمد_الصايدي

من كل صوب الموت فوقك ساكب
جاتك من اسراب المسيّر سكبـة

وعد الله اقبل بـ العذاب الواصـب
من محور الوعد الصدوق وحزبـة

#ماجد_المطري

ياشابك الموجب بخيط السالب
تسلم يمينك ياسديد الضربــــه

ضربه سديده يااليمين الضارب
صهيون منها كاد يوقف قلبـــه

#الشاعر_منيف_ثعيل

الليل يا محور علي بن طالب
باقي لمرحب من يمينك ضربة

امطر عليهم نار حمراء لاهب
وادخل من اتولاه بحر الحلبة

#حمزة_الحيمي

هذا هو المفروض هذا الواجب
مـاقـصّـر الايـراني ادا عـسبه

ما عاد لـ اسرائيل أيـة صـاحب
ون هو على امريكا فهي من ضربه

#علي_جارالله_داشع

الليل يا ضربة علــــــي بن طالب..
في حصن خيبر عودت من حزبه

والرد للصهيون جـــاه مـــــناســب
ورد التوعد صح ماهـــــــو كذبه

#حمزه_الديلمي

صبت عليهم بالعذاب الواصب
من كل صوب اليوم يوم النكبه

محور جهادي حيدري متجاوب
يضرب عليهم( فاليمن) لا جنبه

#ابو_مصطفى_الرضي

المحور اليوم بايقوم بالواجب
ولاجل الاقصى بايواصل دربه

وحلف الاسرائيلي المتكالب
دخل مسار المهلكة والنكبة

#ابوخالد_الطويل

في جهاد فرض العين هو والواجب
الفرق شاسع لا ورب الكعبه

كلن بقي من ضربهم متهايب
الا ابوجبريل انا افدي ربه

#حسين_شرويد

اكتب لتاريخ الكيان الغاصب
فاْربعتش ابريل بدء النكبه

سبحان من ارسل عليهم حاصب
من السما بالرد ذي نفخر به

#الشاعر_عبدالحكيم_ابوهاشم

تدمير صهيون اللعينه واجب
يستاهل اللي ما يعامل ربه

يذوق في الدنيا العذاب الواصب
من المسير والصواريخ ضربه

#ابوحيدر_الراشدي

طوفـان الاحرار الغيــور الغاضب
قد هب من ايــران راس الحربه

يطحن كيــــان الاحتـلال الكاذب
ويجعل ايامــــه عـــــذاب ونكبه

#اتحاد_الشعراء_والمنشدين

https://t.me/aboyahyaalshami

جيل اليمن في صروح المدرسه صيّف
وجيل غيره سرح صيّف على الساحل

وجـيلـنا وِفـق ديـن اللـه يـتـثـقّـف
وجيـلهم بـ انفتاحـه مـوقـعـه نـازل

وجيلـنـا من بـهـدي اللـه قـد كـيّـف
وجيلهم عاش في حضن الدلع جاهل

قف يا زمن واحسب الفارق معك يُعرف
أمـامـك الـحـق ويـبـيّن لـك البـاطـل

ياشعب وانت استغل الفرصه الأشرف
ذي ما تجي غير مره فـِ السنه كـامـل

وأنـت ياعـم مـاهـو يجعلك تـوقـف ؟
أمـام تعـلـيم ابـنـك عـلـم متـكـامـل!!

لا تهمل ابنك، من التضليل يُستهدف
وحـيـنـهـا ما تـفـيـدك (آح لا داخـل )

ولا تـخـلـه عـلـى أهـواه يـتـصـرّف
مـع شِلل تمسخـه لـك وانت متـغافـل

ما باتصونه سْـوا الآيات والمصـحف
في مدرسه با تـقـدم عـلـمـها الشامـل

وأنشـطـة تـجـعـلـه يـرغـب ويـتكـيّف
منها الرياضه ومـنـها الشعـر والـزامـل

وأنـشــطـة تـربـويـه تــجـعـلـه يـرأف
بالناس... يُحسن إلى المسكين بالحاصل

يـرجـع بالابـداع والأخـلاق... لايـوصـف
وتـفـتـخر بـه وترفـع هـامـتـك واصــل

الوعي من يجعل الانـسـان مـا يـوقـف
ما تـصـنـع الـغـفـلـه الا كـل مـتـثـاقـل

جـهـاد ياشـعـب يـنصـر كـل مستضعف
وعـلـم من مخرجاته مـجـتـمـع بـاذل

يزحف مع ابليس ذي ماقد رضى يزحف
جالس يغـالـط سـبـيـل اللّـه ويمـاطـل

ويحفظ اللـه بو جـبـريـل ذي شـرّف
يأمل من الكل يلقى الكـل مـتـفاعـل

#حمزة_الحيمي

يا مُنزل الصف والتكوير والفُرقان
لا أكمل ايمان بلـغـنـي بـ ايمـانـي

واجعل بنا نصرة الإسلام والأوطان
واِفشال مشروع امريكي بريطاني

تهـون ياغـزه الأوجـاع والأحـزان
ولا تُباع الـكـرامـه بـيـع مـجـانـي

مِنّك تجلى صمود الأرض والأنسان
وتضحيه واسـعـه وشموخ متفاني

في ظل صمت الشعوب وخسة السلطان
وأنـظـمـه مـا لـقـيـتـي مـنـهـا حـانـي

تتصدري مـعـركه وتواجهي عـدوان
أئمة الـكـفـر صـهـيـونـي ونـصـرانـي

ياقدس لا باس لاحسيت بالخذلان
وموقف الصمت إسـلامي وإنساني

ما باتدنّي وباقـي فـي يـمـن ليمان
لو با نقدم عـليـك الـثـاني الـثـانـي

لولاك ما الحرب قامت من على مران
لولا العرب كـان دور الشعب مـيـدانـي

والجو سجيل ينزل بالـعـذاب الـوان
والبحر مسـجور مـن حَـرّي ونيـرانـي

مادام والله قال المؤمنين اخوان
فكيف نسكت وفينا حُمر الاعياني

وشعبنا شعب بقياده عظيمة شان
والمرحله مرحـلة تمكين ربّـانـي

مهما طغى الطاغيه مهما بغى خسران
محسومه المسألـه فـي نَصّ قرآني

شاهت وجوه اليهود ووعد ربي حان
وسنة الله تمـضي عـبر الازمـانـي

على يد المؤمنين القلّه الشـجعـان
يقضي على كل مستكبر وشيطاني

#حمزة_الحيمي
#اتحاد_الشعراء_والمنشدين

https://t.me/aboyahyaalshami

المجاراة بعنوان الذكرى السنوية للصرخة في وجه المستكبرين

البداية #الشاعر_ابوجهاد_صبر

قال اليماني مـن اعــــداء الله نتبرا
ولـ.اولــيـائــه نـوألــي مـن ولاء عمار

ياشعبنا فـ الجبل والسهل والصحرا
اصرخ بوجه اليهود وحلف الاستكبار

شـعـارك اليــوم قـد زلـزل دول كبرى
ربى رجاجيل اشداءٌ على الكفار


#ضيف_الله_سلمان

بالامس قال الحميصي (ماطرا يطرا..)
وشعب الانصار كله حالة استنفار..

جايين بالوعد ذي في سورة الاسراء
واحنا لرب السماء سبحانه الانصار ..

بصرخة الله اكبر نقتل (الكوبرا)
ونسوق صهيون وكلابه عذاب النار

#وضاح_الحميصي

لجرف سلمان قصه مثل غار حرى
في القصد والمنطلق والنهج والافكار

سبحان رب السماوات الذي اسرى
الواحد الفرد والقدوس والجبار

الصرخه اليوم وسط القاره السمراء
والصرخه اليوم عمت معظم الاقطار

كانت قماشه بها نهتف ونتبرى
واضحت طواير في الواقع بلا طيار!!!!

#ياسين_الفروي

با يجعل الله مع العسرا لنا يسرى
واحنا معه با نظل احرار وابنا احرار

ومع حفيد ابن بنت المصطفى الزهرا
لاطفال ونساء "غزة" بانشل الثار

ولا به اجدر بفتح القدس والا احرا
غير اليمن قل لابو لحية وابو زنار

#حمزة_الحيمي

اللهُ اكبر تموت الحيّه الكبرى
صرخه عظيمه بدايتها بخمس انفار

واليوم يدرى بها ذي كان ما يدرى
هذا وهو عاده الا اول المشوار

يجوز يطفى لهيب اكبادنا الحـرى
لاقد انوف الطغات اتمرغت بالعار

#صالح_النقيب

نصرخ وتصرخ بنادقنا لهب حمرا
في معركه فاصله بانكمل المشوار

شعارنا هو عصا موسى في البحرا
بصرخت الله أكبر تغرق الكفار

نرفع شعار البراءه بلعلن جهرا
والذل هيهات مايدخل يمن لنصار

#علي_محمد_المحاقري

لولا الولاء والبـراءه ما انـهـزم كـسـرى
ولا اسـتـطـاع اليماني يـقـهـر الـفـجـار

الصرخه اقوى من البارود فـي المجرى
هزت عروش الطواغيت كانها الاعصار

بالامس كانت على صفح الورق ذكـرى
واليوم صارت على روس الـبـنـادق نار

#الشاعر_ابوحضارة_السويدي

بامر الذي مـن جبل مران فيها اسراء
للعاصمه بشـــــــــــر القسام والسنوار

قريــــــــــــب نصرخ بها جمعه ونتبرا
بلموت للأمـــــــــركه والصيهنه والعار

والعز والنصــــــــــــر للاسلام والبشرا
لشعب الاقصى الفسطيني وعقب الدار

يامصر امـــــــــة محمد امرهم شورى
فكي سياجش لذو القربى ونعم الجار

#ابواياد_المطري

الله أكبر وكل كبودنا حرّى
والموت للوبي الصهيوني المكار

شعارنا في سبيل الله والمسرى
وبه قهرنا جموع الكفر والاشرار

با ندخل القدس منّه مرةً أخرى
ويجتمع سيّدي في القدس والسنوار

#محمد_ابوالعز

يـقــول ابـوالعــز لجل الامّه الحـرّا
تنهض و يرجع اليــها العز و الاكبار

واجب عليــــها كـــلام الله ما تقرا
و توالي الله و اعــلامه من الاطهار

قال اول ايه من التـــوبه لزوم تبرا
واخر الصف قال كونوا من الانصار

#عماد_قيرح

امــــــام رب السماء مابه لحد عُذرا
والصمت والارتهان اوزار فوق اوزار

واحنا بصوت البراءه والشعار احرى
انصار طه ولـ.آله ذالـــــزمان انصار

قد قـــال(بسام) لاقيصر ولاكسرى
وقول بسام وزنــــه مثلما المسمار

#ابوكنعان_الروس

معاك يابوجهاد في العسر واليسرى
أبشر بعزك مع الله لو يصير ماصار

بصرخ بصرخة حسين البدر وتحراء
في وجهة الامراض والعذال والفجار

الموت لا أمريك وأسرائيل والعشراء
ولعنة على الاعراب وابو زنار

#ابوفتح_الاشول

صرخة بها الموت وانتم بالهلاك ادرى
يا قوم الاجرام متصهين وابوزنار

حياتهم موت دين الله والمسرى
وموتهم نصر للإسلام والانصار

وجودهم حرب نشعلها من المجرى
و وعد الأخرى يسمى آخر المشوار

#زياد_زيد

ياشعبنا اهتف وردد بالشعار جهرا
وصرخ وواصل مسيرك وكمل المشوار

لنصرة القدس وفلسطين والمسرى
في عمق صهيون هدم ونسف الاسوار

ارعـب قـوى الشـر والاجـرام والكفرا
وأن قـاتـلـوكـم فـهـم يـولـوا الأدبـار

#ابومالك_الكوماني

نمضي مع الله ف السراء وف الضراء
على خطى ابائنا وأجدادنا الانصار

نصرخ ونبرا من الماسونيه النكرى
ونقتلعها بسيف العتره البتار

حامت عليهم وقرب موعد الأخرى
ومن تخلف عن المسرى عليه العار

#حرب_صعده

في وجه رآس البلاء والحيّه الكبرا
اصرخ بها يا السنافي واقهر الاحبار

اصرخ بها يا الشلي فالصبح والغدرى
اصـــــرخ وشرد جموع الماكر الغدار

أما مع البيت الابيض أو مع المسرى
أمـــــــا مع ابن اليهودي أو مع الكرار

#الشاعر_متاش

والحمدلله في الأولى وفي الأخرى
لازال هذا الشعار مرفوع باستمرار

على الطواغيت فوق البر والبحرا
زلزل قواهم وطايرهم قطع واعشار

يقدح حمم نارية من فوهة المجرى
شعار الانصار والاحرار والثوار

#احمد_عبدالرحمن_الظمين

أقسم بذي قال للمختار قال أقرأ
ماهز الأعداء كما هاذا الشعار اشعار

آية عظيمة من آيات الله الكبرى
ايد بها للحسين القائد المغوار

وننصح المسلم الي ماقد اتبرأ
من كل طاغوت يتبرأ مع الأنصار

https://t.me/Poetsanalogous

المجاراة..

البداية #ضيف_الله_سلمان

سلام يا مصر ويش اخبار معبر رفح؟!
قالوا اشتباكات واستهداف واطلاق نار..!!

ادراني الله ليش الكيل ماقد طفح؟!
واطفال غزة ينادوكم تفكوا الحصار..!!

والله مابا ينال النصر شعب انبطح
ما النصر الا لمن جاهد وخاض الغمار..

لا بد ما نعتصم بالله وبشكل صحّ
وفي هدى الله نلقى العز والانتصار

#ابويوسف_القاري

دير البصل لا تقارنها بدير البلح
ولا تقارن بدار الخلد دار البوار

ذي مارحم طفل جايع عند بابه نزح
لاينتظر من بني صهيون حسن الجوار

وكيف ياخذ بدم جندي وهو ما فتح
لاثنين مليون مسلم من وراء الجدار

بقوة الله ينهار الكيان الوقح
ويخرجوا صاغرين ومالهم من قرار

#جبر_المسعدي

لاسامح الله سامح ذي للعداء سمح
تسرح وتمرح وتمسح دار من بعد دار

والشيخ جراح قدامه وخلفه شبح
وشارم الشيخ شخ القرد فوقه وسار

واطفال تذبح وبن فرحان عاش الفرح
وشيخ أبوظبي لتطبيع صلح قطار

والقرح صاب اهل غزه والمجنح قرح
وطير أبابيل سبح بسم الأقصى وطار

#ابوجابر_صبره

مصر الشقيقة شقية والغموض إتضح
هذه حقيقة جليه ما عليها غبار.

رئيسها الإنفتاحي خاين  اغبر صبح
وشعبها شعب مدمن للربا والقُمار

نادر ترى حُر فيهم للوهن ما إطرّح
حتى لو العُهر فيها واسع الانتشار

شلوم يا ام "دنيانا" لمعبر رفح
قد ام الارهاب باتدي العيال الصغار!

#ابوشوامخ_الوعل

من مصر شمّ التخاذل والخيانه نفح
طوفان الاقصى كشف ماكان خلف الستار

غزه تعيش الاساء ونتوا تقيموا الفرح
الله قال انفرو ماقال تلعب قمار

من عاده اليوم راقد بندقه ما قرح
صمته مشجع للعداء في ارتكاب الدمار

الشعب يهتان لا الريس للعداء انطرح
ولا تزول الوصايا الابرفع الشعار

#فارس_المعزبي

المنبطِح منبطِح ماله ولا مُصطلَح
ولا يقرِّر ولا يقدر يخالف قرار

اعتاد يشرب من المالح شديد المَلَح
ويحمل الجّور لسرائيل مثل الحمار

الخوف مزروع في جوفِه وزاد انفتَح
يشرعن القصف ويوافق بدون اعتبار

اَجراح غزة لها قلب الزمان اَنجرح
وهو يغنّي ويرقص فوق حجم الدّمار

#مانع_البوساني

معبر رفح حرب طاحن كم قتل . كم ذبح
والقصف خلَّا المناطق والمنازل دمار

وكلب مصر اختبئ وانحاز مازد نبح
ما همه أطفال غزه لو يسيروا غبار

غشيم من شد ظهره بالوقح وارتزح
ذيما مع أبوه نخوه في حياته. وعار

مدعوس تحت ارجل امريكا رقد واطَّرح
الدِين منه تبراء كلما جاء وسار

#حمزة_الحيمي

عوايد الوقت ما يعتزّ شعب انطرح
ولا يرى العزه المسلوب حق القرار

مهما تحدث بدبلوماسيه او شرح
مهما تفنن في التبرير والأعتذار

مالو به الخير ما كان ارتضى او سمح
من يومها لليهود يهجروّن الديار

لكن قد الله عرّى خافيه وافتضح
كلن عرف ما حقيقة كل ماجا وسار

#الشاعر_ابو_صقر_شعلان

يامصري ازاي ماتقدم ولا مقترح
.منك وهل ماسمعنا جد والا هزار

قرح علا غزه القلب الذي ماقرح
والسيسي ولا خبر كان قلبه حمار

والعز ماياخذه من لليهود اطرح
تحركو بس يكفيكــــم مذله وعار

دروس الايام ماهو من شرحها شرح
ذي ماوقف جنب جاره ماله اي اعتبار

#ابوفتح_الجرادي

مابايجي خير من خاين يجي اوسرح
ديوث منحــط مـاهمـة ملأمــة وعـار

هي مسرحيات سيسي والممثـل فرّح
يمثلوها على حافـظ حقــوق الجــوار

في غزة اطفال تُقتل والنسـا تُنّجــرّح
ومصر تلعب مـع أسرائيل لعب القمـار

أذا قد الكلب الأمريكي عجـز وأطرح
يقوم يفعل زوأبع لجل كسب الحـوار

#الشاعر_ابوجهاد_صبر

من يمتهن لليهود الغاصبة وانطرح
يلقاء جزا جنس فعله بين بارد وحار

كم قلت يامصر جرم اليهوده قد سفح
ولا فهمتي ورديتين رد اعتبار

صهيون قصده يخلينا أثر وامتسح
وغايته لو تطايرنا مثيل الغبار

الامس بالقدس والاقصئ قتل واستبح
واليوم فيش افهمي فكي طريق المسار

#ابوكنعان_الروس

أزاااي مش معقول داه يا فرح
أمااال والسيسي الملعون ذيل الحمار

الوقت دوار والصنفور شكله قرح
وجاكم الصبح باأشراقه وشمس النهار

الصاع بالصاع ياكايل بكيل القدح
هاذا عليك دين ولك معيار غير العيار

#همدان_حجي

عليش يامصر لعنة ما المعدل قرح
عليش لعنة ومليون الف وصمة وعار

السيسي الكلب لو هو كلب كانه نبح
لاكنه اسوا من الكلب الدني والحمار

نهر الأباء جف يانهر الكرامة وشح
ومات شيخ الضمير الحي ولا وطار

يامصر لا تأمني من لليهودي جنح
وسلّم الأمر للغاصب وكل الديار

#جميل_جعفر_ابوشامخ

وجه العرب والعروبه للأسف افتضح
عيونها راقده نامت وفي نوم عار

و كلب صهيون في مسرى محمد نبح
ولا معاهم سواه الشجب والاعتذار

تخاذل الكل والسيسي طلع واقترح
ان يخرج اصحاب غزه لا اراضي اجار

مادام واهل اليمن موجود مابش ضبح
شعب المدذ والسند والعون لا ثار ثار

#اتحاد_الشعراء_والمنشدين

https://t.me/Poetsanalogous

والله لو يخرجون اثنين مليون مصري
لا يقلبوها قِلب

ما حالهم مثل حال اهل اليمن حال مُزري
ووضعهم ما تِعب

لكن قد الذل وسط اكبادهم صار حصري
واسلامهم مُضطرِب

سكة قطار المراقص والخنا والتعرّي
من ما ركب له ركب

لو منهم خير كان الخير قد جاك بدري
يا قدس لا ترتقِب

الخير في كف من جالس على الكفر زري
قايد عَلم مُحتسِب

#حمزة_الحيمي

https://t.me/hamzaalhemye

أشدّ واكبر خساره عندما تخسر
وانت في خدمة الشيطان والكفار

كمن تجنّد لأمريكا ومـن سـخّـر
نفسه لخدمة مصالحها بلا ايجار

وهكذا حال سلطات العرب واحـقـر
الأغلبيه لإمـرتـها خـدم وانـصـار

بالعار والـخـزي تتلحف وتتـوزر
وكأنها ناقصه ذلـه وخـزي وعـار

#حمزة_الحيمي

عـاد الـصـواريخ تـتأهـل وتـتـطـور
ذات المدى ذي لطوله تشخص الأبصار

تقرا من الفتح والفرقان ما اتيسّر
مـن قبلما تنـطلق، وتردد الأذكـار

ون برمجت من طلوع الفجر، ما تفتر
تعمي عيون القُبب وتشوش الرآدار

وكل ما قرّبت نحو الهدف تحـترّ
حرّة كبد أُم، تدفن عولها القُـصـّار

من قوة الله ماهو بس تتفـجـر
كأنها مـن شراستها تـزيـد امـتـار

#حمزة_الحيمي

أنباء بانت، وكانت ضمن علم الغيب
اللـه للـمـؤمنين اوحـى بـهـا وانـبـا

برصد لاشك فيما يرصده او ريب
وعين "تِربا" الذي ما غيرها "يـربا"

وأُذن تسمع تهافت أيدي التخريب
وحاسة شمّ وِكْر النذل والمَخبا

وحس أمني رهيب الكشف والتصويب
يحس بالمفسلي من عندما يحبى

محال واحد يقول اليوم لا تثريب
في حق خاين قليل الأصل ما اتربّى

خليه يفهم دروس الجذر والتكعيب
ويميّز الـفـرق ما بين الألـف والـبـا

#حمزة_الحيمي

تابع المجاراة عن أستشهاد الشاعر المجاهد #هايل_النقيب يومنا هذا في جبهات العزة والكرامة.

البداية #نشوان_الغولي

إلى جنة الرحمان يا (هايل النقيب).
مع (لطف) و (النمري) و طه و عترته.

بكى الشاعر البدّاع و المنشد اللبيب.
و نكّس لك الإنشاد و الشعر رايته.

فيا سعد من هو في رضا الله ما يخيب.
و يا سعد من قدّم لربي شهادته.

#عاقل_بن_صبر

ترجل نقيب الثوره الشاعر الأديب
رجل له في الميدان فعله و كلمته

يغيب البطل... لكن ذكراه ما تغيب
خلود السماء والأرض بسمه وبصمته

مع حيدر الكرار والمصطفى الحبيب
قد اختاره الله من جنوده وصفوته

#محمد_الحربي

قفا ماالنقيب أفتك.باالاتنعشر النقيب
ونكل بليكود العماله وزمرته

دعس واقع الأحداث والحظ والنصيب
يسوق الرزايا كنها. في معيته

رجل كان شامخ مثلما الشامخ المنيب
كٱن الجبال السود. من بطنها ادته

إذا غاب صوت الذيب من خلفه ألف ذيب
منفذ ويعمل باالذي في وصيته

#عناش_المشرقي

من "الا الذين" استبسل الشاعر المنيب
ومن فضله ربي يخصه برحمته

ونيل الشرف يستاهل الدم والرقيب
ويستاهل الجنه من اوفى بكلمته

شذى من شذى والحظ مايسبق النصيب
ومن شد رحله في رضا الله ثبته

#ابوليث_المحضار

عليك السلام ورحمة الله "يالنقيب"
ويهناك فضل الله وفوزك برحمته..

والهم ذويك الصبر فالموقف العصيب
ومد القلوب المحزنه من رعايته..

ولك عهد حتى الشمس تشرق من المغيب
نواصل مع ابن البدر في ظل رايته..

#حسن_المهدي

نـعيتك بـدمع الـحرف يـا هـايل الـنقيب
وعــبـيـت بـاسـمـك لـلـجـهاد اسـتـمـارته

طرحت العدو يا ذيب ما يطرح العسيب
سـوى سـاع يـسحب مـنك مولاك امانته

شـهـاده مــع الله غـيـر مـدبر ولا عـقيب
ونــاداك صـوت الـوحي نـلت اسـتجابته

تـجـملت يــا هـايل ووفـيت يـا الـحبيب
مـــع الـسـابـقين اكــرم بـوافـي جـمـالته

#حمزة_الحيمي

رضى الله عنك أيها الشاعر اللبيب
رضى الله عنك يوم توقف قُبالته

رضى الله عن مؤمن مجاهد وليد ذيب
ملازم سبيله ما انحرف عن قضيته

من الساحل الغربي إلى الجوف لا حريب
سلاحه وأشعاره وترسه وخُـبـرته

#الشاعر_ابوكنن

سلامي على البداع والشاعر الاديب
سلامي على هايل وربعة واسرته

تقوم القيم في حظرة الشاجع المهيب
وتطبع شعار العز في عرض جبهته

نقيب الاباء والمجد ياهايل النقيب
نقيب الوفاء والعرف دربة وسيرته

#ابوالكرار_المجنحي

اللاهي دعيتك انت مولاي والحسيب
ومن كنت حسبه نال قصده وحجته

اسالك تقبل هائل الشاعر الأديب
شهيد ارتقا من أجل دينك وعزته

لبيب المواقف ساعة الموقف الصعيب
هنيئآ لروحه ذي بلغ كل رغبته

#مانع_البوساني

بكئ منبر الاشعار واتنهَّد الخطيب
وضج القلم فالتعزيه من بدايته

عليك يامن اكسيت الأدب معرفه وطيب
ويتلذذ القاري عسل في قرايته

جعلته في الفردوس يالشاعر الاديب
ويرعاك مالك كل شي في رعايته

#خليل_قابيل

مع الله يا(هايل)مجاهد ومستجيب
ويا سعد من حقق له الله غايته

ومن هو مع الله ما يغادر ولا يغيب
وقد في قلوب الناس اسس محبته

يمنا ترك بصمات بصموده الرهيب
(وهايل)ترك في جبهة الشعر بصمته

#هادي_حسين_الرزامي

مع الله رابح ندعي الله يستجيب
عسى نلتقي واياه في دار رحمته

مع الأنبياء والأولياء جعل مانخيب
ننال الشهاده سعد من نال غايته

مع السابقين اللي قضوا مثلما النقيب
حنيني لهم ماحن حاشي لناقته

#الشاعر_امين_الحارثي

هنيئنا لشاعر فز في الموقف العصيب
وسطرعلى ثوب الشهاده قصيدته

عهودالوفاء يا شمس في الافق ماتغيب
لحتى تكفٍن كل شاعر كرامته

شذا الطيب والفردوس تزهو بكل طيب
وطوبى لمن وفّى مع الله رحلته

#ابوبحر_علي_احمد_مطر

مع الله والقرآن عيش الفتى يطيب
وفوزه بالاستشهاد قصده وغايته

الى الخلد يا هايل في المنزل الرغيب
لسان الوطن والحق منذ انطلاقته

وكان الأديب الفذ والشاعر الخطيب
معانيه وابياته تجسد ثقافته

#الحمزة_المغربي

كـتـب هــايــل الاشـعــار لـلـه مستجيب
وبالفـعل خــلّــى الــقــول يفخر بصحبته

طلب جنـــة البــاري وحصّل بها النصيب
هنيئاً لــه الــجــنـّــة ونــيــلــه لــرغـبــتــه

بكـيـنا بفقده واحتفى المصطفى الحبيب
بشاعر مجــاهــد صــان ديـنــه وأمــّتـــه.

#جميل_جعفر_ابوشامخ

نقيب القوافي ذيب هايل وإبن ذيب
ليس الذي يبحث على اسمه وشهرته

يلبي نداء القايد ولا يمكن ان يغيب
وفي كل موقع توجد اسمه و بصمته

رحيله سبب فـ الضيق والقهر والنحيب
أُعزي جميع الناس واهله واسرته

#الشاعر_ابوجهاد_صبر

من العيشة النضكا في الواقع الصعيب
الا عيش يـسـعـد كـل حـاظـي بعيشته

ومـن جنبنا لا جـانـب الـواحـد الرقيب
ومـن مـنـقـطـع فـانـي الا وصط جنته

وسام الشهادة فــــــوز يا هايل النقيب
ومــن نالها مثلك ربـــــح بديت اخوته

#اتحاد_الشعراء_والمنشدين

https://t.me/aboyahyaalshami

المجاراة بين يدي الشهيد المجاهد الشاعر #هايل_النقيب واخيه المرحوم الشاعر المجاهد #حسين_المدم (رحمة الله تغشاهم).

البداية #ضيف_الله_سلمان

الله يعظم اجر خولان بن عامر
واجر خولان الطيال

واجر اليمن من ساحل ابين لا قطابر
واكبر وجع فقد الرجال..!!

في النقيب الشهم وحسين ابن ناصر
ذي سطروا اروع مثال..

والدمع في عيني على البث المباشر
والحزن من فوق الخيال

#عابد_المدم_ابومران

مشكور من واسى وشاركنا المشاعر ..
والحال واحد كل حال..

يا اهل الثقافة والادب منشد وشاعر..
فيكم عوضنا يا رجال

#محمد_الحربي

الله يقدس روح شاعرنا المعاصر
القــرم ذي لاقــال قـال

موتك علينا فاجعه ياحسين ناصر
هــزت شـمـاريـخ الجـبال

ياضيف سلمان احتسب واصبر وصابر
للــحـزن لاتـتـرك مــجــال

#أبورواسي_أرحب

خولان هم خولان في ماضي وحاضر
منبع كريمين الخصال

الموت في هذا الزمن موت الضماير
ماأحسين حي وماتزال

قصايده في صدرالأعداء صوت هادر
أشد من حد النصال

#وضاح_الحميصي

عبورهم ماهو مجرد طيف عابر
عبورهم هز الجبال...

عز الله ان الوعد هذا وعد غابر
ثقيل واحزانه ثقال

ناحت عبارات البلاغه والمعابر
وسط ميادين القتال

#حمزة_الحيمي

تنافس الكلمات طلعات المعابر
ويحرّك الشعر الرجال

يعني خسارتهم في الواقع خساير
وفُقدهم من راس مال

الله يعظم اجرنا في كل شاعر
واجر جبهات القتال

#أحمد_الخاشب

الحمد لله الذي أحيا البصاير
بانصاره ارجال الرجال

والهمهم التقوى وثبت كل ثاير
من بعد تثبيت الجبال

ذي بالقصايد كم قد احيوا من ضماير
وجسدوها بالفعال

فاختار ربي منّهم من كان صابر
وقالت الجنة تعال

أمثال "هايل" والفقيد "حسين ناصر"
ذي فنّدوا كلمة (مُحال)

#مانع_البوساني

موتة رفيق الدرب تكسر كل خاطر
وتقطَِّع المُهجه وصال

وانا تكسَّر خاطري ذي كان جابر
من بعد الاثنين العيال

#ناجي_القطيبي

هولا رجال العز كم من حرّ ثاير
قد شلّو الجوده قبال

ذي علّمونا كيف نتحدّى المخاطر
ونشدّ للعزّ الرحال

واحنا على مابادرو له بانبادر
ونسير في درب النّضال

من حبّه الله مننا ماهو بخاسر
كسب الشهاده راس مال

#ابوبحر_علي_احمد_مطر

بالأمس شاعر نفقده واليوم شاعر
والأمر لله ذو الجلال

بعض الخساير ما توازيها خساير
والجيد دايم راس مال

فقد النشاما زلزل اركان المشاعر
و هز هامات الجبال

الحرف تتسابق دموعه فالمحاجر
بقاف الابيات الجزال

#علي_الشعيثي

في الشعر كانو خير من ساغ المشاعر
وخير فرسان القتال

مع مسيرة رفرفت  خارج وداخل
ونهجهاء صافي زلال

مايندم الا من قتل خاين و كافر
ومات في صف الضلال

#الشاعر_فرحان_السلامي

يا (رب) ترحم كٌـل مـن نحـوك مغـــادر
يا (مرتجى) يـا (ذوالجلال)

أكبــر خسـارة فـي رحيـل اكبــر كـوادر
كمن بطل في الأرض جال

( هايل ) قضى نحبه على دينه مناصر
و موقفه بالحق طال

و ابن (المدم) الصقـر نبراس العبــاقـر
قد كان في الدنيا هلال

#ابوشهيد_القطمي

من عالم الأموات إلى الفردوس سافر
كمن أسد شد الرحال

يهناه من جاهد مع الباري و ثابر
و باع من مولى الجلال

اهل الوفاء و العز في كل المحاضر
و أهل الشجاعة و النظال

من فقدهم تبكي اليمن أول و آخر
راحوا رجاجيل الرجال

#ابوحمزه_المقاش

الصبر والسلون في شاعر مغامر
حسين ذي شد الرحال

والشعر من فرقاه والهاجوس ضامر
والفاجعه هزة جبال

الله يعضم اجرنا والفكر ساااامر
على القوافي والدلال

#أحمد_عبدالرحمن_الظمين

إنا اشهد ان فقد المدم حسين ناصر
رمز الكرامة والنضال

بالحزن سبب جرح في عمق المشاعر
وصال في قلبي وجال

فقده خسارة وااح من بعض الخسائر
ماهي تعوض يارجال

الله يعظم اجرنا واجر الاكابر
خولان ذي ترقئ الطوال

#محمد_البريهي

الله يعظّم أجرنا في موت ثائر
صال في الساحة وجال

من واجه بحرفه وزلزل كل جائر
ونكّل بحلف الضلال

وجرح أنصار النبي المختار غائر
بفقد من شدو الرحال

وكل شاعر عهد يبقى دوم سائر
على خطى تلك الرجال

#الشاعر_بدر_الكهالي

أكبر مصيبة فقد أحياء الضمائر
صفوة أُباة الإحتلال

حسين ناصر والنقيب كانوا خناجر
بنحر عُباد الريال

الله يعـــظم أجــرنا أول وأخر
في الفقيدين يارجال

#ابوكنعان_الروس

الله يعظم أجركم ياأهل المنابر
واجر حرفي والمقال

والحبر والبركل مع بيض الدفاتر
وسطر الابيات الجزال

حنيت ماحنت سفنها والبواخر
على النشاما والرجال

ماحد بها الدنياء سلي والحال سابر
أحزان ذي تطحن جبال

#ابوحيدر_الراشدي

يا الله بسـورة ق والفرقان وغافر
والمصطفى طه وال

ترحم فقيد الاتحاد احسين ناصر
وترزقه حسن المئال

و(هايل) اكرم منزله بين العشاير
ودار ما يخطر ببال

يا رب من جاهد معك رابح وظافر
يبشر بتحقيق المنال

#اتحاد_الشعراء_والمنشدين

https://t.me/aboyahyaalshami

المجاراة عن
العرس الجماعي لعدد تسعة الف عريس وعروس برعاية الهيئة العامة للزكاة) .

البداية للشاعر #احمد_درهم_المؤيد

انطلقنا من جميع المناطق
واجتمعنا فالزفاف الكبير

في زكاة المال مابه فوارق
في اليمن بين الغني والفقير

خبروا من كان في الفيس ناعق
قلنا ويش أزعجك ياخبير!!

#الشاعر_نشوان_الغولي

أوسخ الأبواق بوق المنافق
وانكر الأصوات صوت الحمير

قلتها طالق وطالق وطالق
للمنافق والعميل الحقير

بعد مابانت جميع الحقايق
واصبح الخاين حرم للسفير

#ضيف_الله_سلمان

شعبنا اتجاوز جميع العوايق
بالقيادة والكتاب المنير

قد هزمنا كل فاجر وفاسق
وانتصر مشروعنا في الاخير..

زوّجوا من كان مؤمن وصادق
واكتفوا يا اصحابنا باليسير..

#الشاعر_ابورواسي_ارحب

جمع تسعه ألف حلقه وصاعق
أقلقت من مات فيه الضمير

ناسي أن الشعب هذا مسابق
في حمئ أرضه وعرضه يغير

لاتضيق بعرسنا يا مضايق
عاد باقي في جعبنا الكثير

#مروان_الشماع

من ورود الشوق نهدي بطائق
في خضم الاحتفال الغفير

عد تسعة ألف مجنى الحدائق
عرس من عطره يفوح العبير

موت في غيظك بنا يا منافق
وأنت ما لك غير سوء المصير

#فتى_همدان

نحمد الله لا قد الجو رايق
فرحة العرسان تسوى كثير

من جبل مران قد لاح بارق
يدعو الامه الى كل خير

قاده السيد وبالله واثق
اشهد انه كفو قائد جدير

#ابومنار_العشي

يا يمن الأيمان سابق ولاحق
الف مبروك الزفاف الأخير

العرس ذي ضم عدة فيالق
يستحق انا نقول الكثير

الزكاه اسلت حنق كل ضايق
يسرت ما كان عنده عسير

#سيف_حسن_العامري

طالقه ياالعيزبه الف طالق
راح عمري فيش مثل الاجير

الله اكرمنا بربان صادق
ررزح للمعسر غناء للفقير

با الزكاه انهى جميع الفوارق
واصبح المهر المغلظ يسير

#يحيى_الوحيشي

دام معنا اليوم قرآن ناطق..
ما علينا من كلام الحــقير..

بلغ ابواق العدو والبيادق..
والعميل المرتزق والأجير..

الزكه تحرم على اهل الفنادق..
يحنقوا ويبلبلوا للأخير..

#ابوحسن_الشبطي

بادروا ياكل مؤمن وصادق
زوجوا من كان عازب فقير

حصنوا شبان والا مراهق
لاتخلوا نافذه للأجير

وانت يامن تملك المال سابق
دفعها ملزم وواجب كبير

#عزالدين_جحاف

في مغاربها ولا في المشارق
ماحصل كالجمع هذا الغفير

حفل للعرسان سابق ولاحق
في يمن الايمان عبر الأثير

ياسلام الله والخير دافق
شعبنا في الكون ماله نظير

#ابو_برق_الظرافي

احجري في عرسنا ياالبنادق
محجره للخصم ويل وسعير

عرسنا فرحه تشكل مخانـق
حول الأعدا لاجهنم تشيـــر

بان نور الحق والشر زاهــق
بعد توجيه العلم والمشيــر

#محمود_الجنيد

للزكاه اليوم راعد وبارق
خيرها بسمه بوجه الفقير

خيرها فرحة بكل المناطق
في المزارع والزفاف الكبير

بالعطايا خيرها اليوم دافق
تصبحوا ياشعب بالفين خير

#زيد_الحوثي

عانق القرناس يا شعب عـانق
القـناعـة رأس مـــــــال الفقير

المغارب كيّـفـت والمـــــشارق
والصغير بالــــيـوم ذا والكبير

والزفاف فيني قناعة وواثــق
ليس الأول في اليمن والأخير

#ابوسياف_البيحاني

بالزكاة اليوم بانت حقائق
كانت اول غارقه قعر بير

اقتران العازبين بالشقائق
في رضا الله السميع البصير

والنبي لو حلقين الحلايق
ما نخلي في يمنا فقير

#الشاعر_أحمد_الخاشب

دام والشعب اليماني مسابق
في سبيل الله واجره كبير

فاز من أنفق، ومن شح غارق
بارك الله في القليل اليسير

بالزكاة امست حَصَانا شواهق
عاد مجرى كل مصرف غزير

#ابوشهيد_القطمي

إعلمي يا غربها و المشارق
و إعرفوا فضل الزواج اليسير

بعد تسعة ألف قل للخلايق
العرس الأكبر في الكون يصير

كإنها فوق المنافق صواعق
قرحوا قلب الحقير الأجير

#ابوبدر_ذيبان

في يمنا الخير دايم يسابق
بالتكافل والتفاعل جدير

والزكاه خطت بنود التوافق
حصنوهم بالزواج اليسير

والتهاني العاطره فل عابق
للحراوه في وطنا الكبير

#الشاعر_ابوصادق_الشيبري

الزواج يشمل جميع الطوابق
من تمسك باالشروط اليسير

ننصح الاباء في الخير يسابق
والغني يــدفع زكاة الضـمير

حصنوهم والزواج كان عــاق
في الزكاه بركه لجني الكثير

#علي_العسكري_المكلي

هكذا يا كل مخلص و صادق
واصلو خلف الرسول المسير

ارفعو الافراح طابق بطابق
بالفرح من وحي عيد الغدير

في زفاف التسعة آلاف فارق
في اليمن ذي ما لشعبه نظير

#ناجي_صالح_ابوردرم

رغم ماسووا من احصار خانق
خيرربي جل ملكه كثير

إخسئوا ياكل منحط دانق
بيننافي التاليه والأخير

بانقيم اعراس سابق ولاحق
والمسيره باذن ربي تسير

#ابراهيم_الشرفي

زوّجـوا عـزبـان كـل الـمـنـاطق
واسعدوا المسكين هو والفقير

بالمسيـره بـان حـجـم الفوارق
بين شرع الله وشـرع الأجـيـر

غربَلَه..يا عصر كشف الحقايق
ما يغيض العُرْس غير الحقير

#حمزة_الحيمي

بـعدمـا الـعـدوان صـك المغالق
والـحـصار اطـبق ومات الضمير

اتضـح له شعـب غير الخلايق
يقسم الشـربه وقـرص الشعير

والزكاه استأصلت كل عايق
يـوم عـدّت للزفـاف الغـفـير

#أبوحسين_العصري

شعوري ابلغ من ظهوره وكبته
شـعـور عـاجز حيـلته ما لقيها

شعور شايب يجمع اشلاء بنته
وارمله تـحـضـن مـلابس بنيها!!

وايتام ما لاقت مع الناس(حتّه)
نظراتها تحكيك ما يـعـتـريـهـا

تنـاشـد الـعـالم وجبنه وصمته
ذي ما رمش له جفن واحد عليها

من عالم الاسلام؟من غزه اخته؟!!
ومـن ظـهـر شوقه وتوقه الـيها؟!!

والموت من فوق ابن آدم وتحته
فيـهـا وربـي مطّـلع ويـش فيها!!

#حمزة_الحيمي

لا فرق في المنصوريه والنصيرات
كل القلوب اتعيش حـالـة طـواري

وما اكتفينا في خروج المـسـيرات
ولا كفاية في نـفـوس الـحَـوَاري

تصنيع في كل القطاعات خيرات
وتعبئة في ظل وضع اضـطراري

وعيون في كل الفُرض والشعيرات
وشعب في راس الكيان انتحـاري

و(العاديات) (الموريات)(المُغيْرات)
نزول تدميري ونـسـف انشـطـاري

الأختبارات الجـسـام الأخـيـرات
( إلـهــيـه ) يالأخــتـبـار الـوزاري

#حمزة_الحيمي

https://t.me/hamzaalhemye