تابع المجاراة عن ثمرة المراكز الصيفية وأهميتها.

البداية #هادي_حسين_الرزامي

كم بين جيل المدرسه والشوارع
حكم ضميرك واحتكم للحقيقه

تحصينهم واجب ولازم نسارع
وكل واحد يتصل في صديقه

ثمارها ماتترك الطفل ضايع
يعرف هداه وكيف يسلك طريقه

#اسامة_المعباء

مراكــز التعليــم فيــها منــافع
تهدى الى نهج الهدى والطريقة

كلآ في التسجيل يالله يسارع
يحصن ابنه بالهدى او شقيقة

ولجل نهزم حلف ظالم مخادع
واجب بناء "امة" بربي وثيقة

#محمد_رطاس

لاتجعله يبحث لفسق المقاطع
ويقلد الموضه بشي مانليقه

فالمركز الصيفي أتانا مدافع
يبني لنا اجيال بالله وثيقه

يتعلم الاسلام وخير الطبائع
ونهضة الامه باافضل طريقه

#ابوحزام_سامي_المضري

يابن اليمن سارع وسارع وسارع
قبل ان تحمل حمل مــالاتطيقه

وسجل ابنك يصبح انسان بارع
ومن هداء القران يلمع بـريقه

جاهد وهوفــالـعلم وولي يزارع
ونشغل العدوان يـاخي حـريقه

#محمد_محمد_زيد

من هدي ربي نالوا اعظم مرافع
هدي الملازم صدق مافيه ظيقه

يتجهزوا يغزوا كل ساحه وموقع
في عصر جند الله سارت عريقه

الشبل في الجبهه له الخصم راكع
بلهدي امنا وبا الايمان زدنا وثيقه

#ابوالجراح_المعازي

العلم يـا جيل الزمان المضارع
قرآن يفتـح للمُـعـاصر طريقـه

ابن المجاهد والغني والمـزارع
ظلالهم والجهـل من با يطيقـه

لابــد نـبـنيـهـم بـنـاء المُـقـارع
لاعداء دين لله يسره وضيقـه

#كمال_السمعولي

نجدين مابش أي ثالث ورابع
إما هداية او متاهة سحيقة

وابليس ياحيدي بطبعه مخادع
بالمكر يطلب ضمهم في فريقه

لكـن مراكـزنا عليـهـم تـدافـع
ومن دخلها يرتوي من رحيقه

او بايضيعوا بين شاري وبايع
إما بمـوضة او بكلمة رقيقة

#ابوالفتــح_الجــــرادي

الفرق بين العلم والجهل شاسع
واختار امـــا قــــاع ولا شهيقــه

اما تربي ابـن مــــؤمن وطـــايـع
واعي ومصتبصر بنضرة عميقــه

ولا بذي اخـــــلاق صايـع ومـايع
وكل من يختــــار لبنه طريقيــــه

#ابومعارك_السقاف

نحمي قيمنا بالهداء والدوافع
كلن يسارع ينطلق في دقيقه

نسعى نسجل في مدارس وجامع
في منهج القرآن نسلك طريقه

واشبالنا في خط ربي تسارع
هاذا يسجل طفله وذا شقيقه

#الشاعر_أبوعزام_الشامي

إحــنــا مـــع اللــه كـلنا با نســارع
في نهج آل البيت ونسلك طريقه

ماهـــمنا نبــح الكلاب والقــواقع
ثمـــارها باتــت لــديــنا حــقيقه

فــمــن يريد الــخير وكــل المنافع
يسرع في التسجيل ولا شيء يعيقه

#أبوجبريل_سفيان

مابينهم لـ ثنين به فـرق شاسع
فرق السفينه الناجيه والغريقه

تاك حيث الفوز والـرِبـح جازع
وتاك لأحيث الخساره طـريقـه

هذي نصيحـه الكـل منا يسارع
الى المراكـز مع أخوه وصديقه

#ابو_يحيى_الشوكاني

الفرق واضح بين تايه ونافع
قايس وجرب باتشوف الحقيقه

احيان تلقى طفل والعقل واسع
يشفي غليلك بالعلوم العميقه

واحيان تلقى شاب والفكر ضايع
حسه وعقله اردغل والحديقه 

#عماد_النهاري(ابوسجَّاد)

العلـم يجعل كل انسان شابع
ويدمر الاعدا وينـهي المضيقه

للصيفيَه ياشعب الايمان سارع
وبالهدى داوي الجروح العميقه

وبنـي بلادك كـل ابوها جوامـع
نبقى على درب الهدى والطريقه

#حامد_النمري

الحرب ماهوبس حرب المدافع
فتح عيونك باتشوف الحقيقة

افطن ولومابقوراح ولامع
وتشوف حرب اشد والعن حريقة

حرب الفكر من فوق منبروجامع
هذالخطر واحذر تسمع نهيقه

حصن ولدك وكن لله سامع
ولاترى ذالحرب ممكن تعيقه

#صدام_شايف_الغولي

أنا معك ياصاح به فرق شاسع
واضح وضوح الشمس يلمع بريقه

واجب علينا الكل ماحد يمانع
نحو المدارس يالرجال العريقه

نشيد التعليم ونبني المصانع
من حيد مران لاتريم للبريقه

#منصور_الحراسي

دام المراكز افرزت جيل رائع
وحصنتهم من مخاطر معيقه

لا بد ندعمها بكل المواقع
وإلا فبانذهب سوى في حريقه

ما قيمتك يا الأب للابن صايع
والتوعية بالهدي تبقى عميقة

#الشاعر_كميل_الحماس

عزالله ان الفرق واضح وشاسع
هذاك في الجامع وذا في الحديقه

هذاك يدرس علم للجيل نافع
وذاك روحه في المتاهه غريقه

خير المراكزهو على الناس راجع
يا من تأملها بنضره دقيقه

#زياد_زيد

واجـب علينـا يالنشامـا نسارع
منهوا مع الله ماالعوايق تعيقه

تحصين الابنآ بالهدى امـر نافـع
ما دام عـروتنـا مـع الله وثيقـه

ثـمـارهـا معـروف ياكل شـاجع
كليـن يكلـم ياجـمـاعـه رفيقـه

#الشاعر_ابوصقر_الميادين

في المركز الصيفي عظيم المنافع
هدى يجلي كل غمه وضيقه

وابنائناء يالهدي ولا المقاطع
وحرب الاعداء واسعه مستفيقه

لزوم نرفدها بقوه ودافع
كي نهزم الباطل ونسكت نعيقه

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان هو الحكمه.

البداية #سلطان_خضران

لازم ابنـائنا تقـرا وتتعلم
في زمان اوصل التظليل للقمه

طالما العلم نور والجهل ليل اظلم
صيف والا شتاء والهمه الهمه

فالمدارس وفالدورات هل تعلم
ان تعليمهم يابـو هـو الحكمه

#الشاعر_مازن_براش

سلام ياسيدي في البدع والمختم
تفديك ارواحنا ياقايد الأمة

في ضل منهج محمد وآله الاكرم
بانستمد الهدى من واقع الختمة

نمضي نجاهد مع الباري ونتعلم
ونوصل الدين والإسلام للقمة

#الشاعر_أحمد_الشريف_(ابو فاطمة)

لازم الجيل بالقرآن يتعلم
لجل يرقا بهدي الله للقمه

عزته بالكتاب الطاهر المحكم
نور رب السماء ذي يجلي الظلمة

حصن الجيل ياشعب الابا بالعلم
لجل لايصبحو بالجهل في أزمة

#ابوحزام_سامي_المضري

حمدلــــــه من رشدعبده ومن علم
ورسل المصطفى واعطاه مـن عـلـمه

قال لـــه قـــم فٔنذر ودع وتكــــــلم
حارب الجهل تنزل فيكم الــرحمه

وانت بادربطفلك يالغــضي يسلم
من عنئ الجهل والتضليل والضلمه

#الشاعر_بشير_الشامي

حكمة اليوم قالت من قراء يفهم
إن تعاليم أولاده على الذمه

والولد لازم انه ياولي يهتم
لازم انه يخذ فالعلم من قسمه

في مراكز على الجهال يتقدم
في طريق العلاء قد سجلون اسمه

#بشير_سفيان

لازم لي مافهم للان ان يفهم
ثقافه الغرب يااخي ضيعه امه

واصبح الابن متثقف اصم اعجم
يدرس اربع سنين وما عرف لسمه

الى المركز نحث الابن يتعلم
من هدا الله نور العلم والحكمه.

#ابوهادي_الخولاني

ولازم انا نبادر نسبق المغنم
نرسل ابنائنا دورات لا الذمِّهْ

قبلما الاعدا يسوقوهم ولا تعلم
في اي وادي صغيرك يرتعي أو مِه؟

وشاهدنا في الواقع لمن علَّم
مشاهد واضحه تنبي عن الحكمه

وشاهدنا لمن اهمل وما اتفهم
نماذج مخزيه خارج عن الخدمه

وشاهدنا في المبدا وفي المختم
فوارق شاسعه في الضرب والقسمه

#الشاعر_ابوسجاد_حمزة

واجب علينا نشد الطفل يتعلم
نلبسه من هدى القرآن والحكمه

في زمان اصبح التضليل يتكلم
ننشر العلم والتضليل ننهي اسمه

نبـني أجـيال بالـقران تتلـهجـم
بالهدى والبصيرة مبتني عزمة

#الشاعر_عزيز_محمد_البروي

واجب على الكل يتوعى ويتفهم
يسلم من الباطل ومن جرمه

واوجب الواجبات النشىء يتعلم
تحصينهم. يعتبر تحصين للأمه


حاضر ومستقبل الأجيال هل تعلم
في وعيها بالمخاطر توصل القمه

#أسـامـة_المـعبـاء

يارجالي يجب عالكل ان يهتم
بالتعلم لنصبح خيرة الامة

من لحق مركز التعليم بايسلم
من ضلال اليهود وتيهه الظلمه

جيلنا من هدئ قراننا المحكم
نوصله من هداه لاقمة القمة

#ابوذر_الشعف

ذا كتاب انزله رب السماء محكم
وقال إقرا ولكن اقرؤوا باسمه

لازم الجيل للقرآن يتعلم
أو يكون البديل التيه والضلمه

فرض واجب علينا الشرع قد حتم
ندفع الجيل للدورات وبالهمه



#الشاعر_ابوزيد_الدرعي

ذي مايعلم ابنه لابد بايندم
لأن التعليم اساس منهج الحكمه

اولادك واولادناء بالتعليم تتقدم
وغيض اليهودي مات في سمه

#عبدالله_محسن_جحاف

ليش زعتر من الدوره يجيه الغم
مادرينا السبب أوقلنا للمه

يشتي الجيل مثله ناس ماتفهم
عند سلمان يشحت مثلما الدمَّه

جيلنا جد وتعلم لنتقدم
بك يباهي يمن ليمان والحكمه

#ابوهادي_عقاب

قل لصهيون وامريكا ومن يحلم
فاليمن سوف يهزم وانعكس حلمه

صار شعب اليمن واعي وهويعلم
ان نهج الولايه من اسس علمه

فالمراكز تخرج جيل لا يألم
لويحاصر مدى الدهرين ماهمه

#أبوصخر_الجوحمي

واجب الشعب يخرج جيل متعلم
من خلال المراكز ترتقي الامه

يستفيدوا القراءه وعي يتكلم
والفوائد من الدورات هي جمه

اكثر الشعب قد بادر. وقد سلم
ودخلو ابناءهم دورات للحكمه

#ابوصالح_المسعودي

بسم الله الرحمن ذي خلاني اتكلم
العلم للأجيال من رب السما نعمه

يحصنك من فكر وهابي وسع سلم
ماينطقو بالآل ينغو مثلما الدمه

يسعو لمسخ اجيالنا ذي ماعلم يعلم
يبدلو نعمة اله الكون لانقمه

#محمد_رطاس

من يريد التيهواد يارجال يعدم
يسرع باابنه ويرفع عنده الهمه

لامركز الصيف من نور الهدى يغنم
ويعرف ايش الذي أنزل في الختمه

لاتجعله ف الشوارع بعد تتندم
حينما تشوف الذي مثله في القمه

#ذولفقار_قوزع

بالعلم نبني رجال وذي ماعلم يعلم
يعلم بأن الهدى لطفالنا نعمة

يزكي أنفس ومن كل اشرور تسلم
ويرفع أجيالنا بخلاق للقمه

واليوم واجب علينا ننفر ونتعلم
ونعلم اولادنا الهدي والحكمه

#ابوفضل_الهمداني

اولادنا درعنا السيف والمحزم
هم املنا ويكشف الله بهم غمه

وفى السنين القادمه جاليين الهم
ويشربون العدو كأسين من سمه

هذه هي الدورات والمعلمين اعلم
يامومنين اشحذو والهمه الهمه

#أبوسلطان_سليم_عامر

أيمان يماني والحكمه بتتكلم
هذا المسيرمصنع باالعلم والهمه

باالعلم والحكمه عدو الله يتالم
ويرتدع ولاأسترين الباتريو يحمنه

وباذن الله سلمان وأبنه بايندم
وللقوي الفضل كله والشكروالمنه

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان أحتفال الشعب اليمني في هذا العام سيكون أكبر احتفال على مستوى شعوب الأمة العربية والإسلامية بإذن الله.

البداية #ابوحيدر_عامر

الحفل هاذا العام من فوق الخيال
في موطن الحكمة بميلاد الامين

يغيض أعداء الله ويزيل الضلال
ويبين أنصاره وذي له كارهين

ذي قالو ان احياه بدعة والحلال
ذي عندهم حفل المجون الحاقدين

#الشاعر_ابوحاشد_معمر_ابوسعيد

باتمتلي الساحات وتزيد الرجال
في حفل ختم المرسلين الطاهرين

والطير والاشجار من فوق الجبال
تشارك الانصار ذي له مخلصين

والمرتزق يجلس علا حد النصال
ذي قال بدعه هو من المتخلفين

#الشاعر_جبر_المهدمي

هذا نبي الله والنور الهلال
والرحمة المُهداه لكل العالمين

شعب اليمن خيرالنشاما والرجال
انصار طه والجنود المؤمنين

بانحتفل به فاليمن خير احتفال
بااكبر تفاعل يرعب المستكبرين

#ماجد_القادري

اتبسمت كل الشوامخ والجبال
في عيد ميلاد النبي طه الأمين

انصار ربي تعتبر اغلى الرجال
هم الرجال الاوفياء الصادقين

ياساحة السبعين لبينا الوصال
ميلاد طه فخر عز المؤمنين

#عبدالقوي_البطل

بانحتفل به سيدي في كل حال
ونجسده بحضورنا في كل حين

محال نتهاون ونتخلف محال
عن مولد المختار خير المرسلين

في كل ذكرى مولده والاحتفال
في كل عام نحصل على النصر المبين

#الشاعر_ابوجهاد_صبر

هـاذ السنه باتـشـهـد أكـبـر إحتفال
في ديرة أنصار الرسول الصادقين

ذكـرى عظيمه عيد فـرحه وابتهال
مــيـلاد خــتـم الانبياء والمرسلين

بانـحـتـفـل بـه دام حــنّـا له رجال
رغـمـاً علا الكفار والـمـتـيـهـودين

#أبوصخر_الجوحمي

من شرق هذا الشعب حتى للشمال
بايحضروا مولد رسول العالمين

بلسان حال الشعب ولسان المقال
لبيك ياطه بنهجك سائرين

انصار. للمختار. وآله بأي حال
في سلم ولا حرب دايم كل حين

#ابوشهيد_القطمي

لازم يكون يا شعبنا اسمى احتفال
لة نحتشد كامل و نقبل محتفين

في كل ساحة يا رجاجيل الرجال
نظهر للاعداء انا بطه فارحين

لبيك رغم انف الشدايد والمحال
لبيك رغم انف اليهود الكافرين

#الشاعر_ابوالعز_القيدله

نـــور النبي لــن ينطفئ كـلآ محال
وجيــوش طــٰـه باتبيد الضالمين

مقلع من ارضي ياجيوش اهل الرذال
الصبــر باينفــذ ويجتــاز العـرين

نقسم بمن سوى السماء ورسى الجبال
ماروسنا تخضع لحلف المجرمين

#ابوحزام_سامي_المضري

في موطن الانصار قدزاد الجمال
وتزينت كل الشوارع وكتسين

في حب طاهى قد امر موالا الجلال
يوم ارسله رحمه لكل العالمين

ذمايشارك فالفرح والاحتفال
في مولده لاسامحه دنياودين

#أبوعلي_مبخوت

صلاه تغشاء سيدي طه وأل.
صلوعليه وكررو يامؤمنين.

الحشد هذا العام من فوق الخيال
احنا بهذا الشعب والله واثقين.

أتزينت كل المباني والجبال.
بالضوء الأخضر ذي يسر الناضرين

#الشاعر_حسين_المستكا

بانحتفل بالمصطفى خير احتفال
با يحضرو كل الرجال المؤمنين

نفرح بميلاد النبي في كل حال
في حربنا في سلمنا به فارحين

مابا يضيق بمولده غير الضلال
اما يهودي او نصاري او لعين

#ابواحمد_العفيف

الحـفل في هاذالسنه ماله مثـــال
اكبـرمن اللي مر فـ التسع السنين

باتخرج افواج اليمن من كل حال
وتبـتهج في مولد النور المبيــــن

خيــارهم ذي غايضين الاحتفـال
ثنــــتين ياكفار ولا مسلميـــــــن

#مقبل_العماري

بايحتفل شعب اليمن في كل حال
هيهات يخضع لطغاه الطامعين

اكبرشرف لك يا يمن بالاحتفال
ذي ارعب اسرائيل ومريك اللعين

مولد رسول اللّه فرحه لا تزال
ثابت في قلوب الراجل المؤمنين

#كليم_النجار

من قوة الفرحه وكبر الاحتفال
اصبح يمنا كوكب الدين المبين

ياذا علينا العار لو خضنا الطوال
عن حب طه يشهد الله مانلين

بانجعل الفرحة بميلاده خيال
ومن فرحنا باترانا كل عين

#الشاعر_بشير_المضواحي

بانـحتـشد ذا الـعـام عـام الاحتفال.
بالنصر والمولد وموت الكافرين.

انصار طـه والـوصـي شدو الرحـال.
تفرح بميلادة على غـير السنين.

هذي السنة فيها الصواريخ الطوال.
فيها البشارة للـعرب والمسلمين.

#ابوبراءة_الديلمي

ميلاد طه النبي زاد الجمال
ونووور الكل به متباهيين

هذا رسول الله به هل الهلال
وكلنا تحت امره طائعين

لبيك يامصطفى في كل حال
على مدا الدهر واحنا جاهزين

#ابومحيي_الدين_المغربي

حفل هذا العام ذي بوسع مجال
آلاف بل مليون ونعم الحاضرين

يتكرر العهد. من حشد. الرجال
ذي تلبي دعوة. المستبصرين

يارب بارك في يمنا لاجزال
وادعوك لم الشمل في دنياودين

#المولد_النبوي_الشريف 1445هـ
#إتحاد_الشعراء_والمنشدين

؛https://t.me/aboyahyaalshami
لمتابعة الحسابات الرسمية عبر الرابط
؛https://sites.google.com/view/aboyahyaalshami/

تابع المجاراة بعنوان دعوة إخاء لاخواننا في بعض المناطق الجنوبية المحتله.

البداية #أبوعساف

يا أهل الجنوب العار فينا وفيكم
العرض واحد والشرف والحمية

قوموا بثورة خيرة الله عليكم
وأحنا سندكم والخوي من خويه

ثوروا على أمريكا قبل ما تجيكم
إن كان بــاقـي لـلـكـرامة بـقـية

#أبـورمـاح_شـداد

وين الحميـه خيـرة الله عليكم
ثوروا على ابوظبـي والفيصليه

شبو النكف واسنــادنا بايجيكم
ونبـــــــادل العـدوان كيـه بكيه

محنا عليكم نحن منكم وفيكم
واروحنــــا فـي ما بليكـم فديه

#ابوحزام_سامي_المضري

شفناخبرصادم وصل من قديكم
يااهل الجنوب قدزادت العنجهيه

نفس  الالم  فينا  بماصار   فيكم
مابا نغاضاء  عن   صراخ   البينيه

لجل الكرامه  والشرف  بانجيكم
نموت من شانه ونحياء سويه

#الشاعر_ابوفتح_الاشول

عدونا واحد ترى ما نسيكم
حتى ولو جاء بإسم دعم الرعيه

حقده علينا مثل حقده عليكم
ولا سلم من باع عرضه هدية

ثورة عمل تفني عدو يعتديكم
و احنا معاكم صف قوه قويه

#ابوعبدالله_عنبل

اكيد لو صنعاء عزيزه عليكم
ما تنكرو تاريخها و الهويه

من ما لدينا لو تواجد لديكم
كان اليمن دوله عزيزه قويه

ولولا طعون الغدر في ظهر اخيكم
لا ينقل الحرب الضروس الحويه

واليوم ايادينا تنادي يديكم
الى الطريق المستقيم السويه

#ابوحرب_العتب

الشعب واحد دائما من يبيكم
تتشطروا عنا برأسه قضية

ينهب ويسلب كل ثروة لديكم
يحتلكم لكن بصورة خفيه

ثوروا على المحتل ثورة ابيكم
عاالانجليز واحنا السند من هِنَيّه

#أخت_شهداء_البكالي

الله اكبر ماجنتها يديكم
لابد من بتر اليدين الخفيه

والله انا بانجيكم نجيكم
الجيش منا كامل الجاهزيه

للعز هبوا يالجنوب بيديكم
لونعتصم بالله. اخ وخويه

#ابوعلي_مبخوت

لاماعقلتو ياغجر طزفيكم
بعض الأوادم دأمن مصمليه

حلف التحالف يلعنو والديكم
واولادكم في النخبه الحضرميه

الشل لاعدشي كرامه لديكم
هبو على الغازي وهي منجليه

#ذاالنون_مشتاق_شريان

مــسيرة القرآن مـــادّة إلـــيكم
اليد ياأهل الـــجنوب الـــوفية

الحل فيكم والحلول هي لديكم
لا قد توحدنا يمنّـــــــا قـــــوية

بانخرج المحتل ذي مد فيــكم
وتبقى اليمن حره شريفة أبيّة

#فايز_الحمزي

هذه يدينا هل تمدوا يديکم ؟
إن عاد باقي للحميه بقية

يکفي مرض واذا الشکوک تعتريکم
فيکم خلل بالإنتماء والهوية

وين الرچوله يوم تغزي عليکم ؟
احقر چيوش الارض صبح وعشية

#ناجي_القعود

اصل العرب منا وترجع اليكم
والعز والنخوه مننا مبتديه

العرض واحد واليمن هي يمنكم
والعار غالي والشرف والهوية

هيا نمد العون والخير فيكم
ندعس على المحتل سيره وجيه

#نجم_الدين_الحمزي

قومو نهد الي يبا يعتريكم
قومو نذيقه ضربتاً حيدريه

العز واحد دمروا عنصريكم.
لا نملي الاكباد بالعنصريه

ماعاش لا ماعاش من يعتديكم
مادامت انفسنا زكيه تقيه

#أبوصخر_الجوحمي

الحل بايديكم وهو من لديكم
ثوره على الغازين من صدق نيه

ما صابكم هو في الشمالي وفيكم
هوشعب واحد في الاباءوالحميه

شدوا الهمم كامل. ولازم. عليكم
وحده قويه ضد حلف البغيه

#الشاعر_ابوالعز_القيدله

ولاسكتم والقسم لايجيكم
اعظم مفاسد من جيوش الرديه

حلف الامارات قد فسق في دويكم
في شلت الاقزام والعنصريه

ياحضرموت احنا معاكم وفيكم
يالعن ابو من بايفلت خويه

#نورالدين_شرف

فكوا قيود البهطله من يديكم
لا تجلسوا للاحتلال الضحيه

احنا لكم انصار ما احنا عليكم
لا يخدعوكم فالحقايق جليه

جينا لصون الارض والعرض فيكم
لو ما تبقى مننا الا وقيه

#ابوزيد_الزبدي

ثورو على المحتل تبت يديكم
يهل الجنوب ولا قديه هوشليه

ياذي  سكتوا  بايعاود  عليكم
وبا   تزيد  الفاحشه   والرذيه

لنتوا  تريدوا  الحريه  بانجيكم
ونضرب  المحتل  ضربه  قويه

#ابوخالد_القراضي

داعي نكف واحنا عنسري صليكم
يلعن ابو من عاش عيشة دنية

حق الأخاء اوجب علينا نجيكم
يا اهل الجنوب مادام واحنا سوية

لا تجعل المحتل يصيطر عليكم
لجل الكرامة فذوق كاس المنية

#ابومحمد_المهذري

تبت يد الغازي وتبت يديكم
يالشرعيه والنخبه الحضرميه

والذل فيكم والخزى يبتليكم
وانتو سبب كل البلاء والاذيه

شبو نكفها والنشاماء تجيكم
تدعس خشوم اعراب نجد الدنيه

#ابوناصح_العزي

عدونا هو نفس ذي يعتديكم
هو هكذا المحتل نفسه دنيه

ثوروا ونادوا للمسيره تجيكم
في ظل قايد حر نفسه ابيه

لو تعرفوا حبه وحرصه عليكم
قيادته نعمه واكبر هديه

#ألشاعر_أبومطلق_فرج

أما الشمال بالوفاء ٱقبل يفيكم
جيش وقبايل ذخركم حضرميّه

سنود كلّن من صلاااه لا صليكم
ثورة على المُحتل وهجوم سويّه

شلّـو العِبر خذو مِن اللي يليكم
والحر تكــفّـيه الإشارة كـفيه

#إتحاد_الشعراء_والمنشدين

؛https://t.me/aboyahyaalshami
لمتابعة الحسابات الرسمية عبر الرابط
؛https://sites.google.com/view/aboyahyaalshami/

اليوم يوم المنايا تجرف اسرائيل...
ويوم نوري يشع النور للمسرى...

قدام ياجند (نصر الله) و(ابو جبريل)...
قدام ياشيعة (الكرار) و(الزهراء)....

ميعادنا النصر ذي في محكم التنزيل...
ووعد ربي صدق في سورة الاسراء...

#مقبل_العماري

نكل بهم يابطل وقهر قوا التضليل
ونسف جماجم بني صهيون وتبرا

خلاص ياحلف بن يامين فاض الكيل
والخزي لك داما والذل والقهرا

طوفان قادم ويا ويل المنافق ويل
لابد يلقى هزيمه فادحه نكرى

#ابوحسين_الشبيطي

طوفان الأقصى بدء يجتاح إسرائيل
يالله  لك  الحمد  باولها وبالاخرئ

جنود صهيون  كم يتجرعون الويل
كم ذاقوا الموت بانواعه من المجرئ

لن ينعموا بلأمان في صبح ولا ليل
لابد ياقدس مايتحقق النصرا

#ابــومران_الدحـمــلي

يامقتحم يستحق الشكر والتبجيل
سجلت في صفحة التاريخ لك ذكرى

بقوة الله والتكبير والتهليل
صهيون لاقت هزايم منكره نكرى

تحرير الاقصى على راس الجهاد اكليل
والغاية السامية للأمة الغراء

#ذاالنون_مشتاق_شريان

بقوة الله نــــــــــدمر كامل إسـرائيل
والله وعد إن بعــــــدالعسر هويسرى

طوفان بداية يواصل هاكذا تنـــكيل
وتكون حياة اليهـــودي دايماًحـمراء

وعاداليمن قادمة برجال ابو جبريل
للمعركة الفـــــصله والله وعد نصرا

#الشاعر_كهلان_فاضل

طوفان الأقصى أتى والموت لاسرائيل
يــاشـعـب هاا قـد أتـــانـا طائر البشرى

اليوم بـاارسل هدايا الشكر والـتبـجيـل
لأحــرار غــزة سـلامـي دائـمـا يُـســـرى

#ناجي_القعود

تكبير تكبير فوق الموت لإسرائيل
والنصر للدين فيها العز والفخرا

هاذه بدايات لاقد تدخل التسجيل
باقي نهايات تجعلها حمم حمراء

افواج لاتحصى واليات تهد الحيل
تطحن من اعلاهم وتركعهم لنا قسرا

#مرتضى_ناجي

ولا زمان الحجارة هات ياسجيل
دون ملاحم جديده صاغها المجرى

عادت فلسطين للمذكور فالتنزيل
لا خط حيدر وذي ماقد درا يدرى

والفضل لله سبحانه وابو جبريل
وترقبوا بالبشاره منه الكبرى

#ابوحزام_سامي_المضري

الفجر شعشع وبايمحي ضلام اليل
والعسرلو طال يتي بعده اليسراى

اليوم زحف الكثايب مثل زحف السيل
فالبحر والجو والقيعان والصحراى

وكيدهم قد جعله الله في تضليل
والارض من تحتهم قدهي لهب حمراى

#الشاعر_محمد_أحمد_البحري

من وحي اعدوا أعدينا سلاح الويل
وصمت الاوجاع يتفجر حمم كبرى

وصرخة القدس تنتج صبرها سجيل
تحمل غضبها كفوف البأس والبشرى

الثأر من جيل يتوارث لأخر جيل
ضربات كبرى تطيب خاطر الاسرى

#الشاعر_نشوان_صادق_همدان

تنورنا فار ياويل اليهودي ويل
لاعاصم اليوم يالصهيونيه برى

طوفان الأقصى يدمر رأسكم والذيل
جاء وعد الأخرى هزيمه ساحقه نكرا

يا قدس بشراك إذا جاء جيش اباجبريل
قوماً أولوا بأس من الصهيونيه تبرأ

#فارس_الحرازي

فيالق القدس تتلي محكم التنزيل
وكل معبر يعيش الجو بالذكرى

يا ويل ابو اسرائيل ثم الويل
طوفان الاقصى يمين قد حدد المسرى

وتجهزت ارض اليمن لبنان بال اربيل
وكل مؤمن تجهز وصلوا البشرى

#محمد_الزكري

الحمد لله نرددها طوال اليل
والشكر نثنيها في الاولى وفل اخرى

اليوم ياقدس صارو منك في تضليل
والنار في تل ابيب جهنم الحمرا

اتحقق النصر والتدريب والتئهيل
والفتح قرب وطوفان عاد بايسرا

#اسامه_الشامي_ابوالحسنين

حانت نهاية بني صهيون واسرائيل..
على يدي من بحبل الله صاروا أقوى..

طوفان طوفان بيقدح نار من سجيل..
يمحي تواجد بني صهيون في الأقصى..

وفعل الله شعار الموت لإسرائيل..
في معركه لا سواها معركه كبرى..

#ابوزيد_الزبدي

طوفان الأقصى اتا بنهاية أسرائيل
من وسط غزه يزف النصر والبشرى

رشقات صارخيه تسقي الكيان الويل
تحرق كيان العدوا في نارنا الحمرى

احنا خرجنا. وفوضنا ابو جبريل
وحنا . معه بانحرر قبه المسرى

#الشاعر_ابوالعز_القيدله

طوفان الاقصى هجومه طعفر اسرائيل
دقدق خشوم العدو من داخل المجرا

وسراب صواريخها. قد بعثر الدربيل
لادااار حلف الكيان بالقصف مايدرا

والفضل لله وحده منزل الانجيل
والحمد لله فـ اسراء وفـ الضرا

#إتحاد_الشعراء_والمنشدين

؛https://t.me/aboyahyaalshami
لمتابعة الحسابات الرسمية عبر الرابط
؛https://sites.google.com/view/aboyahyaalshami/

تابع المجاراة الثالثة بعنوان #طوفان_الأقصى

البداية #عماد_العملسي

بسم الله الرحمان ياطوفان منهم لاتذر
ديّار صهيوني وكافر في بلاد المسلمين

طوفان الاقصئ هو بداية لليهودي من سقر
والقادم اعظم بلغ اسرائيل وامريك اللعين

#الشاعر_عبدالقدوس_الصباحي

في دولة اسرائل لا خطه ولا حكم استقر
ولاهم اللي نالوا المنوئ ولا امسوا سالمين

دوله غبيه منذ نشأتها مهدد بالخطر
واليوم من طوفان الاقصئ شعشع الفتح المبين

#احمد_تاج_الدين

تـوحّــدي يـالأمّــة التّعـسى تـنــالـي للظّـفـر
إلـى متـى؟حكام الامّـه بـا يـظـلّوا ساكتيـن

لأجل الاقـصى والقسـم لو مـا بقى منّا بشر
ولا نشوف اهل الكتاب بأرضها مستوطنين

#محمد_الاخرم

طوفان الأقصى ثار وتوسع تقدم واستمر
بأفعال بإذن الله تشفِ صدور قومً مؤمنين

ماهم لا البيت الابيض او أوروبا والغجر
وبرغم أنف الكفر والارهاب والمتصهينين

#أبوحسين_العصري

قل للسعودي و الإمارااااتي وبلغها قطر
وعاهل المغرب مع السيسي وكل الخاينين

لن تسلم إسرائيل من بأس المهيمن والقدر
لو يوقف العالم مع إسرائيل محنا واقفين

طوفان الأقصى با يطم أهل الخيانه والغجر
با نمحي إسرائيل من ظهر الخريطة واثقين

#الشاعر_ابوجهاد_صبر

عـوّد عـلا إسـرائـيـل يـا طوفان بـالله البُكر
وإضهر عليها سوط واحد من عذاب الكافرين

تنكيل في تنكيل في تنكيل فوق الّي كفر
حتى تموت الصهينه وتعيش اولى القبلتين

#ابواياد_المطري

هذا الكيان اليوم با يحرق صبر أولا صبر
وزواله المحتوم قد شافت بروقة كل عين

هذه وعود الله من آييد ومن عز ا  ونصر
هو قائد الانصار والملهم وهو نِعم المعين

#ماجد_القادري

هذا هوالاقصى مسرى للنبي اغلى بشر
الصف واحد نجتمع نبقى معه يامسلمين

انصار ربي بالصفوف متقدمه شوف الخبر
الحشد وحزب الله والمحور وحزب المؤمنين

#الكرار_المشراقي

طوفان الاقصى بلغ اسرائيل ناره لاتذر
بايجرف إسرائيل وامريكاوكل الظالمين

ياويلها إسرائيل لادقت نواقيس الخطر
بايصبحو عبرة لكل الخلق في دنياودين

#ابوتمام_الخراشي

قدام يا غزه بطوفانش تعديتي الخطر
وصارت اسرئيل في يدش وصاروا صاغرين

تنكيل في تنكيل ون ماتوو نهايتهم سقر
تطهير للأقصى بدأ و نهايه المستوطنين

#الشاعر_أحمد_الشريف #ابو_فاطمة

صارو بني صهيون من طوفان الأقصى في خطر
واصبحو بالله سبحانه أمامه عاجزين

وجيش صهيون الذي سموه لايقهر قُهر
ونهايته قد قربت والعاقبة للمتقين

#أبوصخر_الجوحمي

طوفان باذن الله ينهي الصهينه ينهي الخطر
وتعيش ارض القدس والاقصى وغزه آمنين

لابد لاسرائيل نمحيها ولانبقي اثر
سنه الهيه على ايدي المؤمنين الصادقين

#مرتضى_ناجي

اتحولت غـزه حـمم بركـانيه بعـــد الحجر
والسـر يكمن في توليهـم اميـر الموُمنين

ماقدرت اسرائيل تحمي نفسها عند الخطر
هــذه رسـاله لـكم يـامن بـها متمسكين

#ابوفتح_الجرادي

هذة وعود الله فـي القران وايات السـور
صارت في الواقع جلية واضحة للناضرين

والعاقبه.للمتقين الصــادقين نـصـر وظّفر
سبحانة الغالب على امرة وخير الناصرين

#الشاعر_حسين_المستكا

النصر الاكبر نصر الاقصى ولازم تنتصر
والوعد وعد الاخرة يا اليهود المجرمين

ومنهو مع اسرائيل طبع حان وقته ينقبر
جنب المقابر حق اسرائيل والجيش اللعين

#ناديه_السقطي

الويل ثم الويل لاسرائيل والموت الأمر
طوفان بك يالله استعان ياقاصم المتجبرين

طوفان الاقصى ثار من ثوار ثاروا بالحجر
متسلحين الصبر والايمان بالله واثقين

اليوم لاعــــاصم ولامنقـذ ولامنه مفر
باينهي لصهيون وامريكا مع المتصهينين

#نجيب_المنتصر

عاد النهاية كالبداية فوقكم مثل المطر
ياحفاد مرحب ياطغات الأرض ياكم من لعين

والسيل والطوفان يجرف ملككم مابه مفر
من أمر ربي والرجال المؤمنين الصادقين


#ابوحرب_مشحم

الحمد لله عد ما اسقانا وما انزل من مطر
سبحانه اللي أيّد القسام في دحر اللعين

لاهنت ياطوفان لايبقى ولا حتى نفر
حطم جيوش الكُفر والله المهيمن بايعين

#ابوحـمـزه_الـعـزي

الله سبحانه هوا القادر ووحده ذي نصر
طوفان رد الصهينه من وقع ضرباته طحين

الله يلعن من توانا او تخلف واعتذر
قضية الاقصى قضيه في رقاب المسلمين

#الشاعر_علي_الوزير

مسرع خزاك الـلـه ياصـهـيـون وليتـو الُـدُبُر
واظهرت ماتخفيه من ضعفك على مرالسنين

دبـابـة الابـرمز يـعـطبـهـا فـي الـمـوقـع مُتـر
ويـنـكـل بـميتين من جنـدك ثـلاثه مـومـنيـن

#ابوحزام_سامي_المضري

الزحف والتنكيل واصل واليهودي في خطر
والارض والانسان تتحرر من المستعمرين

الموت لسرايئل جاري مثل مالمح البصر
والنصر للاسلام دايم وعدرب العالمين

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان أستعداد الشعب اليمني
لنصرة شعب فلسطين قول وفعل رغم خذلان الأعراب المطبعين والساكتين على مجازر الموساد في غزة.

البداية #أحمد_الماوري

هـذا هو الإســـلام هـذا هو الـديــن
ما لليــهـود اليوم عـاصـم وسلطان

يا احرار غــزة يا كتايب فلســطين
شنّوا على المستوطنات الف عـدوان

البارحة طـوفــان وطـوفــان ذلحين
واحـنا نـعــزّزكم بصــاروخ طـوفـان

#الشاعر_ابوجهاد_صبر

مـن دار ابـوجـبـريـل والسيد إحـسـيـن
مـن موطن الحكمه ومن شعب الإيمان

يــا ارض غـــزة كُـلـنـاء مـسـتـعـديـن
والــكــل قـد جــهّــز عــتــاده والإدوان

نـقـسـم. بــمـن. ســوّئ. محمد وياسين
لـو يـفـتـحـون الــخــط لا نـسـري الآن

#ابوكرار_المجنحي

طوفان رجع للعرب يوم حطين
في معركة ماكان تخطر بحسبان

كتايب القسام تقدح براكين
ماهمهم لندن ولا جيش للمان

خلو قوى جيش اليهود الملاعين
الرعب يجري في دماهم ولبدان

#ابوكنعان_الروس

ياغزة العزة بقوه وتمكين
النصر قادم من قداء شعب الايمان

لعنة على الأعراب والمستحلين
الصهينة والمملكة وأل نهيان

لا وين يا حفاد الخنازير لاوين
قله على فرعون يامكر هامان

#أحمد_الوايلي

لبيك يا الأقصى خرجنا ملايين
يدنا بيدك يلعن الله من خان

قامت قيامات العدو يا فلسطين
النصر من ربي وقاهر وبركـان

دم العروبه مات باقي لنا اثـنـيـن
حسن وابو جبريل قادات شُجعان

#الشاعر_أبوعزام_الشامي

ليش التخاذل ياعرب عن فلسطين
شوفوا الذي حاصل بغزه إلى الآن

لازم نـــساندهــا بــقــوه وتمـكــين
نوقـــف بجــانبها عـلى أي عنوان

يكـــفي ياعـــرب ذلـه وتــهــجــين
جـــهـاد المعتدي واجب وقد حان

#ابوهادي_الجامع

شعب اليمن بايجمع الصف صفين
لبيك يالاقصى ولو كان ما كان

لبيك يامسراء النبي طور سينين
والله يلعن من تخلف ومن لان

لا كفو. الاعراب محنا مكفين
ابشربنا ياقدس نأتيك فرسان

#أبوصخر_الجوحمي

احنا اليمن حكمه مروءه مع الدين
نوفي مع الاقصى ولو كان ماكان

بقيادة ابن البدر شعبي معدين
للمعركه في القدس قاصف وبركان

ياقدس ياغزه وكامل فلسطين
ابشر بجيش العز من شعب الايمان

#كليم_النجار

نحسم شراع المعركة يافلسطين
والشعب جاهــز ماتــوانا ولا لآن

لأكبر معارك بالأباء مستعدين
نيل الشهادة خير مقصد وعنوان

نرّغم انوف البغي والحلف بالطين
ونسحبله بالراس صاغر ومهتان

#ابوحسين_السحاري

الله وأكــبـر فــوق حلـف المظلين
والله وأكـبـر ذي شـرع قتل هامان

والـمـوت لامريكا وصهيو وبـرلين
واللعنة اللعنة على أيهود عِجـمان

والعز يا أقصى على منهج أحسين
سُفن (النجى)للمسلمين آل عدنان

#ابو_صماد_الفليتي

ياشـعبنا المـؤمن على غازي الدين"
لبي نداء غـــــــــزة إلى كل ميدان"

وسري مع الاقصى وحـرر فلسطين
وجاهد اســــرأئيل واحلاف شيطان

رغم الصـــعايب والعناء والمضلين
لبيك يامسـرى النبي طول الأزمان

#ابوحزام_ سامي_المضري

اليوم هبو فوق حلف الملاعين
حان اجتثاث الكفر ياخواننا حان

غزه والاقصى ياعرب ذي ينادين
وين الرجوله والحميه والايمان

خمسين دوله ياعرب وين راحين
محدفزع معهم سوا حزب لبنان

#الشاعر_حسين_المستكا

قولو للاقصى بانجي بالملايين
ونطهرة من كل ملعون شيطان

وشعبنا جاهز يجي لا فلسطين
لو بايجيكم رجل والكل حفيان

ارض اليمن للصهينة كا البراكين
حرام لو شي خط لا يمشي الآن

#ابوحرب_الحالمي

ابشر بنا يا قدس واحنا اليمانين
قوم النبي والآل حكمه وايمان

يا كم نسفنا مملكات وسلاطين
وفي يدينا كم سقط قبل عثمان

تبت يدا المحتل وعاشت فلسطين
واحنا بجانبهم بساحه وميدان

#أبوذي_يزن_الدربي

يا كاتب التاريخ خبر فلسطين
إن اليمن يعلن نفيره مـن الآن

با ندعم الاقصئ وبا ننصر الدين
وابن اليهودي مالهم غير طوفان

#قرناس_القديمي

النصر قادم شب نار البراكين
وامريك في الميدان لا شك خسران

بقوه الله والرجال الميامين
بل موت نسقيهم بدبشك وفلكان.

القدس غايتنا من اسنــين وسنين
صرخ به ابن البدر من سط مران

#ابو تراب_الوادعي

من سورة الاسراء نسري فلسطين
مع العلم عبدالملك عالي الشآن

ونحرر اقصانا من أولاد رابين
ونعيد مجد الأرض وامجاد الانسان

احنا السند واحنا المدد يافلسطين
مابانخونش قط لو كان ماكان

#أسـامـة_المـعبـاء

من با يجير اليوم حلف الملاعين
من بأس آولوا البأس حمران الاعيان

يا أرض "غزة" فابشري بالميامين
ذي با يهدوا الصهينة والمريكان

الفتح يومه صار في قاب قوسين
ونهاية إسرائيل حانت من الان

#أبويمان_المهذري

ياقدس جاك أنصار ربي الميامين
طوفان يـغـرق صهينه والمريكان

وتـجـهـزوا وتـحـركـوا بـالملايين
والـقـائد مجهز بـ قاصف وبـركان

وحـدودنـا لا تغلقت جـوَّنـا ويـن
نرسل لهم سجيل من بين الامزان

#إتحاد_الشعراء_والمنشدين

https://t.me/aboyahyaalshami

تابع المجاراة عن عملية #طوفان_الأقصى وانهيار الكيان الصهيوني

البداية #ضيف_الله_سلمان

حصحص الحق والوعد الالهي تجلى
حلقت يابني صهيون من كل جانب ..

الف طوفان قادم يااليهود الاذلاء
شعب ياسين والقسام كله كتايب..

قال ناطق سرايا القدس الايام حُبلى
والعواقب وخيمة يا جيوش الارانب

الكيان انتهى جرحى واسرى وقتلى
والخيارات تاتي فالزمان المناسب..

#ابوعلي_عبدالله_القاسمي

صامت الروح والوجدان سبح وصلى
خلف طوفان للمولى قلوا للشوايب

ألف لا ولف لن ترضخ لهم ولف كلا
قوة الحق مهما واجهت من مصايب

والذي ساعة الرحمن عنها تخلى
فالعواقب لمن آمن تجي بالعجايب

ياعرب من تولى الشر واهله تولى
ما عرب غير من خاضوا وطيس الحرايب

تتضح بذرة اصلاب الرجال الأجلا
غير من كان من صلب الخنا والترايب

#عابد_المدم

سجدة الشكر من قلبي وصدري المصلى..
هكذا الله على امره في الكون غالب...

حصن جيش اليهود القى وثما تخلا..
يشفي الصدر كم مشهد يزيل الغلايب...

رغم دمعات غزة من يتامى وثكلى..
تحت الاكوام تشعل داخلي جمر لاهب..

يوم بعران جدة بالمناظر تسلا..
والامم والضمير العالمي في الغياهب

#ابوشوامخ_الوعل

مرحبا يا ولد سلمان وهلا وسهلا
مرحبا عد قتلا الغاصبين الاجانب

عاده إلا ابتداء طوفان لقصى ودلا
خيبر العصر يترقب رجال ابن طالب

لعنبو من توقف عنهم او تخلى
نصرة الدين يا أهل الدين مفروض واجب

#أبوحسين_العصري

والله ان اليهود اليوم والكفر ولى
يسحب اذيال خزيه بعده وصار خايب

بالجهاد المقدس آية النصر تتلى
بالبنادق ترتلها رجال الحرايب

بعد طوفان الأقصى راية العز تعلى
والهزيمة لكل إنسان للقدس عايب

من تخاذل عن الأقصى لدينه تخلى
لعنبوه الذي حايد و ذا الدم سايب

#ناديه_السقطي

جل سبحانك اللهم يالرب الاعلى
من بوعده احق الحق والله غالب

جاءنا جاء بالطوفان نصرا وعدلا
واتضح من خلاله كل صادق وكاذب

مابقى لليهود ومن لهم قد تولى
غير مده على اسرائيل تعزير واجب

للدماء والدموع في ارض غزة والاشلاء
تنتهي بالزوال لكيان محتل غاصب

#ابوحزام_سامي_المضري

نصر محتوم بذن  الله  والحق يعلى
بذن ربي في الظالم نشوف العجايب 

حكم رب السماءبين البشرحكم عدلأ
وبن صهيون فوقه  باتقوم المصايب

وباتحرر بلاد القدس ارضن وسهلى
يرجع الحق لصحابه وكل المطالب

لعن ابومن عن الاقصى وغزه تخلى
فالعرب للقضيه سار  عايب وخايب

#الشاعر_احمد_عبدالرحمن_الظمين

بعد ما الله لإسرائيل في أرضة املاء
صارت اليوم تتلقى وخام العواقب

العذاب الإلهي صارت اليوم تصلى
وصبحت وسط مأزق فيه شر النوايب

نحمدك نشكرك يالواحد الحق الأعلى
عد ماهملت بالغيث مزن السحايب

والذي عن فلسطين العروبة تخلى
في ذه المرحلة يامة الدين عايب

#ابوحمزه_المقاش

لا بـقـى لـ الدعي الـي عـلـيـنـا تـغـلـى
صار جيشه بـغـزه صيد مثل الارانـب

شـاهد الـكل كيف الجرح صاب الإخلا
والبراءه تجلا طيفـهـا في الـقـرايـب

امـة الـديـن امـه راقـيـه فـيـه مُـثـلـى
سـاقـة الـموت الاحمر للبقر والـثعـالب

الهـدى نـور صـادح بـالعـيـارات يتـلى
والمقاوم بـربـه للمـيـادين كـاسـب

#ابو_شاجع_الوجيه

قد وفت ساعة اسرائيل والسيف سلَّا
للنَّصف سابع اكتوبر من اهل المعايب

من يد المظلوم كاااس الفنى قد تدلَّى
جرع اسرائيل طوفااان سوء العواقب

قل للمـــريك لااا تكفــــر بتهديـــد وِلَّا
عاد للحــق محــور دااام للكفـر ضارب

حسمها والنهاااية واللقـىٰ في المصلَّى
يوم تحرير الاقصى وازدحام المواكب

#ابومجاهد_الغمري

شمّـــر الحق للســــاعد وسيفه تعـــلّى
واليهودي وجيشه في فلسطين حانب

بالكـواتيش والنيران والبطــش يصلى
والصـواريخ ما صاروخ ردوه خـــايب

بالمــــدرع تغـــــدا والمقـــــاتيل حلّى
والطقوم افترسها بأس ذات المخالب

لا تراجــــــــع ولا للانسحــــابات كلّى
لو دفعنا جماجمنا للاقصى ضـــرايب

#محمد_الزكري

يا فلسطين قرب نصر ربي وجلى
والفتوحات حنت من جميع الجوانب

كل جندي مقاوم دق خمسين قتلى
من جنود العدو حاصر لحاله كتايب

والكيان ارتبك ياقدس والشر ولى
بعد طوفان صارت( تلئبيب) نار لاهب

الكرا مه لكم والذل كلا وكلى
يقترب نحو غزه يارجال الحرايب

#جبريل_الخدري

ويلكــم يا بني صهيــون واللــي تولى
كـــل كـافـر يهــودي با ينال العــواقب

ثأر الاطفال والنسوان من بين الاشلا
زلزلت هيبة اسرائيل م‌ـــِْن كل جانب

بالغلاف جيش إسرائيل جرحى وقتلى
واصبح الحـق في كل المياديـن غالب

لا رحاب الجحيـم صهيون اهلا وسهلا
احصدي يا فصائـل بالفــرق والكتايب

#حرب_مشحم

طاير النصر فوق القدس حوّم وعلا
دارة الدايرة يا كُل محتل غاصب

وعد رب السماء في وسط غزه تجلى
والنشاماء تجيد القتل في كل عايب

جيش صهيون من طوفان الاحرار ولّا
والكيان انتهى والشرك مدحور خايب

#إتحاد_الشعراء_والمنشدين

https://t.me/aboyahyaalshami

ما با يوقف زحفنا خاين الدين
و الكل جاهز يقتحم من قبالة

#الكرار_المشراقي

شعب اليمن كله خرج بالملايين
جاهز بأبطالة يجاهد وماله

فكو لنا ندخل نحرر فلسطين
نعرف اشباه الرجال الرجاله

بقيادت ابن البدر للقدس ماضين
عبدالملك روحي ومااملك فداء له

ابشر ياقدس في العسروالين
حتـــــى عدو الله يلقى زوالـه

#ابوحمزه_المقاش

من مـعـركـة خـيـبـر إلا يـوم صفين
ذكـر الـيـمـن باقي علا طـيب فـالـه

انـصـار خـيـر الخلق يـا امـة الـديـن
انـتـو امـل غـزه على كـل حـالـه

يـا بـسـمـة الاقصى من اول وذالحين
لازم عـدو الله يـعـلـن رحـالـه

#محمد_البريهي

خاب الكيان المغتصب وابن يامين
وأعداء دين الله وأهل الضلالة

فكوا المعابر للرجال الميامين
انصار دين الله وطه وآله

فكوا وناموا يالولاة الملاعين
دقت على صهيون ساعة زواله

#أبوخارف_ابوشوصاء

ياليت تفتك المنافذ ليومين
وكل واحد يقتحم من قباله

ندعس على اخشام اليهود الملاعين
ونعلم إسرائيل معنى الرجاله

ونعيد للإسلام عزه وتمكين
ونرمي بني صهيون وسط الزباله

#ابوهادي_عقاب

طوفان شعبي فاليمن بالملايين
خرج ينادي ينقلوا له رساله

لقوة الله التي فالميادين
من يفتح الطرقات يا اهل العماله

ومنبع الفزعات باينصر الدين
فالقدس ولغزه يفوج رجاله

#ابوناصح_العزي

الشعب طوفانه زحف بالملايين
طوفان متسلح وجاهز بماله

فكوا معابركم يمر الميامين
يامصر ياالاردن لذيهم دخاله

لبيك ياغزه ولبيك جينين
نلف نتنياهوا بداخل شواله

#ابو هادي_الجامع

يامصر فكي معبرش لليمانين
يامصر لاتتعمقي. في. النذاله

ماعاد به فينا دحمل والا لين
لا تجعلينا نرجمش في زباله

فكو لنا مدخل. نفوته ملايين
والله ينصر من دخل من خلاله

#ابواياد_المطري

شعب اليمن من فوق خمسه وعشرين
مليون ؛ لاسرائيل  ينوو زواله

لو يفتحو له خط يوصل فلسطين
لا يسرح الأقصى بروحه وماله

قولوا لحكام العرب وينهم وين 
يكفي لهم ذلة ويكفي عمالة

#ماجد_القادري

النصر ااتي موعد النصر ذلحين
الان وقت المرجله والرجاله

ذي يحدد موقفه يحمي الدين
اصبح مطبع لليهود والعماله

دام البشر الله خلقها من الطين
نحرر الاقصى وطرد احتلاله

#فايز_الحمزي

عزة تنادي وين وين الملايين؟
وضمير حُکام العرب في استقاله

يا مصر وين اللي غزوا يوم حطين؟
تبخرت امچادهم فـ الرماله

فکوا رفح فکوا لنا طور سينين
واحنا اليمانيين اهل البساله

نعاهد الله بــا نچي القدس ملبين
والسـيد القايد عرفتوا فعاله

#أبوصخر_الجوحمي

مصر البلاء نحو اليهودي موالين
سيسي تفوق في الولاء والعماله

لو يفتح المعبر وينقذ فلسطين
من يكتب التاريخ فيهم. مقاله

رغم ان شعبي من حروبه معانين
ارواحنا للقدس دايم . فداله

#جبريل_الخدري

الشعب في ساح الكرامـة ملاييـن
جاهــز ومستبسـل بنفســه ومالـه

يا ولد سلمان افتـح الحـد ذلحيـن
افعـل مــع الأقصـى وغـزة جمالـه

من وسط صنعاء نتجه لٱ فلسطين
نهـــد طغيـــان العــدو واحتـلالــه

#الشاعر_بشير_الشامي

فكوا مـنافـذ لليـمـن يـامـلاعـيـن
الشـعـب يتجوه بـكـوتـه وشـالـه

له صبرنا ياناس من عام ستيـن
ماليوم ماصهيون واجـب زوالـه

باندخل المسرى ونفتح فلسطين
وبعـدها ماعـاد نـرضـا احـتـلاله

#الشاعر_أبوعزام_الشامي

حكام الآعراب ضيعوا مبداء الدين
وأســـتــبدلوا عـــز العرب بالنذاله

صــاروا لإسرائــيل أكـــثر محبـين
وداعــمــين لليهـــوده والــعــمـاله

هيا أفتحوا كل الحدود لا فلسطين
أنــتــم أساس العــار وصرتوا حثاله

#ابوكنعان_الروس

افتح لنا معبر وعنحن ذلحين
ملعون من يرجع ويقطع وصاله

ذي مافزع من قبل عشرين عشرين
وتحالف العدوان يقصف عياله

لاعد تضنه يزهم اليوم ويعيين
ذا ملكف المكلف رضي باحتلاله

#حامد_النمري

واجب بحق الملح والعيش والدين
نفزع لهم ونحوز كسب الجماله

واهل اليمن ساع الحظى كالشياهين
كلن يخوض المعركه من قباله

تارد حياض الموت مثل المجانين
ومن المحال العز يرضوا بداله

#عبدالقوي_البطل

الله يسهل كل الاسباب ويحين
الفتح والنصر المبين به اسأله

هو لاسواه من بايهيئ لتمكين
المؤمنين في دحر أهل الضلالة

عليه نتوكل وفي نصرة الدين
واجب يضحي الكل بروحه وماله

#ناديه_السقطي

طوفان شعبي ذي خرج بالملايين
صبره نفد يااحقر تحالف بدا له

لانقــاذ غزة من كيان الملاعين
فكوووا المنافذ وابعدوا من قباله

من قبل مايبـدا بكم يالشياطين
ويخّتم بصهيـــون ..حق وعداله

#أبـومـازن_الـرازحـي

جمهورالامَّه ذي خرج في الميادين
احيا القضية وارسل اقوى رساله

إلى الـدول ذيهـم لغــزة قـريبين
تفتح ممـرات الدعم في عجـاله

ماشي،فهذا الحشد للفتح ساعين
وبا يمـروا بالـرضى أو رجـاله

#ابوحزام _سامي_المضري

قال اليماني باتجيكم ملايين
ياريت والسيسي يجمل جماله

لاكن ياغزه جوارك ملاعين
ياللاسف حكام حولك حثاله

لاكن للطوفان جينا ملبيين
طوفان صنعاء لن ياخر وصالاه

تابع المجاراة بعنوان موقف الشعب اليمني من ‎#تحالف_حماية_السفن_الإسرائيلية

البداية #ابومالك_الكوماني

ما خوفتنا قوى امريكا ولاحلفها
ولا سِوى من عذاب الله وحده نخاف

بقوته بانشــردها ومـَن خلـفـها
وعود ربي جلية ما عليها خلاف

#ابوعبدالله_صالح_عنبل

اختارها الله ربي و اعتمد صفها
لنصرة الحق بأرضه و انتصاف الضعاف

بقوة الله سيف الله في كفها
مسلول لاعداء الهدايه او قوى الاختلاف

#عبدالواسع_صايل_الغولي

بانثبت اليوم لامريكا مدى ضعفها
وهي ضعيفه والاعراب ذي معاها ضعاف

واهل اليمن هم حماة الارض واشرافها
كلمة قصيرة وعنوان الخبر في الغلاف

#علي_الشعيثي

عقول من عهد ابوها ماسكه سلفها
يضلها السامري وهل العقول الخفاف

فِرعون في عهد موسى للغرق دفها
واليوم تهتف مع الاوبي بنفس الهتاف

#ابوكنعان_الروس

عيوننا ساهره ما قد غمض طرفها
وفي سبيل الله بعنا جزاف

اليوم ضربه لاأمريكا على صدفها
في خاصرتها وأذيال النفاق الرهاف

#أبوصياد_الغمري

ماهمنا حلف الامريكــــــان أوعصفها
مادام والله لنــا وعيوننا في المشاف

في البحر الاحمر نوينــا ينقبر نصفها
والنصف الاخر يولي الدبر والانعطاف

#ذوالفقار_سفيان

قد اليمن سجلتهم في وسط كشفها
وصابح الحلف بين المسطره والمشاف

بقوة الله با ندعس على لقفها
ويغرقو مثلما فرعون بآخر مطاف

#ابوفتح_الاشول

لو كل دوله تصف اليوم في صفها
ما نعتبرها سوى قشه و قوة ضعاف

وكل قوه مع إسرائيل جا حتفها
إلى يدينا تسوق براسها لا المشاف

#ابوهمام_سليم_الفتاحي

الامركه غارقه في الحرب لانصفها
والنصف الاخر نجيها بالسيوف الرهاف

نقصف ابوها ونظرب منهوفي صفها
إني أرى الحلف اينع حان وقت القطاف

#الشاعر_عبدالقدوس_الصباحي

ياقـــــــــــــوم ماسلفها خايف ولا عرفها
كلآ ولا اطفالها منـــــــــذ الولاده تخاف

لو ينتهي نصفها ماينحــــــــني نصفها
في حرب كبرئ مع اسرائيل مابه خلاف

#أبوصخر_الجوحمي

صهيون وامريك ربي قد حكى ضعفها
في داخل الذكر خالقنا وصفهم ضعاف

امريك هي كالعجوز اللي كثر خرفها
في البحر تغرق ونذبح من بقي كالخراف

#ابوبدر_ذيبـان

ضاعت على امريك هيبتها مع بنتها
في بحرنا بل وحانت لحظه الانخساف

بانغرق اسطولها الغازي مع حلفها
نصرا للاقصى وغزه باسنا بايضاف

#عدنان_جحوح

نحرق أبوها ومن قد بان في صفها
ونجرع الأمركة الملعونة سم الزعاف

وبحول ربي تشب النار من جوفها
وتكون عبرة لكل الناس فوق الضفاف

#ابوحرب_الحالمي

الى جهنم نقــود الامركه بأنفها
وكل من هم وراها معلنين الحلاف

على يدينا بأمر الله تلقى حتفها
بساحل البحر ولا بالمواقع والضفاف

#الأشتر_هادي_الرزامي

من يومها الموت لمريكا وجا حتفها
قد جابها الله يا شعبي بوسط المشاف

فالجو والبحر والبر انت هو نسفها
أطلق صواريخ داخلها منايا الهتاف

#ابومحمد_السحاري

في البحر الاحمر بتغرق ويش هو حجمها
قشه ظعيفه هزيله واولياها ظعاف

في البحر احنا لها والبر احنا اهلها
والشعب عاطش للقياها بكل الزعاف

#ابتسام_شرف_المحطوري

احنا اولو البأس وامريكا طفح ضعفها
مجاهدين في سبيل الله ثقال وخفاف

ماهمنا الأمــركــة واللــي إلى صفهـا
دام القيادة حكيمة حولها الشعب طاف

#ابوشهيد_القطمي

هذا خبرنا وأمريكا على كيفها
تشتي السلامة او إلا الحرب تقبل قطاف

المسألة واضحة يا من وقف صفها
قد شعبنا حط رأس الشر وسط المشاف

#ابـومـازن_الـرازحـي

إيماننا بالقضية،شعبنا حفَّها
واجب ومسؤليه،ماهو بطر أوجزاف..

لو تجتمع قوة العالم مع لفَّها
فبقوة الله، نهـزمها ،وترجـع نتاف..

#ابوفتح_الجرادي

ياويلها ويـل والي صف فـــــي صفها
يتجرع المــوت من كـاس الزأم الزعاف

نهأية القشــه امـــــريكـا كمى اسلأفهـــا
وسنة الله تجــــري مــــاعليها اخـــــتلاف

#وسام_الحنش

استلفها ياعمود الكوكب استلفها
في البحر لقن ابوها درس بالموت حاف

ماهمنا لو جميع الكون في صفها
ضعاف مهما تقووا والله انم ضعاف

صفّ المحيطات من دنس اليهود صفها
والامر لله في هذا ومابه خلاف

#امين_الراجحي

يلعن ابو من وقف ياصاح في صفها
ويلعن ام الذي بيقول ماشي خلاف

خلافنا اليوم ضاهر بلغو حلفها
غزه بتقصف وحكام العرب ب اللحاف

#عزيز_محمد_البروي

لابد ما توقف امريكا عن اسرافها
وتعرف ان قد اتتهآ السنين العجاف

من اليمن با نهدفّ عكس اهدافها
ونعلّم الكون ان الغرّب كامل ضعاف

#الشاعر_علي_الوزير

الدولة اللي تساند بني صهيون نـقطـع كـفـها
بموجب اجماع شعبي من سوقطره لاكتاف

وابـطال في البحرمـاغـضت لـمجرم طـرفها
عن كل قطرة دم سالت لاهل غزة والغلاف

#ابو_حسين_الراعي

باينطبق قاعها السفلي على سقفها
وتنطحن في يمن ليمان ختم المطاف

هي بس تجي لا تغازلنا بماء طرفها
وبقـــوة الله نسقيها المنايا الزُّعاف

#ابوحزام_سامي_المضري

قلولمن حالف امريكه وفي صفها
ماهمناالحلف سينا الكل وصط المشاف

فالبحر بيداتنا بايكتسر كفها
بقوه الله ٍذي امىره بين نونن وكاف

ضربات مـقـاسـها من جـونا والبحر
والـغـام بـحـريـه جـاهـزة حـاضرة

#ابوعهد

بغيت واستكبرت ياخس البشر
وارويت بقعا بالدماء الطاهره

واحنا قدي لك ياليهودي للنخر
لابد من ضربه قويه قاهره

بحصارك المفروض من بحرا وبر
والان دارت يا يهود الدايره

#ابومحمد_سحار

عدوناامريكا من اول ماصدر
قرار باول حربنا والاااخره

لو كانها بتحط في الوجه الغجر
واليوم قد هي ضاهره ومباشره

واضح وضوح الشمس من مناانتصر
ومن قواهم بالمذله خااسره

#ناجي_القعود

أجيال بعد اجيال والقادم امر
نمسح من اتعدى ونكسر خاطره

مالليهودي حيل يرجع لاقدر
ولا يحاول يوم يمشي باخره

في بحرنا والبر يقد دم لاصقر
نذوقه منها قبل يوم الآخره

#الشاعر_علي_الوزير

بـايـزهـق الـباطل وينـهار الـكـفـر
بـقـوة الـلـه والـعـيـون الـسـاهـرة

لابطال ذي في البحرالاحمروالممر
تستهدف كيان الـعـدو وتـحاصره

وتصلـي امـريكـا وايـاديـهـا سـقـر
وتـواسي الـمـؤمن وتجبر خاطره

#ابوصالح_حسين_البداي

الدم من راس القبيلي والحجر
في القاع والميعاد وعد الاخره

من مد كفه لا يتاوب بالغتر
ماعد عليه الايلقي صابره

يصبر علينا لو نطايرهن طير
في معركة نار البحار الزاخره

ابوحرب العتب

بايستمر شعب اليمن بايستمر
في اسناد غزة والمسيره سايره

اما اليهود مضمون يولون الدبر
ومابقى فالوعد نقطع دابره

الوعي مطلوب والبصيره ننتصر
تبقى الرجاجيل مستعده نافره

#ابوحيدر_الرشيدي

الشعب للساحات شمر وانتشر
يواجه الطغمه اللعينه الفاجره

واليوم مشهد من ملايين البشر
تفوض القائد وتشــــرح خاطره

حرام بالله يا الصعاليك الدشر
لا بد نجعلكم قطـــــع متناثره

#ابوعاقل_المنبهي

هذاقدرنا عاد به نفس القدر
تحطيم قدرات القوى المتجبره

العاصفه بنت ازدهاراهل الكفر
خساره الاولى مصيرالحاضره

بانرسل امريكا على فرزة سقر
ونجعل ايام الحرايب سابره

#نبيل_المهدلي

الموقف النابع من ايات السور
مواقف الباطل أمامه خاسره

شعب اليمن ماضي على ما لله أمر
مواقفه عن كل موقف حاظرة

على الكيان المغتصب سيفه شهر
مع ابن بدر الدين يقطع دابره

#ابوحزام_سامي_المضري

شعب اليمن والجيش ماهم الخطر
والسيد اعلن للجموع الوافره

مهما العدو صعد وفالبحر انتشر
لايحلم انه بايمشي باخره

هاذااليمن كم جيش فيها قد خسر
في ماضي الايام والاحاضره

#ابوحرب_الحالمي

صمودنا زج التحالف بالخطـر
يا ويل قوات العـــدو الكافره

اليوم نصليها ومن معها سقـر
عذاب بالدنيا وعـــــاد الآخره

هذا السنه احداثها غير البصر
هول القيامات ابتداء بالعاشره

#أسامه_الزيلعي

أحنا لها تقرح في بحره وبر
الشعب متعود ماهي سابره

قولوا لامريكا بقول المختصر
اليوم قد دارت عليها الدائره

اليوم لاعاصم منا أو مفر
الا اذا جاءت ذليله صاغره

#ابوصامد_القوبري_المجنحي

ذي قاد حرب التسع من خلف الستر
اليوم قادها ضهر بالضاهره

ومن ضهور العلم هذا والخبر
الشعب كيف والقياده جاسره

النصر الاول في قضاء الله والقدر
بحربنا ضد اليهود مباشر

وأن العدو طول بها وأن اختصر
بكل ضربه باتفجر باخره

#احمد_عبدالله_زيد

كلمه لكم باقولها بالمختصر
هذا اليمن ارض العرين الكاسره

يابايدن لاتقترب بحري خطر
قد ذل جدك في السنين الغابره

اسأل على تاريخنا كلم سقر
كم ناس رسلنا لها للاأخره

#سياف_الضبيبي

موقف من الالفـــــــــين والخامس عشر
لن نقـــبل احكام اليـــــــــــــهود الجائرة

الشعب جاهز با المفــــــــيد المـــختصر
لجيــــشهم والبارجه والـــــــــــطــــايرة

في البحر الاحمر حلف الامريك انحصر
واضح عــــــــليهم با تـــــدور الـــدائره

ما بـعــدها نضــــرب ونهـــــجل ياحجر
مـــــابا تســـيري ســــــايره يـــا الحايره

#محمد_هادي_المؤيد

لافرق بين أرض اليمن ولا سقر
هاذي في الدنيا وذاك الآخره

النار فوق النار تكبر تستعر
ياويل الامريكي ومن هو سايره

ابن اليمن في المعركه يقدح شرر
يفني جيوش اقوى القوى المتأمره

#حــمــزه_الــعــزي

يــاسيدي في البحر منهم لاتذر
احرق ابو كـــل القوى المتأمره

الباب للمندب يأدي لا ســـقـــر
ارسل ابتهم كلهم فــي باخـره

من اجل ثار القدس لاتبقي اثر
من حلف امريكا العجوز العاهره

قولوا لها اما (شهاده)او(نصر)
مــابــا توقفنا اليهود الماكــره

#الشاعر_ياسر_شايم

بكتب لكم قولي واقل بالمختصر.
بالامس حاربنا القوى المستاجره.

قد الحرب واضح لعميان البصر.
على الكيان وامريك هو ومناصره.

واليوم راس الكفر نوردهم سقر
وعلى اعادينا تدور الدايره.

#ابوعبدالملك_الغولي


ذي كان يقصفنا خفا قذا ضهـر
وشـن عـدوانه بـحـرب مباشره

تحالف امريكي بريطاني قـذر
بدعم صهيوني من اول لاخره

ومقصده شعب اليمن با ينكسر
مش داري ان الحق ربي ناصره

#الشاعر_ابو_سليمان_طرموش

حيا بهم كامل علا شوكه وجـر
حطب سقر جوها قطع متناثره

عدوانهم لن يردع الشعب الأغر
عن نصر الاقصى والدماء الطـاهره

والحرب والعدوان ارهاب واخضاع
وقف مع غزة وللحرب يومين

#طه_الرازحي

شعب اليمن قدّم لغزْة ذي أسّطاع
ووقفته غاضت جميع المعادين

ومستمر ابرغم مابه من أوضاع
بنصرته لُوّلا القضايا فلسطين

#ابوعاقل_المنبهي

شعب اليمن قرر يشارك بالاجماع
في نصرغزه ياليهودالملاعين

والامركه نعرف خطرها والاطماع
بين هدفها والخطرسيدي احسين

#الشاعر_عصام_المقذل

باننتصرللقدس بـ هجوم ودفاع
صنعاوغزة روح وسمه فلسطين

ماهويماني من تخاذل ومن باع
لونقسم اللُقمه مع القدس نصين

#ذاالنون_مشتاق_شريان

مهما تحاصر شعبنا اوتجعجاع
كلا ولاً يترك قضية فلسطين

لونحترب في كل ساحة ومرباع
في الارض هذه ضد كل الملاعين

#ابوطه_المهذري

من ينصرالاقصى فله اجرماضاع
بالاخره يرجع له الاجر ضعفين

مادام ابوصهيون بالقدس طماع
فسيف اليماني يقطع الخصم نصفين

#الشاعر_أبوعزام_الشامي

ما ضــاع حقك يا فلسطين ماضــاع
شعب اليمن جنبك على منهج الدين

لن نتــرك الأقـــصى لأعـــداه يبتاع
وكــل من خـــانوا فلسطين ملاعين

#ابوحزام_سامي_المضري

محنا كما من خان غزه ومن باع
وزاد فوق الجرح للقدس جرحين

الشعب والسيدمعاالجيش في ساع
لبو بعالي صوت ياقدس جايين

#ابتسام_شرف_المحطوري

با تنجلي،تصلح لنا كل الاوضاع
لان الجهاد للشعب عزة وتمكين

ومـن تــولى الله لبّى وله بــاع
من أجل دين الله ونصرة فلسطين

#الشاعر_متاش

وابشر بنا ياقدس ناتيك في ساع
مع ابن بدر الدين جينا ملبين

نتقاسم اللقمة معك رغم الأوضاع
حتى نشرد بالطغاة الملاعين

#بشار_عباس_الشومي

بانبعد الغاغه وكل التنباع
لحلف صهيون القذر والملاعين

ماقل لهم من يوم حامي ونسماع
كيف النهايه صـــايره للفراعين

#ابوزيد_الزبدي

القدس دوماً حبها بين الأضلاع
عند اليمن أطفالها. والمسنين

ماباع غزه شعبنا رغم الأوضاع
وماتخلا عن قضيه فلسطين

#ابوعاصف_سلمان

شعب اليمن جاهز ولله قد باع
روحه ودمه لجل نصرت فلسطين

هيهات يتراجع ولو فيه الاوجاع
او يُترك الاقصى بيد الشياطين

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان موقف الشعب اليمني ثابت تجاه القضية الفلسطينية ولن نتراجع.

البداية #ابوالكرار_المجنحي

شعب الايمان والحكمه وشعب المواقف
نصرة الحق والمظلوم ماضي وحاضر

لا وقف وقفته مثل الجبال النوايف
ما تهزه عواصف ريح يا كل كافر

ما تردد ولا اتحيد ولا كان خايف
ثار من دافع انساني وخاض المخاطر

سيدي لا قلق وحنا حزام الطوارف
تحت امرك لخوض الحاسمه ما نعاذر

#ابووائل_ميصان_الجرشه

بـا نـواصـل مـسـيـرتـنـا ولا بـا نـخـالـف
كـل تـوجـيـه صـادر مـن عـلـمـنـا الـمـبـادر

شـعـب الانـصـار ثـابـت مـوقـفـه وانـت عـارف
ان الاقـصـى قضـيـتـنـا بـمـاضـي وحـاضـر

لـو يـجـي ضـدنـا مـلـيـون حـالـف وحـالـف
مـا تـركـنـا يـمـنـا الـحُـر والـكـون خـابـر

كـيـف يـرضـى الـمـذلـه كـل شـامخ ونـايـف
كـيـف يـقـبـل بـعـيـش الـذل بـركـان ثـايـر...

#طه_الرازحي

شعبنا موقــفه بالفعل لا بالسوالف
معّ فلســطين ثابت موقفه  لامغاير

يعرف أعداه ومحبية والكُل عارف
أنه الشعب الأوفاء دوم ماضي وحاضر

لن يفرط بغزة ذي لها جرح نازف
بايظـمّده  ويـــداويه والله ناصر 

قُل للأعراب ذي مابه لهم شي مواقف
لعـــنة الدهر قد حلّت عليهم مباشر

#الشاعر_بشير_الشامي

لو نزل كوكب المريخ لا راس خارف
لن نغير مواقفنا قلو للمكابر

والقسم مانفلت عهدنا وانت عارف
إننا كمن احمر عين ذو قرن عاصر

من سوانا على عاده ولازال واقف
ماتغير كما اعلان صاله وتاجر

مال كمن دعي الا بحمراء وكاشف
تجعل الراس يطاير نتافر نتافر

#أبوصخر_الجوحمي

شعب مؤمن قوي بالله كالسيل جارف
يجرف امريك واسرائيل والكل ناظر

ماتهزه رياح الكفر في يوم عاصف
او يخاف القوى المتآمره. والمخاطر

كل شعب اليمن كامل جميع الطوايف
عون للقدس غزه والغضب فيه فاير

نهجنا والقياده بحر. كنز المعارف
الوقود. الذي نقهر. بهم. كل كافر

#عماد_دايل_العماري

اليمن ماهو الّي لاوعد با يخالف
لا ورب السماء انا الوعد يا قدس ساير

ما نسينا ولن ننسا ولو با نجازف
عالم الكفر لجل القدس فل امر سابر

كل ماشفت في غزه دم الطفل نازف
زاد ضيمي وشوقي حرب كبرا مباشر

نطحن طحن نتفجر عبوات ناسف
يمتحي من على الدنيا منافق وكافر

#صقر_سبحان

شعبنا شعب مؤمن ما انحنى للعواصف
أو خضع لاي متكبر وكافر وفاجر

في خطى آل طه سار قدّام زاحف
في وجوه اليهود ومن معاهم مناصر

وانتصر لاهل غزة ماقعد كالمكالف
وانطلق في سبيل الله مؤمن وصابر

بالولاء والمحبة والإخاء والتكاتف
ساند أبناء غزة في جميع المنابر

#ماجد_عبدالله_القادري

بالمسيره مشينا نهجنا بالمصاحف
ضد مجرم وحاقد او يهودي وكافر

قد ورثنا الشجاعه والكرامة مصارف
واعتلينا بحكمه في جميع المنابر

مانفلت فلسطين رغم خوف المكالف
العرب عن سكوته مابها اي ثائر

لاكن البحر الأحمر ضد كل العواصف
اليمن من فلسطين شعب واحد مثابر

#يعقوب_الخمري

ألف لبــيك أبو جبـريل يا بـرق خاطــف
يا عـلـم عـــزنا الله بــك لغـــزة مـبـادر

ما تخلف يمن الإيـمان أهـل المــواقــف
ولقـضــية فلــسـطيـن الأبـيـة منـاصـر

الله أكـرم علـينا بالجــهاد لا حـسايـف
صرخة حسين ومسيّر وقاصف وفاطر

يالأدب ياللـغة والشـعر وين الوصـايـف
هاتــو الــرد يا ثـــوار ويا كــل شـاعــر

#ابوحزام_سامي_المضري

مثل مالرعدوالطوفان شعبي وقاصف
قوه ايمان مايهتاب ضرب الطواير

ماتراجع لنصر الحق والكل حالف
نصر والاشهاده منتضر للاوامر

سيدي تحت امرك شعبنا اليوم واقف
وحدو صفهم والجيش ضد التأمر

مننا الفرد كا البركان قل للتحالف
عيشت الذل بدلها بعيش المقابر

#ذياب_النيساني

في سبيل الله اكبر شعب الايمان واقف
مايبالي قوا امريكاء وكل الدواشر

واسال اهل التحالف النعال المكالف
من غزانا رجع ميت وندمان خاسر

#الشاعر_عزيز_البروي

شعب صماد والهدهد وزلزال وقاصف
شعب قاهر وقدس 2 وبركان وفاطر

شعب فارق حياة الذل جنب الخوالف
شعب الانصار للمستضعفين نعّم ناصر

شعب رحمه على الامه ولعداه عاصف
اليّن الافئدة لله حامد وشاكر

هكذا قال فيه المصطفى خير واصف
شعب الايمان والحكمه مجاهد وصابر

#عبدالرحمن_دغسان

لو سماها علينا تستقف بالقذايف
والثرى بالحمم يشتب بركان ثاير

القضيه قضيتنا وذا الكون عارف
ما نفرط بها لو قرحت الروس غابر

#ابو_وعدالله_هفج

قد تحدا برب الكون كل العواصف
لا وكل العواصف قد عصفها وثابر

لم يكن شعبنا في يوم ضمن الخوالف
من بنى سد ذو القرنين غيره وبادر

جاء مع غزة العزه كما السيل جارف
وانصح الحلف قبل يصلّه فوراً يغادر

اليمن بأسها مشهود وسط المصاحف
وارضها للغزاة بأول وتالي مقابر

#ابوزيد_الزبدي

موقف اهل اليمن لازال ثابت وواقف
لجل تحرير الأقصى بانخوض المخاطر

ويش بعد الجرايم وختطاف المكالف
لعنه الله. على ذيما تحرك وناصر

شعب الإيمان متعود لصد العواصف
بلغوا الامركه في حربنا لا تغامر

تابع المجاراة عن العمليات النوعية التي تصدرها القوات المسلحة اليمنية ضد السفن الأمريكية والبريطانية.

البداية #ابوصالح_العملسي

في اليوم واللـــــيلة ثلاثة بيانات
مضمونها تشفي وجع صدر الامة

بيان من يحــيى يهز الكـــيانات
ولا مية حــاكم وملـيون قــــمة

#ابومصطفى_الرضي

مابين موقفنا وبين الادانات
الفرق شاسع بين ذله وحكمة

مشروعنا والقائد اكبر ضمانات
لإخضاع أمريكا وحسم المهمة

#الشاعر_علي_الغماري

بيان واحد خلخل الاتــــــزانات
خلا الولايات القويات رمّــــــــه

وبياننا الثاني لكسب الرهــانات
يعيّش الصهيونيه في غمّــــــه

#الشاعر_ابوجهاد_صبر

ياشعب ديـنـك بـيــن كُـل الديانات
عــــلا هــدى طـــه ونهـجـه وعلمه

انا اشهد انك هِنّت الاعداء هيانات
حـتـى نتياهو نـسـي  ماهــو اسمه

#يوسف_الحداد

رهاننا بالله فوق الرهــــــــانات
والنصر والتاييد والحكم حكمه

مادام غزه تحت سقف المعانات
مسارنا التصعيد في كل هجمه

#ابومعارك_السقاف

بيان يكشف مكر كل الديانات
والمعركه ب جهود وخلاص ذمه

مانقبل الخاين ولا اهل الخيانات
احــنـــا تحملـنـا قضيه مهمه

#ابتسام_شرف_المحطوري

الحمدلله شعب صد الوصايات
على جبين الدهر يشمخ باإسمه

قايــد لنا قايـد ورب السمـاوات
مابه مثيله، واليمن أهل حكمة

#ابوشهيد_القطمي

الليل يا داعس خشوم المعانات
ادعس على راس اليهودي و خشمة

ما يقدر العالم و كل الديانات
تحمي المريكي عن يمنا و لطمة

#أبوريان_محمد_صبيح

حلف الردى لاقى في البحر صفعات
وذاق واتجرع مرارات سُمّه

شعب اليمن عاف الخنوع والإهانات
قال الهجوم أفضل ولا ألف قمة

#ابوكربلاء_الفقير

هذا اليمن قد هان ابوهم هيانات
هذا اليمن قوة وعزة وهمه

في البحر لحمر غَرَّق اهل الخيانات
ماينكر ألا انسان من دون ذمة

#الشاعر_متاش

هذا هو الإسلام قل للولايات
مايقبل الذلة ولا فية رحمة

مابش معانا غير هذه الخيارات
من خشم ابوعطفة ودبشيك شرمة

#الشاعر_ابوحسين_رقبان

ما همّـــنا تصنـــــــــيف والا إدانات..
ولا توقـفـــــــنا مــــية الـف هجـمة..

شعب اليمن خـارج نطـــــاق الخيــانات..
ومفــعّـل الغــاء العمـــاله بخـدمة..

#ابـومـازن_الـرازحـي

جرعات ليليةوبالصبح جرعات
والفحص جاري والبيانات جمة

وأم المعارك قائمة في الممرات
على طواغيت الأرض مدلهمَّة

#أبوحاتم_عكه

هيهات منا الذِّلَّــه الـيـوم هـيـهـات
للخصــم لن نخضع ونقبل بـحُـكـمـه

الويــل لاسرائــيــل ثُــمَّ الولايات
من شعب فيه ايـمـان راسخ وحِكمه

#ابومجاهد_الغمري

يا بحر خبرني عن اهل الشعارات
اللي لهم في كل ميدان بصمه

ضربات تتعانق مع الانتصارات
والحلف الارعن كمه الموج كمّه

#ماجد_عبدالله_القادري

الحق واضح والحقيقه أمانات
من اجل غزه دام بالعز اسمه

العين بالعين والادانه ادنات
ماهمنا امريكاء ولا كلمة امه

#طه_الرازحي

القادم أعضم  والبشائر لنا آت
بإذن الذي لا نُحكَم الا بحكمة

محنا من الي يفزعوا بالادانات
فزعاتنا في نصرة الحق قمة

#أبوصخر_الجوحمي

قواتنا. بالله. تنهي. الكيانات
امريك واسرائيل واولاد عمه

والبحر اصبح. مقبره. للنفايات
والقادم اعظم في بيان المهمه

#عبدالقوي_البطل

هيهات منا يالمذلات هيهات
لوما لقينا ياالعدو لجع لقمة

بانجعل أمريكا تذوق المذلات
وهذة أكبر يااليمانين نعمة

#احمد_عبدالرحمن_الظمين

انا اشهد انهم زلزلو للولايات
أنصار ربي منجزين المهمه

على يديهم يصنع الله الآيات
ويعذب الكفار من دون رحمة

#ابواحمد_الغرباني

لا ما كفتهم كل تلك الإهانات
فالقادم اعظم والسخا في خضمة

في بحرنا تسقط جميع الحصَانات
ومن يبا يسلم يوالي الأئمه

#الشاعر_رايد_الخمري

يابحر حاز الكاس بربع بطولات
جـــولاتك الأخـرى بـقـوه وهـمة

عاش اليمن والبحرية في الزحوفات
والسيد اقبل بألف كلمة وكمة

#احمد_عبدالله_زيد

في كل يوم اربع سفن للديانيات
تغرق في المندب رصدها بهمة

مارنزهم ف البحر يلقى الهيانات
ناخذ بثار اطفال غزة بدمة

#ابو_وعدالله_هفج

ياكــم تلــقاء الغـرب منـا هيـانـات
والعــام عامـه بإذن ربي نتـــــمه

ماعـاد باتنــجيه كــــل الديانـــات
وقبـل تمــه با يــــــرا الـف غمـــة

#ابوحزام_سامي_المضري

في كل يوم منا تلقو هيانات
بيان يحيى سار للشعب نغمه

بوارجك فالبحر تشتي صيانات
وكل واحد منكم شل قسمه

#جبريل_الخدري

يحيى سريع يصدر ثلاثة بيانات
الصبـح هجمة تالي الليل هجمـة

اذا العـرب عاشو حياة الخيانات
فشعبنا قد عاش في نصر الامـة

#ابومحمد_سحار

افديك ياشعب الفدى والبطولات
من يشبهه من في صموده وعزمه

دك البريطاني ودك الولاياات
خلا سفنهم داخل البحر رمه

#اتحاد_الشعراء_والمنشدين

https://t.me/aboyahyaalshami

تابع المجاراة دعوة للمشاركة الواسعه في مسيرات عصر الجمعة في ميدان السبعين وكل المحافظات

البداية #عبدالسلام_الطالبي

هبوا لساحات الإباء والكرامة
والتضحية من أجل نصرة فلسطين

شعب اليمن بين الشعوب التزامه
من واقع ايماني ومن منطلق دين

#الشاعر_بشير_الشامي

ياربعنا يهل الاباء والشهامه
لاساحة السبعين يالله ذلحين

في حشد يضهر للقيامه علامه
ونهاية امريكا وكل الملاعين

#جميل_الجنيد

لو وجه القائد أطعنا كلامه
في كل جمعة قد خرجنا ملبين

ذي ما خرج لليوم عليه الملامة
الوضع ما يحتاج له أي تبيين

#ابونصر_عزام

يا مرحبا ما شن مزن الغمامة..
بأنصار ربي بالأباة الميامين..

وأفعال أبوجبريل تسبق كلامه..
ويهزم أمريكا بكل الميادين..

#الشاعر_عزيز_البروي

شعب الإباء والعز والاستقامه
ما يترك الساحات لبت ملايين

يوم الكرامه قبل يوم الندامه
والحرية ترفض طغاة وملاعين

#ابوحرب_الحالمي

هامات شعبي اعتلت كل هامه
يا وقت بث احداثنا والبراهين

ثبات حتى فجــر يـوم القيامه
اما الشهاده او نصرنا فلسطين

#جرهم_الحاكم

شعـــبي بحبل الله زاد اعـتصـامــه
هــــــو الوحيد الي رفع راية الدِين

فــي كُل جمــعه يحتـشد لا دوامـه
مِــن اجـل غــزة يمــلؤن المياديـن

#ابوحزام_سامي_المضري

من حب الاقصئ قدزرع في عظامه
و صرخته دوت جميع الميادين

شعب اليمن بالنصر رافع وسامه
في كل جمعه ذي يحشد ملايين

#همدان_حجي

اما نعيش ابعز والا الندامة
اما نكون احرار والا مذلين

عيش الكرامة مايجي بالوخامة
ماياتي الا بعد ذوق الأمرّين

#أبوصخر_الجوحمي

غزه. هي الفارق واكبر. علامه
للي مع الله او مع اسحاق رابين

ويظهر المؤمن ويعلي وسامه
ويعرف المجرم وحلف الشياطين

#اسامة_المعباء

شعب اليمن للدين ذورة سنامة
مرزح ومسند لاهلنا في فلسطين

تحرم على حلف اليهود السلامة
واحنا لهم جايين جايين جايين

#ابوقفري_الرعادي

هبو إلى الساحات يااهل الكرامة
في نصرة الأقصى ونصرة فلسطين

يااهل الوفاء وأهل الاباء والشهامة
هبت رجل واحد خروج بالملايين

#الـشاعر_ابومحمد_الجعفري

قوم الإباء والمجد قوم الكرامـة
ذي بايقود المعركه لا الفــلبـين

قوم الفداء والتضحيه والشهامة
معَ العلم والبدر فوق ابن يامين

#ابومحمد_سحار

باحضر في الساحات حتى القيامه
والا زوال المجرمين الملاعين

مابانمل من الشرف والكرامه
ولانقصر في قضية فلسطين

#الكرار_القانص


احنا سناد القدس واحنا حزامه
في نصر دين الله نمضي ميامين

بالإنتماء للدين والإستقامة
والله مانبقي أثر للملاعين

#محمد_محمد_زيد

با نحشد السبعين . ياكل. هامه
من اجل الاقصى اولنصره فلسطين

والله. لا . نحشد . نصون. الكرامه
نقهر. ابتكم . يا. عبيد. الشياطين

#عماد_دايل_العماري

يا اهل الوفاء والقبيله والشهامة
ويا هل الفزعات والعز والدين

غداً إلى الساحات يا كـل هـامـة
نناصر الأقصى بكل الميادين

#أبوذر_العمدي

جيش اليمن والشعب حازم حزامه
الويل منا يا عبيد الشياطين

فما لهذا الظلم غير الخزامه
والله ما راحت لكم يا ملاعين

#ابونكال_همدان

اليوم ياهل الحق وهل الشهامة
قد بانت الايات وسط الميادين

اما بخط الحق درب السلامة
واما مع الشيطان بين المضلين

#يوسف_غاشي

الشعب يابن البدر بقصى اهتمامه
بايخرجوا في كل ساحه ملبين

يانور ساطع في زمان الضلامه
ابشر بنا في طاعتـك بالملاييــن

#احمد_عبدالله_زيد

انت الوفاء ياشعب رمز الشهامه
كلين للسبعين نهتف ملبين

يموت بنيامين واحنا حطامه
والمعركه احنا لها مستعدين

#اتحاد_الشعراء_والمنشدين

https://t.me/aboyahyaalshami

المجاراة بعنوان إستجابه لدعوة #السيد_القائد وثباتنا المصيري لنصرة القضية الفلسطينية.

البداية #أبورواسي_أرحب

وجّه وكل الشعب جاهز تحت أمرك ياعلّم
لاقلت صوموا داخل الساحات والله لانصووم

والله مانسكت علئ عالم بكله متهم
بأبشع جرايم يرتكبها بأهل غزه كل يوم

#عبدالسلام_الطالبي

إبشر بنا نخرج وحاشا الله نتراجع قدم
نثبت ثبات الراسيات الشم ماعد شي هموم

سوى نصرة الإخوان في غزة وسيدي لاعزم
يصدر لنا توجيه فاحنا جاهزين على العموم

#ابوصالح_العملسي

شعب اليمن واقف مع غزة على ساق وقدم
ومن بين الأنقاض الصواريخ البعيدة باتقوم

لبيه يا بــدر المــــسيـــرة يا مجلّي كل هم
في بر والا بـــــحر نفس الجاهزية والعزوم

#ابومنار_العشي

لبيك يا النور الإلهي ذي كشف كل الظُلم
لبيك يا بدر الهدى حنا شهوبك والنجوم

واجه بنا يا قائد الامه شياطين الامم
الشعب كله جيش جاهز للدفاع او للهجوم

#مقبل_جرام

لبيك يا داعي الإخوّه والمروّه والشِيَم
نجيك رجليّه و بظهور العوادي والطقوم

والله مانفتُر ولا تبرد دمانا والهِمم
لو تستمر الحرب لوما نفخة الساعه تقوم

#ابوالمازن_عبدالله_الشريف

لبيه يا صادع بقول الحق في عالم اصم
يا ناصر المظلوم من بطش العدو الباغي الظلوم

وابشر بنا في كل موقف شد باسك واحتزم
باتمتلي الساحات من كل النشاما والقروم.

#محمود_الجنيد

‏ابشر بعزك يبن طه شعب الإيمان احتزم
بالوعي والإدراك والبأس الحسيني والعزوم

لك الولاء ياسيدي والسمع والطاعة نعم
لوقلت خوضوا البحر الاحمر نعبرة فوق الطقوم

#ابوليث_المحضار ..

معك معك ياسيد الساده على ساق وقدم
معك رضى لله وقيمنْا وتاكيد السلوم..

ابشر بنا واشتد فينا ياعلمنا واحتزم
والله مابا يوصلك منّا سوى بيض العلوم..

#محمد_مجلي

في كل جمعه ننفر الساحات مافينا سأم
ولا قعـدنـا يوم مابين الخوالف والرخوم

بانحتشد فالغــد ما لعدادنا يُحصى رقم
سمعاَ وطاعه ياعلمنــا باترا طيب العلوم

جريح الحرب #رفيق_زرعان

ياسيدي لبيك شعبك حي يتوقد حمم
غداً بأذن الله با تأتيك زينات العلوم

اقسم برب البيت يابن البدر مازلت قدم
ثبات يشبه للرواسي لا تصادم بالغيوم

#عبدالعزيز_الغرباني

ياسيدي لدعوتك الشعب قال ابشر وتم
نثبت معك في موقفك واحنا مجلين الهموم

لاحربنا نزهة ولاهي بلطجة قل للامم
ماعندنا إلا الموت الاحمر حل دقداق الخشوم

#حمزه_الديلمي

نقدم على حوض الفنا والموت مانرجع قدم
في منتهى التسليم والأخلاص شدين العزوم

وابشر بيدك سيف( يابن البدر) ما نبقي صنم
توفيق ربي يجلس العالم وشعبك من يقوم

#علي_محمد_المحاقري

لبيك يابن الـبـدر يارمـز الـمـبـادئ والـقـيـم
ياقـايـد الاحـرار يانـبـع الاصـالـه والـعـلـوم

بانجعل السبعين كنّه حج في وسط الحرم
وباقي الساحات كنْه يـوم تتلاقى الخصوم

#ابواياد_المطري

يا سيّدي لبيك واحنا قوم تجلي كل هَمّ
من اجل غزه لو خرجنا يا ابن طه كل يوم

مأساتهم ينشق منها الحيد والصخر الأصم
واحنا أرق قلوب والين افئده واحنا قروم

#الشاعر_علي_الغماري

هذا اليمن طول الزمن يبقا رقم غير الرقم
احنا السند واحنا المدد واحنا الرجاجيل القروم

للقدس والاقصى وغزه والمدينه والحرم
بالله والقران وآل البيت شدينا العزوم

#ابـــو_مران_الدحملي

نقسم بسورة ص والتوبه وغافر والقـلــــم
انّا مع ابن البدر لاجل القدس شدينا العزوم

ولا رضينا يقصفوا غزه واسرائيل سلــم
ذي مايقوم اليوم للاقصى متى عد بايقوم

#ابوهمام_سليم_الفتاحي

لبيك ابـوجبريل كــل الشعب لـبـى قــال تم
وتحت أمرك لجل غزه لوخـرجـنـا كـل يـوم

غداً الي الساحات نتوافد كـمـا سيل الـعـرم
في حشدمليوني مدجج بالجتاري والطقوم

#عبدالوهاب_الفقيه

شعب اليمن فيه المروه والمبادي والشّيم
لنصرة الاقصى وغزه شعبنا شد العزوم

بانجعل اسرايل تشعر بلهزيمه والندم
وغد بانلقي القيامه فوق الامريكي تقوم

#ذوالفقار_سفيان

رهن الإشارة يابن بدر الدين ما نرجع قدم
وابشر بأمه عزمها ثابت على الأعداء تحوم

صدق الولاء فينا وحب القدس لو نعدم عدم
ما نترك الأقصى وغزه بدعها ولا ختوم

#أحمد_عبدالرحمن_الظمين

شعب الرجولة والوفاء شعب الكرامة والشيم
عن نصرة الأقصى وغزة شعب لا يمكن يصوم

لله سبحانه وللقائد مسللم معتصم
بحبل رب الكون في وجه الإعادي والخصوم

#ابوحزام_سامي_المضري

العهد باقي قالها شعب اليمن وقسم قسم
ولوباتقل واصل في الساحات يجلس مايقوم

لجل الوطن والدين والاقصى وغزه والحرم
احناصواريخك وبمرك ننطلق وقت الزوم

#ابـومـازن_,الـرازحـي

إبشر بشعبك سيدي ينفـر معك باعلا رقم
بحشـود مليونـي يغيض الكفر ويهـز الجثـوم

على طريق القدس بانِثبِت على انٱف العجم
واحنا على موعد مع غزة نجيها بالطقوم

#اتحاد_الشعراء_والمنشدين

https://t.me/aboyahyaalshami