عنوان المجاراة ((معية الله))

البداية #ضيف_الله_سلمان

المعنويات في شعب اليمن ثانيه
وإيماننا والثقة بالله فوق الخيال..

النهج قرآن والاعلام ربانية
والله معنا..وكيد اعداءنا في ضلال..

#عباد_ابوحاتم

دام الهوية يمانية وايمانية
ما بانبالي معانا الله في كل حال

بشاير النصر يا شعب اليمن دانية
وعود مولى الخلايق ما عليها جدال

#محمود_الجنيد

نقدم الروس لجل الدين مجانية
محنا من اللي يبيعوا روسهم بالريال

في حرب غزة وقفنا وقفه إنسانية
ماقد قرعنا طبول المعركة والقتال

#أبورواسي_أرحب

الأمركه لوتجينا لانكلهانيه
ونلقف أسطولها الحربي بحدالنصال

لنصر غزه نقدم قدر الأمكانيه
لأن مابه سوانافي العروبه رجال

#بندر_السقاف

في نصرت الحق عشنا احرار متفانيه
لا اليوم عاداتنا من يوم أذن بلال

ووسمنا فالعداء القاصين والدانيه
والمجد يوقف لنا وقفة شرف وامتثال

#فارس_المعزبي

(معيـة اللــه) لـي قـوه وروحانيـه
وحبـل ماينقطـع لتقطعيـن الحبــال

مابــه قوانيـن او هيئــات انسانيــه
اقوى من الله مولانا شديد المحال

#جبر_المسعدي

سبحان ذي زادنا قوه وميزانيه
وعلم وايمان يترسخ رسوخ الجبال

مع علم في مسيرة حق قرانيه
حزنا الجمايل وسمونا رجال الرجال

#محمد_الحربي

مابش قلق طالما والحرب ميدانيه
والقائد البدر وانصارة رجال الرجال

حتا ولو بايشـــنو حــرب عدوانيه
فاحنا لها لو تقطعنا مع الله وصال

#عبدالله_الجرفي

قلو للاعداء هوية شعبنا ايمانيه
بالمال والنفس جاهدنا مع ذوالجلال

وانتو مع ابليس يااهل الكاس والغانيه
بين الحلال المحرم والحرام الحلال

#سلطان_خضران

(خير امةٍ اخرجت للنـاس) قـــرانيه
في ظل قايد مســيرتنا صنعنا المحال

رجال بالمال والارواح متــــــــفانيه
تجود وتعود حيا الله رجــال الرجال

#مقبل_جرام

ندخل لضى الحرب في اجواء روحانيه
تسبيح تكبير للرحمن مولى الجلال

و نفوسنا في سبيل الله متفانيه
للنصر او للشهاده ننطلق للقتال

#ماجد_المطري

معيـَّـــة الله تصنــــــع قــوه إيمـــانيــه
يزخر بها السهل والساحل وشم الجبال

أقوى من اقوىقوى واحلاف شيطانيه
ما للبــوارج ولا للحـــامــلات إحتمـــال

ما للعــــدو إحـتـمـاليــِّـه ولا امـكـانيــه
للنصر والنصر يظفر به رجــال الرجــال

#عبد_القادر_داود

الـحـمـد لله روح الــشـعـب روحـانــية
و الراس شامخ شموخ النايفات الطوال

في ظل رايـة مسـيرة حق قرانية
هيىء لها الله من خلقه رجال الرجال

#ضيف_الله_هجوان

بعون ربي كسرنا قرون شيطانيه
في ظل قايد من آل البيت اروع مثال

حكمة يماني مع نفحات ايمانيه
والنصرميعادنا رغم الحمول الثقال

#الشاعر_جبر_المهدمي

دام المسيـره مسيرة حق قرئانيه
والقائد الفذ اباجبريل في كل حال"

باينتصـــر شعبنا"ضد المريكانيه"
ويحررالقدس من صهيون والإحتلال

#محمد_الاخرم

تمضي مع الله مسيرة حق قرآنية
وخير الاجناد فيها ناصرت خير آل

رجّال في ساعة الشدات متفانية
ماهمها الغرب وأمريكا ولا أبو عقال

#علي_مغلي

عشنا مع الله والأجواء روحانية
في كل ميدان يستدعي رجال الرجال

امة من الصف والانفال متفانية
في حرب كبرى لها شابت رؤوس العيال

#ابوهادي_عقاب

الله اعطى اليمن هويه ايمانيه
ومن اليمن اصطفى قايد وحوله رجال

امه بالايمان والحكمه وقرآنيه
فالبر والبحر والا الجو قد النزال

#ابومالك_الكوماني

قائد حسيني وتوجيهات قرآنية
وأمة تمسّك في آياته وفي خير آل

جديرة أنها تقود زمام الإنسانية
وتحبط المكر ذي منه تزول الجبال

‌‌‎#زياد_السنافي

شعب اليمن والقُبُل من. أصل قحطانيه
واصل العرب والعروبه والرجال الرجال

نزداد في الحرب والجبهات روحانيه
ومن يفـكـر يحـاربـنـا يشـوف الزوال

#ابوالمازن_الشريف

مسيرة الله ووالخطوات قرأنيه
والقايد الفذ وابطاله خيار الرجال

يمشوا بخطوات موزونات وايمانيه
متسلحين الثقه بالله في كل حال

والله معنا على قوات شيطانيه
واحنا معه ننصره باموالنا والعيال

#ابراهيم_الغولي

رجالنا في_ دروب الحق _متفانيه
تشق با الآمها _كل الدروب الطوال

مسيره ايمان ؛ والايمان_ انسانيه
قراءنيه نصرها من ربنا ذا. الجلال

#ناجي_القطيبي

قلب اليمن داخله نفحات قرئانيه
والمعنويّات حقه جاهزه للقتال

وقوفنا ضدّ حلف الكاس والغانيه
واجب مقدّس مع ال النبي خير ءال

#ابوالكرار_المجنحي

ايمان فينا يعادل الف ميزانيه
وسعد من حط حبله في وثيق الحبال

ما باتضره قلوب الحسد والشانيه
ولا الكواكب تغطي من شعاع الهلال

#ابو_محمد_دحان

احنا اولو البأس والقوه والأنسانيه
نمثل الدين الاسلامي في أروع مثآل

أصل العرب ما استمينا بالعريبانيه
على عزوف البنادق نبترع بالنصال

#ابومصطفى_الرضي

مسيرة الآل والاعلام قرآنية
ومحمية من قبل سلطان رب الجلال

والشعب يحمل جذور وافكار إيمانية
وقد لمسنا المعية في الحصار والقتال

#إتحاد_الشعراء_والمنشدين

https://t.me/aboyahyaalshami

المجاراة عن جدية موقف #الشعب_اليمني مع كل خيارات التصدي لأي تحالف دولي بحري أو بري حتى أنسحاب الأحتلال من #غزة

البداية #سامي_عبيد

بيان جيش اليمن  للكل تحذيري
يراجعوا كلمة القايد وتحذيره

من يدخل البحر الاحمر يخلس الميري
كلام مفهوم ما يحتاج تكريره

ياذي حشدتوا تحالفكم.!! على غيري
جيش اليمن بايخلي  حلفكم طيره

#أبورواسي_أرحب

جو بايدن والنتن ياهو وجون كيري
مكتب تحالف والأعراب السكرتيره 

بايصبحوا كلهم عنوان تقريري
عن السفن ذي تجي من دون تأشيره

هي حرب ماهي علم سيري علم سيري
وموقف الشعب هذا صعب تغييره

#عبدالباري_عبيد

‎دوى فـ البحر الأحمر صوت تكبيري
الأمـــر لله والـتــدبـيـــر تـدبـيــــرة

لـو شكلوا حلف كوني لجل تدميري
من (مثليين) الدول منزوعة الغيرة

بـ اواجه الكل(صهيوني)و(تكفيري)
واقطع وتين(اليهودي) قبل تدميرة

بلبل النصر #حسن_المهدي

قـل للمريك اختبار اليوم تحريري
والمندب اول وريقه واخره صيره

والاسئله اجباريه والحل تفجيري
مـا بـه خيارات والا عد لهم خيره

والـبحر يقدح شرر ذري وتدميري
وتـخـرج اثـقـالها حـنـة مـواصيره

#فارس_المعزبي

قل للمغيرات ياشعب اليمن غيري
احنا هل الحرب والفزعات والغيره

ماهمَّنا(تُوم)(واشنطن)ولا(جيري)
فينا عزيمه من القرآن والسيرة

والبحر مسجور وامواجه بتقديري
نيران حمرا ومخلوقات شرِّيره

#ابوالمازن_الشريف

شعب اليمن جيش كله حسب تقديري
للنعركه محتزم جهّز تدابيره

لو جت جيوش الاعادي في طوابيري
ما حاد عن نصر غزه او وهن سيره

والجيش في البحر واقف بالمغاويري
قاطع موارد عدو الله وتصديره

#أحمد_عطا

يابو المسير على ايلاتهم طيري
الوقت وقت التحرك مالنا غيره

والكل بايلمسو في البحر تأثيري
والسيد اللي لمس ذا الكون تأثيره

وله ولائي وله حبي وتقديري
افديه وافديه وافدي كل تفكيره

#ابوقصي_العويري

لا ما نسفنا قواهم ما كُن عويري
ونخلي الحلف عبره نافع لغيره

اليوم لا داعشي يبقى وتكفيري
با نغرق اربابهم فالبحر ونديره

ويعرف الكون معنا اسلامنا الخيري
ويشتهر ديننا ويبين تاثيره

#ابومالك_الكوماني

ملامح النصر بانت حسب تقديري
ل عودت المسجد الأقصى وتحريره

موقف قوي يسنده موقف جماهيري
ظهر ف الأعداء مدى فعله وتأثيره

لا تحسبوها مسلسل توم معْ جيري
ذا وعدكم حان لا فرصة لتأخيره

#ابوهادي_عقاب

نقل للامريك وبريطان ودويري
سيادة البحر ماهي في تقاريره

مابا تمر السفن من غير تأشيري
واللي لصهيون ترجع دون تأشيره

ولمن تحدى يجي صاروخ تدميري
وسط البوارج يتم دعسه وتدميره

#الشاعر_ابو_صقر_شعلان

برسل الى شعبنا شكري وتقديري
ذي بالبطوله دخل في الفقه والسيره

والقايد الحيدري ذي فاق تصويري
بيحارب الكون كله ديرة(ن) ديره

الحرب ماهو مسلسل تومي وجيري
وخيرة الله عليكم يايهود خيره

#الشاعر_عبدالحكيم_ابوهاشم

خبر قوى الشر ذو مشروع تدميري
ما همنا حلف واشنطن ولا غيره

لو يحتشد كله العالم مع كيري
والدعم بالمال بالدولار واليره

لن يخضعوا شعبنا بااسلوب تنفـيري
محال تخضع قيادتنا بتنفيره

#مقبل_جرام

مشروعنا نهضوي علمي وتنويري
وكل شي عندنا قدره لتطويره

وطموحنا عالمي ثوري وتحريري
عنوانه القدس فرض العين تحريره

قرارنا جِد جِد الجِد يا كيري
يصعب على دولتك خرقه وتكسيره

#محمد_ابوالعز

عقدين مرت على صرخات تكبيري
و كلما يمكــــــــــروا يـزداد تكبيره

جمعهم ابليـس في حلفه لتدميري
ما يـــدري الحلف انه حان تدميره

ارســلني الله اعـــذّب كل تكفيري
و احرر النـاس من فكره و تكفيره

#محمد_الاخرم

وإن مافهم خصمنا ياطائرة طيري
وياصورايخ لا تبقي لهم ديرة

صاروخ راسة ثلاثة طن تفجيري
نحرق بها وارد الغازي وتصديرة

بقصف على المعتدي واخط تقريري
وإعلامنا يحفظ الموقف بتصويرة

#ابوالكرار_المجنحي

سيري إلا الحتف يا مال السعر سيري
سبحان ذي امره النافذ وتدبيره

ذي قال الاول على أمسيري على امسيري
وبايدن كم قد اجتزنا على غيره

انا معا الله متحزم وكم غيري
مليون واكثر إذا شب النكف كيره

#الشاعر_جلال_السكري

ياطايرات المسير فوقهم طيري
قطي عروق التحالف من مناحيرة

والكذب والدجل والصابون والفيري
والببس والكيك والبسكوت والبيرة

لامايوقف علينا حرب هستيري
لانخرج الكبر حقه من مناخيره

#الكرار_المشراقي

الى فلسطين سيري يايمن سيري
دوسي قوا الكفر وحلافه وتكفيره

في البحر طوفان متفجر وتدميري
يحرق سفنهم ويقطع كل تصديره

لاعد يبقى بوجه الارض تكفري
وكل من خان الاقصى حان تطهيره

#ابوكنعان_الروس

صبن ابايب ابتهم دعس باالفيري
وخلي المعتدي يقحط لا أضافيره

والمرتزق من وراه يرقص علم سيري
يابيعن الوطن والعرض والديره

بوذي يهودي ونصراني وتكفيري
يامدمنين الحشيش والخمر والبيره

#ابـومـازن_الـرازحـي

تحذير شعب اليمن جِدِّي وتعذيري
مافيه،رجعـه لتفعيله وتمـريره

لو تجتمـع قـوة العالم مع الـذِّرِّي
لابد لكيانهم يمحى من الديره

بايمـاننا والقيادة نجعل الهوري
يغرق سفنهم،ويوقفها عن السَيره

المجاراة دعوة للمشاركة في المسيرات الواسعة لنصرة #الشعب_الفلسطيني في #ميدان_السبعين في العاصمة #صنعاء وبقية المحافظات

البداية #ضيف_الله_سلمان

بدأ صباح السبت عصر الجمعة
طوفان صبّحهم وهم مجتمعين..

من اجل غزة يارجال الفزعة
ميعادنا يا اصحابنا فالسبعين

#جميل_الكامل

هبو لأجل القدس سرعه سرعه
جهاد نخوه قبيله ياهل الدين

وادي معك خمسه وسته سبعه
لك اجرهم ولو يكونوا خمسين

#جبر_المسعدي

العمر يصحاب الجلاله جزعه
والعين مشتاقه تراء الحور العين

واحنا رجال العز واهل الفزعه
لو فال ١٠٠ منا يسيرو ٩٠

#سلطان_خضران

كلن من الليله ينبي ربعه
لا كل ساحه من يبكر فـ الحين

نصرخ ويسمع صوتنا من سمعه
فالارض والسبع الطباق وعلين

والساكتين اليوم يلقوا سبعه
لا قبيله فيهم ولافيهم دين

#حسن_السعيدي

لبيك ياداعي الشرف والرفعة
وانا وشعبي كلنا مندفعين

نبشّر إسرائيل بعد الصفعة
حياتها مابا تصل لا تسعين

#أبوزيد_النعمي

متوجهين دفعة وراها دفعة
نحرر الٲقصى من المحتلين

والناس جمعه يحضروا في الجمعة
مسيرة السبعين وغير السبعين

#ابراهيم_الغولي

ابشر بنا دفعه وراها دفعه
لجل العروبه والكرامه والدين

من اجل غزه با نلبي جمعه
ولا يهمك يا ابو امجد ذاحين

#عبدالعزيز_الغرباني

شعب اليمن في كــــل يوم الجمعة
يخرج مسيرة داعمــــــة لفلسطين

شعب الحمية والابـــــــاء والفزعة
مع اهل غـــزة واهلنــا في جينين

والمعنوية عاليـــــــــــــة مـــرتفعة
والنصر مطلب شعبنـــــا والتمكين

#الشاعر_ابو_صقر_شعلان

ياموطن الايمان هبوا جمعه
قد النصارا مننا مفتجعيـن

ونصر ربي بايجي في سرعه
وبعدها بانجتمع في حطين

#الشاعر_عبدالقدوس_الصباحي

احنا علئ عهد الوفاء والبيعه
واحنا عليه الامس واحنا ذلحين

الحشد ماهو لجل عيد المتعه
الحشد لجل القدس يابن يامين

#الشاعر_جلال_السكري

بدأ صباح السبت أول جرعة
تروي ضماهم والكبد من غسلين

من اجل غزة حشدو يامنعة
لاتوقفو لي منعكم من ذلحين

#ابومالك_الكوماني

بالوعي واجهنا القوى مجتمعه
دسنا على امريكا مع المنبطحين

ياشعبنا اتحرك بأقصى سرعه
لا كل ساحه نصرةً لفلسطين

#محمد_الاخرم

ياهل الوفاء والمرجلة والرفعة
يا خير أمة هــــمّها نصــر الدين

الكــــل يــــتحضر ويحــــشد ربعـة
على الاقل الشخص يحشد عشرين

#علي_بن_داشع

باننطلق واقلوبــنا مجتـــــمْعه
عند اليمن والعقل عند فلسطين

واخروجنا لـه عز وميــــة رفعه
والشخص فخروجه يعادل تسعين

#عدنان_جحوح

يا اصحابنا الكـل ياخذ رَبعـه
فـزعة من الإيمان لا فلسطين

دفعة وراء دفعة وراها دفعة
حتى يعم النصر والتمكين

#أبوحسين_العصري

المعنوية عالية لا رجعه
عن نصر الأقصى وأهلنا بفلسطين

لو يزحف أهل الشرك كامل جمعه
ما دام واحنا بالقوي معتصمين

في بحرنا العدوان يلقى صفعه
وداخل السبعين يلقى ثنتين
لأجل الكرامة يا يمن و الرفعه
ننفر خفاف اثقال ياجند الدين

#بدر_الكهالي

يبشر بنا الأقــــصى ويبــشر ربعه
نوقف وقوف الاخ جنب فلسطين

مادام دك الكُــــــــفر فيـــــنا ولعة
واحنا جنود الله وانــــصار الدين

#الشاعر_عبدالحكيم_ابوهاشم

يا اهـل الأبـاء والحريّه والمِنعه
ويش عاد باقي بعد هذا التمكين

حضورنا واجب علينا جمعه
حتى لو الساحه يقولوا في الصين

#ابـومـازن_الـرازحـي

عن نصرةالأقصى محال الرجعه
خوفـاً من الله وانتصاراً للدين

وخـروجنا الدايم بعصر الجمعه
جبهه قـويـه تـزعـج المحتلين

#الشاعر_متاش

ويارجال العصر عصر السرعة
كلن يجمع خبرته من ذلحين

نشغل السبعين بكرة قرعة
بحشد يتجاوز حدود البحرين

#وسام_الحنش

واجب علينا يالنشامى جمعه
يانصار ربي القاء في السبعين

مطلوب في هذا الخروج السرعه
من اجل نصرة اهلنا ب فلسطين

#ابوالكرار_المجنحي

كلن من أجل القدس يعمل وسعه
انتو بداعي الدين والله مدعين

حضور عارم شغلوهم قرعه
ردو لهم با الصاع واحد بضعين

#أبو_علي_عركم

ياشعبنا دفعه وراها دفعه
طوفان بشري نحتشد لاالسبعين

نصره لغزه يارجال الفزعه
هذه قضيتنا إلى يوم الدين

#أسـامـة_المـعبـاء

من كل فج وكل صوب وبقعه
بانجتمع يا أنصار ربي والدين

بالعصر لـ السبعين دفعه دفعه
لبيك يالأقصى بنصرك جايين

#الشاعر_وديع_داعر

على المعزة والوفاء والرفعه
ياكل مؤمن حيدري واحمر عين

نصفع بني صهيون اكبر صفعه
ونـقـهر الانـذال والمنـخـدعين

#الشاعر_بشير_الشامي

لا ساحة السبعين مابه رجعه
ياصحابنا يالله نخطاء ذلحين

دفعه الى الساحات تلحق دفعه
نملي ابوها مثل ما يوم الدين

#الشاعر_ماجد_غانم

لله درك ياحماس والصفعه
صفعه وكان الله ناصر ومعين

واحنا اليمن ماحناء بحاجت دفعه
كلين (لا) السبعين شعبي واعين

#أبوصخر_الجوحمي

غزه. تباد اليوم لازم سرعه
بخروج للساحات نصره للدين

لو يخرج الاسلام كله جمعه
من نوقف الحرب التي بفلسطين

#إتحاد_الشعراء_والمنشدين

https://t.me/aboyahyaalshami

المجاراة عن الاحداث الآخيرة في #البحر_الأحمر

البداية #ابوصالح_العملسي

في البحر با نغرق منافق وكافر
بقوة الله يا القوئ المعتديه

شعب اليمن خمسين مليون ثاير
جاهز لخوض الحرب لجل القضية

يا شوقنا للحرب معكم مباشر
في معركة إقليمية مفصلية

#ضيف_الله_سلمان

على ثقة بالله والله قاهر
والوعد وعده والمواقف جلية..

واحنا توليناه باطن وظاهر
ومن تولى الله فالله وليّه..

والجيش الامريكي بلا شك خاسر
بالله سبحانه ثقتنا قوية

#عبدالله_الجرفي

يا شعب قل للصهينه لاتغامر
الدم فاير والقضيّه هويه

تحذير مممنوع اقتراب البواخر
من بحرنا امشو في الطريق الدليه

والنابي السكته لكم شمس باكر
والا ابشروا بالضربه الحيدريه

#شداد_حُميد

المعتدي دارت عليه الدواير
والبحر الاحمر مرحله اوليه

اخذ البوارج والسفن والبواخر
وضربها ف البحر حاجه دليه

عد با تذوقو كيف طعم الخسائر
والقادم اعظم حربنا عالميه

#ابوهمام_سليم_الفتاحي

ثوري معي ياقـاذفـات الـمـعـابـر
وثـــوّري يـادانــة الـمـــدفـعـيّـه

بانلتحم في البحر الاحمر مباشر
مـع المريكي مـعـركة مـفـصـلـيه

ياشوقنا للحـرب باطـن وظـاهـر
شعـبنا والجـيـش فـي جـاهـزيّـه

#مقبل_جرام

شعب الكرامه يا الليوث الكواسر
حان النقا يا اهل الشرف والحميه

هبّه مع الله موج في موج هادر
من أجل لاقصى مرحبا بالمنيه

الويل ثم الويل للي يحاصر
غزه ويقصفها صباح وعشيّه

#ابوبدر_ذيبان

قرب وعيد الله على كل كافر
على يد الانصار وحنكة وليه

بك يالقوي الجبار ضد البواخر
ضد الاساطيل حربنا المفصليه

بانغرق امريكا ونفتح مقابر
ونمسح اسرائيل وشر البريه

#ابوهادي_عقاب

واشنطن القشه بعدوان سافر
على رجال البحريه مفتريه

قد ساقها الله جت الينا تخاطر
الى عرين الاسد تلك الغبيه

مابش تفاوض فالدماء اوتحاور
خيارنا في منتهى الجاهزيه

#علي_الشعيثي

الكلب الامريكي مودف وخاسر
وشعبنا في كامل الجاهزيه

وبلغو روبيج فيلق وقاهر
وزورق البحري مع المروحيه

ماكودها امريكا تجهز مقابر
ودف بها الوبي تصبح ضحيه

#أبوإسماعيل_الجابري

الوضع نار بنار والدم فاير
لأجل النقاء كل الوسايل صليه

لو يحشدوا لى بحرنا كل فاجر
يرحب على سود البلا والمنيه

بنفوسنا دايم مع الله نتاجر
وكلمه الله دايماً معتليه

#الشاعر_ابو_صقر_شعلان

من اجل الاقصى كلنا بانغامر
فوق العدا بالهامــه المعتليه

وامر ربي فوق ايت تأمر
وكيد ربي فوق كيد البريه

بانلطم اسرائيل في كل صابر
ونسكه الاسلام من ذا الاذيه

#جلال_الغولي

من وحي (اعدوا ) (قاتلوا)كل كافر
بوعي ايماني من المنهجيه

صنعت حاطم هو وقاصف وفاطر
والروح قد فلفلتها معنويه

كلي ثقه في حربنا الغرب خاسر
والنصر للاسلام والاولويه

#الشاعر_ابوجهاد_صبر

البادي اضلم والمجوّب مكابر
والقادم اعظم ياشـرار البريه

والنصر للإسلام والكفر خاسر
والوعد وعـد الله وسنه جليه

قل للمريكي ثارنا ثـأر جاير
يبشر عدؤ الله بضربه قويه

#ابومالك_الكوماني

ساعة بوارج لمركة والبواخر
حانت وحاطتها شراك المنيه

في بحرنا ياحاملات الطواير
بانغرق الشيطان الاكبر وغيّه

من اعتدانا اليوم عدوان سافر
بايدفع اثمان الفعال الغبيه

#مناع_شريم

حرام لا نثار لكل العساكر
والبحريه في البحر الاحمرقويه

هذه البدايه والنهايه تغادر
مدحور مهزوم مثلما القنصليه

البحر الاحمر للبوارج مقابر
من اليمن للقدس ازكاء التحيه

#مختار_البحري

من عزم تاريخ الرجال المعاصر
وقواء إلاه الكون رب البرية

احنا على جيش الردى موج هادر
ننهي جيوش الذل والعنجيه

نضرب ونفتح للطغاه المقابر
والله سبحانه يناصر ولـيـه

#احمد_عبدالرحمن_الظمين

من أجل غزة بانخوض المخاطر
ونعتصم بالله رب البريه

ماهمنا أمريكا ولا كل فاجر
دام الثقة بالله فينا قويه

#حسن_الجدمي

الحرب قد دقة مع حلف كافر
واحنا لها بالصبر والمعنوية

والشعب متوكل وبالله مغامر
للنصر مطلّع وجنة هنيّة

هيهات في المندب تمر البواخر
الا بغزه تنتصر والقضية

#عبدالحميد_التركي_الهلالي

الحمد لله وضعنا اليوم سابر
للمندب الليلة سرية سرية

من بايحاصر واليمن ذي يحاصر
والله لا نسقيه كاس المنية

يقول شاعر من صميم المشاعر
احنا مع ابن البدر من صدق نية

#أبوحسين_العصري

أقرع طبول العالمية و بادر
و دق راس الشلة الخيبريه

بالله أكبر نجعل الكفر صاغر
ترجع جيوشه بالخزى مشتويه

شل اقتصاده و اخنقه ف المعابر
كامل جنودك بالهدى مرتويه

#عبدالعزيز_الغرباني

الشعب في كل الميادين حاضر
من حيث الاستعداد والجاهزية

يصفع عدو الله في كل صابر
ويجرع الاعداء كؤوس المنية

#الشاعر_علي_الوزير

ايـمانـنـا بـالـلـه بـاطـن وظـاهـر
ثـقـة بـوعـده دايـمـه سـرمـدية

بـالنصر والـتمكين من كل كافر
وعـزكم يـا انـصـار عـترة نـبيه

عــام 24 فـــيــــه الـبــشــايـــر
لاهل اليمن والشرق الاوسط لكيه

#إتحاد_الشعراء_والمنشدين

https://t.me/aboyahyaalshami

المجاراة عن تورط العدوان الأمريكي والبريطاني في اليمن بشكل مباشر وكيف سيكون الرد عليهم!!.

البداية #إلياس_المقدشي

بريطانيا في حربنا اليوم ودفت
ومن قبلها امريكا اللعينه مودفه

سوا واصـلت عدوانها أو توّقفت
فـ رد اليمــن ما جهد الاعدا تـوّقفه

#ضيف_الله_سلمان

بريطانيا في بغيها قد تعجرفت
وتاريخها كله جرايم وعجرفه..

علينا مع الشيطان الاكبر تحالفت
ولكن بعون الله نفشل تحالفه

#أبو_روعه_الجوفي

جميع القبايل كلـهـا الـيوم نكـفت
وثاقب وفاطر والـمسير منـكـفـه

ترد القضا لاعتى القوى ذي تكلفت
وتشفي وجع غزةبـ ضربه مشّرفه

#أبويوسف_القاري

خلاص الحقايق كل ابوها تكشفت
وكلن يحدد من فلسطين موقفه

وماينفع أمريكا الندم لو تأسفت
قريب وبوارجها على الما منتفه

#ابومالك_الكوماني..

جميع الحقائق في زمنا تكشفت
وكل الوجوه الزايفه والمغلفه

وريش القوى العظمى بيدنا تنتفت
واساطيلها في بحرنا امست منتفه

#فارس_المعزبي

على راس الافعى شعبنا ماقد التفت
ولا قد حسبها الا قعيطي مزيفه

وهو مستطيع انه يفِت الخصوم فَت
ويكرع دماهم في كرانيش وارصفه

#ناجي_القطيبي

قد الشمس يامريكا على ارضش اكسفت
وصرتي لاسرائيل فى الحرب موطَفه

وبانجعلش للحوت في بحرنا نتَف
قد ادّيتي اسطولش على شان نقصفه

#الشاعر_فرحان_السلامي

بلنـــدن و واشنطـــن شــــوارب تنتفــت
و بعض العروبـه تحمـل الشكـل والصفـة

وشمس الغلط والظلم في فلكها اكسفت
لإن اليمـــن لاكبــر جمــاجــم مهــدفـــــة

#عبد_القادر_داود

بـريطانيا انهارت و شاخت و خرّفت
وغابت وصارت شمسها اليوم مكسفة

علـيـهـا النـقاء مـردود مهــمـا تفلسفت
و شـعب الـيـمـن غـير الشعوب المزيفة

#ابوسياف_البيحاني

لها الويل منا حين قضتنا وسلفت
فتبشر ويبشر من قضانا نسلفه

من اشلاء غزه من دماهم ولااكتفت
ولا زال عنده ثأر لازم يوكفه

#ابراهيم_الشرفي

ويا كم قد اتمادت ويا كم قد اسرفت
ولا حـد قـدر يـكـسـر صـلـفها ويوقفه

ومن سـاعة اول يوم بالحرب شَرَّفت
عـلـيـنـا بـهـضـنـاهــا خـســايـر مكلّفه

#الشاعر_يوسف_الحداد

فمهما انفقت من مال للحرب واصرفت
قسم ماتحقق حلمها او تصرفه

عليها جنود البدر في البحر كيفت
وكلين حامل بندقه جنب مصحفه

#ابوحسين_حاتم

سوى صرحت بالاعتداءات او نفت
قدي في مشافك يا اليماني مصنفه

وحتى لو تحاول تعتذر أو تأسفت
فلابد ما تدفع ثمن باهض وتكلفه

#شبل_الحداء_ابوفلاح

بقايا اليهود اليوم علينا تآمرت
وهو قصدها تضرب يمنا وتقصفه

ولاكن ماتدري انها تحطمت
تجاه لليهودي كل مدفع وقاذفه

#الشاعر_ابو_صقر_شعلان

بريطانيا مثــــــــــــــل المره ذي تعففت
وقبل النهايه بان ماكان تلهفه

وشمس الجهاد من شعبنا الحر ماكسفت
ومازادنا الا معنــويه ومعــرفه

#أبورماح_شداد

قسم ماعفينـــا الأمركه لو تأسفت
ويا من قصفنــا اليوم لابد نقصفه

ولو هاجمتنا ربع ساعه ثم اختفت
فهي خايفه منـــا وماهـي مخوّفه

#ابوحمزه_المقاش

علينا اللـزايـم شـبـت الـنـار ماكتفت
وفي داخل المـنـدب نـشـامـا مـنـشفـه

بـريـطانياء واذناب الامـريك ما احتفت
وهـم قـوم مـذمـومـه لـديـنـه مـحـرفـه

#عدنان_جحوح

تورط عدوالله فيها وأسرفت
بحرب اليمن أمة على الشر عاكفة

ولكن بحول الله مهما تألفت
علينا يجيها الموت من كل طائفة

#جميل_جعفر_ابوشامخ

قسم لو قوى اهل الكفر كامل توالفت
إلى البحر الاحمر جيشها لن تلفلفه

هي ايام وان امريك تاهت و عطّفت
ولاما انعطفشي حلفها غصب نعطفه

ابوهادي_عقاب

على قبة الصاروخ ترحب وشرفت
للندن وواشنطن حرايق مشرفه

وشعب اليمن لا ثار منه توقفت
جيوش الطغاه اليوم فالبحر واقفه

#محمد_البريهي

بريطانيا من قبل فترة تعرفت
علينا وأرضنا للأعدا مخوفه

وخسرت وهي شباب واليوم خرفت
عجوزة نست منا الدروس المكلفه

#محمد_مجلي

من الشرق الاوسط قوت امريك عطّفت
وتعــــرف نوايـا شعـــب (ردّه وموقفه)

ورب السما لو تُحجب الشمس واكسفت
فلا بــــد للــــبـادي نـهـايــات مقـــرفــه

#الشاعر_عبدالقدوس_الصباحي

قوئ عادها للحـــــــــرب ماقد تكلفت
بها الجنــــدي اتحزم بمعصاب مكلفه

في الحــــرب ماتعرف ولا قد تعرفت
علئ ايداتهم مسـواك والراس منشفه

#أبوحسين_العصري

قوى الشر والطغيان صوبي تلفلفت
ومحور بني صهيون الأرعن يلفلفه

جمع كل متردي نطيحه ولا كفت
و جيشي بعون الله ف البحر نتفه

#محمد_ابوالعز

بريطانيا شاخت على الحرب وانكفت
وعادت لنا مثل العجوز المخرفه

وثرنا عليها الامس هربت وعطّفت
وبكره مع امريكا اترحل معطفه

#عبدالله_حسين_مسعود

إذا رأية الاسلام عادت ورفرفت
على اكتاف اعلام الهداية مرفرفه

فنجمة بني صهيون غابت واختفت
وذي جابها الشيطان الأكبر مودفه

#جـمال_عـوضه

اكيد انها ماقد علينا تعرفت
غـبيه وفي نشر الـحقايق مـزيفه

فمهما لنا باسمائها اليوم صنفت
فباتعرف ان انصار ربي مـكيفه

#إتحاد_الشعراء_والمنشدين

https://t.me/aboyahyaalshami

تابع المجاراة عن العدوان الامريكي والبريطاني على اليمن

البداية #نشوان_الغولي

ما بين شهرين (أكتوبر) و (نوفمبر).
ثارت (عدن) و اهلها في حالة استنفار.

من بعد (قرن) احتلال (انجلترا) و اكثر.
عادت قواها تحارب جنب ابو زنار.

قولوا لها ما خضعنا و الزمان اغبر.
و لا مع اجدادنا (ليزر) و لا (رادار).

راحت (بريطانيا) ب(السك) و (الموزر).
ما اليوم طار (المسيّر) و (المجنّح) طار.

#ابوسياف_البيحاني

قل للبريطاني احنا جدنا الاشتر
والله سبحان سلطنا على الكفار

لاقد نسي ماحدث بالامس يتخبر
عن من في.البحركسر روسهم كسار

اليوم ودفت يامدبور يا مغتر
والثور ودف متى هو في يد الجزار

لكل ظالم نهاية قبل يوم اغبر
حساب عاجل وفي الاخرى عذاب النار

#امين_التركي

عدوانكم قد جعلني اضحك واتكركر
وكنت ضابح وضايق من غلا الاسعار

حاولت اراكم في الناظــور والمجهـر
وكلما احصي عددكم يطلعين 0000

ومثلما زنبقــــــــه وزوجها شــــــوتر
الدولتين التي تعـــــــرف بالاستكبار

مااداكم الله صلينا الا وهـــــوه اخبر
مابوش يامه ارحميني يوم اخذ الثار

#عبدالقادر_البنا

الله يرحم رجاجيل الفدا الأكبر
راجح لبوزه وكمّن حر شامخ ثار

ماليوم قادة عدن في ذلها تسكر
والمولعي مايطاول سيده الخمار

والاحتلال قبلما فارق عدن كَثَّر
ذريه اللي تمرجل له مع الكفار

عدن أبيه وما خلف العدو انجر
غير القيادات أما شعبها أحرار

#يوسف_الحداد

كل القوى اليوم تحت الرصد والمجهر
لن ينفذ اليوم لاطـــــــاير ولاطــــــــيار.

البحر مسجور ونيران البغم تســــــــعر.
والشعب في حالة استعداد واستنفار

مع ابن طه نخوض الحرب بحر وبر
ولاجل غزة قسم لو بانطير اعشار

والمندب اليوم اصبح للطغاه محشر
ويل الكيان الردي والثعلب المكــــــــار.

#ابومالك_الكوماني.

خيبر وخدامها والروم والقيصر
واحنا وبدر الهدى والقاهر الجبار

ومعركة ختمها الحتمي هلاك الشر
بانغرق اسرابها واسطولها الجرار

تغرق فراعينها في بحرنا الاحمر
الثار من رأس الافعى يارجال الثار

الله الاكبر على من ضل وتكبر
وان كان تفلت من أيدينا علينا العار

#ابوعبدالله_صالح_عنبل

هذا اليمن و الرجال افعالها تذكر
في بذل في تضحيه في ذكر و استغفار

بقوة الله تستأصل جذور الشر
نصرة محمد و شيعة حيدر الكرار

سل عنهم بدر و اسأل عنهم خيبر
وقبل الاسلام وثق عنهم ذي قار

واليوم حاشا و كلا جيشهم يقهر
ابطال الاشتر و فرسان الفتى عمار

#الشاعر_ابوجهاد_صبر

اليوم يوم القيامـة  قـــــام يــا خيبر
اليوم يوم الحساب اقبل عن الاشرار

دولــــة بريطانيا جــا  يـومـهـا الآخر
والامـركـه عـنـهـا وقـت الـدوايـر دار

من كان صادق مع اهل الحق بايضهر
نـجـاز   يـا مسلمين الـيــوم  يـا كفار

من بعد مالحرب من كافر لمسلم جر
با يصبح الحق فـ.الجنه وهم فـ.النار

#ابوضيف_الله_اللاحجي

المندب اليوم في وجة العداء كبّر
واحنا مسكنا بحبل الواحد الجبار

والشعب في نصرة المظلوم ماقصّر
ولجل الاقصى وغزة لو نطير اعشار

الــرد ردّيـن يابـوعـيـنـهـا واكــثــر
لن يفلح المعتدي من لطمة الانصار

تـهـور انجلترا وامـريـك لـن يُـغـفـر
دقت على نعشها اربع مئة مسمار

#ابوشوامخ_الوعل

اصهر اصاطيل لعدا ياكروز اصهر
والله ما اقزام لندن توقف المشوار

لا ميت غارة توقفنا ولا أكبر
نموت احرار ونعشنا نعييش احرار

من قبل جيشه خسر واليوم بايخسر
كم ما حشد بايضلي في نضرنا اصغار

غشيم اتجاهل التحذير وستحمر
في حربنا اتورطو احمار ساق احمار

#الشاعر_ابو_صقر_شعلان

ياشعب باول سطور المجد يتصدر
بالله والمصطفى وآله الاطهار

قوة عزيمه إرادة شعب لايقهر
عزه كرامه بطوله تضحيه أصرار

لابد ماتُغلب امريكا وتتقهر
بقوة الله القوي القاهر الجبار

قلوا لمن جاء يقلد فوقنا عنتر
انصار رب الخلايق سيفها بتار

#محمد_البريهي

البحر الاحمر بطوفان السعيد أنذر
وصار ممنوع من يعبر بدون إشعار

وسيدي سبط طه المصطفى حذر
كل الطواغيت وقوى حلف الاستكبار

واليوم بالله تغرق بارحات الشر
ضربة يماني حسيني حيدري كرار

أمام الإيمان أقواها القوى تخسر
وفي بحار اليمن عبرة لأولي الأبصار

#مختار_البحري

حيابهم في يمن (عمار )و(الاشتر)
ومن حارب (الشعب) يرجع منكسر منهار

(خمسين مليون) وقت المعركة واكثر
ضرباتنا في الوغى من ضربة (الكرار)

قولو لجيش (الردى) يتكفوا الشر
من قبل نهجم. عليهم مثلما الاعصار

مابانعد غي و(غزه) حره إـ محرر
والكل يعرف حمية (شعبنا المغوار)

#إتحاد_الشعراء_والمنشدين

https://t.me/aboyahyaalshami

المجاراة رسالة الى مجلس الامن الصهيوني ..
وكل شاعر يضع الهاشتاق في اول بيت
#مجلس_الامن_تحت_اقدامنا


البداية #ابو رواسي_ارحب

مانبالي ونعلنها علن
#مجلس_الأمن_تحت_أقدامنا

لأجل غزه  ولوكان الثمن
نبذل أرواحنا ودمائنا

طز فيمن يجاهد بالسنن
موقفه له وموقفنا لنا

#نشوان_الغولي

اصرخ اليوم يا شعب اليمن.
#مجلس_الأمن_تحت_اقدامنا.

قالوا اقليمية قلنا إذن.
استعدوا لها يا ابطالنا.

حرب كبرى على مر الزمن.
نثبت اقوالنا ب افعالنا.

#احمد_درهم_المؤيد

يالحديدة وياسـاحل عـدن
#مجلس_الأمن_تحت_اقدامنا

قـد رفضنا التمزُّق والفتـن
واتجهنا مـع الله كلـنـا

والشعوب اجمعت في صف مَن..
بيَّـن ان اليهـود أعـدائنا

#محمد_الحربي

تحت امر الامين المؤتمن
#مجلس_الأمن_تحت_أقدامنا

ماخشينا المخاطر والمحن
لاجل غزة بذلنا اموالنا

رغم انف العميل المرتهن
با نجاهد  ولافي بالنا

#محمد_المنصور

لن تمر السفن كلّا ولن!!
#مجلس_الأمن_تحت_أقدامنا

و"الحرايب" بها طول الزمن.!!
ما "نبالي" ولا في "بالنا"

لن تكون اليمن غير اليمن.!!
ياعرب والزمن قُدّامنا

#ضيف_الله_سلمان

يابلنكن ويا جو بايدن
#مجلس_الامن_تحت_اقدامنا

اذن لندن وواشنطن تِطِن
صورة العام هذا عامنا

فوقهم لا تراجع لا وهن
با يعانق يمنا شامنا..

#الشاعر_ابوحيدر_عامر

الحقايق تجلت ذا الزمن
مجلس_الأمن_تحت_أقدامنا

لا قلق لا تراجع لا وهن
لجل غزة نضحي كلنا

لا معى الشر عباد الوثن
حسبنا الله معنا حسبنا

#سامي_عبيد

بلغوا كل الانذال الهين
#مجلس_الامن_تحت_اقدامنا

مجلس الحرب شباب الفتن
من ابوه بايقف قدامنا

يابقر كودها تحلب لبن
هكذا احنا وهذا اسلامنا

#مرتضى_شريف

‏قالهــا ابــن البخيتي مسبقاً
#مجلس_الامن_تحت_أقدمنا

غير ربي ولا نخشــى حدن
كان من كان مــا في بالنا

يقصفونا على مــر الزمن
لا يخلوا لنا فـــي حالنا

#فواز_المستنيري

قال بداع يُدعى بويمن
#مجلس_الامن_تحت_اقدامنا

شعب واحد وقايد مؤتمن
يا النتن بيننا قدامنا

لعنبو من تهاون وافتهن
والملامه على من لامنا

#أبويوسف_القاري

مثلما اليوم بايصبح غدن
#مجلس_الامن_تحت_أقدامنا

ماعلينا مخاف ولاحزن
دام رب الخلايق حسبنا

بالمسير وبالبركان ون
والمناسب ومافي وسعنا

#عابد_المدم

‏قل لندن وواشنطن معاً
‎#مجلس_الامن_تحت_أقدامنا

سوف تغرق وتنجا بالبدن..
عبرة أجيالكم وأجيالنا..

اليمن واهلها طول الزمن..
سم الاعداء وقبر أعداءنا..

#علي_جارالله_داشع

بانردد بها عــبر الزمن..
#مجلس_الامن_تحت_اقدامنا

بالقوي شعبنا الحُر ٲستعن
في لواء الاولياء واعلامنا

لن نخيب لغــزه اي ظـن
عهد بانوصِيَه لـ عــيالنا

#أبوإسماعيل_الجابري

قالها احرار شعبي لا وهن
#مجلس_الأمن_تحت_اقدامنا

شلّت العنجهيه والفتن
ذي يراهن على إعدامنا

قد دمانا دفعناها ثمن
نصرة القدس واستقلالنا

#ابواياد_المطري

با نردد ونرفعها معاً
#مجلس_الامن_تحت_اقدامنا

من مع الله ما يخشى المحن
با نقاتل جميع اعدائنا

(وانفروا) قال ربي لا وهن
قاطعوا (لا تقولوا راعنا)

#الشاعر_ابوجهاد_صبر

نرفع الصوت من شـعـب اليمن
#مجلس_الأمن_تحت_أقدامنا

مـابـــقـــي لليـهــود الا الكفن
داخــل القدس ذي نـــادائ لنا

بــ.الشعف والـمـدانــي المشن
قـلـت انـا والفتى مـن قـال انا

#ابومجاهد_الغمري

طبلة الحـــرب والناقوس رن
#مجلس_الأمن_تحت_اقدامنا

القضــــيه قضــــية ذو يــــزن
بعد الاقصى ونروح اسـلامنا

الله اكـــبر على امــريكا ومن
صـــف في صفّــها لا جــــالنا

#علي_محمد_المحاقري

يـجـتـمـع ضــدنـا كــل الـهـيــن
#مجلس_الامن_تحت_اقدامنا

حرب لاما الـقـيـامـه مـن عـدن
تـخــرج اثـقـــالـهـا واثـقـــالـنــا

بـحـرنـا مـقـبـــرتـكـم والـزمـــن
بــيـنــنــا يـاشـــــراك نـعــالـنـــا

#امين_التركي

يالوطن ذي دعس كـــل الخون
#مجلس_الأمن_تحت_اقدامنا

زر رجلك عليهــــــــــم ياوطن
وارزم اقدامكـــــــــــم ياشعبنا

كل دعسة يمانــــــي بالف طن
كيف لو ندعــــــس امريك كلنا

#محمد_ابوالعز

اليمن صـــاح و اعلنها علن
#مجلس_الامن_تحت_اقدامنا

كيف نقبل بمجلس مرتهن
القرارات فيه لاعـــــداءنا

دام ربي معــــــانا لا وهن
جربــوا حظكم في بحارنا

#ابومالك_الكوماني

منطلق شعب وإرادة وطن
#مجلس_الأمن_ تحت_اقدامنا

لو يمرر لهم حتى جلن
صور ايلات من قدامنا

لجة البحر وأعماله كفن
السفن ذي تريد اقلاقنا

#ابومران_الدحملي

قالوا احفاد سيف بن ذي يزن
#مجلس_الأمن_تحت_اقدامنا

فوقهم لا تفاوض لا هدن
زحف قدامنا قدامنا

خبرة البدر والسيد حسن
وجه القوم يا مقدامنا

#ابوشهيد_القطمي

في رضا الله با نصرخ معاً
#مجلس_الامن_تحت_اقدامنا

راعد النصر يا غزة يحن
و اليهود با يذوقوا بطشنا

من خشوم الأياكي و الإفن
و الصواريخ ذي هن حقنا

#الشاعر_بدر_أحمد_الكهالي

الله أكــــــــبر حقيقة دون ظن
#مجلس_الأمن_تحت_أقدامنا

والقدس قسم جرحها بينا ارباع
وخذ بحق اطفالها والمساكين

#محمد_ابوالعز

لا مصر لا الاردن و لا كـل بيـ.ـاع
غير اليمن محد دعم يامـ.ـلاعين

مايستوي دم البشر خُلْق واطباع
دم الميــامين غير دم الفــراعين

#ابـومـازن_الـرازحـي

فيناالوفاءوالجود أخلاق وأطباع
نفزع مع المظلوم ضد الظلومين

ودعم غزه قد فرضناه باجماع
ونعـاهد الله بالمدد مستمرين

الشاعر_زياد_زيد

شعب اليمن لاجانب القدس فزاع
في ساعة الشـده وفي ساعة الين

انشهـد انه شعـب مـع الله قد باع
نفسـه ومالـه لجل ينصر فلسطين

#حرب_مشحم_صعده

باننصر افلسطين في كل الاوضاع
واحنّا لها ياقرم فـ العسر واللين

غاياتنا واحلامنا هي والاطماع
نلقى عيال الرجس وسط الميادين

#عبدالقوي_البطل

مهما سعوا والله مانطّرِح قاع
والانكون من هرجهم مستهينين

بانجعل إمريكا ترقص بإيقاع
وتذوب هيبتها بيد اليمانين

#سجاد_نشوان

ياقدس بانتقاسم اوجاعنا ارباع
لو يوصل الدم الركب عند الاثنين

انتم ويانا روح مـاتطرح قاع
واحنا وياكم قلب ينبض لجسمين

#ابومالك_الكوماني

يتحالفوا من كل الانحاء والاصقاع
ويحشدوا للحرب كل الملاعين

ولو قضينا اعمارنا حرب وصراع
مانترك اخوتنا في الارض والدين

#محمد_مجلي

تتعسّر الاحداث وتسوء الاوضاع
احنـا مــع غزه في العسـر واللين

ما دم غزه والقسم ما اطرح قاع
وبينـنــا الايام قُـــــل للمــلاعيــن

#حاشد_الشليف

من قدّم المعروف والخير ما ضاع
ومن قدّم الرحمن ما ضاع له دين

واحنا اهلها واحنا مغاوير وسباع
مشروعنا تحرير كامل فلسطين

#ابوشرف_خولان

شعب اليمن ثلثين لله قدباع
من أجل غزه يحتشد بالملايين

عادي ولونتعب ولوبعضنا جاع
فاالبحر الاحمر شغلون ا لملاعين

#أحمد_محمد_الضمدي

غزة محاطه باليماني ولاسطاع..
بايدن يحيّدنا ولو عاش عمرين..


يحيى سريع الليل شنِّف للسماع..
حيا دنينك يفلق الأرض نصفين..

#سامر_الضبي

ياقدسنا لونقسم اسداس وارباع
ابشر بعزك بايجوك المياميين

كل اليمن ياقدس ثاير وفزاع
ابشربنا ياقدس جايين جايين

#ابوزينب_الوجمان

لو نحترب في البحر والجو والقاع
ونواجه امريكا وحلف الملاعين

من اجل غزه تنتصر رغم الاوجاع
لو بانضحي لاجلها بالملايين

#حسين_الدهمس_النواري

وذي مع صهيون واقف فقد ضاع
ومـن نصـر غزة فقد ناصـر الدين

بـ (الله اكبـر )قد فشل كل طَبّاع
ذي قالها السيد فيالفـيـن واثنين

#الشاعر_علي_الوزير

اثلجت صدر اللي من الضيم ملتاع
لـلـفـزعـة اللي مـاتـؤجـل ل بعـدين

واثبـت لـمـطـبـع ومـحـتـل طـمـاع
يـاشـعـبنـا ٲن الـعـروبـه مـن الـديـن

#ابومعارك_السقاف

رغم العنا رغم التئزم والاوضاع
نضمد جراح امة محمد بياسين

غزه دماها قد جرى بين الاضلاع
تبشر نشتت وكر جمع الملاعين

#رفيق_ابو_علي

على اليهـود تفهم والامـــريك الاتباع
فلسطين من صنعاء وصنعاء فلسطين

الجرح نفس الجرح والاوجـاع الاوجاع
ونفس الاسـامـي والهـــدف والعناوين

#ابوكنعان_الروس

طاحت قوى أمريكا وداعم لها ضاع
ومن على أيدينا تذوق الأمررين

وكل مؤمن حر من ربنا باع
وستذكر ان القدس ف اعناقنا دين

#ابو_قيس_الفيل

ماحنا من الي يسمع امريكا وينصاع
ولا من الي يدس الراس في الطين

احنا رجال احرار مانتطرح قاع
وارواحنا تفداش ياقصى فلسطين

#أخت_شهداء_البكالي

منصور بإذن الله في كل الاوضاع
ياشعب مااتحمل سواه المغابين

باننتصر للحق اسداس وارباع
طوفاننا عزه ونصرة فلسطين

#حمد_الكبسي_الوايلي

انت السند والعون ياشعب ما طاع
يخضع لامريكا وحلف الفراعيين

في البحر وصّلة الغبي حال لقناع
حتى يفك احصار غزة فلسطين

#ناجي_القعود

يشهد علينا الله ما ننطرح قاع
كلا ولا نترك قضيه فلسطين

يلعن ابوها امريكا والي لها اتباع
مابا تخوف شعب كله ميامين

#صقر_سبحان

شعب اليمن من مالك الملك قد باع
وفي سبيله ثار ينصر فلسطين

وارسل عذاب الموت باشكال وانواع
لامريك واسرائيل وكل الملاعين

#احمد_تاج_الدين

رغم الحصار القاتل ورغم الاوضاع
مـن أجـل غزّه نقـسم الخـبز نصـفيـن

نؤثِر على انفـسنا ونعطي ولو باع
حُكّام الامّـه للقـضّـيه وللـدين

#ماجد_عبدالله_القادري

رغم الحصار فينا على كل الأوضاع
مانترك الأقصى لحلف الملاعين

القدس وسط القلب ساكن بالاضلاع
القدس نور الحق وهو نيني العين

#الشاعر_بشير_الشامي

بفزع مع غزه وفي كل الاوضاع
مادام وانا انسان مخلوق من طين

بنصر فلسطين الحبيبه وفي ساع
هذا هو القوه وهذا هو الدين

#الشاعر_ابونزار_الكازمي

ياكــل حـــاكــــم صــار للغــــرب بياع
بعـــــت المــــروه لليـــــهود الملاعيـن

انتو لصهيون تقسمو الكـــــــفر ارباع
وحنا لغــــــزه نقسم الـــجرح نصــين

#سياف_الضبيبي

لاقد ضميرك حي فا الـــــــحق ماضاع
مهما الطواير في سمــا الارض حامين

القدس نابض قلب من تحت الاضلاع
ووعد تحـــــريرة على ارقـــــابنا دين

#الشاعر_عزيز_البروي

رغم المعاناة الكبيرة والاوضاع
في ظل سبعه اعوام من بعد عامين

المجاراة دعوة للخروج المشرّف الى ميدان السبعين وكل المحافظات

البداية #ضيف_الله_سلمان

ياشعب الايمان والحكمة
اليوم يوم النفير العام..

لبوا ندا قايد الامة
جهاد يا امة الاسلام..

نعرّف المعتدي حجمه
ونسند القدس والقسام

#ابويوسف_القاري

مازالت الهمة الهمة
لو يستمر القتال اعوام

اطفال غزة في الذمّة
جياع ومشردين ايتام

جهاد بالدعم والكلمة
ومقاطعه والسكوت إجرام

#محمد_مفلح

ونحمد الله على النعمه
بالسيد القايد الضرغام

عز العرب كلهم بسمه
لا قام فالعز بعده قام

ما هي على التاج والنجمه
ما قايد الا وهو عزّام

#عبدالله_الجرفي

شعب الكرامه شحذ عزمه
وفوض القايد الصمصام

نهج الولا عهد في الذمه
مانخذل القاده الأعلام

والله ما حرق الختمه
غير التواطي من الحكام

#عزيز_الردماني

الهمه الهمه الهمه.
يا كل نشمي بطل مقدام.

المعنويات في القمه.
والعز والنصر للإسلام.

ونحمد الله على النعمه.
وقايد الثوره الضرغام.

#ابراهيم_الشرفي

يا مشهد اتصدر القمة
مشهود في كل سبع ايام

نسّى البريطاني اسم امه
واللوبي انهار مازد قام

خلف العلم قوم مؤتمه
تسري من ارض اليمن للشام


#الشاعر_ابوجهاد_صبر

شـعـب  اليمـن  قالها  كلمه
قُــدام  يـالابــتـــي  قُــدام

هيهات  مـايـوتـهـن   عزمه
ملي على  نصرة  اهل الشام

في جدول الضرب والقسمه
رقـمـه تـعـدئ  عـلى الارقام

#الشاعر_ابو_صقر_شعلان

ياشعب ماقد سقط نجمه
بالله والهدي والأعــــلام

نشتي خروج قمــة القمه
ياشعب ونعم وسبع انعام

العز يحتــــــاج له بصمه
واحنا بصمنــــاه بالإبهام

#حسن_السعيدي

المعتدي زاد في ظلمه
مجازره حطمت لارقام

وغزة اليوم في أزمة
أسوأ من اللي في الفيتنام

والحال مايقبل القسمة
والضرب واجب وفرض إلزام

#ناجي_القطيبي

ياسيّد الكون هي كلمه
اضرب بنادولة الاجرام

لو كلّ الاعراب ملتزمه
بِولاية السّاده( الاعلام)

لاتنتهي هذه. الازمه
فالنّصر هو بالولاء التام

#محمد_بلابل

يا مرحبا كل من همه
يحارب الظلم والإجرام

على خطى قائد الأمه
نسير حتى على الألغام

مادام غزة بلا لقمه
تبشر بنا جيش ماينضام

#ابوشوامخ_الوعل

ياسيدي الشعب في الخدمه
لبيك ياخيرة الاعلام

لو يوصل الدم للحزمه
مايترتك الشعب أهل الشام

نفير حتى نرى البسمه
تعود للقصر الايتام

#الشاعر_جبر_المهدمي

شعب اليـمن ماوهن عزمه
شعب الإباء والعز والإقدام

من اجـــل غـــزه بذل دمه
وســــــابق الوقت والأيام

حيا خـــــروجه مـعا دعمه
ذي زلزلزل أمريك والأقزام

#ابوحمزه_المقاش

يـا سـاري اللـيـل للـقـمـه
امر الولاء والولايه تـام

للـبـدر مـيـدان والامـه
ميـدانـهـا الـنصر للإسـلام

حشودنـا للـعـدو سُـمـه
والقـدس لله والاعـلام...

#ابواياد_المطري

مع العَلم  (صادق الكلمه)
"قدام يا لابتي قدام"

غزه تُحاصر من اللقمه
ما يصبح اليوم دون اجرام

يا قوم بالقدس مهتمه
واِقدامها.... ثبث الاقدام

#ابـومـازن_الـرازحـي

شعب اليمن مافتر عزمه
وزاد وعيـه مـع الأيـام

رغم المعاناة والأزمـة
قال القضية هي الصمام

ساحاته الغد مزدحمه
بدعـوة الله والأعـلام

#ابوسياف_البيحاني

يا سيد الفعل والكلمه
ومصدر الصبر والالهام

ابشر بنا نكشف الغمه
نوقف معك ننصر الاسلام

فانت يا قايد الامه
ومنبع الجود والاكرام

#علي_مغلي

شعب اليمن ماوهن عزمه
مثل الحكومات والحكام

ذي صبحوا خارج الخدمة
وخانوا القدس والاسلام

الشعب حالف على الختمة
ينصر فلسطين واهل الشام

#ذوالفقار_سفيان

شعب اليمن قد رمى سهمه
بنحر كامل قوى الاجرام

وغد با تنظرو عزمه
قُدام للمعركه قُدام

في كل ساحة نرى زحمه
كأنه الحشر بـ الإزحام

#مختار_حمود_عبدالمغني

شعب اليمن مثّل الأمة
جهاد ما يعرف استسلام

ما قل جهده ولا الهمة
تسليم للقايد المقدام

غزة بتجري مع دمّه
ونصرها نصر للإسلام

#علي_الشعيثي

من عبس للجوف لاريمه
ومن حرض لامدينة سام

فوق الخبيث أفضحو جرمه
من وسط غزه بلاد الشام

تمة على الامه النعمه
منهج ومؤمن ولي مقدام

#أبورماح_شداد

ياشعب فـي قمــــــة القمّه
قدام يا لابتـــــــــــي قدام

باليـــــد والقلــــب والكلمه
ننصر لواء القدس والقسام

للجمــــــع بالجمعـــه الهمّه
#وشعارنا_النصر_الإسـلام

#ابومالك_الكوماني

الله عليك اكمل النعمة
بقيادة السيد المقدام

ياشعبنا واجه الهجمة
م انت الذي ترضا الاستسلام

نسّ الكيان اللعين اسمه
وامنع عليه الغذاء والخام

#عبدالواسع_صايل_الغولي

لبيك ياقايد الأمة
لبيــــك مادارت الايام

الشعب بايشحذ الهمة
من كل فج لو على الاقدام

كلمة ولابعدها كلمة
مانقبل الضيم والاستسلام

#حسين_محمد_الوجمان

استنفرو واجمعو الكلمة
ضد العدا زمرة الاجرام

شدو الخطى وابذلو الهمة
قدام يالابتي قدام

وامضوا ورا منزل الرحمة
والسيد القائد الضرغام

#إتحاد_الشعراء_والمنشدين

https://t.me/aboyahyaalshami

المجاراة بعنوان #أمريكا في نهاياتها

البداية #محمد_الهلالي

ياضيف كيف الحرب في البحر الاحمر
ذي خــلّــت (أمريكـا) اللعـينه تصــيح

ومـا دام و(الشـعب اليمـاني ) تشـمّــر
لن تــهــنــأ(إسـرائـيل) أو تسـتــريح

#ضيف_الله_سلمان

صبر اليمن في موقف الحق اثمر
حكمة يمانية وموقف صحيح

صاب المريكيين داء الزهيمر
ب(قولهم إنّا قتلنا المسيح..)

#أبورواسي_أرحب

عرش المريكي وأقتصاده تدمّر
بالعبريه والعااميه والفصيح

والبارجات أمثال قاصف وطومر
يشغلوهن أستعد أستريح

#عبدالحميد_الهلالي

مادام الامريكي علينا تنمر
نهايته مقتول والا جريح

ملطامنا في وجهه اليوم حمّر
والقادم اعظم من تكبر يطيح

#جميل_الكامل

شعب اليمن من عهد أسعد وشمر
يترقب الموعد مع كل ريح

يحلم بوعد الآخره حين تكسر
قرون أم الوجه ذاك القبيح

#الحمزة_المغربي

المحور اصبح مثل بندق معمّر
يناول امريكا نطيح النطيح

والكون قدّام اليماني تسمّر
مثل الجبل ما هزّته ألف ريح

#مانع_البوساني

البحر الاحمر نار ماعد بشر مر
مواجهه شرسه نطيح النطيح

وبندق ابن البدر لاقد تعمَّر
الغرب تهنع والنصارئ تطيح

#عبدالله_الجرفي

اليوم باب البحر الاحمر مسكّر
من يدخله ما يقتبر في ظريح

والحِمل في راس الرجا الصالح اجور
دموع قبطان البواخر تسيح

جريح الحرب #رفيق_زرعان

الأرض تلهب والبسيطه معسكر
ولا بقي في الأرض موقع مريح

والغزو يهلك في يمنا ويقبر
ومن تبقى فوق فرشه طريح

#الشاعر_بدر_أحمد_الكهالي

الحرب باتنكس قوى من تكبر
ومن تعدى شعـــبنا بايطيح

بالقوة الصاروخـية والمسير
والبحرية نشفي غليل الجريح

#الشاعر_ابوجهاد_صبر

يابندقـي دام انـت جـاهـز معمّر
لابـد ننّـطـح كُـل كـافــر نطيح

الـعُـمـر ذي (جوبايدن) بـه تعمّر
قد زاد عن حده ضروري يطيح

#ابراهيم_الشرفي

يااضعف من القشة ويا اخف واصغر
في الـبـحـر بتميلي مـع كــل ريــح

ما با تـكـون اقـوى مـن الله واعسر
من ضـاق فيها بـحـر واسـع فسـيـح

#حسن_المهدي

الـبـحر الاحـمـر مـن جـهنم تـجمر
وفـيه روس امـريك تـقرح قـريح

ولاح فــوق الـبارجه نـجم طـومر
يا نصر يا استشهاد واضح صريح

#مختار_حمود_عبدالمغني

اليوم غير الأمس يا كل مغتر
ذي ما غرق بالبحر يرجع كسيح

في ظل قايدنا العظيم المظفر
ما ينفع الافعى العجوز الفحيح

#ابومالك_الكوماني

مادام قائد شعب الإيمان حذر
اترقبوا ف البحر عاصف وريح

باتنسف امريكا في البحر والبر
دام الصهاين للدماء تستبيح

#أحمد_عطا

وشعب اليمن بالصواريخ تمشقر
وفي الساحل الغربي نطيح النطيح

وبهذل بامريكا وللحلف طعفر
وبراس اسرائيل محلى النويح

#أبورماح_شداد

كيان صهيون اللعينـــــــــه تدمّر
واقبح قبيح إن المقبّــــح طريح

لا هو ذي اتحدى اليمانين واقمر
ولا هو اللي كان واطـــي صريح

#محمد_البريهي

هدهد سبا بالنصر والفتح بشر
من بحرنا الأحمر بعاجل صريح

ونهاية الشيطان الأعتى والأكبر
بأيدي رجال الله والأقصى الذبيح

#رمزي_النقيب

البحر الأحمر بالبوارج تسجر
قوة إلهية ورادع مليح

وبايدن حمر وخضر صفر
والعالم الغربي بكله يصيح

#ابوشهيد_القطمي

احفاد حمير و اليماني و شمّر
ذي افنوا اباطيل الظلال القبيح

الامركة واحلافها في تضمر
وانصار ربي للبوارج تبيح

#مختار_البحري

قلنا لكم من ينصر الله يُنصر
ومن تمسك غير حبله يطيح

اليوم يوم النصر والفتح لاكبر
بقدرت الي باب عفوه فسيح

#شاعر_بلاد_الروس

ودف وهذا هو جزا من تذمر
نهايته سودا عل وجهه طريح

وحلفهم من قصفنا قد تسمر
عالق وجنبه المضيع والقبيح

#أبوزكريا_مفلح

البحر الأحمر يايهودي مسكر
والباب ضيقناه كانه فسيح

الحرب بين الحق بمقابل الشر
مؤمن ولي ولا منافق صريح

#حرب_مشحم_صعده

الحرب في بحر اليمن يالغظنفر
من هولها المتعلثم اصبح فصيح

فيه الدني ياقرم خابُ وتقهقر
كل ما نوى يرفع ذيوله يطيح

#ابواياد_المطري

نهاية اللي فوق بقعا تجبر
يصيبه الله بالعذاب او ب ريح

وبالغرق فالبحر الابيض والاحمر
سنن لها من قبل عهد (الذبيح)

#امين_العقاب

مادام شعار الحق الله أكبر
كل العروش الظالمه باتطيح

قولوا لأمريكا و كل من تكبر
في البحر جهزنا لبايدن ضريح

#ابوبحر_علي_احمد_مطر

شعب اليمن رافع شعار الله اكبر
ما اهتز من عاصف و قاصف و ريح

والقوة الصاروخية والمسيّر
حوارها فالبحر الاحمر صريح

نهاية امريكا و شلّة بريمر
و باقي الكوكتيل بعد المليح

#الشاعر_امجد_الصانع

السيد القايـــد نصحهــم وحـــذّر
وكان واضح في كلامه صريــــح

كشف حقايق دبــــرتها قوى الشــر
واسقط قناع وجه العميل القبيـح

#الكرار_المشراقي

قريب الاقصى بأذن ربي تحرر
وكل مستكبر وظالم يطيح

لوكله العالم علينا تعــــسكر
يرحب على فوهات تقرح قريح

#محمد_الراشدي

الليلة الناهض على البحر ثور
ينطح سفن بايدن نطيح النطيح

فرعون لبا الموت في البحر الاحمر
حوله ضباع الغرب تنبح نبيح

#إتحاد_الشعراء_والمنشدين

https://t.me/aboyahyaalshami

المجاراة تعبيراً عن الحشود المليونية في مسيرة "مسارنا مع غزة.. قدما حتى النصر"

البداية #الشاعر_أبو_حيدر_عامر

يا حشد لا قبله ولا بعده
رفعت راس القدس والاسلام

عالجت حلف الغرب والغدة
وهنت الامريكان والحكام

#ضيف_الله_سلمان

سبحان ربي ذي نصر جنده
على طغاة العالم الاقزام

كما نصر جنده صدق وعده
والعصر عصر (النصر للاسلام)

#الشاعر_نضال_حُميد

لكل قوماً هاد من صعده
يشهد عليها الخالق العلام

صعده بلاد العز والنجد
دار الهدى والدرع والصمام

#أبويوسف_القاري

قل للمريكي كيفما وده
ماهم سوا الأعلام والحكام

عبدالملك حيدر علي جده
كرار لله القوي قوام

#محمد_مفلح

بعد العلم عبدالملك بعده
لا قام قمنا له على ما قام

من ساحل المهره الى صعده
والوعد يا مسرى النبي قدام

#أبوحاتم_عكه

حشود بالمليون مـحتـشـده
دعماً لـغـزه رفض للإجــرام

بعد الـعـلـم ياشـعـبـنـا بـعـده
خلف الأمين القائـد المقـدام

#عبدالعزيز_الغرباني

شعب اليمن في موقفه وحده
والفضـل للبــــاري وللاعـــــلام

احنــا رجــال العــز والنجــــدة
تشهــد مواقفنـــا بـكل اقــدام

#ابومالك_الكوماني

ما بأس هذا الشعب هو وحده
يا أمة الذله والاستسلام
.
باقي مع الباري على عهده
في منهج القرآن والاعلام

#الشاعرفرحان_السلامي

اللـــه أكبـــر ســاعــة الشـــدة
يا شعب قاهر عصبة الإجـرام

وقــوفنـا بـاقـي علـى عهــــده
لومـا اليهـودي يعلـن استسلام

#ابوليث_المحضار

احنا استجبنا كل من عنده
لله والاسلاف والأعلام..

من منفذ المهرة الى صعدة
انصار ربي النصر للاسلام..

#حمزة الديلمي

لا الوقت يثنينا ولا المدّه
ياسيّدي ما نخذل الاسلام

و أعداد قوّه فاقت العدّه
فالباس والتصميم والإقدام

#الشاعر_جبر_المهدمي

احنا معى رب السماء وحده
اقوام بعد اقـوام بعد اقوام"

هوذي منحـنا العز من عنده
واخزى يهود الكفر والإجرام

#جميل_جعفر_ابوشامخ

شعب اليمن فـ الخير و الشدّه
شعب الطوارف مرجلي مقدام

يبذل معك فـ الطارفه جهده
مشهود له من قبل مليون عام

#ابوحمزه_المقاش

مـن قـد الاسـلام مـن قـده
والـديـن مـا يـقـبـل استسلام

سـيـل الـغضـب قـد وصل حده
قـدام يـا لابـتـي قـدام

#سجاد_نشوان

شعب اليمن باقي على عهده
من قبل عام الفيل لـ آخر عام

والنصر مهماء طالـت المـده
للقـدس بـ اذن الواحد العلاّم

#مقتدى_مفلح

علم مع الله طوع الشده
وشعب مايخشى ولا ينضام

ارعب دعات الكفر والرده
واصدر على اسرائيل حكم اعدام

#الشاعر_متاش

قل للعدو يلطم على خده
ويعلن التوبة والاستسلام

طوفان صنعاء جهز العدة
وبحرنا مسجور بالالغام

#الكرار_المشراقي

شعب اليمن باقي على عهده
على طريق القدس ماينضام

من حضرموت العز لا صعده
همـه اباء عزه شموخ اقدام

#محمد_البريهي

هذا يمن ليمان في حشده
ثاير بوجه الظلم والظلام

تخشاه واشنطن دبي جدة
والصهينة وأذنابها الحكام

#مختار_البحري

علم وسيف الحق في يده
على خطى ال البيت والاعلام

من وحي عدو للقى عده
لا قام في وجه الاعادي قام

#ابواياد_المطري

يا هاجسي واسجد مئة سجده
"للواحد القيوم ذو الإكرام"

"الفضل له" و"النصر من عنده"
والحكم له ما هوش للحكّام

#ابـومـازن_الـرازحـي

يا شعب مافوق الثرى نِـدِّه
وقيادته من صفوة الأعلام

في كل جمعه يتسع حشده
وبكل موقف حطم الارقام

#سجاد_تشلان

حشود يوم الحشر محتشدة
في ساحةالسبعين لجل الشام
.
من هولها الطاغي فقد رشدة
يزداد من حشدالجمع إيلام
.
#الـكـرار_الـعـقـيـبـي

ســــــلام لك ياسيّدي عبده
يالقائد المـــقـدام والضرغام

احنا معك في السلم والشده
معك معك نستأصل الاجرام

#هيثم_المعنقي

هذا زمان نهاية الرده
وغروب شمس الذل والاجرام

بالله بانستأصل الغده
والقدس يتحرر من الاقزام

#ابوعلي_مبخوت

شعب اليمن باقي على عهده
قدام ياشعب الأبي قدام

والشخص ذي قاعد على القعده
عزالله انه خادم الخدام

#ماجد_عبدالله_القادري

النصر قادم واقترب وعده
لاحت بروقه من مدينة سام

عدن تنادي اختها صعده
والنصر قادم منهج الإسلام

#ابتسام_شرف_المحطوري

والسيف من يوقف على حده
يبقى معوق مامعه أقدام

هذا اليمن الطفل والوالد ولا.. جده
جاهز لطغيان الطغاة باالسام

#أبوخارف_ابوشوصاء

شعب الكرامه مانقص جهده
ولا تخاذل يوم من ليام

من اجل غزه مستمر حشده
يقهر نتن ياهو مع الخدام

#طه_الرازحي

ياشعب في الراحة وفي الشدّه
وافي ملـبي داعي الأعلام

اخروجـك اليـــوم أذهل الغدة
واذنابـها الانجاس والاقزام

#احمد_عبدالله_زيد

طوفان مليوني على عهده
ثاير حسيني حيدري مقدام

العالم الغربي سمع رده
والصهينة باتلقي الملطام

#جبريل_الخدري

مادام واحنا (للعلم) جنده
قدام يا شعب اليمن قدام

بانطعن الكافر وسط كبده
ونناصرك يا (غزة) الإسلام

#اتحاد_الشعراء_والمنشدين

https://t.me/aboyahyaalshami

المجاراة بعنوان المجاعة التي يعانيها إخوتنا المحاصرين في #غزة والتخاذل العربي والدولي المزري.

البداية #عبدالرقيب_الوجيه

ماتت من الجــوع و"الأوباش"ماتوا خنوع
لابد مِن يــوم تفنيـهــم ذنــوب"القــطـــاع"

سيل الدِّماء فوق ما سالت سيول الدموع
حجة وشاهد عـلى "أذناب اليهود الرعـاع"

#أبويوسف_القاري

ذي ماقتل بالطواير او بذات الدروع
يقتل من الجوع والأنذال حوله شباع

اهل الترف والمذله يأكلوا كل نوع
وتموت الاطفال في غزه عطاشى جياع

وذي ماقتل باسلحة لاعدا ولامات جوع
يموت بالقهر يوم الصوت ماله سماع

#جبر_المسعدي

الذل مشروع مستقبل قصار الشروع
والعز مزروع فينا والصراع الصراع

والقدس موضوع قايم تحت عوج الضلوع
يشد أزر الشجاعيه بموقف شجاع

والسبت له شوع فأسرائيل مثل الربوع
في درب ذي ناعم البيضاء وشرقي رداع

شاعر الاحرار #ابو_العباس

بقيادة السيد الي قاد كل الجموع
والشعب حوله بذل موقف قوي واستطاع

وان ما جعلنا مريكا في انحدار ووقوع
ومن وقف خلفها ضايع يعاني الضياع

وان حقق السبت بعض الشي فيوم الربوع
يوم المهالك على واقع بني قينقاع

#عماد_العملسي

من يعبدو الات والعزة وتعبد يسوع
قد افسدو في البلاد ومالهم من شفاع

تبا لحكام لاتؤمن سوى باالركوع
نامو منام العوافي واهل غزة جياع

#الشاعر_نضال_حُميد

غزه تنادي ضماير تحت عوج الضلوع
أين العرب يسندونا في خضم الصراع

ماتت وذابت قيمهم مثل ذوب الشموع
واتبخر الدين ذي ردوا عليه القناع

يالعنبو من رضي بالذل ولا الخضوع
وباح أرضه وعرضه للنصارى وباع

#شداد_حميد

لي قلب يشعر ويبكي دم خلف الضلوع
من ما بيحصل بغزه منذ بدء الصراع

.اثنين مليار خاضع يا زمان الخضوع
بانت حقيقة عروبتهم وطاح القناع

دام اليمن فالسماء لا تحلمو ب الطلوع
تبقى السماءف السماء والقاع ف القاع قاع

#حسين_شرويد

سكان غزه مواجعهم تِلّج الضلوع
كنهم ضحيه تناهشها قطيع الضباع

زاد الرضيع الضريع وعابدين اليسوع
تسد جوعه بنار القصف دون انقطاع

تباً لامه لها حكام ترضى الخضوع
في الآخره ما لهم خارج جهنم ذراع

#فارس_المعزبي

القلــب موجــوع حنَّاتـه تهــز الضلـوع
والراس مرفـوع لكـن فيه بعض الصُـداع

من جوع مصنوع في غزة لفرض الركوع
وصمت مدفـوع من جانب بنـي قينقاع

#محمود_الجنيد

إكسر يد الغرب واقطع ذيلها والفروع
وانزع حقوق اهل غزة بالسيوف إنتزاع

إدعس برجلك حوارات الخنا والخنوع
وإرزع كيان الجـرائم واقتلعه إقتلاع

ليل المعاناة خيّم في الكبد والضلوع
واطفال غزة فريسه في لقوف الضباع

#ابوشوامخ_الوعل

رغم المواجع ورغم الفقر تأبى الركوع
والعالم الغير منصف خان فيها وباع

ومجلس الخوف قرر لهلها بلقنوع
من الدواء والغذاء قرر بحجز المتاع

اقسم بمن انزل الانجيل ورسل يسوع
ان اليمن بايسي من أجلها ما استطاع

#مقبل_جرام

ماتوا من الجوع لكن رافضين الركوع
لغير ربي و الاعراب ادمنت لنصياع

للصيهنه تنحني حكامهم في خضوع
باعوا الكرامة وهي ذي عمرها ماتباع

#جـمال_عـوضه

إحباط مزروع مابين الرئه والضلوع
بكل منطوع مالبى اهل غزه وطاع

وراس مرفوع لااتقدم حرام الرجوع
قائدلمشروع قرأني هجوم اودفاع

ماكل دنبوع له باهل العروبه فروع
والاصل مقطوع ماله بالحميه متاع

#خليل_قابيل

اطفال غزه من الخذلان تسكب دموع
يا سادة الحكم بعد اليوم بان القناع

في يوم هبت على غزه اخس الجموع
الامه اتملصت والذل والصمت شاع

لا بارك الله فيمن يرتضي بالركوع
ولا اصلح الله حكام المجون الرعاع

#أبوحاتم_عكه

منكر جريمه وعار وعيب هذا الخضوع
لاحقر وأقذر وأسوأ قوم في ذالبقاع

الطفل يربط على بطنه وفوق الضلوع
حجر وياكل من اوراق الشَّجر كل ساع

والشرق الاوسط على غزةبخيره مَنُوع
ماحد وقف غير هذا الشَّعب موقف شُجاع

#ناجي_القطيبي

ماتو مساكين تحت الطايرات والدروع
والخانعين يحلمو بالموت في كلّ ساع

ذي طبّعو فوق دمّ اطفال مثل الشّموع
الدّور جايي عليهم في خظمّ الصراع

#ابومالك_الكوماني

اطفال يكوي شواها الجوع تحت الضلوع
أمام أمة تعيش الذل والأنصياع

يا الله يامن لك المأوى وليك الرجوع
غزة بيد العرب تدمى والاقصى يباع

#الشاعر_أمين_الحارثي

يالنهده الي مواجعها تشل الظلوع
فوج براكين با تجعل من الحيد قاع

نحمل مع العز والناموس شده وجوع
لأن القضيه قضيتنا وساس الصراع

#حمزه_الديلمي

وقــــــــوع كثرة ضحايا فاق حد الوقوع
وارواح تنزف دمـــــاء والجرح زاد اتساع

من عاش ماله دوا من مات قد مات جوع
وعالــــم اليــ؟ـوم غارق في بحور الضياع

داعـي ثكالى وصوت اشحب وطفلاّ جزوع
مـــاله سوا الله والشعب العزيز الشجاع

جريح الحرب#رفيق_زرعان

تباد غزة على ضوء القمر والشموع
ولحمها في محلات الحضارة تباع

والعرْب موتى حوالين اليهودي ركوع
وزاد غزة يساطر لجل ذاك السواع

والأرض تبكي مع غزة وجاها صدوع
بس العرب امة المليار مثل البعاع

#اتحاد_الشعراء_والمنشدين

https://t.me/aboyahyaalshami

احنا وغزة جسد واحد ويد واحده
ما في دماهم نساوم لو بقينا رماد

مادامنا شعب صادق في ولاء قائده
ودامنا نعشق الهيجاء ونهوى العناد

كل الخيارات في ميداننا وارده
محال تهداء مجارينا وغزة تباد

الله يشهد علينا والملاء شاهده
ما ننثني لو تذوب الراسيات الشداد

للحروف بقيه

#ابومالك_الكوماني

الا يالله أيدينا بنصرك
وسدد رمينا وامنن علينا

بيدْك العاقبة والأمر امرك
وباحداث الليالي تبتلينا

ومكر الكون كله دون مكرك
فلا توكل هدايتنا الينا

#ابومالك_الكوماني