المجاراة دعوة للمشاركة في المسيرات الواسعة لنصرة #الشعب_الفلسطيني في #ميدان_السبعين في العاصمة #صنعاء وبقية المحافظات

البداية #ضيف_الله_سلمان

بدأ صباح السبت عصر الجمعة
طوفان صبّحهم وهم مجتمعين..

من اجل غزة يارجال الفزعة
ميعادنا يا اصحابنا فالسبعين

#جميل_الكامل

هبو لأجل القدس سرعه سرعه
جهاد نخوه قبيله ياهل الدين

وادي معك خمسه وسته سبعه
لك اجرهم ولو يكونوا خمسين

#جبر_المسعدي

العمر يصحاب الجلاله جزعه
والعين مشتاقه تراء الحور العين

واحنا رجال العز واهل الفزعه
لو فال ١٠٠ منا يسيرو ٩٠

#سلطان_خضران

كلن من الليله ينبي ربعه
لا كل ساحه من يبكر فـ الحين

نصرخ ويسمع صوتنا من سمعه
فالارض والسبع الطباق وعلين

والساكتين اليوم يلقوا سبعه
لا قبيله فيهم ولافيهم دين

#حسن_السعيدي

لبيك ياداعي الشرف والرفعة
وانا وشعبي كلنا مندفعين

نبشّر إسرائيل بعد الصفعة
حياتها مابا تصل لا تسعين

#أبوزيد_النعمي

متوجهين دفعة وراها دفعة
نحرر الٲقصى من المحتلين

والناس جمعه يحضروا في الجمعة
مسيرة السبعين وغير السبعين

#ابراهيم_الغولي

ابشر بنا دفعه وراها دفعه
لجل العروبه والكرامه والدين

من اجل غزه با نلبي جمعه
ولا يهمك يا ابو امجد ذاحين

#عبدالعزيز_الغرباني

شعب اليمن في كــــل يوم الجمعة
يخرج مسيرة داعمــــــة لفلسطين

شعب الحمية والابـــــــاء والفزعة
مع اهل غـــزة واهلنــا في جينين

والمعنوية عاليـــــــــــــة مـــرتفعة
والنصر مطلب شعبنـــــا والتمكين

#الشاعر_ابو_صقر_شعلان

ياموطن الايمان هبوا جمعه
قد النصارا مننا مفتجعيـن

ونصر ربي بايجي في سرعه
وبعدها بانجتمع في حطين

#الشاعر_عبدالقدوس_الصباحي

احنا علئ عهد الوفاء والبيعه
واحنا عليه الامس واحنا ذلحين

الحشد ماهو لجل عيد المتعه
الحشد لجل القدس يابن يامين

#الشاعر_جلال_السكري

بدأ صباح السبت أول جرعة
تروي ضماهم والكبد من غسلين

من اجل غزة حشدو يامنعة
لاتوقفو لي منعكم من ذلحين

#ابومالك_الكوماني

بالوعي واجهنا القوى مجتمعه
دسنا على امريكا مع المنبطحين

ياشعبنا اتحرك بأقصى سرعه
لا كل ساحه نصرةً لفلسطين

#محمد_الاخرم

ياهل الوفاء والمرجلة والرفعة
يا خير أمة هــــمّها نصــر الدين

الكــــل يــــتحضر ويحــــشد ربعـة
على الاقل الشخص يحشد عشرين

#علي_بن_داشع

باننطلق واقلوبــنا مجتـــــمْعه
عند اليمن والعقل عند فلسطين

واخروجنا لـه عز وميــــة رفعه
والشخص فخروجه يعادل تسعين

#عدنان_جحوح

يا اصحابنا الكـل ياخذ رَبعـه
فـزعة من الإيمان لا فلسطين

دفعة وراء دفعة وراها دفعة
حتى يعم النصر والتمكين

#أبوحسين_العصري

المعنوية عالية لا رجعه
عن نصر الأقصى وأهلنا بفلسطين

لو يزحف أهل الشرك كامل جمعه
ما دام واحنا بالقوي معتصمين

في بحرنا العدوان يلقى صفعه
وداخل السبعين يلقى ثنتين
لأجل الكرامة يا يمن و الرفعه
ننفر خفاف اثقال ياجند الدين

#بدر_الكهالي

يبشر بنا الأقــــصى ويبــشر ربعه
نوقف وقوف الاخ جنب فلسطين

مادام دك الكُــــــــفر فيـــــنا ولعة
واحنا جنود الله وانــــصار الدين

#الشاعر_عبدالحكيم_ابوهاشم

يا اهـل الأبـاء والحريّه والمِنعه
ويش عاد باقي بعد هذا التمكين

حضورنا واجب علينا جمعه
حتى لو الساحه يقولوا في الصين

#ابـومـازن_الـرازحـي

عن نصرةالأقصى محال الرجعه
خوفـاً من الله وانتصاراً للدين

وخـروجنا الدايم بعصر الجمعه
جبهه قـويـه تـزعـج المحتلين

#الشاعر_متاش

ويارجال العصر عصر السرعة
كلن يجمع خبرته من ذلحين

نشغل السبعين بكرة قرعة
بحشد يتجاوز حدود البحرين

#وسام_الحنش

واجب علينا يالنشامى جمعه
يانصار ربي القاء في السبعين

مطلوب في هذا الخروج السرعه
من اجل نصرة اهلنا ب فلسطين

#ابوالكرار_المجنحي

كلن من أجل القدس يعمل وسعه
انتو بداعي الدين والله مدعين

حضور عارم شغلوهم قرعه
ردو لهم با الصاع واحد بضعين

#أبو_علي_عركم

ياشعبنا دفعه وراها دفعه
طوفان بشري نحتشد لاالسبعين

نصره لغزه يارجال الفزعه
هذه قضيتنا إلى يوم الدين

#أسـامـة_المـعبـاء

من كل فج وكل صوب وبقعه
بانجتمع يا أنصار ربي والدين

بالعصر لـ السبعين دفعه دفعه
لبيك يالأقصى بنصرك جايين

#الشاعر_وديع_داعر

على المعزة والوفاء والرفعه
ياكل مؤمن حيدري واحمر عين

نصفع بني صهيون اكبر صفعه
ونـقـهر الانـذال والمنـخـدعين

#الشاعر_بشير_الشامي

لا ساحة السبعين مابه رجعه
ياصحابنا يالله نخطاء ذلحين

دفعه الى الساحات تلحق دفعه
نملي ابوها مثل ما يوم الدين

#الشاعر_ماجد_غانم

لله درك ياحماس والصفعه
صفعه وكان الله ناصر ومعين

واحنا اليمن ماحناء بحاجت دفعه
كلين (لا) السبعين شعبي واعين

#أبوصخر_الجوحمي

غزه. تباد اليوم لازم سرعه
بخروج للساحات نصره للدين

لو يخرج الاسلام كله جمعه
من نوقف الحرب التي بفلسطين

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان (الجهاد سنام الاسلام )

البداية #بسام_شانع

من كان مسلم يثبت انه مسلم
وإلا فما هو منتمي للاسلام

من هو على الملة يسربل ويضم
مع سرايا القدس والا القسام

يوصِل جبال الطور لا وادي خم
ويخذ بثار اهل اليمن واهل الشام

#سلطان_خضران

سنام الاسلام الجهاد ومـــن لم
يخرج يجاهـد مادخل فالاسلام

كم من نبي قاتل ولم يستسلم
للكافرين وعابدين الاصـــــنام

مريــكا بدت واحنا علينا نختم
البادي اظلم والضعـيف الظلّام

#سامي_عبيد

الواقع اصبح في الحقيقه مؤلم
بأسباب ذي هندس جعله مرجام

صار المنافق فوق مكه جاثم
بيحارب الاسلام باسم الاسلام

والحج موسم والدعاره موسم
وامة محمد غارقه في الأحلام

#عابد_المدم

‏دمدم عليهم بالمنايا دمدم..
نستقبل أمريكا بمندب وألغام..

من سالم امريكا فما بايسلم..
والا من اعلن لليهود أستسلام..

واحنا الذي ما خصمنا يتقدم..
ولا سوانا في المعارك قدام..

#محمد_مجلي

من كان للوبي اليهـــودي يخـــدم
الله بـــري من موقفــــه والأسلام

مسلــم منـافــق بن يهودي يرحـم
واسئل على طارق وبعض الحُكّام

ونعــــم با ابوجبـــريل والله ونعم
لاعُمـــــــر إســرائيل دامت ما دام

#عبدالوهاب_الفقيه

ذي مايجاهد والقسم لايندم
با يدعسوه اهل الرداء والاجرام

لن الجهاد اعظم فريضه واهم
من الصيام ولبس ثوب الاحرام

بفظله الله في الكتاب اتكلم
ولقبه طه سنام الاسلام

#ابو_نجران_المرادي

القدس في شعب اليمن متحزم
وحنا له المحزم طــوال الاعوام

تهجم سرايا القدس وحنا نهجم
مع الكتايب والســــرايـــا قدام

الـقـادم اعظم واللــيالـي مظلم
حان القضاء ياعابدين الاصنام

#عبدالكريم_الشمسي

اقسم بمن كل الخلايق تقسم
إن السكوت اول بنود الاجرام

واجب من الله كل مسلم ينهم
من قبل لا يسحب لساح الاعدام

من يطلب العزة يفعل قح قم
والموت لمريكا سنام الإسلام

#عبدالله_حسين_مسعود

خلاص يا عهد الظلام المظلم
نور الهدايه قد تجلى ذي العام

والمرحله تحصي تغربل تحسم
كشف الحقائق في سنون الأقلام

ذي قالوا المسلم يقاتل مسلم
اليوم شفناهم عبيد الحاخام

#الشاعر_متاش

والشل ياأهل الشل كلاً يزهم
ولى زمان الذل والاستسلام

طوفان الأقصى اليوم مابايرحم
ولايسامح من سكت ع الإجرام

من عاد فيه غيرة وعد عنده دم
قراء على إسرائيل (سورة الأنعام)

#ابومحمد_السحاري

ماعادها مسلم ويقتل مسلم
هاوفهمو ياخادمين الخدام

امريك واسرائيل هي باتهزم
وابواقهم واعرابهم والحا خام

وابو عبيده بالحشود تقدم
طعفر قوا اسرائيل فصيل القسام

#وسام_الحنش

اليوم يا التاريخ ترجم ترجم
افعال ذي مايقبلون استسلام

لله دره شعب ماستسلم
قدام واصل لجل غزه قدام

نبذل دمانا لجلها ونقدم
والنصر بأذن الله هو للإسلام

#ابـومـازن_الـرازحـي

جهاد لو ما اليهوده تستسلم
وتدفع الجزيه رضى أوإرغام

مامسلم الا من وقف ويقـدم
ماله ونفسه في سبيل الإسلام

لا عـذر للمحكوم أو للحاكم
أمام هـذا الإعتدا والإجـرام

#ابوعلي_مبخوت

اليوم ياألله ياأنشاما نعزم.
نركع أحلاف اليهود والخدام.

نغللق المندب ونركز مردم
يحيى سريع اصدر لهم حكم اعدام

وإن زيدو فيها فصلنا المودم.
ونرجع العالم وراى الفين عام

#إتحاد_الشعراء_والمنشدين

https://t.me/aboyahyaalshami

الرد  قادم   لامحاله
بيننا الايام

ياحلف منزوع الرجاله
شعبنا المقدام

قادر يواجهكم لحاله
لو لمليون عام

واهل الفساله والعماله
عابدين اصنام

ذي هم على الاسلام عاله
شلت الخُدام

وحنا    مع  طه  واله
كلنا قدام

وهمنا  نشر   الرساله
في خطى الاعلام

عبدالملك وحنا رجاله
ننصر الاسلام

#وسام_الحنش
#البحر_الاحمر

تابع المجاراة عن إغلاق البحر والحشود المليونيه اللتي تعني التفويض للسيد القائد والتسليم المطلق.

البداية #الشاعر_عزيز_الردماني

في كل جمعه نحتشد بالملايين.
ونردد الصرخات والبحر مغلق.

والحشد في كل السوح والميادين.
تفويض للسيد وتسليم مطلق.

قل للذي والىٰ اليهود الملاعين.
وحالف امريكا وطبَّل وصفَّق.

با يخسر الدنيا وبا يخسر الدين.
وينتهي في البحر الـ احمر ويغرق.

#ابوهادي_عقاب

معك معك يا سيدي ولفلسطين
العهد منا لك وتفويض مطلق

في نصرة الاقصى وتمكين للدين
ونحارب الاعداء وصهيون يحرق

شعب اليمن اسناد من كان مسكين
ولأجل غزه بابنا صار مغلق

الموت لامريكا وكل الشياطين
والوعدالاخر صار للنصر بيرق

#شاعر_بلاد_الروس

بانحضر الساحه وننصر فلسطين
ونفوض السيد ونبصم ونسبق

مااحنا خوالف أو عبيد السلاطين
الله خلقنا ننصر الدين والحق

انصار طه جنب غزه مصرين
تنهي لصهيون الذليل الملفق

على طريق القدس والله بيعين
وكل امريكي بلا شك يحرق

#أبورماح_شداد

من جند بدرالـــدين ويل ابن يامين
صرخاتنــا تسبق وصـــــاورخ يلحق

لا عــــــزه إلا عـــــــزه اللــــه للدين
وما غـــزه إلا قــبـــــر للغزو الأحمق

#لستم_وحِدَكُم والقسم يافلسطين
إنا معاكم صـف واحـــــــــد وخندق

بايحتشد شعب اليمن في الميادين
والبحر الأحمر فيــــه فرعون يغرق

#ابو_هادي_الغمري

خـــــبّر نتنياهـــو وقل لــبن يامين
لن نــتركه لــو حـــالك الليل أشرق

والا الحدث تـــــرجع قناة الميادين
والبرد من جور الحمى اليوم يعرق

خروجنا فـــــــــي كل جمعه ملبين
بحشــــد مليونـــي موقـــر مـعملق

يــثبت مــواقفنا وصــدق البراهين
واخر دليل السفن في البحر تحرق

#الشاعر_ابوفتح_الجرادي

في ساعة العسرة وفي ساعة اللين
مسـارعه لاحــــــد يغيب او يشـرّق

واحـــنا مــــــع الله لادعانـــا ملبين
نسمع لـما قـــــاله وأمــــــره نطبـق

وهاكذا هـي واحـده مـن خيــــارين
يانصر ولا فــاالشهــــــاده تشـــــوق

معك معك ياسيدي ياحـمر العيـــن
اضرب بنا وانضر بعيـنك وحـدق

#أبوأحمد_الغفّاري

يا ساحة السبعين نادي فلسطين
يا البحر الاحمر ضمد الجرح الاعمق

على جميع الأصعده والميادين
شعب اليمن عازم على نُصرة الحق

مهما تكون التضحيه والقرابين
لا بد مالباطل بمن فيه يزهق

من فتحنا الموعود خير العناوين
وجهادنا الأقدس بنا النصر مُلصق

#جـمال_عـوضه

مابعد هول المجزره والجثامين
نفوس غزه ذي بالالاف تزهـق

مظلوميتكم عند كل اليمانين
باينصروكم حق وامريك تحرق

وتحرق اسرائيل هي والبعارين
ذي طبعوا معها بلا وجه يعرق

اقوالنا وافعالنا كل تدشين
ننصر بها المظلوم من قد تبندق

#شبل_الحداء_ابوفلاح

حيا الاسود الثابته في فلسطين
كمن نمر ضد اليهودي تبندق.

ابوعبيدة شخص يسوا ثمانين
كتايب القسام في كل خندق

حنا اليمن معهم دايم ملبين
النصر ياغزة شمسه قد اشرق

فاالبحر نكلنا الطغاه الملاعين
والبحر الاحمر قبرهم سار مخنق

#ابوربيش_الجدوحي_الدهمي

لبيك ياقاهر جموع المعادين
ياسيدي عبدالملك نُصرة الحق

احفاد الاشتر لآل طه ملبين
منها الكفر فالبر والبحر يزهق

في كل جمعة يالحشود الميامين
خلوا عدوا رب السماوات يقلق

ابناء يمن لايمان كمن حمرعين
عبوا جعبهم بالرصاص المذلق

#مناع_شريم

لبيك ياغزه ولبيك فلسطين
شعب اليمن في البحر جاهز مبندق

والكون والعالم يشاهد و باالعين
وامريك واسرائيل تغرق وتقلق

الحشد في السبعين اهم العنواين
الفتح موعدنا في القدس حلق

احنا الرجال الفاتحين الميامين
دق الجرس يا ساعه الصفر قد دق

#الشاعر ابوحرب الموكر

بانحتشد من أجل عزة فلسطين
ونجعل المارنز في البحر يغرق

ندعس على روس اليهود الملاعين
ومن وقف في صف الامريك يحرق

#وسام_الحنش

بالله راهنا في العسر واللين
وعده لنا في كل ايه تحقق

في البحر بانغرق جميع الفراعين
وهذه امريكا ولا بد تغرق

جاءت وجيناها وفود بالملايين
بانجعل المندب من ابره اضيق

مسكين من صفق للمريك مسكين
اليله امريكا في البحر تحرق

#عبدالقوي_البطل

جايين ياأقصى وياقدس جايين
رغم ائتلاف الشر والحلف الأحمق

وياسيدي لبيك نحو الميادين
بانحشد الأمة بنا أشتد وأوثق

واجب نواجه حسب كل القوانين
مابه لنا فرصة نعطف ونحنق

الكل نسرع ياالرجال الميامين
وفي رضاء الله والخلق نسبق

#أخت_شهداء_البكالي

جمعة رجب باتحتشد بالملايين
تفويض للقايد وتسليم مطلق

لوقال خوضوا البحر خضناه فلحين
مايوم خالفناه او يوم ننشق

لااخر نفس قلنا لكم مستعدين
ينهق حمار ابليس او صار ينعق

احنا اسود النصر وسط الميادين
واحنا نقول امريك تغرق وتحرق

#ابوناصح_العزي

لبيك ياابن البدر جايين جايين
في كل ساحه بل وموقع وخندق

فينا الدما فارت بوسط الشرايين
واكبادنا من جرم صهيون تحرق

من جرح غزه هاج شعبي براكين
على بني صهيون سيله تدفق

وا البحر فكينا شعابه زنازين
لكل متواطي وشيطان يغرق

#إتحاد_الشعراء_والمنشدين

https://t.me/aboyahyaalshami

جنب غـــــزة سنبــــــقى دائماً
لن نفـــــرط بنصــــــر إسلامنا

حتم ما يرجــــــع إلا في كفن
كل باغــــــــي وقـــف قُدامنا

#يوسف_الحداد

كلنا اليــــــــوم نرفعـــــــها معاً
#مجلس_الأمن_تحت_اقدامنا.

لو رطن حلف الامريك مارطن
ماخشيناه والله  حســــــــبنا

قلب غزة وصنعاء في بدن
طالما القدس نصره نصرنا

#الشاعر_ابوكنن

حقنا البحر نعلنها علن
#مجلس_الامن_تحت_أقدمنا

مانحسب قرارات الهين
اوتوقف مسار افعالنا

القضية فلسطين اؤلاً
ترخص ارواحنا واموالنا

#ابـومـازن_الـرازحـي

باللغات السبع عبر الزمن
#مجلس_الأمن_تحت_أقدامنا

لا قـرارات تـردعنـا ولـن
ينـقـطــع دعـم غـزة مـنَّـنـا

واليمن حر في بحر اليمن
نـغـلـقــه نـفـتـحــه ذا حـقـنـا

#أبوأحمد_الغفّاري .

يسمع الكون هاشتاج اليمن
#مجلس_الامن_تحت_اقدامنا

شعب الايمان يعلنها علن
مانبالي ولا في همّنا ..

بانواصل ونجتاز المحن
لو قوى الارض جمعه ضدنا ..

#ابوسام_محمد_القحم

خبرو من زرع فينا الفتن #مجلس_الامن_تحت_اقدامنا

اكتب الأن ملَي يازمن
صفحت الدهر من اسماانا

يالعدو لا وهذاقاسماً
ما تمر السفن ب ابحرنا

#وسام_الحنش

صرّح اليوم ياشعب اليمن
#مجلس_الامن_تحت_اقدامنا

لاكلل لاتراجع لاوهن
نصر الاقصى اساس احلامنا

حان يالامركه دفع الثمن
اصبح العام هذا عامنا

حسب الاخلاق جينا والسنن
حسب ماملا علينا اسلامنا

#أبوحسين_العصري

من مع الله ما يعرف حزن
#مجلس_الأمن_تحت_أقدامنا

مثلما أنهار مشروع الخون
تحت الأقدام والعزة لنا

قالها أبطال شعبي يا زمن
لا عوايق أمام أبطالنا

#شاعر_بلاد_الروس

اغلب اعضاه من الناس الهين
#مجلس -الأمن -تحت -اقدامنا

الفرائض وتطبيق السنن
فالجهاد ذي امرنا ربنا

ويلكم ويل يالقوم العفن
جنب غزه فداها ارواحنا

#الشاعر_بشار_دهقم

حرب تقرح عليكم يا هين
#مجلس_الأمن_تحت_أقدامنا

اليمن قد ضاق من كثر الهدن 
في سبيل الله والله حسبنا

ثارنا باقي ولو طال الزمن
لن نبيع القدس ونبيع ارضنا

#علي_الشعيثي

بارق العز في الطوفان حن
#مجلس_الامن_تحت_أقدامنا

واليهودي تحاصر والتعن
والمقاوم رفع صرخاتنا

وشرق النصر يانجل الحسن
من ورانا ومن قدامنا

#رفيق_ابو_علي

رغم كل المصاعب والفتن
#مجلس_الامن_تحت_اقدامنا

عالم الا ارادي مرتهن
ماترجل ولا وخر لنا

بحرنا قبر واجوانا كفن
لاجل غزة نفرنا كلنا

#عبدالله_الجرفي

بلغوا حلف عُبّاد الوثن
#مجلس_الامن_تحت_اقدامنا

لو خشينا الحرايب والمحن
ما صرخنا وناصرنا اهلنا

الإباء والشجاعه والفطن
حقنا والفتى من قال انا

#ذوالفقار_سفيان

بلغ الحلف لا يجلس شجن
#مجلس_الأمن_تحت_أقدامنا

شعبنا الحُر مابا يفتهن
#دام وامريك وسط بحارنا

عزة الله وتراب الوطن
#ثارنا_ مـا_ تركـنـا_ ثارنا

#محمد_البريهي

قل لمن قرر واصدر وسن
#مجلس-الأمن-تحت-أقدامنا

لن يغير مواقفنا ولن
للأعادي ينكس هامنا

دام لله ولانا والوطن
وآل طه النبي أعلامنا

#الشاعر_فرحان_السلامي

شعبنـــــا حـر قــاهـــر للخـــون
#مجلس_الامن_تحت_اقدامنا

و اليمن راعده في البحـر حــن
نصـرة القــدس خيـر احـلامنــا

صـاب لنــدن وواشنطـن حــزن
ربنــا عــــــزنــــا بــاســـلامنــــا

#الكرار_المشراقي

فوقهم كيـف ماكانت تكن
#مجلس_الامن_تحت_أقدامنا

يشهد الله وشــــهد يازمن
ماتركنا اهـلنا وخـــــواننا

قل صهيون من لاقصى يحن
قبل ما ينــسفــه طـوفانـنا

‌‎#حمد_الكبسي_الوايلي

لجل غزه ولجلك ياوطن
#مجلس–الأمن–تحت–اقدامنا

اليمن والسنن نفس السنن
شعب شامخ بقوة ربنا

كلمة الله عليا واليمن
كلمته قال تحت اقدامنا

#ناجي_القعود

قالها الشعب كلها يازمن.
#مجلس_ الأمن_ تحت _أقدامنا

كلنا شعب و العزه وطن
ضهر واحد لغزه كلنا

في الشدايد وفي كل الفتن
كلنا صف "ضد" أعدائنا

#حرب_مشحم_صعدة

من بلاد الميامين اليمن
#مجلس_الأمن_تحت _اقدامنا

بارك الله فالسيد حسن
وابن بدر الهُدى ذي قادنا

داسو اوكار الاوغاد الهين
حسب عاداتنا واسلافنا

#أخت_شهداء_البكالي

صوتنا الحر كالصاروخ دن
#مجلس_الامن_تحت_اقدامنا

خبروهم عن نهايات الخون
فتحنا قرب. تحقق حلمنا

كم تمنيننا نواجههم علن
يومنا هذا. بلغنااحلامنا

#ابوحرب_الحالمي

لا تراجع لا تحاور لا هدن
#مجلس_الامن_تحت_اقدامنا

دام غزه تحت غارات الهين
والعرب يتفرجو لا حالنا

اليمن غزه وغزه هي اليمن
شعب واحد قولهم وافعالنا

#ابوعاقل_المنبهي

نهتف اليوم ونردد غدن
#مجلس_الامن_تحت_اقدامنا

يادول كفرعباد الوثن
ماانتو إلارجس في بحرنا

لونقاتل تحالفكم طعن
قتلكم فرض امربه ربنا

#الشاعر_حربي_اليتيم

قل صهيون عباد الوثن.
#مجلس_الامن_تحت_اقدامنا

ماانقبل ونخضع للفتن
صدق والفسل ماهو مننا.

يافلسطين جهزنا الكفن
لجلكم با نجاهد كلنا

#الشاعر_متاش

بو يمن قال ياالحلف النتن
#مجلس_الأمن_تحت_اقدامنا

بسمك اللهم ياواهب وكافل
بك تمسكنا على نهج الرساله

انت من ادخلتنا في نور شامل
وانت من جنبتنا درب الضلاله

يالاهي يالاه الكون كامل
نحمدك يالله يامولا الجلاله

يوم اكرمت اليماني بالفضايل
وانتقيته لجل تحقيق العداله

الهويه راسخه في الشعب كامل
والمروه والشجاعه والاصاله

مرحبا ترحيب بك يايوم فاضل
مرحبا جمعة رجب حيا وصاله

مرحبا يايوم به كنا الاوائل
في دخول الدين واصبحنا رجاله

يوم جسدنا الهويه بالتكافل
وانتقلنا ضمن مشروع انتقاله

في مراحل جديه عكس المراحل
يوم مالاعراب تغرق في الضلاله

ارسل المختار طه بالرسايل
لليمن والكل امن بالرساله

استجبنا لنبي باقوى تفاعل
والولا منا وصدق الانتما له

في التعامل عندنا طيب التعامل
في البساله نحن اصحاب البساله

واليمن ايمان في كل المراحل
واليمن في حكمته ماحد مثاله

بانواصل في طريقه بانواصل
لجل نصر القدس ونها احتلاله

يشهد العالم على القوم البواسل
والمواقف شاهده واكبر دلاله

شعبنا من اجل غزة بايقاتل
مرخصي دمه واولاده وماله

دايما تاريخنا بالنصر حافل
بالمواقف شعبنا دايم لحاله

من زمان الاوس صناع الجمايل
صادقين الوعد واصحاب الجماله

لازمنا ذي ظهر في التخاذل
من قبل حكام وملوك النذاله

ماسوى شعب اليمن له دور فاعل
في قتال اهل الضلاله والعماله

باذلي نفسه وللاموال باذل
لجل الاقصى باذلي حاله وماله

#وسام_الحنش

تابع المجاراة ..

البداية #ضيف_الله_سلمان

عدن وصنعاء عاهدت غزة..
واليوم يا واشنطن ‎#اوشن_جاز

بفضل مولى الملك والعزة
انجاز بعد انجاز بعد انجاز..

والله منحنا بالهدى قفزة
قل للمريكي يكفي استفزاز..!!

نفوسنا بالله معتزّه
وفي سبيله سعدنا اللباز..

#ابتسام_شرف_المحطوري

شعب اليمــن لا فـز له فــزة
عـزة كرامـة موقفـه إعجــاز

هــز الدول وانعم بها هــــزة
خلت عــــدو الله يديه قـاز

قريب نسوق أمريك كالعنزة
ونكون باستمرار في إعزاز

#وسام_الحنش

رجزة ورى رجزة ورى رجزة
وبايدن يمشي على العكاز

من قفزه القدرات لاقفزة
تطورت حتى اصبحت اعجاز

#الكرار_المشراقي

شعب اليمن كله مع غزه
مايقبل الباطل والاستبزاز

هز العدو يالحيدري هزه
ودوس كبر الهامز الماز

اقلع كيان الشر من جرزه
ومن بصف الكافرين انحاز

#ابوعلي_مبخوت

نثبت ثبات علي مع الحمزه
ولانهم الهرج والقزاز.

شعب الشرف والعز والقمزه
ومحتزم بالجنبيه وجهاز

امريك وإسرائيل مهتزه
والغرب قد بيشغل الهزاز

الشاعر #عبدالكريم_الشمسي

من حارس المندب الى غزة
تحية التبجيل والإعزاز

استبشروا في بحرنا الحمزه
حول مياه البحر الأحمر قاز


والامركة في الماء ملتزة
والموت حوله والعدو محتاز

بايدن قريب ندخله قحزة
اترقبوا التقرير في التلفاز

#اشرف_الحسني

شـعب اليمن ياغـــــزة العزة
ماهــــو بمتخاذل ولا منحاز

يحمل شجاعه مثلما حـمزة
هيبه ونخوه مرجله واعزاز

احـــــنا لها والحلف نجتزه
ونْمشّي امريكا على العكاز

#إتحاد_الشعراء_والمنشدين

https://t.me/aboyahyaalshami

المجاراة بعنوان أستجابه لدعوة #السيد_القائد وتأكيد على أستمرارنا على موقفنا مع #غزة لو أستمرت الحرب الى يوم القيامة لافتور ولاملل.

البداية #أبورواسي_أرحب

لبيك يأبن البدر مافينا فتور ولا ملل
أصدع بماتؤمر ولاتهتم في ضهرك جبال

بانرفد الساحات ونواجه قوئ (بل هم أضل)
ولاتخاذل فرد منا لاتسمينا رجال

#ضيف_الله_سلمان

حيا على عهد الوفاء(حيا على خير العمل)
في وجه واشنطن ولندن من جنوب ومن شمال..

بقوة الجبار مرّغنا انوف اعتى الدول
واحنا جنود الله تربطنا محبة وإتصال..!!

#محمد_الهلالي

لبيك ثم لبيك يا (ابن البدر) لأمرك نِمـتَثِل
لبيك ثم لبيك لا يوم الحشر في كل حال

في البر والاّ البحر والا الجو لو رُحنا وُصَل
لـن نترك الأقصئ ولا غزه وبه مَعنا مَجال

#محمد_مفلح

عهد الوفا باقي على ما تخبره منذ الأزل
معك معك ما نعترف بالمعجزه والا المحال

بالموت لامريكا ولاسرائيل قد حان الاجل
ومن رضي بالعار سلّم بندقه لام العيال

#يحيى_العطيف

ابشر بنا واشتد واتحدى وراسك في زحل
واحنا اليمن ياسيدي عبدالملك قول وفعال

اجدادنا داسو معا جدك على جبهة هبل
واحنا معاك اليوم بوئنا المقاعد للقتال

#أبوخالد_الطويل_الجهمي

لبيك يا القائد تلبيك الطوايف والدول
أمة محمد لبتك من دون فرقه وانشغال

راية يمانيه وقايد فوق فوق المحتمل
علم من إعلام الهدى يردع طواغيت الضلال

#عبدالمنعم_المتوكل

على خطى النمري وحـسـان ابـن ثابت والهبل
نطق لسان الحال وتحدى العداء في كل حـال

شعب اليمن بقيادتك جاهز لحرب اقوى الدول
من بعد مـا ركـع قوى الغازي وجيش الإحتلال

#حمزه_الديلمي

درب الولاء والعز في نهج المسيرة لا بدل
ياسيدي واحنا معك خوض المهمات الطوال

جندك رجال الحرب وانت الحق وأهله والأمل
يوم الأمل مفقود في أمّه تملكهَا الظلال

#اشرف_الحسني

ابـشر بعزك سيدي يانجم ساطـع ما افـــــــل
بين الخلايق للشجاعة والوفاء مضرب مثال

یالقاید اللي كــــل ما قاله وهــــدد بـــه فعل
انـــت الامل لابناء غــزة وانـــت للغازي نكال

#زياد_السنافي

احـــــنـــا معك ياسيدي ياتاج رأسي والمقل
ابـشر بعزك واحــــتزم واشــتدّ يابـدر الكمال

نخرج إلى الساحات من كل المناطق والعُزل
خـــروج مــا يتـصورة عاقـل ولا يخطر ببال

#الشاعر_ابو_صقر_شعلان

ابشر بعزك واحتزم وشــــد ظهـــرك لاجبل
وتحت امرك كلنا في سلم والا في قتال

والله لو تزحف علا شعب اليمن كل الدول
مانتركك ياسيـــــــــدي ولو تقطعنا وصال

#ابوحمزه_المقاش

لـبـيـك في عـصـر الـضـهـور الـطـايـلات بلا جـدل
لـبـيـك يـا سِّـر الـحـروف انـولـعـه مـن كل جـال

لـبـيـك واحـنـا لك فـداء يـا سـيـدي نـور الـمـقـل
بـاقـيـن فـيـنـا لك ولاء مـطلـق ولك خـيـر الـرجـال

#ابو_هادي_الغمري

لبيك يامن بك قمر الاسلام اسفر واكتمل
وانعم بك المولى علينا نشكره مولى الجلال

لو اشر اصبع كفك اليمنى لتحريك الجبل
نحركه يا سيدي لجلك خسى كل المحال

#الشاعر_ابوجهاد_صبر

عهد الوفاء ماقد تغير بل تجدد وابتهل
ياسيدي عبدالملك تبشر بنا في كل حال

والعزم فينا ماوهـن بل زاد ياسيدي دبل
والوعد وعد الله في القران مافيها جدال

#جميل_جعفر_ابوشامخ

سبحان من سخر سفينة نوح للشعب البطل
واختار له قايد بطل من آل طه خير آل

الحق غالب وانهزام الحق ما هـو محتمل
ولا لنصر الأمركه و الصهينه أي احـتـمـال

#الكرار_المشراقي

لبيك يابن المصطفى ابشر بنا مهما حصل
معك معك الشعب كله من جنوبه لاالشمال

لوتحشد امريكاء علينا الكون كله والدول
مانترك الاقصى وغزة لوتقطعنا وصال

#رفيق_ابو_علي

لبيك ياداعي الهدى يامن لك الشعب امتثل
لبيك نعلنها علــن فــي سلم ولا في قتال

عهد الوفــاء باقــي معمد بيننا منذ الازل
لو تطلـــب الارواح نديها بطاعة وامتثال

#مختار_البحري

لبيك يابن البدر لبيناك لونرجع وصل
احنا رجالك يا العلم في سلم ولا في قتال

ياوارث القرآن يا قايد لنا عاد الامل
معك معك ونهاية اسرائيل مافيها جدال

#عبدالقوي_البطل

لبيك ياقائد مسيرة عالمية للآزل
قانونها مايختلف في الشرع والا في القتال

نحشد ونتحشد نواجه نصنع الي ماحصل
مادام موقفنا مع الله صح مافيها جدال

#شاعر_بلاد_الروس

حاضر نعم ياسيدي لبيك لو نطلع زحل
أو نطلع المريخ بانطلع رجاجيل الرجال

مابا نمل حاشا ولا نقعد ولا فينا كسل
لو تستمر الحرب طول العمر نعشق للقتال

#ابـومـازن_الـرازحـي

سمعاً وطاعة سيدي ونعاهدك حتى الأجل
بمساندة أبطال غـزة لو سعير الحرب طال..

على طريق القدس باستمـرار لايوجد كلل
باهـي بنا كل الأمم واضـرب بنا كل الضلال..

#وسام_الحنش

ابشر بنا ياسيدي يابدر بنواره اطل
على المبادي والاخوه والكرامه لانزال

كنا ولازلنا كما كنا وطبعاً بانضل
انصار يجمعنا بغزه وهلها درب النضال

#إتحاد_الشعراء_والمنشدين

https://t.me/aboyahyaalshami

المجاراة بعنوان استجابة لدعوة #السيد_القائد للخروج المليوني يوم الغد

البداية #نشوان_الغولي

سيدي لبيك و الشعب حاضر.
تحت أمرك يا ولي طايعين.

با تلبيك النخب و الكوادر.
و القبايل كلهم حاضرين.

با يلبي شعب مؤمن و صابر.
عزّه الرحمان دنيا و دين.

#محمد_مفلح

‌‎وانت تبشر سيدي وانت تامر
طاعتك يا سيدي فرض عين

لو توسدنا بطون المقابر
سجلونا غد متظاهرين

باذن ربي يا القطاع المحاصر
غير يتغلب على المعتدين

#الحمزة_المغربي

بالوفاء جينا على كل ضامر
ابشر ابشر يا علمنا الأمين

والبوارج كلها والطواير
با نحرّقها و ربي ضمين

ندعم فلسطين لـ الوعد الآخر
لو بكلّ اموالنا والبنين.

#عبدالسلام_عبدالله_الطالبي

باتلبيك القبل والعشاير
دعوتك حجة على المسلمين

لادعا داع العلم قول حاضر
ومن خرج منصور دنيا ودين

سيدي عبدالملك بانبادر
وابشر ابشر سيدي باتزين

#بندر_النمري

سمعا وطاعة ولبى وتأمر..
باترانا دايم مسلمين..

بالوفا ندعس خشوم المخاطر..
ياعلمنا ابشر بنا كل حين..

طالما واطفال غزة محاصر..
عهدنا لله مانستكين..

#فارس_المعزبي

شعبنا يشهـق ويزفـر معابـر
وان عطس دارت وجوه السنين

للقيــاده مستجيب الأوامــر
بالخـروج المستمـر كل حيـن

في سبيل القدس جندي مبـادر
شامخ الهامه عريض الجبيــن

#شداد_حُميد

يا العلم لبيك باطن وظاهر
كلنا للحشد متأهبين

حشد مليوني نبثه مباشر
في مسيره تقهر الكافرين

بالمعابر با نفك المعابر
تحت امرك كلنا جاهزين

جريح الحرب #رفيق_زرعان

استجابه للعلم بانبادر
لاوهن لا ضعف لن نستكين

بأسنا فاطر وقاصف وقاهر
حشدنا مليون ولا اثنين

بلغ ابن البدر ياطير طاير
قله ان احنا ليوث العرين

#ضيف_الله_هجوان

دعوة السيد لها الكل حاضر
تحت امره كلنا طايعين

كل مؤمن للنداء با يبادر
والمنافق بيننا با يبين

والرجال افعال ماهي مناضر
بانخلي كل قاسي يلين

#علي_محمد_المحاقري

والنبي ما نترك الـقـدس عـاثـر
في يـد الانـجـاس والمجرمين

جاهزين يـاسـيـدي بـالـمـعـابـر
نعجن امـريـكـا ولندن عـجـيـن

ساحة الـسبـعـيـن يـاكـل ثـايـر
من بحين لي منعكم من بحين

#محمد_البريهي

يارجال الله ياكل ثائر
ياحماة الدين في كل حين

داعي الرحمان نادى مباشر
نحتشد باكر وله سامعين

نرهب الشيطان وام الكبائر
ننصر الأقصى نذل اللعين

#حمزه_الديلمي

حشد مليوني وطوفان هادر
يابن طه عن يسار او يمين

حيث ماتطلب نلبي نبادر
لعنة الله تلحق القاعدين

‌‌‎#ناجي_القطيبي

سيّدي جيناك طوع الاوامر
شدّ باسك يا،القويّ الامين

نترك الدنيا وندخل نظاهر
كلّ جمعه بانبكر بحين

سر بنا نحو العدوّ المباشر
داعي الله حرّك المؤمنين

#ابومصطفى_الرضي

شعبنا المقدام ماضي وحاضر
في سجل المجد والسابقين

في ميادين الأباء والتظاهر
كلهم ياسيدي جاهزين

ضد جرم الصهينة والمجازر
جسدوا موقف وصرخة حسين

#الشاعر_ابو_صقر_شعلان

بايلبيك شعب مومن وثاير
يبن بدر الدين واخو الحسين

سيل ماشي له نهايه واخر
بايلاحق كامل المرجفين

من هدئ التوبه ومن وحي فاطر
بانفجرها على الظالمين

#الشاعر_ابوجهاد_صبر

يبن بدر الدين ياخـير أمر
امركم غالي وسعره ثمين

الـف يالبيك فـاخـر وكابر
دام قومك كلهم جاهزين

بايهب أول يمناء والاخـر
يقهر الاذناب والكافرين

#ابوهادي_عقاب

سيدي وابشر بعزك وسابر
شعبك الثاير معك واقفين

نخرج الساحات نصرخ مباشر
دك فوضناك في كل حين

اليمن صدر مواقف وصاير
عزة العزه وقوه ودين

#ابووائل_ميصـان_الجرشه

بـعـد ابـو جـبـريـل يـا شـعـب ثـابـر
واقـتـحـم نـهـج الـيـهـود اللـعـيـن

وضـعـنـا لله قـد صـار سـابـر
والـعـدو مـهـزوم عـبـر الـسـنـيـن

يـا عـلـمـنـا لك عـهـود الاكـابـر
قـد قـطـعـنـاهـا بـصـدق ويـقـيـن

#عبدالقوي_البطل

دام والباري لنا خير ناصر
والقوي اسمه في العالمين

بانواجه كل مجرم وفاجر
في سبيله ننطلق كل حين

نحتشد في جمع ماله مناظر
به نغيظ الكفر والطاغيين

#وسام_الحنش

احتزم بالشعب يابدر طاهر
سيدي وابشر بنا حاضرين

بالبنادق والجعب بانظاهر
في سبيل الله والمسلمين

ماتبقى عذر لانسان قادر
النفير العام يامؤمنين

#أبوصخر_الجوحمي

كلنا ياسيدي با نبادر
لجل غزه بالدماء جاهزين

ماتخلف مننا شخص قادر
استجابه لابن طه الامين

شعبنا للحق والدين ناصر
دايم الازمان عبر السنين

#الشاعر_ابوحسين_رقبان

سيدي لبيك من شعب ثاير..
لا ميادين الابا متوافدين..

ما تخيفه حرب والا مخاطر..
لا ملل يطويه طول السنين..

با نحشّد با نجمهر با نظاهر..
يا فلسطين الكرامه قادمين..

#إتحاد_الشعراء_والمنشدين

https://t.me/aboyahyaalshami

المجاراة رقم (2) بعنوان استجابة لدعوة #السيد_القائد للخروج المليوني يوم الغد

البداية #ابوصالح_العملسي

لبيك يا ابن البدر في كل ساعة
ماهو فقـط ياسيدي كل جـمعة

الشعب للـساحـات زاد اندفـاعه
سلاحه الإيمان والوعي درعه

ياخير من واجــب علينا اتباعه
معك معك هيهات للخلف رجعه

#فــارس_المعــزبي

الشعب كامل بايصلي جماعه
ويدخل الميدان دُفعه بدُفعه

تسليم للسيد وسمعاً وطاعه
واخلاص للواجب وغِيره وفزعه

المسجد الأقصى علينا وداعه
ومن جسد كل اليمانين قطعه

#علي_جارالله_داشع

لبيك بانورد وفود اوجمــــاعه
نقبل بسرعه جاوزت كل سرعه

لك مننا يابن النبي كل طــــاعه
في كلمه فزعة الشــــعب فزعه

وساحة السبعيــن رغم ٳتسـاعه
بانمليه رغم ٳنفجاجه ووسعه

#علي_محمد_المحاقري

لبيك يابن البدر سمعاً وطـاعـه
نفزع معك ياسيدي الـف فزعه

بعنا جماجمنا مـن الله قـنــاعـه
وفـي سبيله نالت الروح رفـعـه

إمّا وصلينا في الاقصى جماعه
وإلّا صعدنا للسـمـاوات جـمـعـه

#ابواياد_المطري

بعزومنا الإيمانيه والشجاعه
عنشغل اسرائيل في البحر قرعه

مادام والاجرام زاد اتساعه
با نصرع الصهيونيه شد صرعه

نقطع بوارجهم وكل البضاعه
والأمركه تزداد  كُل يوم جرعه

#ضيف_الله_هجوان

الشعب للساحات حازم متاعه
ثورة على اهل السبت في يوم جمعه

تحت امر ابوجبريل في كل ساعه
بانحتشد ونجيه من كل بقعه

شعب اليمن مايوم ميل شراعه
يشهد جرف سلمان وجبال نقعه

#ابو_برق_الظرافي

ياسيدّي ابشر لو نصلي جماعه
وفي كل ساحه نصرخ بكل ركعه

لا والقسم ماذاق الأقصى مجاعه
الا وضاعف للعدو كل جرعه

باندعس الطاغي ونكسر ذراعه
عدّاد الأستهداف شغّال قرعه

#ناجي_القطيبي

قلو لبو جبريل سمعا وطاعه
نلبّي الدّعوه بزامل وبرعه

نغيض الامريكي ونلوي ذراعه
ونشغّله في هذه الحرب قَرعه

لامايقل ممنوع نقل البضاعه
لبن اليهوديّه ويرحل بسرعه

#ابوشهيد_القطمي

شعب اليمن لباك سمعاً و طاعة
يا القايد في توليك رفعة

الكل للجبهات حامل متاعة
وفي ساحة السبعين وقفة وبرعة

دام التولي حصننا و المناعة
ما بانفرط لو رجعنا الف قطعة

#ابوهادي_عقاب

ابشر بنا لبيك سمعا وطاعه
بخروج يخشاه العدو لجل ردعه

بين المجازر وسط غزه مجاعه
وموقف الاعراب والعون بدعه

يا شعبنا هبوا بكل اندفاعه
مع ابن بدرالدين عزه ورفعه

#ابوحمزه_المقاش

للـحـشـد ذا الـسـبـعـيـن زاد اتـسـاعـه
واحـنـا سـيول الـنـصـر في كـل دفـعه

ومـشـروعـنـا مـشروع سـمـعـاً وطاعـه
والـمـعركـه مـا بـين طـلـقـه وشـمـعـه

لله يـمـضـي الـشـعـب حـازم مـتـاعـه
بـعـد الـعـلـم نـسقي الـمعاديـن جـرعـه

#ابومصطفى_الرضي

علم هدى واجب علينا استماعه
يقودنا في نهج ربي وشرعه

لبيك تكسبنا مناعة شجاعة
وتواكب الاحداث بقوة وسرعة

والمعتدي في البحر نلوي ذراعة
ونشغل امريكا مع الغرب قرعة

#ابـومـازن_الـرازحـي

لبيه يابن المرتجى للشفاعـه
لبيه يامذرف من القهر دمعه

وغد نضرب بايدن في نخاعه
بخروج ينتاب النتن منه صرعه

ياويل من يقعد وله استطاعه
ويشارك العدوان ظلمه وقمعه

#الشاعر_ابوجهاد_صبر

ياسيدي لبيك سـمـعـاً وطاعه
يامن معك بالطيب والعز سمعه

ابشر بـعـزك تـمـتـلـي كــل قاعه
حتـىتقول الأرض مـاعـاد بقعه

لا ساحـة السبعين نقبل جماعه
دفعه ولاكــن سـعّ مليون دفعه

#ابووائل_ميصان_الجرشه

قالو صلاة الفـرد غـيـر الجماعه
والكل قـايـم في الميادين طبعه

الوضع مـزري والمواقف مـذاعـه
وكـل نـشمي رد في الزحف سبعه

لا حول يا صهيون من يوم باعـه
بـكّـيت في بـحـر اليمانين قـرعه

#صقر_سبحان

ياشعبنا كلن على الأستطاعة
يخرج ويتظاهر إلى كل بقعة

وبكل وعي وكل عزم وشجاعة
يخرج يوجّه للملاعين صفعة

فالشعب هذا شعب شامخ قلاعة
وابن اليهودي شعبنا اجدر بردعه

#ابتسام_شرف_المحطوري

يــاقايدي لبيك سمعــا وطــاعــة
رهــن الإشــارة بــا نلبي بسرعــة

شعب اليمن للقدس ساسه ذراعه
ومن يـدافع عـن أخــاه زاد رفعـة

أطفال غزة عنق الاسلام وداعــة
مأثوم مـن يسكت على كـل دمعة

#وسام_الحنش

اوامرك ياخير مؤمن مُطاعة
جيناك بالمليون مليون دفعه

امرك يُنفذ عند لحظة سماعه
وتقبل الافوج طلعه بطلعة

ومستوى التصعيد زاد ارتفاعه
والحشد بايزداد في كل جُمعة

#الشاعر_متاش

كلاً فتق سيفه ونظف كراعه
مع ابن بدر الدين سيفه ودرعه

نقطع ذنب صهيون ونكسر نخاعه
على طريق القدس من غير رجعه

حتى الذي عاده بسن الرضاعة
جاهز لخوض الحرب في كل بقعه

#أبوصخر_الجوحمي

صيت اليمن في الكون زاد اتساعه
بايام. معدوده. ولكن. بسرعه

اسبابها. وعي اليمن. واتباعه
للهدي والاعلام. والعز طبعه

وقيامنا في صف غزه بطاعه
لله ضد الظلم مش لجل سمعه

#الشاعر_نزار_الكـــازمـــي

بسمــــع والطاعه وفينا شــجاعه
ياسيدي أمرك عـــــلينا نطيــــعه

مامل شعبن هــــو شــديد المناعه
دام الوفاء وسط القلوب المـــنيعه

#إتحاد_الشعراء_والمنشدين

https://t.me/aboyahyaalshami