المجاراة أستجابة لدعوة #السيد_القائد في الأحتشاد المليوني يوم غد الجمعة

البداية #أبويوسف_القاري

شعبنا والقدس ماخاب ظنه
في اليمن ذي ناصرت قدسها

نسرح الساحات من دون منه
ضيعوا للأمركة حسها

انصروا تلك العجوز المسنه
ذي تباهى الخصم في دهسها

#ضيف_الله_سلمان

يابني الاسلام شيعة وسنه
دقوا اسرائيل في راسها

ويش باقي بعد ذبح الاجنة
يهودة لابد من كنسها

جاهدوا ونفوسكم مطمئنه
والقضيه نفسها نفسها

#محمد_مفلح

من يمن الإيمان والنصر منه
من رجال اتحزمت بأسها

دون غزه مطلقين الأعنّه
لين تشرق بالنقا شمسها

لو يقوم الكون بانسه وجنه
ما حما إسرائيل من دعسها

#محمد_كرشان

ياالله انصر شعبنا وارض عنه
واسعد العرسان في عرسها

واليهودي خيب الله ظنه
ضيع امريكا وجاموسها

والدواعش جاوبوهم برنة
نجمت اسرائيل من شمسها

#شداد_حميد

تشرب امريكا ولوما تحنه
نخب كأس الموت من كأسها

اليمن فيها تطير الاعنه
يومها يفرق على امسها

لو اتى العالم ب انسه وجنه
با يشوف الموت من بأسها

#عبدالوهاب_الفقيه

جنب غزه شعب انسه وجنه
ويل العداء من لضى باسها

راس بن يامين لابد منه
نضرب الحيه وسط راسها

يشرب الطاغوت ذي مايحنه
والبوارج ضيعو حسها

#همدان_حجي

المريكي بين اهه وانه
من شراستنا ومن رجسها

ينتضر والفتح لابد منه
خاب واتقهقر لظى باسها

والف غارة والف مليون لعنة
ع اليهود ومحتوى درسها

#الشاعر_فرحان_السلامي

قد خرج فوج اليماني و جنّـه
فــي مــواقـف خلـدت درسهـا

و الهجـوم اليـــوم لازم نشنّــه
نقلــب امـريكـا علــى عكسهــا

ننصـر المظلــوم و ننـوب عنّـه
لجـــل غـــزة تنتعــش نفسهـــا

#هادي_حسين_الرزامي

ألف لبيناك واجب وسنه
نحشد لغدها كما أمسها

نسحق المحتل وندوس جنه
يندم المجرم على رفسها

بايجي يومه ولازم نطنه
اليمن عازم على كنسها

#ابو_مصطفى_الرضي

ع اليهود الباغية الف لعنه
تشمل الأعراب حراسها

انفروا نأخذ بثأر الأجنة
قد جنت صهيون على نفسها

سنة الله ع الطغاة خير سنة
في البحار با نغرق أنفاسها

#ابوجهاد_صبر

لو علينا حرب طاحن تشنه
أرض بقعاء جِنّها وانّسها

او يجينا الكون بـْ انّسه وجِنّه
والكُرْه تقبل لنا نفسها

لا نِدنّ المعتدي لا نِدِنّه
لجل غزة ترتفع شمسها

#ذوالفقار_سفيان

حشد بكرة كنه الحشر كنّه
واليمن كلن عرف درسها

كل مستكبر قسم ما نحنّه
راية امريكا قَرب نكسها

والعلم لا خيب الله ضنّه
راية العزه نوى غرسها

#عبدالعزيز_الغرباني

نهج ابو جبريل مذهب وسنة
والملازم حصن مؤمن درسها

شعبنـا واتخبــر الكـون عنـه
لادعى الداعي ودقت جرسها

المعـارك لعـب شعبـي وفنـه
والسفن فالبحر ذي نفترسها

#ابوفتح_الجرادي

شعبنا بالحشد في السحات كنة
شارك الأبـطـال بــاتـــراســـهـــا

تصــرخ امريكا وأســـرائيل منة
واعلنـت قُـــــدامة افـــــلاسهـــا

شعب بين ضعف امريكا المصنه
داس باقدامه عـــلى راسهــــــا

#ابوحيدر_الراشدي

شعب الانصار كامل انسه وجنه
هب ساحـــــــــات الوغى نفسها

والحشود يا صاح شيعــه وسنه
مستحيـــل ان التعـــــــب مسها

لاجل غزة لا تراجــــــــع وهدنه
عن قريب امريك، تغيب شمسها

#ابوعبدالله_صالح_عنبل

اليمن هبت قوى انسه وجنه
ما سوى نور الهدايه قبسها

والحشود الغاضبه بأمر منه
مستمره ذي تطهر دنسها

واليماني لعبة الحرب فنه
واي رايه عالميه نكسها

#ابوبدر_ذيبان

نرفع الهامات من غير منه
امة الايمان نبراسها

سيدي لبيك روس الاسنه
نقلع اسرائيل من ساسها

كل طاغوتي قسم مانحنه
شعبنا للامركه داسها

#ابـومـازن_الـرازحـي

جاك شعبك حاملين الأسنه
يا علم لـ مَّـه ونبــراسها

يملاء الساحات شيعة وسنه
فيلق الأقصى وحـراسـهــا

حشد مليوني ويغتاض منَّه
قادة اسرائيل وابليسها

#أبوأحمد_الغفّاري

ما وفاء إلا وفاء الأسنّه
والمحن أهل الإباء ناسها ..

فالمجازر في النساء والأجنّه
ذي بغزة اظهرت اجناسها ..

اليمن في العز معروف إنّه
نخوة الأمه وناموسها ..

#عبدالقوي_البطل

كل نشمي حر يثبت بأنه
منتمي من أصل قاموسها

نحتشد في كل يسرة ويمنه
في يمنا الرافعة راسها

طول ماهي نحو الأقصى وظمنه
باتوري للعدو بأسها

#فايز_الحمزي

الجرايم جور مايحتملنه
والعروبه فاقده نفسها

خادمات امريڪ ڪم يحتفلنه!!
والرياض ترقص وجان مسها

عهد منا للعجوز المسنه
ماترڪنا القدس في رجسها

#الشاعر_متاش

عاد بانحتشد ياقدس شيعة وسنة
لين نقلع لليهود ضرسها

لن نفرط بغزة لو دخلنا المجنة
كلنا لأجل تشرق شمسها

ما توقفنا وساطة ولجنة
عن بني صهيون ما اخسها

#ماجد_عبدالله_القادري

كل أب اقبل إلى الساحه مع ابنه
والمسيره عزها في نفسها

كل جمعه ساحة السبعين لبنه
لجل غزه النوم فارق نعسها

من بيع القدس يلقي الف لعنه
كامل الأرض جنها من انسها

#اتحاد_الشعراء_والمنشدين

https://t.me/aboyahyaalshami

‏تمت بفضل الله..والحجاج
عادواإلى صنعاء بتغريده

صحيح ماغير الصميل علاج
ينفع مع المغرور ويفيده

صوت الخوا مايسلمك الازعاج
إلين ماتلجم فمه بيده

باقي لهم دعسه مع المخراج
يمشوا وراهاكلهم سِيده

#محمد_مفلح
‎#يوم_Iلجمعه ‎#لستم_وحدكم ‎#٣_أيـــام ‎#اليمن_سند_لفلسطين ‎

‏اتحمّد الله يا ابن سعود واسمع واطع
واتقرّط العافيه ما لك وللهيلمان

سقها دلا لا تواعرها ولا تندفع
والزم حدود السلامه لا بغيت الامان

حافظ على آخر خيوط السلم لاينقطع
من قبلما نمسح اسمك من سجل الزمان

#محمد_مفلح
‎#البنك_بالبنك ‎#المطار_بالمطار ‎#الميناء_بالميناء ‎#اليمن_سند_لفلسطين ‎#السيد_القائد

المجاراة عن كلمة #السيد_القائد (يحفظه الله) بمناسبة العام الهجري 1446هـ

البداية #أبويوسف_القاري

رسالة الله قد وكل بها الأنصار
اصحاب الإيثار والإيواء والنصره

أتبوأوا الدار والإيمان قبل الجار
وءآمنوا قبل يوصل صاحب الهجره

وقريش لليوم مازالوا بها كفار
والمكر عادة من أتأسلم وهو مكره

#ضيف_الله_سلمان

الملك والهيمنه للواحد القهار
والحكم والامر للغالب على امره

كل الحقايق تجلت يا اولي الابصار
والله با ينصر القله على الكثرة..

(صنعاء وغزة) و(ابو جبريل والسنوار)
شاهد حقيقي غني بالدرس والعبرة..

#محمد_مفلح

الانصار لليوم لا زالوا هم الانصار
في الصف الأول مع المختار والعتره

بالامس كانوا جنود الحيدر الكرار
واليوم يعقد لواهم حيدرة عصره

عبدالملك شبل حيدر مرعب الكفار
والمعركه واحده والنظره والنظره

#عبدالسلام_الطالبي

والسيد اليوم حدد للطريق مسار
لابدنا يارجالي نتبع أمره

ونحمد الله على العزة والاستبصار
نشحذ هممنا في المنشط وفي المكره

نحيا حياة الإباء والعز والإكبار
وندحر الكفر في بره وفي بحره

#أبوجابر_صبره

"يزيد" الاعراب واحنا "ميثم التمار"
ودمّ غزه دم الانصار والعتره!

واسناد غزه لتجسيد الولا معيار
واحداث غزه بها كلن عرف قدره

ومادام واحنا مع من يبلوا الاخبار!
فما به خلاف كلن بانرى خُبرَه

#هادي_حسين_الرزامي

فصل الخطاب ونصيحة جار لاسوأ جار
عساه يقبل نصيحة من كشف مكره

واليوم معروف غير الأمس ياغدار
بدك بسلم وسلام أو حرب من بكره

والموت نسحق به أمريكا بخير شعار
وبالصواريخ في بره وفي بحره

#محمد_الاخرم

مادام والسيف باقي في يد الكرار
وانصاره أهل الإباء صفّت مع العترة

البنك بالبنك ومضاعف ورد النار
بالنار او نقسم الواحد على عشرة

ونهاية الحرب باتشهد زوال الضار
ومن يدية وبنفسه قد حفر قبرة

#الشاعر_فرحان_السلامي

أقسم برب السما لو تسقُــط الأقمـار
أو يجري الدم داخل مهجة الصخـرة

إن اليمــن من جنـود الواحـد الجبـار
أنصـــار ربــي لهُــم بالمعــركـة قُـدرة

لنصرة القُدس نحشد جيشنا المغوار
نجــرع الصهينــة سكـرة قفـا سكــرة

#صالح_النقيب

وعد الحقايق تحقق وزمن دوار
واحنا صبرنا مع الله ساعة العسره

تحذير ناري يحذر صاحب المنشار
ياحافر القبر باتوقع في الحفره

قال انتبه لاتصب الزيت فوق النار
وتصبح اول من اتكوا من الجمره

#صقر_هيسان

الله رزقنا بقايد هاشمي كرار
من نسل طه وآل البيت والعتره

لا قال نفذ وقادت حلف الاستعمار
كلين يحسب حسابه هذه المره

#ابوحسين_رقبان

الحمد لله ما تتساقط الامطار..
ساق المسيره لنصر القدس من مطره..

بقيادة الهاشمي والسيد الكرار..
نأآوي الدين واهل الدين في عصره..

نخوضها حرب داخل حرب مهما صار..
ونكتسب منها التكتيك والخبره..

#محمد_ابوالعز

شعب اليمن شعب متوكل ع الجبار
باقي على العهد باقي مابقي دهره

انصاره الامس مازالوا له الانصار
من الف واربعمية عام ٍعلى الهجره

متعممين الشجاعه مثلما الكرار
متحزمين السجايا مثلما العتره

#ناجي_القطيبي

الاوس والخزرج الانصار والاخيار
وقفو مع المصطفى في ساعة العسره

وبايعوه ثم في طيبه بنو له دار
وبمعركة بدر والخندق حمو ظهره

فلا خصاصه بتمنعهم ولاافقار
عمّن اتاهم مهاجر يعرفو قدره

واحفادهم ذي تولّو حيدري كرار
بايصدحو بالاذان في قبّة الصخره

#بندر_السقاف

القدس قدس العرب ماشي لكم يااحبار
لاتوثقوا باجندة وحماية الخبره

ياوعد بالفور وعد القادر القهار
اصدق ووعده يعيد معاكم الكره

خلاص لاظلم بايبقى ولا استكبار
الامر لله مولى الامر والقدره

ياويل مرحب وخيبر عود الكرار
وعاد الاشتر وعاد كيان ابو عمره

#عزالدين_جحاف

شعب اليمن قوته من قوة الجبار
منهج وقائد رفع رب السما ذكره

الحاملة مننا قد ولت الأدبار
مافادها الغطرسة والفشر والكبره

اوزن حجارك تعقل يا ابومنشار
ولا علينا القسم لا نجعلك عبره

#ابوجهاد_صبر

أزكى صلاتي عدد ما شنت الأمطار
تغشّى محمد رسول الله لا قبره

لازال قومه أشدّاً على الكفار
يلاحقون اليهودي لا وسط وكره

احفاد الاشتر وذاك الحيدري عمار
ذي نكل الكفر والاشراك في عصره

#ابوحمزه_المقاش

المعركه معركة تسليم واستنفار
والفاصله جامعه في الشام والنصره

وابن اليمن واليمن في المعركه ثوار
والقدس صعده وغزه ساكنه صدره

بعد ابن طه نهاجر ليلنا وإنهاار
والعالم الهجري احنا نوفيه قدره

#محمد_البريهي

ياشعب واتحمد الرحمن ليل نهار
واتشكره دايما دايم وزد ذكره

أنعم على موطن الإيمان بالأطهار
السادة القادة اعلام الهدى العتزه

من مدنا الله من أنوارهم أنوار
تمحي ضلالات كل متجبر وفكره

#الشاعر_متاش

لاعاصم اليوم للموساد والفجار
في عصرنا كل طاغي قد حفر قبره

رغم العواصف وحجم الظلم والاخطار
لازال شعب اليمن مقدام في عصره

مع النبي وآل بيت المصطفى الأخيار
يكر فوق العدو كرة وراء كرة

#ابـومـازن_الـرازحـي

يوم النبي من عدوه إلتحق بالغار
وبيتت طـائفـة منهم على غـدره

أصبح لنا الحق في تحطيم رأس الصنم
مهما تكون النتائج معركه فاصله

والمرحله مرحلة من قال انا واحتزم
يفرض حضوره على الميدان باقوى صله

ما دام واحنا بعين العالم المتهم
لو هي ليوم القيامة حرب متواصلة

تحرم علينا السلامه واليهودي سلم
إلين نقضي على حكمه ونستاصله

قريب يا فتح الاقصى تلتقي بالحرم
والوقعه العالمية حاصله حاصله

#محمد_مفلح

المجاراة بعنوان تأكيد الشعب اليمني على الاستمرار في موقفه الثابت وتفويضه للسيد القائد

البداية #ياسين_الفروي

قد قالها السيد وكل الشعب بعده قالها
من داخل الساحات وارسلها رسالة عاجلة

احنا لها،، واحنا لها،، واحنا لها،، واحنا لها،،
وباذن ربي با تكون الحاسمة والفاصلة

#محمد_مفلح

‌‎اي والله ان احنا لها وإنّا رجال رجالها
وجهودنا بعد العلم متواصله متواصله

لا ما قطعنا غدة إسرائيل بإستئصالها
والا فما احنا عزوة الملهوف واهل الطايله

#أحمد_حسين_هبه

لو كنت جاهل اسال امريكا عن الي جالها
في البحر الاحمر ماوقع للبارجه والحامله

واسال جنوده كيف ضربات اليمن واهوالها
وكيف قوه ربنا خلت مريكا ذاهله

#عزالدين_جحاف

قال المثل لاغابت الأنساب شوف اعمالها
وسعود واسرائيل شي واحد حقيقة ماثله

واحنا اليمانيين فرسان الوغى وابطالها
لبيك يابن البدر فوضناك بصورة كامله

#الشاعر_علي_الغماري

هذا يمن ليمان هذا الخيل مــــــــن خيالها
قل للسعوديه حـــــــذاري القبايل واصله

الويل ثم الويــــــــــــل للصهيونيه وعيالها
من شعب مايطعن سواء طعنه قويه قاتله

#همدان_حجي

الموقف الثابت وهاذي المرحله وامثالها
وبايضل الموقف الثابت ونفس القافلة

اهوال حنا اهوالها ورجالها وابطالها
مابا يغير موقف الشعب النفاق وباطلة

‌‌‌‎#محمد_الاخرم

مايدحر أعـــــداء البـــــلاد إلا عزوم رجالها
وشعب اليمن بعد العلم عزم وهمم متواصلة

والصهينة والسعودة تبشر بقرب زوالها
وبا يلاقي كل مجرم فـــوق ما يستاهلة

#ابوحمزه_المقاش

ابن اليمن معروف والهيجاء تحب ابطالها
والمعركه يا قدس با تنفي البغي وتقاتله

غزه لنا واحنا لها والحرب نحن رجالها
ولو تطول المعركه فجهودنا متواصله

#محمد_البريهي

كل الثقة سبط النبي المختار منا نالها
لا للتراجع واليمن هجماتها متواصله

له فوّضت أرض السعيدة كلها بابطالها
والأمر بعد الله والخيرة نسلّم كاملة

#أبوحسين_العصري

احنا مع غزة وحال الشعب كله حالها
والمملكة واسيادها بإذن المهيمن زايله

لو تحشد العالم بكله ضدنا بأموالها
حرب اليهودي فرض واجب عندنا مش نافله

#محمد_الخدري

فصل الخطاب المعركه دوا صدا زلزالها
والقارعه فوق الاعادي والله انها نازله

واحنا رجال المرحله مهما تكون احمالها
والكبر نكسه والاعادي والله انها زايله

#ابوعبدالله_صالح_عنبل

هبت لنصر الحق فرسان اليمن وابطالها
واحيت سبيل الله بافواج الزحوف الهائله

على شموخ الراس ترفض ذلها واذلالها
وحسم تاريخي يشرف معركتها الغاصله

#زياد_زيد

شعب اليمن حاضر يدوس الصهينة وذيالها
في البحر الاحمر بايصيد البارجه والحاملة

بايخرج الساحات ويصعد من اجل اقتالها
ياسيـدي ابـشـر يـعـدل كـل عـوجـا مـايلة

#ابوكنعان_الروس

بخروج بمليوني مشرف تم فيه أرسالها
للعالم البطال وخص المملكة في زاجلة

غبني على سلمان وبنه حين يشوف أهوالها
ويشاهد الميناء تفجر والمصافي عاطلة

#ابـومـازن_الـرازحـي

الشعب فوض قائده والناس عند أقوالها
قولوا لجار السوء حذاري يلعبوا بالقنبلة

كلمه قطعناها(وسيدنا) عليه ايصالها
واحنا نترجمها على الواقع بضربه قاتلة

#ابو_هادي_الجامع

لبيك يابدر الهدا في سهلها واجبالها
امضي بنا في ذا المسيره يازعيم القافله

راهن بنا امه عضيمه حي والله اصلها
ماتقبل الباطل ولاهي بالبواطل قابله

احنا معك بانقلب الكوره ونلعن شكلها
معك معك لو الدما من كل منحر نازله

#عبدالقوي_البطل

أكيد أكدنا في الساحات بقرب آجالها
متى تعدتنا يجيها الرد ذي تستاهله

لبيك أبو جبريل قلناها وفوضنا لها
يدك جمع الكفر والإجرام كامل باكمله

#ابتسام_شرف_المحطوري

قايد مسيرتنا قطع لامريك حبل امالها
ما حد يوقف شعبنا وبـا تسيــر القافلة

من أجل غزةورضها ونساءها وطفالها
نرخص لها الغالي وجهد ابطالنا متواصلة

#محمد_الداهية

هيهات منا الذل تموت الصهينـة واذيـالـهـا
حنا معى غزة ومن عاداء اهـلـهـا انـقـاتـلـة

يكن يهود ولا سعود انـقـاتـلـه ونـخـوضـهـا
هيهات نتراجع وعـيـش الـذل مـانـتـقـبـلـة

#مرتضى_ناجي

عند الشدايد والامور المعضله احنا اهلها
وحنا لذي مظلوم فالدنياء المدد والقافله

سبحان من اهدى اليمن قائد بحجم رجالها
اهل الحميه والشرف و الدين واهل الطايله

#أبوغلاب_همدان

اليوم مثل الحشر والأرض أخرجت أثقالها
لكن خروج اليوم جاء سابق لوقت الزلزلة

لا اتزلزت قُل لـ السعودي لا يقُل لي مالها
قد قالها السيد وشعب العز فوض باكمله

#جبريل_الخدري

مع بن بدر الدين مولانا نخوض اهوالها
والمعركة هذه الاخيرة باتكـون الفاصلة

احنا لـٍهآ وامثالنا مـن بايخــوض أمثالها
أمّا العــداء واذيالها ما هـي لقد الـزلـزلة

#طه_الرازحي


اليوم جدد شعــبــنا المــوقــف لغزة واهلها
في كل ساحه بالثبات وبالخطى المتواصله

فـــوّض قـيـاداته لا أخــذ الثار من محـتلّها
وارسل رســاله للأيادي ذي للاعـــداء عامله

#المنشد_مؤيد_التوهمي

يا من اتعود على الانبطاح
من جماعة(يحسبوا كل صيحه)

ما سلاح الكلب غير النباح
انبحوا والعار ماحد يزيحه

ما تعودتوا لحمل السلاح
في هوى هز الردوف المليحه

من سجاح الى الليالي الملاح
من فضحيه تخرجوا لا فضيحه

لا قسم ما توصلوا للنجاح
يا قوى (المترديه والنطيحه)

عكس من هم مدمنين الكفاح
ما استكانوا للظروف الشحيحه

نكلوا بالخصم في كل ساح
كيف نهنا عاد غزه جريحه

ما تهزش يا الجبال الرياح
كلما هب المنافق بريحه

بانواصل معركة الاجتياح
باليهودي باتضيق الفسيحه

والحقايق في اشد اتضاح
مرجله والا عماله صريحه

حق واضح ما عليه اقتراح
غربله بين الخطا والصحيحة

في هوى صهيون من طاح طاح
وش هو اللي يرفعه من مطيحه

لا ورب العرش ما يستباح
دمنا ويعيش من يستبيحه

#محمد_مفلح

-المجاراة بعنوان المعركة المباشرة مع العدو الاسرائيلي.

البداية #أحمد_درهم_المؤيد

المعركة ماهي مجرد رد واحد
وتنتهي بعد البيان

هي معركة قل لليهودي في تصاعد
تسعى لإسقاط الكيان

احنا مع الله والتراجع غير وارد
وجهادنا طول الزمان

#ضيف_الله_سلمان

امة مع مشروع قراني وقايد
قيادته صمام امان..

واحنا على الكفار اشد من الشدايد
وصدق الايمان ال(يَمان)!!

ومن قعد با نحسبه ضمن القواعد
والله عليه المستعان..

#أبورواسي_أرحب

الله شاهد والمراحل والمشاهد
والخامسه شاهد عيان

إنا علئ غزه والأقصئ بانجاهد
وموعد التحرير حان

أجر المجاهد غير من في البيت قاعد
ومايدخل الجنه جبان

#الشاعر_ابوحيدر_عامر

دام الثقة بالله هاذا الشعب صامد
ماضي بنفس العنفوان

طوفان ومجنح وراصد
لابد يمسح عسقلان

#احمد_الماوري

من يملك الجرأة على قطع السواعد
قادر على قطع اللسان

والشعب له في المعركة بارق وراعد
واتخبروا جد اردوغان

#مختار_البحري

مدام وان الشعب فوض خير قايد
يطلق براسه للعنان

باتنتصر بالله يالشعب المجاهد
وكل مستكبر يهان

وبايخِر الغرب للرحمن ساجد
على يدي بدر الزمان

#محمد_المنصور

الوعد وعد الآخرة والحرب واقد
يا وعد آخرة الكيان

والله اكبر والمراحل في تصاعد
على طواغيت الزمان

قال اليماني والتراجع غير وارد
ولا قلق ما كان كان

#عبدالحكيم_مسعد_النمري

تبشر بنا ياقدسنا وارقى سنايد
مادام بالله الرهان

يمين مايبقى لصهيوني تواجد
وفي اليمن كمن فلان

أهل القيم وأهل الشيم وأهل العوايد
وشانهم في الحرب شان

#صقر_اللاحجي

انا اشهد انك عـن رجال الدين شاهد
سلمت يا "مــفتي عــمان"

وشعبــنا آلف علــى خوض الــشدايد
والجيش مخزونـه مـلان

تشرد بنـي صهيون فـ اول باص شارد
ما عـاد في "يافا" امــان

#محمد_مفلح

لا والله الا حرب ما تقبل محايد
ولا سلم منها جبان

تقلع كيان الصهينه قايم وقاعد
وتجرّعه كأس الهوان

واحنا لها بعد العلم والله شاهد
وافعالنا شاهد عيان

#‌‎هايل_عزيزي

قدم لنا السيد من القرآن شاهد
والحق واضح للعيان

لبيك ابو جبريل ياسيد وقايد
لبيك يانور الزمان

اليوم قد بان المنافق والمجاهد
والحر يعرف والجبان

بانت مصاديق الوعود اللي نشاهد
والفتح والتأييد بان

‌‎#عبد_القادر_داود

تسليمنا مـطـلـق لقايدنا المجاهد
ذاك الفلان ابن الفلان

و احنا معه بالله نتحدى الشدايد
و من تحـدانـا يُـهـان

و احنا مع غـزة قطعنا كل وارد
و كل صادر للـكـيان

#مانع_البوساني

يا سيَّدِي دآمك لنا مرجع وقايد
للشعب صمام الأمان

مابش قلق. قل للمنافق والمحايد
حآن القضئ والحرب حان

يفتح لنا معبر رفح ندخل نجاهد
لانصار ربي واللجان

#الشاعر_جبر_المهدمي

وشعبنا غاضب ومتعقد وعاقد"
مالصهيــــوني مكان!!

والنار لهابه وبعــــد البرق راعد"
والجُعب عاْدها ملان!

لن يبالي شعب الايمان المساند"
معااهل غزةمااستكان!

#أبوحسين_العصري

يا شعب متوكل على الباري مجاهد
الحق والتضليل بان

بانت ملامح نصرنا يا كل جاحد
والحر ما يرضى يهان

قل للسعودي والمطبع ورع زايد
بايخسروا غد الرهان

#الشاعر_عبدالحكيم_ابوهاشم

النصر باذن (الله) للأنصار وافـد
حسب زمانه والمكان

برغم انف المعتدي رغم المكايد
وحلفه النذل الجبان

قريب يتحقق لنا و(الله) شاهد
ويبلغ النصر العنان

#ابوكنعان_الروس

الكون بايشهد ورب الكون شاهد
والكل يعرف من زمان

أن اليمن نقطة على العالم وراصد
تنال روس التركمان

قلول لبنيامين اذي للعقل فاقد
باعرفه كيف الجنان

#الشاعر_خالد_البصيري

ابشر بنا يا قايدي حل الشدايد
نخلي القاسي يلان

في صف واحد ما بقي عنصر محايد
لانامت اعيان الجبان

واحنا لها واحنا أهلها واهل العوايد
شعب الحرايب والطعان

#ابوشاكر_المضماري

ابن النبي والشعب الانصاري معاند
من عانه الرحمن عان

وانتم لكم عبره مع العتره وشاهد
من غزوة الخندق زمان

حسب السنن ما باقي الا شوط واحد
وتصبحو ماضي وكان

#أبومالك_الكوماني

منحه وغايه وامنيه والله شاهد
وفرز كامل وامتحان

أعظم شرف ياشعبنا الحر المجاهد
نواجه الوغد الجبان

في معركه تمحي مدنهم والقواعد
وتقتلع هذا الكيان

القدس تحريره دنى والفتح واعد
والمرحلة شاهد عيان

#ابواياد_المطري

في اليمن قال ابن طه غير وارد
نسكت عن الفعل المُدان

با نقتلع صهيون ونخليه شارد
ونذيقه انواع الهوان

وندخل الاقصى مع كمن مجاهد
راسه يناطح للعنان

#ابوجهاد_صبر

الوعد وعد الآخره قولوا لـ بايد
وِقّلوا لـ كافر عسقلان

ولّئ زمــان الهيمنة ياكل فاسد
وراحت السبع السمان

باقي غضب يافا مع قاصف وراصد
يزوركم والوقت حان

#ابوحيدر_الراشدي

الخامسه!!!! حنّت وزمجـــــر كل راعد
بالكبرياء والعنفـوان

على دعــــــــاة الشــر شدينا السواعد
وكل متصهين جبان

ماعاد لهم ف الارض هذه من مساعد
امان يا بــدر الزمان

#اتحاد_الشعراء_والمنشدين

https://t.me/aboyahyaalshami

المجاراة عن (يمن الايمان والحكمة والجهاد )

البداية #ضيف_الله_سلمان

يايمن في شموخه ما انحنى للعواصف
في سماه التقت امة ونهج وقيادة..

صرخته في السماء راصد ويافا وقاصف
جسدت قوة الموقف وصدق الارادة

#محمد_الاخرم

شعب حطم قوى أمريكا وهز التحالف
شعب ينبض إباء وشموخ فخر وسيادة

شعب كرار يأبئ العيش مثل الخوالف
دربة النــــصر للإســــلام ولا الشهادة

#أحمد_درهم

(لو عقول اليمانيين داخل مغارف)
والعبارة لصاحبها وفيها إفادة

ما حكم شعبنا مدعوس خاين وخايف
مهد الايمان تاريخه جهاد وسيادة

#فارس_المعزبي

اليمن لـ اهل غزة" بالقضية مِناصِف
خاذ رغم العراقل والضروف الرياده

عاد (يافا) لـ آلاف الجثث باتراصف
والمراحل طويلـه" والقليلـه زياده

#أمين_العملسي

عزك الله عز اهل التقا والمعارف
ياوطن به تربا عاشقين الشهاده

في رضا الله ماخفنا جميع المخاوف
باالاراده ثبت من حيث ماالله اراده

#أبورواسي_أرحب

الكرامه عقيده والرجوله مواقف
والولاء والبراء ذروة سنام العباده

معشر أنصار طه حازمين الطوارف
لعنبوا من يفرط في سيادة بلاده

حاملات العدئ تفتح جهازالتعارف
وإن ماشي تجهز نفسها للولاده

#عماد_العملسي

باالتولي وبرجالك حماة الطوارف
انطوت فكرة امريكا لفرض السيادة

في ذراك احتمى من كان باالامس خايف
واصبح اليوم يسعى لستعادة بلادة

#ابوناجع_المنبهي

لك مواقف عظيمه اعجزة كل واصف
وانت من جسد الحكمه وعشق الشهاده

فيك الايمان دافع والحميه قواصف
والشجاعه في الجينات والجود عاده

#محمد_مفلح

اليمن من زمن عمار لا عصر قاصف
شعب فيه الفدا ميزه والإقدام عاده

لال طه وفاهم ما يجاريه واصف
من زمن حيدره لليوم والال قاده

#الشاعر_نضال_حُميد

ذي هزم قوة الباطل وجيش التحالف
مايبالي بأمريكا وحرب الإباده

كل أاااافه نواجهه بعدة أوايف
والف لعنه على خاين وبايع بلاده

#الشاعر_امين_الحارثي

سيدالقول (ميزان الرجال المواقف)
والشهاده شرف والقتل للحر عاده

عهد لك يابن بدر الدين فوق المصاحف
كلنا تحت امرك نصر والا شهاده

#مانع_البوساني

ايش اقول فاليمن وايش المواصف يواصف
السعيده بلاد الهنجمه والسعاده

لو شرح هاجسي طول العُمِر ما يناصف
شرحها .. ساحة امجاد العرب والرياده

#الشاعر_خالد_البصيري

شعب الايمان والحكمه وشعب المواقف
في سبيل الكرامه نصر والا شهاده

شعبنا يا بني صهيون طوفان جارف
من تعــداه مـا والله يهنـا رقــاده

#الشاعر_فرحان_السلامي

يا يمن في السما مجدك و لا له مواصف
يـرتقــي بالهُـدى و المــرجلـة و السعـادة

قــوة اللـه تجعـل كُـل مـوقـف منـاصـــف
بالعـــدالــة و نـــور الحـق خيـر الإفــــادة

#همدان_حجي

انتزع حقه المخطوف من كل خاطف
واقتلع قلب من عاداه داخل بلاده..

جيشه الحُر وابطاله كما السيل جارف
من إلاه السماء عزمه ومنْه استناده..

#جمال_الماوري

الوحيد الذي ما له شبيه او منــــــاصف
اعتلى الجود واسرج للمعالي جـــــياده

زلزل العاصفة واضحى لها اشدّ عاصف
إن ذكرت اليمن تعرف أصــول السيادة

#شاعر_بلاد_الروس

حكمتك ضاهره قد قالها خير واصف
والجهاد من سماتك يايمن والاشاده

اثمرت نصر واقبل عهد جني المناصف
عن قريب باتكون أرض العلا والرياده

#محمد_البريهي

والقسم حيث ثشتي ياعلم ما نخالف
اليمن في سبيل الله معلن جهاده

لا قواعد من الأنصار لا لا خوالف
لعن أبو من وقف خانع بحجة حياده

#مختار_البحري

شعب مؤمن مضحي للقضية مناصف
شعب حكمة ونخوة شعب ذات السيادة

حكمتة قد تجلت في جميع المواقف
حامل اهموم الأمة ماوقف عن جهادة

#ابوكنعان_الروس

الأسى والألم والجرح بالدم نازف
لا قلق لاوهن يانصر ولا شهادة..

دام والله حاكم عدل منصف وناصف
أبشري يايمن بالغد نيل السيادة

#عماد_قيرح

يابلــد حطم ارتــــال القـــوى والتحالف
واتبـــــع سيد الموقـــف لحفظ السياده

لم تزل يايمن ليمان شعب المــــــواقف
في رضى الله مجاهد نصر والا شهاده

#الـكـرار_الـعـقـيـبـي

شعـب الايمان والحكمه عصف بلعواصف
داســـــــو امـريك واسرئيل تحت البيادة

حــر شـامـــخ مقنف كـ الحيود النوايــف
فـــــي سبيل الله اكبر نـصر ولأ شـهــادة

#رفيق_ابو_علي

شعب كله مجاهد مثل طومر وقـاصف
شعب حكمة وايمان عزتة فـي جهاده

والله الموت عنده مثل اكل المناصف
واحدة ما ســـــــواها نصر ولا شهاده

#احمد_عبدالرحمن_الظمين

شعب الإيمان والحكمة عظيم المواقف
غايته بالجهاد النصر والا الشهادة

حر مقدام ماشي له في الذل سالف
شعب دائم على الله العظيم اعتماده

#الشاعر_بدر_الكهالي

أشمخ أشمخ براسك ياعظيم المواقف
طالما وأنت في صــدر الكرامة قلادة

أنت مــن يايمن بأســه أثار المخاوف
فالعداء وانت من سارع لوقف الإبادة

#منصور_الحراسي

موطني يا سنام المجد عند الطوارف
في ذرى الحريه نلت الشرف والرياده

مثلما الأمس قد مردغت أنف التحالف
تدعس اليوم إسرائيل تحت البيادة

#اتحاد_الشعراء_والمنشدين

https://t.me/aboyahyaalshami

(الدنق)

يأرخص خون في البورصات العالمية
واذل من ربي خلق

لا يخجلوا من عيب وإلا من رزيه
انذال قادوهم سرق

ما فيهم الا كل نفسية دنيه
من شق يا طارف سَوَق

ذي ما لهم مبدأ ولا معهم قضيه
دنق ومن غير الدنق

أتوا نتاج سفاح من رحم الخطيه
بين العناكب واللزق

شلة طفيليات ما تحمل هويه
ومثل منديل الورق

يستخدموهم في الأمور الجانبية
لل....... والا للعرق

يعطوا لمن هو يدفع اكثر الأولوية
ويبرروا له ما سبق

لا دين فيهم لا كرامة لا حميه
احذر على الدانق تثق

حتى مع إسرائيل فيهم عنصريه
والذيل بالرأس ألتحق

نغرق سفن صهيون قالوا مسرحية
هذا وهي تحت الغرق

وندق يافا بالصواريخ الذكية
وتعيش في رعب وقلق

قالوا الحديده ولعت نار وشظيه
والنفط والمينا احترق

يا أصحاب إين الرد يا حوثي شويه
وامسك سرا يا مرتزق

لا ما تلاعنتوا بضربه حيدريه
وتدروا أن الله حق

والا فلا يبقى لنا فيها بقيه
ومن نعق منكم نعق

بعد ابن بدر الدين زدنا معنويه
والشعب للقدس انطلق

#محمد_مفلح

🔸لمتابعتنا على التيلجرام
🔰 https://t.me/joinchat/AAAAADwjYtLdOZZL04uGDA