عنوان المجاراة ( دعوة إخاء وسلام لابناء محافظة مارب المغرر بهم من قبل تحالف العدوان )

البداية للشاعر #ياسين_الفروي

هذه رساله من تخوم المدينه
لشراف مارب وأهلنا واقربانا

إما ركبتوا فوق ظهر السفينه
والا (توانيتوا) مع من توانا

الدم واحد والروابط متينه
واحنا قرايب والعدو ذي غزانا

ما عزة الا في الكتاب و..قرينه
والله وحده بالمسيرة هدانا

#ضيف_الله_سلمان

قولوا لحلف الشر تبت يدينه
با نخرجه صاغر ويلقى الهوانا

يامارب ابشر باتعيش السكينه
دام الاخاء يجري بمجرى دمانا

يا اصحابنا ولى زمان الضغينه
والله في محكم كتابه دعانا

مارب من العدوان ثكلى حزينه
واحنا لها جايين جيش ولجانا

#بندر_السقاف

يامارب التاريخ فرصه ثمينه
مع البلد لابد نثبت وفانا

احقاد الاعداء يانشاما دفينه
هيا نرص الصف نقهر عدانا

ذي قد غزونا باسم صاحب دثينه
لاكن تردا حلف كمن جبانا

حنين من جى واعتدانا حنينه
دام العلم قايد وربي معانا

#الشاعر_ابو_حمزة_ماجد_نشير

يابندقي قل للخصوم اللعينه
ياويل ويل اللي بسهمه رمانا

النار باتحرق لقلبه وعينه
مادام دخانه مغطي سمانا

صنعاء ومارب للقبايل معينه
في ساعة الشدات تروي ضمانا

واحنا معانا الله ذي نستعينه
من كل غازي معتدي قد حمانا

#جميل_جعفر_ابو_شامخ

قال المثل يا اصحابنا العقل زينه
أنتم علينا يا بـشـر أو مـعـانـا

من أيّـد الدعوه فـحـيّـا دنينه
أقـول لـه ونعم ويلحق ورانـا

وكل من عـارض حنينه حنينه
تأتي شرار الموت لـه من قدانا

لعنه على من باع أرضـه و دينه
مـش مـنّـنـا هـذا ولاهـو أخـانـا

#أبومنار_العشي

دق الرقم ياصاحبي في الكبينه
واشبك خطوط اصحاب مأرب معانا

يا احفاد بلقيس العماله مشينه
لا سامح الله من طعن في قفانا

وخان ذي له لجل مستعمرينه
وكان رزقه من زلافق دمانا

ثوروا على عدوان طالت سنينه
يا أصحابنا يكفي قد الكل عانا

#يحيى_الوحيشي

دام السفينة في أيادي امينة..
هيا اركبوا من جيزنا يا اخواينا..

من سلم ارضه لأجنبي با يهينه..
ويذيقه الويلات هانا وهانا..

والماربي لا طاعنا با نعينه..
نرخص جماجمنا ونرخص دمانا..

حتى نطهر كل بقعة ثمينة..
من مارب اللي دنسوها عدانا..

#وضاح_الحميصي

الله واكبر كلنا تبع دينه
ودم مارب مختلط في دمانا

يااصحابنا قالوا لنا العقل زينه
كلن يفكر من هو الي غزانا

ومن عجنا مثل عجن العجينه
وقصف بحقده فوق رملة جبانا

قلوا لحزب العنبرود والطحينه
يجنح لنا من قبل يوم الجنانا

#شاعر_بيحان_أبوليث_المحضار

داعي الاخاء لبّووه ياسامعينه..
والدم والتاريخ ياخي دعانا..!!

القبيّله ماظن تبقى رهينه..
وعاداتنا واسلافنا وانتمانا..!!

هذا التحالف عكس ماشفت دينه..
واهدافهم اكبر "تخالف هدانا"..!!

يامارب التاريخ باترفيضنه..
ولا الله اكبر تلك راية لوانا..!!

#عبدالقوي_البطل

حنينه الي مااستمعنا حنينه
ولا انتصح ولا تفاعل معانا

العاقبة لاشك انها مهينة
لكل من خالف ولاء وانتمانا

الله أمرنا في كتابه ندينه
ونراجعه يترك صفوف الهوانا

وإنما اهتدى يلقى نهايات شينه
ويعيش عمره بين الاعداء مهانا

#فايز_الحمزي

دام اليماني بندقه في يمينه
ماهمه العدوان ولا من غزانا

من أجل شعبه ينطلق وفق دينه
وفي سبيل الله نعلن ولانا

ياأهل مأرب لاتطيعوا (أمينة)
ذي ساقها عفاش تهدر دمانا

لعنة على تلك النفوس اللعينة
بلوى بها ربي اكيد قد بلانا

#عدنان_ سالم_ أحمد _الذويبي

قال العلم لبوا هدى الله ودينه
ولحدن يخالف منكم عن لوانا

هيا ادحرو الغازي وحلف العينه
يا أحرار مأرب لاتقولو بلانا

وذي ما يسالم با نطعفر جبينه
ويذوق نار الله ويخلد مهانا

اما المنافق ما معه من يعينه
مايوم ينجى مننا من غزانا

#فــارس_المعــزبي

بعد العجــاف السبع جات السمينه
مبشــره بــ النصــر هــانــا وهــانــا

على ثقه بــ الفتح الاعظم ضمينه
والبــــدر مــولانــــا ورافــع لوانــــا

في حين مارب لابســـه ثوب زينه
متجهــزه تحسُب لساعــة لقــــانــا

نفوس الاعــدا في يدينــا رهينه
واللــــه فــي كل المتــارس معــانــا

#ابوقصي_العويري

ياصحاب مارب لاتكونو رهينه
في يد الامريكي وسافك دمانا

من عاب فينا جعل ربي يهينه
وجعل يبلى بالعما من رمانا

هبو معا الله في لوا انصار دينه
وحماكم الغالي طرف من حمانا

نلقى مع ابن البدر سيره ثمينه
جهاد تلشع من بروقه سمانا

#ابوإسلام_الحداء

رســالة الـشاعر رساله ثمــينه
يا اخواننا بمارب معانا معانا

خير الرجال من يستمع ناصحينه
ولا يصدق دجل واغراء عدانا

اما وركبتو الفُلك معْنا بحينه
وإلا فـ الامواج آتيّه من قدانا

باتهلكو جنب الجيوش اللعينه
وآخر المـــلقئ الخـزاء والهوانا

#أبوبحر_علي_أحمد_مطر

مادام ابو جبريل مدي يمينه
و مبادراته وضحت مبتغانا

عندي نصيحة و النصيحة ثمينة
لجل الوطن ذي ضمنا و احتوانا

يا مارب التاريخ عيدو سنينه
التقطو الفرصة و هبو معانا

حنين من ساند عدوه حنينه
الحلف متربص بـ هانك و هانا

مجاراة عن استمرار صمت العالم على جرائم العدوان .

البداية للشاعر #سلطان_خضران

في ظل صمت العالم المخزي
صوت الثكالى اتجاوز الحاجز

ماهز وجـدانه بــكى المــبزي
والام والمــــكفوف والعــاجز

واليوم ماعـــاد العــــزا يعزي
في موت عالم بالخــزى ناجز

#بدر_الكهالي

صوت البنادق منطقة عزي
والمجد في صمصامي البارز

والحق دربي والاباء رمزي
وانا على الاعداء اسد قافز

لابد للعدوان ما نجزي
حارق وخارق تردع الناشز

#ابوكرم_نشوان

ياصمت لايغني ولا يجزي
الا بما هو ضدنا جايز

شعارنا قد طلَّع اللوزي
لترامب ولبنت البلا رايز

قلو لمن جا ضدنا يغزي
للنصر والتمكين مش حايز

مادام ربي قد رضي عزي
فانا بفضله وحدي الفايز

#ابورواسي_ارحب

يأذا الجبال الشامخ أهتزي.
شعب اليمن للمرحله جاهز.

من واقع المضلوميه يغزي..
عالم.فقدفي صمته الحافز..

بالدعس للعدوان بانجزي..
وفي المعارك كل شي جايز

#ابوقصي_العويري

قال اليماني عزتي رمزي
داعس جدار الصمت والحاجز

والعالم الصامت على عزي
شاهد وحافظ صمته الناجز

يساعد اعدائي على حجزي
كنّه على نطق الكلم عاجز

#يحيى_الوحيشي

قولوا لمن جاء لليمن يغزي..
ويشوف قتل اطفالنا جايز..

با نهزمه والله ذي يجزي..
من يعتدي ويحدد الفايز..

الحرب عزي والشرف كنزي..
والنصر في ميداننا بارز..

#بلال_الصوفي

عالم منافق موقفه يخزي
يمشي وراء المال والحافز

ويساند الغازي على المغزي
والامر هذا واضح وبارز

كم أسرفوا في قتل من يبزي
وعن إدانه واحدة عاجز

من أجل يلقى المبلغ الرمزي
أصبح لتخريب الشعوب جاهز

#ابويوسف_القاري

على خطى بوحيدر الحمزي
يبقى الصمود الموقف البارز

لو مالقي طقم المدد بنزي
لن ننتظر مجلس امم بايز

الشجب والتنديد مايجزي
دام البنادق للقاء جاهز

حسب الثقه بالله بانغزي
كل العدا وحكومة الناشز

اما لحقنا باحمد العزي
يافوز واستشهاد وإلا عز

#ابوالمازن_عبدالله_الشريف

شعب اليمن بالله متوزّي
ولكل شدّة صبرهم جاهز

شيعة علي الكرار والحمزي
إيمانهم في حربهم حافز

والعالم اصبح موقفه رمزي
مع الاعادي موقفه بارز

#عدنان_سالم_أحمد_الذويبي

قد بان في ذا العالم  العجزي
وصار التحالف ضمنهم عاجز

من حاولو باحروبهم هزي
قد صابهم من بأسنا باهز

من قتل طفل منا وعدنا ما عزي
الاوسط مترسي وجهزعلى الجاهز

#الشاعر_ذيبان_صالح_ذيبان

عالم منافق مرتهن رزي
ابكم اصم اعمى بلا راجز

لكن اذا شاف النقاء ينزي
يشجب يندد والخبر جاهز

الحل ياشعب اليمن نغزي
ونخلي العالم يعيش ناكز

#عدنان_جحوح

هـزي الاعادي الغاشمة هزي
يا أرضنا حلف الهوى عاجز

ذي بالجرايم قد جثى يعْزي
من بعد ما شاف اليمن فايز

بايلعنه ربي وبايخـزي
يجعل هلاكه مـننـا بارز

#عز_الدين_جحاف

عقولهم فيها جنان لوزي
للمال تقديسهم بارز

وشعب الايمان والعز ِ
من أجل تأديبهم جاهز

وآكل اللحمة على الرز ِ
خاسر وشعب اليمن فايز

#علي_الوزير

العالم اصبح جيش مارنزي
تابع رعاة الابل والماعز

بالمال باعو الصوت ياعزي
معاد به فيهم رجل قامز

لكن بعون الله بانغزي
ونكم من هو للقاء جاهز

# هادي_حسين_الرزامي

من مات قلبه كيف يهتزي
ماعاد يتسمى سوى طانز

خله يجنب واتركه يرزي
جامد ومتجمد ومتحايز

مثل المتر لي مامعه بنزي
مات الضمير وحالته بايز

#علي_مغلي

بسم الله الرحمن با نغزي
على حَلوب الغرب والماعز

ونخبر اهل الموقف المخزي
كيف اليمن للمعركة جاهز

سابع سنة ماقد بدا عجزي
والامركة للملكة ناكز

#أبوبحر_علي_أحمد_مطر

الله أكبر و اليمن رمزي
و بندقي في قبضتي جاهز

و انصار ربي عزهم عزي
اصارع الفرسان و ابارز

البوح بعد الصمت لا يجزي
من اي متسلق و متقافز

لا يمكن العالم يرى عجزي
او ارتهن للدعم و الحافز

#الشاعر_جبر_المهدمي

فزي معا الله يالحروف فزي
ونرد اعضم رد مشروع جائز

ياالعالم الصامت ألاهي عزي
مااحنابحاجة دعمكم والحافز

هبه معا الله يارجالي نغزي
منهوا معاالباري يكون الفائز
#جميل_جعفر_ابوشامخ

من كان متكبّـر و مـسـتـهـزي
موته و قتله يـا ولـي جـايـز

لابـد مـا نـثـأر ومـا نـغـزي
الكل لاخذ الثار هـو جاهز

وان حاصر اللقمه مع البنزي
والله مـا يوصل لـذي عـايـز

#ابومنار_العشي

عن اي عالم يسأل العزي؟
عالم مع (الشمبانزي) بارز؟

يغزي إذا (القرد)آمره يغزي
قتل الأمم في مبدأه جايز

والغالبية منهم مكزي
عن قول كلمة عادله عاجز

العز في البندق وفي المجزي
والحل في (القرآن)والحافز

#عبدالقدوس_الصباحي

مهما يكون الدهر مستهزي
بالشعب واصبح قتلنا جايز

بالله بانصمد ونعتزي
ومن توكل به هو الفايز

بالله متقدم وبه عزي
مهما قصفنا راعي الماعز

#شاعر_بيحان_ابوليث_المحضار

ياحلف واسمع قولي ورجزي
ابيـــات وٓآنا بنــظــمها راجز

لو يسكت العالم على نحزي
واللي تفاعل هرجهم واجـز

من جاز ضربي قتلهم مجزي
واللي ســكت ماشي الا جز

#إتحاد_الشعراء_والمنشدين

https://t.me/aboyahyaalshami

المجاراة في ذكرى الامام الاعظم زيد بن علي (عليه السلام)..

البداية للشاعر عبدالرحمن الريامي

حياة الكـــرامة لـــــو مهل ربع ثانيه
لنا اخيــــر من قرن المذلــــــة والانحنا..

على درب (زيـــــد) اقسمت ماحب فانية
ولا ارضا بغيـــر العــــز لــو يجلب الفنا..

#ضيف_الله_سلمان

على منهجه نمضي نجسد تفانِيَه
بصيرة..جهاد..وصبر والله حسبنا..!!

يمانين في الضيقات مثل الزبانية
وبالله حين الباس يشتد بأسنا..!!

#ابويوسف_القاري

إلى يوم يحمل عرش ربك ثمانيه
عزمنا على نهجه نواصل جهادنا

تجسد ولانا في الدحيضه وقانيه
مع زيدنا. والله بنصره يزيدنا

وذي ما اتخذ موقف من المردخانيه
فلاتحسبه زيدي ولاتنسبه لنا

#فايز_الحمزي

فهمنا كتاب الله نُجسد معانيه
ومن زيد تعلمنا نواجه عدونا

إذا خصّمنا قد تآه بكأس ٍ وغانية
فنحنُ مع الرحمن بذلنا دماؤنا

#علي_مغلي

ويا زيد في ذالكون امة يمانية
زيود الولاء والبأس والعشق والجنا

هشام اللعين العن ومثله ثمانية
ومليار طاغوتي معادين شعبنا

#ابوقصي_العويري

مع الله تجندنا كتايب يمانيه
نضحي ونبذل في رضا الله دمّنا

وفي درب زيد وفي طريقه حُسينه
دعانا ابن بدر الدين فيها وقادنا

#عبدالقوي_البطل

عليه السلام ماثار وافصح علانيه
ولااهتز من بطش الطواغيت ولا انثنا

من اجل دين الله حقق أمانيه
نيل الشهادة في رضى الله ربنا

#إبتسام_شرف_المحطوري

من (زيد) أستلهم باأني يمانية
واثور باالكلمه أسرع ولا اتوانى

مااحب اعيش الذل لحظه وثانية
والفقر في عزة ولا الذل في غنا

#الشاعر_حسن_السعيدي

بمنهاج قرآني وحكمة يمانيه
على خط آل البيت نتحمل العنا

ومن زيد والسبطين في كل آنيه
نجدد ونستلهم قيمنا وعهدنا

#ابومقبل_الشعيثي

مع الله نلحق صانع الفلك بانيه
زيود العقيده منهج الحق نهجنا

على العرش تحمل عرش ربي ثمانيه
ونحمل كتاب الله ودين فوقنا

#ابورواسي_ارحب

قطوف الأمام الثاير اليوم دانيه.
في أحفاده أعلام الهدئ نلمس الجنا..

علئ نهج زيد..الحق ضاهر
علااانيه..
بهيهات أبوجبريل يستكمل البنا

#بندر_السقاف

مع زيد نكسر الف واحنا ثمانيه
من ابنا اميه ناخذ اليوم ثارنا

بجيزان والساحل وماخلف قانيه
له الحمد من اوفاء وعوده بنصرنا

#ابوالمازن_عبدالله_الشريف

حياة الأئمه مدرسة عِلم دانيه
مصابيح ضاءت في الظلامات دربنا

وفي موكب الاطهار كنا علانيه
رفعنا شعار الحق في وجه خصمنا

#ابومعتز_البهلولي

رفضنا المذله والخنا والأنانية
وعشنا الإباء والعز والله ربنا

وفي يوم يحمل عرش ربك ثمانيه
على منهجية زيد يفخر ثباتنا

#شاعر_بيحان_ابوليث_المحضار

قطوف الاباء والنصر للشعب دانيه..
ويسقي الثمار اليانعه نزف دمنا..!!

"وهي واحده" ماشي لها بد ثانيه..
على منهجك يازيد حمى لصمتنا..!!

#ابو بدر_ ذيبان

دروب الكرامه بالبطولات بانيه
وبالتضحيه والبذل والعزم والعنا

ومن زيد شكلنا الحشود اليمانيه
وذاقوا طغاة الارض من حر باسنا

#أبـورازح_القـعـود

على مملكه سلمان الانصار بانيه..!!
حرام لانخلي عيشته كلها عنا..!!!

قتلنا جيوشه فى المعارك ثمانيه..!!
حرام مادخل قبره والايام بيننا..!!

#عدنان_سالم_أحمد_الذويبي

ولو تصبح الغارات كما اليل دانيه
على نهجكم يا (زيد ) نحيا بعزنا

بصيره حسينية وحكمه يمانيه
ومن صبركم ياسيدي زاد صبرنا

#عدنان_جحوح

على نهج( زيد الخير) فتية يمانية
مضينا وحُـب الآل يملا قُـلـوبنا

نواجه (هشام الشر)في كل ثانية
ومن حارب آل البيت لاقى حروبنا

#ياسين_الفروي

طريق ال بيت المصطفى دوم سانيه
من (الزيدية) يا (زيد) جينا وعهدنا

نواصل بمنهاجك ......مسيرة يمانيه
ومن هو وقف ضد المسيره له الفنى

#ابو_يحيى_القهدة

بدربه تعلمنا الدروس اليمانيه
وفي مذهبه قد سار ابونا وجدّنا

فكل الحروب تشهد شهاده ثمانيه
مع زيد والقرآن نحضى بنصرنا

#عبدالله_بحنان

بثورة أمامي زيد ثورة يمانيه
على الظلم ثار بحق والحق نهجنا

هشام في ذالعصر أصبح ثمانيه
أعضاء مجلس أمن والاعراب ضدنا

#زايد_علي_الوايلي

لنا باس فولاذي وحكمه يمانيه
وهيهات هيهات اي طاغي يذلنا

على نهج زيد. ودام الاعمارفانيه
عسى الله يتوّج بالشهاده جهادنا

#عبد_القادر_داود

بروح الولاء يا زيد نعلن علانيه
براءة من الطاغوت فرعون عصرنا

و ربي لو اذبح في الدقيقه ثمانيه
وما فوق منهم ما يساوون ثأرنا

#ابوبراءة_الديلمي

اللهي عظيم الشأن حقق امانيه
وعفوك اللهي خير مطلب نعم لنا

نجاهد معك همة غزيمة رهانيه
وزيدآ لنا مقدام باالعزم شدنا

#هارون_الزغاري

هدى الله عرّفنا الجهاد ومعانيه
ومن زيد واجداده اخذنا مفادنا

نجاهد مع ربي بسر وعلانيه
هدفنا رضى ربي ولا شي يهمنا

#الكرار_المشراقي

على منهج الاخيار تسطع معانيه
وناخذ عبر ودروس منها لعصرنا

ونصنع لامتنا بطوله يمانيه
ونكتب من دمانا لزيد عهدنا

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان (الاطماع البريطانية في اليمن ودعوة للشعب اليمني لمواجهة الاحتلال البريطاني الجديد..)!

#الشاعر_ابو_حمزة_ماجد_نشير

ياكل نشمي مقحقح ماوهن عزمه
من هو يبا حل فهذا اول وآخر حل

بانلطم الخصم بالبندق وبالجزمه
لانه كما بوش يبا له لطم بالصندل

ونوفي اللطم ذا من فوهة البغمه
من خشم رشاش وخشم ام فور ومعدل

وذي بايجي اصل بايرجع كما الرسمه
من بعد ماينذبح من بعد مايقتل

#جميل_جعفر_ابوشامخ

والله والله لو مابش لنا ذمــه
ما نرتضي له بأن يغزي وان يحتل

ابن اليمن احتلال الأجنبي سـمـه
هيهات يخضع ويستسلم ولو يقتل

ونشمي و مؤمن قد دفع غرمه
لأجل ارضه و عرضه لا ولن يبخل

قولو لهذا الخليعه لن يصل حلمه
مهما يخطط ولو يفعل لما يفعل

#ابوقصي_العويري

هاتوه لاما شربت اليوم من دمّه
مانا يماني ولانا ناوي اتجمّل

اقسم بربي قسم قاطع على الختمه
لا يطعم المر بين الموت والحنضل

باشب نار العيار اللي على رقمه
واسقيه من بطن ابو دربيل ومعدل

يلعن ابو جد خال ابنه وجد اُمه
هذا الذي شم جده بغمت الجرمل

#مقتدى_الوايلي

اصه ولا اسمع لبوكم ياغجر كلمه
قد ضاع مشروعكم والواقع اتحول

كل القوى ذي جمعتوها لكم نقمه
وحربكم بايجر العقب لو طول

اما اليماني مع الله قد شحذ عزمه
والاول ايصير مهما اتامرو لاول

قل البريطاني ارضي للعدى قتمه
باتتنتصر لو لها حشد ولو مول

#ابو_يحيى_القهدة

لا حلفكم والسعوديّه عيال عمه
فاحنا مع الله ناصر من به اتوكل

ملطام و20 صفعه و40دكمه
لا مانخليه من جور الهجوم اخبل

ندفع عن اعراضنا والأرض والحرمه
بحرب لاما ترج الارض تتزلزل

فصاحب الارض يبذل لاجلها دمه
بلادنا يايهودي نااااار موت ازول

#عبدالقدوس_الصباحي

ذي ما عرفنا يكون اليوم في علمه
من با ينجيه لا سيل اليمن سيل

كانت بريطانيا عايش في القمه
وما كسرها سوئ ذا الشعب بالجرمل

حلت عليها الخزا والعار والنقمه
وانهار طغيانها والقاسي اتزلزل

هاذا اليمن لاتقدم هجمته هجمه
ما يقنع الا بأخذ المركز الأول

#ياسين_الفروي

قولوا ل(لندن) نصيحه تفهم امكلمه
امزح ولى زمانه واملِعِب كمل

سواحل امبحر (موتو) وامثرى (جحمه)
من يشتي اموت الاحمر قله اتفضل

وان ما لقي اموت شا يلقى ولد عمه
ما يغزي ارض اليماني غير شخص اهبل

#ابوروعه_الجوفي

من موطن الوعي والايمان والحكمه
حيث الشرف والكرامه والاباء قد حل

ياذي نويت الدخول في ساعة الزحمه
نسيته ان اليمن واعي ولن يغفل

لاما تعبرت بالسابق فأبو شرمه
بايدي رجال اليمن تشتاق للمحتل

ارحب على الخارق الشباب من خشمه
يا ناوي الشر قبلك فيه موت ازول

#ابورعد_الزايدي

من ضرب الابطال كلن قد خذا قسمه
اهل المهمات ذي ماياتهم يفسل

ذي من غزاء ارض اليمن هبوعلى خزمه
ويجرعوه الهزيمه كاس من حنضل

من جاء بلدنا وهو غازي عرف حجمه
ويعود خايب وغصبن عنه بايرحل

امام ذا الشعب ذي اول رقم رقمه
عبرالتواريخ صامد حر ماتزلزل

#عدنان_سالم_أحمد_الذويبي

ارض اليمن مجدها في اول القمه
ومن غزها قسم ما قل أن يقتل

قل البريطاني الملعون ما الزحمه
لاعاد يحلم يطاول عزنا اطول

اذا أصر القدوم يرحب الى البغمه
يذوق ما ذاق جده حين جاء يحتل

لاعاد يودف ولا يورط ولا يعمه
ومن نوى يغزنا يعرف بانه ظل

#بلال_الصوفي

في الضرب والطرح ثم الجمع والقسمة
مابش للندن مكان في داخل الجدول

واحنا نربي ذي ما رباه ابوه وامه
ونسقي اللي غزانا السم والحنظل

قولوا لبوريس جونسون أرضنا سمه
لكنه انسان ما يفهم وشخص أهبل

ما نقبل الانجليز قلنا وهي كلمة
هيا اسمعوا الانجليزي التافه المختل

#الشاعر_براق_المنبهي

من قرب النار باتشوي كبد جسمه
وتصهله جمرها بالنفح والمشعل

فيها سقر من طرف سيئون ملتمه
ومالك الموت بالساعات يتجول

ترحب ملايين عاد العز فالبغمه
تعزف نباها من الجدعان لاكوفل

تسرج عتوم الليالي جاري الخدمه
والجيش يضرب وابودربيل يتكفل

#ابوبراءة_الديلمي

من هو مع الله ربي زاد في عزمه
يوجه اوغاد واشنطن ولايفشل

جهاد يمضي ويستبسل ولاهمه
لكل طاغي بريطاني ومتسلل

والمعتدي فالمعارك ينكسر عظمه
ونجرعة نار حمرا من بنادق فل

#عبدالله_بحنان

شعب اليمن صاحب الإيمان والحكمه
يامن غزاء المهرة بالجنود أقبل

قولوا ل ( لندن) عجوز الغرب بالجزمه
ندوس أرتال غازي أرضنا المحتل

جهزسلاحك(يالحريزي)وأشعل البغمه
الاعتصامات ما تنفع ولا هي حل

يبشر بنا كل مهري نقسم الكدمه
ويسجل التاريخ أكبر مقتله تحصل


#إتحاد_الشعراء_والمنشدين

https://t.me/aboyahyaalshami

قد قالها سيدي مافي سوى صفين
الصف الاول صف  الحق وأتباعه

الله  وطه  واله  واتباع  الدين
ايمان  بالله وحده كامل الطاعه

والصف الاخر مع امريكا وبن يامين
في خدمة ابليس له بالسمع والطاعه

مافيش انسان يخلق داخله قلبين
الله خلق قلب واحد جل ابداعه

ذي ما يميز  ويتامل في الخطين
يصبح كما القارب الي فاقد اشراعه

المرحلة واضحه مثل البصر بالعين
مادام احدث سلاح يحرق بولاعه

والحق مابينه غير أبن بدر الدين
أعلن شعار الهدى بالكون واصقاعه

ازهق قوى الامركه والزيف والتدجين
اظهر ايادي النفاق من داخل القاعه 

وبان من ياكولون الشعب بالشقين
اهل الدقون المقيته ناس خداعه

كم صيحو بالمساجد يزهقون الدين
كم حاربو ابن طه لجل اخظاعه

لكن  بعزمه  وايمانه  بنا  واعين
فيهم ثقافه  من  القران  نفاعه

اتحالفو يقتلو مشروعنا الباغين
وكل ماجا منافق نلوي اذراعه

احنا اتكلنا على الله ندحر الغازين
من جاء لنهب اليمن قدخابت أطماعه

لويحشدو كل من بالكون في يومين
بانحشد الله وحده عالم الساعه

وتصفيه من يمنا لا على النهرين
نرفع شعار الهدى بالقدس وقطاعه

ونقول لبيك يابن البدر منتصرين
بفضل ربي وجهدك طاحت اقلاعه

وزكى صلاة الله على طه رسول الدين
وال بيته دواء قلبي من اوجاعه

#عدنان_سالم_أحمد_الذويبي
#إتحاد_الشعراء_والمنشدين

https://t.me/aboyahyaalshami

يامن تعدا واعتدا وتمادا
لابد ما تلقى اشد النقمه

وتذوق من نيراننا وقادا
وندوسكم من دون اية رحمه

ماعادباقي غيركم احفادا
ليهود خبير خاينين الأمه

يهود في.   اعماقكم.   احقادا
على علمنا والهدى والأمه

يامن على شعب اليمن حسادا
ما يكفكم ماجا لكم  من نعمه

مابايفيد الجمع والاعدادا
اذا بداء شعب اليمن بالهجمه

احنا سيوف المعركة وامدادا..
والشعب طومرها وحيا شمه..

احنا لهذا  الدين  كالوتادا
يامن قتلتو اوطان كامل بسمه

شعب اليمن من يحمل الامجادا
والعز يجري في مجاري دمه

والله ما.  نصبح  لكم عبادا
يا عابدين الامركه بالخدمه

والشعب كله ضدكم صمادا
فيهم ابا وايمان فوق الهمه

#عدنان_سالم_أحمد_الذويبي
#إتحاد_الشعراء_والمنشدين

https://t.me/aboyahyaalshami

المجاراة عن خطورة سياسة البنك الدولي.

البداية للشاعر #أبومنار_العشي

يا بنك (روتشـ ـيلد)اليهـ ـودي
ذي (بالرباء) تصبغ نقودك

انته خطر دائم وجودي
على من اتساهل عقودك

من كثر مكرك يا حقودي
ضاقت على العالم حدودك

لا انته تحاول مسح (كودي)
با امسح بعون الله (كودك)

#الحمزة_المغربي

قلّ للــيــ ـهـودي يـا سعـودي
فيَ شعبنا ضاعـت جهودك

لا المـيـج فادت والعـمودي
وكــلّــه العالـــم جــنـودك!!

وبـــنــك أشبــــاه الــقـرودي
والـلـّـه مـا حــرّك جمــودك

من جاع لا الخطّ الحدودي
يشـبع بطونـه من كبــودك

#علي_مغلي

بنك الدول اغلق حدودي
ياشعبنا حارب وجودك

هو بالرباء حارب جهودي
وروس أمواله شهودك

التنمية هي لليهـ ـودي
والتسوية تنهب نقودك

(ديفيد)عرقه والسعودي
من نسل ذي غلق حدودك

#ابوقصي_العويري

حُكمك مريكاني سعودي
وسياستك خطّت يهـ ـودك

مادام والله بالوجودي
قريب با يلغي وجودك

ويخيب كيدك يايهـ ـودي
من بعد ما خابو جنودك

#ابوإسلام_الحداء

يابـنــك لاتحــلم ركودي
بل اعلم ان احنا ركودك

معروف جزرك والمدودي
وليــن تحلــم في مدودك

با ترتبط والوي شدودي
عليك واصبح ذي يقودك

واركبــك بالغصب بودي
من قبل ما تلوه شدودك

#فايز_الحمزي

والله لن تمحي وجودي
أو تشتري مجدي نقودك

يا بنك(متصهين) يهودي
وبالرِباء نصّت عقودك

هُنا اليمن ماناش سعودي
لن نترتضي فينا وجودك

في المتارس رمز كودي
يفك شفرة رمز كودك

#عدنان_سالم_أحمد_الذويبي

يا بنك لن تهدم وجودي
لا عاد تهدر من جهودك

ومهما طبعكم من نقودي
مضمون با يجلب ركودك

ما قد فعلته لسعودي
ما عاد با يرفع بنودك

ذي ماانتصر عمق الحدودي
ما تنصره كذبة نقودك

#ابوبدر_ ذيبان

يابنك تستهدف نقودي
بحرب شنتها قرودك

روتشيلد والغر السعودي
والخاينين نخبةجنودك

انا هنا راسخ صمودي
وبالثبات انسف بنودك

مال الربا ناره وقودي
وما صبغته بايقودك

#اشرف_الحسني

يابنك كالحلف السعودي
نقضت يالباغي عهودك

لابدّ ما العمله تعودي
ابذل لها اقصى جهودك

شعب اليمن كامل شهودي..
لو انت متناسي بنودك

بفضل ربي والاسودي
بايجمد الدم في وريدك

#عبدالقوي_البطل

والله مايفرض قيودي
ياالله سوا اكرامك وجودك

مادام بنكك هو عمودي
واحنا اليمانيين جنودك

يحسف له الحلف السعودي
ويموت من صادق وعودك

والنصر لانصارك يسودي
وحين نستشهد وفودك

#ابومالك_سريع

ياحلف سلمان الحقودي
بالله ون زد جو جنودك

ذي تمكروا مكر اليهودي
والكون ضاق من وجودك

بخالقي واثق عهودي
يا ذي طنن تنقض عهودك

حاولت تستوقف صعودي
والله لا اسبب ركودك

#ابوعلي_البريهي

مادام بالعترة وفودي
سارت وبمريكا وفودك

ياحلف إماراتي سعودي
خابت بفضل الله حشودك

لا البنك بايكسر صمودي
كلا ولن نقبل بنودك

أبد ولا أبدي لك سجودي
والله لو تبذل جهودك

#عبدالله_الحداد

قاصم لفقرات العمودي
الفقر يبشر به وجودك

وأذي ماتشله بالرعودي
فاالقروض أقوى جنودك

ماسوني الأركان يهودي
الإقتصاد نارك وقودك

لكن بعون الله وجودي
في الغد بايعدم وجودك

#شهاب_المتوكل

يالبنك هذا انت دودي
تنخر دول ربوة بنودك

بس انت لن تقرب حدودي
حاشا ولن اقبل نقودك

لنك خطر واصلك يهودي
والصهينه دايم تسودك

باكل وبااشرب من جهودي
واشطب من اوطاني وجودك

#عبدالله_بحنان

يا نقد صندوق اليه.ودي
بنك الشعب من بايسودك


تجميد قرضك للنقودي
مطلب لنا غير جرودك

الشعب للسيد جنودي
وواحد مع هادي جنودك

ايرادنا هدي وصمودي
وإنّفاقنا ينهي وجودك

#بلال_الصوفي

با يغننا رب الوجودي
عنك وعن كامل وعودك

وباندحر الحلف السعودي
يا شعبنا كثف جهودك

يا بنت متصهين حسودي
با تحرقك جمرة وقودك

زلزل قوى ابناء القرودي
يا سيدي واحنا أسودك

#محمد_رطاس

مادام دين الله عمودي
كيف أعترف بااتفه بنودك

وأنا يماني مش سعودي
ريح الطهاره باتنودك

الغبن لك ياابن اليهودي
وينتهي كامل عدودك

لابد تتشافاء نهودي
حينما أرى كامل وقودك

#ابوالسرايا_المقدشي

يابنك قرضك والنقودي..
للمرتزق خالف بنودك...

صندوقكم يرفض وفودي..
والان بانرفض وفودك...

يا داعم الحلف السعودي..
يمين لا نحرق كبودك...

قريب باتوصل ردودي..
تفني من الدنيا وجودك...

#الياس_المقدشي

يالبنك ذي تفرض قيودي
والله لا نكسر قيودك

دام اليهودي والسعودي
معك الى المهلك تقودك

ذي حاولوا تزييف نقودي
خسران لو تبذل جهودك

بالله ميثاق العهودي
احنا معك واحنا جنودك

#شاعر_بيحان_ابوليث_المحضار

مابا توقفنا القيودي
وش هي امام الله قيودك..

هل بالورق تكسر جنودي
ذي كسّروا قوة جنودك..

بالاكتفاء كثف جهودي
وتضيع باذن الله جهودك..

وتصير "باذن الله" حدودي
مصدر طعامك مع وقودك..

وياريح "نصر الله" نودي
طمت وعود الله وعودك .

#إتحاد_الشعراء_والمنشدين

https://t.me/aboyahyaalshami

من زيد نستلهم جهاد وبصيره
ونعد عده للوغى والنزالي 

مايوم نترك نهجهم والمسيره
ومهما طغى العدوان مابا نبالي

ذي حارب ال البيت زمره حقيره
فيهم طموح البغي في كل جالي

منزوع منهم كل مبدأ وغيره
مافي سواهم يعملون الظلالي

يتفاخرو بقتل الرموز الكبيره
من ال طه ذي ابذلو كل غالي

في نهج زيد الكل يعلن نفيره
ثوره حسينه  ندك  النذالي

ابنا يزيد عادو بفكره خطيره
والروم تتبعهم لكسب الريالي

استأجرو كل الشعوب الاجيره
من عهد بن ملجم بلاهم حلالي

وصار اليهودي للمنافق خبيره
لقتل من قالو خسى  لذلااااالي

شعب اليمن ثابت بهمه كبيره
ومحال با تخضع شموخ المعالي

دسنا قوى الطاغوت والي يديره
فالبحر والصحراء وفوق الجبالي

#عدنان_سالم_أحمد_الذويبي
#إتحاد_الشعراء_والمنشدين

https://t.me/aboyahyaalshami

المجاراة في رحاب الامام زيد بن علي (عليه السلام) القدوة والمنهجية..!!

البداية #ضيف_الله_سلمان

بذكرى الامام الاعظم الثائر الولي
وقفنا بوجه الظلم والبغي والفساد..!!

ومن كان (زيدي) في خطى(زيد بن علي)
يجاهد(يزيد)العصر هذا و(بن زياد)..!!

#نشوان_الغولي

على (زيد) صلى الله سبحانه العلي.
إمام البصيرة و البطولات و الجهاد.

مع الله و اهل البيت و المنهج الجلي.
قطعنا دروب العز بالسيف والزناد.

#مهدي_أحمد_مفلح

خرج ضمن ايات الكتاب المنزلي
على الظلم رافع راية الحق والرشاد

ومن اجلها في ساحة الحرب يقتلي
ويبطل جريرة كل طاغوت ف العباد

#أبورواسي_أرحب

علئ حب (زيد،المجتبئ)قلت مايلي.
سلامي علئ (آل النبي)صفوة العباد.

حليف الولايه.(زيد) ..الأخر والأولي.
من(المايده والفتح والغاشيه و(ص))

#محمد_مفلح

مع زيد نمضي والشلي يتبع الشلي
مسيرة لها ميدان بالحق وامتداد

إلى القدس يا ثورة هدى زيد واصلي
وصهيـ ـون وامريـ ـكا تغادر من البلاد

#ابومنار_العشي

هنا (زيد) ثابت شامخ الهام معتلي
يوعظ جيوشه من على صهوة الجواد

معه جند صُدقاً في اللقاء مابهم دلي
ولا صدهم عن نصرة آل النبي صاد

#شداد_حميد

مع الله انا زيدي هدى زيد فخر لي
وحبه تغلغل داخل القلب والفؤاد

صلبتوه لكن ماصلبتو بداخلي
مساره وحبه وانتهاجه والاعتقاد

#عبدالباري_عبيد

على ذكـر (زيـد) الحـر قد ثار بركلي
وثارة حروفي في مراثيه بـ اجتهاد

امـام التقـى لـولاه مـا شلـت جـرملي
ولا كان لي موقف مشرف في الجهاد

#الشاعر_ابو_حمزة_ماجد_نشير

مع زيد بن علي على العرش نعتلي
رفع راية الجهاد صرخ لا للاضطهاد

جهاد الطواغيت يعتبر عز لك ولي
نضحي بمانملك على العرض والبلاد

#عماد_العملسي

على نهج زيد الحق بايفزع الشلي
ومنهو ولي زيدي فلا يقبل الحياد

مع الله بانمضي نقاتل ونقتلي
وتوصل صدئ صرخاتنا عند قوم عاد

#جميل_جعفر_ابوشامخ

بذكرى حليف الذكر قد جـاد بـركـلـي
وفوق الورق قد صـبّ من أجـود المداد

مع الله وآل البيت ومن بعدهم يـلـي
على دربهم نمشي بـلا زيـف أو حـيـاد

#ابوغبري_الغبري

قرار الملا صبح مصيري ومفصلي.
وماباقي الا اثنين ماعاد به حياد..

قد الشمس باين والدجا ياهلي جلي..
الى النصر نتسبب ونسرج على الجياد

#حيدر_الحامس

على نهج زيد النهج الاسما والامثلي.
خرجنا نجاهد خاين الدين والبلاد.

مـع الله نُقـتَل في سبـيله ونقـتلي.
ولابه مخافه. غير من خالق العباد.

#علي_مغلي

على منهجك يا زيد فعلت جرملي
ولا العيش بانعشق ولا منظر البلاد

بقارع هشام العصر لوكان مقتلي
وما بقبل المنكر ولا بلبس الحياد

#فايز_الحمزي

إذا اظلمت(يازيد) بذكراك تنجلي
نجاهد(يزيد)العصر هذا و(بن زياد)

نهجنا بنهج الآل ولي يتبعه ولي
نقارع قوى الباطل وبالله الإعتماد

#أبوهاشم_الحسيني

من اقتدىٰ في زيد والعتره علي
وفي منهجيه زيد اتضح خط الجهاد

ومـن رفـض مبدأه مـا بايعتلي
ومن عرف مبدأه مارضي بالاضطهاد

#يحيى_الحضوري

نصيحة ! امامة زيد هي عز لك ولي
عليه السلام قدوه وعزه. واعتماد

نهج منهج القراءن حليفه وممتلي
بعلمه واهل البيت بانبلغ المراد

#عدنان_سالم_أحمد_الذويبي

على منهج السجاد صامل مقاتلي
الاعداء ذي سارو على نهج بن زياد

من حب عيش الذل ولا التخاذلي
با ينتهي مانال عزه من الجهاد

#ابووايل_عنبل

مع الحق واهل الحق لو ننقلي قلي
ومن زيد رفض الذل تشريع و اعتقاد

موالاتهم فطره بالآخر و الاولي
على امر رب الحق و اعلام الاجتهاد

#مسعد_محمد_المثيل

مع المذهب الزيدي ونهج زيد بن علي
نطهر فلول الرجس ونسعی الی الجهاد

علی نهج ال البيت والمذهب الجلي
نحارب قرون ابليس احفاد بن زياد

#الشاعر_ابوعاقل_المنبهي

جهاد وبصيره دونها كل باطلي
على نهج ثورة زيد يتحرر العباد

وبلغ يزيد العصرمهما يحاولي
فلا يمكن ان دولة اميه علينا تعاد

#عبدالقدوس_الصباحي

انا زيد يسمع كل طاغوت ما يلي
انا زيد فالمبدء وزيدي فالاعتقاد

هو الحق وانا سرت في نهجه الجلي
وبه سوف يوصل كل انسان ما اراد

#عبدالله_بحنان

بذكرى أمام الثائرين (زيد بن علي)
ذكرى انتصار وعز تحضى بها البلاد

نشوي قوى الطاغوت بنارة ويقتلي
ونذر جيش البغي في بحرنا رماد

#براق_المنبهي

مع طاري الذكرى نديبي ومرسلي
ينادي فجوج الشام تنظر إلى البلاد

لتلّمح مواقف زيد ذي كانه الشلي
وذي كان فوق الكفر سيفه كما المضاد

#عبد_القادر_داود

على منهجك يا زيد شعري و جرمــلي
مسلّم لابو جبريل من ثم [ابو جهاد]

رفيقي في الجبهات سالم و ابو علي
و عادل وابويحى وابوحرب والعتاد

#يحيى_الوحيشي

على درب زيد الشعب فـ الصـف الاولي..
تحت راية ابن البدر في ساحة الجهاد..

قهرنا هشــــــــــام العصر ومـعه برادلي..
ومن ثورة السجاد ثرنا كما الجـــــــــراد..

#نجيب_العوسة

على الدرب بانمضي ونقتل ونقتلي
بوعي وبصيرة زيد تطهير للبلاد

ومهما حدث في الارض مهمايصير لي
معا ال آل مانعرف تراجع ولا حياد

#أبورازح_القعود

قد لاح برق التقدم بعدبيحان لاح
وحنن الرعد لعسيلان وقت انتصار

غيث الهدى بايسقي رملتك ذي فساح
وتنبت الحريه منها  وتجني    الثمار

الحق  قادم الى مارب كطلع الصباح
يشرق بعزة رجال الله مثل النهار

نعيد حق اليمن من يد غازي استباح
خيرات شعب اليمن من دون اي اعتبار

ونقطع ايدين من سبب لشعبي الجراح
من باع عرضه وارضه وارتضى كل عار

ونعيد صافر لأهل الحق يا أبناء سجاح
ما تنعمو به مع  كمن. منافق.  وفار 

وفوقكم  فوقكم  ماتسمع  الا القراح
من بطن شيكي والي من ايادي الكبار

ولايوم خاف الاسد من كلب كثر النباح
ولا يماني تخلى عن  دمه  دون ثار 

ولا تراجع يماني من خطوط المراح
اذا صعد طقم بادر ما ترى الا الغبار

ينطلق صوب قومه القروم القحاح
يشفي القلب ممن جاء بحلفه وجار

كل مؤمن مع الله با يلاقي الفلاح
وكل خاين منافق عاش خسه وعار

#عدنان_سالم_أحمد_الذويبي
#إتحاد_الشعراء_والمنشدين

https://t.me/aboyahyaalshami