مجاراة عن موضوع ( الردع الالهي)

الشاعر رياض الصايدي

توازن الردع الإلٰهي
رسالةٍ فيها الف معنى..!!

اذا فهمتوها كما هي
با تدروا إن معنا ومعنا..!!

الليل يا داهي الدواهي
إقرع طبول الحرب دعنا..

نعلّم أولاد الملاهي
إن عادنا فيها بدعنا..!!
........

ضيف الله سلمان

النصر وعدك يا إلٰهي..
واحنا علينا ما استطعنا..!!

تحالف العدوان واهي..
كم إنخفض واحنا ارتفعنا..

بعد التطاول والتباهي..
تفرقوا واحنا اجتمعنا..!!

أمور شدّت إنتباهي..
ومن هدى الله كم صنعنا..!!

#ابويوسف_القاري

لنا الأوامر والنواهي
ويل العدو لا ما سمعنا

شامخ ولي عزي وجاهي
لادقت الحرب ابترعنا

ياحلف متراخي وفاهي
بعنا من الجبار بعنا

نسقيكم البارود شاهي
ولغير ربي ماخضعنا

#عبدالواسع_صايل_الغولي

لله حددت اتجاهي..
وما أمرنا به اطعنا...

هو ذي رفع قدري وجاهي..
حاشا لغير الله ركعنا...

بمنهجه والال نباهي...
وحول قائدنا اجتمعنا...

يا اهل الملاهي والمقاهي..
ما اظن باننسى وجعنا...

#مقبل_حسين_جرام

ناهي لكم يا الحلف ناهي
أقسم بربي ماخضعنا

قولوا لرواد المقاهي
واهل الفنادق لا فزعنا

بانوصل البرج الرفاهي
ونقيم حوله منتجعنا

وتصبح جثثهم للشواهي
تنهش وتأكل ما قطعنا

#بلال_الصوفي

نمضي إلى كل اتجاهي
وبعون ربي ماخضعنا

والنصر جانا اليوم زاهي
حين الأعادي قد أخفنا

والله مش غافل وساهي
سبحانه اللي ماخذلنا

وهو لنا آمر وناهي
واحنا على عونه اتكلنا

#ابوغبري_الغبري

ياعالم النفط الرفاهي...
مابه آمل في مجتمعنا..

وآعين مانرضا التساهي
ياكم من الكفر انتزعنا...

قواتكم حاشا تظاهي
قوة (علي) بسمه ردعنا..

يالعن ابا من قال ناهي
للي عن العالم قطعنا...

#ابوزيد_النعمي

من ذا لعزتنا يضاهي
أصعب رقم والله رقمنا

الله رفع قدري وجاهي
وبقوة الله انتصرنا

جمع التحالف صار واهي
يصلى جهنم من بغمنا

وابن الملك بعد التباهي
دسنا على خشمه ودسنا

#ابواسماعيل_الجابري

ردعك إلاهي لا يضاهي
واحنا مع ردعك شرعنا

معك مساري واتجاهي
وللـنبي كُــلاً سَــمـعـنا

مع العلم والبدر زاهي
محال للباغي خَضعنا

يالله بك عزي وجاهي
وبك نراهن في وَجَعنا

#ابوكيان_الهبل

الحرب يالقوم السفاهي
وجهكم اوباماعلينا

واحنالطعفارالجباهي
متعلمين من حين خلقنا

ضنيتو ان الشعب تاهي
ولاعي اصمدشهر اوادنى

وابن النبي ااامر وناهي
والله وحده ذي نصرنا

#شاعر_بيحان_ابوليث

وجهت وجهي واتجاهي..
لله .. ولأمره سمعنا..!!

واغفر الاهي للسواهي ..
مادام لك ذا الروح بعنا..!!

كم بالمعاصي كنت لاهي..
والناس تشكي ماصنعنا..!!

واليوم يالله انت جاهي..
لاتخزنا بعد إن رجعنا..!!

#حاتم_الاسدي

مادام نــور الله تجــاهي
من وحي اعدو قد صنعنا

ماينطح الحلف الفكاهي
بالردع ذي يشفي وجعنـا

قُل للزهيمر صُب شـــاهي
في الحرب عاد احنا بدعنـا

يامن مع الأمريك لاهـي
احنـا رجـــال لله بعنــا

#ابووايل_عنبل

سبحت له من عز جاهي
ومن بذلنا له و بعنا

واستصغر الباغي تجاهي
ما دام رب الحق معنا

يا اهل الملاهي و المقاهي
انتم خسرتو و انتفعنا

صنعاء عصيه مثل ماهي
ونجد لا قمنا نصعنا

#زيد_ابن_علي_الحوثي

احنا الطحاطيح الدواهي..
تـهـتـز بـقـعــا لــــا فزعنا..!!

بايصبح العدوان فاهي..
با الي على جوفه وضعنا..!!

والعالم الحلو الرفاهي..
الـنـوم مـن عيـنـه نزعنا..!!

وبا يعتلي بالله جاهي..
واكوّي بناري من وجعنا..!!

‏ ‎#أسامة_الجنداري

إذا أتى الأمر الإلهي..
قلنا "سَمِعْنَا وَأَطَعْنَا"..!!

والنصر من كل اتجاهِ..
يوم اندفع احنا اندفعنا..!!

نغزي على من كان لاهي..
بأن ربي قد جمعنا..!!

نبلّغ الحِلف التناهي..
يخنع واحنا ما خنعنا..!!

#فايز_الحمزي

قولوا لرواد الملاهي
لغير ربي ماركعنا....!!

الحرب ماهي شرب شاهي
وإحنا لها قولاً ومعنى ...!!

إن جيشكم طايش رفاهي
إلى الجحيم به كم دفعنا ...!!

سُبحان ناصرّنا إلهي
لما دعانا إستمعنا ....!!

#شاعر_بلاد_الروس

قال اليماني من تجاهي
باواجه اللي مااستمعنا

قلو لبن سلمان وضاهي
عن ذلكم ماحد منعنا

والله يابو قهوة وشاهي
من قصفكم ماافتجعنا

وقف وقل حاضر وناهي
عليك وربي مارجعنا

#عبدالسلام_احمد_المرادي

الردع ياولاد المقاهي
من حقنا والله معنا

احنالها واحنا الدواهي
يعرف بناذي ماعرفنا

احنا اليمن لفت انتباهي
علا العداء مهما سكتنا

لاتحسبونا شي كماهي
والا العرب ذولا عربنا

#احمد_هادي

قد أصبح العدوان فاهي
وحنا كان نحنا بدعناء

قوة عزايمنا كما هي
لغير ربي ما خضعنا

#أمين_الشرفي

ما مننا غافل وساهي
عن ذي به المولى أمرنا

عليك يا الله وانت جاهي
بصدق وايمان اتكلنا

#احمد_هادي

قد أصبح العدوان فاهي
وحنا كان نحنا بدعناء

قوة عزايمنا كما هي
لغير ربي ما خضعنا

#إتحاد_الشعراء_والمنشدين

https://t.me/aboyahyaalshami