وقاعده

تحد قوى العدوان والضرب كاالبرد
وهمش قذايف تنفجر جنب ساعده

انا اشهد بانه قرم نشمي كما الأسد
ويشهد جمي الناس على مشاهده

#ابوفيصل_مهذري

ابو فاضل المقدام ضاري اسد اسد
له الكون والتاريخ وثق مشااااهدة

وكم له مواقف كان ربي له السند
في ادريهمي رابط ولا لان ساعدة

الايمان في قلبةوالاخلاص للابد
عزم فالدحيظةوالرجاجيل شاهدة

وبعدا سرا من اجل الابطال استعد
واهداء له الرحـــمن اعظم فوايدة

#إبتسام_شرف_المحطوري

جريد الهواجس من إبا حيدري ”سجد“
للشهم طومر ذي ”صنع“ من سواعده

صنع ”مجد“ نادر من ولاءه وله ”رفد“
رفد من دماءه ”نصر“ خلَّد شــواهده

”إيثار“ ”قوة“ ”باس“سبحان مــن ”أمد“
”معية الله وجنده“ ”لطومـر“ تـسـانـده

”حـسـن الثقه“ و”التوكل“ الله بـهـا ”وعــد“
وعــد بـهـا كــل ”أُمــه “لله مـجاهده

#ابوريان_الحمزي

على درب سيدي احسين كمِّن فَتَى سَجَد
له المجد و التاريخ قبَّل سواعده

نماذج تجسِّد بـ الولا نهج ومعتقد
أساسه هدى الله و الملازم قواعده

ثقافه جهاديَّه سرت باطِن الجَسَد
وغذَّت عروق الدم طاقة مجالده

وهاني لقى ربَّه ووَفّى بما عَهَد
لأن الشهاده صدق كانت تواعده

#صالح_عنبل

ولد طومر التاريخ وثق ويعتمد
مواقف عظيمه والدلايل شواهده

نصرته رسول الحق والواحد الصمد
بعود التولي والولاء في عوايده

وبك تفخر الامه من الجد الى الولد
بتجسيد حيدر والفداء له روافده

#إتحاد_الشعراء_والمنشدين

https://t.me/aboyahyaalshami

شرب عصيره ينفع الخامل

#بلال_الصوفي

على قواهم دشنوا حملة
قوموا اضبطوا من كان متساهل

تزوير بالمكشوف بالجملة
أمور والله تضحك الجاهل

الله يلعن كل ذي الشغلة
والمملكة والحلف والعاهل

ذي قوضوا القانون والدولة
وشجعوا الارهاب والباطل

#علي_حشفول_الهلالي

سبحان من لا عدل إلا عدله
انزل علينا رزقه الشامل

من قد رزق مريم من النخله
عليه رزق الكون ذا كامل

فاليوم يا شعب اليمن خله
يلعب على كيفه الخامل

فلا بد ما تنشف الدله
وتشوف خيرك منهمر سابل

#الشاعر_عبدالرحيم_ابو_كحلا

ياشعبنا ذا جاهي الشمله
أصحى وركز أنت ياغافل

الغرب شغال ماعرف عطله
وحنا على الإحوال نتساهل

امول تتزيف في الدوله
القصد منهم يصنع الباطل

نتكاتف الأيدي على النصله
نصنع على الباطل لصاق عازل

#محمد_الميادين

لابد متتعالج العله
بحل يااحرار اليمن عاجل

نقاطع التزييف كماء قبله
من طبعه اهل الزيف والباطل

والمعتدي هو بايزغ عقله
لاانوه في كل الحروب فاشل

لانعطي لاايه مرتزق مهله
لاقام باالتهريب للداخل

#عبدالله_العباد

قرار صادر من لدى الدوله
بخصوص عملة شعبنا الفاضل

ياشعبنا مانشتي الرفله
كلين بالعمله بيتساهل

ولد سعود ذي حارب العمله
مشتاق يربكنا من الدخل

خليك واعي والعدوا قله
مهما يحاول حربنا فاشل

#ابوسياف_الوحيشي

حلف البعارين والبغله..
فاشل ومنهار لا السافل.

فالشعب باالوعي متعامل..
لو ما بقي في البنك عمله..

بالاكتفى الذاتي وباالحاصل...
نتبادل الخير باالجمله...

خير الجبل يشمل الساحل..
وسيوفنا دوم مستلله....

#ابومقبل_الشعيثي

يامن تريد الضعف للدوله
احنا وضعنا بيننا فاصل

لوتطبعو نقله وراء نقله
ماتخدعو مشروعنا العادل

حرب السياسه عندنا سهله
والشر ربي يكشفه واصل

وحنا لاحرب الوعي والقتله
نخطها بالجاف والسايل

#ابومنار_العشي

يا شعبنا كلن رجع ل أصله
هذا مثل قدامنا ماثل

البعض حلمه يشتغل سُبله
يستهدف الخارج به الداخل

في القائمة"شرعية"الشله
وحلف كمن معتدي سافل

لكن قسم بالله والمله
مشروعهم واسيادهم فاشل

#عناش_المشرقي

من منطلق صدق الولا واهله
ياشعبنا حارب قوى الباطل

واحذر من اهل الزيف والغفله
ذي يشتوا التخريب من داخل

خابوا في التحشيد والقتلــه
ورهانهم باينتهي كامــــــل

وان عاودوا للغش بالعملــــه
بايفشلوا والمرتزق فاشل

#مقبل_جرام

كلن ينبّي خُبرته واهله
ويحذر أهل المنطقه كامل

يكشف خداع الشله النذله
ويوضح التزوير للجاهل

حرب اقتصاديه وفالشغله
سفير واشنطن هو الفاعل

أكيد بايفشل كذي قَبله
وتنهزم منظومة الباطل

#الشاعر_أبوزيد_النعمي

هي حرب في الجبهة وفي العملة
عدوانهم في شعبنا شامل

وكلما يفعلوا يا شعبنا فعله
خليك في مفعولهم فاعل

بالوعي والإيمان والرجلة
في كل جبهة حلفهم فاشل

هيهات منا الخوف والذلة
ما بش يماني يقبل الباطل

#صالح_عنبل

حلف العماله زيف المله
واثبت لنا انه ينتحل باطل

ما همنا الا البيت والقبله
اما الدراهم ما بها شاغل

بيت الخيانه قد كشفنا اصله
وبانت احفاد اسعد الكامل

#عدنان_سالم_احمد_الذويبي

من بعد ان قررو للبنك في نقله
هبو وطنا لدعمه نرفده واصل

قال العدو قد فشلنا غيرو العمله
اتأهبوا شعبنا يواجهو الباطل

شلو سلاح الابأ لصد ذا الحمله
ذي تنتهك حق هذاالشعب بالكامل

هيهات نحيا مع السله او الذله
شعب اليمن بالوفا والجريه صامل

#حمزة_قاسم

ياشعب لاتأخذ الا الف ابوهمزه
والا فغيره فهو باطل

وانت يامن تزور العمله
انت في حرب اليمن فاشل

الاالف حقك جره وقم بله
واشرب نقيعه مثل المرا الحامل

لا تحسب ان الشعب مازال في غفله
قد الشعب واعي ومنضبط عاقل

#علي_درهم_المؤيد

قل العميل الغبـي قله
لايحسب ان عملته واصل

صغر الالف اوكبر  شكله
 لايمكن ان يقبله عاقل

معروف من طبعته كله
والشعب هو يعـرفه كامل

بالسوق مرفوض من اصله
ماله في اسـواقنا قابل

#عز_الدين_جحاف

بانلعن الدمبوع والشله
أشر فيروس للخنا ناقل

واسيادهم ذي زوروا العمله
تحالف الماسونيه الفاشل

قد زورا التاريخ والمله
وغيروا الإسلام بالكامل

واليوم خابت حقه الفعله
والحلف آيل للسقوط آيل

#محمود_النقيب

يعيش شعب العز والرُجله
الحر ذي مايقبل الباطل

واعي وماهوشي على غفله
ويعرف المقصود بالكامل

اللعبه اليوم لعبة ناوله شله
يشتوا يخلوا بنكنا عاطل

محجور ان تتداول العمله
خلي العدو خاسر وفاشل

#ابوسجاد_نايف_الحيدري

با يوقفو التزوير للعمله
والا المسير جعلها الله للغافل

ترد ڵـهٍ عقل ذي هو مفتقد عقله
تدك وكر العدو مفعولها قاتل

ما همنا دام وعد الله للقله
با يهٌزم الجمع فالخارج وفالداخل

من لم يوالي علي في قلبه الذله
ومن تولاه دينه بات متكامل

#ابومصفطى_الرضي

مخطط امريكا على العمله
واضح وذي باينكره جاهل

دام العلم عالدين والمله
باينتصر مشروعنا العادل

وشعبنا بالوعي والرجله
والتضحية والموقف الفاعل

يساند الاعلام في الحمله
ويكشف التزوير والباطل

#أبراهيم_المثنى

مادخل ابوكم

تابع المجاراة عن ( منع الاذان بعد الفشل في الميدان )

#الشاعر_حسن_المهدي

عزمنا بركان
في وجه طاغوت الزمان
والدما نيران تلهب قوى ابليس اللعين

للوغى فرسان
شجعان ما فينا جبان
جند للرحمن واحنا بـ نصره واثقين

#الشاعر_أخوهيثم_نضال_حُميد

ثار لا النسوان
ولا على قطع الاذان
كلها قيفان ثارت على ابليس العين

لليل ياحمران الاعيان
ياكمن فلان
داعي الرحمن قال افزعوا يامؤمنين

#صالح_عنبل

ديننا قائم على اركان
وضحها البيان
والسعودي عطل اثنان يا طه الامين

والشواهد خير برهان
لاجيال الزمان
واليمن للنصر عنوان و الحق المبين

#ابوإسلام_الحداء

ساعد الشيطان
وعينه علئ منع الاذان
واعتمر سكران
ياسلمان ترانا قادمين

جيش جنب ا للجان
نبيد كل متصهين جبان
ونذبحك قربان
بمكه لرب العالمين

#ابوعلي_البريهي

بعترة العدنان
بالذكر والسبع المثان
موطن الإيمان
ثاير وبالله يستعين

أفعال بن مرجان
بالحقد تظهر للعيان
لخدمة الصلبان
الله أك ب ر مانعين

#ابوانور_شايم

دام والبعران
تمنع للشعائر والأذان
بشروا سلمان بعقوبة إله العالمين

خصمه الرحمن
والأنصاار من أهل اليمان
وعدفي القرآن.بنهاية عروش الظالمين

#عبدالله_الحداد

أتخبرو من خان
الدين في منع الأذان
لابد بد بهتان
وتدوسه أقدام مؤمنين

فو الله مالديان
يرضى بحقارة موردخان
ولامنبع الأيمان
يتساهل مع قوم معتدين

#ابوزكريا_المأخذي

تخطيط الأمريكان
مع ملك نجد الجبان
يمنعوا صوت الأذان ويصرحوا للمطربين

يا موطن الأيمان
للفتح قد ان الأوان
نقارع الشيطان ونطوف مكة فاتحين

#الوليد_النفيش

بلغوا البعران
بايفشل تحالف مردخان
زمرة الاخوان
واصحاب اللحى ومكحلين
صموا الآذان
واعمى الله بصرهم والبيان
قد لهم ازمان
في حضن اليهودي خاضعين

#عز_الدين_جحاف

دهده الشيطان
سلمان في منع الأذان .
خامس الأركان قد عطله يامسلمين

بلغوا البعران
واسيادهم آن الأوان
موطن الإيمان فيه الفرج للعالمين

#إتحاد_الشعراء_والمنشدين

https://t.me/aboyahyaalshami

عرف اليوم ذي ماقد دراء
من غزانا اندفن تحت التراب

ما تراجع يماني مُجبرا
من رجع مننا يلبس حجاب

#ذوالفقار_سفيان

سيدي حسين من تحت الثرى
ارعب الحلف من بين التراب

بعده اقوام لو تتبعثرا
والشهاده على هذا الركاب

حيدريين وآلو حيدرى
بطل الهرج ياوجه الغراب

#ابومقبل_الشعيثي

سيدي جيشك الفاتح سراى
والطقومات دقت كل باب

جرف سلمان نسخه من حراى
والكتب حقنا نفس الكتاب

يامنافق تراجع وحذراى
والضبع ما يغرر بالذياب

مابقي شخص منكم مادراى
علنت علنت شهر الصراب

#الشاعر_أبومالك_الكوماني

عاد بايدري ان ماقد درى
ف الوغى يوم شمسه ما تغاب

كل من خان وأسرف وافترى
ضد الإعلام وآيات الكتاب

بد نمحيه من فوق الثرى
نلحقه لو هرب بطن السحاب

كل ضرغام للحق انبرا
في يده سيف قطاع الرقاب

#ابوقصي_العويري

والله ان السعودي قد درا
اننا ماحسبنا له حساب

وان حلف الخيانه والعرا
ما لبس له من العزه ثياب

ماعرف فالتروس الا الورا
قير ريوس سريع الانسحاب

كم من جيوشهم تحت الثرا
وكم من الجيش فبطون الكلاب

#الياس_المقدشي

النجوم فوق والقاع الثرى
فرق من(بدر) عالي لا تراب

سيدي احسين علمنا البراء
والثقافه بآيات الكتاب

بعده احرار مثل الاشترى
داست المعتدي عطف الرقاب

باعت العمر والله اشترى
بيده الامر واليه المآب

#ابوسياف_البيحاني

قل لسلطان لاما قد درا
عاد هو بايقع دعس الرقاب

لا تسل عن مصيرك ساترى
قوم دستورها ام الكتاب

با ترى جيش من خير الورى
يمرغوا انف انفك في التراب

وقتها لاتقل ماذا جــــــــرى؟
او تقول التحالف ما استجاب

#مناع_شريم

اول انسان اعلن للبراء
صرخه أحسين هدت كل ناب

باالملازم قد العالم دراء
منهج الله ذي جاء في الكتاب

سبعه اعوام شفتوا ويش جراء
نصر عزه كرامه اعظم ثواب

صبر تسليم ولاء لله اثمراء
لن نخون العلم نور الصواب

#ابوجهاد_الجولبي

طاري النصر من مارب طرى
في جميع الصحري والتباب

والـعـراده تشدق وافـترا
ما حسب ان تاليها عذاب

بس قل لـ العراده يا ترى
الاسود إسود ماتخشى الكلاب

فـرق بين الثريا والثراء
وفرق بين الثعالب والذائب

#ابوكرم_نشوان

يالتحالف كفا ماقد جرئ
اخر انذار لك فصل الخطاب

بعد ذا لاتردون البرا
مالكم من عذاب الله حجاب

والمنافق وذي ماقد درا
يفهم القصد من قبل الخراب

#صقر_سبحان

بلغوا كل من ما قد درى
إن شعبي قد اجتاز الصعاب

وارتقى  للــثــريــاء  والــثــرا
بعد ما الله لدعواه استجاب

زلزل الكفر وانهى المنكرا
واعتلى وصار رافع للجناب

واقســم الــيــوم ما يتأخرا
بعد دعواه لمن في الأرض عاب

#بشار_عباس_الشومي

بعد الاعدى ولن نرجع ورئ
باذن ربي ونتحدى الصعاب

من خطى احسين نمضي ندحرا
قوم فرعون واشرار الدواب

سيدي ياالشجاع الحيدرى
الف لبيك والشعب استجاب

بلغوا كل خاين ما درى
إننا أنصار تأبى الانسحاب

#صالح_عنبل

طبع الانذال تتراجع ورى
فأمسح الجو يا صقر العقاب

وينها القاع من هام الذرى
انت بالوحل و احسين السحاب

ينسب البدر لا خير الورى
شامخ الراس قدام الصعاب

ويل سلطان ذي ما قد درى
عند ما ناح بالحلف الغراب

#عبدالكريم_صلاح

المقدر من الله قد جراء
والبشاير مقبله من كل باب

كم تهاوت معاقل بالسراء
بعد ما شافوا لقطاف الرقاب

وأنت يا حلف اليهود الأغبراء
با ترا منا لألوان العذاب

سعد من للسيف يا أخوه أشهراء
هامة الغازي تناطح للسحاب

#جميل_فرج

للنهايه علامات لاترى
مثلها مثل مانعق الغراب

ذي حواليه تتبرى برى
وتّناديه يرجع لاالصواب

مثله على ذو الفقار والاشترى
عند اللقا صفر ماهوفالحساب

راس العماله مشلك بالغرى
بانقلعه قلع من بين امتراب

#عدنان_جحوح

شعبنا بالضواري شمـرا
منتفض في المخاطر والصعاب

رابط الجـأش ما يرجع ورا
ما يهاب المنية ما يهاب

صاب حلف التحالف قهقرا
في التباب العريضة والشعاب

بعدهـم بـعـدهم يقظة وكرى
قـد تحـصن ببأسه والكتاب

#عزالدين_جحاف

ياأحط البشر واشقى الورى
يالعاب الخنازير والكلاب

كم منافق تطاول وافترى
ضد سيدي حسين واصبح سراب

وين عفاش وآل الأحمرا
مكر طغيانهم ولى وغاب

شعب الاشتر وشيعة حيدرا
راية امجادهم فوق السحاب

#ابوروعه_الجوفي

ياوجيه العماله والزراء
خبرو دمية أصحاب الكتاب

إن شعب أليمن منهم براء
يرحلو لاسقر شيبه وشاب

مالم انصار فاتح خيبرا
بايجو فوقهم من كل باب

قوم ذي مادرا فيهم دراء
ما بتحسب لغير الله حساب

#الشاعر_علي_الوزير

ارجعي يا ثعالب للورى
لاالاسوداقبلت هي والذياب

مالكم في مواطنا ذرا
لاهجمنافوقكم شيبه وشاب

شعبنا من فعايلكم برا
قبح الله من غدرشعبه وعاب

#ابوبدر_ذيبان_صالح_ذيبان

جاتك اشبال جيش الحيدرا
من اسود الحسين ذي ما تهاب

والذي بايواجهنا يرى
البراهين من حمر القباب

جيش الانصار بالله سيطرا
والفتوحات دقت كل باب

والعيون نحو الاقصى تنظرا

#إتحاد_الشعراء_والمنشدين

https://t.me/aboyahyaalshami

تابع المجاراة عن اوضاع مأرب وحال الاذناب .

#هادي_حسين_الرزامي

دارت أيامكم ياقاعده
يادواعش حصدناكم حصيد

وانتصرنا وربي رايده
لليمانين وعد الله أكيد

ياتحالف ورى مافايده
حصحص الحق برا ياعبيد

#ابومقبل_الشعيثي

ياجناح الصقور الفارده
فوق صوت الزوامل والنشيد

الخبر قب ونتي شاهده
لو يكيد العراده مايكيد

مامعه من كلامه فايده
والمجمع هو الحل والوحيد

#ابوحنشل_قاريه

كـل الانـصـار لـلــه حـامــده
مستغيـثـه بـخـلاق الـعـبيـد

ذا بـشـاراتـهـم مـتـوافـده
والمسيره تبـشـر بـالـجـديـد

والسما والخلايق شــــاهـده
خاب من يتبع ابليس المريد

كـل نشمـي مشـمّـر سـاعـده
معركـتنا إلـى يـوم الـوعيـد

#أخت_شهداء_البكالي

من ربى العز. كلمه واحده
ويله الويل من يوم الوعيد

الحقايق والرؤى شاهده
اننا اليوم دكينا الحديد

قالوا انا جن شارد وارده
واحد ٍ منا كما الفين جيد

خبروهم قوة الله واجده
بيننا ذي من له الباس الشديد

#محمـد_مجلـي

لو تسلم بعد مافايده
ياعميل الغرب والجنجويد

انتِ ياسبأ لنا شاهده
يفتحش كمّن مخضرم وجيد

كلـ(ن) شمّر للعدا ساعده
نحو مارب واجعلـوها وقيد

#صالح_حسين_ابواحمد

لا دواعش ولا شي قاعده
والسعودي على ارضي فقيد

باسنا اليوم شمر ساعده
من اولي الباس والبطش الشديد

والعراده وتاك المايده
روحت طش واتملت صديد

فتح مارب يشعشع راعده
يالمنين الفرج ماهو بعيد

#ابومحمد_السحاري

الرسـالــه تصل بالوارده
بلغها تكسر الراس العنيد

واقده من طــرفها واقده
نارها بتقول هل من مزيد

بانصحي العقول المارده
بانخلي قواهم كـ لجليد

ماتعودنا الحروب البارده
العزايم صم ويش الحديد

#الشاعر_ابوالعز

الـمـعـارك بـمـــــــــــارب واقـده
و الـدواعـــش بنوقدهم وقيد

الـمـديـنـــه بـنــا مـتـواعـــــده
ترقب الفتح و النصر المجيد

جيش الانـصـــــار حيا راعده
حول اسوارها البـأس الشديد

#صالح_عنبل

ما نفع مارب اهل القاعده
والدواعش و مولاهم يزيد

فاغنم العفو و اتبع قائده
قبل يجتثك البأس الشديد

شعب الايمان لحمه واحده
حينها اسموه بالشعب السعيد

من يفرط بلحمة ساعده
صابه الوهن و المقفي بعيد

#ابوعماد_الزايدي

حزب الصلاح وهل القاعده
بعاعو الارض بسعر الزهيد

مارب الخير ماهي فاسده
يا البلاكو وتر والجنجويد

كلمة احرار مارب واحده
لانتماء. لامكانه للعبيد

#علي_محمد_المحاقري

الرصاص في البنادق سـاجـدة
صـوتـهـا زلـزل اركان الـعـبـيـد

واليمـن شـمّـر الـيـوم سـاعـده
واستعاد الـسيـاده مـن جـديـد

لا المرتزق ربح وشل الـفـايـده
ولا تحقق لـلتـحـالـف مـايـريـد

#زاهر_الرصابي

اذهنــي يا القلـوب الخامدة
وضع مارب واضح يا البليد

الدواعيــش عليهم حاصدة
وحلف الأوباش والخاين شريد

بـعد مـارب تــعز والقــاعدة
لا عدن وعنــها ما با نحــيد

هن خيارين وماشـي فايدة
اما خــط الحســن ولا يزيد

#جميل_فرج

من بقي من فلول القاعده
حول صلطان من شلة يزيد

تنسحب فالصحاري هاربه
واولو العزم والباس الشديد

هي وقبلة سبأ متواعده
تفتح الباب وصفحه من جديد

#الشاعر_عباس_الصياحي

نحو مأرب أمم متوافده
بالبنادق وبالبأس الشديد

تحسم الوضع قوم مجاهده
بالهدى تحرق الحلف البليد

يـازنـابـيل نجـد الحــاقـده
انتـم احـذي لعبـاد العـبيد

قــل للاذيــال مابـه فائــده
يفهموا ماحصل للجنجويد

#ابومصطفى_الرضي

من مصاديق وعد المائده
وآل عمران والصف والحديد

المسيره بقوه صاعده
حقق الله وعده والوعيد

نهج واحد قياده واحده
قل لسلطان وعبيد العبيد

وابن سلمان مابش فايده
عصر الانصار عود من جديد

#رفـيق_أبـوعلـي

قالهاالجوفي لكم هي واحده
لويعود الطفل بطن امـه وليد

اخسئي يــــــالكلاب الشارده
جندربي اولي البأس الشـديد

بانصفي ذيول القـــــاعــــــده
والذي شلتــوه منكم بانعــــيد

#عدنان_جحوح

عيشة الحلف عيشة راكدة
بعدما عاندوا البأس الشديد

باتجينا الدواعش ساجدة
وعد(والله يفعل مايريد)

قوة الله لدولة صامدة
باتزلزل بمن والوا يزيد

#ابومحمد_العفاري

اليماني قال كلمه واحده
لن يسلم لخدام العبيد

لو يحارب جيوش القاعده
والنصارى يساندهم يزيد

النشامه ذي بمارب صامده
ورجال الله ذو بأسً شديد

#ابوإسلام_الحداء

وضع مارب معابش فايده
لـ التحالف وحقانه العبيد

نار لظئ عليهم واقده
كل ساعه وحرارتها تزيد

والمجاهد مشمر ساعده
يدعم النار من شلة يزيد

#شهاب_المتوكل

كل نطفه حقيره فاسده
من كلاب المملكه والعبيد

لازم استئصالها كالزايده
بعدها فيساع ياكل جيد

لجل ترحع بلدنا رايده
واليمن مضمون يرجع سعيد

شعبنا مادام يتبع قايده
عزته والمجد بايستفيد


#إتحاد_الشعراء_والمنشدين

https://t.me/aboyahyaalshami

المجاراة بعنوان شكر على موقف الأحرار من محافضة البيضاء الوافدين للعاصمه صنعاء بعد التبري من أعداء الله وأعداء الوطن .

البداية #أبورواسي_أرحب

بيض الله وجه من بيضوا وجه الزمن
صبة البيضاء وبيضا لهم طول الزمان..

كلنا أخوه عزنا في ثرئ هذا الوطن..
وأن فسلنا فيه فالله علينا المستعان...

بسمهم نرفع نداء العفو لأبناء اليمن.
المسيره للمغرر بهم بر الأمان

#ضيف_الله_سلمان

عاد (صنعاء) با تعانق بعون الله (عدن)
طالما (الايمان)قال النبي: كله (يمان)!!

موطن الاحرار قد ثار في وجه الخَون..
والقيادة في الميادين صمام الامان

(قد خلت من قبلكم)يا _بني زايد_(سُنن)..
والتحالف بايغادر وهو صاغر مُهان..!!

#الشاعر_ابوكرم_نشوان

نرفع البيضا لمن عاد لاصف الوطن
كم من ابيض وجه في ساحة البيضا يبان

من غنم للعفو يرحب ولا يحمل شجن
بعد ربي والعلم تضمنه جيش ولجان

الوطن والدين والعرض ماشي له ثمن
من يحاول بيعهن صابه الله بالهوان

#الشاعر_ابوعساف

قـالـت الـبـيضاء نـعم لـلقيادة والـوطن
بـعد سبع سنين من حكم زمرة طالبان

مـرحبا تـرحيب مـا راعـد الـقنفان حن
بالرجال أهل الوفاء والأخاء كمن فلان

كـلكم عشتوا ولا عاش من خان اليمن
مـا يـخون بـلاده إنـسان باقي له كيان

#عكام_القصاد

باسم ابو جبريل رحبت والرمز المشن
واسم ريسنا المجاهد وجيشه والجان

عودو والعفو مفتوح واشر الدحن
عفوا ابو جبريل من عاد له منا الامان

وبيض الله وجه الانصار ورجال اليمن
ذي تصدوا التحالف لهم عزه وشان

#ابوقصي_العويري

واليمن لازال واحد على مر الزمن
والغلط مرجوع مابيننا واحنا خوان

بانقاتل كل طاغي غزا شعب اليمن
صف واحد في رضاء ربنا جيش ولجان

يابن زايد لا حلمتو بجلسه في عدن
حلمكم كذاب والله ماتلقو امان

#ابو_يحيى_القهدة

اررررحبوا يا قوم شجعان يابناء ذي يزن
يارعى من حمى العرض والديره وصان

با نفعل مرجلتنا على كل الخون
ننتقم ممن تعاون مع الغازي وخان

المواقف دوووم بيضانيه من دون ضنّ
ما لقينا شخص واحد في البيضاء جبان

#الشاعر_ابوالعز

بيضوا البيضاء رجال الاباء درع الوطن
حي ابطال القبايل مع الجيش واللجان

كمن احمر عين ضحى لتحرير اليمن
لجل هذا الشعب بالعز ينعم و الامان

ما خسر غير الذي للمراخين ارتهن
باع نفسه بخس في ذل عاش الارتهان

#بلال_الصوفي

حيابكم يا احرار عد ما المزن شن
وامسى تراب الأرض من ماءه ملان

يا أحفاد تبع ياخلايف ذو يزن
أصل العروبة من بدايات الزمان

أنتم سند لأوطانكم وقت المحن
ياذي اتبعتوا الحق يوم الحق بان

#جميل_جعفر_ابوشامخ

نرفع البيضاء لمن قال ((لا مليون لـن))
نقبل الـذلّـه ونرضى بها في كل شان

والذي يرجع لصف الوطن فوق الوجن
قد بـنـيـنـا لـه عليها مـقـرّه و المكان

والخزى و الـعـار بصمه على وجه الخون
لعنة الباري لمن باع أوطـانـه و خـان

#عبدالله_بحنان

عودة الاحرار طلقه في نحور اهل الفتن
ما قبيلي يقبل الذل ولا فيهم جبان

رحبت (صنعاء)بمن جاء من (البيضاء)ومن
بايجينا والاخاء درعنا واكبر ضمان

كلنــا صــف واحـد نـحـو تحرير اليمن
والوفود من القبائل ترفد الجيش ولجان

#إبتسام_شرف_المحطوري

من مشى في الحق ياناس ماعمره وهن
قد أصاب الدرب والصح قد نال الأمان

والذي والى النبي وال بيته ماذعن
والذي اتولى اليهود، والنصارى استهان


مرحبا ياكل وافد الى ابن الحسن
جسد الايمان واستحقر الحلف الجبان

#صالح_عنبل

بعد ليل الوهم والشك و افلاس الزمن
بعدها آآمن بأن صنعاء هي الحضن الامان

ما عفى واصلح سوى ايمان واضح للعلن
و انت دل الدرب و اعتز والعوده ضمان

و اشهد ان العفو يا البدر باوقات الفتن
نصر تاريخي يخلد على وجه الزمان

#زيد_الحوثي

كلنا اخـوة من بلاد وكلنا ابناء الوطن
شعب واحـد كلنا ضد هجمات الكيان

كل من خان الوطن يدفع اليوم الثمن
با يرى ذلـــه وخسة ويبقى في هوان

بالتوحد والاخـــاء نعلن الوحدة نعلن
ومن غزانا يا زمن قصته كان يا مكان

#ناديه_السقطي

عزة البيضاء بكمن وفي وقت المحن
سطر الموقف بعزة وسجل له مكان

هكذا الاســـلام لا هبت أرياح الفتن
نعتصم بالله وحده وبالله الضمان

باتسجل له تواريخ تبقى للزمن
عاد لاحضان اليمن ما رضي بالارتهان

#عبدالواسع_صايل_الغولي

مرحبا مالاح براقه وبا اعلنها علن
بالذي قد عاد الى رشدة رفض للارتهان

في ربى صنعاء ديار العز لك اغلى سكن
بين ربعك واخوتك عرضك وماتملك مصان

ياسليل المجد لك تاريخ رافض للهين
اشهد انك حر والاحرار لها عزه وشان


#ذوالفقار_سفيان.

هكذا الدين والاسلام في وقت المحن
معدنه وقت الشدايد على الغازي يبان

مثلما موقف البيضاء على حلف الهين
ما ارتضت اي خـاين ولا تقبل جبـان

مُعـلنه لـِبنْ بدر الـدين بيـعـتـها علـن
رغم أنف التحالف ورغم انف الكيان

#فايز_الحمزي

بيض الله وجه من بيضوا وجه الوطن
قوم عند المغازي فعلهم واضح يبان

عاصمة سام بن نوح رحبت ترحيب علن
بالوفود التي غيّرت وجه الزمان

اليمن مهد الأمجاد والشموخ طول الزمن

تابع المجاراة.. لا سلام الا برفع الحصار

البداية #ضيف_الله_سلمان

ياقوى العدوان كلمة قصيرة
افهموا ل انتو تريدوا حوار ..

قالها المشاط عبر المسيرة
(لا سلام الا برفع الحصار)..!!

#ماجد_القادري

الحقيقه واضحه كلمه كبيره
واليمن من يستحق الانتصار
بلغو اعلام الحدث ولا الجزيره
التحالف بين قوس الاختيار

#ابوصالح _العملسي

يرفع العدوان من كل ديره
دون شرط اوقيد هذا قرار

او قد الصماد حدد مصيره
با تضيع ادبي بين الغبار

#ابوعهد

يشهدو سكان شبه الجزيرة
والخلايق ذي بعمق البحار

ماانحنينا لجل نجد الحقيرة
أو خضعنا لجل من جا وسار

#زاهر_الرصابي

خير كلمة بالفوايد منيرة
منها يحميك حُسن الاختيار

السلام قايم لكلمه أخيرة
يا قبلتوها ولا الدمار

#ابوحنشل_قاريه

مانفاوض غير صنو الأميره
لانـفـاوض مـرتـزق بالإجار

لاتـنازل عـن بنانه صغيـره
مـن وطنـنا ولا ذرّة غــبار

#ناجي_صالح_ابوردوم

الله اكبرالاوله والأخيرة
رددوهاواصرخوابالشعار

يفهم المهفوف ولاّخبيره
ذي من امريكاتلقى القرار

#ياسين_الفروي

حان تعميم الرساله الاخيره
يا القوى العدوانيه بختصار

تجنحوا للسلم والا لغيره
با ينكس كبركم "ذو الفقار"

#صالح_حسين_ابواحمد

ياقوى الع د و ان فرصه اخيره
اغنموها قبل نار الدمار

ردعنا يحمل عواقب خطيره
باتصل ناره الى كل دار

#اكرم_ النيعاني_ ابونبيل

مملكةنجدالدنيه الحقيره
مالها لسلم ايت قرار

بعدما المشاط رسل نذيره
يجنحو للسلم اوذاالفقار

#صالح_عنبل

عادة اصحاب النفوس الحقيره
تكره اصحاب الجهود الكبار

ما استفادت منهم ارض الجزيره
غير تمزيق الاخاء و الجوار

#عزالدين_جحاف

اليماني لا قد اعلن نفيره
بايخليكم تفكوا الحصار

ويلكم من شعب مرعب زئيره
بعد طول الصبر والانتظار

#ابوفتح_الاشول

والسياده لليمن في الأخيره
وإحترامه فوق أيّة قرار

عُمر هذا النفط صارت قصيره!!
إفهموها.... قد فهمها الحمار!!!!

#ابومنار_العشي

يا جوير السوء عليك الف خيره
لا تثوّر شعبنا المستثار

يجعلوا شبه الجزيره جزيره
لا أطلقوا رابع وخامس (عصار)

#الكرار_الجبر

أصبح العدوان محتار حيره
بعد ما شاف الامور الكبار

إن جنح للسلم والا بغيره
نجعله يركع ويبدي إعتذار

#فايز_بقلان

ماعاد بعد اليوم صحبه وجيـره
ماعاد باقي غير كسر الحـصار

اما يحافظ قبل نشعل سعـيره
ولا يذوق النار ويشوف الدمار

#ابوهكام_الحشيشي

كلمة المشاط وعي و بصيره
افهموها ي الرخوم القصار

بعدها لادق ربي نصيره
لاندم ينفع وما صار صار

#عبدالحكيم_النمري

ماهـي الأولى بسـ انْـها الأخـيــرة
فرصــة..ا-وضاعت عليه الـحـمـار😂

بن سعود اختـار يلقى مصـيرة
صبح غــدّ وومـملكــتهـم غبار.!؟

#ابوكنعان_الروس

لاالقرار بيده ولاهو يديره
ياحضرة«المشاط»والمستشار

نصحت بن سلمان يرعى حميره
لاكن ضهر سلمان نفسه حمار..

#عبدالواسع_صايل_الغولي

ياتحالف نجد شبه الجزيرة
بايجيك اعصار فك الحصار

بايثور الشعب من كل ديرة
ان رفضت السلم والإعتذار

#الشاعر_محمد_ابوالعز

السلام صنعه اراده كبيره
و الذي هو حر يصنع قرار

والسعودي مثل دميه حقيره
بالرموت اليوم عقله يُدار

#علي_درهم

هدنة المشـاط فـرصه اخيره
والسعـــــــوديه عليها الخيار

والمبـــادر كثــــر اللـــه خيره
ذي يبــادر ســـاعــة الإنتصار

#ابوخارف_أبوشوصاء

ياتحالف خيرت الله وخيره
وقفو من حربكم والحصار

دعوت المشاط دعوه اخيره
اغنموها لايفوت القطار

#إتحاد_الشعراء_والمنشدين

https://t.me/aboyahyaalshami

تابع مجاراة ((الشعار سلاح وموقف))

البداية للشاعر #بسام_شانع

رفع الشعار اسقط طواير واقنعة
والبارح اخر طايرة واخر قناع

مايرفع إلا راس من با يرفعه
لا عذر له لو كان مقطوع الذراع

انسان ماقد قاطع الله يقطعه
ويضيّعه لا ما لقي نفسه ضَياع

اثنين ياضدّه فقط والا معه
ماشي طرف ثالث فيَ الطراف الصراع

والواقع ان كلن محدد موقعه
والكل ماشي عن ارادة واقتناع

#ابو_ميثم_الزراع

هذا شعار الحق كلن يرفعة
واتسلحوا بة يانشامى كل ساع

ذا فرض ديني ربنا قد شرعة
خصص له الله سورة التوبة شراع

اعلن به ابن البدر في عام اربــ4ـعة
وعمد المشروع من دمة وباع

واحنا على عهدة وبانمضي معة
وصرختة والله ماتحتط قاع

معنا سلاح وخصمنا مابش معة
تأثيرة الفعال يفني قينقاع

#صالح_عنبل

من بعد ما كانت حبيسه باضلعه
صرخ ابن البدر و اطلقها الشجاع

في مركب اهل الحق كانت الاشرعه
خاضت مع اهل السبق و البدر الصراع

امست بمطره واصبحت بالصومعه
والله و اكبر جاوزت قيفة رداع

واليوم تدوي بالجهات الاربعه
بالارض يرفعها الضعافى و الجياع

واضحت سلاح الردع والا مصنعه
هزت قوى الطغيان في كل البقاع

#أبوحسين_العصري

مهما العدو حاول بمكره يوضعه
يزداد للعلياء توسع و أرتفاع

من وحي (لن ترضى) تحرك وأرفعه
شعارنا تحصين من تيه أو ضياع

سلاح قرآني بوعيك تصنعه
صداه ف الأقصى وغزة والقطاع

له بأس رباني لخصمك يردعه
ينسف عروش الكفر باسه والقلاع

#عبدالله_بحنان

شعارنا أمـ ـريكا تحارب وتمنعه
منذ حرب مران لليوم مستطاع

وكمن بطل مقدام بدماه يطبعه
والبعض حتى اليوم مهتز له ذراع

با يـــرتفع مطبـــوع والا نــوزعه
ويردد الجولان لبيك يالقطاع


والله ثم والله ثم والله لــ أرفعه
مني ولاء لله واخلاص واتباع

ونزيل من عاداه والكل يسمعه
رايات آل البيت في عز وأتساع

#ابوحنشل_قاريه

سلاح من يبدي براسه نسكعه
موقف ودين الله مواقف واتباع

والحلف بعد اليوم ماشي ينفعه
الإف وال سي اتش مكسور النخاع

مواقف المؤمن حـقـيقـه تـرفـعه
شموخ فخر ومعنـــويه وارتفاع

منهو وثق باللـــه ماشــي يمــنعه
يعيش بالعزه حــياته في اتســاع

معنا إلاه الكون واحنا اللي معه
ومن مع امريكا حياته في ضياع

#ابراهيم_الشرفي

ارفع شعار الحق بالصوت ارفعه
تلقى كرامه واستقامه وارتفاع

زعزِع به امريكا اللعينه زَعزَعه
واهدم حصون ابنا قريظه والقلاع

أصرخ.. يلاقي "بوش" فوراً مصرعه
كَبّر.. تنال النصر في غُبّ الصراع

صرخه من آيات الكتاب مجمّعه
هي في سفينتنا "المحرك" و"الشراع"

ذي ما اقتنع بشعارنا ما يقنعه
غير "المقلّم" وسط راسه والنخاع

#ابوبراءة_الديلمي

قلوا لحلف الشر يبشر نقمعه
نكسر اضلاعه وعظمه والنخاع

وباالبراءة نزعجه ونجعجعه
نهد قصره والملاهي والقلاع

وجيش سلمان المنافق نخضعه
نجرعه سم النقيع في كل صاع

#جميل _فرج

ذي ماجمع عقله إلى اليوم يجمعه
ويكون له موقف مشرف باقتناع

مع الشعار ودين الإسلام يدفعه
والقدس وفلسطين بمافيها القطاع

وجرح الأمة والوجع بايوجعه
وأن القضية والمعارك والصراع

مابين الإسلام والشعار ومن معه
مع اليهود وزادت اليوم اتساع

بانرفعه بكل فخر ونطبعه
فالقلب ونصرخ كل جمعة واجتماع

#علي_درهم_المؤيد

شعـ ـارنا في القــدس لازم نرفعه
ويرفعــه معنا اهـل غـزه والقطاع

به دابر اسـ ـرائيـ ـل لازم نقطعــه
ودابر امـ ـريكا ولو طــال الصراع

واللـه اكـبر واضحـــه فــي مطلعه
صرخـ ـه من القران مافيها خداع

كل مــن يعـادينا مـن اجلـه نردعه
ونرد له صاعه بخمسين الف صاع

هذا شعـ ـار الحـق ما حـــد يمنعه
با يرتفع في الارض في كل البقاع

#ذوالفقار_سفيان

يارافض الصرخه تبطل خيضعه
وشوف كيف الحق قد غطا الوساع

من ساند أمريكا غداً با تقمعه
وراجع التاريخ وابقى باطلاع

تستخدمه بعدين ترجع تندعه
واكبر مثل في وسط غزه والقطاع

وبعد هذا ما تفيد القنبعه
ولا يفوز اللي لحلف الشر طاع

#ابوهادي_صيفان

العز في راس الصميل ورافعه
سيدي حسين البدرصاحب لختراع

رفع شعار الله اكبر واسمعه
كل القوۑ ولاخشي كبرالصراع

ودوت الصرخات في الكون اجمعه
حتۑ وصل علمه الۑ كل البقاع

والشر من كل الجهات الاربعه
ما وقفو الصرخه ولااهتاب الشجاع

#مناع_شريم

صرخه شعار الحق اسس منبعه
حسين بدر الدين واتحدى الصراع

شعار هز الكفر وحلف الزوبعه
وارعب قوى الطاغوت في كل البقاع

جمعوا حثال الارض قالو نقطعه
قلنا انتهى عهد المذله والضياع

هيهات منا الذل وكلين يسمعه
ذي ما اعجبه بقعاء تجاهه ياضباع

ذي ما صرخ لليوم نصيحه يرفعه
يصرخ ويتبراء بقوه واندفاع

#علي_الشعيثي

سمع شعاري كل خاين سمعه
موت قرود الكفر بصوات السباع

الله اكبر داخل القلب ازرعه
والموت والعنه عليهم كل ساع

سلاح يقرح و البنادق تتبعه
هو المخطط والمهاجم والدفاع

والشخص ذي مايستلح به يفجعه
وستعلمي ذي فيش ياقلعت رداع

#إتحاد_الشعراء_والمنشدين

https://t.me/aboyahyaalshami    

تابع المجاراة عن الصرخة وخطورتها على المستكبرين..

البداية للشاعر #بسام_شانع

الانسان لو يُخلَق بلا حنجرة وفم
وهو حرّ لا يصرخ بخشمه من الباطل..

ويصرخ من الحرقة ويصرخ من الالم
وما با يقف في موقف ال(آآح) لا داخل..!!

#ابوعساف

صـرخنا وقـال الله هَـاَكُم مـن النعم
كـرامـة وعــزة مـا يـفرط بـها عـاقل

شـعار الـبرائة فـيه مـا يـجعل الأمم
تعيد النظر في سيرة الحق والباطل

#ابوريام_الطاهري

صرخنا بذلق السهم والفم و القلم
وصرخاتناتمطر صواعق من الزامل

وتقرح على العدوان من تحتهم لغم
و ثاثير صرختنا و تدميرها شامل

#حمزة_الحيمي

برؤية كتاب اللّه نهيمن على الأمم
ونور المسيرة يوصل الطالع النازل

اتى احسين بالمشروع ذي يبري الذمم
وبالهدي ذي ما ينكره آدمي عاقل

#ابو_برق_الظرافي

اذا كل مؤمن قدّم العهد والقسم
جعل ذا البراءة آية القادر الكافل

ويعرف بنفسة من ب اسلامه استلم
مظالم كثيرة دون مايصبح الفاعل

#عبدالله_القبلي

رفعها شديد الباس من سادة الامم
تزعزع عروش الضلم. والباطل الزايل

تخذ كل طاغي مثل فرعون الهرم
مع. البيت الابيض والامارات والعاهل

#صالح_عنبل

صرخنا برفض الذل و الظلم و الالم
وموقف برآءه بين الحق و الباطل

مع الحق واهل الحق و القائد العلم
لترفع شعاره دار الاسلام بالكامل

#ابوهادي_صيفان

لنا الفخر في صعده صرخنا من القدم
رفعنا شعار الحق مع السيد الفاضل

رفعناه من مرانه والباطل انهزم
مع قلة الناصر وكثرت قوئ الباطل

#مسعد_محمد_المثيل

صرخنا كما ردد بها القايد العلم
و صرخاتنا ترعب قوى الزيف و الباطل

ندافع عن الأمة قد التمت الامم
علينا الطواغيت اعلنت حربها الشامل

#ابوبراءة_الديلمي

براءة قويه خلت الكافر انهزم
ودوا صداها في اذان الوغد والعاهل

شعار الاباء زلزال بركانها حمم
ونيرانها قوه على حلف الردا شاعل

#الشاعر_رايد_الخمري

صرخنا وذا العالم من اهوالها انصدم
وحرك علينا الحرب منه كذا باطل

وجيش جيوشه ضدنا هكذا عدم
وحرك نعوشه يطفي الصوت بالكامل

#ماجد_المطري

شعار البراءه يرفع الوعـــي والهمم
ومشروع كامل بيَّن الحـق والباطل

قهرنا به امريكا كسرنا به الصنـــم
كشفنا حقيقة مكرهـا للذي غافــل

#ناجي_صالح_ابوردوم

رفعناشعارالحق في وجه من ظلم
وصرخاتناهزت صميم الصفاالصامل

ولك ياالشهيدالقائدالعهدوالقسم
نواصل على دربك ومشروعك العادل

#اشرف_الحسني

شعار الله اكــبر زلـزل الحلف والأمم
براءة مـن امريكا ومشروع متواصل

وشـعـب اليمن بالله سبحانه اعتصم
ومن حاول اذلاله رجع للورى فاشل

#ابومحمد_المهذري

له الحمد ربي يوجد الشي من العدم
يدافع عن اهل الحق مايقبل الباطل

ويقبل دعاء المظلوم ياويل من ظلم
يلاقي جزاءظلمه وياخذ جزاء عادل

#جميل_الجنيد

شعار البراءة سيف في حَده الألم
كشف مكر أمريكا ومشروعها الفاشل

وعضت أصابعها من الخوف والندم
وكلما جرى يشهد على خوفها الحاصل

#الشاعر_يوسف_الحداد

فما بالكم بلي رفعها على القمم
ومن واقع الميدان قد بثها عاجل

وصارت بعون الله ميراث للامم
برائة من الاعدا والكفر بالكامل

#اسامة_الجبلي

فلو لا صراخ مضلوم ماألضلم اهتدم
ولا اصاب ربـي القرى الضالمه وابل

ولولا صراخ موسـێ مااقتحم الهرم
وحرر ديار الكـفر واستبعد الباطل"

#إتحاد_الشعراء_والمنشدين

https://t.me/aboyahyaalshami

تابع المجاراة الخامسة للتحشيد ليوم الثاني عشر ربيع الأول مولد النور لنثبت للعالم مدئ أرتباطنا بالنبي محمد (ص).

البداية للشاعر #عزيز_الردماني

يا رسول الله يا بو فاطمه.
يا شفيع الخلق يا خير الأنام.

نورك أشرق في ليالي قاتمه.
وانقشع ليل الضلاله والظلامِ

أنت وآل البيت حجه قايمه.
وانت للأمه وللناس الإمام.

في القرون الماضيه والقادمه.
بعثتك رحمه وميلادك سلام.

#صالح_عنبل

ناصرين الدين واهل الحاسمه
حب هاديهم قداسه واللتزام

حب طه فيه سنه دائمه
خالده حيه بالانصار الكرام

بالعزل و القرى و العاصمه
ترجموها افعال عالين المقام

ما تلاشت بالحروب الناعمه
او بالاهوال في اي اقتحام

#ابونصر_عزام

يارسول الله انت للامه عامه
يامة الاسلام لبى خير الانام

هذا الرسول وآل حجه تامه
علينا بادرو بالسلام والا التزم

يا محمد انت للانصار حكمه
وحنا جنودك مع الاآل الكرام

لبيك من قبلة المجد العاصمه
من شعب الإيمان ارض السلام

#أبويمان_المهذري

أفـرحـي يـالـمـدن والـعـاصمه
يـوم مـيـلاد طـه نـسـل سـام

وكـتـسـي الـون الخضر عامه
ونشري الضواء عاكس فالغمام

عـز الاسـلام بـالـلـي حـاكمه
قــاد الأمــة و لآنــا الـعُـظـام

مـن يـمـنّـا الـولايـة حـاسـمـه
فـأول الـبـدع والا فـالـخـتـام

#ابوحسين_الراعي

اليمن دولة وصنعاء عاصمة
للنبي والشعب له درع وحزام

مولده خالد براس القايمة
والقسم لا نحتفل به كل عام

رغم من وآلى اليهود وخاصمه
والطواغيت الجديدة والقِدَام

لعن ابو من خاف ف الله لايمة
او خضع لاعداه ساعة. والسلام

#ابوحرب_الفقيه

مولد المختار فرحه دايمه
نحتفل بحيااها في كل عام

والنفوس لحب طه تايمه
من عليه ازكا صلاتي والسلام


يوم مالاعراب صارت هايمه
هايمه وسط المعاصي والحرام

شعبنا اتصدر علاو القايمه
في محبت سيدي خير الانام

#وائل_قدشان

استبشري وفـرحي يالـعـاصمه
بميـلاد طه النبي عليه السلام

بانحـتفـل ضـد اليهـود الظالمه
ياشعبنا الايمان ياشعب الكرام

بانعطي العدوان ظربه صـارمه
ظربه قـوية بـضـربات الـسـهام

صـلى علـيـك اللـه يابـو فاطمه
من اخرج آلامه من بحر اظلام

#الكرار_المشراقي

كلنا با نحتــشد للعــاصـــمه.
الله الله ياالرجاجيل الكرام.

نحتفل بطهربشرفي القايمه.
سيدالكونين البــــدرالتمــام.

نعمته نعمــــه جليه دايــمه.
طهرت رجس الطواغية الئام.

انت مسك الاوله والــخــاتمه.
حبكم ذي يحيي العظم الركام.

#ابوحيدر_الحامس

احتفل ياشـعـب روحـــه هايمه
في محبّت خير خلق الله هيام

لك عــلاقـه بالنــبي مــتلائمــه
تبتـهج به تحتـفل في كل عـام

رغم عدوان اليهــــود الضالـمه
غير انك بالنــــبي زدت اهتمام

مولده تحــيـيه دون مــساومه
لِن ولائك له بـدمّك والعـــضام

#فتى_عنس_الثائر

مولدك فرحه لشعبي دايمه
يارسول الله يابدر التمام

انورت أرض اليمن والعاصمه
قد كساها اللون الاخضر كل عام

في مدنها والقرى المتلازمه
رددت لبيك ياعالي المقام

بـ الصلاه وازكى السلام الخاتمه
توصلك طه مع الآل الكرام

#عبد الجبار السيقل

بك يارسـول الـلــه جو العاصمه
اصبح مخضر قــايـلا لا للضلام

انت رمز الشعب هاذا عاااااااامه
وانت نور الكون الا في كل عام

زدتنا قــــــــوه ونــخــوه عارمه
ندحـــر بها الكفار ياسيد الانــام

صلا عليك الــلــه يا ابو فاطمه
مايتلو المؤمن كـــــتابه بنتضام

#ابوفضل_المتوكل

يارسول الله يابو فاطمه
ياحبيب الله يابدر التمام

نورك اشرق في بلاد الحالمه
بعد ما عم الضلاله والظلام

وانجلا حكم السنين القاتمه
وابتدا حكم العدال والسلام

في حضور البدر من قد عظمه
ربنا وارسله رحمه لرض سام

#ابوسام_محمد_القحم

لولاك مالنعمه علينادايمه
ولا اليمن في مولدك شامخ همام

هذااليمن ياسيدي بك هايمه
كل المحبه لك وكل الاحترام

صلى عليك الله مسك الخاتمه
ياصاحب القرأن يالبدر التمام

قمنا بميلادك والامه نايمه
غير اليمن ياسيدي ماشخص قام

#علي_الوزير

الـمـودة والـمـحبـة دايمـة
في اليمن للمصطفى مابه كلام

نورت عقب الظلام العاصمة
ذي تحيي مولده في كل عام

والـقبايـل في المناطق عـامـه
رحبت واستقبلت خير الانام

خبرو كل الخلايا النايمة
ماعرف قدرالعظيم الا الكرام

#سلطان_خضران

ياسفينه فالبحيره عايمه
من ركبها سوف ينجا والسلام

ومن تخلف عنها امه حارمه
يوم لاعصم من امر الله حرام

بوصلتها والقيامه قايمه
نحو الاقصى متجه من ارض سام

سيدي لبيك عند الخاتمه
يارسول الله يامسك الختام

#زيد_الحوثي

صلت الــدنـيــــا وهـيّـه قايمة
وسلمت في يوم ميلادك قيام

للقرون الــمـاضية والـــقـادمة
والحضارات الجديـدة والقدام

بعثـتك رحـمـه ونعـمه دايـمـة
ما تفارقـنا ولا فـيـها انفـصـام

فـ الحـروب الطاحنة والناعمة
نحتفل كرما لعينك كل عــــام

#المولد_النبوي_الشريف 1444هـ
#إتحاد_الشعراء_والمنشدين

https://t.me/aboyahyaalshami

انت الذي حبك بنا متوالفاء
سجاه في شعب اليمن حبك سجاه

شعب الآباء في مولدك متشرفاء
والون الاخضر بالفرح والسعد جاه

#الشاعرذوالفقار_القيدله

لبيك ياطب الجوارح والشفا
يانور عم الكون هذا من ضياه

ذكراك يامن حل طيبه والصفا
ذكرى عظيمه يوم ميلاد الحياه

يبقا لنا قدوه وأسوه واقتفا
واحنا اليمانيين لبينا نداه

#صالح_عنبل

ما يوم نوره عن محبيه اختفى
بدد ظلام الليل حتى انهى دجاه

بمولده شعب الميامين احتفى
ومحبته لاهل اليمن عزه و جاه

يا خير من لبئ ويا اكرم من عفاء
يا هدي من ضلا ويا مركب نجاه

#ابومقدام_الخمري

ماخــاب من بك دوم عيد واحتفى
ياســــــيد  الكونين  يادرب  النجاه

انت الامـــل  للناس  ياطب  وشفاء
من يلتجي  بك نال  بك  عزه وجاه

عليك  صلى   الله  يارمــــز  الوفاء
وعلى حفيدك والوصي  آل  النجاه

#ابوالكرار_المجنحي

يا مرحبا ياعز واشرف من لفاء
يا من بك الكون اكتساء عزه وجاه

روح ضلام الجهل وقفى واختفا
من نورك الساطع ومن قوة زجاه

وجرحنا الدامي من النور اشتفاء
والفضل لك يامن وقفنا في حجاه

#الشاعر_ابوشهيد_القطمي

لبيك يا منهل تميز با الصفاء
يا خير هذا الخلق كامل وإرتجاه

نورك لنور الشمس و البدر أكسفا
و حبك في أعماق المجاهد قد شجاه

يا سيدي ذكراك في الشعب إحتفاء
بك يحتفل شعبي و فيك إحتجاه

#فتى_عنس_الثـائر

لبيك يانــــــور الكواكب شــــــرّفـى
ميلادك الكون الوسيع نورك سجـاه

يانـــور هــذا الكون باهي بـ الصفى
نـــــوّرك ملا الدنيا ولامع صولجــاه

ياسيــد الكونـيـــن للخلق انصفـــى
يارحمــــة للعالمين دربك نجــــــــاه

#ناجي_القطيبي

لبيك يامن ذكرك الطيب شفاء
من شعب في ربّي ركونه وِلْتِجاه

احنا فراشك يامحمد والدفاء
انته وءالك لليمن طوق النّجاه

تستاهل الوقفه معك والاحتفاء
في مولدك يامن امين الوحي جاه

#عبدالواسع_صايل_الغولي

عهد الضلالة يوم مولدك اختفى
ياسيدي ماعد لهم عزة وجاه

وشعب اليمن في يوم مولدك احتفى
وفي رضا رب السماوات مرتجاه

رغم العنى بانحتفل رغم الجفى
رغم انف من ضد الرسول اعلن هجاه

#ذوالفقار_سفيان

لبيك والطرف اليماني ما غـفـى
يفـرح ويتباهـا بميلاد الــحـياه

في يوم لك الاعراب كلن قد جفى
واتيهودو خلف الملاعـين الـطـغـاه

ما غير هذا الشعب في حبك صفى
وبـا تـظل النبض فـي داخـل حـشـاه

#ابوصادق_الشيبري

بالفضل والرحمه يمنا احتفاء
في مولد المختار مصباح الحياه

الكل منه يرتوي عذب الصفاء
ومنهج المختار نبعه من رواه

لبيك ياخير البراياء الاشرفاء
يااسوه الانساه تبصير وضياه

#أسـامـة_المـعبـاء

هاقــد لفـانـا مولــد الهادي لفى
ياشـوقنــا ياشعبنـا سـاعة لقـاه

بلنور قـد جـانـا وطبه والـشفاء
طه الذي قد حبه الله وصطفاه

حيـاك يانبع الهـداية والصفـاء
يا منهل الـدين الالهـي والنواه

#عدنان_جحوح

لبيك يا من بالرسالة شرفا
كل الرسل والأنبياء يوم اصطفاه

ربي لصدري يا رسولي قد شفى
أسقامنا يا عطر خالد للشفاه

منا الولاء منا الفداء منا الوفا
منا السلام السرمدي وازكى الصلاه

#الشاعر_ماجد_القادري


ياسيدي احنا معك أهل الوفاء
وغير دين الله لن نقبل هواه

النور باقي دائمآ ماينطفى
والكون كامل ماوصل لا مستواه

في عيد ميلادك شعبي اكتفى
حتى اكتمل كل الفرح كامل وفاه

#ابوهادي_صيفان

لبيك ثم لبيك لك منى الوفى
لك مننا التسليم لو سرنا حفاه

لبيك من شعب اليمن خير الوري
ما دامة الامطار تنزل من سماه

لك عهد ما ملنى ولانتخلفي
ومع ابن بدرالدين في خط النجاه

#عبدالقوي_البطل

معك ابينا الضيم والذل اختفى
وخوفنا في الله وحده لاسواه

مهما الاعادي ضدنا تتحالفا
لاننا سرنا بدربك في الحياة

يلقوا بنادقنا عليهم تعزفا
باخشامها ضربات ويفروا حفاه

#الشاعر_ابوفاطمة_الشريف

ياقدوتي  ياسوتي   يا  المصطفى
يامن بك الروح اكتست عزه وجاه

عز الله انك  نور  فينا  ما  نطفى
به اهتدينا يوم بعض  الناس تاه

صلى عليك الله  مالوافي  وفاء
صلى عليك الله  مالمومن دعاه

#الكرار_المشراقي

لبيك يابلسم جروحي والشفى
ياصيدلي الكون يانورالحياه

انت الاامان لامتك وانت الدفى
وانت المعلم والمربي والنجاه

شعب اليمن في مولدك مايوصفى
عمه فرح والنور من كل اتجاه

#ابوخارف_ابوشوصاء

لبيك يانور البصاير والشفاء
من فظله رب الخلائق وصطفاه

كل اليمن لباك والشعب احتفى
لعترتك لازال ثابت في ولاه

باقين في نهجك وكلا نخلفا
ومنهج الاسلام بانحمل لواه

#ابوقيس_الرفاعي

لبيك مهما بادلونا بالجفاء
عربان والت من يعادون ألإله

لبيك ذكرك طب قلبي والشفاء
وغيرنا قد ظل عن دربك وتاه

#حسين_الدهمس

يامن به الأجرام والظلم اختفى
واليل غيّب والنهار اشرق ضحاه

يانور للأســـــلام يابلـسم شـفاء
للناس والرحمن من عنده حماه

ماخاب من يسلك طريقك واقتفى
دربك ولا يأتيه فــي الدنيا متاه

#بشار_عباس_الشومي

لبيك شعب العز بادر بالوفاء
يا سيدي والشعب ماخارت قواه

تابع المجاراة بعنوان ‏وفاء لأهل الوفاء وفاء لفقيد الوطن الوزير الماوري ودعوة لحضور التشييع المهيب يوم غد التاسعة صباحاً في جامع الشعب.

البداية #الحمزة_المغربي

في يوم #تشييع_الوزير_الماوري
ونعم بـمن رد الوفا له بــالوفـا

هـامة يـمـانيـة وقـائد حيدري
عـطان تمم في حضوره والحفا

يا كل ساحات الـكـرامة كبري
وسجـّلي تأريخ عمره ما انطفـى

وشاركي تشييـع رسمي عسكري
للمـاوري من بعد عيد المصطفى!!

#جبر_المسعدي

كفاء ووفاء الثائر السبتمبري
الماوري فرش الكرامه والدفاء

قائد محنك دبلوماسي عبقري
تاريخ يكتب بالمعابر فالصفاء

حواري اسطوري بتاريخه ثري
يعري اصحاب الخيانه والجفاء

القوم ذي سارو مسير السامري
وحاربو موسى ذي الله اصطفى

#ابوإسماعيل_الجابري

باسمي وقومي باسم آل الجابري
نرفع له البيضا علن ماهي خفى

قـائد محنك فخر لآل الماوري
وفـخـر للأجــيال به نتـشـرفا

نجمه لمع ما فوق نجم المشتري
وشـعبنا لاهــل الـمـروه منصفا

#اشرف_الحسني

دعوة لتشييع الوزير الماوري
لا جامع الشعب احضرو ياهل الوفا

خلى العدو الداخلي متقهقري
واعلن ولائه لال بيت المصطفى

افشل مكائد كل طاغي مفتري
في كل لحظة ماتوانى ماختفى

#عبدالله_القبلي

الله اكبر يامواقف صدري
نهجش مسيرة بذل ما تتوقفا

هاماتها قادات مثل الماوري
من كرمه ربه وعزه واصطفى

يشرف البيضاء مدنها والقري
تشيع لايق به وموقف منصفا

#صالح_عنبل

شامخ الراس فينا حاضري
ما عسى يوم عن صنعاء اختفى

بأندفاعه تحير ناظري
يسهر الليل ماجفنه غفاء

اول الليل بأمن الدائري
و آخره بأمن حده والحفاء

ما التفت شي لعجل السامري
او تخلى عن آل المصطفى

قل لبو فضل عاد الماوري
ينشرح خاطره بعد الجفاء

#ناديه_السقطي

ياهاجسي قل القوافي احضري
وبلغي الاحرار بعد الاحتفاء

ذي مادري لليوم والي قد دري
للماوري كلن يهب ويزحفا

تشييع لايق للوزير الاشتري
يحرق عدو الله وخاين مرجفا

يبقا الوفاء لاهل الوفاء دايم ثري
وياسلام الله على من شرفا

#ابوحرب_العتب

في مثل هذا القائد المتنمري
الكل الى التشييع لاحد يختفا

تشييع جثمان الفقيد الماوري
الكل معني مااحدا منها اعتفا

الماوري مؤمن مجاهد حيدري
لاجنة الفردوس يارب اخطفا

#جبريل_ياسين.

الماوري وما ادراك منهو الماوري
رجل المواقف والشرف رجل الوفاء

لجل الوطن والدين كانه حيدري
قد باع نفسه والله اشتراها بالصفا

مثله فقدنا ابو صلاح القوبري
والملصي وسيدي أحمد مغاوير الكفا

#إتحاد_الشعراء_والمنشدين

https://t.me/aboyahyaalshami

تابع المجاراة عن
العرس الجماعي لعدد تسعة الف عريس وعروس برعاية الهيئة العامة للزكاة) .

البداية للشاعر #احمد_درهم_المؤيد

انطلقنا من جميع المناطق
واجتمعنا فالزفاف الكبير

في زكاة المال مابه فوارق
في اليمن بين الغني والفقير

خبروا من كان في الفيس ناعق
قلنا ويش أزعجك ياخبير!!

#مانع_البوساني

فُتَّحت بوب الأمل والمغالق
والسلا والخير مزنِه غزير

بعدما اقصوا كل خاين وسارق
ذي مخالف منهجه والمسير

والمسيره ساقها خير سايق
بالهُدي والدين نِعم المصير

#ابوكنعان_الروس

الفرح غطى جميع الفوارق
والتهاني جات عبر الأثير

ندعو العالم يشرف يسابق
مرحبا اهلا كبيرهم والصغير

المكان صالة السبعين طابق
اامام ابوفضل الشهيد المشير

#ابوثابت_المجنحي

رغم صكات الزمن والعوائق
شعبناء مؤمن بواحد كبير

في رضاء الباري فيالق فيالق
يحفضو حق الإخاء والجوير

قد لهم فل وقت عدت سوابق
ونشدو عنهم حلول الغدير

#يعقوب_الخمري

بالزكـــاة نفـتح جمــيع المــناطــق
ذي تبــقت في الجــنوب الأســير

إنفـــقوا مــن مال رب الفــوالــق
لحـــدا يبـــخل على اللــي فقــير

#الشاعر_ابوفاطمة_الشريف

في سبيل الله سرنا فيالق
والله  ايدنا  بنصراً  كبير

قد هزمنا كل طاغوت مارق
لن  ربي  حسبنا  والنصير

ماخشينا من جميع العوايق
و تبعنا   للكتاب   المنير

#شهاب-المتوكل

شعبنا ياذي بمولاك واثق
افرح افرح بالزفاف الكبير

وارفع البيضالمسؤؤل صادق
يعمل بذمه وعنده ضمير

في الزكاه اليوم غاظ المنافق
زوج العزبان من كل دير

#شبل_ماويه

عاد بيت المال قل للمنافق
لا يزايد او يلفق كثير

الزكاه اليوم لكف صادق
والمزكي هو بذاته يدير

الفرح صافح جميع المناطق
ليش طيب والمنافق يغير

#عبدالله_بحنان

في شراك الأمــركه كل نـاعق
غاض من عرس الزكاة الكبير

حارق وخارق لحاقد منافق
ونهدي العرسان من فل العبير

سابق ولاحق نزيح العوائق
والعمل لله أخلاص الضمير

#الشاعر_بشار_دهقم

خير مشروع له راعد وبارق
وأثمرت في الزفاف الـكبير

نمتلك ايمان با لله صادق
والهدى والحق خطاً يسير

شعبنا قادات مابش فوارق
بأن هاذا غني والا فقير

#ابوبراءة_الديلمي

يايمن ليمان للمجد سابق
وعلنه عبر الصحف والأثير

ديننا يارجال الله سنه نطابق
دين ختم المرسلين المنير

باالزكاه بانجعل الشعب رايق
والزواجه لشباب المصير

#ناجي_القطيبي

لاتخافو من كلام المنافق
الكذب ياناس حبله قصير

بانزوّج تسعه الاااف صادق
من زكاة اهل اليمن لويطير

اهجمو يهل الجعب والبنادق
فوق من عاده يشبّ النفير

#جلال_الغولي

مت بغيضك موت ياكل ناعق ..
يشهد الله ماتلاقي مجير

عرس تسعه الف خط الحقايق
ماحصل مثله ولاله نظير

اليمن في صون عرضه مسابق
وانت داري ان شخصك حقير

#ماجد_المطري

كل خطوة باتغيظ المنـافق
ترضــي الله القوي القــدير

إشهدي يالنايفات الشواهق
بانشجعها صغير وكبيــــــر

للزكاة اليوم من كل خـافق
تعلن الأفراح يـوم النفيــــر

#ابوسياف_الوحيشي

المنافق طول عمره منافق..
لو تهب له قمح ردده شعير..

بوق ناطق لنميمات عاشق..
فطرته منذ الطفوله حقير..

بانعررس بللغوا كل ناعق..
رغم انفه والمسيره تسير..

#ماجد_النوعة

شعبنا المغوار مؤمنٍ وصادق
واحتفل بالاف وقت العسير

زوجوا بالاف رغم العوايق
عرسوا فيها لمن هو فقير

وشعبنا المقدام كان المسابق
وفي زكاة المال صار الكثير

#الشاعر_ابوحاشد_ابوسعيد

قد تزوج مجد يحيى وصادق
والبطل هادي وخالد بشير

دق راسك يا منافق منافق
اليمن في عرسهم مستدير

اليمن خيره يعم الشواهق
من زكاته عرسهم والنضير

#الشاعر_عبدالرزاق_ذياب

يارجال الله يانور شارق
في عرس هذا الحضور الكبير

رددو لبيك يابدر صادق
باسم ابو جبريل هذا القدير

#بشير_سفيان

اليماني كلجبل حيد شاهق
والتعاون بل الغني والفقير

كل عام اثبات صدق الحقايق
وزكاه مشروع خيري وفير

كمموا افوه كمن منافق
واسكتو ابوق كمن حقير

#ابومحمد_العفاري

لاجل استار النفوس بالمحازق
والزواجه شي يروي الضرير

حصن للانفس من كل ماحق
دائما يسعى لهدم الضمير

بالناعمه قد شكلوها الفيالق
جيش متنكر بلبس القصير

#صالح_عنبل

للاشقاء كلهم والشقائق
بانبارك في فرحهم كثير

وانصح اهل الفندقه والحدائق
تحت بقعا خير لك يا خبير

لو حديث الزيف صابح حقايق
كان ما ابوها عديم الضمير

#اشرف_الحسني

الــزكــاة لــكــل مـهـمـوم ضـايـق
يــــوم ابــونـشـطان فـيها الوزير

خارجت مسكين بين الهم غارق
سـهلت لـــه كـــل مــاهــو عسير

يـوم كانت قــبل في يــد سـارق
مـاتـصـل محتاج والا ضـــريـــر

#عبدالله_العباد

لونقارن مامضا في فوارق
لازكات اليوم فارق كبير

في زمان البدر شفنا الحقايق
شافها فى الشعب كمن فقير

حق بيت المال قل للمنافق
في مشاريع كلها فعل خير

#الشاعر_ابورفيق_العياني

ابتهجنا وخبر كل دانق
إننا نحيي الزفاف الكبير


#إتحاد_الشعراء_والمنشدين

https://t.me/aboyahyaalshami

تابع المجاراة الثانية عن (العرس الجماعي الثالث الذي ترعاه الهيئة العامة للزكاة لاكثر من عشرة آلاف عريس وعروس)..!!

البداية #ضيف_الله_سلمان

الايمان في شعب اليمن جسّده عطاه
وقوّة نسيج المجتمع في تكافله..

على منهج القران واعلامه الهداة
نفرنا جميعا كلن ابدى تفاعله..

قيادة حكيمة اسست(هيئة الزكاة)
مشاريعها صدّت مشاريع باطله..!!

#الشاعر_ابوصادق_الشيبري

المجتمع باالله واثق وفي عـــــراه
اقام الفريضه واضحه في تـعامله

وارسى قيم واعراف متجسده ولاه
وباالنهج رباني يبين تكامـــــــــــله

على ردع حرب الكفر ونواعم الطغاه
مضينا نحاربها ولا به مجاملـــــــــه

#أبوحسين_العصري

مع الله شعب العز با يدحر الطغاة
في الناعمة و العسكرية نقاتله

نحصن شباب اليوم من خطة الغواة
نخفض مهور البنت يكفي مماطله

ونصنع ونزرع كل واحد من إتجاه
كما قاااال جدي شل منه وناوله

#الشاعر_ابوحيدر_عامر

وردت حقوق الشعب وجتاحت الطغاه
قياده لها التاريخ يسجد وزامله

قياده اصيله اسعدت كامل الؤباه
على الواقع اتبنة مشاريع كامله

وعرس النشامى اليوم ذي يقهر البغاه
لنا النصر دايم فالميادين شامله

#الشاعر_ابوالعز

من الخمسه الاركان للاسلام هي الزكاه
بتنفق بمصرفها و مافي مجامله

بيصلح لنا الاعمال اذا صلحت الولاه
وتتبارك الاموال ولابه محايله

ولعنه على عفاش مع حقه البغاه
بهم ضاعت الاركان فريضه ونافله

#ابوجهاد_اللاحجي

علـــــينا بنعــــــمة ربنا ندحر الــغزاه
قسم لوجمع ذا الكون كامل جحافله

ومن اعتدانا قـط ماننسي إعتــــداه
ولابدما يدفع ثمـــن مــا تــِـطاولــــة

يــماني ومن شاف اليماني رفع يداه
مزكي ويبذل باالســــــنة ال قـــافلة

#صالح_عنبل

تضع بالصحيحه صح و الخاطيه خطاه
قياده حكيمه تحمل اخلاق فاضله

ومولى الضمير الحي ستر الوعى غطاه
في احياء التكافل مستمره مراحله

ثلاثه محاور ما تميز بها عطاه
تراحم وقوة ردع و ارساء المعادله

#صالح_حسين_ابواحمد

نفاخر بكم يانصار فعلتو الزكاه
لذو الفقر والحاجه وذي العوز قاتله

اقمتو فروض الله ، وافنيتو الطغاه
كتب اجركم ما ارخى على الارض سابله

حنيني لذي عاقد على الثانيه مناه
وعصا الاوله خضرا براسه مصامله

#الشاعر_محمد_علي_الجنيد

مع الله تحركنا جميعاً في إتجاه
وجتنا من الباري رعايات شامله

في عرس مابه مثل حجمه ومستواه
على مستوى خارج بلدنا وداخله

مع السيد اللي حل بقلوبنا غلاه
وساند يمنا ثم عالج مشاكله

#ابواياد_المطري

زكاة المواطن فعلها مثلما الصلاه
لها دور في الاعمال ولا المعامله

فلا حد يؤديها على شاكلة هواه
يجب ان تٌسددمثلما الصوم كامله

وربي له الإنعام والفضل لا سواه
رزقنا بهـيئه أدت ادوار فاعـــــــله

#ابواحمد_الوايلي

وشعب اليمن جاهد و سموهم الحفاه
وما شعب مثلك يا يمن با يعادله

تكافل جميع الشعب واخرج من الزكاه
وزوج به العزبان وانشى عوايله

وما قاله القايد لشعب اليمن سواه
بنا فيه مسقا العز واقبل سوايله

#عدنان_جحوح

مع الله والمختار واعلامنا الهداه
بتبقى صلاة الله للشعب كاملة

تكافل - تعاون- رحمة الله من سماه
بتنزل علينا دون أية مقابلة

فحنا رجال الله والجند والأباه
بنجعل هموم الناس بالعون زائلة

#ابو_جهاد_صبر

طريق الحقيقة خط قاده علم هداه
وجاب المسيرة خير مهدا عوامله

سفينه من الباري بها كامل النجاه
فيا سعد من يركّب عليها تواصله

مسيرة بها جالخير من كل الاتجاه
فـلازم لـهاء بـالــحب مـناء تـبادلـه

#جميل_الجنيد

حَمْدْ ربنا شعبي على خير ما عطاه
من النصر والتمكين بأول مراحلة

بفضله وعونه أسِسَتْ هيئة الزكاة
لها أدوار ملموسة قديرة وفاعلة

تِحَصن شباب الجيل في واقع الحياه
تقل للعدو حربك على الشعب فاشلة

#علي_بن_علي_مسرع

قد الدهر ما شافه من افعالنا حكاه
ولا عد قناه ما بث فيها مقابلة..

وما ودعه ربي بلدنا وما قلاه
ولو ضده العالم جحافل تقاتله..

هو الله يجري لليمن مرتبة علاه
وبالله حقننا نتاج المعادلة

#ابوكنعان_الروس

فمن غير رب الكون وحده ولاسواه.
هدنا الى دينه وحسن المعامله

نصرنا على حلف الملاعين والطغاااه.
وصرنا جنود الله مهمات شااامله

ونعم القياده طامعه بس في رضاااه.
تجلة بتسعه ألف حكيمه مناااضله

#مؤيد_التوهمي

سلامي لهذا الشعب ارضه مع سماه
ومبروك للعرسان ياوقوم واصله

واجمل تحياتي الا هيئة الزكاة

ومن شاركوا في العرس وبداء جمايله
وفي الختم قل لهل العداوات والغزاه
يمناء كما البنيان كيف باتقاتله

#الشاعر_متاش

ولا بايقيم العدل والحق في الحياة
ويبني لأمتنا حضارات شاملة

سوى الخير والإحسان في كل مانراه
وبالهئية العامة وحسن المعاملة

ولولا زكاة النفس مافرضت الصلاة
تصون الشعوب والمجتمع من رذائله

#إتحاد_الشعراء_والمنشدين

https://t.me/aboyahyaalshami

يا طومر التضحيه والتضحيه طومر
ملكته التضحيه في مشهد ايماني

يا حيدر الطومري و الطومري حيدر
ان ما انت الاول فأنا بأقسم في الثاني

يافخر الانصار في مثلك نعم تفخر
رفعته ابناء اليمن لاعلى وفاء انساني

تعجز حروفي لمدحك ليتني ما اشعر
اخرسته القافيه في نطق لساني

#صالح_عنبل
#إتحاد_الشعراء_والمنشدين

تابع المجاراة (4)
محاولات استهداف الجبهة الداخلية تتحطم على صخرة الوعي اليماني.

البداية #هادي_حسين_الرزامي

قل للتحالف قد مضى عصر الضياع
الشعب واعي لامكانه للعميل

لنه زمن كشف الحقايق والخداع
ولى زمان الزيف والفكر الدخيل

والموت لامريكا تزلزل كل قاع
صرخه رفعناها ولا عنها نميل

#ابو_ميثم_الزراع

الشعب عارف وش هو طبع الصراع
واعي ومتحصن ولابه له مثيل

من "ولتكن" ثم الولاء والإتباع
نصنع دروع الوعي والهدي الجميل

لاقال خصمي جوع لوكنا جياع
قلنا شبعنا لـ ان ذي صيح عميل

#ابومصطفى_الرضي

ثقافة القرآن عزة وارتفاع
شعب اليمن مايرتضي عنها بديل

فاهم طبيعة معركتنا والصراع
والردع الاقوى والصمود هذا دليل

خلاص عصر الزيف ولى والخداع
لايحلم اذناب اليهود بالمستحيل

#أسـامـة_المـعبـاء

بلمكر والتضليل والزيف والخداع
والكذب والتحريف والفكر الدخيل

خلوا جميع الناس في حاله صراع
ويسعوا لجل اسلامنا يصبح قتيل

لاكننـا في ظل قائـــدنا الشجــاع
يقــــودنا بـ العز في خيــر السبيل

#ماجد_النوعة

مهما مضى حلف اليهودي بالخداع
والمكر والتضليل للشعب الاصيل

با يجني الخيبه ولا به اتساع
في شعبنا للزيف والفكر الدخيل

شعب اليمن في نهج طه باتباع
ماضي على نهج النبي في كل جيل

#فاطمه_فقعس

ثمانيا اعوام ماتقدمتوا ذراع
وسلاح محرم والطوائر والثقيل

الئ الهجوم سرنا وكنا فالدفاع
احنا توكلنا علئ نعم الوكيل

كيف تغزوا الشعب الذي لله باع
دون الشرف مانقبل العيش الذليل

#صقر_الريمي_ابو_الذهب

بفضل ربي في يمنا. لا ضياع
بعث لنا هادي حمدناك يا جليل

شهيدنا القائد وسيدنا المطاع
ملازمه تهدي لنا جيل بعد جيل

أهل الكتاب اليوم قدهم في ضياع
واهل النفاق الخاسئين كمن عميل

#ابوتميم_الافجم

ما مثلنا بالوعي في كل البقاع
وصبرنا في النائبات اكبر دليل

كلن بذل منا بقدر المستطاع
وداس انف المرتزق هو والعميل

#إيمان_الانصار

قل للتحالف قد خسر كل المتاع
ويش باقي ينفقه حتى يطيل

قد كشفه الله وانتزع القناع
واضهر التوراة في الوجه الكحيل

من يحارب أمة القران ضاع
ولو يحول دائرتها مستطيل

#الشاعر_زياد_زيـد

للمعتدي بالكذب زاد الاتساع
ماينصر الله كل متأمر عميل

الموت لمريكاء نردد كل ساع
تزلزل العدوان والحلف الدخيل

#ابوعزيز_طالع

الحيه امريكي وسلمـان القنــاع
ماهزنا الإخوان وعمال الـدخيل

وعاد ابن زايد لتنـــياهو يـطـاع
وبـعواء القــصاء لاسـرائـيل ليل

جوعت شعب العز باالهدنه ضياع
سيف اليماني لاخرج هز الذليـــل

#الــكـــرار _الـعـقـيـبـي

قولوا لااذناب العـــماله والخـــداع
شعب اليمن مايقبل النذل العـميـل

مشروع امريكا انتهاء ولاء وضاع
ومن رفـع راسـه بقـي لـه بلصـميل

معـك مـعك ياسيدي وامرك مـطاع
لو تستمر الحرب جيل(ن) بعد جيل

#الشاعر_ابوحمزه_المقاش.

الليل يا اهل العز حان الإجتماع
والتفرقه منبوذ فـ الشعب الاصيل

با نحتزم بسلاحنا جنب المتااع
يلعن ابو من عاش في الدنياء ذليل

دام القياداة اصطفاء دون اقترااع
ما يوم با نقبل لقايدنا بديل!!!

#أخت_شهداء_البكالي

اليوم كشف الاقنعه واول قناع
يسقط الى مستنقع احقاد العميل

ارض المسيره زايده في الاتساع
قد غربلتهم غربله باقي القليل

اليوم حان التصفيه فك الشراع
واصدع بماتؤمر من المولى الجليل

#الشاعر_ابوفلاح_الحداء

قصد التحالف. بايثيرون النزاع
الشعب. فاهم خطة. الخصم الذليل

احنا اكتشفناء. ذي لبس. عدة قناع
والعز يااهل. العز. في راس الصميل

#مشعل_الحاكم

لابارك الله في بشر للامن بــاع
وشخص خاين عاش ناكر للجميل

حسبي من الله من تلبس باالقناع
حسبي من الله هو لي نعم الوكيل

#ابو_نواف_العرجلي

مافي قواميس الإِبْاء (ثورة جيــاع)
ولا بصـف الحـرُّيـــة (ثاير يميـــل)

مشروعنا قلعة على روس الضباااع
مابـا يهــز أركانهـا نعـــرة عميـــل

نـور الهدايـة عــاده الا فـ اتَّسـااااع
وأهل الظلالة مالهـم فينـا سبيـل

#صالح_عنبل

الله معنا من بدايات الصراع
والشعب بايمانه تحدى المستحيل

يوم انكشف له ما يواريه القناع
ميز هجين الاصل والجذر الاصيل

فلا الكواسر تستمع هرج الضباع
او تنحرف عن دربها الصعب الطويل

#إتحاد_الشعراء_والمنشدين

https://t.me/aboyahyaalshami

تابع المجاراة (7) العدوان والحصار ونهب الثروات سبب المعاناة والازمات..


البداية #ضيف_الله_سلمان

مطابخ العدوان شغاله
والغاز والبترول في مأرب..!!

من ذي قصف سعوان والصالة
والباص ذي فوقه مائة طالب!!

لعنه على العدوان واذياله
وكل خاين مفتري كاذب..

يستهدف أعظم شعب ورجاله
اهل الوفاء والموقف الصايب

من جاد بالصماد وأمثاله
والله مايبخل فيَ الراتب..!!

#جمال_الماوري

من ذي بينفق كامل امواله؟
ويوجه الأذناب ويحاســب

من ضدنا بيحرك اذيـــالــه
ويلامس الموجب مع السالب

من غيره (العداون) باعماله
هو من يواجهنا وبيحــــارب

والمرتزق يا لعن ابو فـــالــه
مع العدو يسعى وهو راغب

أمسى التصدي له ولاشكاله
يا شعبنا والوعي هو واجب

#الشاعر_ابومقدام_الهمام

الحق دايم تٌعرف افعاله
والباطل افعاله ترى خارب

سل مأرب التاريخ كيف حاله
وهل ضربنا غازه الساكب

وسل ولد سلمان ماجى له
هل قد ضربنا طفل اوشايب

تئبا القيم ان نعمل اعماله
وأخلاقنا والدين والواجب

قمنا لنصر الحق وإكماله
مانضلم اهل الحق بالراتب

#ابومحمد_المحتسب

يامرحبا والليل يالباله
حيا الله البركان والثاقب

سمع ولد سلمان مواله
ياحيدري ياشبل بن طالب

ابدع بسلمان والحق اعياله
افتك ببتهم واده الواجب

والمرتزق قم قطع أوصاله
والله معك وأمره الغالب

#جبر_المسعدي

قولو لذي شغال جواله
وموقفه في مامضى سالب

مابايقع شي ذي على باله
لو يجتمع ماء البحر في قارب

والبدر وجه الخير فاقباله
واحمد (ذلح حبله على الغارب )

ياجند ربي والنبي واله
كلن يلبي لادعاء الواجب

والناس كياله ومكتاله
(واهل النقاء هي تورث العايب)

#ابوشهيد_القطمي

لا نسمع الكذاب و أقواله
و الحلف في حرب اليمن خايب

و كل داشر بآن منواله
و الله على أمر البشر غالب

من يصنع الغاغات بــ أفعاله
عميل منافق مرتزق كاذب

يلعن أبو المحتل و أشكاله
كمن ردي طعفارهم واجب

في المرتزق يا قوم قدي حاله
بتشغلة يلحق ورى العايب

#ابوناصح_العزي

كمن منافق حد معواله
عميل متخاذل وزد عايب

قلب الحقايق كلها اقواله
مايوم كلمه جابها صايب

وطول عمره عيشته عاله
في الوحل لا نخرته راسب

يشجع الغازي بطباله
والنهب للثروات و الراتب

مابه رجوله هو وامثاله
لن المنافق موقفه سالب

#ذوالفقار_سفيان

ما ينفعه هرجه وطباله
والعين ما تعلا على الحاجب

ولا التحالف هو وعُمّاله
البيت الأبيض فوقهم راكب

زوجين متيهود وحماله
وكلهم قد قام بـالواجب

لو ينقصه شي بس رواله
للكذب والتطبيل متجاوب

لكن مادام القوم رحاله
تسقيه من نار اللظى اللاهب

#الشاعر_ابوحيدر_عامر

شوفو السبب هادي وذياله
ذي دخلو المحتل والغاصب

ينهب حقول النفط وامواله
وحصار اطبق فوقنا قاطب

شعب اليمن قد حلته حاله
والحبل ماعاده على الغارب

بان المنافق هاذه اقواله
اليوم يشتي ندفع الراتب

طابور خامس مرتزق عاله
الجز ابوه يا جيش بن طالب

#زيد_الحوثي

مع حفيد المصطفى وآله
النصر والتمكين متعاقب

أمر العدو محسوم وأذيالة
الي بدا بالامس متكالب

لن ينصرة جاهة ولا مالة
ولن يفيدة مُلكه الذاهب

ابواقهم كـلن معه بــالة
بالة عميل بالبلبلة حانب

غاغة ومفراغة ومرفالة
والحبل ماعاده على الغارب

#ابويحيى_القهدة

يا شعب كلآ يحمل اثقاله
قد حان وقت البذل للواجب

مهما يدق الخصم مواله
فالسلم في الواقع خبر كاذب

هذه قدي رفله ومرفاله
والشعب من تظليلهم غاضب

با ندحر العدوان واذياله
ونطرد المحتل والغاصب

#علي_جارالله_داشع

لي ساعد العدوان بافعــــــاله
حمى على اللحيه مع الشارب

لابد مايندم علـى اعمالـــــــــه
وندق خشمه دق من جــــانب

قرب الفتيــــــــل النـار شـعّاله
بانشبك الموجب مع الــــسالب

ونجــثهم جَـــــثه بــــغرمــــاله
ولا فـ ما احنا اشيـاع بن طالب

يامن تولى الكــــفر واذيـــــــاله
الله مـــــــولانا وهـــــو غــــالب

#شاعر_بلاد_الروس

من كان دينه طول سرواله
وطالت اللحيه بدون شارب

هولا تحالف نجد وانذاله
لاعاد سفن تدخل ولا قارب

لاقصدكم من يطلب اداله
سارق لمن ياتي ومن ذاهب

نعرف كلامه غير افعاله
ملعون وجهه دايمأ شاحب

لاخير في سلمان وجهاله
ولا وزير فيهم. ولا حاجب

#أبوخارف_ابوشوصاء

معروف تظليله وطباله
احنا عرفنا الخصم واللاعب

المكر والتظليل مواله
بس نعرف الدجال والكاذب

مكشوف أمر الشر ونذاله
ونعرف السواق والراكب

هذا اليمن هيهات اذلاله
الخوف في قاموسنا غايب

البحر لازم نعلن إقفاله
والعين ماتعلى على الحاجب

#صالح_عنبل

يوم الوطن و العرض نادى له
ما انضم في جيش ابن ابي طالب

ولا حضر و الحرب شغاله
ولا بذل لجل اليمن واجب

واليوم صابح يلعب الباله
واصبح على اهله يفتل الشارب

يطعن ظهور ابطال خياله
يظن نفسه حضرة النايب

من فكنا والدم سياله
وباع نفسه ما اقتنا صاحب

#إتحاد_الشعراء_والمنشدين

https://t.me/aboyahyaalshami

تابع المجاراة (8)
(تحالف العدوان يستهدف جبهتنا الداخلية عبر أدواته وعملائه )!!

البداية للشاعر #عزالدين_جحاف

قولوا لأمريكا العجوز الكاهنة
وكل أذيال القوى المتآمره

أم العواصم مطمئنة آمنة
بفضل ربي والعيون الساهره

ومن ينفذ مكر نجد الخائنة
بالوعي والإيمان نقطع دابره

#وردان_الحاج

ياهل العماله والفلول الخائنه
اخزاكم الله بوله والاخره

يا تسلمو وتكونو قوماً مؤمنه
ولا عليكم بانحط الدائره

جنود ربي في المراصد كامنه
لايغركم لو هي عليكم صابره

#مؤيد_التوهمي

نشتي نقرحها وعادي فاهنه
خليك وقد في ناس هي متآمره

جت منهم ذي قام ركب شاحنة
بايحرقوه اهل النفوس الطاهرة

ومن يحيك الشر داخل باطنه
يحرق بشره باطنه او ضاهره

#ابو هادي_الغمري

بالوعي صـــارت ناعماتهم حاينة
وبالامن صـارت نايماتهم خاسره

ثامن سنه هــــي نفسها اولا سنه
باالناعــمـه والنايــمـه والــطايره

يستهــدفــــك بالبارده والطاحنه
والان قــــــد دارت عليه الدايره

#رشيد_المحضار

في ضل اوضاع البلاد الراهنة.
من يلعب بذيلة نتفنا صابره.

رِق القلوب اللي المنافق ساهنة.
هو عاالرجال المومنين تناضره.

اما المنافق له نشامى ذاهنه.
يحمو العرين اهل النياب الكاشره

#صالح_عنبل

من باع دينه بالظروف الراهنه
واقبل على الاولى وعاف الآخره

لا تحتزم به بالحروب الطاحنه
ولا يعدوه الرجال الصابره

ان اقبلت يشتي فطيره ساخنه
و ان ادبرت قفأ وحنتر صابره

#ابومصطفى_الرضي

السابعة مرت وجات الثامنة
وشعبنا صامد وربي ناصره

واجه دول واحزاب كبرى خاينة
وكم قد استهدف ثعالب ماكره

بشر سعود بحروب كبرى طاحنة
حتى تجينا لينا ذليلة صاغره

#ابوالفتح_الجرادي

وحنا لها في حـــرب ولا ســـاكنه
بوعيــــنا وايــمانــنا والعـابــــره

سياسيه او نـاعـــمه اوطـــاحنــه
بالله نتصدا الحــروب الكافــــره

تنكبل باحـلاف الخـناء والملـعنـه
بعون ربي والمســـيره سايــــره

#الشاعر_عبدالحافظ_صبر

حلف الغوئ ذا اليوم نفسه هاينه
يشبر عـلا مـلـطـام يـمـلأ صـابره

ومـخـطـطاتـه باذن ربي واهـنه
ومـن طـغئ دارة عـلـيه الدائره

شعب الـيـمن بالله قـوه بايـنه
تـعـجز عـليـهاء كل قوه كافره

#سلطان_اللاحجي

قلو لأمريكا على وش راكنه
اوضنت أنهاف رياض،القاهره

تحرم عليها الخلخله وطنطنه
الشعب داري ولحقاق ضاهره

ون زيدت بالغنوجه ولحنحنه
تحرم عليها زدتمشي باخره

#ابورعد_مصلح

تبقا المعارك في الميادين طاحنه
حتى نـبيـد كـل الـقـوى المتآمره

مهما العدو حشد خلايا خـائـنـه
لابـد مـايخسر ونـقطع دابــره

بـالـوعـي والإيمـان صنعاء آمنه
بفضل ربـي والعيون الساهـره

#هاجس_الشومي

قولو لإسرائيل الحقيرة الواهنه
وكل خدام العماله الفاجرة

صنعاء بخير وامورها هي فاهنه
بفضل ربي و لرجال القاهره

#أسـامـة_المـعبـاء

ياشعبنـا من بعــد عـام الثــامنة
وتضحيات وكل الدماء الطاهرة

مابـا تزعزعنــا اليهـود الماجـنة
بـ النـاعمة والبــاردة والطايــرة

الوضع آمن والحيـاه هي فاهنه
بفضل ربي والعيــون السـاهرة

#ابوشهيد_ابوراس

اعيون جندالله دايم ذاهنه
والفتح جا مضمون وعد الاخره

لابد من قص الغزاه الخاينه
واهل العماله والقوى المتأمره

احناعلى استعداد بعد الثامنه
والحسم هو في التاسعةوالعاشر

#ابوحمزه_المقاش

هذه مجارات الرجال الثامنه
ونفوسنا بـالله وحده عامره

بـآيات ربي جندنا متضاامنه
كامل خطاها للقوي متضاهره

لو ضاقت الدنياء تضلي فاهنه
داام الثقه والمعنويه حااضره

#ابوزيد_الزبدي

قولوا لبن سلمان هذه الثامنه
ولا جنى غير الهزايم ناكره

نكشف حروب الظاهره والباطنه
على يدي امن العيون الساهره

الحق واضح والحقايق باينه
انضر وشاهد والجرايم حاضره

#الشاعر_ابوصادق_الشيبري

بالله والقران حفظنا الراهنه
والنصر والتاييد قوه قاهره

الوعي راسخ والمواطن حاضنه
والمرتزق خانع وموزه خاسره

اوراقها فشلت وكانت راكنه
في الاقتصاد والناعمه والثايره

#ابوهادي_الجامع

ماهمنا ضهر العدو او باطنه
ولا قواهم سابقه والآخره

احنا معا الجبار حرب او فاهنه
مثل الوحوش الشامخه والكاسره

ماهمنا تضليل نجد الخاينه
وحلمها فاشل كماهي خاسره

#إيمان_الانصار

لاشي بقايا امركه متعاونه
ولّا موالي للعدو متناثره

نصيحتي تصحى وترجع فاهنه
ولّا علاجاته قدي متوافره

الشعب ضدك ياحليف الماجنه
وانت جالس لك بأوهام خاسره

#ابو_يحيى_الشوكاني

اخزاكم الباري ملوك الفرعنه
عاديتوالاسلام شله فاجره

رعات امريكاء خليج الصهينه 
لعنه عليكم يالملوك الصاغره

احنا معاالجبار حسب البينه
من هو معا الرحمان ربي ناصره

#أبوصخر_الجوحمي

لوتنشروا كل الوجود الكائنه
امريك وال سعود حتى الكافره

مابا تزعزعنا دسائس هينه
ولكل باغي باتدور الدائره

الغزو ولا المكر نفس العينه
والكل يكسرهاالرجال الساهره

#إتحاد_الشعراء_والمنشدين

https://t.me/aboyahyaalshami

تابع المجاراة عن أهمية الموالاة لله ورسوله والمؤمنين في اكتساب العزة والكرامة والنصر وتحصين الجبهه الداخليه
لكل شاعر 4 ابيات فقط

البداية #عبدالرحمن_الريامي

المسكـــنه تنكــي مساكيـــنها
والعـــز والعــــــــــــزة كنـــانة

كم دوله انــــذلت ســلاطينها
وشعبـــــــها اتسحبـــل بـ ذانه

على الـــــــولا خطت قوانينها
للبيت الابيــــــض والخــــزانه

حطت على جمر الجشع دينها
لاما احتــرق وجـه الخيـــــانه

امّا يمنا فــي ميـــــادينــــــــها
رجـــــــــال ماتـــرضى المهانه

لو بانكل في القحط من طينها
ماياخـــذو منـــــــــــــــها بنانه

#ابو_يحيى_الشوكاني

كرامة الاوطان تامينها
من خبث صهيون الجبانه

خدام لامريكاء ملاعينها
سلمان من قاد الخيانه

ثقافة القران من حينها
وضح لنا محكم بيانه

انصارللرحمان تمكينها
لاخوف من سابق جنانه 

#مرتضى_رضوان

العز للامه في دينها
الال والقرآن حصانه

والله بين مضامينها
الدين والمنهج امانه

الحرب هذه ميادينها
مقهور من يقبل خيانه

نواجه امريكا وشياطينها
من واجه الحق مهانه

#ابومصطفى_الرضي

الناعمة نعرف عناوينها
ومخترعها والديانه

بالوعي بانفشل قوانينها
وداعميها والخزانه

ولاية الله في مضامينها
لآل النبي فيها الحصانه

لاقامة الحجة وتبيينها
ولنصرنا كرت الضمانه

#ابوفلاح_الحداء

المسكنه للنفس بتهينها
العز لمن يظهر سنانه

والنفس لااذتلت لشيطانها
تستاهل انواع الهيانه.

انصار ربي في ميادينها
وكل ليث. ماسك مكانه

رجال ربي ماسكه دينها
ونصرهم مظمون ظمانه

#صالح_عنبل

انصار دينه في ميادينها
والشعب ينعم في امانه

واعداه ذي تطلق لساسينها
في كل موقع و اي حانه

ان ما تحصن من شياطينها
بالله ربه جل شانه

وان طاح يا كثرة سكاكينها
واذا نهض يكسب رهانه

#ابوزكريا_المأخذي

لو الشعوب تعرف مضامينها
ولاية الله الضمانة

لو تحشد الدنياء فراعينها
تبقى الشعوب حره مصانة

وان رضت لطغاة تهينها
تعيش مقهورة جبانة

#الشاعر_ابوحبيب

عقالهاقدهم مجانينها..
ماعادعاقل في مكانه...

بيشيب الاطفال في حينها...
وماقداتسمئ جمانه..

ضاعت عليهارقة الحانها..
ورجعت حبلئ ملانة...

ومن علق في وصد
ميزانها .....
تكثر علية جم الأهانه..

#أسـامـة_المـعبـاء

الامة الاسلامية بدينها
تعتز والاعداء مهانه

بوعيها عزه وتحصينها
بقرانها واضمن ضمانه

باتنتصر والله بيعينها
ويذل احلاف الخيانه

والشعب للاعداء بيهينها
وكذابها نقطع لسانه

#ابومحمد_المحتسب

الزوبعه بانت تلاحينها
بالفيس بدئة باللعانه

بان المرض والخبث ذي بينها
وكلمن طول لسانه

لكن يالجيش اقلعو عينها
والشعب بيساند لجانه

الويل لا حنت بركاينها
يامرتزق يكفيك دخانه

#نايف_بن_حمود_دهمش

ابـيـات مـفـهـومه عـنـاويـنـهـا..
الــحــر مـا يـسكت لـسـانــه..

عـز الـيـمـن يـاصـاح بـراكيـنـهـا..
هــذه حــقـيـقه بالأمــانه.

عـيـون الاحـرار هـي مـيـازيـنـهـا..
الــحـر بـيـكـون لـه مـكـانـه..

حٌـمـر الــخلـيـج مـاعـد لـتـأمـيـنـها..
مـن قـسـوره آيــة حـصـانـه..

#الشاعر_كرار_حيدره

العز للأمة بقاء دينها
والآل والقرأن حصانه

والله قد بين مضامينها
وحمل الناس الأمانه

حرب العدو هذه ميادينها
ملعون من يقبل خيانه

نواجه أمريكا وشيطانها
واوضاعنا تحتاج حصانه

#ابوعلي_سند

الخط يعرف من عناوينها
شعب اليمن عالي مكانه

مادام ذي ترسل براكينها
تهدم قصور اهل الخيانه

والمملكه خسرت ملايينها
وخاب في حلفه رهانه

#ابوناصح_العزي

الامه الماسك على دينها
ولائها لله ضمانه

وبالنبي واله عنوانينها
في طاعة الله جل شانه

امه محصن من معادينها
تدوس عباد الكهانه

بالوعي والايمان تمكينها
بنصر ربي او جنانه

#ابوهادي_صيفان

تبت يد امريكا وتب دينها
تبت مشاريع الخيانه

وتبت اسرائيل من حينها
وملوك نجد العن مكانه

فـ اخر زمان اتت شياطينها
ومسيلمة بوظبي اعانه

واحنامع اهل البيت واحسينها
ذي عز دين الله وشانه

#ابوهادي_الجامع

الملعنه جابت ملاعينها
وعمالهم خبلا. جبانه

والعار والخيبه قوانينها
من خان بانقطع لسانه

ونجد ذي جابت شياطينها
والله لاتصبح مهانه

معنا قياده من ميادينها
الكون قد وقف مكانه

#الشاعر_زياد_زيـد

الحرب بانقلـب موازينهـا
نـسئـل مـن الله الأعـانـه

الناعمـه زادو شيـاطينهـا
واهل النفاق وهل الخيانه

بالهدي باننقـذ مصابينهـا
من هـدي ربي جـل شانه

ثـقـافـة القرآن عنـاوينهـا
الوعي لها اكـبـر حصـانـه

#ابوحيدر_عامر

الهيمنه فشلت عناوينها
وشعبنا بالله رهانه

وانصار ربي في ميادينها
والمرتزق والا زمانه

الناعمه طاحت مضامينها
والجيش ثابت في مكانه

التاسع احنا ميامينها
والنصر بان نعلن بيانه

#إتحاد_الشعراء_والمنشدين

https://t.me/aboyahyaalshami