المجاراة بعنوان دور رجال الامن في كشف الخلية الاجرامية ومن يقف وراءها من قوى العدوان .

البداية #ابوليث_المحضار

بيض الله وجـــــهها الداخليه
والرجــــال الساهره لـ أمننا..

من جعــل دار اليــماني عليّه
عن يد اللي قــد بغا حـزننا..

وانت ياشعب العلوم الشليه
امــــننا يبـــدا فــقط مــننا..

بانبادر لجــل كــشف الخليه
والتـعاون - حل- مــابيننا..

#ضيف_الله_سلمان

نصر رباني وآيه جليّة
نحمد الله زاد لطفه بنا

ذي كشف ما دار في الفيصلية
من تآمرهم على شعبنا..!!

للعيون الساهرة فاعلية
بعد سبع اسنين دورة بناء..

من تولى الله فالله وليّه
ياتحالف نجد وابشر بنا..

#الحمزة_المغربي

يـوم خـضـنـا معركة مفصليّة
مـا سوى رب السـماء حسبنـا

حــط فيـمـا نـعـمـلـه قابليــّة
والخسارة مــا تـجـي قـربـنــا

ولـصقور الأمـن و الداخلـيـة
حارسينـا في الحِمى والـبـنـاء

تمـّمت شُـم الجبال العـلـيــّة
وافتـخـر واعـتـزّ وادي بـَـنــا

#ابورواسي_ارحب

البليه طول عمره بليه
وابتلاه الله في حربنا

جهل مايتجاهل الجاهليه
قامت أحزابه علئ حزبنا

بعد ما لاقاااه في ماهليه
جلده أتكيف علئ ضربنا

تم كشف الخطه العايليه
والتأمر تاااااه في دربنا

#يحيى_الوحيشي

خاب حلف الشر في كل ليه..
كل هذا الفضل من ربنا..

واحبط الله مكر شر البلية..
يوم نوّر بالهدى دربنا..

حربنا ما تقبل الهوشلية..
والتحالف يعرفوا حربنا..

رصدنا فايق نظام الخلية..
نكــــــتشفها قبل ما تُبتنا..

#ابوسياف_البيحاني

في ظروف المرحلة مفصليه
امننا اثبت قدرته عندنا

اكتشفتوا ضد شعبي خليه
تنوي التفجير في ارضنا

خططت للفعل شر البليه
السعودية على قتلنا

يبشروا بالرد مستقبليه
رد قاسي ياخذها مننا

#عبد_القدوس_الصباحي

الشدايد كلها منجليه
دام خلاق السماء حسبنا

من يريدوا عودة الجاهليه
قد طحنهم طحن مخلابنا

العقيده ظدهم ممتليه
ذريه تصرخ من اصلابنا

معنويه عاليه معتليه
ودف الإجرام في حربنا

#عبدربه_الحداد_البيحاني

اسالوعنا لضا ماهليه
يوم ذقتو يالغزاه الفنا

لاتضنون الحرايب دليه
كل مابارق لهبها سنا

لادخلنا معكم الهوشليه
مالقينا منكم قدنا

باذن ربي يايمن منجليه
كل جاني بايرى ماجنا

#علي_مغلي

ذي حسبها لعبة الهوشليه
ذاق بأس الله يا شعبنا

آيتك يالامن آية جلية
وانت يالايمان نصرك دنا

تقضي الحكمة على الجاهلية
في اراضيها وفي ارضنا

يا جبل كهبوب يا الماهلية
بلغوا سلمان جاه الفنا

#ابو_برق_الظرافي

ذي محسب حربنا هوشلية
ذا نتايج من جهــل حربنــا

معركتنا معركــة مفصليــة
حاسمة قـد قــادهــا ربنــا

يانُسخ بو جهل فالجاهلية
عــزنــا باللــه واعــلامــنــا

لية الأنصار فاالحرب ليّــة
وامننا شغّال ياشــعــبــنــا

#ابوحنشل_قاريه

امننا نعـمه مـن اللـه جـليه
واللـجـان الأمـنـيـه درعــنا

خبت يالموساد والقنصليه
مستحيل تـفـكـفـكو صفـنا

مثل خيط العنكبوت الخليه
مــن نسيم الريـح باتــوهــنا

لاتـضـنـو الشعب كالـهـوشليه
مــن نـواىٰ بالسـؤ ذاق الـعنـا

#ذوالفقار_سفيان

المراحل كلها مفصليه
وانتصار الشعب وعده دنا

من رجال الأمن شفنا دويّه
والعدو مابا يحقق مُنى

عاد با تقبل مراحل قويه
ضد عدوان الخزا والخنا

#ابوحسين_العصري

نحمد الله صبحنا والعشيه
ذي بتوفيقه حفظ شعبنا

حاطنا بألطاف منه خفيه
رد كيد اللي مكر ضدنا

في نحرها الشله الداعشيه
زاد باجرامه وحقده عناء

مرحلتنا القادمة فيصليه
بقوة الله نجم نصره دنا

#عدنان_جحوح.

والثقة بالله دايم قوية
دام رب العـرش مولى لنا

ما نهاب الكيد والعنجهية
من بغانا بايلاقي العنا

زمرة المحتل صارت ضحية
يوم جاءتنا بكاس الفنا

با ندك الإف والمروحية
بالولاء اللي نصر شعبنا

#حسن_احمد_المهدي

شل يا هاجوسي اطيب تحيه
واسقهـا من سيــل وادي بنـــا

للعيــــون الامنيـــه والوفيـــه
سورنـا الحـامـي تـراب ارضنا

وابـلغ العـدوان واهـل الاذيـه
والله انـــه في مشـاف امننــا

راصديــن اذنـابــه الداعشيـه
وانتهــاهـم بـ اذن ربــي دنـى

#إبتسام_شرف_المحطوري

والرجال الشامخه معتلية
لانها للدين مثل البِنا..!!

خاف منها الموت حتى المنيه
عانقت من يرتقب حتفنا..!!

ضربت الابطال هي حيدرية
منها ذاقو اشد العنا..!!

بالولاء للآل قمة عليه
والتحالف بالمريكي دنا..!!

#جميل_جعفر_ابوشامخ

يا سفير الحرف و القنصليه
هات ما عندك قدك عـنـنا

داخليه ما تبا الهوشليه
او تبا الفوضى هنا او هنا

والذي يلوي لنا ألف لـيّـه
ما يجد له شي سكن عندنا

من مع الفوضى بـلـيّـه بـلـيّـه
يستحق الموت هو و الفنا

#الشاعر_ابوفايز_الميثالي

شلّوا التمييــــز والأفظليــة
هم دعامتنا وهــــم عوننـــا

النتايج عادهــــــا أوليّــــــة
يقطبوا في كشف من خاننا

بعد تشريد القوى الساحلية
والزناديق ارتفـع شاننـــــــا

هكذا التكتيك والفاعليـــة
يشكروا من دافعوا عننـــا

#إتحاد_الشعراء_والمنشدين

https://t.me/aboyahyaalshami

تابع المجاراة عن يوم الصمود المتزامن مع ضربات الأنصار التي أحرقت قلوب ونفط المنافقين .

البداية #أبويوسف_القاري

أسبوعك اليوم إنتهى يابن سعود
والعاصفه ماعمرها أكثر من ثمان

انظر على بث المسيره للحشود
واسمع صدى الصرخات ونقاط البيان

في كل ساحه سال طوفان الصمود
واتراكمت في المملكه سحب الدخان

وحده بوحده كل بدع وله ردود
بركان جاهز للأقامه والأذان

#ابوبدر_ذيبان

هبت على حلف الردا نود الردود
وامسى السعودي يلطم الوجه المهان

واتغيرت كل الموازبن والبنود
حتى الرهان ماعادهو نفس الرهان

شعب اليمن حطم حصاره والقيود
واطلق لثارات الصواريم العنان

هي قوة الله ذي منحها للجنود
سبحان من له عاقبتنا والامان

#ابوحسين_العصري

سبحان من ثبت مداميك الصمود
من كان له فضل الرعاية والأمان

ذي مدنا بالعزم مولانا الودووود
عليك يا رحمن تحقيق الرهااان

بفضلك التصنيع دايم في صعود
وأعدائنا تفخر بمنظومة دهااان

خلاص ولى عصر تمجيد اليهود
ما ذل من والاك يا ربي وهاااااان

#محمـد_مجلي

صمود هاذ الشعب ما مثله صمود
قهر طغات الارض كامــل والكيان

ما دام وان المملكـه خانت عهود
ليمنعكم خلّو ســريع يقر البيان

حريق نفطه جاب فالقلب البرود
واشفى صدور الشعب جيشه واللجان

قـُل للسعودي قادمين له بالأسود
قريب نوصــل باقي الا اربع بنان

#عبدالله_بحنان

من موقع القوة وإيمان الجدود
بعد سبع اعجاف يالسبع السمان

هدنة ثلاثة ايام في يوم الصمود
من حكمة القادة لتحقيق الامان

والا ابشرو بالرد وجحافل جنـــود
تحرق خليج العهر بستثنى(عمان)

والبحر في تايون للمندب يعود
ونجمع العالم ل(يحيى) في بيان

#الشاعر_ابونبيل_ النيعاني

صمودنا يالشعب طعنه في كبود
عبيد المريكان والحلف الجبان

وحشدنا اثر على كمن حقود
سكت على الباطل ووالاهم وخان

ما همنا لو يجتمع من في الوجود
يلعن ابومن عاش في الدنيا مهان

البادع اضلم بالغو حلف القرود
عد باتصل ضرباتنا عمق الكيان

#ابوصالح_عنبل

حيا بثامن عام باعوام الصمود
في موطن الحكمه على مر الزمان

صموده اتحدى النصارى واليهود
وهز الامريكان و اخزى التركمان

اعصاره ارعب كل قوه بالوجود
فأنهارت الموساد واهل البرلمان

#براق_المنبهي

اعصار وتجلت مصاديق الوعود
هذا جزا من باع دين الله وخان

بجهادنا والعزم وايمان وجهود
غطت سما جده سحاب من الدخان

كم قلت للمهفوف يامغرور عود
لاكن تلبس كبر فرعون الزمان

ياصاعق التنكيل يازجل الرعود
صبي غضب يشوى به النذل الجبان

#عبدالقدوس_الصباحي

سلمان لاقبل ابرهه والفيل عود
وارجع كما كانت حياتك في زمان

وارجع لدار الدرعيه يابن سعود
هاذا اذا جيشي سمح لك واللجان

وان كان حظك مرتبط بايام سود
لجيشنا ربي جعل راسك رشان

ثامن سنه واحنا علئ نفس العهود
وانتم علئ نفس التراجع والهوان

#عبدالواسع_صايل_الغولي

شعبي معاه الله في هذا الوجود
ومن مع غير القوي حلفه مهان

بفضل ربي جيشنا اجتاز الحدود
ولقن العدوان انواع الهوان

ثامن سنة واحنا على الأمة نسود
ومن يسالمنا فله منا الامان

والا فبانسلخ عن العظم الجلود
ودولته تصبح خبر ماضي وكان

#صالح_النقيب_الجوفي

بعد البروق الخاطفه جات ارعود
تذكره في نفس توقيت ازمان

معنا ثقه بآيات ربي والوعد
بعد السنين العجف تخلفها السمان

وانتوو ثقتوفي مواريد النقود
باتحرق افكارك وينحط ارهان

وبايسير المرتزق ذي فلحدود
ونك تطالب في وصاطه من عمان

#إبتسام_شرف_المحطوري

في يوم ذكرى بأسنا جئنا أسود
نطلق بصرختنا صدور الامتهان

والضرب فوق اعناق طغيان الحسود
ينكِّس الكبر المَعَمِمْ للجبان

وخروجنا أنَّا لدين الله عمود
ولأرضنا والعِرض بصمات البنان

مابيغيرنا ردي ولا نطبع لليهود
لو نحترب أعوام باالله الرهان

#ابوسعد_صالح_الجايفي

الله شاهد واليمن كله شهود ..
وكل فارس ممتطي ظهر الحصان ..

ان اليماني حيد من فوق الحيود ..
اذا فزع يتلحم العشر السمان ..

بنار حمراء يحرق الخصم الحقود ..
ويعلم الي يجننو اصل الجنان ..

وصف الكرامه و الأباء ماله حدود ..
ما يقبل الذله سوى الشخص الجبان ..

#الشاعر_أخوهيثم_نضال_حُميد

واعصار متجهز لاتنفيذ البنود
والوفد قادم لاتفاوض من عمان

واحنا في الجهات واطراف الحدود
من ضل واتيهود وجب فيه الجهاد

وانت المخير ايها الخصم الدود
في نفحة الباروت ولا البردقان

ذي تستموا بالسعوده وانتو يهود
يامن طعنتوا في نبي اخر زمان

#الشاعر_ابو_حمزة_ماجد_نشير

ياصحابنا كلن بمجهوده يجود
فالمملكه قد صابها عرق الجنان

دقو ابتهم بالمسير والسكود
وبالبدر والبركان ذي هو مايهان

وقيدوهم بالسلاسل والقيود
مادام والمجنون ماعد له امان

وامحو ابتهم محو من هذا الوجود
دام الحزام مليان والمخزن ملان

#إتحاد_الشعراء_والمنشدين

https://t.me/aboyahyaalshami

المجاراة بعنوان ندين ونستنكر احراق نسخ من القرآن الكريم من قبل العنصريين في دولة السويد.

البداية للشاعر #ابوصالح_العملسي

ندين الجــرايم يا قوى الشر من جديد
وحــرق المـصاحف ما ورا حرقها كلام

على الظلم ثار الشعب يـادولة السويد
وخــلف العــلم باننتقــم للهدى انتـقام

نقاتل طغاة الارض من صورة الحديد
وبجهادنا والــبأس،بانفـرض الســلام

#ابو يوسف_القاري

هدى الله يجري،داخل الدم والوريد
وبالدم بانفديه والروح والعظام

وبالله بانوصل الى،حيث مانريد
ومن حارب القرآن عقباه الانهزام

اتينا من الايات والوعد والوعيد
وجينا لحمل الدين من ذروة السنام

#ابوالعباس_مفلح

فشل يا قوى الباطل وتصعيدكم بليد
وكل العمايل لي عملتو على الدوام

فآيات ربي قومها عزمهم شديد
وتصميمهم با يمحق الظلم والظلام

ومن حرق القرآن سافل ولن يعيد
ضلاله علينا او طواغيته اللئام

خلاص انتهى الطغيان والسافل العنيد
ونهج النصارى خالف الحق والسلام

#الشاعر_أبو_بحر

على الفـــور وصـّلها مع ساعـــي البريد
رسالة يمانيــّــة من ابناء سبأ و ســــام

تطوق على استوكهولم بالوعد والوعيد
و تقطـع رقاب العنصـــريين بالحســـام

و رب الفلـــق و الطارق الواحد المجيد
على الدين ما نقبل تفاهــم ولا احتكام

#عيسى_الهروجي

سنسقيكم الويلات والمر والصديد
إذا ما تخليتم وتبتم عن الحرام

فياويلك ويلاه من بأسنا الشديد
وسطوت صخب بركانها اتفجرت حِمام

قسم بالذي ماله شبيهاً ولا نديد
بانا مع الله لين ما حجته تقام

#جلال_الغولي

مع الله ضحينا وبانبذل المزيد ..
ولله بعنا الروح والجسم والعظام

على الظلم والطغيان والكافر البعيد
وحرق المصاحف لن يكن بعدها سلام

نقاتل ونقتل والله الحاكم الوحيد
واحنا جنود الله وسيوف ماتضام

#زيد_محمد_الحاج

يدين الجرايم كلها بأسنا الشديد..
بصوت الكرامه والشجاعه والاقتحام..

بحرق المصاحف يحرق الدم في الوريد..
وعين الشهامه بالألم حرمت تنام..

لنا الله فيهم وعده الحق بالوعيد..
عيال الشوارع والنفايات والحرام ..

#الشاعر_ابوفايز_الميثالي

وقفنا مع القرآن بالشعـــــــــر والقصيد
وطبع اليماني شهم من طابع الكــــرام

نجاهد بكلمتنا عسى الغير يستفيـــــد
نوصّل رسالتنا ولا نحبس الكــــــــــلام

ندافع عن الفرقان بالصدق ما نحيــــد
ولابد من لحظة قريبــة للانتقــــــــــام

#ابو_ميثم_الزراع

تمادى عدو الله والعبد للعبيد
وحرق المصاحف حجة الله للئام

فمابعدها يااهل الترضي على يزيد
ويامن يوالي خصمنا ينشد السلام

ورب السماء والأرض والوعد والوعيد
بأن التحرك وحدة الحل والزمام

#منيف_ثعيل

يفور الغضب والدم يحرق في الوريد
حمية على ما شافت العين من حرام

جريمة تهز الكون في المصحف المجيد
حقارة كما سوى الوليد رمي بالسهام

قريبا يذوق الكفر من بأسنا الشديد
ونفتح بلاد الله ونبدد الظلام

#علي_بن_علي_مسرع

يجيكم عذاب الله في بأسه الشديد
جزا ما تجريتو وحرفتو الكلام

فما بالكم حرق المصاحف وذا اكيد
دليل اقتراب الوعد يا شلة الظلام

جعلنا الاهي وعده الحق والوعيد
وكنتو وقود النار يا ملة الحرام

#الشاعر_ابومحمد_المهذري

قوى الكفر والطاغوت شيطانها مريد
طواغيت مايوجد بها ذرة احترام

ولكن جهنم باتقل هل من مزيد
لقوم الضلاله والخنازير واللئام

يهودي وماركسي وشوعي من السويد
ومن يكره الاسلام والسلم والسلام

#ابوقصي_العويري

وفي كل يوم وشوقنا للقاء يزيد
حرام إن نصالحكم ورا افعالكم حرام

شعاري وقرءاني هُم الموقف الوحيد
نجاحي وفوزي معصب الراس والحزام

قلو للغبي والنذل في دولة السويد
له الموت واللعنه على اسياده اللئام

#عبدالواسع_صايل_ الغولي

تمادى العدو في حرق دستورنا المجيد
جريمة شنيعه ياعسى يصحوا النيام

وهذه الجرايم قد سبقهم بها يزيد
وحلل قوانين اصلها الخبث والحرام

ومهما احرقوه فالذكر مزروع في الوريد
وربي له الحافظ الى ساعة القيام


#حسين_شرويد

احنا رجال الله في المنهج الرشيد
ومن هو مع القرآن ما يعرف انهزام

ولو كانهم ذا اليوم قد جددوا يزيد
فاحنا بنور الحق بانمحي الظلام

والوعد للاسلام بالنصر هو اكيد
والله ما يخلف وعوده على الدوام

#إبتسام_شرف_المحطوري

يلي حرقت الذكر شاهد عليك شهيد
وين المفر في يوم تُنشر على الانام

للديـن ايــدي مـارضينا لمن يـريـد
يطفو بنور الله ونسكت على اللئام

شعارنا هيـهـات لابٕـد مانبــيــد
كل الطغاه في الأرض والحق له سنام

#ابويحيى_القهدة

جزاكم على ايدينا وهذا الخبر اكيد
فتحتوا على انفسم مسارات الاقتحام

فأما احترمتوا دين رب السماء المجيد
فما لم رفعنا الدين بالسيف والسهام

تضحي على القرآن الآلاف والعديد
ول اطهر كتاب احنا دروعه وله حزام

#إتحاد_الشعراء_والمنشدين

https://t.me/aboyahyaalshami

موضوع المجاراة ..
خسارة تحالف العدوان قضية حتمية..

البداية #ضيف_الله_سلمان

الدعي ابن الدعي سلمان وابنه
قد ركز بين اثنتين
بين عيش الذل او حدّ الاسنّه
وحده ا.من الحالتين
لكن احنا بالحرايب مانبالي..

شن عدوانه ولكن خاب ظنه
سبع واحنا ثابتين..
واقبل المبعوث الامريكي بهدنه
لفلف المتفاوتين ..
رجّع (الإصلاح) فوق (الإنتقالي)..😜😜

الشاعر #ابويوسف_القاري

عاد بالخسران والخيبه وغبنه
وانكسر من ضربتين
يوم شاف النار عالق من مع إذنه
واستمرت ليلتين
شبها صماد في جده ليالي..

شعبنا جنه وللغازي مجنه
واسمه ارض الجنتين
والغزاه ومن يريد النيل منه
بايعذب مرتين..
داخل الساحل وفي الحد الشمالي

الشاعر #احمد_درهم_المؤيد

كلها امريكا عليها الف لعنه
لجل ضرب الأمّتين
هي وراء كل الحروب وكل فتنه
كيف نبقى صامتين!!
من صمت في الوضع ذا يصبح موالي..

وعد رب الكون ذي لابد منّه..
نوصل اولى القبلتين
نخرج المحتل منها غصب عنّه
بعدما افسد مرّتين..
والحرم يصبح من ابن سعود خالي..

#محمود_الجنيد

الحرايب ياغبي مش لعب دُمنه
ليت آذانك يسمعين
لايغركش العميل وكبر بطنه
واسمع اسمع كلمتين
ياتبطل حرب ياتلقف نكالي

من يقل باتنتصر كذاب دقنه
لاتودف مرتين
مثلكم في المعركة مابا نحنه
من يخون القبلتين
والله ان قتله في البيدا حلالي

#ابوصالح_العملسي

اصبــحو في فك عكس الي يظـنه
ضايعين مشتتين
قد نصحناابن الدعي صحنافي اذنه
لا يقلو ساكتين
لا كــن الـكبـــره توطــي كل عالي

طـــاردنــه من بــــلادي طـــاردنه
وانتزع منه الوتين
والحرم والقـــدس شفــني فاتحنه
وافرج الله كبرتين
والله أكبــر هـــدت العرش الخيالي

#ابورواسي_أرحب

عز يوسف وأنتصاره بعدسجنه.
للخلايق آآيتين
تثبت أن الي سهر لله جفنه
بايحقق غايتين
عز في الدنيا وجنه في التوالي

واقع الماسونيه في الناس حفنه..
شجعتها الأسرتين..
جرعوها أهل اليمن للموت حقنه..
أفقدتها الوجهتين..
في معارك فاقت الوصف الخيالي

#مانع_البوساني

شعبنا الكامل بريفه او مدِنِِّه
مثل الأعضاء واليدين
حُب أرضه داخل اكبادِه. يكنِِّه
لليمن نيني وعين
دايماً مرفوع بالعِزَّه وعالي

والسعودي قد بكاء لا وسْط حُفنِه
من ملاطيم الحسين
والدموع الحُمر قد كَوَّين جفنِه
واعتمئ. مٍن ما بكين
ذوَّقينه موته اخشام الأوآلي

#الشاعر_ابومحمد_السحاري

من غزانا ندعس اسنانه وقرنه
بلخزا يصبح مهين
من اتا بحسان ناتي له بحسنه
من شمال ومن يمين
نهجنا القران ماشي له مثالي

ومن اتا بلكبر بانقتص منه
في جميع الحالتين
اهل واحنا لها مافي ركنه
ذي يخون القبلتين
والوطن والدين يحموه الرجالي

#إبتسام_شرف_المحطوري

لو يحاول او يحاول بان غبنه
اللعين ابن اللعين
ذيـل تـلعب به مَـرِيكَا لعب دمنه
وَصْمَتَه فوق الجبين
في جهنم مرجعه مضمون فالي...

والشياطين خاوت المهفوف ابنه
من زمان وا هُو جنين
ايش هذا الوغد متخبي بذهنه
ساكني وسط الوتين
شعبنا هو في الثريا نجم عالي

#ابراهيم_الشرفي

كاذب العدوان هدنه بعد هدنه..
والطواير يقصفين
قصف واستهداف.. حتى للأجنّه
ما معه ذمه ودين
بس ودّف حلفهم من يوم جالي

كلما العدوان حلف ابليس شنه
يرجعوا متقهقرين
واليمن صامد ومتماسك لأنه
سار في درب الحسين
كلنا ننفر رجالي يا رجالي

#علي_مغلي

يركبو في طقم ولا في دينة
والله انهم حانبين
نصرنا مضمون والرحمن ضمنه
قال حزبه غالبين
والبردلي كبرها داسه بآلي

خصمنا معروف لاقد قال هدنه
نستعد لهجمتين
فتش التجويد فيه ادغام غنة
ما تلاقي غنتين
واليمن معروف عنه ما يبالي

#عدنان_جحوح

من جهل شعب اليمن بايعرفـنـه
وابشروا يالمعتدين
حلفكم خاسر وهذا الامر سُنّه
باقية مر السنين
دام وحنا بالمنية ما نبالي

نصرنا خفّاق من عهد الأَجِنّـه
قالها السيد حسين
من بغانا بايلاقي ألف لعنه
تحرقه دنيا ودين
لجل دين الله نرخص كل غالي

#الشاعر_عبدالله_حسين_مسعود

هو من امريكا واسرائيل منه
واضحه دنيا ودين
ادخلو الوهابيه في الدين فتنه
نهج ارهابي لعين
منهج الحاخام وأرباب الضلالي

حربة الممقوت فوق الشعب شنه
عدت السبع السنين
والتحالف في اليمن قد خاب ضنه
وانصدم في صخرتين
حكمة السيد وفي الشعب الموالي

#ابو_برق_الظرافي

نهجنا هيهات منّا الذل كنّه
ماسكينه بااليدين
لن عيش العز للاحرار جنّه
واصطفاء السيدّين
لليمن رفعه من الله يارجالي

بانحمّل كل بندق الف خزنه
دام عهد الحر دين
والتحالف باالوجع ذي صاب بطنه
مالقى ذا الحرب زين
حين شاف الموت في ساح القتالي

#براق_المنبهي

‌‎الأسد في المعركه ماعض جفنه
نظرته»للقبلتين
ماوهن عزمه سرى فوق الاعنَه
محتزم بالجعبتين
والكتف مكتوف بحزام الآوالي

شوق قلبه للسفك والحرب فنه
يوم خصمه قانتين
في الصحاري حن واضرم كل رنه
قالها في كلمتين
النصر والا الشهاده راس مالي

#إتحاد_الشعراء_والمنشدين

https://t.me/aboyahyaalshami

المجاراة عن جريمة الصهاينة بحق الإعلامية والصحفية #شيرين_أبو_عاقلة

البداية للشاعر #نورالدين_المقاتلي

وصل الحقيقة جليل
الـــكل يتناقـــله

يا إعلامنا مـستحيل
تــتوقف القافــلة

صـوت الفدا والدليل
(شيرين_ابوعاقلة)!!

#ضيف_الله_سلمان

امّة..وموقف هزيل
بين الامم فاشله..!!

ضلت سواء السبيل
عن الهدى غافلة..

وسلّمت للذليل
امورها كاملة..

#عبدالرحمن_الخطيب

العز راس الصميل
وحربنا شامله

بنت النقب والجليل
ثاراتها واصله

والقدس سيفه صقيل
وضربته فاصله

#حمزة_الحيمي

كيد اليهودي ضئيل
ودعـوته باطـلـه

قرّب آوان الرحيل
يالشله السافله

والدم دفـعه ثقيل
في مرحله فاصله

#ابورواسي_أرحب

ماباقي ألا قليل
والمعركه فاصله

دم الثكالئ كفيل
وطفولة الحافله

لمنكرين الجميل
بتصفيه شامله

#ابومنار_العشي

لا تبتأس يا زميل
عاد اليمن واصله

تقود محور أصيل
في معركة شامله

قل للكيان الهزيل
مصيبته نازله

#ابوقصي_العويري

كيان غاشم ذليل
سياسته فاشله

ماباقي الا القليل
ووصلت الفاصله

من بعد موت العميل
باجيه واستاصله

#محمود_الجنيد

يبكو وراء القتيل
ويمدحو قاتلة

عالم منافق ذليل
قلوبهم عاطلة

ماللعدو.. والعميل
إلا بني وايلة

#ابوصالح_العملسي

ياقدس صبرً جميل
المعركه فاصله

باننتقم بالجليل
والنصر نستاهله

حسبي ونعم الوكيل
والصهينه فاشله

#علي_العقاب

اصبر فصبرك جميل
ياقدس هي زايله

مؤامرة كل عميل
طبع مع القافله

لودم الاقصى يسيل
من بنت ابوعاقله

#الياس_المقدشي

ناحت حمام الخليل
ودموعها سايله

من يوم باع الذليل
ارض العرب كامله

ما دون كمن اصيل
مسيرته حافله

#عزالدين_جحاف

مافيش غير الصميل
ومواجهه شامله

وحرب تشعل شعيل
تبقى هي الفاصله

بيد ابوجبرئيل
صهيونهم زائله

#إبتسام_شرف_المحطوري

ودمع عيني يسيل
ليش العرب جاهلة..

يتجاهلون العليل
يحمل على كاهله..

حمل مدمي ثقيل
يقضي على حامله..

#ابوحنشل_قاريه

شيرين دمها يسيل
من با يقـل بـاطـله

حسبي ونعم الوكيل
لـيـش الأُمـم غـافـله

صهيون شب الفتيل
واغـتال ذي مراسلـه

#عبدالله_بحنان

ماذنبها يالعمـــيل..!!
(شرين ابو عاقلة)

في القدس والا الجليل
(مراسله ناقله)....!!

اشرف من اللي يميل
مهتم بالنافله..

#اشرف_الحسني

فصيل يتبع فصيل
نثأر لبو عاقلة..

لابدّ نشفي الغليل..
والدمعه السائلة

شيرين ماهي قليل
يالامة السافلة

#جلال_مبخوت_الغولي

سجل ووضح دليل ..
وازهم مع القافله

ماغيرها حد بديل
صهيون ذي قاتله

ياكل خانع ذليل
اسئل على عاقله

#ذوالفقار_سفيان

مابا نوقف قليل
او نترك القافله

وكل واحد يشيل
الذل عن كاهله

ونكتفي بالقليل
والعتره الفاضله

#علي_أحمد_مطر

الله نعم الوكيل
و احكامه الفاصلة

نرسل عزاء للخليل
في برقية عاجلة

و الاحتلال الهزيل
له معركة فاصلة

ناخذ بثار القتيل
و الطفل من قاتله

#ابوليث_المحضار ..

بايشفي الله غليل
اكبودنا الذابله..

في درب واغلى سبيل
والحرب هي شامله..

صنعاء تمد الجليل
خذ منّها ناوله..

ياعاقله مستحيل
الصمت ياعاقله ..

#ابويحيى_القهدة

حب الوطن مش قليل
   والدم يستاهله

  والأصل وابن الاصيل
    يحميه من داخله

   والمرتزق و العميل
    يهرب مع القافله

#ابومصطفى_الرضي

قل لليهود والعميل
مسيرتي واصله

في ظل قائد اصيل
المعركه الفاصله

في قدسنا والخليل
صهيون نستأصله

#زيد_الحوثي

شرين كــــانت دليل
في مطلع القافله

ونــــار شـب الفتيل
لمعركــة شــامله

الوعي في كـل ميل
يبني أمُــم عاقله

#أبوحسين_العصري

قولوا لهذا الذليل
بأفعاله السافله

با نردعه بالصميل
والثأر للراحله

يانابلس والخليل
قد جندنا واصله

#الشاعر_سعيد_الكهالي

اعلن عربـنا الرحيل
من حـربنا الشـاعلة

ماعـد بـاقـي اصيـل
والكل متماثلة

ظاع الـوفاء والجميل
قد الـعرب هـامله

#عدنان_جحوح

العز ما له بديل
فـ الارض والعائلة

عن دربنا ما نميل
والقافلـة واصـلة

مَا عندنا مستحيل
للفتح أو فاصـلـة

#مناع_شريم

الحق راس الصميل
ياابطالنا الباسله

وكل خاين عميل
رد عاليه سافله

ما للجهاد شي بديل
كلين له زامله

#ابراهيم_الشرفي

الدرب عاده طويل..
والسير بالقافله..

والدم لازم يسيل
من أجل الاقصى وله

والعزم ماله مثيل
في الصورة الماثلة

#صالح_حسين_ابواحمد

ياكل عاقل جليل
جرو على زامله

يخسى اليهودي سليل
الغدر والغايله

الثار ياهل الخليل
لو نتو لها عاقله!!

#أسـامـة_المـعبـاء

ياناس ذا مستحيل
تتوقف القافلة

"شيرين" بهاذا السبيل
لجنة الله واصلة

عن خطاها ماتميل
أمة محمد كاملة

#أحــمــد_الاهـــدل

الحق اصبح قتيل
ولا احتكم قاتلة

والصمت عامل بديل
في مرحله فاصلة

واليـوم اكبر دليل
قتل (أبو عاقلة)

#محمد_العمار

العز ماله مثيل
ياالأمة الغالفلة

ماصار ماهو قليل
من امركة سافلة

القدس اضحى قتيل
وام القرى ذابلة

#إتحاد_الشعراء_والمنشدين

https://t.me/aboyahyaalshami

المجاراة عن الصرخة في وجه المستكبرين .

البداية للشاعر #سلطان_خضران

الله اكبر صرخة المستــضعــــفين
في اوجه المستكــــبرين شــعارنا

موقف قوي وسلاح نوعي ياحسين
اقوى من الــنووي بكبس زرارنا

تموت امريكا واسرائيل بــين
الله اكبر لحظــــــة استنفارنا

والنصر للاسلام بين الجملتين
تدمير شامـــل والخيار خيارنا

#ابوصالح_العملسي

صرخه تهد الكبر والمسكتبرين
وباب فتح الكون هو من دارنا

وحنا مع الله والعلم والمؤمنين
نمشي بنوره والهدى وطهارنا

هيهات نركع لطاغة الظالمين
والويل ثم الويل بلغ جارنا

الله أكبر ترتفع دنيا ودين
ولا بد ما نأخد بربي ثارنا

#امين_التركي

الله اكبر صرخة الحق المبين
...فيها نضاعف عزمنا واصرارنا

بها نثقف جيلنــــــا دنيا وين
.....من قبلما خيبر تصل لا دارنا

هذه برائتنا من المستكبـرين
حتى ولو يحنـــق ويزعل جارنا

لاما لعنـــاهم علا مـر السنين
يلعن ابايبنا............ويلعن عارنا

#عبدالحكيم_ابوهاشم

الله اكبر صرختي في كل حين
اصرخ واغيظ بها جميع اعدائنا

والموت لامريكا وللمتصهينين
واللـعنه الكـبـرى لهم لعــناتـنا

ترفع شعار الحق شمالي واليمين
اقهر به العدوان واعز انصارنا

والنصر للأسلام النصر المبين
يشهد به العالم بفضل قرارنا

#عبدالواسع_صايل_الغولي

صرخة اتت من داخل الذكر المبين
واصبح صداها اليوم خلف اسوارنا

حسين قال نصرخ وربي بايعين
بقوم باتصرخ بغير ديارنا

الله اكبر يا الطغاة المجرمين
والموت لاسرائيل وامريكا الفنا

ولعنة الله ع اليهود الغاصبين
والنصر للاسلام فك حصارنا

#إبتسام_شرف_المحطوري

ا لله اكبر ياقوى المستكبرين
هي قوة الله زيدت اصرارنا

ولموت لمريكا هي ابليس اللعين
ولموت لإسرائيل من اغوارنا

واللعنه اللعنه تردد كل حين
لليهوده واذيالها من ضارنا

والنصر للإسلام وعد المؤمنين
من حاهدو واستبسلوا انصارنا

#عزالدين_جحاف

الله أكبر حبل مولانا المتين
بها اعتصمنا وانطلق ثوارنا

والموت لامريكا على مر السنين
ومايواليها سوى أشرارنا

والموت لاسرائيل صهيون اللعين
بانقتلعها واسمعوا أخبارنا

والنصر للإسلام في دنيا ودين
قلوبنا مأواه داره دارنا

#ابوبدر_ذيبان

الله اكبر دائما وبكل حين
صرخة برائه من عدو مسارنا

موقف ومبدا للقوي مسلمين
له امرنا به عزمنا به نصرنا

والموت لامريكا وللمتصهينين
على اليهود لعنه ومنهم ثارنا

والعاقبه من ربنا للمتقين
يارب سدد رمينا وقرارنا

#ذوالفقار_سفيان

الله أكبر في وسط شده ولين
وبه نفعّل فالوغى لحجارنا

بالموت لأمريكا صرخنا مطلقين
وفالمعارك تشتوي في نارنا

وبلغ إسرائيل بالعلم اليقين
الويل كل الويل من كرارنا

والنصر للإسلام فالوضع الرهين
وبا يعم النصر كل اقطارنا

#الشاعر_محمد_النهام

الله ٲكبر صرخة السيد حسين
في وجه أمريكا عَلَت صرخاتنا

صرخه بها خابت ضنون الطامعين
وتهاوت امريكا على جبهاتنا

ماذا جنى العدوان بالسبع السنين
غير الخزى والعار تحت احفاتنا

على الهدى والدين موقعنا حصين
فوق الثريا رفرفت راياتنا

#شهاب_المتوكل

الصرخه الكبرى هي الحق المبين
وسلاح يحمي ديننا وديارنا

تكبير مولاناوجب في كل حين
والموت للي يبتغون دمارنا

امريك واسرائيل والمستكبرين
وعلى اليهود اللعن في تذكارنا

والنصر للاسلام بايدي الفاتحين
وعدالمهيمن في كتاب انوارنا

اصل الهدى جابه لنا سيدي حسين
ومعه نصرنا الله وفك حصارنا

#عبدالقوي_البطل

شعار صرختنا يهز المجرمين
ويعرف الاعداء بنوع سلاحنا

سلاح فيه الخزي للمستكبرين
وبايعين العرض في اوطاننا

بانت مضامينه على مر السنين
هذا الشعار الي رفع من شأننا

به قط مانخضع ابد أونستكين
مادام خطيناه من قرآننا

#أبوخارف_ابوشوصاء

الله اكبر هز عرش الظالمين
وغادرو منها جميع أعدائنا

صرخه بنى مشروعها سيدي حسين
دوى صداها في ربوع أوطاننا

تموت امريكا وصهيون اللعين
والنصر للاسلام موعد ربنا

والخير بانجنيه في دنيا ودين
اذا مضينا في طريق اعلامنا

#ابوخالد_وليد_اللموت

فيه انتها حلم الطغاة الظالمين
سلاح غاض ايهود واقلق جارنا

نكس جميع اعلام زمرة حاقدين
وسار ضمن الردع شد اعصارنا

الله اكبر .. كبروا يا مسلمين
ثم البراءه مستفاد اشعارنا

لعنه لكل ايهود قمنا هاتفين
والنصر للإسلام شق احصارنا

#ابوهادي_صيفان

الله اكبر قالها سيدي حسين
ورددوها المستضعفين المومنينا

والموت لمريكا كبار المفسدين
والموت لسرائيل راس المجرمينا

ولعنت الله على يهود الضالمين
في كل محيانا نرددها وحينا

والنصر للاسلام دين المتقين
وبها نقاتل حلف ابليس اللعينا

#إتحاد_الشعراء_والمنشدين

https://t.me/aboyahyaalshami

تابع المجاراة عن عداوة اليهود وحقدهم الشديد للمسلمين وتربية اولادهم على ذلك..

البداية للشاعر #رياض_الصايدي

ياذي من التعليم تحرم جهالك
شوف اليهودي كيف علّم جهاله؟!!

انته على الذلة تربّي عيالك
و هو على العزّة يربي عياله

هو يشحن الأجيال ويعدها لك
وأنت بالتجهيل بتعدّها له..!!

#يحيى_الوحيشي

يا خي على القرآن ربي رجالك..
قد بيّن اللوبي وعرى رجــــــاله..

طبع اليهودي ما يخلك بحالك..
يمكر يكيد يعدّ ليزين حـــــاله..

من خبثه انه يعرفك من خلالك..
ويقيمك ويعــــطلك من خلاله..

ويجندك في خدمته ضد خالك..
ويدق راس البزي في راس خاله..

#الشاعر_محمد_نعمان_النصيري

ياشــعبنا بالله وثِّــق حــبالــك
وقــوم قــطِّع لليهودي حباله

مستقبل أولادك ضَــعَه راس مالك
لن اليهــودي جاعل أبناه ماله

إحــسب لــها بالصــح قبــل إحتلالك
من أجل نفلح كلنا بــ إحــتلاله

#ابوعلي_البريهي

يبن اليمن بالدين ربي عيالك
وعلى الولا لله وطه وآله

فاليهوده ياما سعت لإغتيالك
كي تشتري بالهدي منها الضلالة

توغل قلوب أطفالها بالعدا لك
وفكرها الملعوون وآخس سلالة

وعنك (لن ترضى) ودام إن فعالك
تغضب قوى الشيطان وأهل الجهالة

في علمها ان القدس غاية منالك
فمضي ومعك الله رب الجلالة

#ابوبراءة_الديلمي

اعظم هدى منهج اللهي عطالك
وقدوتك طه النبي ما مثاله

وانت يااخي قوم وسع مجالك
في حب دين المصطفى والرساله

واعمل لصالح موطنك باامتثالك
واجاهد اوغاد النفاق والحثاله

#ابوبدر_ذيبان

شوف اليهودي كيف سوا قبالك
كيف يزرع الاحقاد داخل عياله

وهو على باطل ويشتي زوالك
وانت الولى لله وطه وآله

اهتم حث اقبل وعلم عيالك
دينك وطاعة ربنا والرجاله

وفالمراكز باتحقق منالك
وابنائنا كلا بطل في مجاله

#علي_درهم_المؤيد

علم عيالك من يريد احتلالك
ويريد يطمس دين رب الجلاله

لو كلفك وتبيع بيتك ومالك
بتكون رابح انت في كل حاله

ترا اليهـ ـودي من زمن قد نوالك
وعلى العداوه لك يعلــم عياله

بالغصب قد كــون كيــانه قبلك
واطراف ثوبك قد بدع بحتلاله

#ابورائد_السعدي

يا صاحبي هم اليهود العداء لك
يقدموا لك كل سبل الظلاله

أولادهم بيعلموهم قتالك
كلن يلقن في عداهم عياله

قدياخذ إبنك يسحبه من قبالك
وإبنك يسميها انفتاح وزماله

وبايصل بإبنه الى عقر دارك
يبيح عرضك وانت عاجز قباله

من قال لك تحذر تعلم عيالك!
هذا مجند في صفوف العماله

#إبتسام_شرف_المحطوري

علم عيالك كي تحقق منالك
من علم اولاده تحقق مناله

باالعلم ينهض كل مالي ومالك
ويزيد حتى للولد جل ماله

باالعلم يُعرف من يذلك يضلك
وادعس على امريكا وكامل ضلاله

اليهوده تشتي تنخِّر حلالك
واللي يعلم ماينخّر حلاله

شعب اليمن في الغد يبهر جمالك
من جيلنا من فيض رونق جماله

#عبدالكريم_صلاح

عِد لليهودي كل جهدك ومالك
حتى يلاقي الرعب ساكن خياله

وسد دربه وإجعله مثل فالك
يا أنت ولا هو يحتم زواله

با ينهبك قوتك ونعلك وشالك
إذا تركته يا أخي بعد حاله

دمه وماله إجعله من حلالك
وأغلظ عليه القول عند المقاله

#الشاعر_يوسف_الحداد

علم عيالك قبل تجني وبالك
وتصير غارق في بحور الجهاله

العلم والتعليم راسك ومالك
راجع حسابك لاتزيد الهباله

ابن اليهودي يشتغل في حبالك
تضليل للاطفال في كل حاله

اليوم حدد موقفك من قبالك
واعرف طريق الحق واسعى قباله

ون ملت فالله بايعجل زوالك
وشعبنا هيهات يحرم عياله

#إتحاد_الشعراء_والمنشدين

https://t.me/aboyahyaalshami

المجاراة عن الصرخة وخطورتها على المستكبرين..

البداية للشاعر #بسام_شانع

الانسان لو يُخلَق بلا حنجرة وفم
وهو حرّ لا يصرخ بخشمه من الباطل..

ويصرخ من الحرقة ويصرخ من الالم
وما با يقف في موقف ال(آآح) لا داخل..!!

#صقر_اللاحجي

وهل شفت كائن حي اذا اوجعته ابتسم
وتسفك دمه ويقول لك فاهنة " واصل"

او انــه يحرك ضـــدك اليـــد والقــدم
ويلـــعن ابايـــب جد.....مـاعادنا قايل..

#يحيى_العطيف

غريزة بني ادم وفطره بها اتسم
اذا به الم يصرخ ولو عاد هو جاهل

وقد يصرخ الابكم لما يسمع الاصم
من الظلم ذي في امة المصطفى حاصل


#ضيف_الله_سلمان

شعار (ابن بدر الدين) من (ن والقلم)
الى اليوم من الفين واثنين متواصل..

هو الموقف المطلوب والموقف الاهمّ
برؤية حكيمة ضمن مشروع متكامل..


#عبدالرحمن_الريامي

جنى الموت ذي في صالب الحريه تلم
بذور التسلط قوله ان اليمن حايل

فلا بد مانستأصل الخبث والورم
ونسقط نظام الصمت وجداره العازل

#عزيز_الردماني

صرخنا ومن صرخاتنا اهتزت الأمم.
وصرخاتنا في كل نشره خبر عاجل.

صنعنا من الصرخه صواريخ من عدم.
بكت منها ابو ظبي واتنهدت حايل.

#امين_التركي

شعار الله اكبر فيـــه الامثال والحكم
وما يعقله (جاهل) ولا يجهله (عاقل)

ورفرف عزيزاً في سماء النصر ياعلم
شعار الله اكبـــــر بايلف الدول كامل

#بندر_السقاف

صرخ كل ذو غيره وذو حريه ودم
وبايصرخ الخارج بترديد متواصل

ولا باتقف مادام الانصار والعلم
الى ساعة الميقات للخلق بالكامل

#ابوالعباس_مفلح

سلامي على الانصار والشعب والعلم
عدد ما صرخ مؤمن وقارع قوى الباطل

وما صوت ابو عطفة على المعركة نهم
وشطب على روس الطواغيت بالكامل

#فارس_المعزبي

براكين تتفجــر من افواهنــا حمم
على كل مستكبر وظالــم ومتجاهل..!!

يدُوخ العــدو منها ولا تحمله قــدم
ويمرض وهو صاحي ويجنن وهو عاقل..!!

#ابوقصي_العويري

شعار ابن بدرالدين بايهزم الامم
ويقلب بمجلسها من الكون بالكامل

وبانحكم العالم مع القائد العلم
وفالبيت الابيض نرفع الصوت بالزامل

#عزالدين_جحاف

ومايصرخ الا حر قاحي أبي أشم
لأوصاف جند الله والمرجله حامل

شعار البراءة يرفع الرأس للقمم
ويرمي رؤوس الأمركه والنفاق سافل

#وضاح_الحميصي

اذا الله رفع عن ذي فقد عقله القلم
فلن يرفع الصرخه!! ولو كان مش عاقل

فريضه على الابكم والاعمى مع الاصم
يفرغ غضب صدره قنابل على الباطل

#ابويوسف_القاري

والانسان ذي ماله كرامه ولاكرم
فهو مثلما الانعام للضرب يستاهل

الاحرار رفعوا صرخة الحق،... والغنم
تبعبع ومن يذبح وحيا على الحاصل

#احمد_اللوذعي

نسوق الوصاية لاصرخنا إلى العدم
وتُفنَى قوى الشيطان والكفر والباطل

لها الموت أمريكا من الفَمّ والبُغَم
غَضَبنا عليها عبر الاجيال متناقل

#الشاعر_أحمد_الغبسي

إذا الساكت المقهور طيب ومحترم
فانا باالشعار اليوم فاجر ومتخاذل

سكوتك بفضل قيام ليله على قدم
وأجر الجهاد يجي بصمتك على الباطل

#الشاعر_نسيم _هيسان_ابوعيسى

صرخنا بصرخه زلزلت كامل الأمم
ومضمونها باتحسم الأرض بالكامل

علي عار ياسرائيل ماتخرجي سلم
تموتي تموتي قالها السيّد الفاضل

#إبتسام_شرف_المحطوري

هي صرخة ابن البدر ياشعبنا الاشم
زعزع بها الطغيان والكفر والباطل ...

اصرخ من الاعماق ترى الغيظ يرتسم
في وجه من أيد وصفق ومتواكل...!!!

#الشاعر_علي_الوزير

قسم لابن بدر الدين ذي واجه الامم
وزلزل طغاة العصر في الكون بالكامل

بـٳن نرفـع الـصـرخه مـع الـقايـد العلم
ولا عاش من يخشى سوى الله واتخاذل

#نورالدين_المقاتلي

مدام ان شريان التحدي ملان دم
صرخنا بـ خمس جمل صدق ربنا القايل

بتطبيق (قل_موتوا) تموت اليهود جم
ويا لعنة الله كل من آيـّد الباطل ..

#ابوصالح_العملسي

شعار ابن بدر الدين كل القوا التهم
وافنى التحالف والعدو تحت لانازل

وفي يوم بانصرخ في المسجد الحرم
وبانفتح الاقصى ونسجد مع الفاضل

#محمد_الاخرم

وذي ما صرخ ضد اليهود أحسبه صنم
يضحي بنفسه وارتمى في يد الـــقاتل

من ألفين الآن حتى الان ما وقفت قدم
والانصار تدعس راس الإرهاب وتناضل

#شهاب_المتوكل

ومايرفض الصرخه سوى الهين القزم
وذي فاقدالعزه ومن نخوته عاطل

فهي صيحة الاحرار في كامل الأمم
ومن قالها مضمون بايهزم الباطل

#الشاعر_ابوفتح_الاشول

صرخنا شعار الموت تبرأ بها الذمم
ويبرى بها المجروح من بطشة القاتل

وذي ما قتلها بالمواقف ولا عزم
فـ با ينظر العالي على نظرته سافل

#عبدالقوي_البطل

وصرخاتنا تشعل في اكبادهم حمم
وتذعر بني صهيون من هولها كامل

ومن هم معاهم طبعوا واصبحو خدم
يعيشوا حياة الذل مدى دهرهم واصل

#ضيف_الله_السويدي

نعم صرخةَ الأحرار كانت هي الأهم
وفي مرحلة كانت مساحات للباطل

قلبها حسين البدر من قمة الهرَم
بصرخة وموقف انتج العز ذي حاصل

#إتحاد_الشعراء_والمنشدين

https://t.me/aboyahyaalshami

تابع المجاراة عن الصرخة في وجه المستكبرين..

البداية للشاعر الشهيد #عبد_المحسن_النمري

والله اني لاكبر واعلن استعدادي
لو تفجر براسي قنبلة ذريّة..

اليمن حق ابويه واخوتي واجدادي
ما لكم يا ذيول الامركة شرعية..

والله اني جبل ماردني ردّادي
مستحيل اني اتراجع واعَوّد شويّه..

#ابوحنشل_قاريه

باسمك اللــه واكـبـر صـوتـنا ردادي
للـبـراءه رفــعـنـا عـاجـلـه حـصـريـه

ماخشينا سوى الله ياقوى الاوغادي
موت لامريك واسرائيـل والنجـديّـه

والثقه هي بربي واصـبـعـي وزنادي
والشعار الحسيني نـرفـعـه جـهـريّـه

#ابوكرم_نشوان

حي ذاك الصوت ذي جانا بلا ميعادي
من نمر معروف زان ابياته الشعريه

الله اكبر لو تشوف اين اصبحت يالشادي
بعد ما كان الذي يصرخ بها اقليه

قد تعتدت كل حد ومنطقه لبلادي
واصبحت كل القوئ ذي عارضت مخفيه

#ابوبدر_ذيبان

الله اكبر شعاري ضد الاستبدادي
منطلق في سبيله حالتي ثوريه

صرختي في سلاحي موقفي واعدادي
بر او جو جاهز والحسوم بحريه

عهد لله يوصل بالشعار اولادي
كل قاره يعمم فالكره الارضيه

#إبتسام_شرف_المحطوري

صرخة الله اكبر احرقت الاوغادي
عكرت صفو ذي هم اسمهم شرعيه

ارعبت زلزلت من افسدو في بلادي
ميزت بين ذي حاقد وصافي النيه

اطلقوها بقوه اقهرو الحُسادِ
نلتمس من صداها قوة الشخصية

#علي_الشعيثي

الله اكبر في المدينه والقراء والوادي
الله اكبر واضحه متجليه جهريه

تلعن اسرائيل ومريكان غادي غادي
وصبحت عند اليمن صرخت غضب فطريه

صورت في كل جبهه منجزات بلادي
عاد باتصرخ جنوبي باالغه المهريه

#محمـد_مجلـي

با اصرخ اليوم مهما حاولون ابعادي
ضد صهيون با ارفع بندقي صدريه

صرخة الحق توصل للبعيد الغادي
باترفـرف علـى هامـاتنـا المعليـه

لو سلب مني المشـرب ويسلب زادي
ماسكتنـا على اسرائيل راس الحـيه

#ذوالفقار_سفيان

من شعار البراءة نكشف الافسادي
والاكاذيب ذي شرقي وذي غربية

مدنا الله ببن البدر خيرة حادي
والعصى هي شعار الامه المنفية

اخلع النعل يامن قد دخلت الوادي
في مقام النبي والعتره النبوية

#ابوقصي_العويري

الله اكبر شعاري صرختي وجهادي
الله اكبر شعار الفوز والحريه

عزتي في معانيها وعز اولادي
والسلاح القوي ضد القوى العبريه

هي عصاي التي تلقف بلا الاوغادي
وانتصاري على الاحلاف الأمريكية

#ابراهيم_الشرفي

الله اكبر من امريكا مع الموسادي
والشعار اثبت المعنى ميه بالميّه

والعدو الذي ناوي على استعبادي
مشكلتنا معاهم بـ الـبَـرَا مَـنْـهـيّـه

لو شَهِدْها النبي..ولّا الإمام الهادي
كان فوراً صَرَخ بالصرخه الجهريه

#احمد_عبدالله_مفلح

وين عاد النحاء يالخاين المتمادي
معركتنا. معاكم معركت حريه

والوهن والفشل هو دائما للعادي
مانحنى من مع الباري بحسن النيه

الكرامه ثيابي والمعزه زادي
للمهانه لكم ياهل الرفه خلفيه

#ابوعلي_البريهي

الله اكبر صرخنا بعد سبط الهادي
بموت الأمريك نصدع واختها العبرية

ونلعن اليهو ده وأذنابها وأيادي
من طبعت في العلن معها أو السرية

ونصر الإسلام غاية شعب مؤمن حادي
مع النبي وال بيته روحنا ثورية

#أبوحسين_العصري

ذا شعار البراءة لا تضنه عادي
ذا شعار الكرامة شفرته سرية

ضد مكر اليهودي درع لي ومضادي
يقهر الكفر وأهله غايته ثورية

قول حق وبصيرة ثاقبة و ارشادي
هو لكل الطوائف شيعة أو سنية

#ابومصطفى_الرضي

(الله اكبر )صداها ارعب الاوغادي
قد مداها تعدى الكورة الارضية

(صرخة الحق ) عنوان نهضتي وجهادي
عز نخوة شجاعة تضحية حرية

ضد مشروع الاستكبار والإفسادي
بانواصل بهمة عالية ثورية

#الشاعر_رايد_الخمري

ايش تسوى قوى العالم امام اجهادي
وصرخة الحق للأمه قيم حرية

ومن يوقف شعار بدم وسط اكبادي
في مقامات حجم القنبله الفوريه

لاصدى الصوت والله مايحيده حادي
قل للذناب وابواق العدا الدوليهّ


الشاعر #ابوفتح_الاشول

الله اكبر ويا لبيه صوت ينادي
روح ابوبندر النمري وسطنا حيّه

باصرخ الموت لو حُوصر عليا زادي
لو نواجه جموع القوه الكونيّه

وألعن اليهوده لا مجد غير أمجادي
نصر الأسلام صوره واضحه مرئيّه

#ابوهادي_صيفان

صرخت الله اكبر في صميم فوادي
صارت اسلاحنا ضد القوى الكفريه

سار بعد الحسين اهل الجبل والوادي
غادر الضلم والطاغوت والسخريه

اليهودي ولمريكي ودولت هادي
واهل نجد اصبحو مثل الحذا المطليه

#ياسين_الفروي

من هدى الله شربي.. والملازم زادي
في مسيرة جهاد وعزه وتضحيه

بـ رفع الصرخه وبا يرفعوها اولادي
والشعار انتصاره مسأله حتميه

والله الي خلقني لليهود معادي
بالبراءه... من اعدا الله روحي حيه


#إتحاد_الشعراء_والمنشدين

https://t.me/aboyahyaalshami

تابع المجاراة عن حالة الرجوع الى الله والاستغاثة
والعودة الصادقة مفتاح للبركات..

البداية #ابورواسي_أرحب

ياحي قيوم ياحنان يامنان...
ضعف الخلايق يناجي قوة الخالق..

غثنا بشربه هنيه وأنزل الأمزان
علئ اليمن رملها والسهل والشاهق

ومثل ما أكرمتنا بالنصر في الميدان
أجعل هطول المطر بالنصر متناسق

#الشاعر_ابو_حمزة_ماجد_نشير

ارحم تراب اليمن يارب يارحمن
واجعل سماء اليمن بارق قفا بارق


واجعل سيولك تمر السهل والوديان
واجعل مزون السحاب للارض تتدافق

واسقي ضما شعبنا وارحم يمن لايمان
واجعل عدون اليمن في بحرنا غارق

#إبتسام_شرف_المحطوري

ياخالق الخلق يارحمن ياديان
ارحم عبيدك بفضل النور والطارق

احنا اعتصمنا بحبلك ياعظيم الشان
ومن تمسك بحبلك مايرى عايق

واغفر جميع الذنوب ذي غطيت باالران
وغيثنا يامغيث انت لنا الرازق

#شهاب_المتوكل

يالله يالله ياوهاب يارحمن
يامنشي السحب في جو السما الحارق

ارحم يمنا بغيثك ياعظيم الشان
وافلق غيوم السماء بالرعدو البارق

وانزل علينا المطر والمزن يامنان
بحق طه النبي والبدر ذي شارق

#يحيى_الوحيشي

‌‌‎يا قابل التوب يالله يا عظيم الشأن..
نستغفرك وانته الغفار والرازق..

وبجاه غافر وسورة نوح والرحمن..
والفاتحة والنباء والصف والطارق..

ندعوك يالله تسقي موطن الإيمان..
ولا تعابي بنا البطّال والفاسق..

#إبراهيم_حُميــــد

مديت كف الرجاء للواحد المنان
يمنن بغيث الهناء من سبله الغادق

يروي بلادي بوابل سيله المازن
ويسقي الزرع اللي تربته شارق

يارب عفوك تجلت رحمة الغفران
اغفر ولاطف وانت الواحد الرازق

#الشاعر_ابوحيدر_عامر

ندعيك يالله وحدك يا عضيم الشان
تروي ضماء الارض يا رحمان يا رازق

يا رب عفوك طلبنا وسقنا الامزان
يا ناصر أنصارك القله وهي حازق

فيك الرجى والامل يا حي يا ديان
اسقي ديار اليماني وخزي الفاسق

#محمد_عبدالله_العمدي

يارب عفوك علينا ياذوي الإحسان
يامن تجيب الدعاء من عبدك الغارق

يامن إذا عاد عبدك جدت بالغفران
نرجوك ياربنا بالنجم والطارق

ترجم عبادك وتنزل مافي الأمزان
يامن لك الملك وانت الخالق الرازق

#ابوالفتح_الجرادي

طلبت عفوك ورضوانك عظيم الشان
يامن بعفوك تفرجها على الضايق

يارب مــن غيرك اترجــــاه يامنـان
من غيرك ادعوه وانت الخالق الرازق

ادعوك بالزلــزله والنجم والرحمان
وال عمران والانعام والطارق

#ابومصطفى_الرضي

استغفرك واستغيثك ياعظيم الشأن
من قلب مؤمن مسلم مستجيب صادق

بحرمة الفاتحة والطور والرحمن
ادعوك وانا بجودك يااله واثق

فرج علينا وغيث الارض بالامزان
وعيننا ندحر الباغي مع الفاسق

#ابوبراءة_الديلمي

يا مالك الملك رحمة كفك المليان
يا من بأمرك يحن الرعد والبارق

ارحم عبادك بفضلك يبست الوديان
وغيثنا ياالاهي سيل متدافق

انا اسالك ياالاهي كل شي عطشان
فرج على عبدك المحتار والضايق

#ابوكنعان_الروس

ياالله ندعوك ياغواث يارحمان..
برحمتك غيثنا بمزنك الدافق

يارب ندعوك بجاه المصطفى العدنان..
أسقي بلادي بسيل الرعد والبارق

أفعالنا والذنوب والبعد والعصيان..
ذي سبب القحط وحطمه مالها سابق

#الشاعر_متاش

ولا سوى الله وحده يرحم الانسان
يارب اسالك انا بين الذنوب غارق

سالك ب(طه)و(آل البيت)والقرآن
تغفر ذنوبي الجميع سابق مع لاحق

انا المقصر وانا المذنب وانا الغلطان
مالي سواك ياعظيم الشأن انا واثق

#الشاعر_أبوزيد_العابص


يارب يارب يامالك ويا سلطان
شانت ضروف البدو من من جدبها الساحق

افزع بغيثك وسق الضامي العطشان
يامنزل الفتح والفرقان والطارق

من رحمتك مدنا يامن عليك الشان
ونزل مزون المطر من خيرك الدافق

#ماجد_عبدالله_القادري

يارب انا ادعيك اسقي كامل الوديان
يارب عبدك على مر الجفاء ضايق

نزرع به الحب يامن اسمك الرحمن
مالي سواك يارحيم في رحمتك واثق

رغم الحصار والحروب في موطن الإيمان
انزل لنا الغيث انا في المنطقه ناطق

#أبويمان_المهذري

يالله يامالك الأملاك والإحسان
يامنشأ الكون فيه الكل متناسق

انزل غياثك وارزق عبدك الإنسان
ولا تَحمّله في ما ليس له طايق

البلده الطيبه ترجوا لها الغفران
بحق طه وحيدر والنبي الصادق

#أبووزير_آل _نايف

ياالله تسقي يمنّا ممبع الإيمان
بفضل ياسين ولاخلاص. وطارق

تحيي جبال اليمن والسهل ولوديان
تخضّر بلخير والاثمار كسابق

ياالله يدعيك.كل.الجسم.والوجدان
بحق.طه.الامين الطاهر الصادق

#عبدالقوي_البطل

ماشي سواك انت يارب السماء الرحمن
يامحيي العظم يامن للنواه فالق

ووعدك الحق لاقلته لكاين كان
تغفر ذنوبه الذي هو في الذنوب غارق

من بعد مااستغفرك واقبل بكل اذعان
ويحن رعدك بها ويشعشع البارق

#إتحاد_الشعراء_والمنشدين

https://t.me/aboyahyaalshami

تابع المجاراة عن ( الاوضاع المتردية في عدن نتيجة الاحتلال والخيانة)!!

البداية الشاعر #بسام_شانع

يا أصحابنا في الجانب المُحتل
ويش الذي صاير وكيف الحال..؟!

ذي قال با يفعل وبا يفعل
ولا فعل شي غير قال وقال..

هل صرتم احسن من (دبي) وافضل
او صاروا اغلبكم رجال أعمال؟؟

والا كما (ليبيريا)وابطل
واسوا من (الصومال) و(البنغال)؟؟

#إبتسام_شرف_المحطوري

وكل من خان السعيده ذل
والعاقبه خسران للانذال

والوضع سيئ مالقو له حل
والحل في خشم السلاح شلال

والقايد السيد بقوله هل
وحده توحد نردم الأهوال

مانترك الغازي ابد يحتل
قبله نشامى من اعز رجال

#ابوهكام_الحشيشي

بفرش لك الديباج والمخمل
ياهاجسي وفتح لي الارسال

كيف الخبر جاوب بخير اشكل
والحريه في سلة الاهمال

قلنا وكم غنا لكم فيصل
من حول استقلالك استغلال

وطلعك ياصاحبي منزل
وعادهو فالهروله ما زال

#وضحئ_الهمداني

في اول المشوار مــاتـسـئل
والان تشتو اجوبه واقــوال

قُلنا رعى الله منهو اتجمّل
نفزع معاكم عاصبين الشال

هذه بلدنا دونـــها نُقـتـل
تطهيرها واجب من الانذال

ضحكو عليكم بؤمر _ادلــل
واليوم فيكم غيّرو الاشكال

#ابوهادي_صيفان

اظن مامحتل جا با الحل
والقافله ضاعت على الجمّال

والفسل عمره ماقد اتجمل
والمرتزق مازد درى ماقال

بايلحق التالي ورى الاول
هذا ثراهم مملكة سروال

قدهادي الاعلى وهم اسفل
في معتقل قد جمعو الانذال

#ابورائد_السعدي

ليه الجنوب أوضاعها مختل
معقول يتدهور وفيه رجال!

أنتم قبلتم يدخل المحتل
حسبتوا إنه با يدر أموال

أنتم لنا اكبر مثل يمثل
طبالكم للغزو يالانذال

#شهاب_ المتوكل

العز حقش ياعدن كمل
والمجد الاول ضاع في الغربال

وكرامتش في سلة المهمل
وترابش اصبح مسرح الانذال

قلنالش احنا في المسيره الحل
قلتي لنا مادخلكم ياابطال

واليوم من محتل لا محتل
كلا عليش يفصل الاغلال

#ابوشهيد_القطمي

لا خير في من عاش بين الذل
و لا رحم ربي رجال أنذال….

صارت (عدن ) ما بين شل وشل
هذا يشل أدوان و ذاك أموال…

الأوضاع قرحت و الزمان أختل
و المرتزق قد ضاق فية الحال….

و المستفيد ذي جاء لكم يحتل
و أنتم نعاج يعجبكم الطبّال…

#أبوحسين_العصري

ذي يقبل المحتل أكيد أخبل
و انتوا تجندتوا معه عمال

في كل يوم المعتدي يفعل
أفعاااال ما يقبل بها رجال

و أوضاعكم في كل ساع منزل
لا عيدروس أوفى ولا شلال

الحل ثورة تنهي المحتل
وتطردوهم مجلس الأنذال

#جنوبي_حُر

ياصاحبي قد وضعنا مختل
من باطل الملعون والدجال

قدهو مُخبّى ياخبير افضل
من صدق العدوان مش رجّال

قد شبعونا اليوم موت ازول
كم ياسلاسل شوف كم يا اغلال

قلنا لبن سلمان يتفضل
ولاّ علينا الداعشي شلال

غيرو علينا وعد نترجّل
ماهكذا قد ضاقت الأحوال

#الشاعر_رايد_الخمري

الكل في قانون مستعجل
بنقاط كيف الحل ولأحوال

صارت عدن لكلابهم مهمل
والحاشيه تجني الرتب والمال

يصحابنا ذي ماعمل يعمل
ويوجه الأحلاف والأرتال

لاننتظر والوضع ذا مقفل
وسحة عدن تتجرع الأهوال

#عبدالقدوس_الصباحي

ابن الجنوب الحر يتحمل
اللوم ذي منا علئ الأنذال

لي منعه المقدام لايزعل
جسر الأخوه بيننا لازال

ماغير غيرتنا لما يحصل
بالله هل ترضئ بالإستغلال

ماحد بعرض الغير بايقبل
والدم حار اجيال بعد اجيال

#أبوتراب_الوادعي

العز من يشتية يتمرجل
قل الجنوبي يكسر الاغلال

لا خير في من يقبل المحتل
او باع دينة والوطن بالمال

يابن الجنوب اصحئ ولا تغفل
لأن اليهودي ضدنا شغال

والله مانرضئ اليمن يحتل
لو مابقي في شعبنا رجال

#ابويحيى_جاحز

فيقــــوا لأن الغزوا هـــو مشمـل
والحقد الامريكي كــما الشـــلال

بكــرة وامريــكا فـــــي المنـــزل
تهتك بعرضك من نساء واطفال

ويقــول لك تجلس معــة تـكمل
طريقهـــم وتــكـــون له منــذال

واذا رفضــــتم بـاتــــرى مقــتل
اهــلك وهــم يتجرعوا الاهـوال

#ابوكنعان_الروس

من كان يفكر ويتخيل..
ان الجنوب ترجع الصومال

والعيل داخل عدن عيل..
النهب والسطو عال العال

من حالف الحلف واتحيل..
اصبح برجل العدو خلخال

ذي كان باالأمس يتمرجل..
اليوم يلعب معا الجهال

#الشاعر_يعقوب_الخمري

بعـــض المشـــاهد مــنها أخـجل
لــما أرى البـــاطل يــده تنــشــال

يا أصحاب عدن والله مش أخبل
لازلـــت أنا عاقـــل من الــعـقـــال

شوفوا الخضوع للمال كيف يفعل
يوطي الهامة ويصنع عيشة الإذلال

#إتحاد_الشعراء_والمنشدين

https://t.me/aboyahyaalshami

تابع المجاراة عن [المنظمات تستهدف الهوية الايمانية وتدمر الاخلاق والقيم..!!]

البداية #ضيف_الله_سلمان

حروب الاعادي عسكريّة وناعمة
ويستهدفونا بالقنابل وبالفساد..

كشفنا مكايدهم ب(صرخة) و(ملزمة)
وشفنا العداوه عند ابو يَهوَد اعتقاد..!!

سياسة عدائيّة بصورة منظّمة
ولا با يوقّفها سوى الوعي والجهاد..

وما با تفيد الناس سكته ودعممه
وبا يلعن الله من وقف موقف الحياد..!!

#بلال_الصوفي

أمانة أنها حاجة تريد المحاكمة
مشاهد جليه واضحة تفسد العباد

بها استهدفوا كل الشعوب المسالمة
كما استهدفوها بالتحالف والاضطهاد

فياويل من عينه على ذاك نائمه
ومن شاف ما شفنا ولم يعلن الجهاد

بلد تنتهك في الصبح بانت محارمه
بهذا العمل نبصره يفسد البلاد

#ابوحنشل_قاريه

وياكم شعوب وكم قد اضحت مهدّمه
بها البغي والتضليل والفسق والفساد

سببها الرئيسي كان عبر المنضمه
شعاره حقوق انسان والطِيب والوداد

على المجتمع اخطر من الغام واحزمه
واخطر من البيلوج وسكود والغراد

من اهدافه الأولى مـكـالف ملـثمـه
حــضاره رفاهيـه تـقـارب وإتحاد

#علي_عقاب

شباب وبنات اتجنبوا حرب ناعمه
والاعلام يهتموا بماصار فالبلاد

نحصن يمنا وعي وايمان يدعمه
ودورات صيفيه مع علم واجهاد

لانه فشل عدوانهم هب منظمه
من اهدافها نشر الرذيله في العباد

فلابد ياشعب الصمود شئ تفهمه
بأن اليهودي مايجي غير بالفساد

#ابوحسن_الشبطي

توخي الحذر واتستري يامعلمه
وقريّ ببيتش قد عُفيتي من الجهاد

فلاكيدكن من فوق كيد المنضمه
ولا افكاركن للصهينه صعب الانقياد

خروج المره من بيتها اكبر محرمه
ولا للمره في الحريه قيرطه مراد

إذا ماقتدت باخلاق زينب وفاطمه
لعن جد قوماً ماعلنوا ضدها الحداد

#إبتسام_شرف_المحطوري

وذي ماصحي او فاق لابد نعدمه
وعبره لمن اجرم وايد مع الفساد

وكل الجرايم هي سببها المنظمه
وهم زارعي البغضاء والفسق والحياد

واحنا لنا قايدحسيني ومااعظمه
وحذر وكررها ومن هدي ربي جاد

واحنا هويتنا هويه مدعمّه
واركانها الايمان والصبر والجهاد

#عبدالواحد_مدفع

وهل هكذا كانت رقيه وفاطمه
وهل هكذا قد بين الله للعباد

اسف يا قبايل بانت الشمس مظلمه
بيوم البغا والعيب مستوطن البلاد

إذا هكذا قد كلمن فك محزمه
وهمه من اعراض المحارم كم استفاد

فلا عادها عتقوم للدين قايمه
إلى يوم نفخ الصور والحشر والمعاد

#الشاعر_ابوشهيد_القطمي

توالت قوى العالم حكومات وأنظمة
لنشر الدعارة و الخساسة في البلاد

و شنوا حروب أفكار بخطوة منظمة
يريدوا تصير الأرض في حالة الفساد

علينا وجب حمل الثقافة المترجمة
لتحصين الأنفس با الهداية و با الرشاد

تضل اليمن من غزو فكرة محرمة
و في قلبها كمن ولي سار با الجهاد

#يحيى_الوحيشي

اذي هو لقيطة سوق من دون مكرمه..
تلاقي حريمه صيد سهلات الاصطياد..

لو ان الزلط حوله مرابط مكومة..
قسم لا يقدمهن بضاعات للـمزاد..

وذي هو قبيلي عسر يحفظ محارمه..
على صون عرضه ياكل الرمل والرماد..

على العرض مايتقبل اية مساومة..
مبادي قيم غيرة حمية ودين جاد..

#الشاعر_أحمد_الخاشب

هدفهم نفوس الناس تبقى ملغّمة
على شرك لا يُغفَر وإلحاد وارتداد

ليسهل عليهم غـزوهـا فـي المقدمة
وتستقبل افساده على الرحب والوداد

وتبقى سلاسلهم على الكل مُحْكمة
بـلا أي كُـلْـفـة عـسـكـريـة ولا عـتـاد

بـهـم خـبّـرتـنـا كـل آيـة و"مـلـزمـة"
ولا من خيار إلا البصيرة مع الجهاد..

#سيف_حسن_العامري

لأن اليمانيه عفيفه محشمه
وابنائها عشاق للحرب والجهاد

تبنوا لها بنيان با العهر مفعمه
مصايد تجيب البنت طوعاً للاصدياد

ومن بعدها ماتخرج الا ملغمه
بكل الرذايل دون صاعق ولازناد

توزع وباها في طريقه منظمه
وتزرع خباثتها ويامقبح الحصاد

#جميل_جعفر_ابوشامخ

اولـو الـعـزم و اهـل الـعـزم أمّـه مـنـظّـمـه
وقـايـد من آل البيت درّب لها و قـاد

هُـدى الله حـوّلـهـا صـواريـخ مُـلـهـمـه
وهو درعها فـ الحرب والسيف و الـمـضـاد

فـلا فـ الـشـرف و الـعـز نـقـبـل مـسـاومـه
ولا الأقـلـمـه نـقـبـل و تـقـسـيـم و انـفـراد

لـنـا الله عـلـى كـل الـحـشـود الـمـشـرذمـه
ولا نـنـشـد الاّ الله فـ الـدعـم و الـعـتـاد

#ابوكرم_نشوان

حروب المسوخ البارده والملغمه
بمضمونها ذي يحوي العهر والفساد

تقدم لنا مشروع وهمي وتدعمه
وتنسف قيمنا دون قبضه ولا زناد

عليا الحرام ان من ضحايا المنظمه
ضحيا تخلت عن هدئ الله والجهاد

#أبويونس_العويري

قـــد حــان تطهيـــر البلاد المكرمــة
من رجس حلف إبليس وأعوان الفساد

تغــزي بلادي بـا أســـم سلات مكرُمـــة
ومضمونهــا ثاني مـــع العـــد والعتــاد

إن مــاجــعـلنــاهــا عليــنـــا محــرمــة
فلا خيـــر في شعبـــي ولاخيــــر فالبلاد

#أبوخارف_ابوشوصاء

غزتنا ب اسم الدعم ذي هي تقدمه
ومشروعها في شعبنا تنشر الفساد

وأفكارهم بانت خبيثه ملغمه
نوايا مثيل النار ذي فوقها رماد

ولكنها ياقوم علينا محرمه
ولايمكن أن تبقى ولايوم في البلاد

تابع المجاراة عن(الثقافة القرانية تحصن الامة من الضلال والفساد)

البداية #فارس_المعزبي

منظمات الأمم تخلع ثياب الحيا
من فوق أمة محمد في غرف مغلقه

انسانيتها على الواقع ريا في ريا
مابينها خير للإنسان والمنطقه

واهل الدقون الطويله شلة المافيا
ما حرموا غير أكل الزاد بالملعقه

#احمد_اللوذعي

وحي الملازم دروع الشُمَّخ الأنقيا
وسلاح يردي قوى الشيطان في محرقة

والوعي حصن النشاما مِن قِلال الحيا
ذي دجّنو بسم دين الله ما شدّقه

فـَ اِمّا وكُلاً بهدي الله يستهديا
وإلّا قد الغرب جهز للشرف مشنقة

#شهاب_المتوكل

هذه المسيره قسم للناس نور وضيا
تقشع ظلام الغوى والكفر والزندقه

وتحصن الخلق من تظليل قوم اشقياء
وتغذي العقل بالهدي الذي تغدقه

من سارفيهابصدق اخلاص ماهوريا
ينجامن النار حق الباري المحرقه

#محمد_الاخرم

هدى اله السماء للـــناس نــور وضياء
واهل الظلاله تعيش ارواحهم مُرهقه

وثقافة الحق تنهي سلـــطة الاشـــقياء
مهما تكون الفتن حول الهدى محدقة

قل لليهودي تهاوت قوة الادعياء
لله كل الُعـــــلى والقوة المطلقة

#جميل_جعفر_ابوشامخ

ثقافة الهدي نور التوعيه و الضياء
وللضلال اليزيدي و البغاء محرقه

با تجعل الجيل واعي كلهم أذكياء
يشنق دعاة الغوى و البغي فـ المشنقه

و جند رب السماء و المصطفى الأوفياء
با يطرقوا غزو أهل الشرك بالمطرقه

#عبدالله_القبلي

ثقافة الغرب تتنفذ من الاوصيا
سيناريوهات بانواع الخطر محدقه

على انطلاقه من الازهر ومن تركيا
وام القرى لوثوها الشله المارقه
ومن تحصن بنهج المصطفى محميا
وال بيته مسك بالعروه الواثقه

البدر شعشع وبدل بالضلام الضيا
نوره سطع في الليال السرمد الغاسقه

#إبتسام_شرف_المحطوري

ياصاح حصن قليبك جَسِّد الاصفياء
هم آل بيت النبي هم للهـدى بـيـرقه

ثقافــة الذكـر يتـحصن بها الأتـقياء
هم ترجمان الحقايق للحق هم فيلقه

ومن يوالي اليهودي احنا قسم ابرياء
منه ومن كل باغي ،والكفر بــانسحقه

#ابوبدر_ذيبان

بناعم الحرب تهتك سترة الانقيا
وتستبيح المحارم لعن ابوها ثقه

يا زمرة الشر ذي جابت لشعبي العيا
هيا اغربوا عن سمانا شمسكم محرقه

وكل راعي لمكلف ما فهم يا ويا
اما تنومس والا مكلفه تغرقه

#ابوعلي_البريهي

مع آل طه نواجه كامل الأدعيا
وبعروة الله عروة شعبنا موثقة

والعهد مانقبل أعداء الهدى أوصيا
هيهات ذلة يمنا لو على المشنقة

فحنا الأعزه بدين الله والأقويا
وفي سبيله تعالى موتنا نعشقه

#اشرف_الحسني

خطّ الثقافة في القرآن للأتقياء
عزّه مبادئ قيم بالاولياء لائقه

والخط الآخر ظلالة مسلك الاغبياء
يصنع امم ساقطة واجيال متفرقه

منظمة فاجره تستهدف الابريا
وتنشر اكبر فساد يدمر المنطقة

#أبوخارف_ابوشوصاء

والله مايوثقو فيها سوى الاغبياء
اوشخص ملعون نفسه للطمع دانقه

منظمه تابعه للكفر والمافيا
تعمل لهدم القيم وأهدافها مسبقه

كم حذرو منها الاحرار والاتقيا
لانها الكفر والتدليس والزندقه

#الشاعر_ابوحيدر_عامر

في درب طه وحيدر وآله الاصفيى
بالوعي والصبر والاخلاص جنب الثقه

باننتصر من هدى القرآن جينا اتقيى
يقودنا قايد الثورة وهي محلقه

بيمان عالي وتسليم من رجال انقيى
ندعس على الموت وغازينا له المشنقه

#أحمد_الخاشب

مثل الدمى الميتة يلعب بها موميا
تضحك على كل جاهل طاح في الأرْوَقة

في آسيا في أوروبا أو في افريقيا
تسعى -إذا شعب متوحد- على التفرقة

وكلما استهدفت تستهدف الأغبيا
وتستغله بصابونة وهي تبصقه

#علي_الشعيثي

أمنت بالله من هذا البلا والعيا
ومن فساد العيون الرقط والبرققه

وقبح الله موضه جات من تركيا
ومن تجارت حميد النذل والصندقه

منضمات الهيودي خربت سوريا
وخرجت شعبها بنقس والمعرقه

#أبوحسين_العصري

جاهد في الله داوم لا يصيبك عيا
وأمسك بحبل المهيمن دوم لا تفرقه

وألزم هدى الله واتبع صفوة الأتقياء
السيد القاااايد المفتاااح للمغلقه

وأخلص لرب السماء واحذر شراك الريا
الذنب حاجه خطيرة للعمل تمحقه

#الشاعر_رفيق_زرعان

بنور ربــي نواجه ظلـــمة الأشقـــــياء
وكـــل باطــل أمـام الهــــدي با نفرقه

من يرتبط بالقوي يصبح من الأقوياء
با يقــهر الشر والفرعـــون با يغـــرقه

الله بالذكـــــر يهـــدينا وبالأوليــــــاء
من حاد عنهم بنار الخــــلد با يحرقه

#الكرار_المشراقي

ثقافة الهدي للمؤمن ديليل وضيا
وشمسها بل ابا والحريه مشرقه

امامعى ال النبي ولامعى الاشقيا
في نار حمرا تفت العظم وتمزقه

امامعى الله تذكر اوتــكن منسيا
تعيش تايه ونفسك دوم متنذقه

#إتحاد_الشعراء_والمنشدين

https://t.me/aboyahyaalshami

المجاراة عن اهمية التولي .

#ضيف_الله_سلمان

الحقايق عادها في تجلّي
ما تجلت مثل هذا الزمن..!!

ما نجاه الا بصدق التولّي
اغنموها قبل دفع الثمن..!!

من يريد العز وبشكل كلّي
يتّجه الشام والا اليمن..

#عزيز_الردماني

رحبي يا ارض تبع وهَلَّي.
بالغدير وعيدي يا عدن.

اليمن (والا) ابن ابي طالب اللَّي.
(بالولايه) خصه (المؤتمن).

والذي ضد الولا بايضلي.
في دهاليز البلا والمحن.

#عاقل_بن_صبر

يا الله اني ما تراجعت ملي
عن دروب القائد المؤتمن

في سبيل الله راسي معلي
والولايه حيدريه،،، ومن؟

قد تولى اليهووده بايضلي
تحت رجلي عظم والا سِمَن

#عزالدين_جحاف

لو يصوم المرء ولايصلي
لو بذل ماله وباع البدن

مايفيده عند مولاه ملي
إن جالس حاقد على ابوالحسن

شعبنا مازال أصلي ابن اصلي
في تولي الآل طول الزمن

#ابو_برق_الظرافي

بابـنـا واحـــد عـلـي لانضلّي
مـــن تولاه انتــصـر وافتهن

(والولايـــة) ربنا الواحد اللي
حَــــــط فيها حل كل الفتن

والذي مــاقـــــد فهمها يقلّي
مستحــيل الروح ينسى البدن

#محمد_الحربي

والله اني ماتراجعت ملي
في دفاعي عن تراب الوطن

في حبال الله مديت حبلي
جل شانه ذي عليه الركن

الولاء في مهجه الروح حلي
للنبي المختار وابو الحسن

كم معك من فايده يامصلي
عاالنبي والـ الآل طب البدن

#ياسين_الفروي

اسمعي يا نفسي ولا تظلي
واتركي ذي جاك عن عن وعن

لو تصومي الدهر و الا تصلي
بس ما اتوليتي (ابو الحسن)

مامعش غير التعب عكس يلي
حبه ووالاه سر وعلن

#ابوحنشل_قاريه

يامولي عن علي لا تقل لي
عن غدير الخُم ماضي زمَن

مقتضىٰ الإيمان صدق التولي
للوصي الكرار هو المــــؤتمن

ما استجاب لك ربنا شسع ملّي
غـــير تضهر فــي ولاءك لمن

#الشاعر_عبدالقدوس_الصباحي

رافق المسؤليه بالتحلي
والتولي واقي من الفتن

مايفيد العبد لاهو يصلي
لاجعل للشك قلبه وطن

يا إلهي فيك مديت حبلي
ناصر السيد وسيدي حسن

#بلال_الصوفي

والمرحلة هي جد ماهي تسلي
في السر وإلا في العلن

ومن تولى عاش شامخ معلي
راسه ومعافى البدن

والمؤمن الصنديد ما يستذلي
لغير ربه في جميع المحن

#إبتسام_شرف_المحطوري

لو يقولوا حُبنا هو تغلّي
ماعلينا من رعاع الفتن..!!

الولاية يوم خالد لايُولّي
امر ربي والقسم لا لا يُهن..!!

من يحاول يقترب (سم ،ملي)
او يغربل بالاحاديث عن وعن..!!

#محمد_الاخرم

الحياة جهاد ماهي تسلّي
وافهموها يارجال الــيمن

التولي فيه معنى التــعلّي
ما يصيب اللي تولى وهن

فرض من ربي ولا هو تـبلّي
وانظروا صنعاء وحالة عدن

#وضاح_الحميصي

الولايه امر شامل وكلي
قالها المولى وشرع وسن

الموالي فالعوالي معلي
والمخالف للعدا مرتهن

ياعلياه انت مقدامنا الي
به تعدينا صروف الزمن

#ابوليث_المحضار

واقع الامـــه دليل المـــولي
عن براهيــــــن الولايه لمن..

انت هذا يامــــــولي تصلي
والخشوع ادما العيون وعمن..

ليش عايش واقع الذل قل لي
ليش فرضك مالعزك ضمن..؟!

السبب ماشي معك قدر ملّي
مـــــن عــوامل عزة المؤتمن..

انت جرّب روح صدق التولي
وانـــت باتدري الولايه لمن..

#الشاعر_ابو_بحر

من على المختار طه يصلّي
يذكر آله فالصلاة دايمن

وابن عمه فالصدارة يظلّي
الوصي و المخلص المؤتمن

في قلوب الناس ظلّي و حلّي
من يضاهي حيدر الليث من

#يحيى_الوحيشي

بعد ما جاء الغرب بكسوف كلي..
ضيع الاسلام والليل جن..

جاء حسين البدر بسراجه اللي..
من غدير الخم سرج وحن..

كشف الاحداث واليوم هلّي..
يايمـــــنّا بالـــــولاية علــن..

#ابوعساف_الدهمي

ما نفرط في علي نص ملي
دام عاد الرأس فوق البدن

الله ألهمنا البراء والتولي
خبروهم يا رجال اليمن

#الشاعر_ابو_حمزة_ماجد_نشير

الزمن نادى بشرقي وقبلي
من يشابه شعب الايمان من

لاهجم مابايعود نصف ملّي
او يخون ماهو عليه أئتمن

بالولايه قد هدى كل ظلّي
بالولايه للنهايه ضِمن

#أبوالكرار_المجنحي

يا صناعات السلاح المحلي
خبريهم با الولايه لمن

واشرحي كيف اليمن باتضلي
ماسكه في عترة المؤتمن

بعد ابو جبريل كلن يصلي
قبل ماترهف سنين السمن

#ابوإسلام_الحداء

بلغوا شيعة يزيد كل ويلّي
ون تولوا الآل يا مــــــرحباً

والف حيا كل مسلم تخلّي
بالمــذله والنفاق للخـون

اكتمل دينه ولا عاد ملّي
بعد ما اتولي علي بالعلن

#ابوصالح_العملسي

به نطـــورها صنــاعه محلي
به جلــــينا همنا والحزن

خصه الباري من اجلك ولجلي
كيف صعده وانظرو في عدن

اسقيفه امرها طير ياللي
ديولة فوق البلاد الخون

#ابوكنعان_الروس

دام والحق شامخ معلي.
بانواجهه كبار المحن

معلنين الولا الصادق ونتلي.
رغم انف الغزاه الهين

مارئيت ياشعب اوشفت مثلي.
حب أل البيت بقلبه سكن

#الكرار_المشراقي

قل لذي جالس مكانه يصلي
ما معه من شغلته والشجن

ماتقبل منه اللـه مــلــي
قبل يتولاء علي والحسن

الولا في داخلي نار تغلي
تحرق امريكا وكل الخون..

#يوم_الولاية_الأغر 1443هـ
#إتحاد_الشعراء_والمنشدين

https://t.me/aboyahyaalshami

المجاراة بعنوان أستقبال المولد النبوي الشريف.

البدع #الشاعر_ابوكنن

صلى عليك الله ياطه وسلم
لنك على خلقٍ عظيم

في مولدك بانحتفل والقادم اعظم
على السراط المستقيم

#ضيف_الله_سلمان

بك احتفى من قبلنا عيسى ابن مريم
على خطى موسى الكليم

يا خير خلق الله من حواء وأدم
أختارك الله الحكيم

#أحمد_درهم

الله يسود وجه في ذكراك دعمم
وفي هواء غيرك يهيم

شاهد اسائات اليهود وما تكلم
ولا معه موقف سليم

#يحيى_العطيف

سلام يامن فضله ربي وكرم
ماهبت افواج النسيم

شفيعنا يوم القيامه من جهنم
ورحمة الله الرحيم

#فارس_المعزبي

صلى عليك الله يــ الطُّهر المُكرّم
والآل من عُمق الصميم..!!

النور من مشكــاة ميلادك تبسّم
ومــــزّق الليــــل البهيم..!!

#يحيى_الوحيشي

با نحتفل في مولد الهادي وننعم..
بنعمة الدين القويم..

ونجدد البيعة لقايدنا المعظم..
بدر السراط المستقيم..

جريح الحرب #رفيق_زرعان

ما يرفض المولد سوى رجال ما اسلم
عدو للباري أثيم

أو شخص فيه اليهوده واقع محتم
ومرجعه نار الجحيم

#علي_محمد_المحاقري

اهلاً بمن ذكره اضاء الكون الاظلم
هديه الـرب الـكـريـم

بانحتفل بك رغم احفاد ابن ملجم
ورغم سلمان الرجيم

#ابو_برق_الظرافي

ياسيد الأكوان والنور المعمم
في كل ذي قلبٍ سليم

بانحتفل في مولدك ويصلّي الفم
يامسك جنّات النعيم

#محمد_ابوالعز

بالفضل والرحمه وبالانسان الاعظم
بايحتفي الشعب العظيم

صلى عليك الله سبحانه وسلم
في محكم الذكر الحكيم

#عدنان_جحوح

أهلا بمولد خير من جاهد وعلم
على صراطٍ مستقيم

مادام والعدوان ذاهب لا جهنم
بانلتقي بك في النعيم

#علي_عقاب

يااحمدالمختار بك شعبي متيم
ياصاحب الخلق العظيم

كل اليمن باتحتفل في كل مخيم
ما يختبي غير اللئيم

#جلال_الغولي

جبريل حول العاصمة طاف واحرم .
في يوم ميلاد الكريم

صلى عليك الله ربي وسلم ...
والكون في حبه يهيم

#_الشاعر_عبدالله_القبلي

ياصفوة الأنساب واشجع من تزعم
وهادي النهج السليم

ياسيدي حبك على الواقع تترجم
بحكمة اصحاب الرقيم

#هادي_حسين_الرزامي

الشعب كله بالنبي لاشك مغرم
في المصطفى دايم يهيم

وبحب طه شعبنا الميمون ملزم
مايكرهه إلا سقيم

#فتى_همدان

انا اشهد انك خير خلق الله واعلم
بمحتوى الهدي الكريم

جزاك ربي عننا بالخير تسلم
يا صاحب القلب الرحيم

#أبوحسين_العصري

سلام ما البركان والصماد دمدم
من فتية أصحاب الرقيم

لخير من زكى بدين الله وعلم
لمنهج الله القويم

#ابومقدام_الخمري

لبيك يامن بك  لنا الباري تكرم
وخصنا الله الكريم

لك اليمن ولسيد الاحرار سلم
تسليم اصحاب الرقيم

#إبتسام_شرف_المحطوري

في مولدك الكفر والكافر تقزّم
وكل متكبر لئيم

والمرجفين اليوم في ذكرك تلعثم
والبعض متوتر سقيم

#ابونصر_عزام

لبيك يا طه النبي من قلب مغرم
وفي حبك يهيم

لبيك و الجراحات بتنزف دم
من اللئيم ابن اللئيم

#ابويحيى القهدة

با نحتفل غصبآ عن اتباع ابن ملجم
واتباع سلمان الرجيم

واحنا على نفس الخطى والنهج الاعظم
واللون الخضر في الصميم

#ابوسياف_البيحاني

صلاة ربي لك عدد مالطير حوم
ذكرك على بالي مقيم

بانحتفل بك في ثقه والكل يعلم
بانه الراي السليم

#عبدالواسع_صايل_الغولي

بانشهد انك خير من بلّغ وعلّم
وانك على خلق عظيم

وارشدتنا ياسيدي طه المعظم
الى الصراط المستقيم

#جميل_جعفر_ابوشامخ

يا مرحبا بالمولد الغالي المكرّم
مولد كريم ابن الكريم

با نحتفل في مولدك بالكيف و الكم
يا صاحب النهج القويم

#شبل_الجند

يا سيدي والشعب ذا وقع وبصم
والعقل يا سيدي سليم

في مولدك بايحتشد ما هو بملزم
لكن في حبك يهيم

#الكرار_الجبر

كل الرسل بالمصطفى بلغ وعلّم
واستبشر أصحاب الرقيم

السعد في جو السماء كالغيم غيم
من داخل أعماق الصميم

#أسـامـة_المـعبـاء

هاذا النبي ذي اكرمه ربي وعظم
وخصة الباري العظيم

اُنزِل عليه الذكر وهو بذكر علم
وأسس الدين القويم

#ابـومـازن_الـرازحـي

شعب اليمن ذي بالرساله قام وأسلم
واعلن ولائه من قديم

واصبح محمد عندهم للجرح بلسم
يشفي كما الطب السقيم

#الكرار _العقيبي

لبيك ياطه النبي بلروح والدم
ياصاحب القلب الرحيم

بانحتفل بك يارسول الله الاعظم
رغم التحالف والخصيم

#ابوناصح_العزي

صلى عليك الله ماالطاير ترنم
يا نعمة الله الكريم

لي ما احتفل بمولدك يخرص ويبكم
محروم من اكبر نعيم

#شاعر_بلاد_الروس

يامرحبا يامولد النور المعضم
شفيعنا يوم الحطيم

ياخير من وجه عباد الله وعلم
بالكهف واصحاب الرقيم

#علي_بن_علي_مسرع

الله ربي نزل القرآن وعلم
وحافظ اصحاب الرقيم

ارسل لنا طه عليه صلى وسلم
ومولده فرضاً نقيم

#ابوفتح_الاشول

في مولدك يا سيدي للجرح بلسم
للشعب من جوف الصميم

اللون الاخضر ينتشر في كل معلم
ومنهجك فينا قويم

#إتحاد_الشعراء_والمنشدين

https://t.me/aboyahyaalshami

تابع المجاراة الاولى أستجابه لتوجيه السيد القايد بتدشين أيام مولد الرسول الأعظم (ص ) .

البداية #يحيى_الوحيشي

مشاعر التعظيم لك يا صاحب الخلق العظيــم..
تبعث على التصميم لإحيا مولدك رغم الحتوف..

لبيك رغم الضيم والعدوان وابليس الرجيـــم..
لبيك يا كــعبة حـــواليها مشـاعرنا تطـوف.

#عزيز_الردماني

لبيك يا نور الهدايه والصراط المستقيم.
لبيك واحنا في ميادين الوغى شم الأنوف.


لبيك في وقت الرخا لبيك في الوضع الأليم.
لبيك يا طه رسول الله في كل الظروف.

#أمين_الراجحي

راعي غنم ويتيم ربي فضله عقله سليم
ومولده تقييم للامه ورحمه للالوف

يقولو ابو تسنيم ومحمد والاء وبن ريم
بانحتشد ونهيم في الميدان ياطه صفوف

#ابوعبدالله_صالح_عنبل

اقرب من الكليم وابراهيم للحي الرحيم
وفاز في تكريم مولاه المهيمن و الرؤوف

لمولده تعظيم باعماق امته دايم مديم
والقدسيه تقويم تأبى لاعوجاجات الصفوف

#قاسم_السقاف

بقاف وبحاميم بانقسم على الذكرالحكيم
مانترك التعظيم لازم نحضر امئات الالوف

صلاة والتسليم لك يالمصطفى طه الكريم
في يوم ميلادك فرحنا اتجاوز ال شرخ الحروف

#ابراهيم-_الشرفي

جاتك قـوافـي شـعـر في وادي المحبه لك تهيم
مـن كـل شـاعـر صـار قلبه فيك يـا طــه شغوف

لـبَّـاك يـا خـيـر الـبـريـه كــل مـن قـلـبـه سـلـيـم
بك يستجير الشعب من قسوة زمانه والصروف

#إبتسام_شرف_المحطوري

في مولدك بانحتفي رغم انف متعجرف خصيم
ذي بدّع المولد وافتى للمراقص والدفوف

لبيك يامن انت قدوتنا وقايدنا الرحيم
لبيك ياطه وفي الساحات تحتفل الضيوف

#جميل_جعفر_ابوشامخ

تستاهل التكريم يا وجه الكريم ابن الكريم
والحفل والتنظيم لاحياء مولدك لا لن نخوف

لبيك بالتسليم لك والآل يا النهج القويم
هذا لكم تعميم يا انصار النبي شـمّ الإنوف

#ابوحسن_الشبطي

العهد والتسليم لك ياصاحب القلب
الرحيم
نبقى معك ماضين في كل المواقف والضروف

والوعي والتعليم في خط الصراط المستقيم
نتسلحه ونقيم واجبنا بتوحيد الصفوف

#صالح_النقيب_الجوفي

من خالص التسليم في خط الصراط المستقيم
ومن رقيم الكهف نتوافد علا الساحه ضيوف

صدورنا ساحات لتعضيم والحفل الكريم
قلوبنا في حب طه نبضهامثل الدفوف

#ابومصطفى_الرضي

يادعوة ابراهيم وياخط الصراط المستقيم
لبيك ياالنسل الكريم في السلم او حد السيوف

والعهد والتسليم من بعدك لقائدنا الحكيم
بالحشد والتنظيم يالبيه في كل الظروف

#ابونصر_عزام

مشاعر التسليم في خط الصراط المستقيم
نور الرسول الرحيم اتبعنا ووحدنا الصفوف

احتفل افرح وهيم ياشعب الأنصار العظيم
لبيك يا رسول الله رغم قسوات الظروف

#ابو_صماد_الفليتي

البيك بانور الهــدى من وسط قلبي والصميم
لبــــــيك واحنا لك فدا جينا كتايب بـ الصفوف

وشــــــعبنا في مولدك ياصاحب القلب الرحيم
جا يحتفل رغم العناء واعلن في الساحه وقوف

#أبـورمــاح_شـداد

ندشن التنظيم نفرح نحشد الشعـــــب الكريم
للحفل والتعظيم في مولد رسول الله ضيوف
 
بالحـرب والتعليـم بانـمـضـي بـدربـه نستقـيم
والعزم والتسلّيم دايم والـولاء رغـم الظـروف

#ابوهمام_الفتاحي

بالعزم والتصميم بانفرح بذا النورالعظيم
ونحتفل ونهيم في حب النبي رغم الظروف

لبيك لك تسليم يالهادي الي الدين القويم
لبيك ياطه احتشدنا بمولدك جينا ألوف

#المولد_النبوي_الشريف 1444هـ
#إتحاد_الشعراء_والمنشدين

https://t.me/aboyahyaalshami

ياهاجسي حَرِك شُعوري بحر آهات الجزال
واسْجِي بطرف الحرف مـشـكاة الزمن

أَذْهل عُيون البال موقف عج في ساح القتال
مـن قـوة الايمان كنه جيش للهِ ارتهن

أَسْرَج على كف البطوله في محاريب النزال
تـاج الشجاعه رغـم قـوات الخين

أنقذ رجال الله وارعب باالولاء كيد الضلال
نـار الحميه في فؤاده مايطـفيها الهين

خـاطر بروحه كفو تحنى له الفيافي والجبال
جسد معاني الإنتماء لأرض اليمن

هاني أبوفاضل قطع حبل المخاطر بــاتكال
ســر التوكل هدي ربي ذي سكن

يملأ قلوب المؤمنين والنصر أغرب من خيال
باعوا من الله والجنان اغلى ثمن

طومر روى للصبر في الكوكب أجاويد الرجال
جاهد لاجل الدين وفي حب الوطن

عليه سلام الله يامن كل أقواله فعال
نال الشهادة فخر عزة تؤتمن

#إبتسام_شرف_المحطوري
#إتحاد_الشعراء_والمنشدين

قصيدة تتحدث بلسان الشهيد (هاني طومر ) سلام الله عليه وعلى روحه الطاهره الزكية

مــن ولائي لآل البيت خـلدت إســمي
مِـنُهٌم إرتـوت روحـي شجاعةو تقوى

مــدرســة خـالدة قــادتـها كل نشمي
مـن هـداهـم عــرفنا نحن بـالله أقـوى

اكـتسيت الشجاعة ثوب عزة لجسمي
لاجل ادوس المذله والطواغيت تهوى

رغـم إني صغير السن ذوقت خـصمي
مـــن كــؤوس المذلة سُـم منه تــلوى

مـن وصي النبي طه استمديت عزمي
حـين جـنـدل باإبن الود والـكون دوى

رغــم إن ابـن ود العامري كان محمي
حــوله احــزاب بــالألاف قوة ومأوى

والدروس والعبر نارت قناديل فهمي
في خطى خيرة الأخيار تمحيص بلوى

وحادثة كربلاء منها نصيبي وقسمي
والرصاص والقذايف كنها ”مَن سَلوى“

جيت اترجم وفا العباس من فيض دمي
فطرتي اجبرتني استجيب دون دعوى

المرازيق كـله آنطوى تـحت حسمي
إتكالي على الباري روايات تُروى

موقفي هو بفضل الله والنصر حـتـمي
لا أخـاف المـخـاليق نسل آدم وحــوى

كيف بـالله أرى إخواني تُحاصر وتـدمـي
وأنا إبــن طومر لن أساوم وأغـــوى

جـل ربـي مـعـاي لـو بـمليون يــرمـي
مايخوف رجل مؤمن بكيده في الاجوا

بعت روحي من الله وانثره كل لحمي
لو بقيت مثل ذرات جنة الخلد مأوى

لاجلكم يـاخوتي يـااحرار شعبي وقـومـي
أمتطي سـرج الايثار نور شعسع باالاضـوا

وقـت مـاكنت أضـوي باالمدد زاح هـمـي
لن أخاف أو أبـالي لو حمى الأرض تـشـوى

بعت لله روحي في السماء شع نـجمي
والمنافق وحلفه هــو غـثـاءً وأحــوى

#إبتسام_شرف_المحطوري
#إتحاد_الشعراء_والمنشدين

https://t.me/aboyahyaalshami

تابع اقوى مجاراة عن الشهيد العظيم #هاني_طومر_ابوفاضل

#ابوحسن_صالح

اوفى بعهده ومن نزف الدماء عمد
تشهد لفعله حشود الأنس والجآني

البذل بانفس فيه اوصاف لاتعتد
شاجع مضحي مبادر حر متفاني

صلت عليه البنادق يوم ماستشهد
والجوف يبكي وينعي فارقه (هاني)

#عدنان_سالم_احمد_الذويبي

أحداث متماثله بالعز تتجدد
يفخر بها ابطالنا قاصي مع الداني

سجل بطولاته التاريخ بالمسند
وقال هذا البطل بالصبر اعياني

ابو فاضل الحيدري كرار ما اتردد
اجهض طموح العداء في كل ميداني

#ابويحيى_القهدة

عديت انا للقصايد في اللضى مقعد
ان ما تطاوع وتوصف مافعل(هاني)

لو اكتب ابيات عمري مااوصل المقصد
لكن عساي اوصفك يا قرم ربّاني

يا من على الطين بالدم الزكي عمّد
معنى التفاني ومعنى (دافع انساني)

#إبتسام_شرف_المحطوري

أعظم بطوله رواها شهم واستشهد
في أرض واقع مزلزل أذهل الجاني

طومر بهر كلها الأعين ونادى الغد
أجيال تخطي خطى طومر بإيماني

الكون سنب لإخلاصك ولك يسجد
انت الإباء والشجاعه أنت ياهاني

#هادي_حسين_الرزامي

هذه مواقف مدى التاريخ تتخلد
من محكم الذكر فسرها لنا هاني

وترجموها لنا الأنصار وتعمد
بيانها بالدماء في كل ميداني

أسمى معاني الوفاء من يومنا يمتد
حتى القيامه ولا ينساه انساني

#الشاعر_راجح_عامر

الحمد لله رب الكون من أيد
جنده بنصره وبث الرعب في الجاني

من يعرف الله ما يخشى سواه احَّد
وفي سبيله سرى مقدام متفاني

لولاه لولاه ما كنا رقم يُعتد
ولا هزمنا ببندق كل طغياني

#سعد_الله_الجوهري

ايات رب البشر للناس تجدد
كأن حيدر ظهر في عهده الثاني

كأن نار الحميه داخله توقد
ودافع الحق زاده دافع انساني

وطقم هاني رفض يحيا بعيب اسود
لو ما انتصر كان طقمع قله انساني

#صالح_حسين_أبواحمد

يامرحبا البدع ماشنت سحب وارعد
برق البطولات ذي جسد لها هاني

هو شاجع القوم له وسط العلا مقعد
للتضحيه رمز يبقى والزمن فاني

انقذ رفاقه بموقف بالولا اتصعد
اذهل شموخه ملوك الانس والجاني

#جميل_جعفر_ابوشامخ

أبـو يـمـن يـورث الإيـمـان أبّـاً جـد
ما يمشي إلّا بدرب الأولياء سـاني

هيهات أن ينحني لو يصبح امس الغد
أو يفتجع لو يسير الثاني الثاني

جبهة ولد عمرو هذا اليوم تتجدّد
قـلّ للسعودي وللصهيو مريكاني

#أبوعصام_مفرح

علي تراب الدحيضه صور المشهد
تثبت جذور الولاء والعزم الايماني

اليته في خطوط الموت ما اتردد
مومن مجاهد تقي مخلص وقراني

من عهد ادم لهذا الوقت مابه حد
من البشر كان له موقف كما هاني

#ابومقبل_الشعيثي

إن قلت مؤمن قدك من فوقها وزيد
وصبحت مابين ربيون رباني

ممات في يومها عاد العمر يولد
ومشهده سهم موت كل نصراني

اذا ذكرت البطوله يارجال اشتد
وحين اشاهد سقوطه تدمع اعياني

#صفوان_عبده_الجابري

اليوم طومر وفئ بالعهد واستشهد
صطر بطوله ونال ماكان له جاني

انا اشهد انه مجاهد باع لله متردد
اشتر زمانك وربي ي الاسد هاني

نلت الصداره ويثبت عنك ذئ المشهد
لله درك دهشت الانس والجاني

#ابومقدام_الخمري

يادهر سجل رواية ذلك المشهد
واحكي للاجيل من ماسطره هاني

ذاك الفتى القرم ذي قد فاز واستشهد
افلح وغادر وصار ابداره الثاني

سلام ربي لروحه ماالقنيف ارعد
واعداد ما اترتلت ايآت قرآني

#عدي_علي_الحجري

هذا هدى الله في القران والمقصد
طبق مضامينها في المعركه هاني

حمزه وحيدر والاشتر عادوا المشهد
والمشترك بينهم الفكر الايماني

من بعد رب السماء مشكور من جدد
وحيا العقيدة الصحيحه بيننا ثاني

#الشاعر_عبدالرحيم_ابو_كحلا

حرك. قوى العدوان لاعرق أخر جد
وحرق قوى امريكاء والعرق سلماني

وأقدم مخاليق أمثال سيف الحد
حمزه وبن طالب اليوم ذأ (هاني)

سجل قوى التاريخ بالصوت والمشهد
أعضم ملأحم وفخر النصر عنواني

#ابوسياف_الوحيشي

عليه صليت ما لاح البرق وارعد..
وما عليه اسبلت في حرب عدواني...

شيكي كلاشن دراغانوف ماتعتد...
وسلاح جوي مع مدفع وهاواني...

خاض المنايا ووجه الا رض يتوقد...
موقف بعنوان مشهد ملحمة هاني...

#أبوقصي_الغولي

ياكاتب اكتب زاومل الف ماتعتد
وارسم بطولات في الجبهات عنواني

لاابطال في الواقع عظيمه دوم تتردد
مشهد ابوالفضل اكبر درس للجاني

هاني ولد عمرو يوقف عنده المشهد
نال الشهاده بعزه كرامه وسطـ ميداني

#عبدالغني_ضبعان

الله ارتقاء طومر العز حال ما استشهد
وكل جُند(السمـ.وات)صعـّدوا هاني

من بعدما داس ونكل واقتحم وارعد
و حطـم ارقـام قياسات المريكاني

سجل بطولات لا تحصى ولا تعتـد
نقش على المجد تاريخ طول الازماني

#شاعر_بيحان_أبوليث

والقبيّله ذي ورثها شعبنا من جد
والسلف والعرف والعزه والايماني

والردع والرد مع هجماتنا والصد
حتى الوجع ذي نهدد به على الجاني

#بلال_الصوفي

مشهد وياله مدى الأيام من مشهد
ماشي مثيله طوال الدهر من ثاني

بطل حسيني لكل التضحية جسد
مضى مع الله رب الكون متفاني

ماعاش في يوم متكاسل ولا تردد
او كان

#إتحاد_الشعراء_والمنشدين

تابع المجاراة عن عداوة اليهود وحقدهم الشديد للمسلمين وتربية اولادهم على ذلك..

البداية للشاعر #رياض_الصايدي

ياذي من التعليم تحرم جهالك
شوف اليهودي كيف علّم جهاله؟!!

انته على الذلة تربّي عيالك
و هو على العزّة يربي عياله

هو يشحن الأجيال ويعدها لك
وأنت بالتجهيل بتعدّها له..!!

#يحيى_الوحيشي

يا خي على القرآن ربي رجالك..
قد بيّن اللوبي وعرى رجــــــاله..

طبع اليهودي ما يخلك بحالك..
يمكر يكيد يعدّ ليزين حـــــاله..

من خبثه انه يعرفك من خلالك..
ويقيمك ويعــــطلك من خلاله..

ويجندك في خدمته ضد خالك..
ويدق راس البزي في راس خاله..

#الشاعر_محمد_نعمان_النصيري

ياشــعبنا بالله وثِّــق حــبالــك
وقــوم قــطِّع لليهودي حباله

مستقبل أولادك ضَــعَه راس مالك
لن اليهــودي جاعل أبناه ماله

إحــسب لــها بالصــح قبــل إحتلالك
من أجل نفلح كلنا بــ إحــتلاله

#ابوعلي_البريهي

يبن اليمن بالدين ربي عيالك
وعلى الولا لله وطه وآله

فاليهوده ياما سعت لإغتيالك
كي تشتري بالهدي منها الضلالة

توغل قلوب أطفالها بالعدا لك
وفكرها الملعوون وآخس سلالة

وعنك (لن ترضى) ودام إن فعالك
تغضب قوى الشيطان وأهل الجهالة

في علمها ان القدس غاية منالك
فمضي ومعك الله رب الجلالة

#ابوبراءة_الديلمي

اعظم هدى منهج اللهي عطالك
وقدوتك طه النبي ما مثاله

وانت يااخي قوم وسع مجالك
في حب دين المصطفى والرساله

واعمل لصالح موطنك باامتثالك
واجاهد اوغاد النفاق والحثاله

#ابوبدر_ذيبان

شوف اليهودي كيف سوا قبالك
كيف يزرع الاحقاد داخل عياله

وهو على باطل ويشتي زوالك
وانت الولى لله وطه وآله

اهتم حث اقبل وعلم عيالك
دينك وطاعة ربنا والرجاله

وفالمراكز باتحقق منالك
وابنائنا كلا بطل في مجاله

#علي_درهم_المؤيد

علم عيالك من يريد احتلالك
ويريد يطمس دين رب الجلاله

لو كلفك وتبيع بيتك ومالك
بتكون رابح انت في كل حاله

ترا اليهـ ـودي من زمن قد نوالك
وعلى العداوه لك يعلــم عياله

بالغصب قد كــون كيــانه قبلك
واطراف ثوبك قد بدع بحتلاله

#ابورائد_السعدي

يا صاحبي هم اليهود العداء لك
يقدموا لك كل سبل الظلاله

أولادهم بيعلموهم قتالك
كلن يلقن في عداهم عياله

قدياخذ إبنك يسحبه من قبالك
وإبنك يسميها انفتاح وزماله

وبايصل بإبنه الى عقر دارك
يبيح عرضك وانت عاجز قباله

من قال لك تحذر تعلم عيالك!
هذا مجند في صفوف العماله

#إبتسام_شرف_المحطوري

علم عيالك كي تحقق منالك
من علم اولاده تحقق مناله

باالعلم ينهض كل مالي ومالك
ويزيد حتى للولد جل ماله

باالعلم يُعرف من يذلك يضلك
وادعس على امريكا وكامل ضلاله

اليهوده تشتي تنخِّر حلالك
واللي يعلم ماينخّر حلاله

شعب اليمن في الغد يبهر جمالك
من جيلنا من فيض رونق جماله

#عبدالكريم_صلاح

عِد لليهودي كل جهدك ومالك
حتى يلاقي الرعب ساكن خياله

وسد دربه وإجعله مثل فالك
يا أنت ولا هو يحتم زواله

با ينهبك قوتك ونعلك وشالك
إذا تركته يا أخي بعد حاله

دمه وماله إجعله من حلالك
وأغلظ عليه القول عند المقاله

#الشاعر_يوسف_الحداد

علم عيالك قبل تجني وبالك
وتصير غارق في بحور الجهاله

العلم والتعليم راسك ومالك
راجع حسابك لاتزيد الهباله

ابن اليهودي يشتغل في حبالك
تضليل للاطفال في كل حاله

اليوم حدد موقفك من قبالك
واعرف طريق الحق واسعى قباله

ون ملت فالله بايعجل زوالك
وشعبنا هيهات يحرم عياله

#إتحاد_الشعراء_والمنشدين

https://t.me/aboyahyaalshami