وكُن على ثِقةٍ فيمن تلوذُ بهِ
سَهمُ الدعاءِ إذا أطلقتَهُ يصلُ 🏹🌿

#ساعة_إجابة

﴿وَإِذَا سَأَلَكَ عِبَادِي عَنِّي فَإِنِّي قَرِيبٌ﴾


لأنه تعالى، الرقيب الشهيد، المطلع على السر وأخفى، يعلم خائنة الأعين وما تخفي الصدور، فهو قريب أيضا من داعيه، بالإجابة، ولهذا قال: ﴿أُجِيبُ دَعْوَةَ الدَّاعِ إِذَا دَعَانِ﴾.

- تفسير السعدي.

تلاوة محبرة من سورة البقرة
#تلاوات_الحصري.
#الشيخ_محمود_خليل_الحصري.

#قصص_الأنبياء(٢)
#السيرة_النبوية
#الحلقة_مائة_وستة_وأربعون
#أحداث_السنة_السابعة_من_الهجرة
#تفسير_رؤيا_رسول_الله_عن_أهل_البرزخ

اتكلمنا المرة إللي فاتت عن الرؤيا إللي رآها رسول الله ﷺ وعرفنا تفسير أول حاجتين رسول الله ﷺ شافهم في الرؤيا ووقفنا عند سؤال مهم وهو:
ليه الكذب في المنام أشد من الكذب في الحقيقة، مع إن إللي بيكذب في المنام وإنه رأى رؤيا وهو مشفش حاجة يبقى كده هيضر نفسه بس، لكن الكذب في الحقيقة يعني الكذب على البشر هيضر إللي حواليه وممكن يأخذ حق مش له ومشاكل كتير بسبب الكذب ده😕
الإجابة بكل بساطة هي إن الكذب في الرؤيا هي كذب على الله، والكذب على الله أشد من الكذب على المخلوقين، ربنا بيقول:
"وَمَنْ أَظْلَمُ مِمَّنِ افْتَرَىٰ عَلَى اللَّهِ كَذِبًا ۚ أُولَٰئِكَ يُعْرَضُونَ عَلَىٰ رَبِّهِمْ وَيَقُولُ الْأَشْهَادُ هَٰؤُلَاءِ الَّذِينَ كَذَبُوا عَلَىٰ رَبِّهِمْ ۚ أَلَا لَعْنَةُ اللَّهِ عَلَى الظَّالِمِينَ "

طيب ليه الكذب في الرؤيا يبقى كذب على ربنا😳
لأن رسول الله ﷺ قال :
" الرُّؤْيَا الصَّالِحَةُ جُزْءٌ مِنْ سِتَّةٍ وَأَرْبَعِينَ جُزْءًا مِنْ النُّبُوَّةِ"
والنبوة لا تكون إلا وحياً من الله👌
فاللي بيقول إنه شاف رؤيا وهو مشفهاش، فهو كده بيكذب على ربنا إنه أراه في المنام شيء محصلش أصلا وهو مشفش حاجة،
يعني كأنه بيدعي إن ربنا أوحى له بشيء وده محصلش🤷‍♂️
فكان الكذب على الله أشد وأَوْلى بعظيم العقوبة من إللي بيكذب على البشر، وبيسبب لهم أضرار أو يعطيهم حق مش لهم👌
◇طيب وإللي عمل كده فعلا يعمل إيه🤔
يجب عليه إنه يتوب ويستغفر👌
وطبعا يعمل الصالحات، لأن الحسنات بتمحي السيئات، ومش لازم يقول للي كذب عليه في الرؤيا إن كذب وإنه كان غلطان والكلام ده، يخليها بينه وبين نفسه وميكررهاش تاني👌

نرجع بقى لتفسير باقي رؤيا رسول الله ﷺ😁
الملكين أخبروا رسول الله ﷺ عن أول رجلين خلاص، وبيكملوا لرسول الله ﷺ تفسير باقي الأحداث وقالوا له:
أما بقى الرجال والنساء العراة إللي كانوا في التنور أو الفرن فهم:
《الزّناة والزّواني》
"وأَمَّا الرِّجَالُ والنِّسَاءُ العُرَاةُ الَّذِينَ في مِثْلِ بنَاءِ التَّنُّورِ، فإنَّهُمُ الزُّنَاةُ والزَّوَانِي"
يعني الرجال والنساء إللي بيقعوا في فاحشة الزنا والعياذ بالله،
فعقوبة الزناة إن ربنا بيجمعهم في فرن من نار يتعذبوا فيه إلى يوم القيامة، وعذاب الآخرة أشد،
طبعا العذاب ده إذا ما تابوش قبل ما يموتوا، لكن لو تابوا توبة نصوح وحالهم بعد التوبة أفضل من حالهم قبل التوبة، يبقى خلاص كده ربنا يغفر لهم ويبدل لهم سيئاتهم حسنات، ربنا بيقول:
"وَالَّذِينَ لَا يَدْعُونَ مَعَ اللَّهِ إِلَٰهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ ۚ وَمَن يَفْعَلْ ذَٰلِكَ يَلْقَ أَثَامًا *
يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا "
يعني إللي هيعمل كده ويموت هيتعذب عذاب شديد جدا؛
إلا إللي يتوب قبل ما يموت،
"إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ ۗ وَكَانَ اللَّهُ غَفُورًا رَّحِيمًا"
فكل إللي احنا بنتكلم فيه ده عن ناس بتعمل المحرمات دي وماتت من غير توبة، لكن إللي بيتوب في الدنيا بصدق ربنا يقبل توبته وميدخلش في العذاب ده👌
ربنا يعافينا وإياكم ويعصمنا من الذّلل🤲

◇أما الرجل إللي كان بيسبح في نهر الدم ويترمى في فمه حجر، فهو: 《آكل الربا》
"وأَمَّا الرَّجُلُ الذي أتَيْتَ عليه يَسْبَحُ في النَّهَرِ ويُلْقَمُ الحَجَرَ، فإنَّه آكِلُ الرِّبَا"
فالرجل بيسبح في نهر الدم وكل ما ييجي ناحية الشاطيء بيفتح فمه غصب عنه ويترمى في فمه الحجر، فهو حتى لو مش عايز يفتح فمه هيفتحه يعني هيفتحه مفيش نقاش👌
فيفضل يسبح والصخور في بطنه في نهر الدم وهو متألم، ويرجع تاني وياخد صخور في فمه وهكذا، وكل ما ازداد أكله للربا في الدنيا زادت الصخور،
ويكون ده عذابه المستمر بحسب الربا إللي أكله😞

☆طيب سريعا كده خلونا نعرف إيه هو الربا ده ،عشان في ممكن ناس متكنش عارفة🤔
الربا معناه الزيادة في شيء معين، يعني مثلا واحد يسلف واحد فلوس ألف جنيه مثلا، ويقول له لما تيجي ترجعهم لي ترجعهم ألف وخمسمائة،
فهو هنا أخد زيادة على الفلوس وهي مش من حقه،
وصورة تانية للربا وهي إن الرجل يسلف واحد ألف جنيه مثلا وبعدين يتفق مع الرجل إللي أخذ الفلوس على ميعاد معين،
فلو جاء الميعاد ومدفعش يقول له خلاص، هنأجل بس هتدفع بعدين ألف وخمسين،
ولو جاء الميعاد إللي بعد كده ومدفعش، يقول له هنأجل ويبقى بعد كده ألف ومائة وهكذا،
وبالتالي يا جماعة أي قرض ناخده أو حتى نعطيه لأي حد سواء أشخاص أو بنوك لازم يكون القرض إللي هناخده أو نعطيه يساوي القيمة إللي هنسددها أو هناخدها،
يعني أخدنا ألف نرجعها ألف، أخدنا مائة نرجعها مائة، أعطينا ألف يبقى ناخدهم ألف، أي زيادة ندفعها عن المبلغ إ

للي أخدناه أو أعطيناه حتى لو جنيه واحد يبقى حرام🙅‍♂️

وطبعا بيع الذهب بالذهب محرم برده لأنه من الربا إلا لو كان نفس الوزن بالضبط مفيش فيه زيادة أو نقصان ومش هتدفع أي فلوس زيادة،
يعني مثلا لو واحدة عايزة تبيع خاتم وتشتري واحد جديد،
فتقوم رايحة للبيّاع وتديله الخاتم وتاخد واحد بداله جديد وتدفع الفرق، الصورة دي لا تجوز وهي من الربا المحرم🙅‍♂️

طيب الصح إيه🤔
الصح إن المرأة تبيع الخاتم مثلا وتاخد تمنه في إيدها، وبعدين تشوف الخاتم إللي هي عايزاه وتمنه كم، وتجهز تمنه وبعدين تعطيه للبائع أو زي ما قلنا تبيع ذهب بذهب من غير ما تدفع أو تاخد أي فلوس، يعني جرامات قصاد جرامات، وبكده يبقى هي خرجت من الربا المحرم👌

♧طبعا موضوع الربا ده متفرع وفي مسائل وكلام كتير عن سبب التحريم وأثاره السلبية، وغيره،
وده مش موضوعنا، أنا بس بديكم معلومات أساسية عشان لما تسمعوا أو تقرأوا الكلمة تكونوا فاهمين معناها،
لأن زي ما قلتلكم قبل كده الهدف من السيرة النبوية مش بس نعرف قصة حياة رسول الله ﷺ وحياة الصحابة، لكن كمان عشان نتعرّف ونتعلم أساسيات الإسلام 😁👌

نرجع للملكين وشرحهم لرسول الله ﷺ، قالوا:
◇الرجل إللي انت شوفته ده وكان شكله وحش جدا فهو:
《مالك خازن النار》
"وأَمَّا الرَّجُلُ الكَرِيهُ المَرْآةِ، الذي عِنْدَ النَّارِ يَحُشُّهَا ويَسْعَى حَوْلَهَا، فإنَّه مَالِكٌ خَازِنُ جَهَنَّمَ"
وهو شكله وحش كده لأنه بيعذب أهل النار بمنظره، عذاب نفسي يعني، لأن المنظر المفزع مرعب، والرعب في حد ذاته عذاب، فيجتمع على أهل النار العذاب الجسدي والعذاب النفسي،
وربنا قال عن خزنة النار ، يعني حراسها والمسؤولين عن تعذيب أهل النار وهم أعوان مالك خازن النار:
"يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ 《عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ》 "

☆كل إللي احنا شوفنا عذابهم دول هم من أهل الكبائر، يعني إللي كانوا بيعملوا كبائر الذنوب مش معاصي عادية وماتوا من غير ما يتوبوا منها،
وممكن الواحد فيهم يجمع أكثر من عذاب، يعني واحد ممكن يكون ينام عن الصلاة المكتوبة وفي نفس الوقت بياكل الربا وفي نفس الوقت بيكذب وفي نفس الوقت زاني😶
ويموت قبل ما يتوب من كل ده، فيتعذب بقى كل العذاب إللي احنا اتكلمنا عنه ده لحد ما يخلص الكبائر بتاعته دي،
والحياة إللي بيكونوا عايشينها دي اسمها حياة البَرْزَخ،
والبَرْزَخ هو الفترة الزمنية إللي بتكون بين موت الإنسان لحد ما يُبعث يوم القيامة، فاللي يموت على الإسلام والطاعة بيُنعّم في القبر،
وإللي يموت على الكفر والمعصية بيُعذب، زي ما شوفنا من أصحاب الكبائر دول👌

☆طيب الناس أصحاب الكبائر دي وإللي ماتوا من غير ما يتوبوا منها، هل هم مُخلدين في النار، يعني مش هيطلعوا منها أبدا🤔
أصحاب الكبائر زي الزنا والسرقة وقتل النفس بغير حق والكذب وغيرها من الكبائر غير مخلدين في النار،
يتعذبوا في القبر وفي النار على قدر ذنوبهم ويطلعوا ماداموا 《مش مُسْتحِلين》
يعني ما دام الواحد فيهم مش شايف إن الكذب حلال فعلى الأساس ده بيكذب، أو السرقة حلال أو قتل المسلمين حلال، يبقى هو مش هيكون مُخلّد في النار للأبد، هيتعذب فيها بقدر ذنوبه ويخرج،
¤وهنا في ملحوظة مهمة👌
وهي إن الخلود نوعين:
◇خلود معناه الأبد وإنه مش هيطلع من النار أبداااا، زي خلود الكفار والمشركين في النار، ربنا بيقول:
"كَذَٰلِكَ يُرِيهِمُ اللَّهُ أَعْمَالَهُمْ حَسَرَاتٍ عَلَيْهِمْ ۖ وَمَا هُم بِخَارِجِينَ مِنَ النَّارِ"
◇والنوع التاني من الخلود هو الإقامة الطويلة، يعني إن الواحد يقعد فترة طويلة جدا في مكان معين، والعرب كانت تقول عن الإقامة الطويلة خلود، واحنا عارفين إن القرآن نزل بلغة العرب،
فلما ربنا يقول:
"وَمَن يَقْتُلْ مُؤْمِنًا مُّتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا "
فالآية هنا مش معناها إنه هيفضل في النار للأبد ومش هيخرج منها أبدا زيه زي الكافر،
لكن معناه إنه هيقعد في النار فترة طويلة يتعذب فيها عشان يكفر عن إللي عمله،
وطبعا زي ما قلنا إذا لم يستحل المعصية، يعني مكنشي بيشوف إن إللي عمله ده حلال،
فأول ما الواحد يستحل المعصية ومات على كده يبقى خلاص كفر ويكون خالد مُخلد في النار ميخرجش منها أبدا👌

☆طيب هل الكلام ده نهائي، يعني أي حد هيموت على كبيرة من الكبائر من غير ما يتوب منها يبقى أكيد هيتعذب، ولاّ ممكن ربنا يتجاوز عنه🤔
شوفوا،
إخلاف الوَعِيد من مكارم الأخلاق عند البشر، فما بالكم برب العالمين وأرحم الرحمين،
يعني مثلا لو مدير شركة قال للموظفين بتوعه كلكم هتاخدوا خصم عشان غلطتم في كذا وكذا وكذا،
فبعدين المدير ده عفا عنهم لأي سبب من الأسباب، ومخصمش منهم حاجة، محدش من العمال هيقول للمدير انت ليه معقبتناش زي

ما قلت، بالعكس ده هيبقوا مُمتنّين ومبسوطين من المدير إنه معقبهمش💁‍♂️
ولله المثل الأعلى في السماوات والأرض، ربنا قال إن إللي هيعمل كذا هيكون عقابه كذا،
فلما العباد وقعوا في إللي ربنا نهى عنه، وبعدين ربنا خلف وعيده ورحمهم لحكمة يعلمها سبحانه، فدي صفة من صفات الكمال لله عز وجل👌
فأصحاب الكبائر إللي يموتوا من غير توبة دول أمرهم إلى الله، إذا شاء عذبهم وإذا شاء غفر لهم وعفا عنهم،
هو الحكيم سبحانه هو يرى ويعلم مين إللي يستحق العذاب ومين إللي يستحق العفو، وربنا بيقول:
"إِنَّ اللَّهَ لَا يَغْفِرُ أَن يُشْرَكَ بِهِ وَيَغْفِرُ مَا دُونَ ذَٰلِكَ لِمَن يَشَاءُ"
فاللي هيستحق العذاب من أهل الكبائر زي الزناة مثلا وربنا لم يعفو عنه، هيتعذب بالعذاب إللي احنا قلنا عليه ده،
ولو لسه له باقي عذاب هيدخل النار يتعذب لحد ما يخلص ذنوبه وبعدين ربنا يخرجه منها بفضله ورحمته👌
فاحنا يا جماعة حتى لو شوفنا واحد مات وهو بيعمل أي كبيرة من الكبائر منقدرش نجزم ونأَكد إن ده هيدخل جنة ولاّ نار،
لكن نقول أمرهُ إلى الله إذا شاء عذبه وإذا شاء غفر له،
لكن لاشك طبعا إن إللي يموت على كبيرة من الكبائر، ده سوء خاتمة وعلى حسب النصوص الشرعية والأدلة فهو كده هيتعذب،
لكن منقدرش نجزم بكده، يعني منقدرش نقول فلان ده مات على سوء خاتمة فهو هيتعذب أكيد وهو من أهل النار ، لأ، دي مش بتاعتنا، دي بإيد ربنا 👌
فاحنا ناخد العظة والعبرة عشان نهايتنا متبقاش زيه وخلاص👍

خلونا بقى نطلع من جو العذاب والآلام دي وندخل الروضة أو البستان ونشوف مين الرجل إللي كان قاعد فيها ده😅
قال الملكان:
أما الرجل الطويل إللي كان قاعد في البستان فهو:
《إبراهيم، وأما الولدان الذين حوله فكل مولود مات على الفطرة 》
"وأَمَّا الرَّجُلُ الطَّوِيلُ الذي في الرَّوْضَةِ فإنَّه إبْرَاهِيمُ صَلَّى اللهُ عليه وسلَّمَ، وأَمَّا الوِلْدَانُ الَّذِينَ حَوْلَهُ فَكُلُّ مَوْلُودٍ مَاتَ علَى الفِطْرَةِ"
يعني إبراهيم عليه السلام قاعد في الروضة الجميلة دي وحوله كل الأطفال إللي ماتوا وهم صغيرين على الفطرة قبل سن البلوغ،
فأبناء المسلمين إللي بيموتوا وهم صغيرين قبل البلوغ 《بصفة عامة》 في كفالة إبراهيم وسارة، بيراعوهم لحد ما ييجي يوم القيامة فيرجعوهم لآبائهم وأمهاتهم،
وبقول بصفة عامة لإننا مينفعش نشهد لشخص مُعين بجنة أو نار حتى لو كان طفل👌
فدي بشارة لكل أب وأم مات له حد من أطفاله وهو صغير، يعني تخيل كده ابنك كان يفضل معاك ولاّ يكون في رعاية إبراهيم عليه السلام أبو الأنبياء وزوجته سارة 💁‍♂️
أكيد طبعا في كفالة إبراهيم ورعايتهم أفضل من رعاية أبوه وأمه،على الأقل إبراهيم عليه السلام وزوجته سارة مش هيضربوه ولا يشتموه ولا يصرخوا في وشه، زي ما بنشوف ونسمع عن إللي الأباء والأمهات بيعملوه في عيالهم بحجة إنهم بيربوهم😑
طبعا موت الأطفال الصغار ده مؤلم جدا للآباء والأمهات، عشان كده ربنا بيجازي إللي بيصبر على الابتلاء الشديد ده إن ربنا يأمر الملائكة إنها تَبني للأب أو الأم بيت في الجنة يسموه بيت الحمد، يدخلوه يوم القيامة👌

☆طيب وأطفال المشركين 🤔
ده سؤال سأله واحد من الصحابة لرسول الله ﷺ، هل أطفال المشركين داخلين مع أطفال المسلمين ولاّ إيه حالهم،
"فَقالَ بَعْضُ المُسْلِمِينَ: يا رَسولَ اللَّهِ، وأَوْلَادُ المُشْرِكِينَ؟"
رسول الله ﷺ قال للصحابي إللي سأل : وأطفال المشركين معاهم👌
لكن يا جماعة في وقت الرؤيا دي مكنش لسه ربنا أوحى لرسول الله ﷺ إن أطفال المشركين لهم وضع خاص وانهم لهم امتحان في الآخرة، هيمتحنوا، زي ما شرحنا قبل كده بالتفصيل في الجزء الخامس والتسعين،
فهو قال للصحابة إللي كان يعرفه في الوقت ده، وبعدين ربنا أوحى له إن أطفال المشركين لهم امتحان في الآخرة، زي أهل الفترة والمجنون، وهو ده أرجح الأقوال،
والدليل على الكلام ده حديث رسول الله ﷺ:
"يُؤتى بأربعة يوم القيامة:
بالمولود وبالمعتوه وبِمَن مات في الفترة وبالشيخ الفاني كلهم يتكلم بحُجته،
فيقول الرب تبارك وتعالى لعُنقٍ من النار: أُبْرُز!
فيقول لهم إني كنت أبعث إلى عبادي رسلا من أنفسهم وإني رسول نفسي إليكم ادخلوا هذه،
فيقول من كُتب عليه الشقاء يا رب أين ندخلها ومنها كنا نفر، قال: ومن كتب عليه السعادة يمضي فيقتحم فيها مسرعا، قال: فيقول الله تبارك وتعالى أنتم لرسلي أشد تكذيباً ومعصية فيدخل هؤلاء الجنة وهؤلاء النار"

طبعا أنا مش هعيد الشرح تاني بقى، احنا اتكلمنا عنه قبل كده، فممكن ترجعوا للجزء الخامس والتسعين لو حابين تراجعوا الشرح بالتفصيل 😅

◇المدينة بقى إللي رسول الله ﷺ صعد لها وكان مبنية من طوبة من الفضة وطوبة من الذهب فدي كانت الجنة، والناس إللي قابلهم وكان نص وشهم جميل ونص وشهم قبيح دول ناس:
《 خلطوا عملاً صالحًا، وآخر سيئًا تجاوز الله عنهم 》
"وأَمَّا القَوْمُ الَّذِينَ كَانُوا شَطْرٌ منهمْ حَسَنًا وشَطْرٌ قَبِيحًا، فإنَّهُمْ قَوْمٌ خَلَطُوا عَمَلًا صَالِحًا وآخَرَ سَيِّئًا، ت

َجَاوَزَ اللَّهُ عنْهمْ"
عارفين لما نخلط اللبن بالمية🤔
أهه نفس التشبيه تقريبا، العمل الصالح مخلوط مع العمل السيء ومش عارفين نفصلهم عن بعض زي اللبن والمية كده نحسهم حاجة واحدة،
عشان كده كان نص وجههم قبيح والنص التاني حسن، فدول ربنا عفا عنهم، وعشان يتخلصوا من النص السيء ده الملكين قالوا لهم إنهم يروحوا ينزلوا في نهر، كان معترض الجنة يعني كان بعرض الجنة والنهر ده كان لونه أبيض زي اللبن،
ويحتمل إن الماء إللي في النهر ده هو المقصود في دعاء رسول الله ﷺ:
" اغسل خطاياي 《بالماء》 والثلج والبَرَد"
فالماء إللي في النهر ده ماء مُنظف ومُنقّي ومُطهر، فلما نزلوا فيه أزال السوء إللي كانوا فيه، وبقى وجههم كله حسن.

وقال الملكان لرسول الله ﷺ إن المكان إللي هم فيه ده هو جنة عدن، وشاوروا لرسول الله ﷺ على قصر عالي بعيد قالوا له إن ده بيته، وكان شكله جميل عامل زي السحابة البيضاء المتراكب بعضها على بعض،
فرسول الله ﷺ كان عايز يدخل البيت ده ويشوفه شكله إيه من الداخل، فالملكان قالوا له إنه مش هينفع يدخله دلوقتي لأن لسه عمره في الدنيا مانتهاش، لما ينتهي هيدخله أكيد👌

وفي النهاية الملكين أخبروا رسول الله ﷺ عن نفسهم وإنهم جبريل وميكائيل، لأن رسول الله ﷺ كل ده مكنش يعرف إنهم ملكين أصلا لأنهم لما جاءوا لرسول الله ﷺ في بداية الرؤيا كانوا على هيئة رجلين ميعرفهمش رسول الله ﷺ.

وبكده انتهت رؤيا رسول الله ﷺ وتفسيرها،
في رؤيا مشابهة للرؤيا دي لناس بتتعذب بسبب إنهم كانوا بيعملوا حاجات تانية،
الرؤيا دي هيشوفها رسول الله ﷺ بعد معركة مؤتة،
لما ييجي وقتها هنشرحها إن شاء الله 😊

المرة الجاية إن شاء الله هندخل مع رسول الله ﷺ في بيته ونشوف بعض المواقف بينه وبين زوجاته وإزاي كان بيتصرف معاهم😁

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊



#Eman_Shalapy

⭐ المصادر ⭐

https://www.dorar.net/hadith/sharh/2116

https://www.google.com/amp/s/islamqa.info/amp/ar/answers/11110

https://islamqa.info/amp/ar/answers/253963

https://almunajjid.com/courses/lessons/258

https://www.google.com/amp/s/islamqa.info/amp/ar/answers/182728

https://dorar.net/aqadia/3403/%C2%A0%D8%A7%D9%84%D9%85%D8%A8%D8%AD%D8%AB-%D8%A7%D9%84%D8%AB%D8%A7%D9%84%D8%AB:-%D8%AD%D9%83%D9%85-%D8%A3%D9%87%D9%84-%D8%A7%D9%84%D9%83%D8%A8%D8%A7%D8%A6%D8%B1-%D8%A7%D9%84%D9%81%D8%A7%D8%B3%D9%82-%D8%A7%D9%84%D9%85%D9%84%D9%8A-%D8%B9%D9%86%D8%AF-%D8%A3%D9%87%D9%84-%D8%A7%D9%84%D8%B3%D9%86%D8%A9

https://binbaz.org.sa/fatwas/14150/%D8%B9%D9%82%D9%8A%D8%AF%D8%A9-%D8%A7%D9%87%D9%84-%D8%A7%D9%84%D8%B3%D9%86%D8%A9-%D9%88%D8%A7%D9%84%D8%AC%D9%85%D8%A7%D8%B9%D8%A9-%D9%81%D9%8A-%D8%A7%D8%B5%D8%AD%D8%A7%D8%A8-%D8%A7%D9%84%D9%83%D8%A8%D8%A7%D9%89%D8%B1

https://www.google.com/amp/s/islamqa.info/amp/ar/answers/300082

لا تنكسر أمام ذنبك محبطًا يائسًا، وليحملك علمك بحب ربك التوبة، وفرحه بعبده التائب الفرحَ الذي لا نحيط به علمًا=فتقوم بضعفك وذلتك وجراحاتك بين يدي ربك الذي لم يشترط للدخول عليه أن تكون معصومًا..بل هو يحب انحيازك إليه، وهو بصير بضعفك، عليم بطينيتك التي تثاقل أحيانًا إلى الأرض!

إنك بالتوبة تحقق مراد ربك، وتعصف بكيد الشيطان بعيدا، فيجلس متحسرا إذ ظن أنه ظفر بك وأقعدك يائسا محجوبا عن ربك!
فكم هي حسرته وهو يراك متجددا بالتوبة والأمل في الله، واليقين في مغفرته وكرمه!
وهل تظن الملك يراك مريدا له فيدعك في يد عدوه؟!
حاشا لكرمه ورحمته!

"والله يريد أن يتوب عليكم ويريد الذين يتبعون الشهوات أن تميلوا ميلا عظيمًا"..
"يريد الله أن يخفف عنكم وخُلِق الإنسان ضعيفًا".
فالحمد لله أن ربنا الله وحده لا إله إلا هو!

لا حول ولا قوة الا بالله 🌺

‏
🌑🌕 أذكار المساء الصحيحة🌕🌑
‏ ࿐༜.. ࿐༜.. ࿐༜


🌕 - *((أمْسَيْنَا وَأَمْسَى الْمُلْكُ للهِ، وَالْحَمْدُ للهِ، وَلاَ إِلَـهَ إِلاَّ اللهُ وَحْدَهُ لاَ شَرِيكَ لَه, لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، رَبِّ أَسْأَلُكَ خَيرَ مَا فِي هَذِهِ اللَّيلَةِ وَخَيْرَ مَا بَعْدَهَا، وَأَعُوذُ بِكَ مِنْ شَرِّ هَذِهِ اللَّيلَةِ وَشرِّ مَا بَعْدَهَا، رَبِّ أَعُوذُ بِكَ مِنَ الْكَسَلِ وَسُوءِ الْكِبَْرِ، رَبِّ أَعُوذُ بِكَ مِنَ عَذَابٍ فِي النَّارِ وَعَذَابٍ فِي الْقَبْرِ).*

📚(مختصر مسلم: 1894)

🌕 - *((إذا أمسى فليقل: اللَّهُمَّ بِكَ أَمْسَيْنَا وَبِكَ أَصْبَحْنَا، وَبِكَ نَحْيَا وَبِكَ نَمُوتُ، وَإِلَيْكَ الْمَصِيرُ))*

📚(الصحيحة: 262) .

🌕 - *((اللَّهُمَّ أَنْتَ رَبِّي، لاَ إِلَـهَ إِلاَّ أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ, أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي، فَاغْفِرْ لِي؛ فَإِنَّهُ لاَ يَغْفِرُ الذُّنُوبَ إلاَّ أَنْتَ)).*

📚(مختصر البخاري: 2420)

🌕 - *((يَا حَيُّ يَا قَيُّومُ بِرَحْمَتِكَ أَسْتَغِيثُ, أَصْلِحْ لِي شَأْنِي كُلَّهُ, وَلاَ تَكِلْنِي إِلَى نَفْسِي طَرْفَةَ عَيْنٍ))*

📚(صحيح الترغيب: 661)

🌕 - *((اللَّهُمّ عَالِمَ الْغَيْبِ وَالشَّهَادَةِ, فَاطِرَ السَّمَوَاتِ وَالأَرْضِ, رَبَّ كُلِّ شَيْءٍ وَمَلِيكَهُ، أشهد أن لا إله إلا أنت, أَعُوذُ بِكَ مِنْ شَرِّ نَفْسِي، وَشَرِّ الشَّيْطَانِ وَشَِرَْكِهِ, وَأَنْ أَقْتَرِفَ عَلَى نَفْسِي سُوءًا أَوْ أَجُرَّهُ إِلَى مُسْلِمٍ)).*

📚(صحيح الكلم: 21)

🌕 - *((اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالآخِرَةِ, اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي دِينِي, وَدُنْيَايَ, وَأَهْلِي, وَمَالِي, اللَّهُمَّ اسْتُرْ عَوْرَاتِي وَآمِن رَّوْعَاتِي, اللَّهُمَّ احْفَظْنِي مِنْ بَيْنِ يَدَيَّ, وَمِن ْ خَلْفِي, وَعَنْ يَمِينِي, وَعَنْ شِمَالِي, وَمِنْ فَوْقِي، وَأَعُوذُ بِعَظَمَتِكَ أَنْ أُغْتَالَ مِنْ تَحْتِي)).*

📚(صحيح الكلم: 23),
(صحيح ابن ماجه: 3135)


🌕 *أمسينا على فطرة الاسلام وعلى كلمة الاخلاص وعلى دين نبينا محمد صلى الله عليه وسلم وعلى ملة ابينا ابراهيم حنيفا مسلما وما كان من المشركين*


🌕 - *((أَعُوذُ بِكَلِمَاتِ اللهِ التَّامَّاتِ مِنْ شَرِّ مَا خَلَقَ)).*
ثلاث مرات

📚(مختصر مسلم: 1453),(صحيح الترمذي: 3604/م

🌕- *((سُبْحَانَ اللهِ وبحمده عَدَدَ خَلْقِهِ, وَرِضَا نَفْسِهِ, وَزِنَةَ عَرْشِهِ, وَمِدَادَ كَلِمَاتِهِ))*

ثلاث مرات
📚(الصحيحة: 2156)

🌕 - *((بِسْمِ اللهِ الَّذِي لاَ يَضُرُّ مَعَ اسْمِهِ شَيْءٌ؛ فِي الأَرْضِ وَلاَ فِي السَّمَاءِ وَهُوَ السَّمِيعُ الْعَلِيمُ)).*
ثلاث مرات

📚(صحيح الترمذي: 3388)


🌕 - *((سُبْحَانَ اللهِ وَبِحَمْدِهِ)).*
مائة مرة

📚(مختصر مسلم: 1903)
,(صحيح أبي داود: 5091)

🌕 *(لاَ إِلَـهَ إِلاَّ اَللهُ وَحْدَهُ لاَ شَرِيكَ لَهُ, لَهُ الْمُلْكُ, وَلَهُ الْحَمْدُ, وَهُوَ عَلَى كُلِّ شَيْءٍ قَدِيرٌ).*
مائة مرة

📚(صحيح الترغيب: 658)

🌕 - (قُلْ : *" قُلْ هُوَ اللَّهُ أَحَدُ والمعوذتين* حين تصبح وحين تمسى ثَلاَثَ مَرَّاتٍ ، تَكْفِيكَ مِنْ كُلِّ شَيْءٍ)

📚(صحيح الترمذي ).
(وأبو داود )رقم/5082

#أذكار_المساء

إنتى عارفة إنك لو بتحطى رنة موبايلك 📱 وﻻ الكول تون بتاعتك مقطع من أغنية و لا موسيقى 🎷 إنتى مش بس بتؤذى نفسك ﻻ إنتى كمان بتؤذى المسلمين اللى حواليكى اللى عاوزين يرضوا ربنا و يلتزموا بالسنة ✨

شوفى كدة الحكاية دى 👈🏻 (( سمع ابن عمر مزماراً فوضع إصبعيه على أذنيه ونأى عن الطريق ، وقال لي : يا نافع هل تسمع شيئا ً، قال : فقلت لا ، فرفع أصبعيه من أذنيه ، وقال : كنت مع النبي ﷺ فسمع مثل هذا فصنع مثل هذا )) 🍃🌸 صححه الألباني

مع إننا ﻻ نأثم بالسماع اللى عن غير عمد إلا إن الرسول ﷺ كان حتى بيتجنب ده ✋🏻 هى دى سنة رسولنا اللى إحنا بنقول إننا بنتبعه و بندعى ربنا إننا نشرب من إيده يوم القيامة و إننا ندخل الجنة معاه 🌿

الموسيقى ذنب ربنا نهى عنه ⛔️ و مش معنى إنها منتشرة فى مجتمعنا و كل الناس بتسمعها إنها بقت حلال .. إوعى تبقى ممن 👈🏻 "إستحل" الموسيقى و لما تسمعيها تبقى عادى جدا و ﻻ كإن فيه حاجة

المفروض لو أنا عاوزة مصلحتى أفكر صح ✅ إزاى أنا أضيع نفسى و أغضب ربنا علشان أستمتع شوية بسماع كام أغنية ⛔️ الجنة أحلى

يعنى حتى لو حلاقى شوية صعوبة فى ترك الأغانى مش مشكلة أجاهد شوية ⚔ المهم إنى أرضى ربنا و أنجى بنفسى من النار 🔥 سبحان الله حفت النار بالشهوات

و لو الموسيقى إشتغلت غصب عنى فى أى مكان عالأقل أنكر بقلبى 💔 مش أقعد أدندن معاها

و لو مثلا بتفرج على برنامج و ﻻ حاجة و ييجى فاصل موسيقى مكسلش إنى أمسك الريموت أقغل الصوت 🔇

و فى الآخر حذكرك و أذكر نفسى بالحديث ده 👈🏻 " إنك لن تدع شيئاً لله عز وجل إلا بدلك الله به ما هو خير لك منه " 🍃🌸 رواه أحمد


#هل_الموسيقى_حرام ❗️
#الجزء 3⃣
#مفاهيم 🕯
@ew3ey🎯

#قصص_الأنبياء(٢)
#السيرة_النبوية
#الحلقة_مائة_وسبعة_وأربعون
#أحداث_السنة_السابعة_من_الهجرة
#طريقة_تعامل_رسول_الله_مع_أخطاء_زوجاته

اتكلمنا في الأجزاء الأخيرة إللي فاتت عن غزوات وسرايا لرسول الله ﷺ، وبعدين اتكلمنا عن رؤيا رسول الله ﷺ شافها في المنام وحكاها للصحابة،
هنسيب كل الأحداث دي وندخل مع رسول الله ﷺ في بيته ونشوف بعض مواقف له مع زوجاته أمهات المؤمنين وإزاي كان بيتعامل معهن، وخصوصا لما يحصل منهن خطأ😁

◇الموقف الأول:
بما إننا بقى لسه خارجين من غزوة خيبر ورسول الله ﷺ تزوج بنت زعيم اليهود السابق حُيَي بن أخطب السيدة صفية رضي الله عنها، خلونا نشوف الموقف إللي حصل بينها وبين بعض زوجات رسول الله ﷺ 😊
دخل رسول الله ﷺ على صفية رضي الله عنها فلقاها بتبكي، وكانت رضي الله عنها من النوع إللي بيبكي كتير، عارفين لما نقول على حد دمعته قريبة😅
أهه صفية رضي الله عنها كانت كده،
المهم، رسول الله ﷺ سألها بتبكي ليه، فقالت له إن حفصة بتقول عليها إنها بنت يهودي، وحفصة بنت عمر رضي الله عنهما هي زوجة رسول الله ﷺ،
فرسول الله ﷺ قال لصفية قولي لها:
محمد زوجي وأبي هارون وعمي موسى👌
يعني إيه المشكلة لما تكوني بنت يهودي، أبوكِ هارون وعمك موسى، وهو كليم الله وفوق كل ده زوجك محمد ﷺ خاتم الأنبياء والمرسلين،
وصفية رضي الله عنها كانت من سُلالة هارون عليه السلام،
ففرحت صفية رضي الله عنها بالمكانة العظيمة دي، لأن مفيش حد زيها، أبوها نبي، وعمها نبي وزوجها نبي😅
فرسول الله ﷺ تعامل مع الموقف بكل حكمة وخفف الالم النفسي عن صفية رضي الله عنها،
طيب وحفصة رضي الله عنها، رسول الله ﷺ عمل معاها إيه🤔
رسول الله ﷺ لما شافها بعد الموقف ده قال لها :
"اتقِ الله يا حفصة"
يعني مش معنى إنك بتغيري يبقى ده يديكي الحق إنك تسخري أو تعايري إللي بتغيري منه، وربنا بيقول :
"يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ"

رسول الله ﷺ أه راضى صفية خلاص لكنه كان لازم يعلم السيدة حفصة إن إللي عملته ده كان غلط👌
وزوجات رسول الله ﷺ مش معصومات من الخطأ، فوارد جدا إنهم يقعوا في الخطأ لأنهن من البشر،
واحنا بقى مينفعش نحتج بأفعال زوجات رسول الله ﷺ الخاطئة ونبرر لنفسنا ونقول عادي ما زوجات رسول الله ﷺ وقعوا في الخطأ ده🙄
أيوة وقعوا في الخطأ لكن رسول الله ﷺ صحح الخطأ بتاعهم، مش إنه سابهم على الخطأ من غير ما يعلمهم،
وخدوا بالكم رسول الله ﷺ اتعامل مع الموقف إزاي،
هو فقط قال لها : اتقِ الله، هو ذكّرها بالله لأنه عارف إن حفصة رضي الله عنها صوامة قوامة بشهادة رب العالمين،
ورسول الله ﷺ لم يعايرها ويقولها إنتي إزاي صوامة قوامة وتعملي الغلط ده، زي ما ناس كتير بتعمل وللأسف بيكون غرضها الشماتة😑
لكن رسول الله ﷺ المُرَبّي بيعلمنا إننا نعالج الغلط صح، مش نعالج الغلط بغلط زيه👌

وبما إننا اتكلمنا عن حفصة وإنها صوامة قوامة بشهادة رب العالمين، خلونا نعرف إيه القصة ورا الموضوع ده وهو الموقف التاني معانا النهاردة😁

◇ حصل خلاف بين رسول الله ﷺ وبين حفصة رضي الله عنها فطلقها رسول الله ﷺ 😶
أصلا كسر المرأة طلاقها، فما بالكم لما إللي يطلق هو رسول الله ﷺ😕
أكيد الموضوع صعب جدا على السيدة حفصة،
طبعا مفيش حديث واضح يقول لنا إيه سبب الطلاق ده، لكن العلماء استنبطوا السبب من الآية:
"إِذْ أَسَرَّ النَّبِيُّ إِلَىٰ بَعْضِ أَزْوَاجِهِ حَدِيثًا فَلَمَّا نَبَّأَتْ بِهِ وَأَظْهَرَهُ اللَّهُ عَلَيْهِ عَرَّفَ بَعْضَهُ وَأَعْرَضَ عَن بَعْضٍ ۖ فَلَمَّا نَبَّأَهَا بِهِ قَالَتْ مَنْ أَنبَأَكَ هَٰذَا ۖ قَالَ نَبَّأَنِيَ الْعَلِيمُ الْخَبِيرُ "
قالوا إن الزوجة هنا هي حفصة، وإن رسول الله ﷺ قال لها سر، لكنها أفشت سر رسول الله ﷺ،
فلما عرف رسول الله ﷺ إن حفصة أفشت السر عن طريق الوحي، رسول الله ﷺ طلقها👌
فلما طلقها قعدت تبكي ودخل عليها خيلانها الإثنين يواسوها وهي كانت تبكي وتقول:
والله ما طلقني من شِبَع...يعني هو مطلقنيش عشان زهق مني😔
فوهم عالحال ده لقوا الباب بيخبط، فقام أخوالها بفتح الباب فلقوا رسول الله ﷺ،
فاستغربوا من مجيئه ﷺ، يعني إيه إللي خلاك تيجي يا رسول الله مش انت خلاص طلقتها..فقال لهم رسول الله ﷺ وحفصة تسمع:
جاءني جبريل وقال إن الله جل جلاله أرسلني من فوق العرش وقال : قل لمحمد راجع حفصة، يعني رجع حفصة لعصمتك تاني؛ فإنها صوّامة قوّامة👌
يعني بتصوم كتير وتصلي قيام الليل كتير،
شايفين إزاي إن مفيش تعارض بين إن المرأة تكون صوّامة قوّامة وتقع في الخطأ، سواء كان إفشاء سر أو غيره💁‍♂️

لكن مش معنى الكلام إننا نتساهل في الوقوع في الغلط😅
الشاهد من الكلام إن مهما كان الإنسان تقيّا ومُطيع لله فمش بعيد عليه إنه يغلط، ولما يغلط مفيش مشكلة إنه يصلح الغلط ويتوب ويستغفر، لأن التوبة بتمسح الذنب👌

خلونا بقى نشوف موقفي

ن لحبيبة رسول الله ﷺ عائشة رضي الله عنها، ونشوف تعامل رسول الله ﷺ معاها كان عامل إزاي👌
◇الموقف الثالث:
في مرة جاء أبو بكر الصديق رضي الله عنه لرسول الله ﷺ، فكان بيستأذن للدخول على رسول الله ﷺ فسمع السيدة عائشة وهي رافعة صوتها على رسول الله ﷺ، فأَذِن رسول الله ﷺ لأبي بكر في الدخول،
فلما دخل راح ناحية عائشة، وقال لها:
" يَا ابْنَةَ أُمِّ رُومَانَ وَتَنَاوَلَهَا، أَتَرْفَعِينَ صَوْتَكِ عَلَى رَسُولِ اللهِ ﷺ"
يعني إنتي إزاي ترفعي صوتك على رسول الله ﷺ، وهو رسول الله وانتي متجيش حاجة جنبه، وداخل عليها عايز يضربها،
فرسول الله ﷺ حال بينه وبينها، يعني حاشه عنها ووقف بينه وبينها عشان ميضربهاش😅
☆وطبعا موقف السيدة عائشة هنا وإنها تعلي صوتها على رسول الله ﷺ موقف مذموم، والدليل على كده إن أبو بكر الصديق غضب منها،
فاحنا مينفعش نستشهد بالموقف ده في تحسين التصرف المذموم وهو الغضب ورفع الصوت، ونقول ما السيدة عائشة كانت بترفع صوتها على رسول الله ﷺ👌
لكن نتعلم منه إزاي نعالج التصرف المذموم ده صح👍

♡شوفوا رد فعل رسول الله ﷺ كان إيه😁

بعد ما خرج أبو بكر رضي الله عنه من عند رسول الله ﷺ، قعد رسول الله ﷺ يترضى السيدة عائشة، عشان يُهدّأ من غضبها، وقال لها:
شوفتي أنا دافعت عنك إزاي ومنعته من إنه يؤذيكِ👌
"أَلَا تَرَيْنَ أَنِّي قَدْ حُلْتُ بَيْنَ الرَّجُلِ وَبَيْنَكِ"
فهنا رسول الله ﷺ تعامل بكل حكمة، ومردش عليها في غضبها لكنه هدّاها، ومقلهاش مثلا انتي إزاي تعلي صوتك عليّ وأنا رسول الله،
والناس سامعة صوتك من برة البيت، وأنا شكلي إيه قصاد الناس و...و....
أيوة السيدة عائشة أخطأت، لكن الحكيم إللي يعالج الخطأ صح مش يزوّد الخطأ،
لو رسول الله ﷺ كان قالها مثلا الكلام إللي قلناه ده، كان هيبقى إيه رد فعل السيدة عائشة😕
غضبها كان هيزيد أكيد وكان ممكن تقع في معصية أكبر ويحصل ما لا يُحمد عقباه👌
فنستفيد من موقف رسول الله ﷺ ده إزاي نتعامل مع الشخص الغضبان صح بحيث إنه غضبه ميزدش ويقع في خطأ أكبر، وإن من حقوق المعاشرة تحمّل الغضب،
يعني كل طرف يتحمل غضب الطرف التاني في وقت غضبه، ويتجاوز عن زلاّته إللي ممكن تحصل بسبب الغضب ده،
زي موقف السيدة عائشة في رفع صوتها على رسول الله ﷺ،
وبكرر مرة تانية يا جماعة مينفعش الاستشهاد بالحديث على تحسِين التصرف المذموم👌
فبسبب تصرف رسول الله ﷺ الحكيم ده الموقف عدى بسلام، وبعد كم يوم جاء أبو بكر مرة تانية لرسول الله ﷺ فاستأذن للدخول عليه، فلما دخل شافه بيضحك مع السيدة عائشة،
فقال له أبو بكر:
"يَا رَسُولَ اللهِ أَشْرِكَانِي فِي سِلْمِكُمَا، كَمَا أَشْرَكْتُمَانِي فِي حَرْبِكُمَا "
يعني يا رسول الله شاركوني في إللي مخليكم مبسوطين كده، زي ما شاركتوني المشكلة إللي حصلت بينكم😁
وبكل بساطة انتهت المشكلة💁‍♂️

☆ملحوظة:
القصة إللي أنا قلتها دي👆 هي القصة الصحيحة، لأن في قصة تانية مشابهة لها لكنها مُنكرة لا تصح عن السيدة عائشة ولا عن رسول الله ﷺ ولا عن أبي بكر،
القصة المنكرة دي بتقول:
《 إن حصل خلاف بين رسول الله ﷺ وبين السيدة عائشة، فسألها رسول الله ﷺ تحبي تحكّمي مين بيننا؟ تحبي تحكمي عمر، فقالت له لأ، ده عمر شديد وغليظ،
فقال لها تحكمي أباكِ فوافقت، فجاء أبو بكر فقال لها رسول الله ﷺ تتكلمي انتي ولاّ اتكلم أنا قالت له اتكلم انت ولا تقل إلا حقا،
فهنا غضب أبو بكر وراح ضربها على وجهها، وبسبب الضربة أنفها نزفت دم، فهربت السيدة عائشة واستخبّت خلف ظهر رسول الله ﷺ، وقال رسول الله ﷺ لأبي بكر مش ده إللي احنا عايزينه منك،
فخرج أبو بكر وهو غضبان، والسيدة عائشة قامت من جنب رسول الله ﷺ وهي لسه زعلانة،
فرسول الله ﷺ قال لها قربي مني، فمرضيتش، فقال لها رسول الله ﷺ انتي مش كنتي لسه بتستخبي ورايا دلوقتي، واصطلحوا》
دي القصة باختصار، وزي ما قلت هي قصة منكرة، لا تصح عن رسول الله ﷺ 👌

◇الموقف الرابع:
القصة الثانية للسيدة عائشة رضي الله عنها وهي إللي بتحكيها بتقول:
لما كان رسول الله ﷺ في ليلتي التي هي لي، يعني كانت الليلة دي ليلتها إللي بيبات فيها عندها،
جاء وفتح الباب رويداً رويداً يعني فتح الباب بهدوووء، وبعدين خلع نعله عشان النعل ميعملش صوت وهو لابسه وبيتحرك بيه، ومَشَى بهدوء، وبعدين وضع النعل جنبه على الفراش بهدوء برده،
كل ده وهو مفكّر إن السيدة عائشة نايمة، فبيتحرك بهدوء كده عشان ميصحيهاش،
وهي كانت صاحية ومراقبة إللي بيحصل كله😅
المهم،
رسول الله ﷺ يادوب مفيش ثواني وضع جنبه على الفراش وراح قايم تاني، وأخذ نعله وفتح الباب ومشي، وكل ده رويداً رويداً، يعني كل حركة كان بيعملها بمنتهى الهدوء عشان ميصحيش السيدة عائشة،
طبعا لو واحدة فينا حصل معاها الموقف ده هتعمل إيييه🤭
بالضبط كده، وهو ده إللي السيدة عائشة رضي الله عنها عملته😅
قامت لبست حجابها وخرجت وراء رسول الله ﷺ، وهي كانت مفكرة إنه هيروح لبعض نسائه في ليلتها،
السيدة عائشة بتوصف بقى هي عملت إيه بتقول:
"فقم

ت وراءه وتقنّعت إِزاري حتى وجدتُّه عند البقيع"
يعني لبست نقابها وخرجت وراء رسول الله ﷺ وفضلت ماشية وراه لحد ما وصل للبَقيع، والبقيع هي مقابر أهل المدينة،
طبعا الدنيا ضلمة ومفيش عواميد نور ولا أي حاجة خالص😅
فشافته السيدة عائشة وهو بيرفع يده ثلاث مرات بالدعاء وينزلها🤲
وبعدين استدار رسول الله ﷺ عشان يرجع لبيته، فلما شافته السيدة عائشة راجع، استدارت هي كمان عشان ترجع للبيت،
فأسرع رسول الله ﷺ في المشي، فأسرعت هي كمان،
فهَرْوَل رسول الله ﷺ فهرولت السيدة عائشة، والهرولة هو المشي السريع وهو بين الجري وبين المشي،
وبعدين مشي رسول الله ﷺ بتمهل، براحة يعني، فمشيت السيدة عائشة براحة هي كمان وسبقته ووصلت البيت قبله،
أول ما دخلت الغرفة راحت نازلة تحت اللحاف😁
لكن انتم عارفين إللي بيمشي بسرعة وكان لسه بيجري أنفاسه هتكون سريعة، مش أنفاس واحد نايم خالص😅
فدخل رسول الله ﷺ البيت فشاف اللحاف طالع نازل مع أنفاس السيدة عائشة،
فسأل رسول الله ﷺ السيدة عائشة:
مالك يا عائشة ! حَشْيَا رَابِيَة؟
يعني عندي مشكلة في صدرك، في حاجة بتوجعك، لأنه ﷺ كان لسه سايبها نايمة عادي ورجع لقاها بتنهج، يبقى أكيد في حاجة🤔
فالسيدة عائشة قالت له: لا شيء، مفيش حاجة يعني،
فقال لها رسول الله ﷺ:
أخبريني أو ليُخبِرني اللطيف الخبير👌
يعني أنا كده كده هعرف من الوحي، فانتي قوليلي أحسن😅
فقالت عائشة: يا رسول الله! مهما يكتم الناس يعلمه الله!نعم!
يعني هي بتُقر حقيقة وبتقول إن مهما هنخبي أي حاجة ربنا هيعلمها أكيد👌
وحكت السيدة عائشة لرسول الله ﷺ إللي حصل كله، وإنها كانت صاحية لما جاء وكانت مراقبة الموقف كله وبعدين خرجت وراه ورجعت، لحد ما هو جاء وسألها،
فرسول الله ﷺ سألها:
أنتِ السواد الذي كان أمامي؟
يعني انتي الشخص إللي كان ماشي قصادي، ويُستدل برده من الجملة دي إن السيدة عائشة كانت لابسة حجاب لونه أسود😁
فقالت له السيدة عائشة: نعم!
فهنا غضب رسول الله ﷺ وكان لا يغضب إلا أن تُنتَهك حرمات الله، يعني بيغضب فقط لما حد يتعدى حدود الله، ومكنش بيغضب ولا بينتقم لنفسه لنفسه أبدا👌
وسبب غضبه هنا إن السيدة عائشة ظنت إنه تركها وراح لزوجة تانية من زوجاته وكده ظلم،
ومينفعش هي تظن فيه كده، لأنه أعدل الناس، ولو هو لم يعدل مين إللي هيعدل🤷‍♂️
فرسول الله ﷺ غضب ولَهَدَها فِي صَدْرها لَهْدَةً أَوْجَعَتْها، يعني رسول الله ﷺ ضربها أو دفعها في صدرها دفعة أوجعتها، وقال :
"أَظَنَنْتِ أَنْ يَحِيفَ اللهُ عَلَيْكِ وَرَسُولُهُ"
يعني فكرتي إني هظلمك أو ربنا هيظلمك بأن يكون الدور عليكِ وأسيبك وأروح لغيرك👌
وبدأ رسول الله ﷺ يشرح للسيدة عائشة إيه إللي حصل بالضبط.

☆ثواني كده😳
هو رسول الله ﷺ الرحيم الحكيم صاحب الخلق العظيم ضرب السيدة عائشة😱
شوفوا،
السيدة عائشة قالت:
" فَلَهَدَنِي فِي صَدْرِي لَهْدَةً أَوْجَعَتْنِي"
واللهد في اللغة معناه:
الدفع في الصدر أو اللّكز أو الضغط أو الغَمْز، يعني لا يرقى إنه يكون في منزلة الضرب إللي احنا عارفينه ده وبيكون غرضه التحقير والوجع الزيادة ،
فالوجع إللي السيدة عائشة حست بيه كان وجع بسيط المقصود منه التنبيه لحاجة مهمة جدا مينفعش تنساها أو متخدش بالها منها، وهي إنها مهما كانت غيرتها على رسول الله ﷺ ومحبتها له فمينفعش أبدا إنها تظن إن رسول الله ﷺ ممكن يظلم امرأة عشان امرأة اخرى من نسائه👌
فالموقف ده أصلا دليل على كمال خلق النبي ﷺ ورحمته ، ورقة قلبه ﷺ، فهو عاتب السيدة عائشة عتاب لطيف عشان يعلم السيدة عائشة ويعلمنا إن ربنا عز وجل ورسوله ﷺ لا يظلمان أحد، وإنه لا يجوز لأي حد إنه يسيء الظن بالله ورسوله، بل الواجب إحسان الظن بالله، والرضا بما قسمه عز وجل 👌
ولو رسول الله ﷺ يا جماعة كان غرضه الضرب والإهانة فعلا مكنش اكتفى بخبطة أو غمزة بسيطة في الصدر كده،
لكن كان هيفرغ قوته في جوانب جسم السيدة عائشة أو وجها🤷‍♂️
والدليل كمان إن الضربة دي كانت مجرد ضربة خفيفة وإن والهدف منها التنبيه والتعليم هو الحوار إللي حصل بعدها، الحوار بينهم كان هادي جدا وكان بيشرح لها الموقف بكل هدوء وحتى السيدة عائشة نفسها كانت متجاوبة مع رسول الله ﷺ، وقعدت تتكلم معاه ومعيطتش مثلا وخصوصا إنها كانت صغيرة في السن،
خلونا كده نشوف الحوار إللي حصل بينهم:
بدأ رسول الله ﷺ يشرح لها النص التاني من القصة إللي هي متعرفوش، وهو لما نام على الفراش لمدة ثواني وبعدين قام،
السبب إللي خلاه يقوم هو كما يقول ﷺ:
"فإنَّ جِبْرِيلَ أَتَانِي حِينَ رَأَيْتِ، فَنَادَانِي، فأخْفَاهُ مِنْكِ، فأجَبْتُهُ، فأخْفَيْتُهُ مِنْكِ، وَلَمْ يَكُنْ يَدْخُلُ عَلَيْكِ وَقَدْ وَضَعْتِ ثِيَابَكِ، وَظَنَنْتُ أَنْ قدْ رَقَدْتِ"
يعني جبريل جاء لرسول الله ﷺ وناداه بصوت واطي لم تسمعه السيدة عائشة، عشان متصحاش، وجبريل عليه السلام مدخلش البيت لأن السيدة عائشة كانت متخففة من ملابسها كعادة النائم،
ورسول الله ﷺ كان مفكر إنها نايمة، ومرضاش يصحيها عشان متخافش إنه

ا لوحدها بالليل، بحكم إنها صغيرة في السن يعني،
"فَكَرِهْتُ أَنْ أُوقِظَكِ ، وَخَشِيتُ أَنْ تَسْتَوْحِشِي"
فخرج رسول الله ﷺ لجبريل، فقال له جبريل:
"إِنَّ رَبَّكَ يَأْمُرُكَ أَنْ تَأْتِيَ أَهْلَ الْبَقِيعِ فَتَسْتَغْفِرَ لَهُمْ "
فهنا بقى السيدة عائشة بكل ذكاء غيرت الموضوع، وقالت لرسول الله ﷺ:
كيفَ أَقُولُ لهمْ يا رَسولَ اللهِ؟
يعني لو أنا عديت على المقابر أقول لهم إيه،
فقالَ قُولِي:
" السَّلَامُ علَى أَهْلِ الدِّيَارِ مِنَ المُؤْمِنِينَ وَالْمُسْلِمِينَ، وَيَرْحَمُ اللَّهُ المُسْتَقْدِمِينَ مِنَّا وَالْمُسْتَأْخِرِينَ، وإنَّا إنْ شَاءَ اللَّهُ بكُمْ لَلَاحِقُونَ"
وده الدعاء إللي بيقال لو حد دخل المقابر أو عدى من جنب المقابر👌
وبكده المشكلة اتحلت بكل بساطة، الغرض مش الانتقام أو الانتصار للنفس، سواء من السيدة عائشة أو من رسول الله ﷺ، هدف كل واحد الوصول للحق، عشان كده الموقف اتحل بسهولة💁‍♂️
لكن طول ما الهدف هو الانتصار للنفس وإني مطلعش أنا الغلطان حتى لو حساب الطرف التاني يبقى مشاكلنا عمرها ما هتتحل👌
محتاجين نتعلم من خلق رسول الله ﷺ في التعامل مع الخطأ، وطبعا الكلام للجميع للرجال والنساء،
"لَّقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا"

طبعا في مواقف تانية لرسول الله ﷺ كتير مع زوجاته، وإزاي كان بيتعامل مع أخطائهن، على حسب كل موقف،
بس زي مانتم شايفين الجزء بتاع النهاردة خلص😁
فلعل وعسى نبقى نتكلم بعدين عن المواقف دي،
وإن شاء الله المرة الجاية إما هنرجع للسرايا ونكمل الأحداث الخارجية،
أو هنتكلم عن بعض قصص الحديث النبوي إللي رسول الله ﷺ كان بيحكيها للصحابة، لسه محددتش بصراحة😅

أو لو عايزين الجزء الجاي يكون جزء تاني من طريقة تعامل رسول الله ﷺ مع أخطاء زوجاته يبقى تقولوا لي في التعليقات😊👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

⭐ المصادر ⭐

https://islamqa.info/amp/ar/answers/287403

https://www.google.com/amp/s/islamqa.info/amp/ar/answers/242500

https://www.google.com/amp/s/islamqa.info/amp/ar/answers/213366

https://islamqa.info/ar/answers/247445/هل-قالت-عاىشة-للنبي-صلى-الله-عليه-وسلم-يوما-اتق-الله-ولا-تقل-الا-حقا

https://audio.islamweb.net/audio/Fulltxt.php?audioid=103701

https://www.dorar.net/hadith/sharh/12881

https://islamqa.info/amp/ar/answers/164216

https://www.google.com/amp/s/islamqa.info/amp/ar/answers/144391

https://almunajjid.com/speeches/lessons/618

لما حد بيشوف حد تانى بيعمل حاجة غلط بيقوله : إتقى الله ⚠️

طب يعنى إيه إنى أتقى الله 🤔 فيه تعريف مشهور للتقوى و هو إننا نجعل بيننا و بين غضب الله وقاية ✋🏻 طب إزاى نعمل بيننا و بين غضب الله وقاية❗️

هى لحظة .. لحظة ساعة كل معصية حتقدمى عليها حتنور عندك لمبة حمرا 🚨 أنا دلوقتى عاوزة مثلا أتفرج على مسلسل و ﻻ عاوزة أتكلم على فلانة بسوء

لو فى اللحظة دى عرفتى إنك تفرملى و تقولى لا و الله رضا ربنا أهم و مهما كانت متعة الذنب أنا مش حعمله ⛔️ كدة يبقى إنتى إن شاء الله بتعملى بينك و بين غضب ربنا وقاية و حماية لإنك بتتحاشى ما يغضبه ✋🏻

طب لو فى اللحظة دى إنتى قررتى إنك حتعملى اللى فى مزاجك حتى لو كان عكس أمر ربنا ❌ كدة يبقى إنتى فى وضع خطر 

يعنى التقوى دى هى اللى بتفرق بين إتنين بيقعدوا جنب بعض فى خطبة جمعة 🕌 هما الإتنين بيسمعوا مثلا عن غض البصر .. الأول يطلع مرعوب و ماشى باصص فى الأرض خايف يشوف حاجة غلط لحسن ربنا يعاقبه 🙈 و التانى عادى جدا طالع مش مراعى غض البصر لا و ممكن كمان يطلع يعاكس بنات

طب هل موضوع اللحظة ده سهل❗️

طب هل التقوى دى حاجة كدة بتبقى خلقة فى الإنسان و ﻻ هى شئ مكتسب ⁉️ طب إيه هو ثواب المتقين ❓

🌼 يتبع إن شاء الله 🌼

#التقوى_إسلوب_حياة 👌🏻
#الجزء 1⃣
#مفاهيم 🕯
https://t.me/ew3ey 🎯

#قصص_الأنبياء(٢)
#السيرة_النبوية
#الحلقة_مائة_وثمانية_وأربعون
#أحداث_السنة_السابعة_من_الهجرة
#طريقة_تعامل_رسول_الله_مع_أخطاء_زوجاته
#الجزء_الثاني

اتكلمنا المرة إللي فاتت عن تعامل رسول الله ﷺ مع بعض أخطاء زوجاته، وزي ما طلبتم هنكمل النهارده الكلام عن طريقة تعامل رسول الله ﷺ مع أخطاء زوجاته😊

◇الموقف الخامس:
الموقف الرابع إللي اتكلمنا عنه المرة إللي فاتت كان عن غيرة السيدة عائشة رضي الله عنها وشوفنا إن بسبب الغيرة دي هي وقعت في الخطأ، وشوفنا إزاي رسول الله ﷺ اتعامل مع الخطأ ده،
الموقف إللي هنقوله دلوقتي برده عن غيرة السيدة عائشة، لكن رسول الله ﷺ اتعامل معاه بطريقة مختلفة، خلونا نشوف الموقف:
السيدة أم سلمة جاءت لرسول الله ﷺ ومعها صَحْفَةٍ فِيهَا طَعَامٌ حاجة زي طبق كده له ولأصحابه،
وفي رواية تاني إن صفية رضي الله عنها هي إللي أرسلت الطبق إللي في طعام مع خادم لرسول الله ﷺ،
المهم إن في حد من زوجات رسول الله ﷺ أرسلت بطبق فيه طعام، واليوم ده كان يوم عائشة رضي الله عنها،
فلما عائشة شافت الطبق غارت وضربت يد الخادم أو ضربت الطبق فوقع الطبق في الأرض انكسر والطعام اتكب على الأرض،
رسول الله ﷺ بكل هدوء بدأ يلم الطعام إللي في الأرض ويقول : غارت أمكم...غارت أمكم!
رسول الله ﷺ عذَر السيدة عائشة إنها عملت كده بسبب الغيرة، لكن الموقف بيقف عندنا هنا ونقول يا سلام شوفوا حلم رسول الله ﷺ وإن الموقف ده حصل قصاد الصحابة ومع ذلك رسول الله ﷺ لم يَصرخ ولم يشتم وراعى نفسية زوجته الغيور و....و.... كل الكلام ده حلو أوي👍
لكن في نص تاني احنا مش بناخد بالنا منه، وهو تصحيح الخطأ نتيجة الغيرة👌
الغيرة مش مبرر أبدا للخطأ أو إن الشخص إللي بيغير ميتحملش نتيجة خطأه بسبب الغيرة دي،
هنا حصل خطأ وهو كسر الإناء أو الطبق إللي كان فيه الطعام،
ورسول الله ﷺ عادل حكيم، فأخذ الطبق المكسور نصين وحاول إنه يجمعه في بعضه، يعني كأنه بيلزقه كده🤔
وأعطاه للسيدة عائشة لأنها هي إللي كسرته،
وأخذ طبق السيدة عائشة السليم وأعطاه للي اتكسر طبقها، سواء بقى كانت السيدة أم سلمة أو السيدة صفية رضي الله عنهم أجمعين، وقال: طعام بطعام وإناء بإناء،
ففي نفس الوقت إللي رسول الله ﷺ عذر الغيرة إللي عند السيدة عائشة كذلك هو خلاّها تصلّح خطأها إللي حصل بسبب الغيرة،
يعني رسول الله ﷺ بيعلمنا إن أه نُعذر الشخص لما يغير سواء كان رجل أو امرأة أو حتى طفل لكن مش معنى كده إنه لما يغلط بسبب الغيرة دي ويتعدّى حدوده يبقى نسكت ونُقره على غلطه ومنعالجش غلطه👌
مادام أخطأ يبقى يتحمل نتيجة خطأه ويدفع ثمنه بحجم الخطأ ده،
السيدة عائشة رضي الله عنها كسرت الطبق فبقى من نصيبها، وطبقها السليم أُرسل للي اتكسر طبقها وهو ده العدل👌
ومحدش يقول طيب ما هو رسول الله ﷺ قال:
《إن الْغَيْرَى لَا تُبْصِرُ أَسْفَلَ الْوَادِي مِنْ أَعْلَاهُ》
هقولكم الحديث ده ضعيف لا يثبت عن رسول الله ﷺ أصلا💁‍♂️
ولو فعلا الكلام ده صحيح مكنش رسول الله ﷺ عاتب السيدة عائشة ولَهَدَها في صدرها لما غارت وخرجت وراه زي ما حكينا المرة إللي فاتت،
ومكنش برده صلّح غلطها لما غارت وأعطاها هي الطبق المكسور وأخذ طبقها السليم،
كان على الأقل يشتري طبق تاني بدل إللي اتكسر على أساس يعني إن السيدة عائشة غيرانة ومش واعية بقى بنفسها ولاّ باللي هي عملته🤷‍♂️
فالغيرة مش مبرر للغلط ولا التعدي على حقوق الغير، لكن نلتمس العذر للغيران ونتعامل معاه بحكمة زي ما رسول الله ﷺ عمل عشان منزوّدش غيرته ونخليه يغلط بزيادة👌

☆طبعا كل الكلام ده لا يَقدح ولا يُسيء للسيدة عائشة إطلاقا،
هي فقط بشر زي باقي البشر وهي مش معصومة فطبيعي جدا إن ممكن يحصل منها بعض الأخطاء، وربنا ارتضاها لرسوله زوجة في الدنيا والآخرة👌
ومادام الإنسان بصفة عامة بيعترف بخطأه وبيصلحه فدي حاجة متعيبوش أبدا، ورسول الله ﷺ نفسه قال :
"لا يَفْرَكْ مُؤْمِنٌ مُؤْمِنَةً إِنْ كَرِهَ مِنْهَا خُلُقًا، رَضِيَ مِنْهَا آخَرَ"
يعني مينفعش الرجل يكره زوجته بسبب إنه شايف فيها عيوب معينة مش عاجباه،
لأنه لو كره فيها خُلق معين أكيد هيلاقي فيها خُلق تاني كويس،
يعني مثلا ممكن واحدة تكون شَرِسة الخُلُق لكنها في نفس الوقت عفيفة وعندها دين فمفيش إنسان بريء من العيب💁‍♂️
وحديث رسول الله ﷺ ده قاعدة عامة للكل،
يعني سواء بين الزوج وزوجته أو الزوجة وزوجها أو بين الصاحب وصاحبه أو بين الآباء وأباءهم وهكذا،
فزي ما في عيوب في مميزات، فلازم يكون في موازنة بين الاتنين👌

◇الموقف السادس:
برده عن السيدة عائشة بس المرة الموضوع معكوس بقى، يعني هي إللي اتغار منها😁

كان معروف بين الصحابة إن أحب الناس إلى رسول الله ﷺ هي عائشة رضي الله عنها،
فكان الصحابة بيتحرّوا ليلة السيدة عائشة إللي رسول الله ﷺ هيكون فيها عندها ويرسلوا فيها الهدايا ،
وكان زوجات رسول الله ﷺ حزبين😅
حزب فيه عائشة وحفصة وسودة وصفية،
والحزب الثاني كان فيه أم سلمة وباقي زوجات رسول الله ﷺ ،