#قصص_الأنبياء(٢)
#السيرة_النبوية
#الحلقة_مائة_وسبعة_وثلاثون
#أحداث_السنة_السابعة_من_الهجرة
#فتح_خيبر_الجزء_الثالث
#فتح_حصن_ناعم_والصعب
#تحريم_الحُمُر_الأهلية

وقفنا المرة إللي فاتت عند رسول الله ﷺ لما أعطى راية جيش المسلمين لعلي بن أبي طالب رضي الله عنه وأمره إنه يتوجه لقتال اليهود في حصن الناعم،
رسول الله ﷺ أوصى علي رضي الله عنه وقال له:
" انفُذ على رِسْلِك حتى تنزل بساحتهم، ثم ادعهم إلى الإسلام، وأخبرهم بما يجب عليهم من حق الله تعالى فيه، فوالله لَأَنْ يهدي الله بك رجلا واحدا خير لك من حُمْرِ النّعم"
يعني رسول الله ﷺ بيقول لعلي امشي على مهلك لحد ما تقرب منهم عشان يحسوا بالضعف والمؤمنين إللي معاك يتشجعوا لأنهم قربوا من عدوهم،
لما تقرب منهم بقى ادعوهم إلى الإسلام، وبيّن رسول الله ﷺ إن إسلام هؤلاء اليهود إللي حزبوا الأحزاب ضد المسلمين وآذوا المسلمين وآذوا رسول الله ﷺ أحب إليه من أموالهم وديارهم،
فالقضية بين رسول الله ﷺ وبين اليهود مش قضية شخصية ولا هي قضية انتقام،
رسول الله ﷺ حريص إنه ينقذ الناس من النار حتى لو كانوا اليهود نفسهم ، فمع إن رسول الله ﷺ دعاهم كتير قبل كده لكن برده في اللحظة دي حريص على دعوتهم مرة أخيرة للإسلام لعلهم يهتدون،

☆ وكلام رسول الله ﷺ مش خاص بعلي بن أبي فقط،
دي وصية عامة للجميع:
لَأَنْ يهدي الله بك رجلا واحدا خير لك من حُمْرِ النّعم، "
وحُمْر النعم هي الإبل الحُمر المعروفة عند العرب، ويعظمونها، ويرونها أشرف الإبل،
فالمقصود إن ربنا يهدي بك إنسان أحسن لك من الدنيا وما فيها👌
وده يعرفنا قيمة وفضل الدعوة إلى الله، ويعرفنا إن القتال مش هو الغاية، الغاية هي هداية الناس وإخراجهم من الظلمات إلى النور،
لكن ييجي القتال لما الناس يصروا على الكفر والشرك ويعاندوا ويصمموا على محاربة المسلمين ودينهم،
وده عشان :
◇يُستراح منهم وميصدوش باقي الناس عن سبيل الله
◇ميكونوش عقبة أمام المسلمين في طريق الدعوة إلى الله
◇يُستعان بأموالهم ونسائهم وذرياتهم على دين الله وطاعته👌

وهنا مينفعش نقول إنه لا إكراه في الدين😅
لأن الحرب هنا بين رسول الله ﷺ وبين اليهود مش عقاب لهم على ترك الإسلام أو رفضهم الدعوة،
لكن رسول الله ﷺ بيعاقبهم على تجميعهم للأحزاب وتعريض المسلمين للإبادة،
بيعاقبهم على تجسيهم على المسلمين في المدينة،
بيعاقبهم على محاولاتهم لاغتيال رسول الله ﷺ وعلى تحفيزهم لقبائل غطفان أكثر من مرة لحرب المسلمين،
لكن رسول الله ﷺ أعطى لهم فرصة أخيرة ليرفعوا عن أنفسهم العقاب وقال لهم لو أسلمتم خلاص هننسى كل إللي فات وتكونوا من المسلمين لكم ما لهم وعليكم ما عليهم،
وموقف رسول الله ﷺ ده بيعلمنا سعة الصدر والرحمة حتى في وقت القتال👌
لكن بعد كل ده اليهود رفضوا دعوة علي بن أبي طالب رضي الله عنه لهم بالإسلام، وقرروا الحرب، واغتروا بقوتهم وأعدادهم وحصونهم😑

كان من عادة الحروب القديمة إنهم يبدأوا القتال بمبارزة بين واحد من الفرسان من فريق وواحد من الفرسان من الفريق الثاني، والمنتصر في المبارزة بيُعطي دَفْعة معنوية كبيرة جدا لفريقه، لأنه أظهر انتصار من أول المعركة،
خرج من الحصن فارس من فرسان اليهود الأقوياء وكان زعيم حصن الناعم وهو مرحب، إللي قلنا عنه المرة إللي فاتت إنه قتل الصحابي محمود بن مسلمة،
مرحب ده كان قوي وكان عملاق ضخم الجثة، لما خرج مرحب خرج وهو بيقول مفتخر بنفسه:
قد علمت خيبر أني مرحب شاكِي السلاح بطل مُجَرّب
يعني أهل خيبر كلهم عارفيني وعارفين قوتي وعارفين شجاعتي وقهري للفرسان،
وشاكي السلاح معناها تام السلاح،
بعد ما قال الأبيات دي طلب المبارزة مع المسلمين فقال رسول الله ﷺ: مين يخرج له؟
فقام الصحابي عامر بن الأكوع عشان يبارزه، وهو يقول:
قد عَلِمَتْ خَيْبَرُ أَنِّى عَامِرُ شَاكِى السِّلاَحِ بَطَلٌ مُغَامِرُ

وبدأت المبارزة بينهم،وضرب عامر بن الأكوع مرحب اليهودي ضربة قوية بالسيف ، لكن الضربة دي طاشت وموصلتش لمرحب لكنها ارتدت على عامر وسقط السيف من إيده على ركبته فقتل عامر نفسه بسيفه خطأ😶
فتأثر الناس باللي حصل لعامر وقالوا:
قتل نفسه 😓
وحتى بعض الصحابة قالوا :ده حبط عمله 😥
لكن رسول الله ﷺ رد عليهم ومدح عامر بن الأكوع وقال:
ٌإن له لأجرين✌، وجمع بين إصبعيه ﷺ ، ثم قال:
إنه لجاهد مجاهد قلّ عربي مشى بها مثله"
يعني هو مجتهد جداً في العلم والعبادة والعمل، وكمان مجاهد في سبيل الله، نادر جداً إن يكون في العرب حد زيه مشى في أرض المعركة أو مشى في الأرض بصفة عامة👌

طبعا مقتل عامر بن الأكوع حصل بسببه هزة شديدة في معنويات المسلمين، في حين إنه رفع الروح المعنوية عند اليهود،
فوقف قائد اليهود مرحب يطلب المبارزة مرة ثانية وهو يقول بيقول بفخر :
قد علمت خيبر أني مرحب ** شاكِي السلاح بطل مُجَرّب
فخرج له حامل راية المسلمين علي بن أبي طالب، وحصل بينهما قتال شديد عنيف انتهى بانتصار علي بن أبي طالب رضي الله عنه وقَتْل مرحب،
وقتل مرحب فيه

#قصص_الأنبياء(٢)
#السيرة_النبوية
#الحلقة_مائة_وثمانية_وثلاثون
#أحداث_السنة_السابعة_من_الهجرة
#فتح_خيبر_الجزء_الرابع
#فتح_حصون_منطقة_النّطاة_والشّق

اتكلمنا المرة إللي فاتت عن فتح حصن ناعم وقلنا إنه تم فتحه على يد علي بن أبي طالب رضي الله عنه بعد قتاله مع اليهود،
وقلنا إن اليهود تسللّوا وهربوا من حصن الناعم في الليل وانتقلوا لحصن الصعب بن معاذ،
وبرده تم فتح حصن الصعب بن معاذ بعد ما المسلمين حاصروه ثلاثة أيام،
وكان اليهود بيُخرجُوا كتيبة عسكرية تقاتل المسلمين، ولو حسّوا بالهزيمة ينسحبوا للحصن ويقفلوا عليهم باب الحصن،
فأخرج اليهود كتيبة من حصن الصعب بن معاذ عشان تقاتل المسلمين،

☆ملحوظة
الكتيبة العسكرية معناها:
مجموعة من الجنود متقسمين لأربعة أو ست سرايا، عدد المجموعة العسكرية دي بيكون من ثلاثمائة إلى ألف جندي.

هجم المسلمون بقيادة الصحابي الحُباب بن المنذر على كتيبة اليهود إللي خرجت وكان الحُباب هو حامل راية المسلمين في المرحلة دي،
واستطاع إنه يهزم كتيبة اليهود ويسيطر على الباب ويمنع اليهود من إنهم يقفلوه،
فلما شاف اليهود إن المسلمين دخلوا الحصن وخلاص بقى الحصن تحت سيطرتهم هربوا لحصن قلعة الزّبير وتم فتح حصن الصعب بن معاذ وأُسر بعض اليهود منهم سلاّم بن مُشكم الزوج السابق لصفية بنت حيي بن أخطب زعيم اليهود إللي كان جمع الأحزاب وقُتل مع بني قريظة لو تفتكروا😁
فقتله المسلمون لأنه كان من أشد أعداء الإسلام ومن الناس إللي حركت الأحزاب لقتال رسول الله ﷺ،
كان حصن الصعب بن معاذ أكثر حصن فيه طعام وشراب زي ما قلنا وكان فتح حصن الصعب بن معاذ استجابة لدعاء رسول الله ﷺ،
ومش بس الصحابة أخذوا الطعام والشراب إللي في الحصن، لكنهم لقوا أدوات حربية وأخذوها عشان يستعملوها في حربهم ضد اليهود،
من الأدوات الحربية كانت آلة لقذف الحجارة واسمها:
《المَنْجَنِيق》
يبقى حصن الناعم وحصن الصعب بن معاذ اتفتحوا بعد قتال بين الفريقين👌
ووزّع رسول الله ﷺ الغنائم على الصحابة،
وكان من الناس إللي رسول الله ﷺ أمر إنه يُعطى من الغنائم
واحد من الأعراب أسلم لما كان جيش الصحابة مُتجه ناحية خيبر، فلما أسلم مشي مع جيش رسول الله ﷺ للجهاد،
فلما أعطاه الصحابة نصيبه من الأغنام راح لرسول الله ﷺ وسأله:
ما هذا يارسول الله؟
يعني انت بتديني من الغنائم دي ليه يارسول الله، وخصوصا إن الأعرابي ده كان بيرعى أمتعة الصحابة والأحصنة بتاعتهم يعني كان في آخر الجيش،
فرسول الله ﷺ قال له إن ده نصيبه من الغنائم، والغنائم بتتوزع على الجيش كله وهو من الجيش،
فالأعرابي قال لرسول الله ﷺ كلمة عجيبة😮
قال :
"ما على هذا اتَّبعتُكَ ، ولَكِنِّي اتَّبعتُكَ على أن أُرمَى هاهُنا بسَهْمٍ -وأشارَ إلى حلقِهِ - فأموتَ وأدخلَ الجنَّةَ"
يعني بيقول لرسول الله ﷺ يا رسول الله أنا مش جاي وراك ولا مُتبعك عشان تديني حاجة من الدنيا،
أنا عايز أنضرب بسهم في حلقي وأموت شهيد وادخل الجنة، هو ده هدفي،
رسول الله ﷺ رد عليه برد أعجب منه، ورد رسول الله ﷺ مش للأعرابي بس ده لكل واحد نفسه يدخل الجنة، قال رسول الله ﷺ:
《 إن تَصدُقِ اللَّهَ يَصدُقْكَ》
يعني لو انت فعلا صادق واتبعتني عشان همك الشهادة والآخرة والجنة ربنا هيرزقك الشهادة وتدخل الجنة👌

يعني يا جماعة إللي بيقول أنا نفسي ربنا يهديني لو هو صادق فعلا ونفسه ربنا يهديه الهداية الصحيحة مش إللي على مزاجه، ربنا هيهديه وهييسر له طريق الهداية ويعينه عليه،
وخدوا بالكم من إن في ناس كتير نفسها ربنا يهديها بس هداية على مزاجها😅
يعني تبقى عايزة تصلي وتصوم وتقول الأذكار وكده حلو قوي، لكن نيجي نقول ده عمل الحواجب حرام، تقول لأ حرام إيه الكلام ده مش صح،
نقول الأغاني والموسيقى والأفلام والمسلسلات حرام تقول ده الموسيقى غذاء الروح ومادام مش بتحرك المشاعر خلاص،
ومالها الأفلام والمسلسلات دي مفيدة وبتعالج مشاكل المجتمع😶
فالصادق بقى هيبقى عايز الهداية إللي ربنا يُريدها، على منهج رسول الله ﷺ فربنا هيرزقه فعلا الهداية بغض النظر عن الطريقة عاملة إزاي،
يعني الأعرابي ده كلامه عجيب وبالعقل أصلا مستحيل يجيله سهم يقتله؛ لأن هو في آخر الجيش مهمته إنه يرعى الأمتعة وملوش دعوة بالقتال أصلا، فالبعقل عشان يموت شهيد لازم يكون في الصفوف الأمامية من باب الأخذ بالأسباب حتى💁‍♂️
لكن المفاجئة إللي حصلت إن الأعرابي ده جاله سهم وهو في آخر الجيش في نفس المكان إللي أشار له بالضبط ومات😳
وجاء به الصحابة لرسول الله ﷺ وهم شايلينه فقال رسول الله ﷺ وهو متعجب:
أَهوَ هوَ ؟!!!
يعني هو نفس الرجل إللي لسه قايلي الكلام ده،
فقال الصحابة: نعَم 👌
فقالَ رسول الله ﷺ : 《صدقَ اللَّهَ فصدقَهُ》
يعني هو فعلا كان صادق مع ربنا فكانت النتيجة إن ربنا أعطاه إللي تمناه مع إن كل الأسباب كانت بتقول إن مستحيل الأعرابي ده يموت شهيد لأنه بعيد أصلا عن الصفوف الأمامية للقتال،
لكن مع ربنا مفيش مستحيل، الصدق بيخلي المستحيل واقع، وفي كلمة قرأتها

#قصص_الأنبياء(٢)
#السيرة_النبوية
#الحلقة_مائة_وتسعة_وثلاثون
#أحداث_السنة_السابعة_من_الهجرة
#فتح_خيبر_الجزء_الخامس_والأخير
#عودة_جعفر

اتكلمنا المرة إللي فاتت عن فتح حصون منطقة الشّق، وانتقال رسول الله ﷺ والصحابة لفتح حصون منطقة الكتيبة إللي هرب إليها اليهود بعد هزيمتهم في حصن النّزار
إللي كان فيه نساؤهم وأطفالهم،
منطقة الكتيبة كان فيها ثلاثة حصون:
حصن القموص، وحصن الوَطِيح، وحصن السّلاَلِم، مع إن الحصون دي كانت منيعة إلا إن اليهود كانوا مهزومين نفسيا بسبب هزيمتهم المتكررة أمام رسول الله ﷺ والصحابة،
وخصوصا في آخر حصن إللي فقدوا فيه نساءوهم وأطفالهم،
فمعركة خيبر مش مجرد قتال مدته ساعتين ثلاثة زي غزوة بدر مثلا وانتهى الموضوع ،
ده كانت معركة وراء معركة والقتال استمر أيام لم يُهزم فيه المسلمون هزيمة واحدة 👌
واليهود لحد زماننا الحاضر فاكرين غزوة خيبر، ولما حرقوا المسجد الأقصى عام 1969 قال وزير دفاعهم مُوشى دَيان:
"هذا يومٌ بيومِ خيبر"
فمعركة خيبر محفورة في عقول اليهود فهي أكبر المعارك إللي حصلت بين اليهود والمسلمين وكانت من أعظم انتصارات المسلمين مُطلقا👌

فاحنا وصلنا دلوقتي لآخر ثلاثة حصون، حاصر رسول الله ﷺ حصن القَموص أربعة عشرة يوماً،
والعلماء اختلفوا هل الحصن ده فُتح بعد قتال ولاّ اليهود استسلموا بدون قتال🤔
فسواء حصل القتال ولّا لأ النتيجة كانت فتح الحصن، أما حصن الوَطِيح، وحصن السّلاَلِم فدول أكيد فُتحوا من غير قتال،
يعني اليهود استسلموا لرسول الله ﷺ وطلبوا منه إنه يكون في بينهم وبينه صلح،
وكان إللي عمل الصلح مع رسول الله ﷺ رئيسهم كِنانة بن الربيع بن أبي الحُقيق زوج صفية بنت حُيَي بن أخطب،
وكمان كِنانة ده أخو أبو رافع سلاّم بن أبي الحُقيق إللي قتله عبد الله بن عتيك واتكلمنا عنه قبل كده😊

كنانة بن أبي الحقيق قعد مع رسول الله ﷺ عشان يفاوضه على الصلح، وبعد حوار طويل بينهم كان الاتفاق على حقن
دماء كل إللي في الحصون من المقاتلين، يعني عدم قتلهم، في مقابل إن اليهود يتركوا أرض خيبر، ويتركوا الأموال والذهب والفضة وكل شيء،
ورسول الله ﷺ اشترط عليهم شرط، قال:
"وبَرِأت منكم ذمة الله وذمة رسوله إن كَتَمْتُمُوني شيئاً"
يعني لو حصل إن أي حد فيكم أخفى أموال عن المسلمين وخالف العهد يبقى العهد مُنتهي ويُقتل إللي خالف الشرط،
ووافق اليهود على شرط رسول الله ﷺ وبدأوا يتجهزوا للخروج من خيبر،
لكن اليهود فكّروا في عرض وعرضوه على رسول الله ﷺ قالوا له:
"يا محمد!
دعنا نكون في هذه الأرض نُصْلحها ونقوم عليها، فنحن أعلم بها منكم"
يعني بيقولوا لرسول الله ﷺ إن أرض خيبر كبيرة جدا واحنا خبراء بالزراعة وأعلم بيها منكم، فخلينا احنا نزرعها لكم، فوافق رسول الله ﷺ على عرض اليهود وخصوصا إن الصحابة معندهمش علم كبير بالزراعة💁‍♂️
وكمان خيبر بعيدة عن المدينة ومحتاجين حد يهتم بالزراعة، فالعرض كان في مصلحة المسلمين من كل ناحية،
فكان الاتفاق إن اليهود يفضلوا في خيبر يزرعوها للمسلمين في مقابل إنهم يقتسموا الثمار،
يعني المحصول إللي هيطلع نصه للمسلمين ونصه لليهود مقابل شغلهم في الزراعة،
لكن رسول الله ﷺ كان له شرط، قالهم إنه هيتركهم في خيبر لكن في أي وقت رسول الله ﷺ عايز يخرجهم، يخرجهم،
يعني لو رسول الله ﷺ شاف إنه في يوم من الأيام إنه مش عايز اليهود في أرض خيبر يبقى يجب عليهم إنهم يخرجوا من أرض خيبر بدون أي اعتراض👌
وطبعا الفرق واضح جدا بين المعاهدات إللي رسول الله ﷺ عملها مع اليهود وبين المعاهدات إللي العرب بيعملوها مع اليهود في عصرنا دلوقتي😑
رسول الله ﷺ له اليد العليا والمعاهدات كلها كانت في مصلحة المسلمين، بعكس المعاهدات في زماننا كلها ظلم وتنازلات لليهود، وطبعا ده رد واضح على إللي بيقول ماهو رسول الله ﷺ عمل معاهدات مع اليهود،
أيوة عمل معاهدات معاهم لكن المصلحة في صالح المسلمين مش العكس🙄

وبكده انتهت معركة خيبر، وبدأ رسول الله ﷺ يقسم الغنائم على المسلمين، والغنائم من خيبر كانت كثيرة جدا زيما ربنا قال:
"وَعَدَكُمُ اللَّهُ مَغَانِمَ كَثِيرَةً تَأْخُذُونَهَا"
حتى إن السيدة عائشة رضي الله عنها قالت:
"لما فُتحت خيبر قلنا: الآن نشبع من التمر"
واحنا عارفين إن الصحابة سواء المهاجرين أو الأنصار كانوا فقراء جدا،
وشوفنا قبل غزوة خيبر بسنة أو أكثر تقريبا غزوة الأحزاب كانوا عاملين فيها إزاي وظهر شدة فقرهم،
فكان فتح خيبر هو النقلة إللي نقلت الصحابة من شدة الفقر إللي كانوا فيها لوضع أفضل،
طبعا مبقوش أغنياء لكن خرجوا من شدة الفقر وتحسن وضعهم أكثر من الأول😁

كنانة بن أبي الحُقيق إللي وافق على شروط المعاهدة أخفى أموال عن رسول الله ﷺ، مع إن الشرط بيقول إن لو واحد من اليهود أخفى أموال عن رسول الله ﷺ يُقتل😶
لما سأله رسول الله ﷺ عن الأموال إللي أخفاها أنكر وقال إنه مخباش حاجة،
فقال له رسول الله ﷺ لو لقينا الأموال دي نقتلك؟
فوافق كنانة👌
ولما الصحابة وجدوا الأموال إللي كان كنانة بن

#قصص_الأنبياء(٢)
#السيرة_النبوية
#الحلقة_مائة_وأربعون
#أحداث_السنة_السابعة_من_الهجرة
#زواج_رسول_الله_من_صفية_بنت_حُيي

اتكلمنا المرة إللي فاتت عن فتح آخر حصون خيبر وتقسيم الغنائم، وقلنا إن صفية بنت حُيي بن أخطب كانت من نصيب دِحية الكلبي، ولكن واحد من الصحابة جاء لرسول الله ﷺ وقال له إن صفية دي زوجة زعيم اليهود وابنة زعيمهم يعني سيدة بني النّضير وسيدة بني قريظة،
فمينفعش تكون إلا عند رسول الله ﷺ فوافق رسول الله ﷺ وأخذها لنفسه،
وده كان من حكمته ﷺ، لأن كان ممكن يدخل في نفوس الصحابة شيء أو يحصل بينهم خِلاف، يعني اشمعنى واحد زيهم أخذ حاجة مميزة وهم لأ،
وخصوصا إن صفية بنت حيي كانت امرأة شريفة عاقلة ذات حسب وجمال، ففعلا مينفعش تكون عند أي حد👌
فرسول الله ﷺ أراد إنه يقطع وسوسة الشيطان من البداية، ومتنسوش إن الصحابة بشر برده😅
هم أه أطهر الناس قلوبا بعد الأنبياء لكنهم مش معصومين👌
فأخذها رسول الله ﷺ لنفسه وكده بقت ملك يمين لرسول الله ﷺ،
فلما دخلت صفية على رسول الله ﷺ قال لها:
"لم يَزل أبوكِ من أشد يهود لي عداوة حتى قتله الله"
يعني أبوكِ فضِل طول عمره معاديني وبيعمل المؤامرات ضدي لحد آخر لحظة في حياته، وقعد يقولها عن إللي أبوها عمله معاه عشان يوضح لها هو ليه قتله في النهاية،
فقالت له حفصة:
"يا رسول الله!
إن الله يقول في كتابه: ولا تَزر وازِرة وزر أخرى"
يعني أنا حاجة وأبويا حاجة، أنا مليش دعوة باللي أبويا كان بيعمله،انا معملتش حاجة،
في البداية كانت صفية بتكره رسول الله ﷺ جدا لأنه قتل أبوها وزوجها وأخوها، فلما رسول الله ﷺ قعد يوضح لها موقفه ويسترضيها ويعتذر لها لحد ما رضيت ومبقاش في قلبها أي شيء من الكره لرسول الله ﷺ،
وهي نفسها قالت:
"كان رسول الله ﷺ من أبغض الناس إليَّ قَتل زوجي وأبي وأخي فما زال يعتذر إليَّ ويقول :
《إن أباك ألَّب علي العرب وفعل وفعل》 حتى ذهب ذلك من نفسي"
فهنا رسول الله ﷺ خيّرها وقال لها:
اختاري، فلو اخترتِ الإسلام أمسكتك لنفسي، يعني هتزوجك،
وإن اخترتِ اليهودية فعسى أن أعتقك فتلحقي بقومك👌
يعني رسول الله ﷺ عرض عليها الإسلام وقال لها إنها لو أسلمت هيعتقها ويتزوجها، ولو عايزة تفضل على اليهودية براحتها وهيتركها ترجع لقومها،
فوافقت صفية رضي الله عنها على الدخول في الإسلام وقالت لرسول الله ﷺ:
يا رسول الله!
ُلقد هَوَيْتُ الإسلام وصدّقتُ بك قبل أن تدعوني، حيث صرت إلى رْلك وما لي في اليهودية أَرَب، ومالي فيها والد ولا أخ وخيّرتني الكفر والإسلام، فالله ورسوله أحب إلي من العتق وأن أرجع إلى قومي👌
يعني هي بتقول إنها أصلا كانت عايزة الإسلام وحبّاه، ومصدقة برسول الله ﷺ من قبل ما رسول الله ﷺ يدعوها،
وهي معندهاش أي رغبة في اليهودية وملهاش أصلا حد قريب منها ممكن يقف في طريق إسلامها،
وهي شايفة إن الإسلام واتباع الله ورسوله أحب إليها من العتق والرجوع لقومها،
فأسلمت وأعتقها رسول الله ﷺ وتزوجها، وكان مهرها عِتقها وكانت ساعتها مكملتش سبعة عشرة سنة،
والعِتق معناه التحرير من العبودية،
وكان من حِكم زواج رسول الله ﷺ من صفية بنت حيي إستمالة قلوب اليهود،
يعني لما يكون في بينهم وبين زعيم الدولة الإسلامية ونبي آخر الزمان علاقة نسب ومُصاهرة فالعلاقة دي ممكن تُرقق قلوب اليهود وتفتح قلوبهم للإسلام،
زي زواج رسول الله ﷺ من أم حبيبة رملة بنت أبي سفيان سيد مكة إللي اتكلمنا عنه قبل كده👌

رسول الله ﷺ شاف في خد صفية أو في عينها خُضرة، فسألها عن السبب فقالت له إنها بعد ما تزوجت بكم يوم
من كِنانة بن أبي الحقيق وكان ابن عمها؛ حلمت إن القمر خرج من يثرب ونزل في حِجرها، فحكت الرؤيا دي لزوجها فلَطَمها، يعني ضربها على وجهها وقال لها:
تَمَنِّين مَلِكَ يثرب😠
يعني انتي بتتمني إنك تتزوجي محمد ﷺ،
وكانت صفية حديثة عهد بعرس، يعني لسه متزوجة من كنانة بن أبي الحقيق حديثاً بقالها كم يوم،
وكنانة ده كان زوجها الثاني، بعد ما كانت متزوجة من سلاّم بن مشكم،
وبعد الموقف ده على طول كان جاء جيش رسول الله ﷺ لفتح خيبر،
والرؤيا إللي شافتها دي كانت من أسباب إسلامها السريع رضي الله عنها.

☆خلونا بقى نقف هنا ونفهم كم نقطة كده👌
◇أولا:
الإسلام لم يُشَرّع ابتداء سَبْيِ النساء،
يعني مش الإسلام هو إللي اخترع موضوع سبي النساء ده،
سبي النساء كان نظام معمول بيه من قبل الإسلام في جزيرة العرب وحتى في الأمم السابقة،
وسبي النساء كان له مصادر كثيرة، لكن الإسلام حصرها في مصدر واحد فقط وهو القتال المشروع مع الكفار،
وسبي النساء الكافرات ممكن يكون سبب في دخولهن للإسلام، ويبقى نجت نفسها من النار،
ورسول الله ﷺ يقول:
"عَجِبَ اللَّهُ مِنْ قَوْمٍ يَدْخُلُونَ الْجَنَّةَ فِي السَّلَاسِلِ"
يعني في البداية كانوا مُكرهين على الأسر، ومُقيّدين، وبعدين لما عرفوا صِحة الإسلام دخلوا فيه برغبتهم وبعدين كان جزاءهم الجنة،
فكان أسرهم وتقييدهم في البداية سبب لدخولهم الجنة في الآخرة.

◇ثانيا:
انتم عارفين إن العبيد

#قصص_الأنبياء(٢)
#السيرة_النبوية
#الحلقة_مائة_وواحد_وأربعون
#أحداث_السنة_السابعة_من_الهجرة
#إسلام_أبو_هريرة
#غزوة_ذات_الرّقاع

اتكلمنا الأجزاء الأخيرة إللي فاتت عن فتح خيبر وعن مَجِيء الصحابة إللي كانوا هاجروا للحبشة وانضمامهم لرسول الله ﷺ في منطقة خيبر،
واتكلمنا عن بعض الأفراد إللي أسلموا وجاءوا واشتركوا مع رسول الله ﷺ في فتح خيبر،
من الناس إللي أسلمت دي واحد من قبيلة دَوْس اسمه عبد شمس بن صَخر،
وقبيلة دَوس دي لو تفتكروا زعيمها الطُّفيل بن عمرو الدوسي إللي كفار مكة قعدوا يحذروه من رسول الله ﷺ في بداية الدعوة إلى الإسلام لحد ما وضع القطن في ودنه وبعدين أسلم ورجع لقومه يدعوهم للإسلام🤔
اتكلمنا عنه بالتفصيل في الجزء السابع والعشرين👌

المهم،
كان من الناس إللي أسلمت على يد الطّفيل بن عمرو الدوسي عبد شمس بن صخر، وهو كان له أسماء كثيرة جدا قبل إسلامه أشهرها عبد شمس،
لما جاء للمدينة مهاجر لقى رسول الله ﷺ خرج لقتال اليهود في خيبر، فتوجه هو كمان لخيبر وحضر فتح خيبر،
وسمّاه رسول الله ﷺ 《عبد الرحمن》 بدل عبد شمس وبقى اسمه 《عبد الرحمن بن صخر》،
وكان عنده هِرة أو قطة صغيرة بيرعاها وبيحطها في كمه، فكُنّيَ بها، يعني بقى اسمه أبو هريرة واشتهر بالكنية دي،
وبقى مُلازِم لرسول الله ﷺ على طول، بيروح معاه في كل مكان،يعني لا بيشتغل ولا وراه أي حاجة غير رسول الله ﷺ، فكانت النتيجة إنه بقى أكثر الصحابة حفظا لحديث رسول الله ﷺ،
مع إنه أسلم متأخر لكن من ساعة ما أسلم لم يفارق رسول الله ﷺ عشان كده روى أحاديث عن رسول الله ﷺ كثير من الصحابة مكنوش يعرفوها،
لأن المهاجرين كانوا مشغولين بالتجارة، والأنصار مشغولين بزراعة الحقول بتاعتهم،
لكن عبد الرحمن بن صخر تفرّغ لرسول الله ﷺ ومكنش عنده شغل، وبالتالي كان من الفقراء ومكنش بيلاقي أكل يأكله، وهو من أهل 《الصُّفَّة》،

☆والصُّفَّة أو الظُّلَّة مكان في آخر المسجد النبوي أمر به رسول الله ﷺ إنه يُظَلّل بجِرِيد النخل، وأُطلق عليه اسم "الصُّفَّة" أو "الظُّلَّة"،
ورسول الله ﷺ جهز المكان ده عشان يكون مأوى للغرباء أو العُزاب من المهاجرين والوافدين إللي ملهمش مأوى ومكان يسكنوا فيه، والناس دي بقى اسمهم أهل الصُّفة،
وكان رسول الله ﷺ كثيراً ما يجالسهم، ويأنس بهم، ويناديهم إلى طعامه، ويشركهم في شرابه،
يعني رسول الله ﷺ كان بيقعد معاهم كثير ويتكلم معاهم، وبيشاركهم في الأكل والشراب، ولو حد أرسل له هدية أو صدقات بيشاركهم فيها،
وساعات أعدادهم تكون قليلة وساعات تكون كبيرة.
فكانوا فقراء وكان أبو هريرة منهم ومن شدة فقر أبو هريرة
كان ساعات بيسأل الصحابة عن بعض آيات القرآن وهو عارفها أملاً منه إن الصحابي يعرض عليه الأكل،
يعني يقوله طيب تعال نتغدى وبعدين أقولك على الآية،
حتى حصلت قصة ظريفة بين رسول الله ﷺ وبين أبو هريرة بمناسبة سؤال أبو هريرة للصحابة😁
بيحكي القصة دي أبو هريرة نفسه بيقول إنه كان بيبقى جعان جدا لدرجة إن بيربط الحجر على بطنه من شدة الجوع،
وكان بيقعد للصحابة على طريقهم إللي بيمشوا فيه،
فعدى عليه أبو بكر الصديق رضي الله عنه فسأله عن آية من القرآن، وكان الهدف من سؤاله إن يعرض عليه الأكل،
فأبو بكر رضي الله عنه منتبهش للي كان عايزه أبو هريرة رضي الله عنه😅
فجاوبه أبو بكر عن الآية إللي كان بيسأل عنها ومشي،
فمر عليه عمر بن الخطاب فسأله أبو هريرة عن آية من القرآن وهو عارفها بس كان عايزه يأكله،
فعمر برده منتبهش للي كان عايزه أبو هريرة فأخبره بالآية إللي سأل عنها ومشي،
فمر عليه أبو القاسم ﷺ 😁
أول ما رسول الله ﷺ شاف أبو هريرة عرف إللي في نفسه وشاف الجوع في وجهه فتبسم ﷺ لأبي هريرة وقال له:
"يا أبا هِر الْحَق"
يعني تعال ورايا يا أبا هريرة، فمشي رسول الله ﷺ ومشي وراه أبو هريرة،
فدخل رسول الله ﷺ لبيت من بيوته فلقى فيه قَدح فيه لبن، يعني طبق أو كوباية فيها لبن، فسأل رسول الله ﷺ
من أين هذا اللبن؟
يعني مين إللي جاب اللبن ده، فقالوا:
أهداه لك فلان أو فلانة، يعني حد بعته لرسول الله ﷺ كهدية، فقال رسول الله ﷺ لأبي هريرة:
أبا هر !الحق إلى أهل الصفة فادعهم لي👌
يعني روح نادي لأهل الصفة، وكانوا ساعتها عددهم أكثر من خمسين،
فلما سمع أبو هريرة رسول الله ﷺ بيقول له نادي أهل الصفة، زعل وقال في نفسه وهو اللبن ده هيعمل إيه في أهل الصفة ولاّ هيكفي مين ولاّ مين،
أنا بس كنت عايز أشرب منه شربة أتقوّى بها بدل مانا مش قادر أقف،
فراح أبو هريرة ونادى لأهل الصفة فجاءوا، فأمره رسول الله ﷺ إنه يسقيهم اللبن،
فتخيلوا إحساس أبو هريرة وهو شايف اللبن إللي نفسه في شربة منه غيره هو إللي بيشربه وطبعا من وجهة نظره مش هيتبقى له حاجة في النهاية😅
وبالرغم من إنه مش عايز يعمل كده ونفسه ياخد اللبن ويشربه لوحده لكنه قال كلمة محتاجين كلنا نتعلمها، قال:
《ولم يكن من طاعةِ الله وطاعة رسوله ﷺ بُد》👌
يعني مهما كان أنا مش عايز أعمل حاجة معينة أو شايف إنها ممكن يكون فيها ضرر عليّ

#قصص_الأنبياء(٢)
#السيرة_النبوية
#الحلقة_مائة_واثنان_وأربعون
#أحداث_السنة_السابعة_من_الهجرة
#مواقف_بعد_غزوة_ذات_الرقاع

وقفنا المرة إللي فاتت عند عودة رسول الله ﷺ من غزوة ذات الرّقاع، في طريق العودة حصل ثلاثة مواقف،
◇الموقف الأول كان مع رسول الله ﷺ،
خلونا نشوف حصل إيه😁
لما كان الجيش راجع للمدينة قعدوا يريحوا، لأن الطريق طويل، ونزل رسول الله ﷺ عند شجرة وعلق عليها سيفه ونام تحتها وباقي الصحابة ناموا كلهم هم كمان،
فجاء رجل من الأعراب المشركين من بني ثعلبة من قبائل غطفان اسمه غَوْرَث بن الحارث وتسلّل لحد ما وصل للمكان إللي نايم فيه رسول الله ﷺ فأخذ سيف رسول الله ﷺ إللي كان متعلق على الشجرة ورفعه فوق رأس رسول الله ﷺ وهو نايم🙊
فجأة رسول الله ﷺ صحي من النوم وشاف الأعرابي واقف على رأسه بالسيف،
فغَوْرَث بن الحارث قال لرسول الله ﷺ:
أتَخَافُني؟
يعني انت خايف مني، والسؤال ده غريب أصلا😅
يعني هو ده وقت حوار🤨
الطبيعي إنه مجرد ما أخذ السيف يقتل رسول الله ﷺ وبكده هياخد شرف كبير عندأهل غطفان لأنه قتل عدوهم وعدو قريش،
لكن ربنا حافظ لرسول الله ﷺ من إن حد يقتله، قال تعالى:
" وَاللَّهُ يَعْصِمُكَ مِنَ النَّاسِ"
فغَوْرَث بن الحارث مقدرش يقتل رسول الله ﷺ لأن ربنا منعه، وفضل مستني رسول الله ﷺ لحد ما صحي وبدأ يتكلم معاه،
فلما غَوْرَث بن الحارث سأل رسول الله ﷺ إذا كان خايف منه ولاّ لأ، قال له رسول الله ﷺ بكل ثبات:
لا👌
يعني رسول الله ﷺ مدخلش في قلبه ذرة خوف ولا اهتز له شعرة، مع إنه أعزل وغَوْرَث فوق رأسه،
حتى غَوْرَث بن الحارث نفسه تعجب من ثبات رسول الله ﷺ وخصوصا إن مفيش حد معاه يدافع عنه،
طبعا ده من وجهة نظر غَوْرَث بن الحارث المشرك، لكن ميعرفش إن ربنا يعصم رسول الله ﷺ من أذى الناس،
فقال لرسول الله ﷺ
فمن يمنعك مني😏
يعني انت مش خايف وانت لوحدك وأعزل مش معاك حاجة تدافع بيها عن نفسك، طيب انت بقى جايب الثقة دي منين، مين إللي هيمنعك مني وينقذك ،
فقال ﷺ : الله👌
فلما رسول الله ﷺ قال الله، سقط السيف من يد غَوْرَث بن الحارث، فأخذه رسول الله ﷺ وقال لغَوْرَث بن الحارث:
من يمنعك مني؟!!
يعني انت بقى مين هينقذك مني دلوقتي😅
غَوْرَث بن الحارث كافر فمش هيقدر يقول الله، ومقدرش يلجأ إلى آلهته المزعومة من الأصنام💁‍♂️
لكنه طمع في كرم رسول الله ﷺ ،فقال غَوْرَث بن الحارث لرسول الله ﷺ:
كُنْ خَيْرَ آخذٍ 😥
يعني خليك انت أحسن مني وعاملني بالحُسنى، فرسول الله ﷺ قال له:
تشهد أن لا إله إلا الله وأني رسول الله؟
فقال غَوْرَث بن الحارث:لا، ولكن أُعاهدك ألا أقاتلك، ولا أكون مع قوم يقاتلونك🤚
يعني هو لم يُسلم، لكنه وعد رسول الله ﷺ إنه مش هيقاتله مرة تانية ولا هيشارك مع حد في أي قتال ضده ﷺ،
فأطلق رسول الله ﷺ سراحه ولم يعاقبه وعفا عنه،
فرجع غَوْرَث بن الحارث لقومه وقال لهم:
جئتُكم من عند خير الناس👌
في رواية بتقول إن عدد كبير من أهله أسلم بسبب الموقف ده، فسواء فعلا كانوا أسلموا أو لأ،
فالأكيد إن الموقف ده ترك أثر كبير جدا في قبائل غطفان وأثبت لهم إن رسول الله ﷺ فعلا نبي من عند الله، ليه🤔

لأن مش من طبع الملوك والقادة ولا عادتهم إنهم يتركوا أو يعفوا عن أي حد هدّدهم بالقتل بالطريقة دي، فمش من عادتهم الرحمة والكرم والتسامح للدرجة دي، لكن ده من طبع الأنبياء،
فكل الأحداث إللي حصلت دي خلّتهم يفكروا جديا في الإسلام👌

◇الموقف الثاني :
لما كان رسول الله ﷺ مع المسلمين في غزوة ذات الرّقاع، واحد من المسلمين أصاب زوجة رجل من المشركين بجروح وكان زوج المرأة دي غائب،
فلما رجع المشرك وعرف إللي حصل لزوجته وكان جيش المسلمين خلاص في طريق رجوعه للمدينة، أقسم إنه مش هيسيب جيش المسلمين إلا لما يُصيب أحد أصحاب رسول الله ﷺ بجراح،
فخرج الرجل يتتبع أثار جيش المسلمين، في الوقت ده كان رسول الله ﷺ والجيش إللي معاه نزلوا في وادي عشان يريحوا فيه، فرسول الله ﷺ قال للصحابة:
" مَنْ رَجُلٌ يَكْلَؤُنَا لَيْلَتَنَا هَذِهِ"
يعني مين إللي يحرسنا الليلة دي، فتطوع عمار بن ياسر من المهاجرين، و عبّاد بن بِشر من الأنصار،

☆بالمناسبة😁
عبّاد بن بشر رضي الله كان من سادة الأوس ومن أوائل الناس إللي أسلمت على يد مصعب بن عمير لما جاء للمدينة قبل هجرة رسول الله ﷺ، حتى إنه كان أسلم قبل أُسيد بن حُضير وسعد بن معاذ،
وكان القرآن شغله الشاغل وكان بيردده ليل نهار لدرجة إنه اتعرف بين الصحابة بلقب 《الإمام وصديق القرآن》
وحضر مع رسول الله ﷺ كل الغزوات، وكان شجاع وشديد القوة وكان متخصص في الحراسة،
ففي غزوة الأحزاب تولى حراسة قُبة أو خيمة رسول الله ﷺ ،وهيتولى الحراسة برده في غزوة تبوك بعدين،
والموقف إللي احنا فيه دلوقتي تولى فيه الحراسة👌

نام رسول الله ﷺ ومعاه الجيش، وخرج عبّاد وعمار من الوادي عشان يستلموا الحراسة،
فسأل عمار عبّاد بن بشر إذا كان عايز نوبة الحراسة تكون له الأول ولاّ ينام وبعدين يصحى يبدل مع عمار،
فقال له عباد إ

#قصص_الأنبياء(٢)
#السيرة_النبوية
#الحلقة_مائة_وثلاثة_وأربعون
#أحداث_السنة_السابعة_من_الهجرة
#القرآن_وعامل_الزمن
#أشققت_عن_قلبه

وقفنا المرة إللي فاتت عند السّرايا إللي رسول الله ﷺ أرسلها بعد رجوعه من غزوة ذات الرقاع، وقلنا هنتكلم عنها المرة دي ونشوف أهم الأحداث إللي حصلت فيها،
بس قبل ما نتكلم عنها في حد سألني سؤال مهم، وممكن ناس كتير عايزة تعرف إجابته عشان كده أنا هقول لكم السؤال والإجابة بتاعته لأنه يُعتبر من الشُّبه المُنتشرة إللي محتاجة رد👌

☆السؤال بيقول:
احنا إزاي عرفنا كل الأحداث دي عن حياة رسول الله ﷺ، مش يمكن في حد ألّف في الاحداث أو قال أحاديث رسول الله ﷺ مقلهاش، إزاي وصل لنا الكلام ده كله🤔

الإجابة:
عشان نجاوب على السؤال ده لازم نجاوب الأول على هل احنا متأكدين إن القرآن من عند ربنا فعلا ولاّ لأ👌

طبعا احنا كلنا مؤمنين إن القرآن كلام الله أنزله على رسوله، طيب إيه الدليل، إيه إللي يخلينا متأكدين إن القرآن فعلا من عند ربنا🤔
طبعا في أدلة كتير، لكن خلونا ناخد دليل منهم،
عشان نكون متأكدين إن الدين أو الوحي أو القرآن من عند ربنا فعلا لازم القرآن يثبت أمام 《إختبار الزمن》👌
بمعنى إن القرآن موجود من أكثر من ألف وأربعمائة سنة، وكل شوية العلوم بتتطور وبيحصل اكتشافات جديدة،
والقرآن فيه أكثر من ألف آية بتتكلم عن العلوم،
طبعا القرآن مش علوم لكنه كتاب علامات، يعني مش بيشرح الحقائق العلمية ولكنه بيشير إليها بإشارات تثبتها الدراسات العلمية مع مرور الوقت،
ولو احنا شوفنا الحقائق العلمية وإللي العلم الحديث اكتشفه
سواء من خمسين سنة فاتت أو مائة سنة أو مائتين سنة أو حتى أربعمائة سنة؛ هنلاقي إن القرآن ذكرها من ألف وأربعمائة سنة،
◇يعني مثلا:
القرآن يتحدث عن خلق الكون في الآية:
"أَوَلَمْ يَرَ الَّذِينَ كَفَرُوا أَنَّ السَّمَاوَاتِ وَالْأَرْضَ كَانَتَا رَتْقًا فَفَتَقْنَاهُمَا."
وهو ده إللي اكتشفه العلم الحديث عن الانفجار العظيم👌
◇مثال تاني:
عرفنا إن الأرض كروية لما قام فرانسيس دريك بجولة حول الأرض، سنة 1956
وده إللي القرآن ذكره القرآن في سورة النازعات:
" والأرضَ بعدَ ذَلِك دَحَاهَا"
فهو يشير إلى بيض النعامة ومعروف إن بيض النعامة يميل للشكل البيضاوي، فالمعنى إن الأرض بيضاوية،
◇مثال ثالث:
في السابق كانت الناس مفكرة إن القمر له ضوء خاص به،
لكن من مائة سنة أو مائتين سنة فاتت العلماء اكتشفوا بأن ضوء القمر هو ضوء معكوس ومش خاص به،
والكلام مذكور في القرآن من أكثر من ألف وأربعمائة سنة، قال تعالى:
"تَبَارَكَ الَّذِي جَعَلَ فِي السَّمَاءِ بُرُوجًا وَجَعَلَ فِيهَا سِرَاجًا وَقَمَرًا مُّنِيرًا "
◇مثال رابع:
العلماء كانوا بيقولوا إن الشمس ثابتة حول محورها مش بتلف بعني،ولكن القرآن بيقول إن الشمس بتدور حول محورها مش ثابتة،
وهو ده إللي اكتشفه العلماء حديثا في السنين الآخيرة،
قال تعالى:
"وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ كُلٌّ فِي فَلَكٍ يَسْبَحُونَ"
يبقى مين إللي يقدر يقولنا كل الحقائق دي في القرآن وإللي معرفنهاش إلا مؤخرا غير خالق الكون💁‍♂️
وقيسوا بقى على كده لما القرآن يتكلم عن علم الأجنة ومراحل خلق الجنين، وعلم الأحياء والنبات والمياه وغيرها إللي معرفناش عنها غير في السنين إللي فاتت بعد التقدم العلمي،
فلو احنا وضعنا اختبار العلوم ده لكل الكتب المقدسة، الكتاب الوحيد إللي هينجح في الاختبار ده ويعدّيه هو القرآن الكريم👌
ولحد دلوقتي مفيش آية واحدة في القرآن العلم الحديث أثبت إنها باطلة، بالعكس ده بيثبت صحة الآيات ولسه العلم بيتقدم ولسه في بعض الأمور الغامضة إللي العلم لسه معرفهاش،
وفي أمثلة كتير بس احنا هنا مش بنتكلم عن الإعجاز العلمي للقرآن بالتفصيل، إللي عايز يعرف ممكن يعمل بحث على النت ويعرف😅
فكده احنا بقينا مطمئنين وعلى يقين إن القرآن ده من عند الله وكل كلامه صدق😁
وعلى الأساس ده خلونا نشوف ربنا قال إيه، قال:
"إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ"
الذكر إللي هو القرآن، يعني ربنا بيقول إنه حافظ للقرآن من إن أي حد يغيره أو يبدله،
طيب من آيات القرآن ربنا بيأمر بإقامة الصلاة، وإيتاء الزكاة ،
ممكن حد يقول لنا الصلاة دي شكلها إيه ولاّ نصليها إزاي من خلال آيات القرآن 💁‍♂️
طبعا مفيش ولا آية بتشرح الصلاة أو بتقول لنا أنصبة الزكاة،
يبقى معنى الكلام إن في حاجة تانية هي إللي بتشرح القرآن، والحاجة دي هي سنة رسول الله ﷺ وأحاديثه👌
يبقى ربنا زي ما هو حافظ للقرآن فهو حافظ لسنة رسول الله ﷺ وأحاديثه،
◇طيب إيه الطريقة إللي ربنا بيحفظ بيها سنة رسول الله ﷺ من التحريف والتغيير🤔
احنا ديننا ده واخدينه بالتّلقّي، يعني رسول الله ﷺ كان بيُلقّن الصحابة وبيعلمهم مباشرة تعاليم الإسلام،
زي ما قال لهم صلوا كما رأيتموني أصلي، وزي ما كان بيقعد يحكي لهم عن الأمم السابقة، وزي ما كان بيخطب فيهم ويشرح لهم ويجاوب

#قصص_الأنبياء(٢)
#السيرة_النبوية
#الحلقة_مائة_وأربعة_وأربعون
#أحداث_السنة_السابعة_من_الهجرة
#إنما_الدنيا_لأربعة_نَفَر

اتكلمنا المرة إللي فاتت عن أول سَرِيّة أخرجها رسول الله ﷺ بعد غزوة ذات الرقاع وكانت سرية غالب بن عبد الله الليثي،
السرية التانية أخرجها رسول الله ﷺ بقيادة عمر بن الخطاب رضي الله عنه لمنطقة تُرَبَة في شهر شعبان ومعاه ثلاثين رجل من الصحابة ولما وصل هناك هرب المشركين في منطقة تُرَبَة من عمر رضي الله عنه،
ورجع لرسول الله ﷺ في المدينة وأخبره باللي حصل معاه،
في نفس الشهر شهر شعبان أخرج رسول الله ﷺ سرية تانية بقيادة بَشير بن سعد أبو النُّعمان بن بشير ، والنعمان كان أول مولود يُولد للأنصار بعد الهجرة زي ما قلنا قبل كده😁
المهم،
بشير بن سعد خرج في جيش مكون من ثلاثين رجل من الصحابة، واتوجهوا إلى بني مُرّة ناحية فَدك، وفدك دي إللي كان فيها يهود وعملوا صُلح مع رسول الله ﷺ،
وصلت السرية إلى بني مُرة، فبشير ملقاش غير رعاة الماشية، فسألهم عن أهل القرية قالوا له : في بَوَادِيهم👌
يعني في أرضهم إللي بيزرعوا فيها، يعني زي ما بنقول في وقتنا دلوقتني : في أشغالهم،
فبشير بن سعد أخذ الماشية إللي كانت موجودة كغنيمة وتوجه راجعا للمدينة،
في الوقت ده كان شاف المسلمين رجل فراح للناس من بني مرة وصرخ فيهم وقال لهم إن المسلمين أخذوا ماشيتهم غنائم،
فتجمع عدد كبير من بني مُرة وخرجوا في أثر المسلمين لحد ما لحقوهم ووصلوا عندهم في الليل، فباتوا الليلة دي يترامون بالنبل، يعني كل فريق يرمي بالسهام على التاني لحد ما خلصت سهام المسلمين،
فلما جاء الصباح هجم المشركين على المسلمين وحصل بينهم قتال فقُتل معظم إللي كانوا مع بشير وقاتل بشير قتال شديد جدا لحد ما جسمه اتملى بالجراح ووقع على الأرض، وضربه واحد المشركين على كعبه فلم يتحرك بشير،
فقالوا ده كده خلاص مات، فأخذ المشركون الماشية بتاعتهم ورجعوا لقريتهم،
أما بشير فمكنش مات كان لسه عايش، وفضل بين القتلى لحد الليل، فلما جاء الليل تحامل على نفسه وتوجه ناحية فدَك ونزل عند واحد من اليهود إللي كانوا عاملين معاهدة صلح مع رسول الله ﷺ،
فاليهودي عالج جروح بشير واستضافه عنده لحد ما اتحسن بعد كم يوم، ورجع بشير لرسول الله ﷺ في المدينة وأخبره باللي حصل معاه👌

شوفتم بعد انتصار رسول الله ﷺ في خيبر وخروجه بنفسه لقبيلة غطفان وإرسال لهم السرايا التأديبية عشان إللي عملوه في الأحزاب، عُيينة بن حصن الأحمق المُطاع سيد قبيلة غطفان يتعظ ويسكت بقى😑
أبدا🙄
اجتمع مع مجموعة من غطفان واتفق معاهم إنهم يكونوا ضد رسول الله ﷺ ويهجموا على المدينة🤦‍♂️
وصل الخبر لرسول الله ﷺ فجهز رسول الله ﷺ سرية من ثلاثمائة رجل وخلّى قائدهم بشير بن سعد مرة تانية وقال لهم يتوجهوا إلى منطقة يُمْن وجَبار في شهر شوال عشان يقضوا على التجمع ده،
فكانت السرية بتمشي بالليل وترتاح بالنهار عشان محدش يعرف عنهم حاجة ويهجموا عليهم فجأة،
فلما وصلوا ملقوش غير الرعاة، فأخذوا الأغنام والمواشي، وهرب الرعاة وراحوا أخبروا قومهم إللي كانوا متجمعين لقتال رسول الله ﷺ،
فراحوا هربوا هم كمان لبلادهم، ومحصلش قتال بينهم وبين المسلمين، وأخذ المسلمون الأغنام وأسروا رجلين من المشركين ورجعوا للمدينة،
الرجلين إللي تم أسرهم دول سبحان الله أسلموا،
تدبير ربنا عجيب فعلا😮
يعني عشان الرجلين دول يُسلموا ربنا قدر خروج السرية من المدينة وإنها تروح وتأسر الرجلين دول بالذات عشان يدخلوا في الإسلام وينجوا أنفسهم من النار👌
المهم،
دلوقتي احنا اتكلمنا عن أربع سرايا وفاضل سريتين، والسريتين هيخرجوا على آخر السنة السابعة، فهنتكلم عنهم لما ييجي وقتهم إن شاء الله،
في نفس الوقت إللي كانت السرايا بتخرج، الدنيا مكنتش واقفة في المدينة،
يعني رسول الله ﷺ كان مستمر في الدعوة وتعليم الصحابة، وكانت الأحداث مستمرة، من الأحداث إللي حصلت في المدينة نزول آية:
" لِّلَّهِ مَا فِي السَّمَاوَاتِ وَمَا فِي الْأَرْضِ ۗ
《وَإِن تُبْدُوا مَا فِي أَنفُسِكُمْ أَوْ تُخْفُوهُ يُحَاسِبْكُم بِهِ اللَّهُ》 ۖ فَيَغْفِرُ لِمَن يَشَاءُ وَيُعَذِّبُ مَن يَشَاءُ ۗ وَاللَّهُ عَلَىٰ كُلِّ شَيْءٍ قَدِيرٌ "
الآية دي معناها إيه🤔
يعني أي حد هيفكر في الشر من غير حتى ما يعمله ربنا هيحاسبه عليه، يعني لو حد مثلا فكر في قتل واحد من الناس مجرد تفكيره ده أو بس يخطر الكلام ده على باله؛
ربنا يحاسبه على التفكير، مجرد ما حد يفكر في معصية؛ ربنا هيحاسبه،
الصحابة لما سمعوا الآية دي اشتد عليهم الهم والغم😥
خلونا نحط نفسنا مكانهم كده، تخيلوا كم مرة في اليوم الواحد فينا بييجي في باله إنه يعمل حاجة غلط وبيدفعها ويقاوم نفسه،
والخواطر دي أصلا محدش يقدر يتحكم فيها،
فسواء الإنسان أخفى الخواطر دي أو أظهرها فهو هيتحاسب على حسب الآية إللي نزلت دي،
يعني أنا كده رايح في داهية...رايح في داهية مفيش مفر😶
الصحابة يا جماعة كانوا شديدي المراقبة لسلوكهم،
وكانوا فوق كل

#قصص_الأنبياء(٢)
#السيرة_النبوية
#الحلقة_مائة_وخمسة_وأربعون
#أحداث_السنة_السابعة_من_الهجرة
#رؤيا_رسول_الله_عن_أهل_البرزخ

وقفنا المرة إللي فاتت عند عبد الله بن عمر بن الخطاب لما كان نايم في المسجد وشاف رؤيا،
شاف عبد الله بن عمر في الرؤيا إن في مَلكين أخذوه وذهبوا به إلى النار، يقول:
" فَرَأَيْتُ في المَنَامِ كَأنَّ مَلَكَيْنِ أخَذَانِي فَذَهَبَا بي إلى النَّارِ، فَإِذَا هي مَطْوِيَّةٌ كَطَيِّ البِئْرِ، وإذَا لَهَا قَرْنَانِ كَقَرْنَيِ البِئْرِ"

عبد الله بن عمر بيوصف شكل النار وبيقول إنها كانت مَطْويَّةٌ طَيَّ البئرِ، يعني مبنية من الجوانب بالطوب، إللي هو شكل البئر المعروف، والبئر لو مكنتش مبنية بالطوب من على الجوانب بيبقى اسمها 《القَلِيب》،
وبيقول إنها كان لها قرنين زي قرنين البئر، والمقصود بقرنين البئر إللي هم الخشبتين إللي بيكونوا على جانبي البئر وبيربط بينهم خشبة بيتعلق عليها بكرة الحبل إللي بيكون مربوط فيه الدلو أو الجردل، أكيد شوفتم شكل البئر في أي كارتون ولاّ حاجة😅
المهم،
عبد الله بن عمر بيقول إن لما وصل للنار دي شاف بداخلها ناس يعرفهم، فخاف واترعب وقعد يقول : أعوذ بالله من النار...أعوذ بالله من النار😣
" وإذَا فِيهَا نَاسٌ قدْ عَرَفْتُهُمْ فَجَعَلْتُ أقُولُ أعُوذُ باللَّهِ مِنَ النَّارِ، أعُوذُ باللَّهِ مِنَ النَّارِ"

فقابلهم مَلك ثالث فقال لعبد الله بن عمر: لم تُرَعْ👌
يعني متخافش متخافش، مفيش ضرر عليك ولا فزع،
فراح عبد الله بن عمر لأخته حفصة زوجة رسول الله ﷺ وحكى لها الرؤيا، فحفصة حكت لرسول الله ﷺ الرؤيا بتاعة عبد الله،
فقال لها رسول الله ﷺ في تفسير الرؤيا :
《نِعْمَ الرَّجُلُ عبدُ اللَّهِ لو كانَ يُصَلِّي باللَّيْلِ》
يعني رسول الله ﷺ بيقول إن عبد الله بن عمر هيبقى رجل صالح لو كان بيصلي قيام ليل،
فلما حفصة رضي الله عنها وصلت الكلام لعبد الله بن عمر، مبقاش يسيب قيام الليل أبدا ومكنش بينام في الليل إلا قليل👌

☆نتعلم من قصة عبد الله بن عمر إن قيام الليل سبب في نجاة الإنسان من النار👌
وبما إننا بنتكلم عن قيام الليل، فممكن ناس تكون فاهمة إنها لازم تكون تفضل تصلي طول الليل،
وفي ناس بتبقى نفسها تصلي قيام ليل بس بيكون عندها شغل وأولاد وتعبانين ومحتاجين للنوم والراحة، طيب إيه الحل😕

شوفوا،
قيام على قدر الاستطاعة، يعني الواحد ممكن يصلي ركعتين وممكن يصلي إحدى عشرة ركعة،
مش مطلوب نصلي بالبقرة وآل عمران عشان يبقى كده أقمنا الليل😅
شوفوا حديث رسول الله ﷺ الرائع إللي بيسهل علينا وبيدينا أمل إن بإمكان كل واحد فينا على اختلاف ظروفه يقدر يصلي قيام ليل، يقول ﷺ:
"مَنْ قَامَ بِعَشْرِ آيَاتٍ لَمْ يُكْتَبْ مِنْ الْغَافِلِينَ ، وَمَنْ قَامَ بِمِائَةِ آيَةٍ كُتِبَ مِنْ الْقَانِتِينَ ، وَمَنْ قَامَ بِأَلْفِ آيَةٍ كُتِبَ مِنْ الْمُقَنْطِرِينَ"

=يعني إللي هيصلي بركعتين بعشر آيات مش هيكتب من الغافلين عن ذكر الله، زي الصلاة بسورة الفلق وسورة الناس، الإتنين مع بعض إحدى عشرة آية👌

=وإللي هيصلي بمائة آية هيتكتب عند ربنا من القانتين، والقانتين معناها المُطِيعين الساكتين الخاضعين الخاشعين لله،
وسورة القلم والحاقة مع بعض حوالي مائة وخمسة آيات👌

=وإللي هيصلي بألف آية هيتكتب عند ربنا من المُقنطرين،
والمقنطرين معناها المُكثِرِين من الأجر،
يعني زي الناس إللي بيزودوا أموالهم، كذلك المقنطرين بيزودوا أجرهم،
وجزء تبارك وجزء عم مع بعض مجموعهم يساوي ألف آية👌
فكل واحد يختار على حسب وقته واستطاعته💁‍♂️

◇طيب امتى نصلي، هل بعد العشاء ولاّ قبل الفجر🤔
احنا عندنا اختيارين:
إما نصلي بعد العشاء مباشرة وقبل ماننام القيام وبعدين نصلي الوتر زي ما أبو بكر الصديق رضي الله عنه كان بيعمل،
أو نصلي في وقت السحر إللي هو قبل الفجر بحوالي ساعة ونختم الصلاة بالوتر زي ما عمر بن الخطاب رضي الله عنه كان بيعمل،
فنصلي ركعتين وبعدهم الشفع والوتر، أو تسع ركعات ومعاهم الشفع والوتر ويبقى كده إحدى عشرة ركعة، كل واحد على حسب اجتهاده وظروفه،
وزي ما رسول الله ﷺ قال:
"أحبّ الاعمال إلى الله أَدْوَمُها وإن قَل "
يعني أكثر الأعمال إللي ربنا يحبها إللي احنا نكون مداومين عليها، حتى لو كانت قليلة، يعني لو الواحد هيصلي كل يوم بعشر آيات أحسن عند ربنا من إللي يصلي بمائة آية مرة واحدة بس وميكملش👌

♡ومتنسوش النية، يعني احنا بنصلي قيام الليل ليه،
لازم تكون نيتنا لله، يعني عشان ربنا يرضى علينا وينجينا من النار،
وطبعا النية في القلب مش بنقولها بلساننا خالص😅
ونصيحة أخوية😈
لما تصلوا قيام الليل خلوا الموضوع ده خَبِيئة بينكم وبين ربنا متقولوش عليها لحد 🤫
فالخبيئة الصالحة تجارة رابحة👌
أولا: عشان الإخلاص، ثانيا: عشان العين والحسد😶
وطبعا المفروض إننا نخبي كل أعمالنا الصالحة سواء صيام أو صدقة أو قراءة قرآن أو حتى حفظ القرآن،
لأن كل ما كان العمل خفيا كان إلى الإخلاص أقرب، وعن العين والحسد أبعد😅

#قصص_الأنبياء(٢)
#السيرة_النبوية
#الحلقة_مائة_وستة_وأربعون
#أحداث_السنة_السابعة_من_الهجرة
#تفسير_رؤيا_رسول_الله_عن_أهل_البرزخ

اتكلمنا المرة إللي فاتت عن الرؤيا إللي رآها رسول الله ﷺ وعرفنا تفسير أول حاجتين رسول الله ﷺ شافهم في الرؤيا ووقفنا عند سؤال مهم وهو:
ليه الكذب في المنام أشد من الكذب في الحقيقة، مع إن إللي بيكذب في المنام وإنه رأى رؤيا وهو مشفش حاجة يبقى كده هيضر نفسه بس، لكن الكذب في الحقيقة يعني الكذب على البشر هيضر إللي حواليه وممكن يأخذ حق مش له ومشاكل كتير بسبب الكذب ده😕
الإجابة بكل بساطة هي إن الكذب في الرؤيا هي كذب على الله، والكذب على الله أشد من الكذب على المخلوقين، ربنا بيقول:
"وَمَنْ أَظْلَمُ مِمَّنِ افْتَرَىٰ عَلَى اللَّهِ كَذِبًا ۚ أُولَٰئِكَ يُعْرَضُونَ عَلَىٰ رَبِّهِمْ وَيَقُولُ الْأَشْهَادُ هَٰؤُلَاءِ الَّذِينَ كَذَبُوا عَلَىٰ رَبِّهِمْ ۚ أَلَا لَعْنَةُ اللَّهِ عَلَى الظَّالِمِينَ "

طيب ليه الكذب في الرؤيا يبقى كذب على ربنا😳
لأن رسول الله ﷺ قال :
" الرُّؤْيَا الصَّالِحَةُ جُزْءٌ مِنْ سِتَّةٍ وَأَرْبَعِينَ جُزْءًا مِنْ النُّبُوَّةِ"
والنبوة لا تكون إلا وحياً من الله👌
فاللي بيقول إنه شاف رؤيا وهو مشفهاش، فهو كده بيكذب على ربنا إنه أراه في المنام شيء محصلش أصلا وهو مشفش حاجة،
يعني كأنه بيدعي إن ربنا أوحى له بشيء وده محصلش🤷‍♂️
فكان الكذب على الله أشد وأَوْلى بعظيم العقوبة من إللي بيكذب على البشر، وبيسبب لهم أضرار أو يعطيهم حق مش لهم👌
◇طيب وإللي عمل كده فعلا يعمل إيه🤔
يجب عليه إنه يتوب ويستغفر👌
وطبعا يعمل الصالحات، لأن الحسنات بتمحي السيئات، ومش لازم يقول للي كذب عليه في الرؤيا إن كذب وإنه كان غلطان والكلام ده، يخليها بينه وبين نفسه وميكررهاش تاني👌

نرجع بقى لتفسير باقي رؤيا رسول الله ﷺ😁
الملكين أخبروا رسول الله ﷺ عن أول رجلين خلاص، وبيكملوا لرسول الله ﷺ تفسير باقي الأحداث وقالوا له:
أما بقى الرجال والنساء العراة إللي كانوا في التنور أو الفرن فهم:
《الزّناة والزّواني》
"وأَمَّا الرِّجَالُ والنِّسَاءُ العُرَاةُ الَّذِينَ في مِثْلِ بنَاءِ التَّنُّورِ، فإنَّهُمُ الزُّنَاةُ والزَّوَانِي"
يعني الرجال والنساء إللي بيقعوا في فاحشة الزنا والعياذ بالله،
فعقوبة الزناة إن ربنا بيجمعهم في فرن من نار يتعذبوا فيه إلى يوم القيامة، وعذاب الآخرة أشد،
طبعا العذاب ده إذا ما تابوش قبل ما يموتوا، لكن لو تابوا توبة نصوح وحالهم بعد التوبة أفضل من حالهم قبل التوبة، يبقى خلاص كده ربنا يغفر لهم ويبدل لهم سيئاتهم حسنات، ربنا بيقول:
"وَالَّذِينَ لَا يَدْعُونَ مَعَ اللَّهِ إِلَٰهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ ۚ وَمَن يَفْعَلْ ذَٰلِكَ يَلْقَ أَثَامًا *
يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا "
يعني إللي هيعمل كده ويموت هيتعذب عذاب شديد جدا؛
إلا إللي يتوب قبل ما يموت،
"إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ ۗ وَكَانَ اللَّهُ غَفُورًا رَّحِيمًا"
فكل إللي احنا بنتكلم فيه ده عن ناس بتعمل المحرمات دي وماتت من غير توبة، لكن إللي بيتوب في الدنيا بصدق ربنا يقبل توبته وميدخلش في العذاب ده👌
ربنا يعافينا وإياكم ويعصمنا من الذّلل🤲

◇أما الرجل إللي كان بيسبح في نهر الدم ويترمى في فمه حجر، فهو: 《آكل الربا》
"وأَمَّا الرَّجُلُ الذي أتَيْتَ عليه يَسْبَحُ في النَّهَرِ ويُلْقَمُ الحَجَرَ، فإنَّه آكِلُ الرِّبَا"
فالرجل بيسبح في نهر الدم وكل ما ييجي ناحية الشاطيء بيفتح فمه غصب عنه ويترمى في فمه الحجر، فهو حتى لو مش عايز يفتح فمه هيفتحه يعني هيفتحه مفيش نقاش👌
فيفضل يسبح والصخور في بطنه في نهر الدم وهو متألم، ويرجع تاني وياخد صخور في فمه وهكذا، وكل ما ازداد أكله للربا في الدنيا زادت الصخور،
ويكون ده عذابه المستمر بحسب الربا إللي أكله😞

☆طيب سريعا كده خلونا نعرف إيه هو الربا ده ،عشان في ممكن ناس متكنش عارفة🤔
الربا معناه الزيادة في شيء معين، يعني مثلا واحد يسلف واحد فلوس ألف جنيه مثلا، ويقول له لما تيجي ترجعهم لي ترجعهم ألف وخمسمائة،
فهو هنا أخد زيادة على الفلوس وهي مش من حقه،
وصورة تانية للربا وهي إن الرجل يسلف واحد ألف جنيه مثلا وبعدين يتفق مع الرجل إللي أخذ الفلوس على ميعاد معين،
فلو جاء الميعاد ومدفعش يقول له خلاص، هنأجل بس هتدفع بعدين ألف وخمسين،
ولو جاء الميعاد إللي بعد كده ومدفعش، يقول له هنأجل ويبقى بعد كده ألف ومائة وهكذا،
وبالتالي يا جماعة أي قرض ناخده أو حتى نعطيه لأي حد سواء أشخاص أو بنوك لازم يكون القرض إللي هناخده أو نعطيه يساوي القيمة إللي هنسددها أو هناخدها،
يعني أخدنا ألف نرجعها ألف، أخدنا مائة نرجعها مائة، أعطينا ألف يبقى ناخدهم ألف، أي زيادة ندفعها عن المبلغ إ

#قصص_الأنبياء(٢)
#السيرة_النبوية
#الحلقة_مائة_وسبعة_وأربعون
#أحداث_السنة_السابعة_من_الهجرة
#طريقة_تعامل_رسول_الله_مع_أخطاء_زوجاته

اتكلمنا في الأجزاء الأخيرة إللي فاتت عن غزوات وسرايا لرسول الله ﷺ، وبعدين اتكلمنا عن رؤيا رسول الله ﷺ شافها في المنام وحكاها للصحابة،
هنسيب كل الأحداث دي وندخل مع رسول الله ﷺ في بيته ونشوف بعض مواقف له مع زوجاته أمهات المؤمنين وإزاي كان بيتعامل معهن، وخصوصا لما يحصل منهن خطأ😁

◇الموقف الأول:
بما إننا بقى لسه خارجين من غزوة خيبر ورسول الله ﷺ تزوج بنت زعيم اليهود السابق حُيَي بن أخطب السيدة صفية رضي الله عنها، خلونا نشوف الموقف إللي حصل بينها وبين بعض زوجات رسول الله ﷺ 😊
دخل رسول الله ﷺ على صفية رضي الله عنها فلقاها بتبكي، وكانت رضي الله عنها من النوع إللي بيبكي كتير، عارفين لما نقول على حد دمعته قريبة😅
أهه صفية رضي الله عنها كانت كده،
المهم، رسول الله ﷺ سألها بتبكي ليه، فقالت له إن حفصة بتقول عليها إنها بنت يهودي، وحفصة بنت عمر رضي الله عنهما هي زوجة رسول الله ﷺ،
فرسول الله ﷺ قال لصفية قولي لها:
محمد زوجي وأبي هارون وعمي موسى👌
يعني إيه المشكلة لما تكوني بنت يهودي، أبوكِ هارون وعمك موسى، وهو كليم الله وفوق كل ده زوجك محمد ﷺ خاتم الأنبياء والمرسلين،
وصفية رضي الله عنها كانت من سُلالة هارون عليه السلام،
ففرحت صفية رضي الله عنها بالمكانة العظيمة دي، لأن مفيش حد زيها، أبوها نبي، وعمها نبي وزوجها نبي😅
فرسول الله ﷺ تعامل مع الموقف بكل حكمة وخفف الالم النفسي عن صفية رضي الله عنها،
طيب وحفصة رضي الله عنها، رسول الله ﷺ عمل معاها إيه🤔
رسول الله ﷺ لما شافها بعد الموقف ده قال لها :
"اتقِ الله يا حفصة"
يعني مش معنى إنك بتغيري يبقى ده يديكي الحق إنك تسخري أو تعايري إللي بتغيري منه، وربنا بيقول :
"يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ"

رسول الله ﷺ أه راضى صفية خلاص لكنه كان لازم يعلم السيدة حفصة إن إللي عملته ده كان غلط👌
وزوجات رسول الله ﷺ مش معصومات من الخطأ، فوارد جدا إنهم يقعوا في الخطأ لأنهن من البشر،
واحنا بقى مينفعش نحتج بأفعال زوجات رسول الله ﷺ الخاطئة ونبرر لنفسنا ونقول عادي ما زوجات رسول الله ﷺ وقعوا في الخطأ ده🙄
أيوة وقعوا في الخطأ لكن رسول الله ﷺ صحح الخطأ بتاعهم، مش إنه سابهم على الخطأ من غير ما يعلمهم،
وخدوا بالكم رسول الله ﷺ اتعامل مع الموقف إزاي،
هو فقط قال لها : اتقِ الله، هو ذكّرها بالله لأنه عارف إن حفصة رضي الله عنها صوامة قوامة بشهادة رب العالمين،
ورسول الله ﷺ لم يعايرها ويقولها إنتي إزاي صوامة قوامة وتعملي الغلط ده، زي ما ناس كتير بتعمل وللأسف بيكون غرضها الشماتة😑
لكن رسول الله ﷺ المُرَبّي بيعلمنا إننا نعالج الغلط صح، مش نعالج الغلط بغلط زيه👌

وبما إننا اتكلمنا عن حفصة وإنها صوامة قوامة بشهادة رب العالمين، خلونا نعرف إيه القصة ورا الموضوع ده وهو الموقف التاني معانا النهاردة😁

◇ حصل خلاف بين رسول الله ﷺ وبين حفصة رضي الله عنها فطلقها رسول الله ﷺ 😶
أصلا كسر المرأة طلاقها، فما بالكم لما إللي يطلق هو رسول الله ﷺ😕
أكيد الموضوع صعب جدا على السيدة حفصة،
طبعا مفيش حديث واضح يقول لنا إيه سبب الطلاق ده، لكن العلماء استنبطوا السبب من الآية:
"إِذْ أَسَرَّ النَّبِيُّ إِلَىٰ بَعْضِ أَزْوَاجِهِ حَدِيثًا فَلَمَّا نَبَّأَتْ بِهِ وَأَظْهَرَهُ اللَّهُ عَلَيْهِ عَرَّفَ بَعْضَهُ وَأَعْرَضَ عَن بَعْضٍ ۖ فَلَمَّا نَبَّأَهَا بِهِ قَالَتْ مَنْ أَنبَأَكَ هَٰذَا ۖ قَالَ نَبَّأَنِيَ الْعَلِيمُ الْخَبِيرُ "
قالوا إن الزوجة هنا هي حفصة، وإن رسول الله ﷺ قال لها سر، لكنها أفشت سر رسول الله ﷺ،
فلما عرف رسول الله ﷺ إن حفصة أفشت السر عن طريق الوحي، رسول الله ﷺ طلقها👌
فلما طلقها قعدت تبكي ودخل عليها خيلانها الإثنين يواسوها وهي كانت تبكي وتقول:
والله ما طلقني من شِبَع...يعني هو مطلقنيش عشان زهق مني😔
فوهم عالحال ده لقوا الباب بيخبط، فقام أخوالها بفتح الباب فلقوا رسول الله ﷺ،
فاستغربوا من مجيئه ﷺ، يعني إيه إللي خلاك تيجي يا رسول الله مش انت خلاص طلقتها..فقال لهم رسول الله ﷺ وحفصة تسمع:
جاءني جبريل وقال إن الله جل جلاله أرسلني من فوق العرش وقال : قل لمحمد راجع حفصة، يعني رجع حفصة لعصمتك تاني؛ فإنها صوّامة قوّامة👌
يعني بتصوم كتير وتصلي قيام الليل كتير،
شايفين إزاي إن مفيش تعارض بين إن المرأة تكون صوّامة قوّامة وتقع في الخطأ، سواء كان إفشاء سر أو غيره💁‍♂️

لكن مش معنى الكلام إننا نتساهل في الوقوع في الغلط😅
الشاهد من الكلام إن مهما كان الإنسان تقيّا ومُطيع لله فمش بعيد عليه إنه يغلط، ولما يغلط مفيش مشكلة إنه يصلح الغلط ويتوب ويستغفر، لأن التوبة بتمسح الذنب👌

خلونا بقى نشوف موقفي

#قصص_الأنبياء(٢)
#السيرة_النبوية
#الحلقة_مائة_وثمانية_وأربعون
#أحداث_السنة_السابعة_من_الهجرة
#طريقة_تعامل_رسول_الله_مع_أخطاء_زوجاته
#الجزء_الثاني

اتكلمنا المرة إللي فاتت عن تعامل رسول الله ﷺ مع بعض أخطاء زوجاته، وزي ما طلبتم هنكمل النهارده الكلام عن طريقة تعامل رسول الله ﷺ مع أخطاء زوجاته😊

◇الموقف الخامس:
الموقف الرابع إللي اتكلمنا عنه المرة إللي فاتت كان عن غيرة السيدة عائشة رضي الله عنها وشوفنا إن بسبب الغيرة دي هي وقعت في الخطأ، وشوفنا إزاي رسول الله ﷺ اتعامل مع الخطأ ده،
الموقف إللي هنقوله دلوقتي برده عن غيرة السيدة عائشة، لكن رسول الله ﷺ اتعامل معاه بطريقة مختلفة، خلونا نشوف الموقف:
السيدة أم سلمة جاءت لرسول الله ﷺ ومعها صَحْفَةٍ فِيهَا طَعَامٌ حاجة زي طبق كده له ولأصحابه،
وفي رواية تاني إن صفية رضي الله عنها هي إللي أرسلت الطبق إللي في طعام مع خادم لرسول الله ﷺ،
المهم إن في حد من زوجات رسول الله ﷺ أرسلت بطبق فيه طعام، واليوم ده كان يوم عائشة رضي الله عنها،
فلما عائشة شافت الطبق غارت وضربت يد الخادم أو ضربت الطبق فوقع الطبق في الأرض انكسر والطعام اتكب على الأرض،
رسول الله ﷺ بكل هدوء بدأ يلم الطعام إللي في الأرض ويقول : غارت أمكم...غارت أمكم!
رسول الله ﷺ عذَر السيدة عائشة إنها عملت كده بسبب الغيرة، لكن الموقف بيقف عندنا هنا ونقول يا سلام شوفوا حلم رسول الله ﷺ وإن الموقف ده حصل قصاد الصحابة ومع ذلك رسول الله ﷺ لم يَصرخ ولم يشتم وراعى نفسية زوجته الغيور و....و.... كل الكلام ده حلو أوي👍
لكن في نص تاني احنا مش بناخد بالنا منه، وهو تصحيح الخطأ نتيجة الغيرة👌
الغيرة مش مبرر أبدا للخطأ أو إن الشخص إللي بيغير ميتحملش نتيجة خطأه بسبب الغيرة دي،
هنا حصل خطأ وهو كسر الإناء أو الطبق إللي كان فيه الطعام،
ورسول الله ﷺ عادل حكيم، فأخذ الطبق المكسور نصين وحاول إنه يجمعه في بعضه، يعني كأنه بيلزقه كده🤔
وأعطاه للسيدة عائشة لأنها هي إللي كسرته،
وأخذ طبق السيدة عائشة السليم وأعطاه للي اتكسر طبقها، سواء بقى كانت السيدة أم سلمة أو السيدة صفية رضي الله عنهم أجمعين، وقال: طعام بطعام وإناء بإناء،
ففي نفس الوقت إللي رسول الله ﷺ عذر الغيرة إللي عند السيدة عائشة كذلك هو خلاّها تصلّح خطأها إللي حصل بسبب الغيرة،
يعني رسول الله ﷺ بيعلمنا إن أه نُعذر الشخص لما يغير سواء كان رجل أو امرأة أو حتى طفل لكن مش معنى كده إنه لما يغلط بسبب الغيرة دي ويتعدّى حدوده يبقى نسكت ونُقره على غلطه ومنعالجش غلطه👌
مادام أخطأ يبقى يتحمل نتيجة خطأه ويدفع ثمنه بحجم الخطأ ده،
السيدة عائشة رضي الله عنها كسرت الطبق فبقى من نصيبها، وطبقها السليم أُرسل للي اتكسر طبقها وهو ده العدل👌
ومحدش يقول طيب ما هو رسول الله ﷺ قال:
《إن الْغَيْرَى لَا تُبْصِرُ أَسْفَلَ الْوَادِي مِنْ أَعْلَاهُ》
هقولكم الحديث ده ضعيف لا يثبت عن رسول الله ﷺ أصلا💁‍♂️
ولو فعلا الكلام ده صحيح مكنش رسول الله ﷺ عاتب السيدة عائشة ولَهَدَها في صدرها لما غارت وخرجت وراه زي ما حكينا المرة إللي فاتت،
ومكنش برده صلّح غلطها لما غارت وأعطاها هي الطبق المكسور وأخذ طبقها السليم،
كان على الأقل يشتري طبق تاني بدل إللي اتكسر على أساس يعني إن السيدة عائشة غيرانة ومش واعية بقى بنفسها ولاّ باللي هي عملته🤷‍♂️
فالغيرة مش مبرر للغلط ولا التعدي على حقوق الغير، لكن نلتمس العذر للغيران ونتعامل معاه بحكمة زي ما رسول الله ﷺ عمل عشان منزوّدش غيرته ونخليه يغلط بزيادة👌

☆طبعا كل الكلام ده لا يَقدح ولا يُسيء للسيدة عائشة إطلاقا،
هي فقط بشر زي باقي البشر وهي مش معصومة فطبيعي جدا إن ممكن يحصل منها بعض الأخطاء، وربنا ارتضاها لرسوله زوجة في الدنيا والآخرة👌
ومادام الإنسان بصفة عامة بيعترف بخطأه وبيصلحه فدي حاجة متعيبوش أبدا، ورسول الله ﷺ نفسه قال :
"لا يَفْرَكْ مُؤْمِنٌ مُؤْمِنَةً إِنْ كَرِهَ مِنْهَا خُلُقًا، رَضِيَ مِنْهَا آخَرَ"
يعني مينفعش الرجل يكره زوجته بسبب إنه شايف فيها عيوب معينة مش عاجباه،
لأنه لو كره فيها خُلق معين أكيد هيلاقي فيها خُلق تاني كويس،
يعني مثلا ممكن واحدة تكون شَرِسة الخُلُق لكنها في نفس الوقت عفيفة وعندها دين فمفيش إنسان بريء من العيب💁‍♂️
وحديث رسول الله ﷺ ده قاعدة عامة للكل،
يعني سواء بين الزوج وزوجته أو الزوجة وزوجها أو بين الصاحب وصاحبه أو بين الآباء وأباءهم وهكذا،
فزي ما في عيوب في مميزات، فلازم يكون في موازنة بين الاتنين👌

◇الموقف السادس:
برده عن السيدة عائشة بس المرة الموضوع معكوس بقى، يعني هي إللي اتغار منها😁

كان معروف بين الصحابة إن أحب الناس إلى رسول الله ﷺ هي عائشة رضي الله عنها،
فكان الصحابة بيتحرّوا ليلة السيدة عائشة إللي رسول الله ﷺ هيكون فيها عندها ويرسلوا فيها الهدايا ،
وكان زوجات رسول الله ﷺ حزبين😅
حزب فيه عائشة وحفصة وسودة وصفية،
والحزب الثاني كان فيه أم سلمة وباقي زوجات رسول الله ﷺ ،

#قصص_الأنبياء(٢)
#السيرة_النبوية
#الحلقة_مائة_وتسعة_وأربعون
#أحداث_السنة_السابعة_من_الهجرة
#عمرة_القضاء

اتكلمنا قبل كده عن أربع سرايا أخرجهم رسول الله ﷺ بعد غزوة خيبر وكلها كانت متوجهة لقبائل غَطَفان، وقلنا إن رسول الله ﷺ أرسل لهم ست سرايا على مدار السنة، واحنا عرفنا أربعة واتبقى لنا اثنين،
◇السرية الأولى:
أخرجها رسول الله ﷺ في شهر شعبان إلى بني كِلاب من قبائل نجد وهي واحدة من فروع غطفان، وكانت السرية دي بقيادة أبو بكر الصديق رضي الله عنه، حصل قتال بين سرية المسلمين وبين بني كِلاب وانتصر المسلمون عليهم ورجعوا غانمين.
◇السرية الثانية:
هي سرية ابن أبي حَدرَد إلى رفاعة بن قيس،
والسرية دي على خلاف بين العلماء، هل كانت في السنة السابعة من الهجرة ولاّ كانت في السنة الثامنة من الهجرة،
عامة هي مش هتفرق كتير، إللي يهمنا الأحداث إللي حصلت فيها💁‍♂️
رفاعة بن قيس ده كان بيجمع قبيلة قيس عشان يحاربوا رسول الله ﷺ، فوصل الخبر لرسول الله ﷺ، فأمر رسول الله ﷺ ابن أبي حَدرَد إنه يخرج مع رجلين من المسلمين ويستكشف الخبر، هل فعلا الكلام إللي وصله ده صحيح ولاّ لأ،
وقال له :
" اخرُجوا إلى هذا الرَّجل؛ حتى تأتونا به، أو تأتونا مِنه بخبرٍ وعِلم"
يعني إما تقتلوه أو تجيبوا لنا أخبار عنه، يعني زي ما بنقول كده بالعامية: يا تجيبولي خبره أو تجيبوا خبر عنه😅
وقبل السرية دي بوقت قصير كان ابن حَدرَد قد تزوج، وكان أعطى زوجته مهر مائتي درهم،
وانتم عارفين إن الصحابة كانوا فقراء فده يُعتبر مبلغ كبير بالنسبة لهم👌
فراح ابن أبي حَدرَد لرسول الله ﷺ يطلب منه إنه يُعينه على سداد مهره، فرسول الله ﷺ سأله هو أعطاها مهر أد إيه، فقال له بن أبي حدرد إنه أعطاها مائتي درهم،
فقال له رسول الله ﷺ:
سبحان الله! لو كنتم تأخذون الدَّراهم من بطن وادٍ ما زدتم، والله ما عندي ما أعينك به"
يعني رسول الله ﷺ كأنه بيقول له انتم لو بتلاقوا الفلوس دي في الشارع مكنتوش هتزودوا في المهور كده، يعني هو استكثر المهر وشافه إنه غالي،
مش عارفة رسول الله ﷺ لو شاف حالنا دلوقتي هيقول إيه😕
المهم،
هو قال له إنه معندوش أي حاجة يقدر يساعده بيها🤷‍♂️
فبعد كم يوم جاء الخبر بقصة رفاعة بن قيس وإنه بيجهز لقتال المسلمين،
فرسول الله ﷺ أمر ابن أبي حَدرَد إنه يخرج لعله يغنم منهم ويقدر يسد مهر المرأة إللي تزوجها،
خرج ابن أبي حَدرَد مع رجلين من المسلمين وكان رسول الله ﷺ أعطاهم بعير يتعاقبوا عليه، يعني كل واحد يركب شوية،
لكن البعير ده كان ضعيف جدا كان يادوب قادر يقوم ويتحرك😅
وصل ابن أبي حَدرَد وصاحباه إلى منطقة "الغابة" مع غروب الشمس، فعمل كمين في ناحية وقال للرجلين إللي معاه:
"إذا سمعتماني قد كبَّرتُ، وشددتُ على العسكر، فكبِّرا وشدَّا معي؛ فوالله إنَّا لننتظر غرَّة القوم وأن نصيبَ منهم شيئًا".
يعني أول ما تسمعوا مني الله أكبر وتلاقوني هجمت على المعسكر فكبروا واهجموا معايا، احنا هنستنى بس إن القوم يكونوا في غفلة وساعتها هنقدر نغنم منهم👌
وقعد ابن أبي حَدرَد في الكمين بتاعه لحد العشاء، وكان جيش "رفاعة" أَرسلوا واحد من الرعاة بتوعهم يعمل لهم حاجة،
فلما اتأخر عليهم خافوا ليكون حصل له مكروه،
فقام رفاعة بن قيس وعلّق سيفه في رقبته وقال إنه هيروح يدوّر على الراعي،
فمجموعة من إللي معاه قالوا له خليك انت واحنا نروح ندور عليه، فقال لهم لأ محدش هيروح غيري، فقالوا خلاص نيجي معاك، فقال لهم :
"والله لا يتبعني أحد منكم."
يعني محدش هيروح غيري👌
فخرج "رفاعة" ومشي لحد ما عدى على كمين ابن أبي حدرد، فرماه ابن أبي حدرد بسهم فقتله، ورفاعة مطلعش صوت،
سبحان الله، مشي لموته برجليه😕
فبدأ ابن أبي حدرد بالتكبير فكبّر صاحباه وانطلقوا ناحية جيش المشركين فاترعب المشركون وطلعوا يجروا وأخذوا إللي يقدروا عليه من أبنائهم ونسائهم وما خفَّ من أموالهم،
وتركوا وراءهم أغنام كثيرة وإبل عظيمة أخذها ابن ابي حدرد وصاحباه وانطلقوا بها للمدينة،
دخلوا على رسول الله ﷺ يبشروه بمقتل رفاعة بن قيس وبهزيمة وفرار الجيش إللي كان مجمعه،
وبالغنائم إللي جاءت من السرية دي استطاع رسول الله ﷺ إنه يُعين ابن أبي حدرد على سداد مهره👌

☆ملحوظة في بعض الروايات بتقول إن ابن أبي حدرد قطع رأس رفاعة بن قيس وأتى بها لرسول الله ﷺ،
لكن كل الروايات إللي بتقول كده ضعيفة أو مُنكرة ولا تصح،
وأصلا قطع الرقبة من المُثْلة، ورسول الله ﷺ نهى عن المُثْلة، يعني نهى عن التمثيل بالجثث، فإزاي ابن أبي حدرد هيعصي أمر رسول الله ﷺ 🤷‍♂️
واحنا اتكلمنا بالتفصيل عن الموضوع ده في الجزء في الخامس والسبعين لو حابين ترجعوا له😁

وبكده نقدر نوصف العام السابع الهجري بإنه كان عام دعوي جهادي، وصلت فيه الدعوة لكل مكان، وانتصر فيه المسلمون انتصار كبير على اليهود بصفة عامة،
وانكمشت وخفت قوة غطفان بعد السرايا إللي أرسلها لهم رسول الله ﷺ،
وزي ما بنقول ختامه مِسك، كان ختام السنة السابعة من الهجرة مِسك بالنسبة للصحا

#قصص_الأنبياء(٢)
#السيرة_النبوية
#الحلقة_مائة_وخمسون
#أحداث_السنة_السابعة_من_الهجرة
#زواج_رسول_الله_من_ميمونة
#المرأة_التي_وهبت_نفسها_للنبي

اتكلمنا المرة إللي فاتت عن عمرة القضاء ووقفنا عند زواج رسول الله ﷺ من آخر زوجاته وهي السيدة ميمونة بنت الحارث الهِلالية العامرية،
والسيدة ميمونة تبقى خالة خالد بن الوليد وهي أخت الصحابية أسماء بنت عميس البحرية زوجة جعفر بن أبي طالب إللي حكينا عن قصتها مع عمر بن الخطاب بعد فتح خيبر لو تفتكروا😁
والسيدة ميمونة برده هي أخت أم المؤمنين زينب بنت خزيمة إللي تزوجت رسول الله ﷺ وماتت بعد زواجها بحوالي ثمانية أشهر، وهي أخت سلمى بنت عميس زوجة حمزة بن عبد المطلب رضي الله عنه،
وهي أخت أم الفضل زوجة العباس عم رسول الله ﷺ،
هم كلهم أخوات من أم واحدة،
ويقال عن أمهم إنها أكرم عجوز في الأرض أصهاراً، يعني تخيلوا كده لما واحدة يكون زوج بنتين من بناتها رسول الله ﷺ، وزوج التانية سيد الشهداء حمزة،
وزوج الثالثة جعفر بن أبي طالب ابن عم رسول الله ﷺ وإللي هيكون لقبه الطيار وهنعرف بعدين ليه،
وزوج الرابعة عم رسول الله ﷺ، فهل في شرف أعظم من كده💁‍♂️
ورسول الله ﷺ قال عن الأخوات دول:
" الأَخَوَاتُ مُؤْمِنَاتٌ: مَيْمُونَةُ زَوْجُ النَّبِيِّ، وَأُمُّ الْفَضْلِ بنتُ الْحَارِثِ، وسَلْمَى امْرَأَةُ حَمْزَةَ، وَأَسْمَاءُ بنتُ عُمَيْسٍ هِيَ أُخْتُهُنَّ لأُمِّهِنَّ"
يعني رسول الله ﷺ شَهد للسيدة ميمونة وأخواتها بحقيقة الإيمان واستقراره في قلوبهن، وده فضل عظيم لهن رضي الله عنهن وأرضاهن.
والسيدة ميمونة من قبيلة بني هلال بن عامر العزيزة جداً، فقبيلة بني عامر دي كانت بتفتخر على العرب إنها من القبائل إللي لم يُسبَ منها امرأة واحدة ولم يُؤخذ منها أسير، يعني قبيلة قوية جدا،
فزواج رسول الله ﷺ من ميمونة هو إعلان ارتباط بين رسول الله ﷺ وبين قبيلة قوية عن طريق النسب، وبكده تتناقص الأرض من حول المشركين،
ده غير إن رسول الله ﷺ كان عايز يؤلّف قلوب بني هلال إللي هم قبيلة السيدة ميمونة عشان يشجعهم على الدخول في الإسلام،
وفعلا ده إللي حصل بعدين، بدأوا يدخلوا في الإسلام ورا بعض ورسول الله ﷺ لقى منهم العطف والتأييد المطلق له👌

السيدة ميمونة كانت متزوجة قبل رسول الله ﷺ مرتين، زوجها الأول طلقها، وزوجها الثاني مات عنها،
فجعلت أمرها لأختها أم الفضل زوجة العباس، يعني كأنها قالت لها زي ما بنقول كده شوفي انتي ناوية تعملي إيه وأنا راضية بكل إللي تقولي عليه وتعمليه،
فأم الفضل جعلت أمر أختها ميمونة للعباس، فعرضها العباس على رسول الله ﷺ فتزوجها رسول الله ﷺ وأصدقها أربعمائة درهم عن رسول الله ﷺ،
يعني دفع لها مهر أربعمائة درهم بالنيابة عن رسول الله ﷺ، وكان ساعتها عمرها إما في أواخر العشرينات أو منتصف الثلاثينات على حسب اختلاف الروايات،
طبعا الزواج كان بعد ما رسول الله ﷺ تحلّل من الإحرام👌
والسيدة ميكونة كان اسمها بَرّة فغيّره رسول الله ﷺ وسماها ميمونة،
بعد ما خلصت الثلاثة الأيام المُتفق عليها بين رسول الله ﷺ والمشركين في صلح الحديبية؛ رسول الله ﷺ كان عايز يستغل زواجه بإنه يطوّل مدة إقامته في مكة أكثر كوسيلة يعني لزيادة التفاهم بينه وبين قريش،
لكن جاءه سهيل بن عمرو ومعاه مجموعة من قريش وقالوا له إنه خلاص وقتك خلص فاخرج من مكة،
فرسول الله ﷺ قال له:
" وما عليكم لو تركتموني، فأعْرست بين أظهركم، وصنعنا لكم طعاماً، فحضرتموه"
يعني بيقول لهم مفيش مشكلة لو سيبتوني أدخل على زوجتي وأعمل لكم وليمة عرس وتحضروها،
فقالوا له:
لا حاجة لنا في طعامك، فاخرج عنا 😤
يعني احنا مش عايزين منك أكل، خلاص خلّصت العمرة امشي بقى،
فخرج رسول الله ﷺ والصحابة من مكة لحد ما وصلوا عند مكان اسمه سَرِف،
وهي منطقة قريبة من التّنْعِيم، وأتى أبو رافع مولى رسول الله ﷺ بميمونة لأن رسول الله ﷺ كان وكّله في تزويجه بميمونة،
فتزوجها رسول الله ﷺ ودخل بها ﷺ هناك،
والمكان إللي اسمه سَرِف ده بين مكة والمدينة هو المكان إللي ماتت فيه السيدة ميمونة بعدين لما كانت راجعة من الحج في خلافة معاوية بن أبي سفيان رضي الله عنه،
وهي آخر واحدة ماتت من أزواج النبي ﷺ، فمكان عُرسها هو مكان وفاتها👌
وبكده اكتمل عدد زوجات رسول الله ﷺ التسعة وهن:
♡سودة بنت زمعة
♡عائشة بنت أبي بكر
♡حفصة بنت عمر
♡جُوَيرية بنت الحارث
♡أم سلمة هند بنت أبي أمية
♡زينب بنت جحش
♡أم حبيبة رملة بنت أبي سفيان
♡صفية بنت حيي بن أخطب
♡ميمونة بنت الحارث
وخديجة بنت خويلد وزينب بنت خزيمة، والاتنين دول ماتوا في حياة رسول الله ﷺ، رضي الله عنهن أجمعين😊

☆ملحوظة:
في بعض الروايات بتقول إن السيدة ميمونة هي المرأة المؤمنة التي وهبت نفسها للنبي،
وهي إللي نزلت فيها الآية :
"وَامْرَأَةً مُؤْمِنَةً إِنْ وَهَبَتْ نَفْسَهَا لِلنَّبِيِّ إِنْ أَرَادَ النَّبِيُّ أَنْ يَسْتَنْكِحَهَا خَالِصَةً لَكَ مِنْ دُونِ الْمُؤْمِنِينَ"
لكن هل الروايات دي صحيحة ولاّ لأ وهل فعل